| رد: قصتي الأولى (الزمن طبعه كذا) قصه طويله من اجزاء
لجزاء السادس
الفصل الأول
كان يجري بقوه على الرصيف المخصص للمشاه وهو يشد على عيونه مايبغى يتذكر اللي صار بعد زيارة أبوه المفاجئه له بالشقه والحوار اللي دار بينهم ...
اصدم بواحد مانتبه له لأنه كان مغمض عيونه,,الشخص كمل جريه بس ياسر وقف يناظر فيه
الناس تحرك من حوله وهو واقف بشكل غريب وفجاءه نطقها لسانه قبل عقله :سعود
وقف الشخص عن الجري والتفت يدور على اللي يناديه,,ناظر بياسر وكان على وجهه معالم الدهشه :مين ياسر ..
تقرب منه ياسر بخطوات متردده ,,وقف يتفحص وجهه يدور فيه سعود صديقه القديم ..سعود ماصدق إن الشخص اللي واقف قدامه صديقه القديم ياسر فأخذه بالاحضإن وهو يصرخ بفرح :ياسر..
بعد عشر دقايق كانوا بسيارة ياسر يدورون مطعم مناسب يتعشون فيه ...
سعود :ياءالله مو مصدق أنت ياسر الجدي ..
ياسر:ههههههههههههههههههههههههههههههههههههههههههه هههههههههههههههههههههههه
وبعد ماتوقف عن الضحك :وانا مو مصدق أنت سعود المخروش..
سعود :ياءالله أيام تذكر يوم كنا ندرس بأمريكا ...
ياسر :وذيك لأيام تنسى ,,الا ماقلت لي كم لك من جيت ..
سعود :ست شهور ..
ياسر لف عليه بصدمه :ست شهور ومارحت لأهلك ..
سعود وهو يصد يناظر لطريق من شباك السياره :لاا,, ومابروحلهم ..
ياسر :بترجع أمريكا..
سعود :لا ,,مليت من الغربه بستقر هنا ...
ياسر :وأهلك بتبقى بعيد عنهم ..
سعود : خلني أنا هنا بعيد وهذا افضل لي ولهم ..
ياسر :بس عاد مالقيت إلى جده ,,الرياض أفضلك وبعد بعيد عن أهلك ..
سعود:أنا ابغى مكان مايعرفني فيه أحد ,,والرياض معارف ابوي اللي يعرفوني كثير فيها..وأنت وش تسوي هنا..
ياسر وعينه على لأشاره :تهاوشت مع أبوي ..
سعود :والسبب..
ياسر:ناصر ولد عمي رافع قضيه عشان ورث أبوه من تركة جدي ...
سعود :طيب حقه ..
ياسر :بس ابوي دخله شريك بالشركاتنا بدال مايعطيه نصيب أبوه ويفكنا..
سعود :لاتنسى إن اللي تكلم عنه يصير ولد أختي ..
ياسر :مانسيت والخيبه ..
سعود وهو يرفع يده بتهديد:ياسر ..
ياسر :ههههههههههه خلاص ياخوك امزح ..
سعود :ايه لاتنسى إن الناس مقامات ..
ياسر:خلك مني وقول ,, باستهزاء :جبت الشهاده الكبيره..
سعود :جبت بس مو اللي تبغاها ..
ياسر :ليش ,,لاتقولي ماكلمت طب..
سعود :الا بقولك ماكملت ...
ياسر :طيب ليه اذكر اخر سنه درست معك هناك كنت ماشي بالطب وش اللي ماخلاك تكمل ..
سعود:صح كنت ماشي فيه بس تدري اني دخلته بدون رغبه وهذي كانت رغبة أبوي ,,وبعد مافكرت فيها قلت بنفسي عنده عيال غيري خلهم ينفذون له رغباته ..
ياسر:طيب وش درست ..
سعود :فنون جميله ..
ياسر وهو يضحك :يعني بدال ماترجع بشهادة دكتور رجعت بشهادة رسام ...
سعود:ههههههههههههههههههههههههههههههههههههههههههههه ههههههههههههه ,,قلت بدال ماضيع عمري بدراسة شي ماحبه لتنفيذ رغبة انسإن بالاسم يعتبر أبوي انفذ رغبتي وحلمي..
ياسر:والله انك مصيبه وبعدين لاتنسى إن اللي تكلم عنه هذا أبوك ..
سعود :الله ولأبو,, شرد عياله وماعاد سأل فيهم ..
ياسر :وأمك ..
سعود:أخس واردى ,,تلقاها نست أن عندها ولد اسمه سعود ..
ياسر وهو يمسكه مع كتفه :فلها ياولد ويالله ننزل وصلنا...
سعود:ندخل وأشكالنا كذا ..
ياسر :وش فيها اشكالنا ..
سعود :لا حبيبي اذا كان شكلك عاجبك انا شكلي موعاجبني وماحب ادخل مكان زي كذا الا وأنا على
اخر شياكه ,,وبعدين اسمحلي مامشي مع واحد رابط شعره مافيه فرق بينه وبين البنات ..
ياسر وهو يمرر يده على ذقنه :واللحيه ذي مو ماليه عينك ,,بعدين جالس تشرط علي ,,انا نازل بتنزل حياك..ونزل من السياره ..
سعود :يوووه نزل من جده بيدخل بهالشكل ..ونزل وراه ..
بسمه:وش فيك ياحلوه شكلك كلش مو رايقه ..
فاتن :آآآه يابسمه ,,احس شابه داخلي حريقه ..
بسمه :ياكافي وراه ..
فاتن :السخيف سالم ولد عمي خاطبني ..
بسمه :والله وأنتي وش رايك ..
فاتن :انتي يابسمه تسألين عن رايي ,,وانتي أكثر وحده تدرين اني مستحيل أتزوج غير ياسر..
بسمه :فاتن لا تعلقين أمالك على ياسر وتضيعين الفرص من بين ايدينك ...
فاتن تذكرت كلام أمها يوم تقول يمكن امه تخطبله أحد من أهلها:بسمه في شي مخبيته عني ..
بسمه :شي مثل ايش ..
فاتن :يعني مثلاً أمك ماتبغاه ياخذني ..
بسمه :لا ماعتقد امي بتخليه ياخذ وحده غيرك وبعدين انا من زمإن ما سمعتها تكلم معه عن الزواج ..
فاتن :طيب ليش ..
بسمه :مره سألتها متى ياسر بيتزوج ..قالت انها ملت من الحنه عليه وهو ولا معطي الموضوع اهميه وتقول اذا بغى يتزوج يجي هو بنفسه يقول ..
فاتن :يعني بجلس معلقه لين حضرته يحن ...
بسمه :وانتي ليش رابطه نفسك فيه وافقي على ولد عمك وفتكي ...
فاتن بعصبيه :لا مستحيل اخذ احد غير ياسر ,,وبعدين انتي ممكن توافقين على أحد غير نايف ..
بسمه :مدري وش اقولك ,, بس اذا كان مثل ياسر اخاف يجي يوم ومن اليأس اوافق على غيره..
فاتن :هذي اللي ذابحتنا أحبه وأحبه ,,بكل سهوله بتخلين عن حبك وتزوجين غيره ..
