التكملة




البارت العاااشر

بعد ناوي جرح ثاني !!
ما بقي بقلبي مكان تجرحه
انت لو مثلي تعاني
كان ظلك لو تطوله - تذبحه
ودي أشكي / وخايف أبكي *
لو تكلمت وشكيت !
كل كلمة فيها ببكي
وانت عني ما دريت
[ كافي وارجع لي وغلاتي ]
وانت يمي وبين إيديني
أنســى وأدور عليك !
حتى نفسي / ما تبيني
يابني آدم تبيـــــــــك !
كافي موضوعات حياتي
بعد أنت يا حياتي
أخاف أموت ولا أشوفك
تكفـى * أرجع لي وغلاتي
لو تشوف الهم فيني *
حالتي تصعـــب عليـك
أنت وينك ياخي وينـــك !!
بأخر الدنيا أجيــك /
آه لو يصـدق زماني
ما أبي أكثر من ثواني
والله أترجى ظروفك
تكفـى أرجع لي وغلاتي !
*
*
*
:عمي هذا هم وصلوووووا وواقفين في الحديقه
/
قام ابو راشد وابو يوسف واسامه هالمرره كان معاهم
لكن وقفهم صوت ام راشد
:وانا بعد بجي معاكم ومعاي وهم
ناظروا البنت اللي واقفه وراها ومتغطيه بالكامل معنو خلاص صارت وحده من العايله
ابو راشد :لا وين تروحون معانا خلكم هنا
ام راشد :لا البنت لازم تواجه عمها
طلعوا الخمسه
الثلاثه قدام
وام راشد ووهم وراهم
اول ماشافت عمها وولد عمها سيف رجولها بدت ترجف بخوف خايفه ان سيف يفضحها قدامهم
جاء صوت عمها الساخر :أخيراً بتردون لي بنت اخوي اللي حابسينها عندكم
وناداها :وهــــــم تعالي خلينا نمشي فضحتينا بين الناس
ظلت واقفه وهي متمسكه بأم راشد بقوه ولاتحركت جامده مكانها
رد اسامه بقوه وثقه :وين تروح وزوجها موجود هنا
صرخ سيف :ومنو زوجها ان شاء الله
اسامه :انا زوجها ليه مو مالي عينك
تقرب منه ومسكه من ياقة ثوبه وصرخ :اياااااااا الحقير تزوجتها تزوجتهااا لييييييه اخذت شي مو من حقك
دزه اسامه يبعده عنه :احترم ألفاضك ازين لك ولا ترى تشوف شي ثاني
سيف بعصبيه :اياا الخاينه تاخذين هذا وترفضيني ....هذا وانا اولى فيه
اسامه :للمره الثانيه اقول حسن ملافضك احسن لك
سيف هجم عليه بثوره :انت وااحد نـ ـ ـ.. و حــ ـ ـ و وو ...و
ابوراشد :امسك ولدك احسن لك
اسامه بعده عنه بقوه وهو يمسح الدم اللي نزف منه
ابو سيف :انتو كيف تملكون على البنت وهي محجوزه لولد عمها
ابو يوسف :البنت رافضته وماتبيه نغصبها يعني
ناظرها ابو سيف باحتقار وهو ينطق بحقد :ترفضين ولدي بعد ماتعبت في تربيتك كل هذي لسنين ترفضينه وانا اللي كنت متحمل وجودك على قلبي
تقرب منها بيعطيها كف بكل قوته وهي غمضت عيونها تستعد للضربه
لكنها تفاجأت بالشخص اللي ضمها وحوط ذراعينه عليها يبعدها عن الكف اللي كان بيجيها
نطق بثقله المعتاد :هذي زوجتي ومحد يمد ايده عليهااااا فاهم
(اسامه ماكان دفاعه عنها حب بس مسمى زوجته يحسسه بأنه ولي امرها والمسؤول عنها وخصوصاً ان شخصيته متحكمه تحب السيطره وبمعنى اصح بدء يغـــــــــــــــار من حب سيف لها )
صرخت لاول مره امامهم :أي تربيه أي تربيه واللي يعافيك انا اشتغلت في بيتك خادمه لزوجتك ولك وولدك المحترم تكفل بالباقي
انا تحملت عذابكم واااايد وكااافي خلاص ماعاد فيني اتحمل أكثر
ناظروها مستغربين ردت فعلها القويه وعيونها تفضح العذاب اللي عاشته عندهم
سيف بقهر :امشي معي الكذبه هذي ماتمشي معي اصلاً متى لحقتو تزوجونها غيري
ابو راشد :حنا معنا عقد ومستعدين نثبت لك مو مثلك
اسامه :هذي زوجتي ومالهاااااا طلعه من هالبيت فاهم
سيف جن جنونه مايقدر يتصور ان وهم حبيبته راحت لشخص ثاني هو اللي حبها طول هذي السنواااات معنها كانت ماتواطنه( بس ليش كنت تتعامل معي زين هي هي الي خلتني احبها واتعلق فيها )
طلع شي من جيبه ورفعه في وجه اسامه بتهديد :طلقهااااا ... طلقهااا ولا ذبحك على ايدي
*
*
*
:هاا دكتور بشرني عن حالتها
الدكتور :لا الحمد لله وصلتوا في الوقت المناسب لو كنتوا تأخرتوا شوي كانت حالتها جداً سيئه وصار عندها أختناق
كينان :الحمد لله يارب مشكور دكتور الله يعطيك العافيه
/
طلعت من الغرفه بعد ما ركبوا لها بخار وهي منزله راسها بأحراج منه
تقرب منها وقال ببتسامه :الحمد لله على سلامتك
سامي بهمس :الله يسلمك ..اممم وين نواف
رد عليها وهم يمشوا بيركبوا السياره :رجعته البيت معنو مصر مايتحرك من مكانه الا لما يتطمن عليك
ركبوا السياره وهي تسندت على الكرسي بتعب
ناظرها كينان للحظات يحس انه مو قادر يسكت اكثر يبي يعترف لها بحبه وبعدين يتزوجها بس هي مصعبه عليه الأمور
لان اللي مسويته جنووون
كينان :لييه ماقلت ان معاك الربو
سامي :ماصارت فرصه اني اقول
كينان :طيب انت ألحين متضايق
سامي ناظر فيه باستغراب :لييييه هالسؤال يعني
كينان :مدري يقولون نوبة الربو تصير لما تكون متضايق
