رؤى : السلام عليكم
ام رائد : وعليكم السلام ورحمة الله وبركاته
رؤى تحط شنطتها على الكنبه وهي تفسخ عباتها : يمه وين رسيل
ام رائد : آآآآآآه يارؤى صارت سالفه الا مو سالفه بلوه
رؤى بخوف : شنو صاير يمه خوفتيني ؟؟
ام رائد : بالصباح لمّا قعدت اختك رسيل قالت نروح السوق .. المهم ورحنا .............................. .................... .............................. .................... .............................. ..............
وكملت لها السالفه
رؤى وقفت بعصبيه : شنو معقول كل هذا يطلع من فيصل .. طيب اختي شنو سوت له عشان يسوي فيها كذا .. ولا اختي مسكينه وعلى نياتها
ام رائد بتحذير : بس ها يارؤى انتبهي تجيبي هالسالفه لأبوك أو اخوانك طيب
رؤى بقهر : ليش يمه مو حرام رسيل تعاني واحنا متكتفين ؟؟؟!
ام رائد : أدري أدري يايمه بس مانبي مشاكل بين أبوك وأبو فيصل واخوانك اخاف يأذون فيصل فهمتي يمه
رؤى صح انها مو مقتنعه بس ماتقدر ترد امها : طيب " بتردد " .. يمه مو المفروض بيت عمي ابو راشد وابو عزام يدروا بالسالفه ؟!
ام رائد : والله مادري يايمه على ابوك
رؤى تشيل شنطتها وعباتها في ايدينها : يلا يمه بقوم آخذ شور .. متى بستوي الغذاء ؟
ام رائد : انتي خلصي شاور وان شاء الله يكون جاهز
*****************************
الجوري و ريما و وليد اولاد راشد جالسين بالصاله ياكلون اسكريم
الجوري : وليدو يالخبل ليه مارحت مع امك وابوك الى الكويت ؟
وليد : مابي ابي اقعد اهنا هناك مو حليو ويع
الجوري : وع بعينك يالغبي " جالسه تحسره " تدري ان هناك في مدينة العاب ومطاعم يبيع مشاوي واسكريم على كيف كيفك
وليد يبين انه مو مهتم لكن داخله متحسر : عادي مايهمني
ريما : زولي ابي استليم
( جوري ابي اسكريم )
الجوري بنذاله : أول قولي .. الجوري ابي اسكريم . مو زولي ابي استليم
ريما : زولي ابي عس تليم
الجوري : لا اول قوليها صح والا مابعطيك
ريما ودمعتها على خدها : زولي أبي استليم .. ما اعلف ادول الا سدا
( جوري ابي اسكريم .. ماعرف اقول الا كذا )
الجوري مات على برائتها : ؤلك تؤبريني شو بريئه يابنت اخي
وليد : لا عمتي لاتعطيها بابا يقول مايصلح لها
الجوري : انعمت عينك قولي الجوري مو عمتي
وليد : مو بكفيك
الجوري : الا بكيفي
وليد : مو كيفك
الجوري : كيفي كيفي كيفي
وليد يصارخ : موكيفك مو كيفك مو كيفك
الجوري تصارخ : وليدو
ريما نقزت من الخوق وحضنت اخوها
وليد يمسمح على شعر اخته : شفتي ياخبله خوفتي اختي
الجوري : مالخبل غيرك .. تعالي ريومه ماعليك من هذا اني بعطيك اسكريم هو مابيعطيك
ريما راحت لها : ابي اسكليم
شوي دخلت لجين وملاك ومنار وفجر
الجوري وقفت
البنات : السلام عليكم
الجوري : وعليكم السلام هلالا والله بالشعب السعودي ماناقصكم الا تقولوا النشيد الوطني
لُوجين : جوريو عن الاستهبال
الجوري : كيفكم سبايا
منار : ؤما عاد سبايا قويه بقوه بالنسبه لعربجيتك
الجوري : احم احم شكراً على الأطراء المدح لقد اخجلتي تواضعي
ملاك : بخير الحمد لله انتي كيفك ؟
الجوري : بخير دام مرت اخي بخ
لُوجين حطت رجلها على رجل الجوري وهمست لها : وجع توجعك يالخبله تبين تفضحينا
الجوري : آآآآآآآآآآآي يالخبله عورتيني ولا رجلين غوريلا يالغوله .. وبعدين كانت زلة لسان
ريما تحضن لوجين : امتي سوفي زولي تسالح على وليد ومي لاديه تأتيني اسكليم
( عمتي شوفي زولي تصارخ على وليد ومو راضيه تعطيني اسكريم )
ملاك : وجعه جوريو شنو مسويه للبزر مسكينه اكيد طلعتي لها قرون وفرجيتيها نجوم الليل بعز الظهر
لوجين : اقول بنات قوموا نروح فوق " تكلم ريما بحنان " تعالي معانا فوق حبيبتي .. وحملتها .. هوبا
وليد : ابي اروح معاكم
الجوري : اقول انطق هنا وين تروح كله بنات
وليد : اوف
راح يشاهد بالتلفزيون
فجر : حرام عليك جوري
لوجين : اقول فجوره ماعليك منها هذي ام القسوه لا للرحمه عندها
الجوري : مالت عليك مخليه الرحمه لك
*
*
*
*
*
*
*
جلسوا البنات في غرفة لوجين
ملاك تنسدح على سرير لوجين : هههههههههه لوجين الله يعين سواقكم الحين ابيه يمر بيتنا باكلم ليال تجهز لي كم غرض يروح يجيبهم
منار : هع هع وانا كمان بقول للخدامه تجهز كم حاجه ابيها
لوجين : ههه عادي لعيونكم عاد انتوا مو كل يوم عندي ..