بسمه :أجل اضيع عمري انتظره وهو ولا سأل عني,,,غيري الموضوع ..
فاتن سرحانه:........
بسمه :ايه صح ابتهال ليش ماجت معك ..
فاتن كانت سرجانه وفزت يوم تكلم بسمه فجاءه ..
فاتن وهي تضربها على كتفها:ياحماره خرشتي قلبي ,,وبعدين من حبك لأبتهال تسألين عنها..
بسمه :الصراحه أختك ثقيلة طينه ماتنحب ..
فاتن :احترمي نفسك ترى اللي تكلمين عنها أختى ,لاتقلبين الحقائق ابتهال خفيفة دم والكل يحبها ..
بسمه: اسكتي والي يعافيك أختك مايحبها إلى المطافيق اللي مثلها ,,و بعدين من متى الحب أنشاءالله ..
فاتن :ابتهال أختي ومن يومي أحبها,,بس حنا نختلف بطريقة التفكير عشان كذا نكون دايم على أختلاف ..
جت وهج ووقفت بمكان قريب من سالي اللي جالسه بالحديقه تذاكر ,,,شافتها سالي وناظرتها بأحتقار وقامت بتدخل للبيت ...
وهج بانكسار وبصوت مخنوق :سالي أنا آسفه ..
سالي ولا كأن أحد كلمها ودخلت بدون ماتعبرها ..
دخلت سالي لصاله اللي ماكان فيها إلى أم ناصر ...
أم ناصر :أبوي اتصل يبغاك تروحين له الخميس هذا ..
سالي :بالمشمش اروح له ..
أم ناصر :ياحافظ وليش أنشاءالله ..
وهي تجلس وتأخذ رموت التلفزيون تدور على المسلسل اللي تابعه :يعني ماتعر فين أبوك أكيد جايب لي عريس,,يبغاني اروح عنده عشان يدبسني فيه ...
أم ناصر :اقول عن السخافه ,,روحي شوفي وش يبغى فيك ..وبعدين انتي وش اللي مخوفك اذا كان عريس زي ماتقولين ارفضيه ومحد غاصبك عليه ..
سالي :طيب وليه كل هالفه ماروح ومايكون فيه مو ضوع من لأساس ..
أم ناصر بهدوء:اقول سالي ..
سالي:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه..
أم ناصر :وش فيك تضحكين ..
سالي :لأني ادري وش بتقولين ...
أم ناصر :طيب خقولك قبل مين ..
سالي:هيله واللي يسلمك مو وقته عندي امتحانات ..
أم ناصر :واللي عنده امتحانات يتفرج على التلفزيون ..
سالي :انا اشوف التلفزيون عشان اروق ,,وأنتي تغثين بالكلام بهالموضوع ..
أم ناصر :والله الولد مايتفوت ,,أبوه صديق أبوي ,,وسمعته زي الفل ..
سالي :طيب دام إن الولد زين كذا زوجيه بنتك ..
أم ناصر :وهج صغيره ومستحيل ازوجها قبل ماتخرج ..
سالي :طيب انا كبرها ,,وبعدين مو أنتي اللي صاجتني باسطوانة اني مثل بنتك ,,كيف ترضين علي اللي ماترضينه على بنتك...
أم ناصر :سالي حبيبتي انتي فعلاًمثل بنتي والله يشهد عمري مفضلت بناتي عليك ,,بس انتي ماتنقارانين بوهج ,,انتي ذكيه وفطينه وتفكيرك أكبر منك بعكس وهج اللي على نياتها وتصرف ببراءه...
سالي :مو عذر ,,,وقولي لأبوك عندي أمتحانات وماراح اجيه ,,واذا كان متمسك بالعريس لهدرجه يزوجه وحده من بناته اللي كثر نمل ..وقامت .
طلعت فوق وهي مقهوره على المسلسله اللي فاتت عليها بسبب سوالف أختها ,,مرت من جنب غرفة وهج وتذكرت الكلام اللي قالته امها عنها كسرة خاطره فقررت تدخل تصالحها ,,,
بداخلها:وهج طيبه وماتستغني عني وأكيد عايشه بضياع باليومين اللي ابتعدت فيهم عنها ..
طقت عليها الباب بس محد رد عليها فتحت الباب ولقت الغرفه فاضيه وسمعت صوت الماء جاي من الحمام ...
جت لسالي فكره شيطانيه على طول نفذتها ...
سكرت أنوار الغرفه ...وقفلت الغرفه وخذت المفتاح وطلعت لبلكونه وصكت الباب وراها...
سالي :اخاف البنت تستخف ,,لا هي متعوده على مقالب جنى الي تشيب الشعر هذا مقلب بسيط مايسوى عليها ,,وتقنع نفسها:بعدين هذا عقاب لها عشان ماتزعلني مره ثانيه....
طلعت وهج من الحمام وهي رابطه الروب عليها شافت أنوار الغرفه مسكره فخافت ركضت للباب بتطلع من الغرفه حاولت تفتح الباب لقته مقفل ومالقت المفتاح فيه تخبلت وجلست تبكي وتضرب الباب ,,,
سمعت سالي صوتها وهي تبكي فخافت عليها جلست تطق عليها باب البلكونه عشان تفتحلها ,,وهج سمعت الصوت اللي جاي من البلكونه فتخرعت زياده وجلست تبكي بشكل أكبر ...
سالي وهي تطق وبصراخ :وهج افتحي الباب هذا أنا سالي ,,وهج وهج انا سالي افتحي ...
وهج كانت تسمع صوت سالي بس تحسب انه جاي من برا الغرفه ماتوقعت تكون بالبلكونه ...
سالي وهي تضرب الباب بشكل أكبر وتهزه :وهج افتحي أنا سالي ...
وهج يوم شافت الباب يهتز بالظلام انرعبت وقامت تفتح النور ,,,
رجع لها صوت سالي :وهج وهج ,,وهج ردي علي وش صار فيك ...
وبعد مادققت وهج بالصوت انتبهت أنه جاي من البلكونه ...
اول مافتحت وهج الباب ,,,صرخت عليها سالي :ساعه عشان تفتحين الباب ..
وهج كانت بحاله ترثى لها اختلطت دموعها مع قطرات الماء النازله من شعرها وهج وهي تشاهق :وش تسوين هنا ..
سالي:ولك عين تسألين بعد ساعه محجوزه هنا ..
دخلت وهج للغرفه ومسكت الفوطه تجفف شعرها ..
سالي وهي تجلس على السرير :خفتي ..؟؟
وهج وهي تناظرها بالمرايه :ماشاءالله من متى حل العفو وانتهت المقاطعه ..
سالي :رحمتك ,,,بعد ماشفت دموعك ...
وهج اللي انقهرت من كلام سالي رمتها بالفوطه وهي تقول :عديمة احساس من يوم عرفتك,, عديمة احساس ,,لو الحجر يحس انتي ماحسيتي ..
سالي وهي تقوم لها :يالله عاد اللي يسمعك يقول أمس بس متعرفه علي ,,وانصدمتي فيني ..
وهج سكتت عنها لأن الكلام معها مامنه فايده ..
سالي عشان تغير الموضوع :وش سويتي بامتحان اليوم ..
وهج :زفت ..
سالي :وراه ,,كان مره سهل ..