سامي :اهااااا ..مدري خايف من شي يعني.. بس ما أعرف شنو
كينان :طيب انا برجعك البيت ألحين عشان ترتاح وبكره أجازه لاتجي اوكي
سامي :بس انا صرت بخير ماله داعي للإجازه
كينان :لا ارتاح لك كم يوم وبعدين ارجع لنا بنشاط
سامي :اوكي
*
*
*
دخل عليها المطبخ وهي تحط الفطور على الطاوله بهدوء
جلس على الكرسي وحط رجل على رجل وكأنه موعاجبه
صبت له حليب بالكافي وقربته له
وليد :جيبي لي عصير
نور :بس انت قلت تبي كوفي
وليد :وألحين اشتهيت العصير فيها شي
راحت للثلاجه وماشافت الا عصير ليمون طلعته له وصبته في كأس
ناظر الكأس ومسكه
ووقف وتقرب منها وكبه عليها من شعرها لين رجولها
اقشعر جسمها من برودته
تكلم وهو يرص على اسنونه :انا أكرررره اليمون فهمتي

ظلت ماسكه اعصابها بقوه لاتنفجر عليه المجنون هذا جات بتطلع ووقفها كلامه
وليد :اسمعي قبل تطلعين شكلك هذا ابدا موعاجبني شعرك لمييه لانه يجيب لي الحررر وبشرتك السودا ذي مو عاجبتني صج الله خلق وفرق (يقصد أسيل لانها كانت بيضااااا وجمالها ناعم لكن نور عندها جاذبيه تطغي وسماااارها حلو )
نور :اذا مو عاجبتك روح دور غيري تقبل فيك لانك مررررررريض
وليد :لا تستعجلين على رزقك جايك الخير يااا نور
جت بتطلع مره ثانيه لكنه مسكها من يدها ورجع دخلها معه
جلس على الكرسي وجلسها على رجوله
ناظرته مستغربه وهي تقول في بالها (هذا اكيد مجنون ولا عنده انفصام بالشخصيه من شوي يقول اني مو عاجبته والحين يجلسني عليه)
حاولت تقوم عنه بس هو مثبتها
نور :هدني بقوم
هز راسه بــ لا
لكنها عاندت وحاولت تقوم واختل توازن الكرسي وطاحوا الأثنين منه
صدرت منها آآآآآآآآآآآه من الألم اللي حست فيه وفتحت عيونها بعد ما كانت مغمضتها وانصدمت لما شافت وجهه قريب منها لكنه قرررب منها أكثر
/
دزته تبعد عنه وهي تمسح شفتها ووجهها محمر من الخجل
تلعثمت وهي تنطق بعصبيه :انت كيـ ـف تتجــ ـ رأ
ناظرها بنظره اركبتها وخلتها تهرب من المكان الموجود فيه
ابتسم بنصر (هذا اول الغيث يانور راح اطبخ الطبخه على نار هاديه لين اشفي غليلي منك )
/
صعدت الغرفه وهي ماسكه قلبها اللي يضرب بقوه ووجهها الى الان يشتعل نااااار (آآآه شسويت يالوليد انت تبي تجنني معك ...)
*
*
*
طلع شي من جيبه ورفعه في وجه اسامه بتهديد :طلقهااااا ... طلقهااا ولا ذبحك على ايدي
شهقوا الجميع وهم يشوفون سيف حامل سكين وناوي يذبح اسامه
جو بيبعدونه عنه لكنه قال بتهديد :لحد يقرب ولا اقتله قدامكم
اسامه واقف باتزان وكأنه ياجبل مايهزك ريح
صرخ مرره ثانيه :طلقهااااااااا ..طلقهااا بسرعه
ماشاف استجابه مسك السكينه وجا بيغرزها فيه
لكن أسامه مسك يدينه بمقاومه وهو يحاول يبعد عنه السكين
ومن وحده من المحاولات صابت اسامه السكين في كتفه وبدا ينزف الدم منه مسك كتفه بألم
وجا بيغرز الثانيه في صدره بما ان الفرصه قدامه
لكن وهم دزت اسامه على الأرض بقوه جت في الوقت المناسب لأن
الكل كان متجمد مكانه من الموقف اللي صار قدامهم
وهم :هو ماله ذنب تقتله اقتلني انا بدالــــــــه
(ايضاً وهم مادافعت عنه بغرض انها حبته لا لأنها ماتبي أي شخص يتأذى بسببها ولانها دخلتهم بمشاكلها وهم مالهم ذنب )
رمى السكين على الأرض وهو يناظرها مصدوم مثل الكل
:انتي تحبـ ـ ينه من قبل صح عشان كذا كنتي ترفضيني من قبل وصرررخ :تحبيننه وانا وانا لييييييييه ما حبيتيني شنو ناقصني

/
/
لكنه وقف بقوه وهو يقول بتحدي :لكن الأيام بينا وراح تندمون انكم اخذتوا بعض راح اخرب حياتكم كلهااااااااا ...وطلع من البيت ووراه ابوه
*
*
*
مر اسبوعين على الأحداث الأخيره
نوره من بعد سالفتها مع سلطان (لما طاحت) ماشافته مرره ثانيه تحس مشتاااقه له ولمواقفها معاه بس ماتدري ليه
وسديم من بعد الأجازه اللي عاطيها كينان لها ماردت على اتصالته ولا داومت معنو كان كل يوم يدق عليها بس جهازها يكون مغلق
نور حياتها تجمع النقيضين الكرره والحب في آآن واحد ومو عارفه كيف تتصرف مع الوليد عشان كذا دائماً تفضل السكوت على الكلام
وهم واساااااامه الليله حفلتهم بمناسبة الملكه
*
*
*
ام سامي :سديم يمه ليش ماتروحين دوامك صار لك اسبوعين مو رايحه
سديم بضيقه :يمه ما أقدر اهدك بروحك في البيت وانتي بهذي الحاله انتي تعبانه وانا ما أقدر أخليك
ام سامي :انا الحمد لله صرت زينه قومي روحي
كل يوم يدقون عليك وانتي مو قاعده تردين عليهم
سديم ضاق خلقها لما تذكرت اتصالات كينان لها وهي مطنشه ومو قاعده ترد عليه
فجأه رن جرس الباب وانقبض قلبها
ظلت جالسه مكانها وما تحركت لكن اللي جاي مصر الا يفتحوه
