البارت الــ7
--------------
مدخل..
انا واحدهـ ..
لايوجد ْمنـي اثنين
ْْ ْليس تـكـبرْ
مني بلـ |ثقهـ|
----------

ابوا فيصل:من هي يبه
الجد:رح تعرفون بذن الله لا تستعجلون
نايف:والله ياجدي شوقتنا ابي اعرف مين
لجد:رح تعرفون ليه مستعجلين ولا وين هشام ورائد ونواف
فارس:يشون هناك
الجد:اجل يلا خلنا نروح ابي اشوف بناتي
ابوا ياسر:ايه يبه يلا خلنا نروح
----------
في اثناء دخول الجد
امتنااان:جددددددي هاذا هو جدي
البنات كلهم لفوا على الباب
جود كانت اقرب وحده لجدها راحت وضمتوا
نايف ضال يناضر فيها
الجد حبيبه قلبوا جود وعندوا ياها بلدنيا كلها
وياويل احد يزعلها :كذى ياجدي هان عليك تروح تسيبني 3 سنوات ماتسأل عني
الجد:المحبه بلقلب يابنتي
ناديه:احم احم جود افسحي لنا مجال
جود:بعدين
الجد:خلي خواتك يسلموا وبعدين اجلسي عندي مثل ماتبين
بعدت جود وسلموا بنات
الجد:ناديه يابنتي مبروك هااه بشري مرتاحه مع رائد
ناديه:الله يبارك فيك
رائد كان يئشرلها مزح قولي ايه
ناديه ابتسمت:ايه جدي الحمد لله
الجد:شايفك يا ررائد
رائد:ههههههههههه امزح ياجدي
وفي تلك الأثنا انتهوا من تحضير الغداء
وخذ الكل مقعدف الطاوله المشتركه .
جود الي كانت جالسه جنب جدها وقدامها نايف الي قصد انه يجلس قدامها
الجد:والله ياعيالي اشتقت لذي الجلسه وان شالله اليوم تكتمل كلها
الكل:امين ياارب
خالد:ولا ياجد من مين كنت تاخذ اخبارنا
الجد:من حبيبه قلبي
جود نزلت راسها
ابوا ياسر:مين يبه
الجد :في غيرها جود (وقربها منه ) كل يوم اكلمها
الكل ناضرها
جود:لاحد يقول شي جدي طلب مني اني مأقول لأحد
الجد:ايه ابي اشوف غلاتي عندكم
روان:والله ياجدوا كان لكـ فقده كانوا الشباب يتحكمون فينا يخلونا تقل الات
البنات ضحكوا
الشباب الي ناضروا ببعض بفهاوه
الجد:ههههههههههه والله الحين نوريهم هم الي رح يشيلون الأكل كلوا ولا بناتي
جود الي كانت تحاول
تبعد نظرات نايف عنها
الجد:وين ليان ابي اشوفها
جود:استنى جدوا اروح اجيبها وقامت
الجد:ماشالله عليك يا فهد صاير رجال
فهد وهو يعدل جلسته :احم احم بعجبك يبه
الجد:ايوا كذا خل الكل يخاف منك
جت جود:تفضل جدوا
الجد:ماشالله لا اله الاالله
--------------------------------
انتهى اليوم وكان مليء بلأحداث المشوقه
بعد اسبوعين وأخر يوم لهم بلأستراحه
جود:بنات بروح اشوف وش ذى الباب هذا جدي الحمدلله رجع الحين بروح اسأله
رنا:وش علينا حنا
رهف :والله اني متحمسه موووووووت يلا جود تعالي نسألوا
راحوا عند الجد الي كان جالس بلحديقه لحالوا
جود:جدواا
الجد:انا وش قلت وش تنادونا
جود:اسفه يبه نسيت
الجد:عيوني وش تبين
رهف تأشر لجود
الجد:وش فيك رهف
رهف:لايبه مافي شي
جود:يبه نبي نفتح الباب المسكر نبي نشوف وش فيه
الجد ابتسم:لما يجي وقته افتحه لأن وقته قرب كثيير
جود:لا يبه والله متحمسين كل البنات مو بس انا
الجد:وانا قلتلك بس يجي وقته افتحه
جود وهي تجلس :يعني متى وقته
الجد:قريب بأذن الله