وهج :فيه اشياء كثيره ماكنت دارستها وجات ..
سالي :ماعليه فيه وقت تعوضين بامتحان الشهر الثاني ...
وهج :اتمنى ,,وانتي وش سويتي ..
سالي وهي تغمز لها :لا تخافين علي انا فل ..
دخلت عليهم جُنى وشكلها ضايقه ومعها كتابها,,,
جنى وهي تجلس معهم على السرير :ماشاءالله تصالحتوا..
سالي :تصالحنا تخانقنا أنتي شكو ..
سكتت جُنى ماردت وهذا اثار استغرابهم مو من عادت جُنى تستسلم بسهوله ...
وهج :وش فيك جُنى أنتي مصخنه ..
جنى باستغراب:لا ,,ليه علي حراره ...
وهج :لا بس غريبه صايره مسالمه ..
جنى :اووووووف ضقت من الدراسه ,,وش رايكم نطلع ..
سالي :وش نطلع مو وقته ,,,
وهج :معها حق جُنى خل نطلع كلها ساعتين نغير فيها جو ونرجع مو مطولين ..
سالي :لا مستحيل اطلع قبل ماخلص المقرر..
جنى :بكيفك عمرك ماطلعتي أنا و وهج وهديل بنطلع وأنتي اجلسي ..
سالي :لا ماتطلعون وأنا محبوسه يانطلع سوى يانجلس ...
وهج : اللي يسمعكو يقول شوركم بيديكم ,,من بيسمحلكم تطلعون وعندكم أمتحانات ...
جُنى :هذا خلوه علي بس أنتو وافقو ..
سالي :اوكي أنا مو افقه بشوف كيف بتقنعينهم ...
جُنى :دامي اخذت موافقة الأميره سالي كل شي تمام ...وطلعت تركض لغرفتها ..
سالي بلاهه :فهمتي شي ..
وهج بتردد:تبغاين الصراحه شكلها بتوهقك ..
سالي :كيف ..
وهج :بتخلينا نطلع على مسئوليتك ...
سالي :لا مو ناقص مشاكل مع أمك ..
وهج بمكر:بس أنتي عطيتيها كلمه ,,ومايصير سالي ال........ تراجع عن كلمتها ولا تصير كلمتك كلمة مره ..
سالي :لا تحاولين ماراح اطلع بدون شور أختي ..
وهج بأحباط :اذا بنحتري موافقة أمي بنخيس وحنا ماطلعنا..
دخلت عليهم جنى معها عباتها وشنطتها والابتسامه شاقه الوجه ..
وهج :يافرحه ماتمت مافيه طلعه ..
جُنى :لا ليش حنا اتفقنا وانتهى الموضوع ..
سالي :اخذتي موافقة أمك ..
جُنى :دامك أنتي مو افقه ماله داعي نزعج أمي بالحنه ..
سالي :لا حبيبتي انتم تطلعون تستانسون وأنا كل شي يطيح على راسي ...
جنى وهي تجلس بجنبها وتبوسها على خدها :سالي حبيبتي خالتي بليز ,,والله بموت من الضيق ..
وهج :سالي واللي يخليك بموت وأطلع ..
سالي :طيب وش رايكم بها لأقتراح ,,اليوم مافيه طلعه لأني مستحيل اطلع وأنا ماخلصت ادراسه
بس مايصير خاطركم الي طيب جهزوا أنفسكم يوم لأربعاء لأحلى طلعه ...
جُنى بيأس :مع اني كنت ابغاها اليوم بس اهم شي ضمنت طلعه ...
سالي :طيب استانستي انقلعي برا بذاكر ...
جنى :طيب قبل ماطلع عطيني كتابك بكتب لك فيه شي ..
سالي وهي تمد لها الكتاب :اكتبي بخط حلو وبقلم رصاص ..
اكتب جُنى شي بسرعه على الكتاب ورجعته لسالي وهي تقول :لا تورينه وهج ,,وغمزة لها..
وهج اللي كانت جالسه على السرير وتذاكر:وييييييه بموت عاد اذا ماقريته ..
جنى :من القهر اللي فيك ...وطلعت من الغرفه وهي تطلع لوهج لسانها...
قرت سالي اللي بكتابها وقامت بتطلع ..
وهج :وين رايحه..
سالي :بروح اجيب لنا شي ناكله ..
اول ما طلعت سالي قفزت وهج من مكانها وخذت كتاب سالي تقرى اللي مكتوب فيه ...
سالي :خير وش بغيتي ...
جنى قامت بدون ماتكلم وفتحت درج التسريحه وطلعت منه كيسه ورمتها على السرير ..
سالي :وش هذي ..
جنى :افتحيها وتعرفين..
جلست سالي على السرير ..
قالت وهي ترفع الكيسه وتفرغها من محتوياتها :هذي مو الكيسه اللي رميناها وفيها صور رحاب ..وشهقت :هذي صورك ..
جنى :ايه هذي صوري ورفعت السلسال :وهذا سلسالي ...
سالي :صورك كامله..؟؟..وكيف جبتيها ..
جُنى :ايه كامله ,,جابتها لي رحاب اليوم..
سالي :وش قالت ..؟؟
جُنى:ماتكلمت معي كثير لأنها كانت جايه تختبر وتطلع ,,,بس كان شكلها مره متأثره باللي صار ,,كانت تكلم معي وعيونها بالارض ماتمنيت اشوفها بموقف زي كذا ..
سالي :ماسألتك عن صورها ..
جنى :لااااا..
سالي :أحسن ,,اصلاً ماراح اخليك ترجعينهن لها ..
جنى بصدمه :بس حنا ماتفقنا كذا ..
سالي :ليه عيوني لا تكونين تبغين ترجعين له الصور ,,,وضربتها على راسها :فتحي هذا
,,حنا وش يضمن لنا أن ماخذ احتياطاته ونسخ الصور ...
جنى بغباء :ياربي مافكرت بهالطريقه ..
سالي: لأنك غبي......وقطع كلامها دخول وهج المفاجيء..
وهج وهي متكتفه :ياعيني على لأسرار,,
جنى وسالي :ساكتين ....
وهج :يالله انطقو وش مخبين علي ..
سالي :مالك دخل ,, وهي تزفها بخفه عشان تمشي قدامها :ويالله قدامي على الغرفه انتهى وقت المماطله وبدا وقت الجد ...
جنى :خذو الباب معكم ...
سالي بسخريه :وش قالو لك حماليه ...
جنى :اقول صكي الباب ولا يكثر ..
وهج بدلع :وييييييه وش فيكم تكلمون كانكم شباب ..
زفت سالي بخشونه عشان تطلع من الغرفه وصكت الباب بقوه ...
جنى من داخل الغرفه :وجعوووه ..
سالي من برا:توجع العدو,,, ياحماره ...
وبعد مادخلوا غرفتهم ,,
وهج :وش بينكم ..
سالي :لو كنا نبغاك تدرين قلنالك..
وهج :ياعني ماراح تقولين لي ...
سالي :لا ..واسكتي بدرس ,,والله لوتنقصني ربع درجه لطلعها من عيونك ..