ام سامي :سديم يبنيتي ماتسمعين الجرس قومي فتحي الباب
قامت وهي متردده وقبل لاتفتح الباب عدلت شكلها شوي وسألت :مين؟؟
ماسمعت رد فاضطرت انها تفتح
لقته واقف قدامها بهيبته ورزته المعتاده اول ماشافها فصخ النظاره الشمسيه وحطاها على شعره
التقت عيونهاالواااسعه برموش كثيفه بعيونه العسليه الناعسه ماتدري هل اللي شافته في عيونه صحيح
(نظرة عتب ونظرة لوم والأهم نظرررة شوووووووق)
كينان :سلامات سامي فيك شي
بلعت ريقها اللي حسته جف :الله يسـ ـلمـ ـك
حط يده على جبهتها يتلمس حرارتها وهو يقول بخوف :اشفيه وجهك أحمر مسخن
سديم من حركته هذي رجعت على ورا بسرعه من غير شعور وهي ترد عليه :لا مو مسخن بس لان الوالده كانت تعبانه شوي
كينان :طيب ليه ماقلتي كنت وديتها المستشفى وليه ماترد على اتصالاتي وتطمني عنك
سديم :انا ..كنــ......
قطع كلامها صرخت امها العاليه وهي تنادي باسمها وتلفظ آخر انفااااااااسها في هذه الحيااااة
*
*
*
نهاية البارت العاشر


البارت الحادي عشر


منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي
طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي
شي مؤسف لو تخلا الخل عن خله وباعه
وانكر العشره وخان الود ذي له كان راعي
قمة المأساه لو صار الوفا مثل البضاعه
بالرخص ينباع ياسوء السلوك الاجتماعي
الزعل هو سبت الفرقه يهز الحب كله
ليتني طولت بالي قبل لايعلن غروبه
*
*
*
ضربت بيدها الجدار وهي تبكي بخوووووف
خوف من انها تفقد الأنسانه الوحيده اللي بقت لها خوف من انها تعيش في هذا العالم وحيده بدون اخ وبدون اخت وبدوون اب والأن بدووووون أم
خوف من انها تفقد الأمان تفقد أغلى شخص حبته في حياتها
تقرب منها كينان يطمنها :لاتخاف امك بتقوم لك بالسلامه
سديم :انا من لي غيرررها لاراحت من لي غيررررررررررها
ما ابي اعيش وحيد بهذا العالم ما ابي افقدها
كينان كان بيقول (وانا وين رحت انا معااااك على طول)
لكن قاطعهم الدكتور وهو منزل راسه وينطق بصعوبه :امك تبي تودعك
تركتهم بسرعه وهي تتوجهه لامها
مسكت يدها وباستها وبدء بكاها يعلى اكثر واكثر
ام سامي بصعوبه :سـ د ي م يمه لاتبكين انا بودعك قبل لا ربي ياخذ امانته انتـ ـي سبب وجدودي في هالحياه انتـ ـي الي كنتي مصبرتني ع العيشه آآآآآه ...سديم ديري بالك ع نفسك وروحي دوري ابوك في السعوديه ..ابوك الحقيقي اسمه ابو ...... ارجعي له ار ج ع ي ...واختفت الحروف من شفتها
وانتقلت روحها الى خالقهاا (يايتها النفس المطمئنه ارجعي الى ربك راضية مرضيه )
شهقت وهي تبكي بقوووه وهي تشوف امها قد فارقت الحياه ضمتها وهي بكاها كل ماله ويزيد :يمممممممه يمه انا ماعندي غيرك بهذي الدنياااااا اهئ اهئ يممممممه حرام عليك تخليني بروحي بهذي الدنيا يمه اخذيني معااااك ما ابي اكون بروحي
دخلو الدكاتره والممرضات بسرعه ودخل معاهم كينان اللي من شاف منظر سديم قلبه عوره عليها وما قدر يستحمل بكاها
تقربوا الأطباء يغطونها لاكنها كانت تبعدهم وهي تبكي بصوت يقطع القلب وتصرخ فيهم
:لااااااالا امي ما ماتت خلووووها أصلا كيف تموت وانا أكون وحيده لا مستحيل هي ماترضى اعيش بروحي
تقرب منها كينان وهو يمسك يدها يهديها وهم يسحبوا السرير بيطلعووه
صرخت :لا لاااااااا كينان لا تخليهم ياخذونها لا تخليهم هذي امي امــــــــــــــــــــــــي
ضمها لصدررره وهو يمسح دمعه نزلت منه (من حبها صارت دموعه رخيصه عشانها )
قال بهمس :أطلبي لها المغفرررره
سديم تمسكت فيه بقوه وهي تدفن وجهها في صدره وتبكي :اهئ اهئ اهئ لييييه تركتني وحيييده وهي تدري ان مالي غيرها انا ويييين اروح من بعدها
همس لها :وانا وين رحت انا معاااااااااااك لا تخافين
فقدتك يا أعز الناس
فقدت الحب والطيبه
وانا من لي في هالدنيا
سواك انطالت الغيبه
رحلت ومن بقى وياي
يحس بضحكتي وبكاي
وحتى الجرح في بعدك
يغزيني واهليبه
تصدق قد من حنيت
اشوفك في زوايا البيت
واسولف معكعن حزني
واحس ان انت تدري به
شسوي بالالم والآه
ولكن البقا لله
يصبرني على بعادك
وذا حظي وراضيبه
*
*
*
في السعوديه
مسكت نوره التلفون ودقت على بيت العنود بنت عمها (بيت ابو ماجد)
سلطان:الوووو
نوره :الووو السلام عليكم
سلطان:وعليكم السلام والرحمه
نوره :ممكن أكلم العنود
سلطان شك انها نوره عشان كذا سأل :منوا قول لها ؟؟
نوره :صديقتها
سلطان :وصديقتها مالها اسم (كان متعمد يطفر بها )
نوره بنفاذ صبر :بتعطيني العنود ألحين او لا
سلطان :تصدقين صوتك يذكرني بوحده
نوره بفضول :ومنو هذي ؟!
