07-28-2012, 01:10 AM
|
| |
لا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا
لفوا بفجعه خلفهم وصرخ فيصل ع ماجد وعبدالله اللي يلعبوا بلايستيشن:و و و و و و وجـــــع قصروا أصواتكــــم
ماجد وعيونه ع الشاشه:هههههه
ليه قطعنا عليك سرحانك العاطفي
رائد يمثل الصدمه:بســـــم الله
رادار
ماجد:لاإله إلاالله
بسام:هههههه عيونهم ع الشاشه وآذانهم عندنا
دخل رعد عليهم:السلام عليكم
ناظر ماجد وعبدالله:للحين الحرب قائمه
ماجد بحماس:صكيته بثلاثه
عبدالله باستنكار:وأنا صكيتك باثنين يعني فرق واحد
جلس رعد ع الكنب والشباب جالسين ع الأرض
فيصل صب له بيالة شاهي وعطاهاله
بسام مدبيالته:خذ بيالتي زدها بردت
فيصل يصب له:ياويلك إن تركتها وإذابردت قلت زدها
بسام:مارح يضرك
فيصل:إلا بتخلص الشاهي إنت تصب وتكب
رن جواله وقعد يسولف مع صاحبه
ضحك ورجله لمست طرف بيالة بسام وإنكبت
بسام أبعد رجله:آ آ آ آخ
فيصل ابعد الجوال ع إذنه:هههههه سوري بس زين صرفت البياله لك
بسام رجله تآلمه:آ آ آ آ آ آخ والله تآلم وإنت قاعد تضحك
قام وطلع للمغسله يغسلها بالمويه البارده
*************
وسط هدؤهم ع الرغم من محاولاتهم تغيير السالفه وتوقيف تفكيرهم في اللي صار
صدح صوت جوال أمل وردت بسرعه:هلا.......أوك
سكرت الجوال :رهف عندالباب وتقول إفتحوه
ريم باستغراب:البوابه مفتوحه
أمل:تقول مسكره يمكن الشباب سكروها
قامت ريم:بروح أفتحه
فتحوا الخدم البوابه ودخلت رهف وإستقبلتها ريم وسلمت عليها ومشوا
لمحته واقف عند المغسله ومنحني ع رجله لابس بنطلون جينز أسود وبلوزه بيضاء عليها بلوزه عنابي مسكره بسحاب ومفتوحه من فوق وبارزه البلوزه البيضاء منها
خفق قلبهابقوه لماسمعت صوته :آآآآخ .الله ياخذ بليسك يافصيل حرقت رجلي الله يحرق شيطانك...
إبتسمت ومشت بسرعه قبل ينتبه لها
دخل وجلس جنب فيصل ورجله فيهااحمرار ضرب فيصل:قوم جيب لي ثلج بحطه ع رجلي...
فيصل بجد:والله بسام تآلمك..
بسام:لا أستهبل..شرايك يعني قوم يالله
قام فيصل ودق ع الخدم وطلب ثلج بسرعه وعينه مافارقت رجل بسام
حطه ع رجله وغمض عيونه شوي وفتحهاوهو عاقد حواجبه
رعد:من صدقك تآلمك بقوه
بسام عصب:شرايكم يعني شاهي حار تبيني أضحك
فيصل جلس جنبه وهو حاس بالذنب :سوري بسام والله مانتبهت..قوم آخذك للمستشفى
التفت عليه بسام وهو عارف إن فيصل حاس بالذنب ورفع يده:قوم إنقلع عني لا أهفك بكف أطيرك وأخليك تندم صدق...شفيك عارف إنك مانتبهت وإلا كان كبيت الشاهي عليك تحسبني بسكت...
ضحك فيصل وحس بالراحه
*************
صحت وراسها مصدع قامت من سريرها جالسه وطالعت الساعه لقت 2 الظهر
إستغربت إنها نامت هالوقت كله
وفجأه إندفع كل شئ صار لعقلها وإرتجف جسمها والدموع تحجرت في عيونها
لماتذكرت اللي صار
زفرت بقوه وقامت غسلت وبدلت ملابسها وجلست ع الكنبه
ماتبغى تنزل وماتبغى تشوف أحد خافت البنات يصدقوا الحكي اللي قالوه عنها إرتعبت من هالفكره ماتبغى تخسرهم ماتبغى ياخذون عنهافكره سيئه موناقصه كره وحقد يكفي اللي عندها
بس سرعان ماتبدد الخوف وحل محله الثقه لازم تكون واثقه من نفسها ومايهزها حكيهم لازم توضح لهم إن ماأثر عليها الحكي وإنها واثقه من نفسها وماهمها اللي نقال عنها لازم تخلي رنا تعرف إن مهما قالت مارح تكسرها أو تجرحها أو يأثر عليها
قامت بإصرار وثقه وغرور طالعت شكلها في المرايه
شعرها الكستنائي المربوط بشريطه خضراء وبلوزتها الخضرا الملفوفه ع خصرها وتنورتها السودا الميدي وصندلها الأخضر
حطت قلوس وردي وإبتسمت بغرور
وطلعت من الغرفه ونزلت تحت في الصاله
إبتسمت بفرحه لماشافته جالس مع زوجته راحت له وسلمت عليه وتفاجأة لماحضنها بحنان
جلسها جنبه وهو يسألها عن أحوالها وترد عليه بفرحه
كانت مبسوطه لأنه موجود تحبه مره ع الرغم من قلة وجوده في البيت إلا إن حنانه وحبه لها وحرصه ع راحتهايكفيها
سمعوا صوته العالي يسلم ودخل للصاله لابس ثوبه وشماغه وطالع عليه مرره حلو
كان جاي من المسجد
إبتسمت لميس لماشافته
تفاجأ لماشاف أبوه:أبــو عـــــادل موجــود ياهـــــلا ويامسهـــــلا باللي له الخافـــــق يهلـــــي
وحشتـنـــــي ياقدع
ضم أبوه اللي إبتسم ع حركات ولده
دخل رعد لابس ثوب وغتره :كني سمعت أحد يقول أبو عادل
سلم ع أبوه وعادل كشر وهو يقول:هادم اللذات ...وبعدين مايكفي الناس ينادونه أبورعد خلاص في البيت أبوعادل خل إسمي يستانس ...