وهج :لا خلاص بسكت يمه صعيديه تخاف على الدرجه ,,
ماردت عليها سالي لأنها اندمجت بالمذاكره >>>>مثلي دافوره ههههههههههههههههههه.
نايف :فارس حرام عليك الي تسويه بنفسك ..
فارس ساكت ..
نايف:يعني كيف مو راد عليك ,,يعني عاجبك حالك كذا يافاقد ,, ياساكت وحزنان ..نايف يوم شاف مافيه ردة فعل من فارس كمل كلامه :نصحتك بس أنت اللي ماسمعت النصيحه ,,يعني عجبك اللي انحطيت فيه قدام أختك ..
فارس بصراخ:نايف ارجوك اسكت مو ناقصك ...
نايف باستهبال :يعني تكلم اشوا على بالي فقدت حاسة النطق ..
فارس اخذ مفاتيح سيارته وقام بيطلع ..
نايف : تعال وين رايح خذني معك ..
فارس وهو واقف على الباب :انا طالع بفتك منك تبغاني أخذك معي ...
نايف بعد ماطلع فارس :وش فيه ذا اللحين بنت الناس تذله يحط حرته فيني ,,مشكلة اللي يماشي سكارى ...
وبهالحضه دق جواله وكانت المتصله (هبه)
نايف :هلا والله بالغالين القاطعين ...
هبه بدلع :هلا نايف حبيبي كيفك ...
نايف :بخير من يوم سمعت صوتك ...
وتستمر المكالمه ....
طلع فارس من الشقه وركب سيارته وهو موداري وين يروح ,,,بعد اللي صارله مع جُنى صار يقضي اغلب وقته بالشرب ويجلس يومه كله نايم واذا صحى رجع يشرب ,,له اسبوع ماطلع من الشقه ,,اليوم طالع وماهو راجع إلى بعد مايلقى الفكره اللي بيدمر فيها جُنى وعائلتها بكبرها ..
ياسر :يالله عاد سعود مايصير ,,,حجزت لك معي ..
سعود : اوووف الشكوى لله بروح معك بس اسبوع ورجع ..
ياسر:المهم تجي معي ..
سعود :وأنت وش اللي معجلك على رجعه ..
ياسر :طولت على الشركه والأشغال متكدسه على راسي لازم ارجع اخلصها ,,بعدين خست من الرطوبه واشتقت لهوى الرياض ...
سعود :الله عاد اللي يسمعك يقول موسكو مو الرياض ...
يوم لأربعاء 8مساءً...
سالي :راجو شغل لfm
جنى :توقعون نرجع قبل ماتجي أمي أو تشكنا ...
سالي :خليها على الله انتو محد قايل لكم شي كل شي بيطيح على راسي ...
وهج :تستاهلين محد قالك تطيعنا ..
سالي :ايا الخاينه بدال ماتوقفين معي تقولين هالكلام,,,
وهج :اصلاً انا طالعه غصبن عني ..
سالي بقهر :جُنى سكتي أختك لأذبحها ...
جنى:وهج خلاص اسكتي بتخربين علينا الطلعه ,,ماذكرك نحيسه ...
وهج :ههههههههههههههههه تعلمتها منكم ..
سالي :والله تندمين على اللي قلتيه قبل شوي وتشوفين ...
وهج :من قهري كم مره قلت لك لاتلبسين العباه هذي بالسوق وأنتي تعاندين وتلبسينها ...
سالي :اوووووف وانتي شكو أحد قالك أنك مسئواله عني ,,أنا الكبيره هنا وأنا المسئوله ...
هديل وهي تمسك راسها :بس حنا بالسياره صدعتوا راسي ...
سالي :عشتوا حتى أنتي طلع لك لسان ...
جنى :ياربي خربت الطلعه بهوشتكم ...
وبعد نص ساعه كانوا يتمشون بالفيصليه و وهج وجُنى يطلعون من محل ويدخلون ثاني وفلسوا سالي اللي الطلعه كانت على حسابها ...
سالي تكلم هديل باستهزاء :أحد يعطي ذولا وجه صدق بدو ماشافوا خير ...
هديل براءه :حتى أنا بدويه ..
سالي :بس أنتي غير انتي طالعه على خالتك بدويه مودرن ...
جُنى وهي تأشر على قميص :وش رايك حلو مو ...
سالي :وععع مو حلو أنتي كل شي عند حلو ...
جنى :ماطلبت رايك أنا اسأل وهج ..
وهج :بالعكس حلو يجنن خذيه ,,وأنا بأخذ مثله بس لون ثاني ...
سالي :حراام عليكم فلستوني وأبوي بعد ماطنشته,, أكيد ماراح ينزل بحسابي لين اروحله ..
جُنى باستهبال :اقول سالي ممكن تسلفين جدي يصير أبوي شهر بس...
سالي وهي تزفها على خفيف :مو وقته هالكلام ,,, شوفي وش بتاخذين ,,خلصونا بنطلع وبعدين ماتشوفين هاللزقه اللي من الصبح ورانا ...
جنى :لزقه من تقصدين ,,
سالي:واحد شوفيه واقف قدام باب المحل ,, دخلنا ثلاث محلات وكله يمشي ورانا ...
طلعوا من المحل ..
سالي :يالله نروح نشرب لنا شي ....
هديل:انا جوعانه نبي نتعشى ..
سالي :ياحبيبي افتكينا من الحلوات خواتك جيتي أنتي عيوني تعشي بالبيت ...
وجاهم صوت من وراهم :ولا يهمكم عشاكم علي ...
صوت ثاني :لا حلفت عشاء الحلوين علي أنا ...
سالي :اووووف وش هالسخافه ..
وهج :سالي طنشي ...
رجع لهم الصوت :طيب ماتبغون العشاء خذوا الرقم **********
التفت عليه سالي :خير وش تبي ..
الشاب :اخيراً مابغيتوا تعطونا وجه ..
سالي بعصبيه:صدق قليل أدب ,,حل عنا يأخي ..
وكملت طريقها...بس الشاب ماتركهم بحالهم وجلسوا يمشي وراهم هو صديقه ...
وهج وهي ترتجف بخوف :سالي بليز طنشيهم بيملون ويتركونا بحالنا ..
هديل وهي تبكي:خلاص بنطلع من هنا مانبغى شي ..
جنى:اذا سكتنا لهم بيتمادون ...
الشاب :طيب ليه العصبيه ياحلوه ..
صديقه :حركه كأنها تقول امش وراي ...
الشاب :ههههههههههههههههههههههههههههه,,طيب بمشي وراها بدون ماتقول ..
سالي بهالحضه ماتحملت وبصراخ: احترم الفاظك ياحقير ,,صدق خايس ..
الشاب :والله الخايسه اللي تلبس مثل عباتك وتدور بالاسواق بدون رجال ...
...تجمعوا الناس عليهم وصاروا بموقف لا يحسدون عليه ,, وهج كانت متجمده من الرعب مو مصدقه الموقف اللي نحطوا فيه وهديل كانت تبكي وماسكه فيها كانت بجد تكسر الخاطر
جنى كان دمها محروق ودها تقوم وتمسح بوجه هالحقير الارض....
سالي :ياحيوان الخايسه أمك اللي جابتك ...
الشاب تنرفز وتقدم بيضربها بس صديقه مسكه :خلها عنك هذي وحده مو متربيه ,,مالقت رجال يمسكها ...
