الجوري / رؤى
الجوري : هلا والله بخطيبة ولد عمي
فجر بضحكة : هههه هلا فيك
رؤى : أنتي صديقة ملاك مو ؟
فجر : إيه ...
الجوري : أحم أحم .. اني وبنت عمي المصون نبغى نتعرف عليك نبي نشوف ذوق بنت عمي الشينة
فجر : هههه حرام عليك ملاك شينة عجل شنو خليتي لي
الجوري : ولو فديتك .. الموهم أني الجوري بنت عم ملاك .. عمري 15 سنة بثالث متغصغص .. هوايتي الأستهبال والرجة وأكره الناس الباردين يا الله يقهروا بجد .. اني آخر العنقود بين اخواني اسرتنا المتواضعه تتكون من أب وأم فديتهم ربي يخليهم لي بعدين أخوي راشد متزوج من ورود هذيك " تأشر بإديها " الي لابسه فستان برتقالي
رؤى تقاطعها : وجعوه مايأشروا
الجوري عصبت : توجعك لاتقاطعيني ., " تكمل " المهم وعندهم وليد و وريما جهالوا يهبلوا ؤربي .. بعدين أخوي فارس وبعدين لجينو أكيد تعرفيها صاحبة ملاكو الي 24 ساعة وياها .. وبص
فجر انسبطت بالقعده معاهم : ههه ربي يخليهم لك .. بجد القعده معاكم روعة
الجوري صدقت نفسها : أحم أحم .. من ذوقك
رؤى بنص عين للجوري : مالت عليك بس صدقتي عمرك ترى البنت تجاملك مالت عليك بس .. شوفي وجهك يتمشى بالأرض من الفشيله روحي لقطيه
الجوري بحلست لها : مالت أصلاً انتي غيرانه مني انها حبتني وماحبتك يالقدره
رؤى : مالقرده غيرك طالعه على بنت عمي
فجر : ههه مايحتاج كل هالخناق عاد
الجوري استحت على وجها : خخخ ماعليك احنا دوم كذا نمزح
رؤى تنقذ الموقف : إيه ماعليك دورك عرفينا على نفسك وهوايتك
×
×
×
صح نسيت أقول لكم ملاك ولجين شنو لابسين
ملاك :.
لجين :.
طبعاً لجين كانت عاملة بشعرها نفس الصور أمّا ملاك فكانت مرولة شعرها وطالعه شي خطير .. ومكياجهم كان حلو كثير وناعم ومناسب للأزياء ..
>>>> طبعاً ملاك قالت للجين تلبس عباتها وتلف شيلتها عليها
ملاك : أحم أحم قول لأخوك مبروك ..
راكان بدون ماينتبه للجين : وجعوه انتي سنتك سنه كل هذا على ماتجين تاخذين الكتاب .. مالت عليك بس , وبعدين ياذكية البنت لسى ماوقعت يعني مانقدر نقول مبروك
ملاك : حشى حشى حشى .. يا أخي أحترم وجود بنت عمك ع الأقل
راكان الي انتبه للجين الي منزلة راسها من الإحراج والموقف الي ملاك حطتها فيه
راكان مبلم : هلا لجونه كيفك ؟
لجين انصدمت من جرآءته وقدام أخته , بصوت يالله ينسمع : الحمد لله بخير ..
ملاك : هي تراك طقيت الميانه عدل .. يله أقلب فيسك الحين ..
وراحت هي ولجين وراها
راكان لسى واقف مكانه : انا لازم أتزوجها أزوجها بجد بموت لين ما أتزوجها .. آآخ بس يابوي ليتك ماعندت كان الحين هي خطيبتي ..
ميري : هي إنتا في مجنون قاعد كلم حالك
راكان : والله المجنون يعرف نفسه يامجنونه
بعد ماراح راكان
ميري : حمد لله والسكر عائلة مجنونا ( السكر - الشكر ... بس تعرفوا الاندنوسين شلون يخبصوا باللغه خخ )
×
×
×
أرتفعت اصوات الزغاريط والناس فرحانه مره ...
فجر / ,
آه فرحانة فرحانة فرحانة
ما أقدر أوصف لكم شعور الفرح الي أحس فيه .
يعني
يعني الحين انا صرت خطيبة عزام ..
الله شعور رائع ..