سلطان :وحده انتي شعليك
نوره :عاد وحده ولا ثنتين وين العنود اففف
سلطان خلاص حس انه قهرها بس يبي يقهرها زود فضحك وهو يذكر شكلها لما طاحت :ههههههههههه ههههههه
نوره :بسم الله اشفيك تضحك
سلطان :ههههههههه تذكرت لما طحتي على وجهك شكلك كان عجيييييييب ههههههههههههههه
نوره بقهر :هذا انت وانا من البدايه اكلمك باحترام يتراوالي ماجد لو عرفت انه انت قفلت السماااااعه <<اؤؤما احترااام
سلطان انقهر بس حاول مايبين :شنو تنتظرين ست نوره
طوط طوط ..
فعلاً قفلت السماعه في وجهه
سلطان :ول ول ماصدقت على طول قفلت بس هين يانوره ان ما خليتك تحترميني وتعترفين بحبك لي ما أكون سلطاااااااااان
*
*
*
دخل عليها الغرفه وماشافها
ناداها :نوووووور خلصتي ولا بعد
طلعت له من غرفة الملابس وهي خجلانه تطلع لانه اول مرره راح يشوفها كذا بفستاان قصير وبدون اكمام
اول ماشافها انصدم كانت مرره كيوت وحلووووه بس حاول يبين لها العكس هو يقول بصدمه :وووووووووع شنو هذا بالله وحده سودا تلبس اصفرر الحمد لله ما حطيتي روج احمر ولا كان الناس تمسخروا علي روحي غيريه بسرعه صج ما عندك ذوق
ناظرت بنفسها بشك منه ورجعت ناظرته
نور :لهذي الدرجه انا سمراا..... ليييه اجل الناس يقولون ان سماري حلو
وليد :يجاملوك روحي غيريه
نور :شنو ألبس؟؟
وليد :وانا شو يعرفني او اقولك ألبسي بني عشان ماتبيني كلش هههههههههههههههههههه
ناظرته بصدمه وهي مقهوره منه ومع الأسف دموعها خانوها دخلت غرفة الملابس وقفلت على نفسها الباب وبدت تبكي بقهر
(يارب صبرني يارب والله ماعاد فيني اتحمل خلااااااااص تعبت )
رمت الثوب بعيد عنها بعد ما غيرته الى بيجاما سودا فيها فراشات ورديه
ظلت ساعتين وهي قافله عليها الباب الى الساعه 10:30 طلعت من الغرفه
شافته منسدح ع السرير يناظر فيها اما هي ما كأن أحد موجود في الغرفه
جت بتمسح الميك آب اللي فيها وكان ناعم مرررره ومطلع شكلها خوقاق
لكن وقفها صوته :اخيرا طلعتي ..اشوفك لبستي بيجاما منتي رايحه
التفت له وقالت بسخريه :لا يطوفك لون البيجاما سودا عشان ماتشوفني بالمرره ورجعت تمسح الميك آب
استفزه اسلوبها بس كما تدين تدان
بس مو الوليد اللي يستسلم ويرفع الرايه البيضاء تقرب منها وضمها من الخلف بحيث ان ظهرها يكون ملاصق لصدره
نزلت دمعه من عيونها على يده المحوطه على خصرها
تنهد من قلب وهو ينطق :آآآسف ما كان قصدي ازعلك كنت امزح معك
بكت هالمره بصوت مرتفع شوي من القهر اللي كانت حاسه فيه
وصار يطبطب عليها وهو يقول :خلاااااص لاتبكين عاد ...وفي نفسه (آآآآآه انا ناقصني دموع التماسيح افففففف اللهم طولك ياروح )
*
*
*
بدت الحفله على نغمات موسيقى هادئه بطلة اميرررة الحفله وهـــــــــــم .......
