الموضوع: روايــــــــة : تمنت ان تصبح ذكــر فأًصبحــت !!!
عرض مشاركة واحدة
  #5  
قديم 08-18-2012, 04:20 AM
 
هلا والله فيكم .... اتمنى وياليت منكم تعلقون وترى رايكم مثل ماقلت يهمني :kesha::kesha::kesha:

تفضلوا اقرو البارت الرابــــع :



في بــاب بيت ...

ليال : ( تدق الجرس بقوة )

شغاله : أنا في يجي ... أنا في يجي (تمشي بسرعه ) ( تفتح بـاب) آنتا في دوقي جرس كثير بعدين بيخرب جرس بعدين انتا مافي يدفع فلوس

ليال : ( تسلك لشغاله ) المهم المهم وش الغداء ؟؟؟

الشغاله : رز.....دجـاج....سلطـه

ليال : خلاص حطي الغداء وببدل وبجي ( تمشي ) ( ترقى الدرج ) ( تمشي ) ( تـفتح بـاب غرفتها ) ( مصدووومة تماما ) من ... من غير ديكور وغير كل شيء بغرفتي ؟ ( ترفع صوتها)
من غير كل شيء بغرفتي اكيد جمانه

ام ليال : انا اللي غيرت الديكور مو جمانه وش فيك ؟؟

ليال : ( منصدمة ) هـــــا !!؟؟

ام ليال : غيرت لون الجدار كان لون جدارك موف فغيرته للون ابيض احسن وسريرك عطيته الشغاله وجبت سرير ثاني وبعدين كانت غرفتك كله موف و رصاصي ودروج اللي تشوفينه في اوراق وصور فجمعتها في كيس ونزلتها تحت عند المخزن متى مايفضى ابوك يذبها عند اقرب سله اوراق وبعدين و..

ليال : ( منزله راسها ) بس يكفي عرفت.. جزاك الله خير يمكن ارتاح حدي منهمكه

ام ليال : طيب ارتاحي بس ترى ..

ليال: ( تسكر الباب بقـوة )

ام ليال : وش فيها ؟!

ليال : ( تحط كتبها على التسريحه .. تفصخ ثوبها .. تناظر نفسها بالمرايه حديث نفس : اخترت اكون ولد وصار اختياري وبدت حياة جديدة لي بس لو امي وجدتي حيين وش كانوا بيقولون لي؟ وش كان راح يسون لي ؟؟ .. تجلس بسرير .. تنسدح .. اعذريني يمه ماعندي شيء اذكره عنك ( تبكي ) ولون اللي تحبينه تغير ( تتنهد ) اخ ياجدتي اكيد كنتي بتعصبين وتهاوشيني لو فكرت بس اصير ولد بس الحين ( تنزل دمعه .. تمسح .. بصير ولد ..

بعد مرور 10 دقائق ..

ام ليال : (تدق الباب) ليال ليال افتحي الغداء جاهز يالله ترى ابوك جاء من دوام يبي يكلمك بموضوع ليال ردي

ليال : ( تصحى ) انا ابي انام بتغدى اذا صحيت العصر

ام ليال : طيب براحتك

بعد مرور ساعتين ونص ....

جمانه : ( تدق باب) ليال ليال ياهووو قــومي ليال

ليال : ( تصحى من النوم ... تلتفت يمين تاخذ جوالها ... تشوف الساعه .. تحط يدها براسها ) اخ طيب بفتح الباب .. ( تفتح الباب ) هـا .. وش تبين ؟

جمانه : اخيرا ها وش سويتي بالمدرسه ؟

ليال : مصحيتني علشان كذا .. طيب طيب بقولك بس بروح اغسل وجهي وتوضا واصلي العصر ثم اتغدى وبعد ماتغدى بقولك كل شيء وبتفاصيل هـا ؟

جمانه : يـوه كل ذا علشان تقولين لي السالفه اوكيه انتظر وش اسوي أي صح وش رايك بالغرفه ؟