سالي : لا عاد أنت المتربي والرجال ,,لو كنت رجال ماجلست تلاحق بنات الناس ...
الشاب :متربي غصبا ً عنك يالتربية الشوارع ...
سالي باستهزاء :طيب انا تربية شوارع ,,اوريك وش تسوي تربية الشوارع ,,,وعطته كف صوته تردد بالفيصليه وسمعوه كل أهل الرياض (ههههههههههههههههههههههههههههه)
هديل شهقت برعب يوم شافت الكف وراحت تركض برعب إلى شخص لمحته وعرفته رغم أنها ماشفته إلى مره وكان هو ملجأها الوحيد ..
نهاية الفصل الأول من الجزاء السادس,,,
اتمنى يحوز الجزاء على رضاكم
ولا تنسون التوقعات للي بيصير بعد اخر مو قف
ومن هو الشخص اللي راحتله هديل ..؟؟
وياترى الموقف بينتهي بهالسهوله .....
تصرف سالي توقعون كان صح ,,ولاكان فيه اللي اصح منه ...
فارس بيتوصل للفكره اللي يدمر فيها جُنى ,,,
سعود شخصيه جديده ,,هل بيكون لها دور بالقصه ,,
الجزاء السادس
الفصل الثاني ,,
ياسر وهو يوقف بوجه الشاب اللي كان مندفع بتهور باتجاه سالي ورفع يده بتهديد:حاول تقرب منهم وشف وش يصيرك والله لمحيك من على وجه لأرض...
الشاب :وانت وش حاشرك هنا ,,وخر بربي بنت ال....... اللي وراك ...
ياسر :لاياشيخ تهجم على بنات الناس وماتبغى أحد يوقف بوجهك ...
وبهالوقت جوا الأمن ومسكوا الشاب وصديقه ,,
*سعود كان يناظر الموقف من بعيد باستغراب ومو فاهم وش اللي قاعد يصير...
ياسر اللي كان ماسك يد هديل مشى بعيد عن تجمهر الناس اشاره منه للبنات عشان يلحقونه بهدوء ,,بس اللي ماتوقعه ياسر إن سالي جلست بمكانها تطالع بالشاب اللي من صدمة الموقف اللي انحط فيه قدام العالم جالس يصارخ ويهدد ويتوعد والسكورتيه ماسكينه هو وصديقه ,,,
سالي بصوت عالي عشان يسمعه الشاب :ياشين الفشيله تمرمطت كرامته وانمسح فيه الارض ...
الشاب بهالحضه جن جنونه وافلت نفسه من السكورتيه واتجه لسالي اللي كانت واقفه بصلابه وماتحركت شبر من مكانها ,,مد يده بيضربها بس يد ياسر كانت اسرع منه ومسكت يده ولفها ورى ضهره ورماه على لأرض ..وجر سالي من يدها وزفها قدامه عشان تمشي ,,ونظرت الاحتقار من الناس تلاحقها,,
وصلو للبنات اللي كانوا يتابعون الموقف من بعيد ,,البنات كلهم كانوا بحاله يرثى لها ,,وهج ماوقفت بكاها اللي بالصمت ,,وهديل كانت دموعها مغرقه وجها وهذ اللي كان مسكت ياسر ولا كان صارت علوم ,,جُنى صح كانت بالبدايه متهوره مع سالي,, بس بعد ماشافت الولد وهو يتجه بيضرب سالي خافت وحست بالغلطه الكبيره اللي ارتكبوها يوم جو بدون وجود رجال معهم يحميهم ...
اتصل ياسر بالسعود يطلب منه ينتظره تحت عند المواقف ,,ركبوا المصعد عشان ينزلون تحت ,,
اول ماركبوا المصعد فكت سالي لثامهاوجلست تحرك يدها قدام وجها دلاله على الحر ,,وسط دهشة ياسر وذهول البنات ...
وهج ماقدرت تمنع نفسها انها تنطق باستغراب :سالي..
انفجرت سالي بضحك وهي ترجع تربط لثامها ..
جنى بصوت واطي وبنبرة اسستخفاف :وش تضحكين عليه ..؟؟
سالي ماعبرتها وكملة ضحك ...
ياسر بسخريه :يمكن تضحك مبسوطه على سواد وجها,,!!
سالي :اللحين البنت تسألني أنت ليش قاط عمرك بالنص ..
ناظرها ياسر باحتقار وجه كلامه لوهج وهو يطلع من المصعد :ناصر كيف يتركم تطلعون لحالكم ..
وهج ماقدرت تنطق وفضلت الصمت ..
جنى تكلمت وانقذتها :ناصر مايدري ,,حناطالعين بدون محد يدري ...
ياسرباستنكار :وشو كيف تطلعون بدون شور أحد ...
سالي وهي تحرك اصبعها وتأشر على نفسها بغرور:طالعين بشوري عندك مانع ...
ياسر التف عليها بحده وقال :أنتي تسكتين ,,أنا قايل من قبل ,,أنتي كلك على بعضك خطر على اللي حولك ...
سالي :وأنا اقولك اترك ارئك لنفسك ,,ومنت مسؤال عنا ولالك سلطه علينا ...
ياسر وهو يأشر على البنات :ذولي بنات عمي وغصباً عنك لي سلطه عليهن ...
وصلو ا لمواقف ,,,
ياسر :يالله قدامي على السياره وعلى البيت طوالي وأنا بمشي وراكم بسيارتي ...
سالي بضحكتها المغروره اللي تنرفز الواحد واطلعه من طوره غصب:هههههههههههههههههههه ,,,شوف من بيطيعك,,وبميوعه: زين حبوب ...وركبت السياره ..
بعد ماركبوا البنات السياره ,,,طلب ياسر من السواق مايتحرك وجلس يكلم بالجوال ثواني وجاه سعود اللي سأله وش صاير قاله ياسر أنه بيعلمه بعدين وعطاه مفاتيح سيارته ,,
بعدين فتح الباب وجلس بالكرسي اللي جنب السواق وطلب منه يوصلهم للبيت ...
سالي:هااي أنت وين راكب ,,عيب يابابا ماتشوفنا بنات لحالنا مايصير تركب معنا...
ياسر:ماشاءالله تعرفين العيب علمي نفسك قبل ,,,العيب انك تطلع من عندأهلك وتروحين تسكعين بلأسواق ...
سالي :ههههههههههههههههههههههههههههههههههههههه ,,صح أنا طلعت من عند اهلي بس مارحت اتسكع بالاسواق رحت اسكن عند أختي ...
جنى انفجرت بضحكه غبيه بغير وقتها كملتها معها هديل ...
ياسر بداخله :سخيفه وسخافه تقطر منك ,,,لازم أمسك اعصابي لأني لوفقدت اعصابي مدري وش بيصير اقل شي ممكن اسويه بمسكها ورميها من السياره ,,
سالي بهبال :جنى وراك ماتردين ,,ولا القطوه اكلت ألسانك ...
جنى استغربت ويوم فهمت وش تقصد سالي رجعت تضحك بصوت أعلى ,,,
سالي :اقول جُنى انزلي بكرامتك أحسن ...
ياسر يوجه كلامه لراجو :أنت واقف للين اللحين ,, يالله حرك على البيت ...
سالي :راجو لاتحرك لين اقولك ,,,
ياسر بعصبيه :هييي أنت اصمخ اقولك تحرك للبيت ..
راجو بخوف:ماما سالي ,,,روح بيت ..
ياسر بصراخ :أنت حمار ماتفهم اقولك روح للبيت ..
حرك راجو بدون أي كلمه زياده ...
سالي :اقووول جُنى طحتي من عيني ماعندك كرامه ,,,بس الصراحه معذوره من وين بتجيبين الكرامه من أبوك الحرامي ,,,ولا من أمك بنت هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه, ,اقول صج جنى جدتك كانت هههههههههههههههههههههههههههههههههههههههههههههههههه هههههههههههههههههههههههههههه ماقدر اتصور ويه عاد جدك مالقى غير ههههههههههههههههههههههههههههه...
جُنى طلعت عيونها من مكانها ماهي فاهمه وش السالفه ,,,وهج اللي صدق انصدمت بكلام سالي اللي ماتوقعت ابد يطلع منها لأن ياسر مستحيل يسكت على كلامها ...
ياسر اللي كان يمتلك اعصاب حديديه مع كل الأهانات اللي وجهتا له سالي بقى ثابت وماحقق لها مبتغاه باستثارته ,,, التزم الصمت وماقال إلى كلمه وحده يوم وصلو بيت ابوناصر وبعدها نزل من السياره واتجه لشارع الرئيسي وقف تاكسي ركبه وراح ,,,
نزلوا البنات اللي كانوا ساكتين مافيه أحد يتكلم غير جُنى وسالي ....
عادل :حمدالله على السلامه ,,من وين جايين ..؟؟
جُنى وهي تحط يدها على قلبها:حسبي الله عليك طيحت قلبي حسبتك ناصر ...
وهج :أمي جات ...
عادل:لاااتوها,, ماتوقع تجي قبل 12 ..
سالي وهي تجلس على الكراسي اللي بالحديقه اللي كان جالس فيها عادل قبلهم :ويه ,,افتكيت من عوار الراس ,,لودرت انا طالعين من وراها بتسويلنا سالفه..
عادل:والله لعلم انا ماقلتولي من وين جايين ...
سالي بتهديد:افتح فمك بكلمه وشووف وش بسويلك ...
هديل :وين سامي ..؟؟
عادل:سامي خلاص فل ترك البيت لك ..؟؟
هديل وهي شوي وتصيح:كذاب وين راح سامي...
وهج :عادل مو ناقصين صياحها ,,قلها وين راح سامي ..
عادل:اووووووه والله انكم اذى خلوني العب عليها شوي ...
جنى وهي معصبه :ترا رفعت ضغطي انطق وين راح سامي ولا باضربك بالشنطه على راسك..
عادل:يمه بيموتون لو مادروا ...
سالي وهي تنزل صندلها(الله يكرمكم) وترفع بوجهه:انا اللي بضربك انا ماتكلمت...
عادل :خلاص توبه بقول ,,راح الدكان ...
وهج :وهذي اخرتها صدق ماعندكم سالفة ..
عادل:وانا وش دخلني ,,هم الملاقيف اللي يبغون يعرفون كل شي ...
سالي :وش عندكم راجعين اليوم من النادي بدري ...
عادل:ياماما امتحانات مافيه نادي ...
سالي :طيب وين كنتم طالعين بعد المغرب...
عادل:لا ياشيخه اللحين ماتبغون تقولولي وانا طلعتم وانتم بنات ,,انا الولد تبغوني اقولكم وين رحت ...
سالي وهي تقوم بتدخل :ياعم روح مصدق عمرك قال ايش قال ولد خير ياطير وأن صرت ولد ,,,الي يسمعك يقول اكتشفت الذره ...
سعود:ياسر ماراح تقولي وش فيك ,,وتفسرلي اللي صاربالسوق...
ياسر بداخله :من مصلحتك ياسعود ماتدري لأني لوكنت مكانك مايشرفني وحده زي هذي اتكون أختي ,,بعدين وش بتستفيد حتى لوقلت لك ماراح تغير شي لأنك مو ناوي تخبر أحد برجعتك للبلاد ,,والموضوع على بعضه بيسبب احراج لي ولك فالافضل ماتدري..
سعود :ياهوووووه يابو الشباب ,,انا اسألك وش فيك تروح تسرح ...
ياسر :سعود لو سمحت مابغى تكلم بهالموضوع ..
سعود اللي الفضول ذابحه بس مابيده شي :على راحتك ,,بتروح لأهلك ..
ياسر:لا اليوم بجلس معك بالشقه ,,وبكره لاطلعت من الشركه بروح لهم ..
سعود:حلو عشان نسترجع ذكريات أمريكا ..
ياسر:هههههههههههههههههههههههههههههههههههه,,والل ه ذكريات ...
دخل نايف البيت وهويدندن بأغنية راشد الماجد (يالله نعيش بدنيا غير ..مليانه حب مليانه خير ..فيه الحبيب انتا وبس الأول أنتا والأخير...) وفجاءه جلس يغني اغنية عبدالمجيد عبدالله الحب الجديد (ايش جابك من بلادك لبلادي ...ايش اللي خلاك تسكن في فؤادي..احس بمهجتي لك شي غير عادي
..كل ماشوفك يزيد ياذ الحب الجديد )
,,وهو يتذكر الموقف الأخير اللي صارله مع جنى بدايةً كيف تفاجيء بوجودها بالمجلس وكيف انصدمت بوجوده وجلست تغمض عيونها وترجع تفتحها وكأنها تمنى أنها تحلم وهو مو موجود فعلاً ,, وكيف مسك ايدها وساعدها يوم كانت بتطيح ,, وابتسم يوم تذكر كيف هربت من المجلس أول ماترك يدها,,
نايف يكلم نفسه :ياءالله صدق اللي صار,, صدق لساني خاني ونطق لها ,,ولا أنا اتخيل ,,ناظر لشال الأسود الصغير اللي كان رابطه على يده قرب من وجهه وجلس يستشنق ريحته ,,,
فاتن وهي تحب يدها على الوجهين:الحمد الله والشكر وش جالس تسوي ...
نايف اللي تفاجأبوجودها:متى جيتي مانتبهتلك ...
فاتن :والله العظيم أنك مو صاحي ,,حبيبي انا جالسه من زمان هنا أنت اللي داخل كأنك مسطول تغني وبعدين جلست وكأنك مخدر ,,وبالأخيرسويتلي حركتك الهبلا هذي ...
نايف عشان يغير الموضوع :أمي وينها ..؟؟
فاتن :بيت خالي ..ليه تسأل ,,,
نايف:مالك دخل ...
وبعد صمت دقائق,,
فاتن:دريت...
نايف بعد أهتمام:لا ,,وش عندك ..
فاتن بعبط :انخطبت ...
نايف باستغراب :والله مبرووك ,,ومن اللي داعيه عليه أمه اللي خطبك ...
فاتن :سالم ولد عمي ..
نايف:سالم عاد ,,وش يبي بوحده مثلك ...
فاتن :بس ابشرك رفضته...