ملاك : فجير جيبي شنطتي عجزانه اقوم
فجر : فجير بعينك وهذا وانا مرت اخوك تتأمرين علي عجل لين صرت مرت اخوك بجد
منار : بتخليك شغالتها ميري ههههههههههههههههههههآآي
فجر : هاهاها ما اظرفك
لوجين : اقول بنات تقول للخدم يدزون الأكل لنا ؟
منار : شنو غذاكم آنآ ما آكل كل شيء
لوجين : مشكل .., على ما أعتقد اليوم غذانا كبسه
منار تسيّح نفسها من الكنبه : يآسلام كبسه
فجر ترمي المخده عليها : وجعه منارو استحي على وجهك تراك مو بيتكم
ملاك : أقول بنت عمي فديتك وين لاب توبك ابي اشبك الحين اتوقع ليالو شابكه بالمسن
لوجين : طيب
وراحت
منار تحوس بالأدراج
فجر : منارو غرفتك هي تحوسي بدون ماتاخذي الإذن
منار ترفع البوم الصور : اللآآه شكله خيالي
فجر : رجعيه مكانه ومره ثانيه استأذني ترضي أحد يحوس بأغراضك بدون استئذان
منار تفتحه : طيب هي مو موجوده
فجر قامت واخذت الالبوم ورجعته مكانه
منار : هي
فجر : ملاكو شوفي صاحبتك لا ارميها من البلكونه >>>>>> ( البلكونه = شُرفه )
ملاك : منار تأدبي عاد
منار تكتفت ولوت فمها : طيب
*
*
*
*
*
*
عند الجوري
جالسه بالصاله وحاطه لاب توبها بحضنها وتسولف مع رؤى
الجوري ::. هاي روروتي
رؤى ::. خخخ شطاري عليك يابنت امك وابوك
الجوري ::. ولا شيء حرام ادلعك يعني .. الموهم ماعلينا اخبارك ؟
رؤى ::. تمام الحمد لله انتي شلونك ؟
الجوري ::. لوني أحمر ههههههههههههههههآآي .. حلوه صح ؟؟!
رؤى ::. بايخه زيك
الجوري ::. اني بايخه .. ماقول الا الله يسامحك .. اقول رؤى
رؤى ::. هاه
الجوري : شرايك اتجي لي لوجينو الخايسه جايبه صاحباتها مع ملاك بنت عمي .. واني ياحسرتي مجابله وجيه البزارين ريمو و وليدو
رؤى ::. هههههههههههههههه كان قلتي كذا من الاول بدل هالمقدمات والمصطلحات
الجوري ::. في المره القادمه ان شاء الله .. الحين شنو بتجي ؟ قولي ايه عاد تكفين
رؤى ::. مادري بس مالي خلق اطلع ليش مانتي الي تجين لي ؟
الجوري ::. ودّي والله بس ريما و وليد
رؤى ::. عادي يا انك تجيبينهم وياك او تخلينهم عند امك او مع لوجين او مع الخدامه ..
الجوري ::. مادري دقيقه بشوف الوضع مع امي
رؤى ::. طيب انتظرك
الجوري : يمه
ام راشد : نعم يمه انا في المطبخ
الجوري راحت لأمها : يمه رؤى مكلمتني في المسنجر تبيني اجي لها .. بس على وليد و ريما عادي يبقوا عندك ؟
ام راشد : والله انا الحين طالعه باروح ازور جارتنا توها ولدانه .. شوفثي اختك لوجين
الجوري : يمه لوجين معاها صاحباتها
ام راشد : عجل خذيهم وياك
الجوري : وف مالي الا كذا .. يمه ادا بتروحي مع السايق انتظريني عشان توصليني بطريقك
ام راشد : طيب
الجوري ::. باك ماوحششتك ~[ فيس حواجب ]~
رؤى ::. من الأخير او زي مايقولوا الزبده ؟ شنو قالت امك ؟
الجوري : بجيبهم معاي وأمري لله
رؤى : عادي يسلونا شوي .. يله اني انتظرك
الجوري : اوكي باي
رؤى : باي
****************************** ******************** ****
رؤى : يمه الجوري بتجيني
ام رائد : حياها الله بأي وقت
ريّان : يمه
ام رائد توترت عرفت ولدها شنو يبي منها : هلا
ريان : شنو صار على سالفة رسيل ..
ام رائد توترت اكثر : ماصار ش شيء
ريان : يعني لمتى بتظل كذا حالها ؟
رؤى بزلت لسان : والله لوتدري شصار اليوم
ندمت على الكلام الي قالته وسكت
ريان باهتمام : وشنو صار اليوم ؟
ام رائد : احم احم .. ماعليك منها ماصار شيء بس كذا تقول ..
ريان بشك وهو مو مقتنع : اكيد ؟
ام رائد : الا اكيدين ونص
وراحت
ريان يناظر رؤى
رؤى تتهرب : اني .. اني بروح هناك .. اقصد بروح اقول لرسيل انه انه الجوري بتجيني
وراحت بسرعه
ريان : مصيري بعرف .. اليوم الخبر بفلوس بكره بلاش .. والله لو تكون انت بالسالفه يافيصل , فصدقني حسابك معي عسير .. عسير يافيصل
****************************** *****************
على الغذاء ...~
ابو عزام : الا وين ملاك ؟؟
ليال : يبه ملاك راحت بيت عمي ابو راشد مع لوجين
راكان : وليه راحت ؟
ليال وهي تاكل : مدري اسألها هي مو انا
ام عزام : كلو وانتوا ساكتين
سكت الكل لفتره وقطع الصمت
سجى : بابا ابي اروح المكتبه ناقصتني اغراض الابله طالبتهم .. واولادك مايرضوا يودوني قول لهم بابا
ابو عزام : خلاص وانا ابوك راكان ان شاء الله على الساعه 4 العصر خليه يوديك
راكان بسرعه : لا يبه قول لعزام انا وراي مذاكره
ابو عزام : أي مذاكره أي بطيخ وانت 24 ساعه طالع لي مع ربعك والحين عشان مشوار ربع ساعه تودي اختك المكتبه منت راضي
راكان لوّآ فمه والوضع مو عاجبه .. لكن مالبيد حيله
ابو عزام كأنه تذكر شيء : صحيح راكان بعد الغذاء تعالي لي مكتبي ابيك بشغله
راكان استغرب شنو يبي منه ابوه : طيب
****************************** ******
راكان : آمر يبه بغيتني ؟
ابو عزام : إيه .. شوف ياراكان بمّا انك ماباقي لك الا سنه وتخرج .. وبتجي تشتغل عندنا بالشركه .. يعني مزبط وضعك ع التمام .. فأنا قررت ازوجك بنت عمك .. لكن بشرط
راكان والفرحه مو سايعته : جد يبه ؟!
ابو عزام : إيه نعم .. بس الشرط هو .!!!
****************************** ***
لوجين : بنآت يلا عاد قوموا من الاب توب وتعالوا تغذوا بعدين تقوموا تشتكوا عند امهاتكم لوجينو ماغذتنا ولوجينو ماغذتنا
ملاك تبوسها بخدها : فديتك بنت عمي ذوق ذوق , ولا يهمك انتي لاتزعلي نفسك ناكل ناكل " تصفق بإيدينها " بنات يلا قوموا اكلوا مو تزعلوا بنت عمي
منار تقوم وهي تتمغط ( بمعنى ترفع ايدينها لفوق هع ) : آآآآآآآآآآآآآآآآه .. دخليك انتي وهالبنت عم
لوجين : ليه ان شاء الله مو مالين عينك ؟؟
منار : امبلا امبلا
---------------------------------
الب 20 ارت
000000000000000000000000000000 0000000000000
بغرفة رؤى ....
الجوري جالسه ع الكنبه الي في غرفة رؤى وهي تلف شعرها حول اصبعها وتفكه وهكذا ..
جوري بسرحان : رؤى . تصدقي ؛ ودِّي أجرب الحب
رؤى طالعتها وهي كاتمه الضحكه : قولي ( ق ) .. من جدك تحكي ؟
جوري تنهدت : طبعاً من جدي .. صراحه اغار بنات العيله كلهم يحبون الا اني وانتي مالت علينا
رؤى طيرت عيونها : ومن قصدك بنات العيله كلهم ؟
جوري : ملاك ولوجين وامم اختك رسيل تحب زوجها فيصل بقى بس انا وانتي وليال وريماسو
رؤى تضايقت من طاري رسيل وفيصل وانقلب وجها
جوري حست فيها : رؤى شفيك ؟
رؤى تصرف : ههه لا ولاشيء .. مالت عليك الحين تقولي ملاك ولوجين يحبون صاروا بنات العايله كلهم ؟!