ليال : الغرفه ؟ ايه حلوة بس اوراقي وصور برجع اخذها من المخزن

جمانه : انا اتصلت بامي بعد مانزلتي من سيارة وقلت لها تغير ديكورغرفتك كلها ههههههه هذا لحركتك ونذالتك اللي سويتها اليوم ادري انك كنتي تحبين ديكور غرفتك بدون تغيير هههههه

ليال : ( ماسكه نفسها من القهروالغضب ) ايه طيب عادي غيرتها ومن قالك احب غرفتي بدون تغيير هذا قبل من اتبدى حياتي كولد هههههههه

جمانه : الحمدلله عجبك المهم يالله روحي غسلي وتغدي انا رايحه اتفرج مسلسل متحمسة له يالله عن اذنك

ليال : ( تمشي ) حديث نفس : غيرت ديكور غرفتي علشان تقهرني الحين انتي ماخليتيني انقهر خليتيني ابكي اخ

بعد ماصلت العصر وتغدت الغداء ... في صاله ...
جمانه : تعالي هنا اجلسي وقولي لي السالفه بتفاصيل ...

ليال : طيب صبي لي شاهي

جمانه : من عيوني ( تصب الشاهي ... تحطه على طاوله ) يالله قولي

ليال : بعد مانزلت رحت امشي ادور نعلتي اللي ضيعتيها

بعد مرور ساعه من السواليف ... ابو ليال يجي ...

ابو ليال : جمانه صبي لي قهوة وانا ابوك

جمانه : على عيني وراسي

ليال : ارحب يبه ارحب

ابو ليال : البقى البقى

ليال : يبه امي تقول ان عندك موضوع تبي تقوله لي صح ولا لا

ابو ليال : ايه في موضوع ابي اكلمك ( ياخذ الفنجان القهوة ) كنت اكلم صديق لي اعرفه

ليال : الوكيل اللي بمدرستي

ابو ليال : ايه وش عرفك ؟؟

ليال : لا بس ... ايه كان يبغاني الوكيل علشان يقولي عن المدرسة ومدري ايش المهم لاتهتم كمل

ابو ليال : وقالي راح يجتمعون اهو وصديقي الثاني اللي اعرفهم من ايام الثانويه تعرفين نسترجع ايام الثانويه وبيجون عياله واصدقاهم وهم يقولون لي جب ولدك معك واذا ماجبتك بيتسألون وانا مابيهم يشكون بشيء وراح اخذك معي بس مارح اخليك تسبحين بشغلك بشياء ثانيه مثل تصبين قهوة وغيرها من اشياء و بيكون يوم الأربعاء في استراحة ..

ليال : هــــــا ايش!!

ابو ليال : ( يرفع صوته ) وش ايش وش فيك ؟؟

ليال : ( تبلع ريقها ) لالالا ولا شيء ( تبتسم ) حلو موافقه ومتحمسه بعد

ابو ليال : ( يشرب قهوته ) انا رايح وراي شغل تامروني على شيء ؟؟

ليال : يبه يمكن ( تبتسم )

ابو ليال : وش يمكن ؟؟

ليال : تشتري لي جوال .. بس مو أي جوال ابي ايفون 4 هــا ؟

ابو ليال : لا جوالك هذا زين وش تغيرينه مهبوله

ليال : يبه اسمعني انت الحين اذا رحنا للأستراحه واصدقاك اللي ماشفتهم من زمان تبي يشوفوني بجوال يعني مو زين وعيالهم افخم الجولات وش تبي يقولون عنك ولده مايعطيه جوال مثل الناس ..

ابو ليال : لا افا اعطيك جوال مو أي جوال احسن جوال بس اسمعي مابيك تخربينه لأنك اذا شريت لك جوال يجلس معك فترة ويخرب بسببك وانتي تحطين البلوة في الشركه

ليال : هــا لا ابدا وعد مني مارح يخرب وبحافظ عليه وعد

ابو ليال : خلاص بشتري لك

ليال : متى راح تشتري لي؟؟؟

ابو ليال : راح اشريه لك هذا الأسبوع قبل يوم الأربعاء


ليال : تسلم كثر الله خيرك بابا

ابو ليال : يالله عن اذنكم ..

ليال : ( تشوف ابوها يروح يطلع من باب ) ( ترقص ) ياهوووو اخيرا راح يتحقق حلمي واشتري جوال مزيون

جمانه : من متى وانتي تقولين بابا هههههههه

ليال : ههههههههه وش تتوقعين حقق لي اكبر حلم في حياتي هههههههه
اليوم الثاني ... في المدرسه ...

الوكيل : تتأخر وانت توك جاي من امس وقف هنا وتخسى تدخل الا بعد الحصة هاذي فاهم

ليال : ( تبلع ريقها ) طيب

بعد ربع ساعه يرن الجرس

ليال : ( تتنهد ) يالله ارقى فوق للفصل قبل مايصير لي مشكله بعد ( تمشي ) ( ترقى )
( تدخل الفصل ) تناظر الفصل حديث نفس : اخ وش اسوي الحين مع الشله الهواش امس اخ
( تمشي ) ( تجلس مكانها ) ( تحط كتبها على طاوله ) (تتنهد )

فهد : هلا ارحب عبود ( يحط يده برقبته ) ( يمشي جاي عند ليال)( يقرب وجهه باليال ) عبود ليش متوحد تعال عند شلتنا ...

ليال : هــا ( تبعد وجها عن فهد )

فهد : ( يضحك) تعال ارحب بشلتـنا وانا اخوك

ليال : طيب اتوقع مافي مكان ( تناظر ) حديث نفس : غريبه ليش ماسوا لي شيء هو وشلته ؟!!

فهد : ألا في ورى جنب عزوز

ليال : ها طيب ( تشيل كتبها ) ( تقوم من مكانها متجه لشله ... تمشي ... تجلس جنب عبد العزيز ...)

عبد العزيز: هلا ارحب ( يدف ليال )

ليال : ( تضحك ضحكة تعجب) هلا فيك البقى

عاصم : ( يلتفت ) ( يناظر) انت ذا.. اللي اسمه عبود اللي امس جلس يلعب هو وخويه بطراطيع يعني وش قصدكم بالحركة فله مثلا ... وش متعها فيها حسستوني بالعيد اذا اجتمعو البزران يلعبون بطراطيع الرخيصة اللي تلوث البيئة وتزيد من حرارة الأزون صدق غباء

ليال : ( مستغربه ومتعجبه من كثر كلام عاصم ) ( تضحك ) اول مرة اشوف واحد يتكلم ورى بعض بدون مايوقف اكيد مجهز الكلام من امس هههههههههه

عاصم : يرحم امك اسكت ( يعطي ليال ظهره )

ليال : ( تبتسم ) طيب ..

بعد الحصة الفيزياء...........

فهد : كلامه كثير... اخ راسي تقفل

محمد : حمدلله خلص لو ماخلص كان راسي انفجر من كلامه

عبدالعزيز: ههههههههه اما بلا هياط

ليال : بالعكس كان الدرس حلو وكان يشرح لكم اشياء تفيدكم بعدين...... اغبياء

عاصم : اقول انت وخويك اللي تلعبون بطراطيع مسوي دافور لو أنك دافور كان مالعبت هاذي اللعبه اللي تلوث الجو

ليال : اصلا ماكنت العب عبث كنت العب وادرس بنفس الوقت تحولات وغيرها للكمياء ياغبي

عاصم : اما كذاب من وجهك اقول اقرب باب

ليال : هي يا وجهه كفرة سيارة شايف نفسك على ايش يا مخيس

عاصم : هي بلا كلام فاضي يا هندي انت وشعرك المقسوم نصين

ليال : ( ماسكه اعصابها ) وش دخلك بشكلي شوف مشيتك تقول بطه

فهد : يرحم امكم وقفوا هواش

دخل استاذ الرياضيات

استاذ الرياضيات : السلام عليكم يالله طلعوا كتبكم

ليال : ( تطلع كتاب الرياضيات ) ( تسمع صوت مقرف ) ( تلتفت ليال ) عبدالعزيز ؟!

عبدالعزيز: اص اسكت لاتفضحني ( يضحك )

ليال : ( تضحك ) انت سويتها ههههههه

عاصم : ( يلتفت ليال ) هي لاتسويها فاهم الله يقرفك ( يرفع صوته ) استاذ بغير مكاني
ليال : عاصم هي انا ماسويتها والله العظيم

عاصم : ( يناظر ليال بنظرات انت كذاب ) من شفتك تلعب بطراطيع وانا غاسل يدي

الاستاذ : يالله غير مكانك نبي نكمل الدرس

عاصم : ان شاء الله ( يقوم ويروح مكان ثاني في الفصل )

ليال : ( مقهورة وماسكه نفسها وتسمع ضحك عبد العزيز ) ( تناظر عبدالعزيز بقهر)

عبدالعزيز : ( يضحك )

فهد : عزوز ... عزوز وش فيك تضحك ضحكني معك

عبدالعزيز : انا سويتها كل عادة وعاصم ظن عبود سوها وتقرف وقام ههههههههه

فهد : ( يضحك) انت من عرفتك تسويها هههههههه عبود لا تنقهر من عاصم

محمد : ( يضحك ) صدقت فهود انت لاعد تطقع عزوز

ليال : وليش بنقهر ... محمد لاعد تقول الكلمه اللي قلتها

محمد : أي كلمه طقعه ماتبيني اقولها

ليال : ( ترفع صوتها) ايه لاعد تقولها

الأستاذ : وليش معد اقولها ؟؟

ليال : ها لا استاذه ماكنت اقصدك كنت اقصد محمد

الاستاذ: استاذه ؟!

يضحكون الطلاب ...

ليال : اقصد استاذ ( منحرجة ) ( تجلس )

لأستاذ : المهم ركز في درس بلا لف ودوران فاهم

ليال : طيب ( منزله راسها من الإحراج )

عبد العزيز : (يضحك )

شخصيه عاصم : عمر عاصم 17 سنه شايف نفسه يكره ليال ويحب يتهاوش مع ليال خصوصا من ناحية جمال متوسط الجمال عيونه بنيه وشعره اسود ولون بشرته حنطي ودايم يفهم ليال غلط

نكمل ...

يرن الجرس وقت الفسحه ...
ليال : ( تقوم من كرسي ... تركض مسرعه متجهه لفصل نايف

في طريقها لفصل نايف وهي مركضه ...

نايف : ياعبود ياهوووو وقف وقف

ليال : ها نايف.... كنت مسرع علشان اجي عندك واقول لك موضوع

نايف : وش الموضوع ؟

ليال : شله فهد تغيرت ونادوني اجلس معهم وجلسوا يستهبلون بس اكثر شخص قهرني وودي اضربه لحد الموت بس تصدق مستغربه ماسووا لي شيء

نايف : فهد ؟

ليال : لا مو فهد وين..... عاصم ذا الغبي شايف نفسه وجهه كنه قدر جدتي القديم

نايف : ( يضحك ) ههههه شكلك متعقد من قدر جدتك هههههه أي عاصم اصلا من عرفته في متوسط وهو متكبر وشايف نفسه بس قلبه كبير حاول تفهمه واذا فهمته بتغير رايك فيه 100\100 وشله تنسى ولا تهتم يمكن شافوك فله ونادوك معهم

ليال : افهمه ؟! طيب بحاول .. ايه يمكن

نايف : المهم تفطر معي ولا لا راح اوديك مطعم ينسيك اسم امك كذا طعمه

ليال : اخ اعذرني بفطر مع فهد وشلته خله بوقت ثاني

نايف : فهد بتفطر معه ( تغير مزاجه) طيب براحتك انا طالع افطر تامرني على شيء ؟؟

ليال : لا سلامتك

نايف : فمان الله ( يعطي ليال ظهره ويمشي )

ليال : نايف ... نايف انتظر

نايف : هلا بغيت شيء؟؟

ليال : طيب تفطر معي ومع فهد وشلته ؟؟؟

نايف : لا مشكور مابي ( يكمل طريقه )

ليال : حديث نفس: ليش اذا ذكرت فهد يتغير مزاجه ؟! ( تسمع صوت عالي يناديها )