نايف:اشوا والله رحمته ,,لأول مره تسوي شي زين تشكرين عليه ..
فاتن:بس اخاف ابوي يغصبني عليه ...
نايف :أخاف يكون هو اللي مغصوب عليك ...
فاتن :وش فيك أنت ليه تكلمني كذا...
نايف :كيف تبغيني أكلمك ماعرف اتكلم إلى كذا ...
فاتن :وش عندك الأيام هذي ماتجلس بالبيت ..
نايف وهويمدد يديه على الكنبه من فوق ويحط رجل على رجل :لابس قررت انجح المستوى هذا وتعرفين البيت مايساعد الواحد على الدراسه ..
فاتن بسخريه :والله مبروك اخيراًمابغيت تتخذ هالقرار الخطير ..
نايف وهو يقوم :اقووووول والله مو برايق لك,, مبسوط ومابغى اخرب وناستي ولا وريتك شغل الله فيك ...
فاتن بعد ماراح :هذا اللي طلع معك,,,الصراحه أخوان زيادة قلق بس..
وطلعت الموبايل اللي كان يدق ونايف موجود بس كان على الهزاز ,,,
كانت فيه5 مسدكول من طلال,,1من خالد( واحد توها ماتعرفه عليه بس يختلف كثير عن اللي كانت تكلمهم شخصيته مره قويه عرفتها عليه صديقتها ابتسام يصير صاحب اللي تكلمه ,, سمع اصدقائه يتكلمون عن فاتن وأنه محد قدر يطيحها فحب يجرب حظه معها,,ويوم سألوه الشباب عن رايه فيها قال أنها عادي ومثل باقي البنات اللي يكلمهم ,,وهذا اللي قهر فاتن اللي انقلت لها أبتسام الكلام ,,وقررت تجيب راسه )...
فز من نومه وهو يصرخ:لااااااااااااااااااااااااااااااااااا,,,,
جلس ناصر على سريره وهو يلهث وعلى لسانه كلمه وحده يرددها:سامحني يبه ,,,سامحني...
وبعد ماهدأ قام توضى وصلى ركعتين ورجع ينام بس النوم مجافيه ...
ناصر :ليش ياربي يصيرلي كذا معقوله انا أخطأت يوم رضيت بالصلح مع عمي ,,بس هذا كان أفضل خيار ..وأمي كانت موافقه ,,أنا مابغيت اتصرف تصرف متهور يضيع فيه حق أخواني لو كان الأمر يتعلق فيني لحالي فلوس الدنيا كلها ماترضيني ولاترجع كرامة أبوي اللي انهدرت بعد موته,,,الله لايسامحك ياعمي ليش سويت فينا كذا وش اخذت فلوس شركات عقارات ,,,هذا هي بترجع لنا وبعد ماكبرتها وضاعفتها ,,ياعني ماستفدت بحياتك شي غير كرهي اللي يايدمرني يايدمرك ....
بمكان ثاني كان فارس يحبك أول خيوط خطته اللي شعارها ابشع إنواع الانتقام
بيدفع ثمنها أشخاص أبرياء ذنبهم الوحيد رابط الأخوه ,,,
وتحت نفس سقف البيت كانت فيها أنسانه تدفع ثمن أهمال الأهل وبعدهم عن ابنائهم ,, كانت رغد تبكي بحراره مثل عادتها كل ليله من اربع شهور,, ,, وجلست تستعيد ذكرياتهامع حبيبها الخاين اللي وثقت فيه وقضت معه ليالي طويله وهي تكلمه وبعدين صاروا يتقابلون بالأماكن عامه لين ذيك الليله المشئومه اللي كانوا أهلها كلهم طالعين.. ومافيه إلى رحاب ونايمه,,تذكرت كيف جلس يترجاها تطلع معه لين وافقت بعد
ماهددها يقطع علاقته معها ,, ليين وصلت بذكرياتها للموقف اللي مافارق مخيلتها من اربع شهور جلست تبكي بصوت مسموع وتوون بألم وهي تسترجع اللي صار لحضه بالحضه ,,وكيف صابهاانهيارعصبي بعد ذيك الليله نومت على اثره شهر بالمستشفى,,ومن بعد اللي صار ماغادرت غرفتها وقطعت كل اتصالاتها بالناس
وقضت ايامها بألم وعذاب وندم بوقت ماينفع فيه الندم ,,,
صحت جُنى على صوت المنبه الساعه 9صباحاً سوت لها نسكافيه وطلعت تشربها بالحديقه ,,
ناصر من رواها:ماشاءالله وش هالنشاط اللي نازل عليك اليوم ...
جُنى:يمه هذا أنت من وين طلعت ,,,
ناصر :ههههههههههههههههههههه,,من صدقك خفتي ماتوقعتك أنتي بذات تخافين ...
جُنى:ليش أنا مو بشر ...
ناصر وهو ياخذ كوب النسكافيه من يدها ويشربه :وااااااو لذيذ ,,وش فيك تطالعيني كذا عيب أنا أخوك الكبير ...
جنى وهي مقهوره :أنا اللي عيب علي ,,,عيب عليك أنت ياكبير ...
ناصر وهو يشدها مع اذنهابقوه :كم مره حذرتك من قلة الأدب ذي ..
جنى وهي تمسك يده اللي ماسكه اذنها : آسفه ,,خلاص توبه والله معيدها...
ناصر :يويلك اذا عدتيها ,,أنا طالع قولي لأمي لاتنسى العزيمه الليله ...
جُنى بلقافه :أي عزيمه ..؟؟
ناصر بنظرات تخوف :مالك دخل عزيمة رياجيل ,,لاتنسين تقولين لأمي ..
بعد ماطلع ناصر صرخت جُنى :كريه شرب النسكافيه حقتي وقرصني مع اذني
وهزأني ,,وجلست تصرخ بقهر ...
جنى : خروح اسأل أمي وش سالفة العزيمه..؟
دخلت على أمها بالمطبخ,,
جنى:يمه وش سالفة العزيمه ؟!
أم ناصر:ايه صح العزيمه والله أني نسيتها,,وطلعت جوالها وجلست تدق رقم ,,
جنى:لحضه أول قولي وش مناسبة العزيمه ...
أم ناصر وهي تحط الجوال على أذنها :بعدين ,,,بعدين..
قامت جنى من على كرسيها وهي تسوي بوجها حركات تدل على أن الوضع مو عاجبها..طنشتهاأمها وسوت مكالمتها ..
دخل ياسر الشركه أول ماشافوه موظفي الاستقبال جلسوا يتحمدون له بالسلامه ..
كمل ياسر طريقه لمكتبه اللي بالدور الثالث وهو يحس أنه اشتاق لكل ركن في الشركه ,,ياسر لنفسه :اغبى شي كنت بسويه اني فكرت اتخلى عن الشركه بهالسهوله ,,,كل شبر بهالشركه لي ذكرى فيه مستحيل اتخلى عنها وابدأ من جديد وضيع شقى عمري والمجد اللي بنيته ...
أول ماشافه معتز سكرتيره فز من مكانه: ألف حمدالله على السلامه طال عمرك ...
ياسر وهويدخل مكتبه :الله يسلمك ,,معتز جب لي كل الشغل المتأخر على حسب الأهميه ..
