من صجك بداية بأشكرك على طرحك لهالقضية الهامة جدا ،،
الصراحة اول اشي كل شي قسمة ونصيب ،،
يعني ماحد عارف ربنا وين مقدره الخير ،،
،،
يمكن يكون ما عنده مشاكل وربنا يرزقه بالاولاد والبنات بس يكونوا سبب تعاسته !!
وممكن العكس ربنا يحرمه او يحرمها شعور الأبوة أو الأمومة اللي هما أسمى المشاعر على سطح المعمورة ومع ذلك يكون سعيد في حياته مع زوجته وحبيبته اللي مش مقصرة معاه ،،
بس مش معناته نربط السعادة او نحصر اسبابها بوجود الأطفال أو عدمه .. يعني في هيك وفي هيك دايما ..
وبالنسبة لقصة هل مستعد او مستعدة تبقى مع الطرف التاني وتكمل معاه مشوار الحياة .. صراحة مش من الأصالة إنك تسيب رفيق الدرب وحبيب العمر يكمل الطريق لوحده وتتخلى عنه خاصة انه مش هوا السبب في المشكلة ، يعني لو كان غلطان والغلط منه وفي اسباب مقنعة للافتراق فما فيها مشاكل ، أما نحاسب الآخرين على اللي ما إلهم إيد فيه فهادا مش صح ولا معقول خاصة انه التاني هوا باختصار نصك التاني . يعني باختصار لو انا اللي تعرضت لهاالموقف بتحمل وبصبر وبدعي ربنا يعوضني خير .
،،
وما بلح على الطرف التاني وأضل أزكره بالموضوع خاصة إزا كان هوا المشكلة عنده زي اللي بتضل تحكي يريت عنا ولد يسلينا ! ولا نفسي أسمع كلمة ماما ! ولا أحلى اشي تسأله :: بالله مش حابب تسمع كلمة بابا من ابنك !!!! عنجد نذالة هيك !! زي كإنه ناقصه !!
بالعكس هيك حالة بدها إنه الحب يزيد بينهم علشان يخففوا على بعض الهم المشترك بينهم زي كل أمور الحياة ، وبعدها يحاولوا يجربوا الطرق الجديدة اللي بيطلع فيها العلم كل يوم ، وأهم إشي الزوجة ما تعمل عرس لو فكر الزوج يتزوج وحدة تانية إزا كانت هيا السبب لأنه أولا وأخيرا حلااااااااااال شرعا ، وتحاول تتفاهم معاه ليبعدوا المشاكل عن سفينة حبهم ..
،،
والله يحميكم جميعا و يكتبلكم السعادة في دنيتكم وآخرتكم ..
من صجك .. شكرا كمان مرة على هالموضوع اللي شدني أول ما وقعت عيني عليه
سوري على الاطالة
اختكم صراخ الصمت