رهف:والله يبه كان ودي اكسر الباب
الجد:مارح تقدري الباب حديد يارهووفتي
رهف:طيب يبه قول لهم نجلس بعد مانبي نرجع
الجد:ولمدرسه
رهف: عادي يعني اسبوع مايضر
الجد:لا مافي ابي درجات حلوه ذي السنه ولكم مني اخليكم بلأسترحه لين تملون
جود: يعني لو جلسنا طول ألأجازه عادي
الجد :ايه
جود:طيب يلا نبي نمشي الحين
رهف:هههههههلا وش فيك خلينا نعيش كل لحظه بلحظتها
عندالشباب
ياسر:لا تقولوا مابي ارجع لشغل
نواف:ايه والله
فارس:نواف لاتخلينياصدق انك تشتغل بس
نواف:ههههههه دام رجع جدي رح يربطني بلشغل
هشام:والله وجا من يربيك يانوافوا ههههههههههههههههه
---------------
على الساعه6:20
كل واحد رجع لبيته
رنا وهي تطله الدرج:ابي اناااااااااام لاحد يكلمني
امها: روحي نامي مارح اغيب احد بكرا
ريناد:ولي يسمع يمه يقول انك ماتخلينا نغيب
امها:بكرا بذات رح اخلي الكل يروح
رنا:لا يمه بكرا ماعندي محضرات رح اروح الساعه 9
امها:المهم انك تروحي
دخل نايف وجلس معم
نايف:وين رنا
امها :راحت تناام
نايف:أيه زين خالد مارح يجي هنا اليوم
ريناد:ليه يجي تونا شايفينوا
نايف:بسرعه على غرفتك ونتي وش دخلك
ريناد:ايه صح وين الجوال الي وعندتني فيه يلا ابيه الحين
نايف :ايه صح روحي غرفتي تلاقي بلدرج
ريناد:والله تسلملي يا احلى اخوا بلدنيا
وطلعت تجيبه
ام خالد:ولا يمه مافكرت بلموضوع الي قلته لك خلاص عاد طولت
نايف:الا يمه فكرت
ام خالد:يعني اروح ودور لك على عروس
نايف :لا يمه في وحده فبالي بس مو وقتوا الحين
ام خالد:يعني متى وقتوا
نايف:قريب ان شالله
ام خالد:بس ريحتني يمه وأخيرا وافقت انك تتزوج
نايف ابتسم
ام خالد:بس مين هي الي في بالك يمه
نايف:بعدين يمه مو الحين اقولك
ام خالد:ع راحتك يمه
----------------------------
خالد:والله كانت الأستراحه ذي المره شي برجوع جدي
شهد (زوجتوا ):الحمد لله ع سلامته
خالد:والله راحت عليكي
شهد:والله كان ودي بس انت تدري اني حامل وبشهور الأخيره
خالد:يلا ياعمري الله يقومك بسلامه
شهد:ابي اروح عند خالتي والله من زمان عنها وعن البنات
خالد:خلص بكرا ان شالله اوديك له
شهد:ان شالله
دخل يوسف:بااااابااا ورح بحظنوا
خالد:عيون وقلب بابا انت
يوسف :متى اجيت ماشفتك وانت داخل
خالد:اتو اجيت وين اختك
يوسف بتلعب هناك
شهد:يوسف اقول لبابا وش تبي
خالد:وشو
شهد:يقول خلص ماهو رايح للمدرسه
خالد: ليه يابابا
يوسف:مابدي المعلمه عصبيه
خالد يكلم شهد:هاذ وهو بلتمهيدي لو دخل المدرسه وش بزين
شهد:هههههههههههه والله مدري عنه ابنك عليه حركاات مدري من وين يجيبها
خالد:ههههههههه عماتوا وعماموا مكفيين
دخلت دانا:بابا حبيبي
خالدياقلب وعيون وروح بابا انتي تعالي
دانا:بابا بدي اروح عند جدتي
خالد:بكرا اوديكم
دانا:لا ابي اروح الحين وابي اشوف جدوا
خالد:طيب خلص بكرا تروحوا انتوا وماما مع بعض
------------------------
اليوم الثاني في تمام الساعه الخامسه والنصف صباحاً