معتز اللي واقف على الباب:حاضر استاز ...
ياسر لمعتز قبل مايطلع :وجب لي كابتشينو ,,ولاتحول لي أي اتصال ...
طلع معتز يجيب الأوراق اللي طلبها منه ياسر شاف جمال سكرتير أبوياسر :اهلين شو بدك ...
جمال وهو يأشر على المكتب براسه :شرف الاستاز ...
معتز :آه هلى اجا ...
جمال: مابتعرف شو عنده غايب كل هالمده ..
معتز وهو يفتش بدروج مكتبه :لا مابعرف ,,بس باين عليه جاي من سفر لأن موده مره مزبوط ..
جمال :كويس أنا رايح بلغ والده ...
ياسر وهو يرمي الأوراق اللي بيده بعد مادق التلفون :اوووووووف أنا ماقلت له لايحولي أي مكالمه ,,يووه هذا الوالد ...
ياسر:هلا طال عمرك ...
أبوياسر :تعالي بالمكتب ...
ياسر :دقايق واكون عندك ..
وبمكتب أبو ياسر ...
ابوياسر:ادري أنك متضايق من اللي صار بس صدقني كل اللي سويه لمصلحتك أنت وأخوانك ,,لاتخاف ناصر عمره ماراح ياخذ مكانتك بالشركه مهما صارت نسبة اسهمه بالشركه ولاتنسى أنك نائب رئيس مجلس الأداره فلاتخلي موضوع سخيف زي كذا يأثر على شغلك,,وعشان ترضى هذ ملف المناصقه الجديده اللي ربحتها الشركه وراح نجني من وراها ملايين وخصوصاً أنا بنكون المورد الوحيد فالمنطقه كلها كل الصلاحيات لك سو اللي تبي فيها ومحد راح يعترض طريقك ...
ناظر ياسر أبوه بفرحه هذا كان حلم له :مشكور طال عمرك ,,ومالك الا اللي يبيض وجهك ..
وعلى الغداء كانت الحرب قائمه بين سامي وهديل,,,
أم ناصر :سامي خلاص اسكت عن أختك ,,خلنا نتغداء بهدواء..
سامي :لاااه كله علي أنا هي اللي تحر ش فيني ..
هديل :كذاب أنت اللي بديت ...
عادل باستهبال:خلاص لا أنت ولاهي أنا اللي بديت ...
أم ناصر بتحذير:عادل ,,اللي يتكلم اللحين يويله ...
جلست هديل تاكل وهي شوي وتبكي ,,وسامي يناظر فيها ويسوس حركات تقهرها..
هديل :يمه شوفيه ..
أم ناصر :سامي وبعدين معك ...
سامي :خلاص ماراح اسوي شي ,,وسكت وجلس يأكل ..
وهج :لا سالي هذا كاسي ..
سالي :لاياشيخه هذا حقي ...
وهج :والله حقي أنا من اليوم اشرب فيه ..
أم ناصر :لاحول ولاقوة ألابالله ,,خلصنا من الكبار بدوا الصغار...
جنى :ههههههههههههههههههههههههههههههههههههههههههه,,وش فيك يمه عكستيها ...
أم ناصر :وانتي مايفوتك شي ,,وش اسوي دار راسي منكم ..
سالي :وش هذا ليش ماحطيتو لي كأس بايش أشرب يعني بالملعقه ..
عادل:ه ه ه ,,ماتضحك ..
سالي :صدق سخيف ماتشوفني طايحه بورطه تجلس تتريق علي ..
أم ناصر :الحمدالله والشكر سويتيها ورطه قومي جيبي لك كأس وريحنا من حنتك ..
سالي :أنا سالي ,,بنت صالح ال.......,, اولااو أقوم من الغداء عشإن اجيب كأس مويا ...
وهج :ميري ,,ميري ..
سالي :وش تبغين فيها ..
وهج :ماتبغين كأس انتي ..
وبعد ماجت ميري :جيبي كأس ورجعيه ...
ميري :وت ...
وهج :جيبي كأس ورجعيه ...
سالي:هههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه..
وهج :وجع ليش تضحكين ,,وانتي روحي جيبي اللي قلته لك ...
أم ناصر :الحمدالله والشكر وليش ترجعه ..
وهج :وش ترجع ..
سالي :والله أنك غبيه تقولين للأدميه جيبي كأس مويا ورجعيه ...
وهج بأستغراب :انا قلته ..
جنى :لاجنيتك اللي قالته ,,ايه أنت تو تقولينه ..
وهج :والله أنا قلته ...
سالي :قسم بالله قلتيه ...
وهج :كله منكم طلعت براسي قرون من هرجكم وأنا تونتي صاحيه من النوم ...
سالي :لاتحطين كل شي علينا قولي أنك خرفتي...
وهج وهي تحرك الشوكه بتهديد قدام وجها:ساليوووووه حلي عني مو ناقصتك ...
أم ناصر :خلاااص ,,أنتو على كل كلمه تخانقون ...
وبعد صمت دقائق ..
سالي :سامي ,,ساميوووه ..
سامي اللي مندمج بالأكل :هااااه ...
سالي :بسك أكل بتنفجر ...
أم ناصر :سالي ,,قولي آآآمين ...
سالي :آآآآآآمين ..
أم ناصر :جعلك لرجل الله يعقلك ...
سالي :ليه وش قالولك مجنونه ,,بعدين كم مره قلت لك ,,لاتدعين اني اتزوج ..
أم ناصر :ولايهمك بكل صلاه بدعيلك ..
سالي بنرفزه :يوووووه مالقيتي إلى هالدعوه,,, أجل حتى أنا بكل صلاه بدعيلك بالرجل ...
أم ناصر:سالي ياقليلة الأدب ..
سالي :ياربي هذي جزاتي أني بدعيلك ,,ولاوحده بست عيال من يبيها ..
أم ناصر :سالي ومرض انشاءالله وش هالكلام ...
سالي:ههههههههههههههههههههههههههههههههههههههههههههه هههههههههههههههههههههههههههههههههه..محد قالك تباريني تدرين لساني متبري مني ...
وهج :الأعتراف بالحق فضيله ...
سالي:أحلى يم الحكم ,,بأي مقرر قريرتي هالحكمه ...
وهج وهي تهز راسه بملل:سالي واللي يرحم والديك اسكتي ..
سالي :وأن ماسكت ..
وهج وهي تقوم :الحمدالله ..
سالي:اجلسي ماتغديتي,,جنى ماودك تلحقينها ..
أم ناصر:لا أنا اللي بلحقها ..وقامت ..
سالي:واااااااو ,يالله عادل سامي قوموا ..
عادل وهو يوقف:أنا بقوم ,,بس سامي لاتحاوليني ماهو قايم ..
جنى :اقووول خالتي مو كنك من جلستي تكلمين ماشوفك تأكلين ..
سالي :ليه انتي جالسه تراقبيني ...
قامت هديل وبعدها سامي ,,وبقى جنى وسالي على الطاوله ..
سالي بشرود :جنى وش قصده بالكلام اللي قاله ..
جنى وهي ترفع راسها عن الأكل:مين !!
سالي:ياسر...
نهاية الجزاء السادس....
لاتنسون توقعاتكم للجزاء السابع ,,, |