من ديوان " شاعر بلا مشاعر "
يا بيروت

يا بيروت... يا دمعة حزن بعيون كل الناس...
شو ذمب الغالي فيكي يموت... والقاتل يعيش فيكي مرفوع الراس...
من كل مكان كانت الناس عليكي تفوت... وتشرب بصحتك الكاس...
وهلأ صارت أرضك تابوت... إندفن فيها أغلى الناس...
يا بيروت... تا تصيري خضرا كنا بالمي نسإيكي...
بس هلأ الغالي فيكي لأجلك بموت... وبدمو الطاهر بيرويكي...
وين الغالي إلي عمر لبنان وساعد أهل بيروت... وعن أرضك بصدر مفتوح كان يحميكي...
وين الغالي إلي عمر للفقير بيوت مكانو صار تابوت... همو ما كان الناس همو يا بيروت يرضيكي...
يا بيروت... لا تبكي أكيد رح يجي يوم نداوى الجروح...
وترجع بالعمار راس بيروت... وترجع ريحت العنبر فيكي تفوح...
والعادي رح يطلع متل ما كان عليها يفوت... بس حامل قلبو عإيدو و جسمو مليان جروح...
يا خاين بصوت الحنان بتناديك بيروت... يا إم بتغفر خطايا و بتضم بصدر مفتوح...
يا بيروت... أطلبي الرحمة للشهدا إلي سأوكي الدم...
وبرحيلهم رجعت بيروت... وبوجودهم تحملوا لأجلك العذاب والهم...
حبك علمنا نتحدى السكوت... ونعلي صوتنا فوق ضوت الدم...
يا إما بتكوني يا بيروت حجر ياقوت... أو بنعيش باقي الحياة بعذاب وهم...
يا بيروت... رح تبقي بعيوني أحلا البلدان...
وبقولها بأعلى صوت... رح إبقى حبك ويحرم علي النسيان...
عمرك يا لبنان ما بتموت... لأني معلق بشريانك وإنت معلق بهالشريان...
يا إما بتبقي إنت وأنا بحبك بموت يا بيروت.... أو أنا بموت وبتبقي إنت للكرامي عنوان...

-( مع تحيات شاعر بلا مشاعر " شاعر حب " )-