08-03-2011, 07:55 PM
|
| |
 ماودي الناس تدري وش يبكيني ...
نداءٌ أخير :
يَ ناسيني
مَ عاد البوح يغريني ..
ومَ عادت أطهر ذنوبي عن ذنوبي تسلّيني و تواسيني ..!
يَ أجمل من سكن فيني ..
كذا إرحل ،
وخلّك أبعد وأجمل ..
وخلّيني ..!
تصوّر ماقدرت أبكي على فراقك ..
ولا حنّيت لعناقك .. ولاضاقت بي سْنيني ..!
تصوّر إنّك الراحل ، من أيَّامي ..
ولا حَرّكت لك ساكن ..!
ولا ضْلوعي من الونّات .. والعَبْرات يتبَاكنْ
تصوّر : قلبك الغالي رحل عنّي ولا ودّعته
ولـــــــــــــــــــــــكن :
أبودِع معْك إحساسي .. وأشواقي وأشجانك
ونور الصبْح بوجودك وعتمة ليلي الداكن ..
تذكّرني ..
إذا فتّشت في قلبك و كان الشوق به ماكِن
وتذَكّرني ،
و كذا إرحل ..
وخلّك أبعد وأجمل ..
وخلّيني ..!
مايبيد الذكريات إلا الحسافه
.......................ومابقى لك ذكريات إلا التَّوَاني
والتخاذل ، واستطالات المسافه
.................بين نكرانك ، وبين أكسب رهاني
بس : خسرته وانبرى شعري وقافه
.................بالعتاب وناحت .. الورقا عشاني
أذكر إنّك ذنب .. ماهبت اقترافه
...................واذكر إنّ الذنب بالحسره ملاني
واذكر إنّك درب .. قاربت انتصافه
............وكنت ابوصل بسّ : خطواتي تعاني ..!
كنت لأجْمل حلم : مَرساه و ضفافه ..
......................... ماترَفّقت ,, وتركته للمواني ..!
صرت اهاب الحلم و يِعْيِيني هُتافه
..................... و صرت اطيع الهم والهمّ يْعَصَاني
الخفوق اللي مغطّيك بلحافه
..................... يوم ذاك البرد معتبره اناني
[ كيف يستفرد بهالبرد وجفافه
...........وكيف تدفى انت في حضن الأماني ؟؟!
صار بالي .. وعاف إخلاصه / و عافه
.....................أجمل أحلامه وملّته الأغاني
والصباح اللي تهقويت انصرافه
....................دون ما ذ*** يعلّم بالمَحَاني
خانني واعلن مع الذكرى ائتلافه
...............و بالأماره: مابرَح ذ*** لساني
كاااااااان قلبك .. يشتكي لي من عجافه
................ومن سنيني جِدْت له يومه نَخَاني
ليه عاينت الغلا وشفت اختلافه :
..................وعن مداك استكثره وقتٍ نِفَاني ؟!
ليـــــــه مدّيت الجِفَا بْـ قِلّ الكلافه ؟!
.....................ليه تكسر خاطر الهقوات عاني ..!
الخفوق اليوم يهديك اعترافه
.....................من بعد جرحك .. توَسّم بالتفاني
قبل جرحك .. كنت مِنَّه في مَخَافه
.........................هالفراق اللي تطرّيه الثواني
كثّر الله خير جرحك [والتفافه
.....................حول قلبي ] واعتصامه بالمحَاني
بيّض الله وجه عَبره ، وارتجافه
.....................هزّت ضلوعي وهَبّت لآحتضاني
بَعْدهم بانت بي آثار النحافه
.....................و بعدهم آمنت إنّ الحبّ فاني
عقب جَرْحِك .. مابقى شيٍ واخافه
.....................إرحل ، وبَلْقَى المَبَرّه من زماني
ممآرآآق لي
ضميري حي ماماتــــ...... |