كانت أيه من الجمال بفستان أخضر يكون ضيق عند الخصر بعدين واااااسع فستان لامع انيق لابعد الحدود هذا غير انه مبرز جمالها وبياضها موزع بالفستان كرستال ذهبي عاطيه جمال أكثر وميك آب هادئ وناعم
كانت جالسه معهم بالجسد اما الرووح بعيده بعيده مررره رجولها ترجف وحاسه بالخووف ماتدري ليه
يمكن لأنها تحس ان هذا الزواج أكبر غلط سوته بحياتها
كان المفروض انه يتم على ورق ويطلقها بعد كم يوم لاكن ألحين وفي هذي الحاله بتنفضح بين الناس
قطع تفكيرها صوت دانه :وهم حبيبتي شفيك شكلك مو على بعضك
وهم بهمس :دانه ما اقدر اقوم خلااااااص تعبت
دانه :ههههه يعني ماتنصحي
وهم :لا ما انصح ابداً
دانه :طيب يالله قومي اصلاً المعازيم بدوا يروحون
صعدوا الثنتين لغرفة وهم
رمت نفسها ع السرير وهي تتنهد بضيق
دانه بخوف :وهم شفيك اليوم باين عليك متضايقه
وهم :دانه شتبين يكون حالي وانا وحيده لا ام ولا ابو ولا حتى اخت او اخو انا انخلقت وحييييييييده بدون هذول الأشخاص
ضمتها دانه :وانا وين رحت انا معاك على طول وانتي مو وحيده حنا ألحين كلنا حولك ولا تخافي الإنسان اللي تزوجتيه رجال وماراح يخليك مهما صار مو لأنه أخو بدافع عنه بس لاني اعرفه واعرف شخصيته
وهم :محد مهون علي الا انتي
دانه :احم احم أخجلتي تواضعي يالله انا أخليك ترتاحي ألحين بعدين ارجع لك اوكي
وهم : اوكي
بس اختفت دانه عن عيونها انمحت الأبتسامه اللي كنت مبتسمتها غصب
وبدء سيل الدموع بدون توقف
صرخت بقهر :ليييييييييه حرمتني من فرحتي بهذا اليوم شنو ذنبي شنو الذنب اللي ارتكبته عشان تعاقبني باسوء عقاب
دانه كانت بتقول لوهم عن وحده تكلمت عنها في الحفله عشان كذا رجعت بس لما دخلت انصدمت بالحال اللي كانت عليه وهم
شافتها ضامه ركبتها وهي تبكي بألم وحسرررره
تقربت منها بخوف وهي تسألها :وهم حبيبتي شفيك شالي صار
وهم كأنها تنتظر هذا السؤال لانها مو قادره تكتم بداخلها أكثر انفجرت تبكي
وهم ببحه :دانه انا ما ابي اتزوج ما أبي اتزوج خلصيني من هذا الزواج خلصيني خلاص مو قادره اتحمل أكثر مو قادره
دانه بخوووووف :وهم شفيك وربي مو فاهمه شي من اللي تقولينه
وهم بانفعال :دانه اناااااااا مو بنت مو بنت انااااااا ما استاهل اني اتزوج من أي شخص بس والله مو بيدي مو بيدي
الكلام كان مثل الصاعقه على دانه وعلى ....
ذابت الحروف من شفاتها وهي تشوف الشخص الثالث معاهم يناظرها بحده وملامحه الحاده صارت قاسيه
قال بصراخ :دانه أطلعي براااااا
ناظروه الثنتين بخوف وهم جامدين مكانهم
اسامه بصراخ اقوى :قلت لك أطلعي برااااا بسرعه
طلعت دانه وهي ترجف من الخوف تقدم من الباب وقفله بالمفتاح وهذا اللي وتر وهم اللي مو متعوده انها تكون مع شاب بروحها اصلاً مو متخيله ان هذا زوجها
لازالت مستقره على سريرها وهي ترتجف من الخوف حاسه به بيذبحها اول ما صحاها من افكارها
انه سحب يدها بقوه له وعطاها كف قوي طبع اصابعه معاه
وقال وهو يرص على اسنانه :توقعتك حقيرررره وواطيه وو.... ووو..بس مو لهذي الدرجه من الحقاره تعرفين من اول ما دخلتي البيت وانا عارف ان وراك بلوووه وبلووه كبيره بعد المشكله الكل عارف بمصايبك وساااااااااكت وكملت السالفه لما خلوني اخذ وحده بايعه دينها وشرفها انتي ماتستاهلين انك تنوجدي بهالحياااااه
تعرفون لم أحد يتكلم عنكم بشيء مو فيكم لكن ماتقدرون تدافعون عن انفسكم ..تعرفون لما تحسون انكم بدوامه سودا كلما وصلت الى النهاية رجعت إلى نقطة البدايه تعرفون لما الدموع تنزل غزيره لاكن بصمت بدون صوت تقدر تعبر فيه عن مشاعرك
كل هذا عاشته وهم في هذي الدقائق لكن مع جملته الأخيره ما قدرت تسكت "وحده بايعه دينها وشرفها"
صرخت في وجهه:اسكت ..اسكت انت ماتعرف شيء ماتعرف
دفها بقوه للجدار وثبت اكتافها بأيده منظرها كان ساحرررره مره بفستانها الأخضر الامع مع الذهبي والأكسسوارات الذهبيه
هذا غير عن غمازاتها الثلاث وخصوصاً اللي في ذقنها ابداً ماتنزال وعاطيتها جمال ونعومه اكثر
عشان كذا نفض الأفكار هذي من باله بسرعه وهو يصرخ بغضب :اسمعي انتي وحده ماتشرفيني والحمد لله اللي كشف حقيقتك من البدايه انتي ط .....
ايدها اللي لامست شفاته ألجمته عن الكلام
قالت وهي تتوسله :لاااااا لا الله يخليك لا تطلقني شتبي اهلك يقولون عني شتبي الناس تقول عني لا تطلقني
وبرجاء اكبر :ابوس ايدك لا تطلقني انا مالي احد مالي احد عمي بيذبحني لو رجعت له
اسامه ابتعد عنها :وانا ما ابي وحده مثلك تكون موجوده في بيتي وعلى ذمتي الطلاااق انسب حل لك يااااا ولا خلني ساكت احسن
تمسكت بيده وهي تترجاه وتبكي ببكا يقطع القلب :شغلني خدامه لك أي شي أي شي بنظف وبغسل...بس لاتطلقني مو انت قلت بتزوجني على ورق خلاص انا موافقه
لف لها وهو يقول باستهزاء :ما كنت ادري انك مو بنــــــــــــــــــت وشد ع الكلمه الأخيره
نزلت راسها بيأس منه خلاااص ذلت نفسها له وااايد والأهم انها بتنفضح بين الناس خلاص الكل بيدري بفضيحتهاااا آآآآآآه يازمن
ناظر فيها لثواني وهو يشوف دموعها اللي تنزل منها بغزاره
خلاااص مو قادر يتحمل جمالها يحسها طفله بريئه الدنيا قست عليها
بس الواقع المر صحاه
شد شعرها بقوه وهو يرفع راسها عشان تناظره :اسمعي انا مو مطلقك وباخذك من غير زواج كفايه مصاريف حفلة اليوم على وحده مثلك ما تستاهل وشيماء ودانه مالك خص فيهم ابداً انا مايشرفني انهم يعرفون وحده مثلك ...وعشان لاتنسين انتي بتكوني خادمه عندي وصح قبل انسى هالبس اللي عليك ما ابي اشوفه لان ابداً مو لايق مع رقعة وجهك ياحشرررره
ورماها على السرير وطلع

هنا بدأ سيل الدموع بدون توقف بكاء يهز كيان أي شخص قد يسمعه

*
*
*
نهاية البارت الحادي عشر


البارت الثاني عشر

تخيلتك وانا جالس بين الناس وحداني
تذكرتك وقمت اضحك بس العين زعلانة ..!!