ام ياسر:امتنااان يلا قومي يمه الباص رح يروح قومي الله يهديك
امتنان: لا يمه مابي اروح بطني يوجعني
ام ياسر:لو اسمع كلامك كان مارحتي ولا يوم
امتنان:لالا اليوم جد بطني يوجعني
اسيل الي كانت مخلصه فطور وطالعه عند امها:امتنان حبيبتي بسرعه انزلي الباص رح يوصل
امتنان:اووووووووووف طيب طيب خلص رح البس
ام ياسر:ونتي يمه مارح تروحين
اسيل:الا يمه بس مو الحين على الساعه 9 أخلي نواف يوصلني
ام ياسر:ايه الله يوفقك الا وين جود
اسيل :جالسه على الاب توب تكلم ريم
ام ياسر:غريبه ليه ماراحت
اسيل:ماتصلت ع سواقها تقول ماتبي تصحي
ام ياسر:ياارب صبرني على ذي البنت متى تعقل
وراحت عندها
جود كانت لابسه مريولـها وجالسه تكلم ريم بلجوال
ام ياسر دخلت :جوود
جود:عيون وقلب جود امري
ريم:ماشالله وش ذى الأحترام
جود بصوت واطي:أسكتي
ام ياسر:اتصلي ع سواق وخلي يجي ياخذك بسرعه
جود:لا ماماتي ريم بتمر علي
ام ياسر:ووين ريم الحين
جود:انتضري اسئلها ريم انتي وين الحين
ريم:تقدري تقولي صارلنا نص ساعه مرقوعين عند الباب
جود:يمه تقول هاذا هي عند الأشاره الي عند البيت
ام ياسر:انزلي بسرعه لا تتأخري عليهم
ريم:اااه ياخاله لو تدرين وش صار لنا ساعه عند الباب وهي ولا هامها
جود:اسكتي بس هاذا انا لابسه عباتي ونازله
ريم :بسرعه لان رح نمر ناديه (وسكرت )
جود لبست بسرعه وهي نازله شافت ابوها :يسعدلي صباحك باباتي
ابوا ياسر:ويسعدلي بنتي الدلوعه انا ليه مارحتي المدرسه
جود:لاهاذا انا رايحه ريم عند الباب
ابوا ياسر انتبهوا لبعض
جود:لا توصي حريص
ابوا ياسر:معاكي مصروف
جود:ايه يبه الحمدلله يلا سلام
وباست راس بوها وطلعت
ريم:لا خليكي جوا بعد
جود:ابوي هوا الي أخرني يوصيني عليكم
ريم:والله مارحمك الا عمي ياقلبي عليه تدرين ناديه احرقت جوالي تقول تأخرنا
جود:عادي لسى بدري حتى لوو رحنا نفطر عادي
ريم:عشان كذى نقول لكـ استعجلي عرفتي ليه
-----------------
ناديه :اوووووووووف تأخروا ياربي
مرام وهي جالسه على التلفزيون وتقلب:هاذا هو السواق خذي وطلعي
ناديه:لا نبي نفطر برى
مرام:يمديكم
ناديه:ايه لان مدرستنا اول شي خصوصيه و الدوام مايبدا الا 7 ونص
مرام:ايه الله يعنكم ولا كيف تكلمي البنات
ناديه:لا عادي معنا جوال مخبينه ماحد يدري عنه
مرام:جوال مين
ناديه:جوال ريم رحنا السوق مخصوص نشتريه
مرام:ليكون تصورون البات فيه
ناديه:وش نصور الله يهداك جوال الكشاف
مرام الي مامسكت ضحكتها :هههههههههههههههههه اما عاد
ناديه:ايه ريم تقول والله ماشتري جوال وتاخذه ام السان
مرام رفعت حاجب :مين
ناديه:المديره
رن جوال ناديه
ناديه:وين صرتوا
جود:بسرعه اطلعي الحين يلا
ناديه:ايه يلا هاذا انا جايه
وطلعوا
--------------
مرام أتصلت على اسيل
اسيل:ياااهلا والله
مرام:اهلين كيفك
اسيل:تمام الحمدلله
مرام:اقول اسيل وش رايك نطلع نتمشى لين يجي وقت الجامعه
اسيل:حرام عليك الساعه 6 وحنا دوامنا 9
مرام:لين تلبسين ونتصل على رنا وروان تكون الساعه 7 وزحمه الرياض وهاذا شي لا يخفى عليكـتكون السعاعه 8
