رواية تتعــب لو معــي تلعبــ
..البارت الخــامس عشــــر..
بلا شعور أقترب منها زود وضمـــها وسطـ صدرهـ..
انصدمت من حركتهـ..
شدها بحضنهـ زود..
حست بشعور غريبـ ناحيتهـ..مقدرت تفسرهـ..
بنسبه لراكان..
مقدر اشوف دموعها تنزل على خدها..وانا مسببها..
اقتربت منها واحتويتـــها بصدري..
من ضمي لها تفجرت عندي ألف أحساس وأحساس..مكنت حاس بيه من قبل..
كان ودي تضمني زود.. ضمني لصدرك محتااااج اداوي جروح عجزت اداويها..يمكن عندكـ أداويها يا دفئ سنين
آآآه ياجيهان
لو تعرفين وش بي كان عذرتيني..
نظرات كانـتـ تراقبهمـ بس ماحسوا بيها.....
ويشد عليها زود..كنا يبي يدخلها بين ضلوعهـ..
جيهان وهي تبعده بعد ماتداركت الأمر وبشراسه:بعد عني..
وبعدته ولبست عبايتها على السريع وطلعت من الخيمه بسرعه..
راكان وهو مستغرب من حركته(وش صابكـ ياراكان..أنت تحضن جيهان!! وليه..أكيد أنا استخفيت..)
وهي تمشي صادفت روان..
روان وعيونها تدور راكان:مشفتـ راكان..مدري وين راح؟؟
جيهان(مابه لزوم لأني شفتهـ ياجعلهـ الماحي إن شاء الله)..
أم فهد من بعيد تناظرهم:تعالوا يابنات..أستوا الغداء..
.
.
.
بالجوال:أنا بمركـ اليوم..
ريم بهم:لا ياسعود..
سعود قاطعها:مو على كيفكـ..قعدتي عن اهلكـ مدة كافيهـ..ولحد الآن ماتحسنت نفسيتكـ..
ريم(إلا زادت ياسعود..آآآه بس):خلني براحتي..
سعود قاطعها بعنف:أنا بمسافه الطريق..تجهزي يامره..
ريم بااندفاع:بس سعود...
مقدرت تكمل كلامها لأن سكر الخط بوجها..
نزلت دمعه على عيونها..وراحتـ تجمع اغراضها ونزلتها هي والشغاله بجانب الباب الرئيسي..
شافتها أمها:وش له هالشنط؟؟
ريم تناظر أمها:سعود بيجي ياخذني..
أم ريم كشرت بوجها:طول عمركـ غبيهـ..
ريم:؟؟؟
أم ريم جلستها بالكنب..وعلي يتصفح الجريدة..
أم ريم ناظرت بريم:احين انتي عقيم..وهو يدري ومخبي عليكـ..
علي بتدخل:مخبي عليها لأن يحبها ولا يبي يجرحها..
أم ريم رفعت حاجبها:أي بالمشمش..هو مخبيء عليها مو حبنا فيها ولا لسواد عينها..وبعدين مو بعيدة أنه يكون متزوج عليكـ بالسر..بعتبار أنك عقيمـ...
ريم بصدمه:متزوج علي!!!
أم ريم بشراسه:اجل يالغبية..يعني تبينه يصبر عليك وينحرم من الأبوه عشانكـ..ولا أجل ليه صابر عليكـ لحد اللحين هااه..متقولين لي ليه؟؟
علي تنهد:استغفر الله العظيم بس..
ريم بين دموعها:مو معقولة يكون سعود...
أم ريم قامت وبعنف وتجريح:إلا معقولة ونصف..ترى كل الرياجيل سواسيه يابنتي..شوفيني أنا مثلاً..قايمه با أبوكـ قومه..دلع ودلعته وطبخ وطبخت له..ومراعيته بظروفه لشتدت عليه الأزمات..واعاونهـ من فلوسي..وبعد كل ذا تزوج علي..وتزوج معلمة عشان يسد ديونه..وزي منتي عارفه انا مااشتغل..
علي بسخريه:أي واضح يمه..أنتي الزوجة المثالية.."وقام وصار قبال امه" من ولديني وأنا دايم اسمع طول لسانك على ابوي..مابه حشيمه قدامنا..
أم ريم بقت عينها:علــي!!
علي قاطعها بكل ثقه وتأكيد:وإذعلى الطبخ فا الخدامه هي ألي تطبخ..والدليل لما سفرنا الخدامه مابه حد يطبخ لأنك ماتطبخين اساسا..وسالفه انك مراعيته ذي الصراحه ضحكتني هههههههه "وبسخريه"من متى وانتي تراعينه يايمه..ماصار عند ابوي ديون إلا بسبتك انتي وحنتكـ..من يستلم راتبه من هنا..إلا وأنتي مفلستهـ..اجبرتيه إلا انه يشتري ارض مع انه ماعنده امكانيه وانتي تدرين ان عنده سلفيه من البنك بقيمه 60 الف..وأنتي يايمه ماعمرك مديتي له ريال.."وبااندفاع"ولا تقولين لي وش دراني ويمكن عطيته بينتي وبينه..بقول لكـ معلومة أنا أبوي يعتبرني مثل صديقة ودايم يشتكي ويقول لي على كل فعايلك معه..وفي اشياء كثيرة ماصدقتها إلا لما شفتها بعيني.."وبقهر"ابوي كان بيدخل السجن بسبب ديونه ألي وصلوا لـ500 آلف..لو الله ثم ابتهال مرت ابوي وإلا كان هو منقع بالسجن..
ريم بصدمه وهي تسمع كلام اخوها علي وهو يقول الحقيقة لأمه ولها:أنت وش تقول ياعلي؟؟
أم ريم بصدمه كبيرة:ذا الكلام لي ياعلي!!
علي وهو يناظر امه:ورجائي ياأمي..لاتخربين حياة بنتك بسبب سوء حياتك وعلاقتك مع ابوي..لو سمحتي يعني..
واقترب من اخته وهو يسمع صوت هرن السيارة:يلا طلعي ياريم وعطيه ريق حلو..وبالصبر ياأختي بتلقين ألي يشرك بإذن الله..وحطي مثلك الأعلى جيهان بنت حماكـ..
ريم ابتسمت بتفاؤل:إن شاء الله..
ولبست عبايتها وطلعت وشال شنطتها اخوها علي وترك امه بصدمتها وكرهها الكبير لأبتهال..
.
.
.
يتبع....