راحت تشكي وتقول متى بأشوف خلاني ؟
فجــــأة
اذا بالنــاس بدت تســأل ولهــااانـة
ورى عينـك تصـب الدمـع
عسـى ماهو خبـر شيني ..!!
تبسمـــت
وقــلت :
لا جفــووون العيــن تعبـــاااانة ..!!
*
*
*
في الساعه 3 الفجر في بيت الوليد
مسكت بطنها وهي تعتصر من الألم اللي حاسه فيه
وهي تعض على شفتها تكتم اهاااتها عشان لا يصحى الوليد
لاكنه زفر بضيق وهو يشغل النور اللي جنبه ويقول :افففففف شفيك موثابته في مكانك وتتحركين
كانت عاطيته ظهرها وهي ماسكه بطنها بألم وضاغطه عليه بقووه
شافها ماردت عليه تقرب منها وناظرها
شافها مغمضه عيونها بقووه ويدها على بطنها ووجهها واضح عليه التعب
سألها بخوف :نور فيك شيء ؟؟ ردي علي
فتحت عيونها بصعوبه :آآآآآآه بطني بطني مو قادررره
الوليد :بطنك شفيه ؟؟
ناظرته باحراج توقعت يعرف بس ألحين لا تحس منحرجه انها هي اللي تقول
فقالت :يألمني آآآآآه
الوليد بغباء :معاك عسر بالهضم
نور بأألم :لا
الوليد :اجل ما كله شي من براا مو زين
نور بقلة صبر من غباءه :لا لا آآآآآآآآآآه مو قادره
الوليد يتابع مشوار الغباء :اجل ما كله شي حار معدتك ماتقبلته
صرخت فيه لا شعوري :لااااااااااااا افففففف معاي وسكتت باحراج ..........كملت :اللي تجي للبنات كل شهر آآآآآآآه بطني
وغطت وجهها باحراج منه
شال اللحاف منها وهو يقول : ...لهذي الدرجه تألمك
صارت تبكي من بروده :اهئ اهئ ابي امي انت ماتعرف تسوي شي
الوليد :انا شو يعرفني قولي لي امك شتسوي عشان اعرف اتصرف
نور :جيب لي حبوب من الثلاجه على الأقل آآآآآآه
قام من السرير بسرعه ونزل يجيب لها الدواء من الثلاجه
*
*
*
:شلون يعني ماتبي زواااااااج وضح اكثر
اسامه :يبه زوجتي راح اخذها من اليوم ماله داعي للمبالغه
ام راشد :انا مع اسامه في رايه وبعدين مو حلوه ان خطيبه تعيش مع خطيبها في بيت واحد في هذي الفتره
ام يوسف :وين زواج على ورق وعلى ورق بس اشوف قدرت عليك من اليوم الأول
اسامه :يمممممممه شنو هالكلام تدرين فيني ما احب اسمعه وانا عارف من البدايه انكم تبون البنت وماتبوني اطلقها صح ولا انا غلطان
ام راشد :لا صح كلامك والله يتمم لكم ع خير ويجمع بينكم بالخير بعد
باس راسها :الله يخليك لي يالغاليه ولا يحرمني منك
*
*
*
وهم بعد البكاء والدموع اللي ذرفتها دخلت الحمام وبمعنى اصح (بالبانيو) بالفستان اللي عليها وشغلت الماااااي البارد يمكن يطفي النار اللي بصدرها معنو الجو باااارد بس من الألم والضعف اللي تحس فيه ماحست ببرودة الجو الا لما طلعت من الحمام وهي ترتجف بالكامل جت نظراته الحاده عليها بشكل مصدوم
صرخ فيها :انجنيتي انتي شمسويه بنفسك
خدودها حمرااااااان بقوه وعيونها بدى الصفار يطغي عليها
دخلت غرفة الملابس وغيرت فستانها الأخضر الى بيجاما سودااااا حرير
طلعت من الغرفه ببطئ شديد وهي تحس انها خلاص من كثر الدموع اللي نزلت منها نزل معها كل احساس حلو بوجودها بهذي الحياه
كل اللي حست فيه انه جر يدها وراه بسرعه وصعدوا لجناحه وقفل وراه الباب وهو يقول بتهديد :دانه تصلحين غلطك معاها وتفهميها انك كنتي تقصدي انك كنتي متزوووووجه لاأكثر ياويلك لو قلتي غير هذا الكلااام فاهمـــــــــه
سمعت آخر كلماته وطاحت مغشي عليها
*
*
*
خلاص تعبت من التفكير ومو قادره تنام
تقلبت على السرير ألف مره وهي تتنهد بضيق (آآآآآآآه يا وهم شنو سالفتك هذي اللي طلعت فجأه... معقوله تكوني غير وهم الطيبه والخلوقه اللي عرفناها معقوله نكون مخدوعون فيك..... افففففففف خلاص يا دانه انسي انسي الموضوع بكره روحي اسأليها وهي لو كانت تكذب بيبين على وجهها )
اكتفت بتفكيرها الى هذا الحد ونامت
*
*
*
:ماصار احسن ألحين ؟؟
نور :لسه يألمني أأأأي
الوليد ناظرها محتار مو عارف شيسوي :اممم طيب شسوي لك تروحين المستشفى
نور مسكت يده وحطتها على بطنها وقالت وهي مغمضه عيونها :لا بس خلي يدك علي يمكن يخف الألم شوي
ناظر في يده اللي عليها وفي ملامح وجهها الناعمه وابتسم مايدري ليه بس يحس بالأرتياح منها
وغمضت عيونه بتعب وهو نايم جنبهاااا وقريب منها وايد وايده لازالت مستقره عليهاا
الى اليوم الثاني