اسيل:طيب يلا بسرعه اتصلي على البنات
مرام:اوكيشن يلا باي
اسيل :مرام ياسر الي رح يوصلنا
مرام:لالا شوفي سواقين مالين البيوت ونتي تقولي ياسر
اسيل:ايه هو قالي انوا يبي يوصلني لان طريق من عند الجامعه
مرام:ايه طيب اقول للبنات يلا سلام
وسكرت--
ياسر :اسمع اسمي تو
اسيل:ايه نبي نطلع نتمشى حنا ولبنات ونتى قلت تبي توصلني اليوم عادي طلعنا
ياسر:صديقاتك
اسيل:لا مرام و روان ورنا
ياسر جت بباله وبتسم :رنا
اسيل:ايه رنا بنت عمي عبدالله
ياسر يمثل انه مايعرفها :ايه ايه عرفتها
_____________
رناااا:يمممه والله مليت
رائد:وش تبين من الصبح تصارخين
رنا:رائد ياربي مليت وانا لحالي ابي اطلع
رائد:ولي تنادين امي
رنا:تجلس معي
رائد:امممم
رنا:رائد الله يوفقك ابي اطلع مليت
رائد:اممممم افكر روحي زيني لي فطور وشاي وأوديك
رنا:يالله تو الخدم كانوا حاطين الفطور
رائد:لا انا ابي الفطور انتي تزيني مو الخدم
رنا:لاوالله
رائد:بسرعه ولا مارح اطلعك مكان
رن جوالها
مرام>>تتصل بك
رنا:السلام
مرام:وعليكم السلام
رنا:اوووف مرام والله ملانه موووت
مرام :ههههه وانا بعد اسمعي
رنا:وشو
مرام:نبي نطلع نتمشى انا ونتي واسيل و روان
رنا:والله بسرعه طيب تعالوا خذوني
مرام:بسم الله طيب روحي البسي قبل لان رح نروح الجامعه على طول
رنا:لابسه من الساعه 5 انتضر احد يطلعني
مرام:طيب وعلى فكره ياسر الي بيمشينا
رنــا:المهم اطلع حتى لو كان مع ابن الجيران
مرام:طيب يلا كمان شوي اشوفك
رنا:سلام ((وسكرت ))
-----------------------
روان :لا يمه مافي وقت بطلع مع البنات
ام رائد:مين ذول البنات
روان:بنات عمي
ام رائد:يوووووه انتي لسى مع ذول كم مره قلت لك اتركيهم ابعدي عنهم
روان:يمه وانا بعد كم مره قلت لك بنات عمي مأقدر ابعد عنهم
ام رائد:وحتى رائد قلت له ادور لك وحده تجنن مايروح يخطب الا ناديه
روان:هاذا الشي الوحيد الي زينه رائد صح
رائد الي كان داخل من الباب :وشو هل شي الوحيد
روان:زواجك من ناديه
رائد:يالبى قلبها
ام رائد:والله كان زوجتك حلى منها بمليون مره
رائد:يمه سكري على ذى الموضوع كم مره قلت لك انا امووت بناديه وحتى لو كانت مو حلوه على قولتك
روان:مين الي مو حلوا ناديه تقول للقمر قوم لأجلسك مكانك
ام رائد:وانامأحبها ابد
رائد:المهم اني انا الي احبها مو انتي
روان:ايه والله كلامك صدق يا رائد
ام رائد:هاذي حياتكم انا وش دخلني فيكم بس انا قلتلكمابعدوا عن بنات عمكم
روان:لا انا ولا رهف ولا ريم نقدر نبعد عنهم
ام رائد:وانا مالي دخل فيكم وطلعت
روان:ابي اعرف امي تبنا نبعد عن الكل
رائد: انتي تعرفي طبعها هاذا هو
روان :والمشكله مانشوفها الا بسنه مره دايم بشغلها
رائد:الله يعين بس
-------------------
ناديه:بناات يلا خلنا نروح طولنا
ريم وهي تاكل:لالا انتضري كمان ربع ساعه ونروح
جود:بناات شوفوا ذاك خقق يجنن
ناديه:لاحول ولا قوه الا بالله بنات اعقلوا
ريم:انتي كافيكي رائد
