| الحب الاول
قصـة حب
تبدي بأيام البرائة بأيام الدراسة الابتدائية و تنتهي بأيام الجامعات ايام الكلية
يـا محلة ذيج ايامنة الماترد..
من جان املنة شايلينة بجنط..
و احساسك الانثوي و احساس الخشن
بـ مدرسة حبنة يداومن مختلط..
جان المدرس يطرد المايحل
و من ماتجاوب اني اطيح بـ ورط
خاطر يطردني و اجيلك ركض
لو يسأل على اسمي اجاوب غلط
الزعل عند الكبار يترك حقد
وجنة احنة احسن من اهالي الوعي
جف الصلح منعرفة يعني شنو
تزعل و ترضة بس امد اصبعي
وقلدت انت انسان حب بوفة
و جنت اني اقلد اليدك بس بشعر
اكتب حروف اسمك فوك منهن نقط
و اتمنى كدامك يصيرن خضر
و اكشخ و اجيك العصر
و اضرب ركن و انتضر
و بحجة ترش بابكم تنتضر
متكول عيب الناس لأن حب صدك
مو مثل هسة دغش بس بستر
و اتلاكفتنة الجامعات و مشت
انت بكتر ذبوك و اني بكتر
و ذيج البرائة انمسحت من الوجه
المكياج سوة خدود وجهك صفر
كروبك بنية و مـ ادر كم ولد
تركض وياهم ما عدت تنتضر
ولمن تعرفني صرت تنحرج
تكلهم كرايب مو حبيب الزغر |