جوري : أفكورس
رؤى ترميها بالخداديه : مالت عليك الحين متعلمة لي كلمه انجليزيه مابتفيكنا منها
جوري : افكورس
رؤى : هاهاهاها سخيفه
جوري تستهبل : افكورس
رؤى عصبت : جوري زودتيها ترى
جوري : افكورس " لما لاحظت انها بتنرمى بالكلينكس " .. خلاص خلاص افكورس ا اقصد خلاص
****************************** ******************** *
ملاك تمسك شعرها من الاطراف : بنات
البنات الي متجمعين حول الاب توب معدا ملاك الي واقفه جنب التسريحه عند المرآه : همم
ملاك : شوفوا شعري
البنات يناظرونها
منار : أبيخ من بايخ هع هع
ملاك عصبت : سخيفه منارو .. جد بنات افكر اقص شعري شرايكم
لجين بخرعه : لا
البنات نقزوا
فجر : بسم الله بلاك طيحتي قلوبنا
منار : وجعهه لوجينو شهالسخافه ليه كأنك شايفه ملك الموت على غفله ..
لوجين : مجنونه ملاكو تقصينه .. تراه يهبل والله بنات الجامعه ميتين عليه ..
ملاك : صبر .. انتي اسمعي شلون ابي اقصه .. تذكرين المسلسل التركي وتمضي الأيام ؟
شفتي كيف كان شعر غزل في بداية المسلسل ؟ عاجبني شعرها ابي اقص مثلها
لوجين : هو حلو ماعليه زود .. لكن انتي كمان شعرك حلو ومايناسب تقصينه .. لكن انتي وكيفك شعرك وانتي حره ؟!
منار : من رأي إذا جت لكم مناسبه ولاشيء قصيه .. لكن الحين ليه تقصينه ماليه داعي
لوجين : ورأي من راي منار
ملاك : شوركم كذا ؟
فجر : إيوه
****************************** ********************
مرت الأيام والأسابيع
وجاء وقت الاختبارات
جوري : يما وين فارس ؟
ام راشد : ليش ؟
جوري : أبيه يشرح لي رياضيات الزفت الكريه الخايس المعفن الغفيف ال
ام راشد : بس بس بس .. تلاقينه بالطريق الحين راجع من المستشفى
جوري : شحقه المستشفى ان شاء الله يارب انكسرت رجوله او ايده او جاه ارتجاج بالمخ
ام راشد عصبت : فال الله ولافالك ليه تدعين على اخوك ها ؟؟ ثانياً هو راجع من المستشفى لأنه يشتغل هناك ياحضي
جوري : إيه صح
لوجين : جوري بس بالعه راديو ابي اذاكر
جوري : طيب طيب
الا بدخلة اخوهم فارس
جوري : الحمد لله جيت كان تأخرت شوي بعد ؟
فارس : خير شتبين آنسه جوري ؟
جوري : أبيك تذاكر لي رياضيات ماني فاهمه ولا حاجه
فارس : تعالي تعالي وبلا هدره زايده
****************************** ****************
ريان : رؤى
رؤى تذاكر فيزياء : هاه
ريان : تعالي أبيك شوي
رؤى بالها مو معاه جالسه تذاكر : طيب دقيقه
ريان : اقولك تعالي بس دقيقه ماباخذ من وقتك كثير
رؤى قامت معه لبره وجلسوا بالحديقه
رؤى تأشر له بمعنى شنو ؟
ريان مسكه من يدها : رؤى مانا تارك الين ماتقولين لي الصدق .. شنو كان قصدك ذاك اليوم لمّا قلتي والله لوتدري شصار اليوم >>> يقصد عشان سالفة رسيل وفيصل
رؤى ارتبكت : ها ؟ .. لا لا مو قصدي شي صدقني ومثل ماقالت لك امي كنت ا
ريان قاطعها : اسمعي رؤى .. هالحركات ماتمشي علي اوكي ؟؟ .. الحين قولي لي الصدق .. حرام حسي على اختك تراها تتعذب .. انا ادري ان السالفه فيها فيصل .. عشان كذا اذا كنتي تحبي اختك وتخافين عليها .. قولي الصدق
رؤى غرقت عيونها : بس انا قلت لأمي ماراح اقول لأحد وامي وصتني خصوصاً انت ماقولك
ريان يجرها بالحكي : ومن قال ان امي بتدري انك قلتي لي ؟ .. عشان خاطر رسيل لازم نساعدها يارؤى
رؤى تنهدت ومسحت دمعه نزلت منها : طيب اسمع ..