ناديه : الحمد لله والله انوا مكفيني
جود:ونتي بعد ياريم عند نواف ((وهي تمثل البكا)) وانا ماعندي احد اهئ اهئ
ريم:يالله روحي لأقرب عامل وحبيه
جود:لا تخليني اتهور وأسويها
ناديه:بناااااااااااات خلصوني يالله على المدرسه وقاموا
--------------------------------
ياسر:أسييييل بسررررررعه ترا والله اروح
اسيل:هاذا انا نازله انتضر
ياسر(((بس لآن رنا معكم رح امشيكم ))):بسرعه
اسيل نزلت عن الدرج :يلا اوووف ماتخلي احد يزين شي
وطلعوا بسياره
ياسر:مين الي رح يروح
اسيل:الي قلتهم لك تو روح عند بيت عمي فهد قبل
ياسر:طييب
--------------
اسيل:هلا مرووم
مرام:اهلين وينكم
اسيل:هاذا حنا عند الباب
مرام:يعني وصلتوا
اسيل:ايه
مرام:اجل يلا انا جايه
وسكرت
مرام:يلا يمه رح اروح
ام فيصل :ايه يمه يلامع السلامه الله يوفقك
طلعت مرام
دخلت لسياره
مرام:هلا ياسر شلونك
ياسر:الحمدلله تمام شلونك انتي
مرام:الحمد لله بخير
أسيل:انا مالي سلام
مرام:لا اليوم بذات يمكن سلمت عليك اكثر من 10 مرات
أسيل:كلها 3 مرات من وين جبتي 8 الباقين
ياسر:اروح بيت مين ذى الحين
اسيل:بيت عمي محمد
ياسر ((ياربي قولي بيت عمي عبدالله )) وصلوا
اسيل :شوفيها واقفه على الباب
مرام:ههههه تلاقيعا متهاوشه مع رائد
طلعت روان
روان:السلام عليكم
الكل:وعليكم السلام
روان:شلونكم مع ذى الحر القارص
اسيل:اي حر الله يهديك ثلجنا ونتي تقولين حر
روان:عادي لان انا صارلي ساعه انتضركم
اسيل:ازين ياسر الحين بنروح بيت عمي عبدالله نبي ناخذ رنا
ياسر((يالبى قلبها بس )):ايه وبعدين وين بتروحون
اسيل:اي مكان تبي
ياسر :طيب شوفي البنات
مرام:اي مكان المهم نطلع
رن جوال اسيل رنووا >>تتصل بك
اسيل:هاذي رنا اكيد رح تقول تأخرتوا
ياسرالي نشد للأسم
اسيل:مرحبا
رنا: اسيل وينكم والله مليت احس الي نخنقت
اسيل:ههه اح نخنقتي هدرجه
ياسر ناضر على اسيل بسرعه
رنا:اي ولله رائد كل شوي يطلب طلب وانا ابي اطلع
اسيل:هاذا حنا علىالأشاره اطلعي
رنا:والله يالله باي (وسكرت بوجها )
اسيل:قليله خاتمه سكرت بوجهي
روان:ايه مافي احد بلبيت الأهي ريناد بلمدرسه
اسيل:شوفيها هاذا هي طلعت
رنا دخلت وجلست ورى كرسي ياسر :السلام عليكم
الكل: وعليكم السلام
رنا كانت خجلانه انها تركب مع ياسر بعد ماشافها بس الملل كان مصيطر على الوضع وخلاها تطلع :شلونك ياسر
ياسر((يالبى اسمي بصوتها بس)) :الحمدلله وشلونك انتي
رنا بخجل:الحمدلله
ياسر:يلا تبون تفطرون ولا وشوا
روان:لا وش نفطر يمكن اليوم افطرت فوق 10 مرات
اسيل:وش فيكم اليوم ماسكين رقم 10
روان:والله انا عني لني احبه
رنا تكلم مرام:علينا اختبار اليوم
مرام:ايه علينا بس مدري وشو هو
رنا:ايه شاطره ترانا جامعه لازم نشد حيلنا شوي
------------------------------------
مع تحياتي
نص القمر
توقعاتكم
وش رح يصير بسياره ....؟
وش بتتوقعو ورى الباب المسكر صار له سنين .....؟
و وش هو الشي الي رح يزينه نايف ح يخلي جود تندم ......؟