محمد : يا غبي يامفهي تعال افطر معنا فاق خشتك ساعه تعال

ليال : ( ماسكه اعصابها ) حديث نفس : اخ هونت افطر معهم ياليت فطرت معك نايف

محمد : عبود يامفهي

ليال : ( ترفع صوتها ) طيب طيب جاي ياكلب ( تركض مسرعه عند محمد )

محمد : بروح فيها (ينحاش ركض)

ليال : من هو المفهي ياخواف ( في ركض ) ( توقف ) اخ تعبت راح الجربوع يالله سريع

بعد الفسحة ....

في الفصل ... الحصة السادسه ... في اثـناء الدرس والأستاذ يشرح ...

فهد : ( يناظر ليال ) حديث نفس : عيونه حلوة يالبيـه وشفايفه وردي
......... أعوذ بالله أكون شاذ ولا أصير من ذولي الخكاريا أعوذ بالله بس شعره نـــاعم ومتدرج ومختلف ماعمري شفت واحد شعره ناعم وشكله انثوي بس شعره فرقه بحاول اعدله ( يمد يده يحط يدة بشعر ليال ويحرك شعرها )

ليال : هي وش تبي لا تخرب شعري

فهد : في احد قال ان شكل شعرك حلو ؟!

ليال : لا بس انا اشوفه مرتب احلى وترى انا اجلس نص ساعه علشان اخليه كذا شعري

فهد : ( يضحك ويضرب بطاوله )

استاذ علم الاحياء : ( بصوت عالي) فهد جالس تضحك قوم قوم الله عدوك

فهد : ( ببرود تام ) هلا طيب بقوم ( يقوم )

استاذ علم الاحياء : ا( معصب ويرفع صوته ) قوم انقلع برا

فهد : ( يحك شعره ) طيب طيب ( يمشي – يفتح الباب – يطلع - يسكر باب)

ليال : حديث نفس : تسريحة شعري بايخه ( تهمس لمحمد ) حمود حمود

محمد : نعم ؟
ليال : شعري شكله غبي ؟

محمد : ايه غبي توك تدري ؟

ليال : كل تبن

محمد : هــا ؟!

ليال : ولا شيء

بعد دوام وصلاة الظهر وفي البيت ....

في الغداء ....

ليال : ( تاكل الغداء )

جمانه : ( تناظر ليال ) ليال اسمعي شريت لك تي شيرت وشورت واو جنان راح يناسب لك

ليال : ليش شريتي لي ؟!

جمانه : نسيتي !؟

ليال : وش نسيت ؟!

جمانه : بتروحين الأستراحه أنتي وأبوي في جمعه اصدقاء ابوي وعيالهم هــا تذكريــن ؟

ليال : أيــــه صح اخ اعذريني نسيت طيب بجربهم بعد صلاة العصر

جمانه : لا مابي ألا بعد الأكل ولا ترى بسوي نذالــة واخلي أبوي يغير رايه انه يشتري لك جوال اللي تبينه ....

ليال : ( بقهر ) ياليل طيب طيب بعد الغداء ... وانتي ماشاء الله نشيطه أربع وعشرين ساعة

جمانه : قولي ماشاء الله

ليال : قلتها شكلك ماسمعتيني

جمانه : لا ماسمعتك ابيك الحين تقولين ماشاء الله

ليال : ( بقهر ) ماشاء الله تبارك الله واشهد ان محمد رسول الله

جمانه : ( ابتسامه كبيرة ) أيـــه كذا

بعد الغداء في غرفة ليال ...

ليال : هــا وش رايك ؟؟

جمانه : طيب لفي شوي يمين اشوف

ليال : ( تلف يمين ) هـا والحين ؟

جمانه : اوكيه حلو عليك طيب جربي الثاني اللي شريته
ليال : ( تناظر جمانه بحقد وقهر ) ماكنك زودتيها ؟

جمانه : طيب خلاص بعدين ( يرن جوال جمانه ) يالله اعذريني ( تطلع من غرفة ليال )

ليال : ( تسكر الباب)

وبعد مابدلت ونامت وبعد صلاة العصر ...