وكملت له السالفه وهي ترتجف وخايفه
بعد ماخلصت سكتوا
رؤى بصوت مبحوح : بس الله يخليك ماتقول لأمي اني قلت لك طيب؟
ريان : اوكي انتي لاتقلقي بقول لها واحد من ربعي شافهم
رؤى بلعت غصتها وراحت داخل
ريان ضرب ايده بالجدار : هين يافيصلو الزفت .. والله والله لوريك عجل كذا تسوي فينا .. تفو عليك من رجال بس
كل هذا الي دار بين رؤى وريان كان في أحد يشوفهم ومنصدم .!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
****************************** ************
بعد مرور اسبوع
جوري : يمه بعطيك اقتراح ولافي الاحلام تحصلين مثله
ام راشد تطنز : وشنو هالإقتراح بالله ؟ الي ماحصل مثله بالاحلام ؟!
جوري : يمه ليه تتطنزي علي .. بس معليش .. شرايك ماروح المدرسه واقعد اخدمك بدل ميري اطبخ واغسل وانظف واشتغل .. لكن ماروح المدرسه
ام راشد : وهذا الاقتراح ان شاء الله ؟؟! .. بأحلامك يماما
جوري : يممه احد يحصل مثل هالعرض ويرفض
ام راشد : إيه أنا .. ويله قومي ذاكري بدل الهدره الزايده .. وبعدين انتي مابقى لك الا 3 سنين وبعدها تروحي لبيت زوجك
جوري قامت تتحلطم وهي تدعي على المدرسه انها تحترق او يطب فيها حرامي او تنسرق او تنهدم و... الخ الخ الخ .........
خخخخ , يعنو أشياء خرافيه لايمكن تصير
****************************** ****************
ع المسن
ملاك : هاي لجونه
لوجين : هايو قلبو
ملاك : أخبآآرك ؟
لوجين : نحمدو .~ أنتي بشريني عنك ؟
ملاك : الحمد لله .. أمم شنو قاعده تسوين ؟
لوجين : ولاشيء اتصفح بالانترنت
ملاك : وف ياختي ملل بشكل فضيع
لوجين : إي والله وانتي صادقه
ملاك : ماتحسين ان الوقت يجري مثل هبة الريح .. تخيلي باقي اسبوعين وعرس أخوي عزام
لوجين : صدق كلامك تصدقين نسيت زواج أخوك
ملاك : شرايك الحين امرك نروح المجمع نشوف الاشياء الناقصه ؟
لوجين : شورك وهدآية الله .. انتظرك مرّي علي
ملاك : طيب حبيبتي .. اجهزي واني جايتك .. مع السلامه
****************************** *****
ملاك : يمه
ام عزام : نعم يمه ؟
ملاك : أبي اروح مع لوجين بنت عمي للسوق نشوف الأشياء الناقصه عشان عرس عزام طيب ؟
ام عزام : طيب روحوا لكن لاتأخروا
ملاك : على عيني
****************************** *********
الساعه 7:30 المغرب
جوري جالسه على لاب توبها وفاتحه ايميلها
جوري : اوف مالت كل وحده عامله لي حالها دافوره وف بس محد شابك
الا تشوف تسجيل دخول أحد يشبك
جوري عطول فتحت معها محادثه : هاي رورو
ريناد : بدل مو قاعده ع المسن قومي افتحي لك ماده ذاكري فيها ياحضي
جوري : وف ريناد لازم تنكدين علي بطاري المذاكره .. ملانه شرايك ندخل دردشه ونستهبل
ريناد : مادري
جوري : يله يله برسل لك رابط دردشه
وبعد ثواني ارسلت لها
جوري : شوفي اني دخلت بأسم (( بنوته كول وشفايفها توت ))
ريناد : ههههههههههآي أنتي وهالاسم التحفه .. اني بشنو أدخل .. اعطيني اسماء من عندك
جوري : امم رنوده المزيونه خخخخخخخخ
ريناد : طيب ينبلع على الأقل أحسن من اسمك
دخلوا ثنتينهم بالدردشه
طلعت الى جوري محادثه من المجروح
المجروح : هاي
جوري حبت تستهبل ( بنت كول وشفايفها توت ) : خير يالاخو مضيع ؟
المجروح : اوف اوف اوف شهالأخلاق
بنت كول وشفايفها توت : مو عاجبك طق راسك بالطوفه
****************************** *****
بالقهوه
مجد ( المجروح نفسه ) : محمد شوف هذي شكلها تبي تستهبل أعرف هالأشكاليه دي
محمد : وين جيب اشوف
بعد ماقرأ المحادثه