*
*
*
في اليوم الثاني
في البحرين
:ابي ارجع بيتنا بلييييز رجعني
كينان :وين تروح امك خلاص راحت يعني تبي تعيش بروحك
سامي :امي ما ماتت صدقني برجع البيت وبلقاها هناك
ومشت عنه
ناداها :سديم وين تروحين انتي ماتخافين تعيشين في بيت بروحك
وقفها نطقه لأسمها بس( يعني كان عارف ان شخصيتي بنت مو ولد ولا عارف اسمي الحقيقي بعد)
لفت له وهي تناظره :انت تدري اني بنت مو ولد
تقرب منها وهو يبتسم :اكيييد
سديم :طيب شو دراك ان اسمي سديم .؟؟
كينان :مافي شي يتخبى على كينان
سديم :اهااا ..طيب بتوصلني ولا اركب تاكسي
كينان :يعني مصررره تروحين
سديم :اصلاً دامك اكتشفت شخصيتي الحقيقيه ماله داعي اني اجي بيتك مرره ثانيه ...ومشكور وايد على الوظيفه اللي شغلتني فيها ومساعداتك كلهااااا لايمكن اني انساها
كينان :طيب والعقد اللي بينا
سديم :تصررف لاني بالاساس بنت مو ولد
كينان :اقدر اسألك لييه تنكرتي بشخصيه اخووك
سديم والعبره خانقتها :لانو ماكان في أي احد يتولى مسؤليتنا حتى الدكاتره والممرضين لما كنت اجيب امي عشان تتعالج ماكان أي احد يسمعني منهم خالي طردنا من بيته ورتاح عاش بعيد عنا كل هذا عشان لا يتحمل مسؤليتنا ..بنظرك لو كنت بنت كنت شغلتني عندك
حط يده على اكتوفها وهو يقول بقلب صادق :انا ما حبيتك الا لأنك بنــــــــت وما تعلقت فيك الا لأنك بنـــــــت صدقيني انتي غيرتي كل حياتي وحتى نواااف تعلم اشياء وايد منك وغيرتيه للأحسن وهو بعد يحبك ومتعلق فيك تذكرين لما كان يقولك لاتخليني
كان اعتراف صريح من كينان بحبه لهااااا
شنو ترد ألحين شتقوله
كينان :سديم لاتروحين ابقي معانا
سديم نزلت راسها :كينان عطني وقت افكر وارجوك ألحين رجعني بيتنا

فتحت عيونها بتعب ونظرها متوجه لضوء الشمس الساطع من النافذه
جاها صوته :الظاهر انا الخادم عندك مو انتي !!
قامت من السرير بسرعه وهي تستند ع الجدار بخوف :لييه انا هني
أسامه :ما تذكرين شيء من اللي صار امبارح
ناظرت نفسها وبيجامتها وهي تخبي جسمها عنه بخوف :لا ما اذكر
أسامه وقف وقرب منها وهي بلعت ريقها من الخوف
قال بلهجه مستفزه :عادي ماصار شي غير اللي صار لك من قبل بس هذي لمررره بالحلاااااااااااال مومثل المره الأولى لانك صرتي زوجتي ومـ .....
قاطعه صرختها القويه وهي تبكي بهستريه :لا لاااااااا لاتقول انك لمستنيييييي والله حرااااااام عليكم انا مالي ذنب مالي ذنب ليييه تسون فيني كذا انتم وحوووووووووووش وحوش
وجلست على الأرض تبكي بهستريه اكبر
ماتوقع ردت فعلها ابداً ابداً صدمه حالتها كان يقول هذا الكلام بس يبي يذلها لاكن ألحين اكتشف انها مصابه بمرض نفسي مئه بالمئه
ولا في بنت تسوي كذا لأن زوجها دخل عليها
لاتصـــــــــدق
قرب منها وهو يقول ببرود :قومي قومي اهلي يبونا نتغذا تحت معاهم
وهم :بعد عني بعــــــد حرام عليك أنا اكرهكم كلكم اكررررررررهكم
مسك يديها بقوه :وهم خلااااااااص انسي اللي صار انسي انا ما كنت قاصد اللي قلته زييييييين
وهم ببكا :ما ابي اشوف احد مابيهم يشوفوني كذا
أسامه :لا بتنزلين معاي وانتي تبتسمين بعد ...وقام عنها
مسحت دموعها ودخلت الحمام تاخذ له دش ينشطها وبعد عنها الأرهاق اللي تحس فيه
*
*
*
:ابي اروووووح السوق
:مافيه ماتفهمين
ناظرت في امها بقهر :يمه قولي لفيصلوووه يوديني
فيصل :اسمي فيصل يادوبه
نوره بتوسل :فصولي الله يخليك ابي اروووح متضااااايقه من الجلسه في البيت
فيصل :خاطري في يوم اسمعك ماتقولي متضايقه من البيت
نوره :اففففف شسوي البيت ممل مره
فيصل :طيب روحي لبسي عباتك بس ترى معاي سلطان
نوره كانت بتصعد الدرج بفرح لاكنها وقفت وهي تكشر بوجها
:هاااا ...وهذا وش جابه بعد
فيصل :مع السلامه شكلك غيرتي رايك وماتبي تروحي
نوره بسررعه :لالا بروح بس خليه يجيب معه العنوود
فيصل :طيب ألحين اتصل فيه
*
*
*
سمعت طق قوي على الباب وقفت خاايفه تفتحه لكن رجولها جرتها وجبرتها ايدها تفتحه
استنكرت وهي تشوف بنت من دون أي عباءه او حجاب والثياب اللي عليها كانوا عادين وثياب بيت
تكلمت البنت الغريبه بخوف :خبيني عندك الله يخليك الله يخلييييك