ليال : ( يرن جوالها ) ( تصحى من النوم تاخذ الجوال ) ( وترد وهي ماله خلق تماما ) الـو نعم

محمد : اخيرا رديت انت وجهك يامفهي يادلخ يا غبي ياتيس

ليال : ( معصبه وترفع صوتها ) هي وين جبت رقمي انت وجهك ولاتسب ؟

محمد : خذيته من فهد وفهد خذاه من ابوه وابوه صديق ابوك وابوك عطى رقمك لأبو فهد وفهد خذا الرقم من ابوه ثم انا طلبت يعطيني رقمك وكلمتك ومارديت علي اتصلت عليك عشر مرات والحين يوم رديت صارت 11 مرة ...

ليال : بس بس ازعجتني ولخبطت مخي مابي اعرف من وين جبت رقمي المهم وش تبي؟؟؟

محمد : انا وفهد وعزوز وعاصم بنجتمع ببوفيه ابو علي ثم بندور بشوارع الرياض شوي تبي تروح معنا ؟

ليال : لا مابي اروح مشغول ...


محمد : ياكلب تعال ترى والله اذا ماجيت بنجي ببيتك وناخذك فاهم واذا ماقدرنا راح بكرة نضربك ضرب تنسى اسم امك تعال

ليال : ياليل مابي اجي افهم

محمد : طيب ربع ساعه وجايين بيتك

ليال : ( تسلك ) طيب طيب ( تسكر بوجه محمد )

في سيارة فهد ...

محمد : اسمعو شباب يبينا عبود ناخذه من بيته تعرفون وين بيته

فهد : صبر شباب بتصل بأبو نايف ... يدل بيتهم على مااعتقد

عاصم : وليش تعبون انفسكم علشان عبدالله وش رايكم نفلها بدونه

محمد : لا ابي عبود اول مرة اخلي شخص ينقهر ويعصب علشاني ويكون سبب مني ( يضحك)

فهد : الو هلا والله اخبارك عمي ؟؟

ابو نايف : حمدلله بخير وانت وانا ابوك ؟؟

فهد : تمام عمي عمي لايكون اشغلتك بشيء بغيت منك تدلني ببيت ابو سـالم

ابو نايف : بيت ابو سالم !؟

فهد : أيــه

في بيت ليال بعد مرور نص ســاعه ... في صاله ..

ليال : ( جالسه على البي بي .. وتاكل شبيس )

يدق باب البيت ...

ليال : ( ترفع صوتها ) جمانه انتي طلبتي من بقاله او مطعم ؟

يدق باب الجرس ...

جمانه : لا ما دقيت روحي افتحي الباب شوفي من ؟

ليال : طيب ليش الشغاله ماتفتح ؟

يدق باب الجرس ...

جمانه : الشغاله راحت مع امي يالله روحي افتحي باب

ليال : ياليل طيب طيب بفتح ( تقوم ... تمشي ... ) طيب طيب جايه وجع ( تفتح الباب كله ) ( مصدومة تناظر)

فهد : ( منصدم ) عبود ؟!!
محمد : صدق انت عبود ؟!

عزوز : ( منصدم )

عاصم : ( منصدم وعينه ماسكرها )

ليال : ( تسكر الباب بقوه ) ( تنعم صوتها مرة ) سوري انا اخت عبود توام بروح انادي اخوي اعذروني للحظة ( تركض مسرعه لجمانه ) جمانه جمانه

جمانه : نعم هــا من ؟ّ

ليال : ( بصوت توتر وخوف ) هذولي الشله اللي اعرفها في مدرسه اتصل علي واحد منهم ومدري وين جاب رقمي وقال لي تعال وانا رفضت وقال بنجي بيتك لو ايش وصدق جو وشافوني ( ترفع صوتها ) اخاف عرفو من انا وش اسوي رقعت لهم السالفه وقلت اني اخته يالله وش اسوي ؟؟؟

جمانه : ( تمسك يد ليال ) هدي هدي شوفي روحي بدلي بجامتك والبسي أي شيء وروحي عندهم وكأن ماصار شيء يالله بسرعه

ليال : بس اخاف ياخذوني معهم يبون اروح بوفيه يع وادور بشوارع الرياض

جمانه : ماعليه روحي علشان مايشكون وابوي مو راجع الا ساعه 12 وامي يمكن 11 وانتي حاولي ترجعين قبل ومارح يصير شيء وبعدين هم ماحطوك بنت ولد افهمي مارح يسون لك شيء يالله روحي بدلي وانا بستر عليك يالله ...