محمد : اقول جننها وطلع لها قرون
مجد : اوكي نشوف
المجروح : ماعلينا .. اخبآرك حبي ؟
جوري شهقت
بنت كول وشفايفها توت : هي هي هي انت احترم نفسك فاهم ياقليل الأدب ياوصخ يامو متربي اصلاً انت مو محترم فاهم .. صج ناس قليلة أدب
المجروح : اوف اوف اوف . . شفيك كذا ولعتي عطول حبيبتي .. ماتسوى علينا ياقلبي .. الموهم حاب اتعرف عليك اخبارك ؟ شسمك ؟ كم عمرك ؟ شنو تدرسين
بنت كول وشفايفها كول : شدخلك انت ؟
المجروح : لازم الحبيب يعرف حبيبته .... طيب ادا مابتكلمي انا بتكلم .. انا اسمي مجد عمري 25 سنه ادرس طب في امريكا .. وانتي عرفينا على نفسك ياقمر
بنت كول وشفايفها كول ( حبت تستهبل ) : طيب انا اسمي لطيفه عمري 26 سنه عزباء
المجروح : هلا والله طف طف .. تشرفت بمعرفتك غناتي
بنت كول وشفايفها كول : وجعه لاتقول كلام وقح ياوقح
المجروح : طيب قلبي
بنت كول وشفايفها توت : وجعه ماتفهم عربي انت ولا الدراسه بأمريكا اثرت بعقلك
وسكرت المحادثه
لقت ريناد عاطتنها اشارة تنبيه بالمسن
الجوري : هاه
ريناد : وينك يالحماره اكلمك وحاقرتني
الجوري : وجعه انتي الحماره .. نسيتك كنت بالشات
ريناد : انا من زمان طلعت من الشات ملل ياختي
الجوري : بكيفك .. شوفي اني بقوم افتح لي كتاب اذاكر فيه
ريناد : خخخ زين انها طلعت منك
الجوري : هاهاهاها .. بآيخه .. يلله باي
وطلعت تذاكر مع انه نفسها مسدوده عن المذاكره بس تتحمل شوي باقي بس يومين وتنتهي الاختبارات
****************************** **********
مروا الاسبوعين مثل سرعة البرق ..
وجا يوم عرس ..
عزام & فجر
..
الصباح الساعه 9
لوجين : يلا يالجوري عشان نروح المشغل مع بنات عمي سوا
الجوري حاضنه مخدتها ومغطيه نفسها باللحاف من رأسها لين رجولها : دقيقه بس
لوجين عصبت وسحبت اللحاف والمخده : بلا دقيقه بلا تبسبس .. يلا قومي بعدين اذا رحنا عنك صيحي
الجوري قامت وصارخت عليها : ها هذاني قمت انبسطتي قطعتي علي حلمي
لوجين : الله عاد انتي وهالحلم .. يله قومي خذي لك شاور بسرعه لانمشي عنك
الجوري : طيب طيب
***************************
عند الشباب
كانوا شباب العايله بالصالون تبع الرجال يحلقوا ومدري ايش هالشغلات يعنو
فارس : مبروك ابو العز
راكان : ليه شايف معتز الي في باب الحاره على غفله خخخخ
فارس بنص عين : بايخه وماتضحك
راكان : مثلك وثانياُ ماقلت لك اضحك
عزام الي الفرحه مو سايعته لكن متوتر بنفس الوقت ..
مشعل : آقول عزامو انتبه وقت الزفه وسوي مثل الي قالته لك امك بالحرف الواحد
راكان يتطنز : إيه انتبه لهالشغلات الي بقولها لك .. بالأول انتبه لاتطيح وتفشلنا قدام العالم .. ثانياً انتبه وانت ترفع الطرحه لاتبوسها بخدها بدل راسها وثالثاُ وان......
عزام يقاطعه : بس بس بس صدعت راسي بس تبربر حشى
راكان : إيه اعلمك عشان ماتقع بالخطآء
عزام قاطعه مره ثانيه : دخليك عاد مالقيت غيرك يعلمني بعدين اسكت وكل تبن
فارس : الا وين فيصل ؟
عزام انتبه : إيه والله وينه مو مبين
ريان قلب وجهه لمّا سمع طاريه
مشعل لاحظ ريان بس ماهتم : إيه قال بخلص شغله وبجي لنا
الكل بعدين سكت
****************************** ***
ريماس : إيه حلو بعد تغيير
ملاك : إيه شفتوا هذا الراي السنع .. علميهم بس علميهم
الجوري : متعلمه قبل مايجيبوك
ملاك : انطقي مكانك انتي محد كلمك
الجوري الي كانت جالسه رجل على رجل ومبسطه ع الآخر . تسوي روحها موم مهتمه وتطالع ملاك بطرف عينها : شلون بتقصيه ان شاء الله ؟!