ناظرت ايدها المزرقه والكدمااااااااااات عليها بشكل يوجع ألم ألم شديد واضح انها تلقته
سحبتها معها للداخل وقالت بخوف :انتي مين ؟؟
.....:انا عهـــــــــــــود
(نحكي شوي عن قصة عهود ...عهود هي البنت الكبيره بين اخوتها عمرها 20 سنه عندها داليه وراها بثلاث سنوات ودلال بالمتوسط وعندها اخو واحد بصف سادس ابتدائي .......عهود عانت واااايد في حياتها من كانت صغيره بس ألحين صار الألم مكثف عليها بنت في عمر الزهور بدءت تذبل والسبب والدها اللي انخلق من دون رحمه كان مايرحمها ابدا ولا يرحم أي شخص موجود بالبيت عهود كانت تعاني من اليتم الروحي والتعطش العاطفي فوالدها لم يكتفي بالضرب المعنوي فقط بل الضرب الجسدي ايضاً ..من كثر ماعانت صارت تهرب الى جيرانها من دون عباءه او حتى حجاب وبعض المرات بالبيجاما كانوا يسمعوا صراخها وهم مكتوفي الأيدي لأن لو تدخلوا بيكون العقاب مضاعف عليهااا أكثر ..وااخر اللي وصل له ا نه يبي يزوجها من واحد شايب كبرررره )
رواية عشقتك من جنوني كاملة..رومانسية..جريئة..قمة في الابداع
عهود :وهذي كل قصتي
سديم :هذا ابووووووك ماعنده رحمه صج الدنيا هذي في بلاوي واللي يسمع مصيبة غيره تهون عليه مصايبه
ياربي جسمك مررره ازرق لحظه اجيب لك ثلج يمكن يخف الألم
عهود ضمتها بحب :انا اشكرك انك سمعتي قصتي للنهايه وانك فتحتي لي قلبك قبل بيتك
سديم :عهود انا عانيت مثلك صديقني بس لازم تصبري لان الصبر مفتاح الفرج
عهود :انتي ماقلتي لي شنو اسمك ؟؟
سديم ابتسمت بحزن :مدري اقولك سامي ولا سديم لاني لبست قناع غير قناعي من الدنيا واللي شفت فيها
عهود :اممم بكلا الحاتين انتي جميييييله وبنوته كيوت
سديم :تسلمين من ذوقك
عهود :انتي عايشه بروحك ؟؟
سديم بغصه :امي توفت الأمس وبقيت انا بروحي
عهود :انا اسفه ما كان قصدي اذكرك
سديم :لا عادي الحزن بالقلب ،،،وابتسمت :وش رايك تعيشين معي دام انا بروحي
عهود :اخاف اكون مثقله عليك
سديم :لا لا تخافي مو مثقله ولا شي انا بكره راح ادور لي شغل تجين معاي
عهود :اوكي انا بعد ابي اشتغل
سديم تذكرت الثلج وقامت تجيبه لها وتعالج جروحها
ابتسمت ان في احد يبعدها عن التفكير في امها وفي الوحدددده وآآآآآآه ما أصعب الوحده
*
*
*
نزلت معاه تحت بعد ما حطت لها ميك آب شوي يغطي اثار الارهاق والتعب وجلسوا جنب بعض على طاولة الطعام
وبدا الكل ياكل بهدوء بعد ماسلمت عليهم وهم الا شخصين دانه اللي تحس انها خايفه تنصدم من وهم ووهم اللي كانت سرحااانه بدانه وبالفكره اللي اخذتها عنها
دزها برجولها من غير لحد ينتبه
رفعت راسها تناظر فيه
حط السلطه قدامها وهو يقول بهمس :كلي هذا مفيد لك والسرحان خليه لبعدين
مسكت المعلقه وكل ماجت بتاخذ من السلطه يطيح ومايبقى فيه شي
لين ماملت
سحب الملعقه من يدها واخذ شوي من السلطه وجا بيحطها في فمها
ناظرت الجالسين باحراج وهي تسب بداخلها عليه انه حطها بهذا الموقف المحرج وانه جالس يراقبها بس
فتحت فمها وكلته بسرعه ونزلت راسها باحراج
خلصوا أكل وتوجهت للمغاسل تغسل ألتقت مع دانه وجت نظراتهم على بعض قربت منها وهي تقول :دانه بليز لاتحكمي علي قبل لاتسمعيني
دانه هزت راسها بالموافقه وراحت عنها
تسندت على المغاسل وهي حابسه دموعها ماتبي تخسر الشخص الوحيده اللي تعلقت فيه ماتبي تخسر الاخت والصديقه اللي لازمتها طول الفتره اللي راحت الا هي ماترضى انها تزعل منها او تاخذ فكره سيئه عنها
رفعت راسها لما سمعت صوته يقول بستهزاء :شر البلية مايضحك قالبه وجهك ومدري ايش وانتي جايه لهذا البيت بمصيبتك الشينه
همست :لا تظلمني انا ما أخطيت
همس لها :لو تخدعين كل هذا البيت ما تخدعيني فهمتي انتي مثل الحية لك مليون وجه
ناظرته بحده ومشت عنه
*
*
*
يمكن طيبتي غلطه تجازيني بها الايام..
تعلمني اكون قاسي ..واخلي عيونهم
ماتنام..خذوها سيرتي لعبه..وزادو بي
الجروح والآلام..نسوا ان الزمان يدور..
وان ربهم علام..مصير الدنيا تجرحهم..
ويطعنهم كلامهم بسهام!!

نهاية البارت الثاني عشر
بانتظار الردود واللايكات والتقييم :glb:

__________________
سبحان الله وبحمده سبحان الله العظيم .