ليال : طيب ( تركض متجه لغرفتها ) ( ترفع صوتها ) مشكورة جمانه ...

في باب بيت ليال ...

فهد : اخته تشبه له يالله مرة مالاحظتو شباب

محمد : يالبييه بقول لعبود انه يحجزها لي

عزوز : بس مومثل قصت شعره ؟!

عاصم : يمكن اهو نفسه

فهد : لا.. وين اهو نفسه يستهبل

محمد : بلا غباء عاصم اهي اخته توأم هي قالته يالبييه فديتها

ينفتح باب البيت ...

ليال : هلا ارحبو ادخلو ...

فهد : يالله تعال معنا يادلخ وش اخرك

ليال : لاتوني صاحي اعذروني ... كيف جيتوا بيتي

محمد : ( يضحك) قلت لك راح نجي بيتك لو ايش يالله اركب معنا بروح ناكل باقرب بوفيه ترانا جيعانين...

ليال : ( تبلع ريقها ) يالله بروح معكم بس برجع قبل 11

فهد : يالله طيب بس يالله اركب

ليال : طيب ( تسكر باب البيت ) (تمشي ) ( تناظر سيارة فهد ) حديث نفس يالله خقه سيارته

يركبون شله الفهد سيارة ..

ليال : (حديث نفس : يالله وين اجلس لامابي اجلس جنب واحد منهم ) فهد يمكن اجلس قدام

فهد : اعذرني بيجلس عاصم

عاصم : اقول ورى انقلع ورى احمد ربك دقينا مشورة ناخذك يالله ورى

ليال : لا تكفى خلني قدام طلبتك تكفى

عاصم : لا انقلع ورى

ليال : اجل هونت اروح يالله الله معكم

محمد : ( يمسك يد ليال )

ليال : ( تناظر بتعجب لمحمد )

محمد : ( يبتسم ) تعال جنبي ( يسحب ليال ويدخلها سيارة )

ليال : ( تبلع ريقها ) حديث نفس : يالله صرت جنب محمد وش اسوي مارح اناظر محمد احسن لي اناظر شباك السيارة ( تلتفت لشباك سيارة فهد ) فهد وش اسم سيارتك ؟
فهد : ( وهو يسوق ) سيارتي بينتلي 2012

ليال : اها حلوه سيارتك

عاصم : فهد بيعطيك عين عبود وتصدم سيارتك وتروح فيها

ليال : هي انا مو عيني حارة كل تبن

محمد : ماعليك من عاصم المهم تحجز لي اختك المزيونه بلاه وش اسمها ؟

ليال : ( يحمر وجها مستحيه ) ( ترفع صوتها ) هي لا تتكلم عن اختي ولا ابي اعلمك اسمها

محمد : بسم الله روعتني طيب طيب مارح اتكلم عنها طيب قول اسمها

ليال : تخسى وتعقب اعلمك اسم اختي

محمد : ( يقرب وجه ليال ) تكفى علمني اسمها ( عينه بعين ليال )

ليال : ( تبلع ريقها )

فهد : لقيت بوفيه يالله انزلوا ناكل ...

محمد : ( يقرب اكثر من ليال ) ( يفتح باب السيارة )

ليال : ( تطيح ) أح ... كل تبن

محمد : ( يضحك ) عبود شكلك غبي يالله قوم وبعد بطلع

ليال : اطلع من جهه الثانيه ياغبي

محمد : يوووه في عزوز ويبغاله وقت علشان يطلع من باب يالله بعد

ليال : ( تقوم وتنفض ملابسها ) يالله اطلع ...