الله يوفقنا بس
وانتبهت على ملاك الي تناديها
ملاك : بلاك انتي سرحتي أكلمك من أمس ------>> يازين المبالغه
فجر توها فايقه من السرحان : هلا
ملاك : يله أخوي يبي يشوفك الشوفة الشرعيه
فجر ابتسمت بحيا : أوكي الحين قايمة ..
راحت فجر ومعاها اختها مريم
مريم : خخ يالخبله اقول ضبتي نفسك وانتبهي لاتعرقلي وانتي تمشي
فجر خافت : وجع مريوم لاتخوفيني
مريم وهي تمشي : اسمعي قريت قصه إنّ ...............
فجر : وجعوه انطمّي مابي اسمع شي
لمّا وصلوا كان اخو فجر سعود
سعود : يله مريوم انتهت مهمتك طسي
مريم انقهرت : مالك خص وكنت بمشي بدون ماتقول
وراحت
سعود يطالع اخته : أوه شو هالحلا دا نويه تقني الرقال وهيطلب الزواق من هالحين
فجر استحت : وجع سعودو بلا هبال ماني ناقصه
ودخلوا
فجر بصوت خفيف مره : السلام عليكم ورحمة الله وبركاته
عزام وقت وهو يناظرها بإعجاب وبإنبهار : وعليكم السلام والرحمة
سعود : احم .. يله اتركم الحين شوي وراجع
وطلع
عزام: اقرب ولا تقربين ؟؟؟ احس اشكالنا كذا غلط ..
فجر فكرت بسرعه وهي اللي قربت .. خافت يجي ويقرب منها كثير ..
عزام طالع المسافه اللي تغيرت : كثير علي والله ..
فجر تفشلت وسكت
عزام حس فيها وغير الموضوع : أخبارك ؟
فجر منزلة راسها : الحمد لله تمام ...... " سكت وبعدين " وأنت ؟
عزام : الحمد لله .. .
وسكتوا
عزام: ان شاء الله ربي يقدرني اسعدك .. واكون عون لك في حياتك.. وتكوني انتي شريكتي للابد .. ويدوم ربي بينا المحبه والموده.. ويرزقنا الذريه الصالحه ..
فجر ابتسمت وتنهدت بقبلها وهي تدعي إنّ ربها يوفقهم
>>>>>>>>>>>>>>>>>>>>>>>>>>>>>> >>>>>>>>>>
كملو البنات ملكة فجر .. رقص وناسه وهبال .. فرحوا فيها كثير .. واكثر شي مسعدهم فرحة فجر اللي واضحه بعيونها ...
****************************** ******************** ********
في اليوم الثاني الساعه 9 الصباح
في المدرسة الجامعة
ملاك : وه فجورة وحشتنيني فديتك
فجر : ههههه مسرع ما وحشتك الامس شايفتك
ملاك : ولو وحشتيني
فجر : ملوكه حبيبتي انتي طلبتك بليز تعالي عندي اليوم
ملاك : وشنو المناسبه
فجر : بدون مناسبه كذا بس .. حرام اعزمك يعني لازم مناسبه
ملاك : امم طيب بس أشوف لي سياره تعرفي عاد الي عندي كل واحد انذل من الثاني
فجر : لا عاد حرام عزامي فديته مو نذل
ملاك ترفع حواجبها : بدينا
فجر تصرف : أقول أمشي أمشي جيعانه موت خلنا نروح الكفتيريا
ملاك تمشي معاها وهي تضحك : يازين التصريفه بس
****************************
في بيت رائد
رسيل ماداومت للجامعة مالها خلق ولسى للحين جالسه بيت أخوها
طق طق طق
شوق من وراء الباب : ممكن أدخل ؟
ماسمعت رد كالعاده ... فدخلت
شوق بتسامه حلوه : رسيل حبيبتي تعالي افطري معاي ملانه لوحدي أخوك راح للشغل .. يله أمشي
رسيل قامت بدون أي كلمه وهي تفكر انها من متى قاعده معاهم ومنعزله عنهم .. رحمة شوق فصارت تسولف معاها شوي على الفطور
شوق وهي تدهن التوست بالمربى : تبي فيها جبن أو فول السوداني ؟
رسيل : براحتك
شوق : طيب .... إلّا رسيل بكره بتداومي بالجامعه ