المشاركة الأصلية كتبت بواسطة لؤلؤة بـــالــقران

عدنا
اهلا فيكي ..

1- نصيحة تقدمها للفتيات في اثناء تصفح للانترنت او باحرى المنتديات بشكل خاص ؟؟
حلو الواحد يفوت تجربة جديدة ... و حلو الشخص يتعرف على عالم النت ...
هي نصيحة الي قبل الكم .... لا تجعل الله اهون الناظرين اليك ...
و للبنات : ديروا بالكم .. لانه عنجد في ذئاب مريضة نفسيا ... و لا تصدقوا كل اشي بحكي شب غريب الكم على النت ..


2-برايك ما هي الاخطاء المنتشرة في تربية الابناء في العصر الحالي ؟؟
في عدة اخطاء ... اهمها هي انه تربية اجتماعية للطفل انعدمت ... يعني الطفل بكبر و هو ما بعرف يحكي كلمتين على بعض
و ما بعرف يتعامل مع الناس ...
+ مشكلة النت .. الي خلت الصغار ما يروحوا و لا يجوا ..و بكون عمر الواحد اقل من عشر سنين ..
و اله حساب عالفيس و هون وهون .. هي اكبر المشاكل ..

3-هل تاخذ فكرة عن العضو من خلال رمزيته ؟؟
اكيد ... بس مش شرط تكون صحيحه ... بعتبر الصورة الرمزية فكرة سطحية .. بس ما بنقدر نحكم على الشخص
بشكل كامل بس من صورة الرمزية ..


4-اعضاء متميزين واستفدة منهم؟؟
في كثير اعضاء استفدت منهم ... بصراحة كل الاعضاء الي في المنتدى استفدت منهم ... بطريقة مباشر او غير مباشرة ..
من كتابتهم ..و اسلوبهم في كتابة المواضيع او الردود ... او من خبرتهم بشغلة معينة ..
استفدت بشكل عام من رواد قسم الحوارات و النقاشات ...
استفدت من اعضاء قسم الفوتوشوب و التصميم ..
من الاعضاء الي بكتبوا في العامة استفدت من معلومات حلوة ..
استفدت منكم صراحة ... من كل شخص شارك بكرسي الاعتراف .. كتبت اجوبة ما عمري فكرت فيها
الا لما سألتوها ...


5- في المستقبل ...ما هي الوصية االتي صتوصي بها اولادك؟؟؟
الابتسامة اهم شي ... و لعظمتها الاسلام جعلها صدقة ...
االابتعاد عن الغرور ..
انه يكون عندهم مبدأ محدد ... لأنه صاحب المبدأ الكل بحترمه ...
التمسك بالقرآن ... هو اهم شي.. و في نجاة في الدنيا و الاخرة ...


6- ايضا في المستقبل ابنتك حان وقت دخولها الى عالم الجامعة ماهي نصيحتك لها من خلال تجربتك الجامعية
لا تجعل الله اهون الناظرين اليك ... اول شي
لا تستهين باي خطأ ... لانه كل خطأ رح يكون مقدمة لخطـأ اكبر منه ..



بتمنى ما اكون ثقلت عليكِ
لا عادي ما في مشكلة ..