روان:لااا..هي ماقالت..بس اسلوبها وحركاتها..
راكان:الموضوع ذا يبي له قعده..احاسب الاغراض ونجلس في احدى المقاهي..
روان:طيب..
.
.
.
في الشركة..
كان سرحان بعيد..وباله معها وهو يتذكرها كلامها:دخيلك عمي كلمك ابويا..اقنعه اني ماريد اعيشش مع هالسكير ابا اتطلق منه..
وتنهد بصمت..لاحظ عليه انه متضايق وباله مو معه..اقترب منه:سعود..سعود..
سعود منتبه له:..........
مسك يده:سعود علامك؟؟
سعود انتبه له من مسكه يده له:هه..نعم..
:الله ينعم عليك..علامك سرحان سذا..
سعود:........
كمل:كنك مهموم..فضفض وأنا اخووك..
سعود تنهد:مدري وش اقول لك ي ابو راكان؟؟
ابو راكان:قول لي وش ألي مضايقك؟؟
سعود:جيهان بنت اخوي..
ابو راكان:وش صار عليها رجعت لزوجها؟؟
سعود بهم:أي ارجعت امس بالليل توها مكلمتني امها وهي تبكي ع بنتها..
ابو راكان:لا حول الله ولا قوة إلا بالله..اجل ذا ابوا..كيف يرضاها لبنته..ولا بعد الوحيده..الطيبه ماتت بقلبه..
سعود:وش السواه ي ابو راكان؟؟
ابو راكان بحره مافي قلبه:روح بلغ عنه..
سعود:لاا..أنا ابي اطلقها منه..وبعدين ابلغ عنه..بس المشكلة ابوها مو راضي ان بنته تطلق يقول انا ماعندي بنات يطلقون..
ابو راكان بق عينه:هاااه..
سعود:.......
ابو راكان بصدمه:انا مصدق ان فيه أب يرضى لبنته المذله..
سعود بحزن:فيه ي ابو راكان..وفيه كثير بعد..
ابو راكان:كان الله بالعون الله يجيرها..
وسكتوا شويا..
سعود:إلا مقلت لي وش صار بعمليه بنتك؟؟
ابو راكان بابتسامه:نجحت العملية ولله الحمد..
سعود:الحمدلله..
ابو راكان:بس لزوم تداوم ع التمارين لمده شهرين أو اكثر..عشان تمشي بدون عكازات..
سعود:كان الله بالعون..
.
.
.
في المقهى..
راكان:وش مقصدك بهرجك انها ماتريدني؟؟؟
روان:احس انها ماتحبك ولاتطيق طاريك..حتى امي لقالت لخالتي ان اروى لراكان..اروى تكشر بوجها وتقوم عنااا..
راكان:.........
روان كملت:اعذرني ع صراحتي ي خوي بس هذا الواقــع..أو يمكن هي تمثل او تستحي فمشان سذا تسوي هالحركات..
راكان باندفاع:أي يمكن..
روان:بس اخلاقها ماتعجبني ابداً..
راكان:..........
روان كملت:احس ان ماعندها احترام لامها ولا لابيها..
راكان بحده:روووان..انتبهي لكلامك..
روان بارتباك:هذا الصدق ي خوي..
راكان قام:يلاا..نروح البيت طولنا في السوق..
روان مسكت شنطتها:يلاا..
انتهى البارت...