|
البــــارت الرابـــع
ساره : ما رح تيي ريما
ديانا : ليش ان شاء الله
ساره : تقول عندها لمار
ديانا بصدمه : لمار
ساره : أي حتى انا إستغربت
قامت ديانا و إهي معصبه : انا بروح مشوار و برد
ياسمين : وين بتروحين تعالي بس قبل لا تكمل كلامها ديانا راحت
شهد : الله يستر
مشت ديانا لين ما وصلت للشارع العام و خذت لها تاكسي عشان تروح لريما
00000000000000000000
ريما : لمار كلميني عن نفسك
لمار بإبتسامه : اممم اوكي
" اصغر بنت اصلن احنا بس بنتين MeMa”انا لمار يدلعوني
احب الحفلات و الرقص و الوناسه و الفصلات بس بعد احب القراءه و التطريز و التصوير بس كافي ادري عورت راسك ، الحين دورك
ريما :بالعكس سوالفج تونس
ريما 19 سنه سقطت سنه لأسباب بعدين اقولها لك البنت الوحيده بين 3 شباب و ابوي ، امي الله يرحمها توفت لما جابت اخوي الصغير مثلك احب الفصلات و الوناسه و الحفلات بس مو مثل حفله امس ، ما احب اتكلم عن روحي اكيد بتعرفيني بالعشره
لمار : انتي و ريما رفيجات وايد صح ؟؟
ريما : أي ديانا رفيجتي من زمان تعرف عني كل شي احبها وايد بس ما احب تصرفاتها
لمار : الله يخليك لبعض
حياتي ابي ادق على اختي اكيد اهلي يحاتوني من امس
ريما : أي اكيد تفضلي
00000000000000000000
ميار : الو
لمار : ميمو انا لمار
ميار : حبيبتي لمار انتي وين ؟؟ و ليش ما رديتي امس ؟؟ صارلك شي ؟؟ ليش مو ماخذه المويابل ؟؟ ليش ما تردين علي ؟؟ لـــمـــار
لمار :شوي شوي ترى ما فيني شي انا بخير
ميار : خرعتينا عليك امي من امس تبكي عليج
لمار: ما كنت اقصد
ميار : انتي وين ؟؟
لمار : عند رفيجتي ريما
ميار : الحين ادز لك السايق
لمار : اوكي قبل لا يوصل السايق دقي على هذا الرقم
ريما تأشر لها : لا انا اوصلج
لمار : ميار خلاص ريما بتوصلني
ميار : اوكي بس الحين
لمار : حاضر مع السلامه
ميار : مع السلامه
00000000000000000
ريما : يلا تعالي خلني اعطيج هدوم ( ملابس )
لمار : ليش ؟؟
ريما بغشمره : ليش يعني ما عندنا بنات يطلعون جذي
لمار بضحكه : ههههههههه اوكي
و عطتها بنطلون سكيني جينز مع قميص كاروهات ( مثل المربعات ) ازرق مع جوتي ازرق
0000000000000000
طبعا الكل يعرفني هني اول ما اطق الباب يفتحونلي الخدم
الخدامه : هلا ماما ديانا
ديانا : هلا ، وين ريما ؟؟
الخدامه : ماما ريما فوق مع هو رفيج
ديانا : اوكي
طلعت غرفه ريما لقيتها ماسكه ايد لمار و يضحكون كنهم كانوا بيطلعون
ديانا : ما شاء الله على وين
ريما : هلا ديانا
ديانا بقهر : يلا عادي كملوا و لا كأني هني
ريما : ديانا شفيج
ديانا بصراخ : ما فيني شي ما فيني
لمار : ريما بنطرج برا
ديانا : اي يلا سوي نفسج المسكينه
لمار : مسكينه
ريما : ديانا خلاص كافي زودتيها
ديانا بنبره بكاء : لا ما زودتها ما زودتها شتبين اسوي لما اشوف وحده حقيره متل هاذي تاخذ اختي و حبيبتي و صديقه عمري مني شتبيني اسوي
ريما : انتي مجنونه شهل تفكير منو قال بتاخذني منك و راحت حضنتها
ديانا : ريما صدقيني إهي ما تحبني و تبي تأخذك عشان تقهرني
ريما وخرت عنها بعصبيه : لمار ما رح تفرقنا بس تصرفاتك إهي الي بتفرقنا
و سحبت لمار برا و قالت : يلا لمار مشي
000000000000000
ياسمين : بنات ابي باجر نروح السوق عشان فستان الخطبه
ساره : اي صح بس لسى الخطبتك مطوله
شهد : لا مو مطوله باقي بعد العطله بأسبوع و الفصل الاول و باقي له شهر
ساره : اي تبين تفصيل صح
ياسمين : اكيد
شهد : بنات كأنه ديانا تأخرت
ساره : اي صح
ياسمين : شهد دقي عليها
شهد : اوكي الحين ادق
بنات ديانا ما ترد جهازها مغلق
ساره : شــنـــو
0000000000000000
معقوله صار لديانا شي ؟؟
هل الخلاف الي صار بين ديانا و ريما بيأثر عليهم ؟؟
منو خطيب ياسمين ؟؟
شنو قصه سقوط ريما بالمدرسة ؟؟
توقعاتكم و أرائكم
تحياتي " سـحـرنـي حـلاهـا "
|