ملاك رمت عليها الكتلوج : شوفي مثل هذي
( إلى اللي مافهم القَصَّهْ مثل هذي هي )
الجوري : امم حلوه لكن على شعرك بايخه
ملاك : ماطلبت رايك
الجوري بتكبر : هذا جزآي .. اصلاً يحصل لك تاخذين رأي الجوري بنت فرآس ال...........
ملاك : بس بس فضحتينا مابقى أحد بالمشغل ماعرف أسمك الكامل
*****************************
والله أدري إنّ البارت القصير
واني والله كنت جالسه أكتب بالبارت ليكم الحين
لكن وقفت عشان جونا ضيوف
والحين اني قمت عنهم لأنه تذكرت إني وعدتكم بتنزيل البارت
وصدقوني بالي اشياء كثيره أسويها بهالبارت
بس ما الله كتب ..
وأول مايطلعوا الضيوف راح اتفرغ وأرتب افكاري بالبارت
وهالمره وعد مني ماراح أطول
وما أقول إلّا
---------------------------------
الجوري : بنات مين بتبدأ اول وحده ؟
لوجين : ملاك بالبدايه بتقص شعرها وبعدين ربك يحلها
الجوري : امم
**************************
الساعه وحده ظهراً
كانوا ملاك ولوجين و ريماس بدأوا بتسريحاتهم والحين الكوافيرات يسونه لهم
امّا الباقي جالسات ينتظرون
فجأه دخلت لهم وحده ماكانوا متوقعينها
؟؟
****************************
راكان : اقول عزوز مو تنسى ادا جا ولي العهد ماوصيك هالله هالله براكان
عزام : وشو عيد ماسمعت ؟!
راكان : أقول لاتنسى تسمي ولدك بإسمي
عزام : مجنون انا والا استخفيت عشان أسمي ولدي بإسم راكانو ... ياخوفي يطلع هيس مثلك
راكان بغرور وتكبر يقول من طرف خشمه : اصلاً أنت يحصل لك تسمي ولدك راكان .. مين قدك اصلاً تكون أبو راكان والنعم
عزام بطنازه : نعامه ترفسك ..
فارس : أقول أنتوا على إيش تتهاوش .. هو بالأول خليه يجي بعدين ربك يحلها
عزام : قول له الأخ ماخذ بنفسه مقلب
****************************
رؤى تهمس للجوري : يممه هالجنيه هذي شجابها هنا ..
الجوري : الا قولي شدراها انه احنا هنا بالذات بهذا المشغل .. ياخوفي تخرب علينا تعرفيها هذي داهيه
رؤى بلعت ريقها : الله يستر
لوجين ناظرت ملاك تشوف ردت فعلها لقتها مثلها مصدومه .. ومهم باصمين ميه بالميه ان راح تعمل لهم مشكله ..
رسيل الي كانت تشرب لها عصير طاحت العلبه من يدها .. وقلبها صار يدق بقوه .. ماتبي تشوفها تكرها بشكل مو طبيعي .. وحست بطنها مغصها ..
ريماس تناظر رسيل وخافت عليها .. وبنفسها كارهه شمس وشنو جابها .. أكيد المشاكل جايه معاها
شمس ترمش بعيونها وكأنها مو مضدقه : اوه انتوا هينآ ؟؟ " بتسامه " صدفه حلوه اني التقيت فيكم ..
الجوري بتسامه واسعه مضحكه : صدفه بشعه
شمس ناظرتها بصدمه ومبلمه : شنو ؟
الجوري : أأ أقصد صدفه بشعه انه ماعرفتينا على الحلوه الي معاك
رؤى كان ودها تضحك حتى عيونها غرقت .. دفت كوعها بكوع الجوري وهمست لها وهي بالموت تمسك نفسها عشان ماتضحك : وجعه انتِ شهالتصريفه .. فشلتينا
الجوري بنفس الهمس : تستاهل
شمس احتقرت الجوري من داخلها وقالت بغيض حاولت تكبته : هذي رفيقتي صباح ..
صباح وكأنهم مو عاجبينها : هاي
الجوري بصوت عالي شوي : وعليكم السلام ورحمة الله وبركاته
صباح تفشلت : السلام عليكم
البنات : وعليكم السلام ..
ملاك تقول بنفسها // يارب انك تمضي هاليوم على خير وماتصير مشاكل نحنا بغنى عنها .. يارب ياكريم ..
وصرفوا البنات على أنه الموضوع مو هامنهم ولا كأنه شمس وصباح موجودين
رسيل جلست على الكراسي الموجوده بالمشغل تستريح .. شربت لها كاس ماي وهدأت شوي الحمد لله
**************************
الساعه 7 ونص
راحوا البنات القاعه وهم مبسوطات ونسوا سالفة شمس ..
