يامن بنى بيت من حب غاليه
لا تلوم البيت لا صار مهدود
لايرتجي قلبك بعدها من يواسيه
كيف والحب بداخله صار مفقود
لاتحسب الكل بحلو الكلام تشريه
دام معنى الحكي مو بمقصود
اترك رخيص الحب وافرح بغاليه
تراك لا نلته صرت محسود
الحب مو كلمة أو لحن تغنيه
أو لحظة تمشيها بطريق مسدود
الحب خلٍ بصافي الود ترويه
وتهديه قلبك ماتنتظر منه مردود
ويفز قلبك لاسمعت طاريه
وبصدق المشاعر له دايم تجود
تود اللي يوده تعادي من يعاديه
تقطف له من بساتين الوفا ورود
ترى اللي لغيرك وتقول أنا أغليه
بيجي يوم من قلبه تصير مطرود
ياخسارة لحظه عشتها بين أياديه
بعدها لغيرك غصب عليك بيعود