رعد:حقوق النسخ محفوظه
عادل :ليه شريط فيديو..
ضحكوا كلهم حتى رعد إبتسم
دخلت ريم وسلمت وعيونها مافارقت لميس تتفحص وجهها كانت خايفه إن لميس ماتطلع من غرفتها بعد اللي صار
بس حست بالراحه لماشافت إبتسمت وردت لها الإبتسامه
بوسط سوالفهم لمحت لميس نظرات تخترقها حولت نظراتها تشوف شافته يطالعها ولماانتبهت له ابعد نظراته لأبوه وامه
دخل فيصل ورنا اللي إنصدمت لماشافت لميس تسولف وتضحك ولا أثرفيهااللي سوته حست بقهر لأنها ماأثر فيها
شئ
رمتها بنظرات حقد وتكبر حاده
تلقتها لميس ببرود لأنها عارفه إنها خيبت آمالها
قطع أبورعد نظراتهم المتبادله
يحاكي فيصل:فيصل
فيصل:سم آمر يبه
أبورعد:أبيك تداوم مع رعد من بكره أبيك تتعلم كل شئ أبيك تكون مع أخوك في الشركه
فيصل:إن شاءالله
عادل:مو بتروح مع الشباب للشاليه
فيصل:أيوه مارح ننام بنرجع
أبورعد:إرجع مبكر علشان تصحى مبكر مو تروح متأخر
فيصل:إن شاءالله
ريم باغتراض:مو دايم تاخذون الشاليه إحنابعد نبغى نروح
فيصل:طالع هذي
عادل:وهي صادقه هالمره خلنا نطلع كلنا علشان لميس بعد
رنا باحتقاروقهر:وليه علشانها..علشان إحنا الشاليه لنا إحنا
أبورعد ناظرها بحده:أوك روحوا الخميس
فيصل يطالع ريم :الخميس ها
ريم بلامبالاه:أهم شئ نطلع
بعد الغداء طلعت لميس لغرفتها
وتركتهم جالسين مع عمها
جلست في غرفتها تحس بضيقه كاتمتها غمضت عيونها تاخذ أنفاسها
سمعت جوالها يدق وطنشته ولمادق بالحاح ردت
كانت هند سولفت معها شوي وهي للحين تحس بخنقه
قالت لها هند تجي عندها بعد ماحست بضيقها
وافقت بسرعه لأنها تبغى تتطلع من البيت ترتاح
**********
في الليل الساعه الواحده
معها جوالها وعينها ترتفع للساعه كل دقيقه
هند:خلاص لميس لسى إجلسي
للميس بتوتر وهي تعيد الإتصال:لاتأخرت الساعه وحده اللحين وأنا من الساعه 12 أدق ولايرد أو يصير مشغول
هند:طيب دقي ع السواق الثاني
لميس:ماأعرف رقمه
هند:طيب خلاص أنا راح أوصلك مع بدر
لميس باحراج:أوك
راحت هند للبدر وقالت له وصلها للبيت مع هند وهي منحرجه من بدر ومرتبكه
شكرتهم بصوت واطي ونزلت
لفت بتدخل شافته واقف عند الباب شكله توه واصل يطالع السياره بصدمه
نشفت عروقها من نظراته الحاده اللي حست بغضبه فيها
تقدمت بخوف ودخلت بسرعه
غمضت عيونهابقوه لماحست بإيده ع معصمها يسحبها بقوه له
وصوته الغاضب فزعها:كنتـــــي ويـــــن
إستجمعت قوتها وحاولت تفك إيدها من إيده:مالك دخل فيني
ضغط ع إيدها بقوه وحست إنهابتتهشم بين إيدينه:تكلمـــــي وإلا والله لأدفنـــــك بمكانـــــك
إرتعبت من صوته وتبددت شجاعتها :كـ كنت عند صاحبتي
رعد بشك :عند صاحبتك ..وليـــــش ومارجعتي مع السايق ميـــــن اللي رجعت معاه
قالت بألم من إيده ومقهوره من إستجوابه:السايق مايرد ورجعت مع أخو صاحبتي
شتمت نفسها ع غبائها لأنهاماقالت مع السواق وإرتعبت لماشافت عيونه تتسع بغضب وصرخ فيها:راجعـــــه مع واحد غريـــــب لوحدك يا...
قاطعته بسرعه:مو لوحدي صاحبتي معاي
رعد:وأنا إيـــــش يضمن لي إنك رحتي لصاحبتك أو رجعتي معها مو مع غيرها مو إنتي ماشاءالله علاقاتك كثيره
مو بعيده تكوني مع حبايبك
و##########
إنصدمت من كلامه وماقدرت تمسك نفسها كل اللي كتمته داخلها من إهاناتها ونظرات الإحتقار والتقزز تفجرت داخلها مع براكين داخلهاتفور سكتت له كثير وتمادى معها كثير
طـــــر ر ر ر ر ر ر ر ر ر ر ر ر ر را ا ا ا ا ا اخ
عطته كف بكل قوتها ونظرات الحقد مافارقت وجهها:حقيــــــــــر
فتح عيونه بوسعها بصدمه من جرأتها وكفها و......... |