وكانت أحلى وحده فيهم ملاك .. كانت ملاك بمعنى الكلمه .. الكل يسمي بالرحمن عن الحسد ....
كانت لابسه فستان أحمر فاقع لفوق الركبه من فوق فيه مثل الشبكه تغطيه لين الخصر وفتحت الصدر وسيعه شوي ومن تحت الخصر طبقات كبيره لين آخر الفستان والفستان عاري اليدين .. وصندل أحمر ربطات وفيه كرستالات فضه روعه .. و حاطه قلوس أحمر صارخ و كحله سوداء محليه عدستها الرماديه .. وبلاشر احمر وشدو روعه بالاحمر والاسود وفيه لمعة .. بالمعنى آخر كانت في غاية الروعة وعامله بشعرها مثل هذي التسريحه
ولوجين كانت لابسه فستان حرير لونه بنفسي لين الركبه عليه قطعة حرير عند الصدر مفصوله عن الفستان لكن لاصقه فيه من بداية الفساتن لين عند الخصر وكسرات مع كعب بنفسجي .. مع ظل بنفسجي واسود وفضي و قلوس فوشي فاتح شوي وكحل محليه عيونها وماسكرا .. طالعه شي خطير .. وعامله بشعرها كذا
أمّا الجوري فكانت لابسه مثل أختها لكن لون الفساتن بني حرير وعليه زي اللمعه الذهبيه منثور عليه .. ومسويه بشعرها بف ومستشورته غرتها ومميلتها وطالع شكلها كيوت
و ليال كانت لابسه فستان فيروزي طويل مره فتحة الصدر شوي واسعه وحريري ورافعه شعرها لفوق بطريقه مميزه وحلوه ومطيحه بعض الخصل على وجها وحاطه شدو فيروزي وقلوس وردي ناعم وبلاشر وكحل كثيف شوي مع الماسكرا ... طلعت شيء رائع جداً ..
رؤى كانت لابسه
فستان اسود لحد الركبه .. فتحة الصدر وسيعه شوي والفستان كان مخصر عليها شوي .. وفيه كرستالات محليه الفستان اكثر .. ومجعده شعرها طالعه شيء خطير .. مع القلوس الاحمر الناري مع بياض بشرتها وصفائها طالعه روعه بمعنى الكلمه
ورسيل كانت لابسه
فستان جلد النمر وعليه شال بنفس شكل الفسان حلو كثير .. ومخليه شعرها مثل ماهو فقط مستشورته ومسويه نفخه من
ومبينه كرشتها على خفيف بس رسيل رقعت لهم وقالت انها زايده كم كيلو
وريماس كانت لابسه
فستان وردي غامق مره لنص الركبه حرير مخصر عليها ومخليها فاتنه .. وكان مافيه أي زخرفه او شيء .. لكن طالع كيوت .. رافعه نص من شعرها وعامله نفخه مطلعتها حلوه كثير وكان الميك اب شوي غامق .. والي محليها اكثر القلوس الوردي الغامق مثل لون الفستان .. كان غريب لونه ومميز .. كانت تلفت الانظار .. وادا ابتسمت تطلع لها غميزه من جهة اليسار .. محليتها والبنات ميتين عليها
في الحمام - وانتوا بكرامه -
الجوري : بنات
ليال : وجعه انتي لاتصارخي ماتشوفين يطلع صدى المكان فاضي
الجوري : كنت بسأل وين امهاتنا
ملاك الي كانت تزبط نفسها : امي من شوي مكلمتني تقول انهم بالطريق ..
لوجين : عجل العروس للحين ماوصلت ؟
ملاك : لأ لسى هي بالمشغل
على الساعه 10 ..
القاعه بدأت تمتلي والناس يجوا .. كان العرس بغاية الروعه الحريم متجننين على البنات كل وحده تقول الزين عندي .. بطاولة البنات
كانوا جالسين ملاك وليال ولوجين والجوري و رؤى ورسيل وريماس
الجوري : بنات خلونا نقوم نرقص في حرره من شمسو شوفوا شلون رقصها يهبل
رؤى : وع مو مره حلو احنا نرقص احسن منها .. احسه عادي
الجوري وقفت : اني بقوم ارقص من ترقص معاي
ملاك الي كانت في غيض من شمس ونظراتها الى ملاك .. حبت ملاك تغيضها اكثر فقالت : انا بقوم معك
لوجين : وانا
ليال ورؤى وقفوا
رسيل : لا انا بقعد
ريماس : وانا بقعد معك
قاموا البنات يرقصوا والحريم تجننوا اكثر على المزيونات الي نضموا لهم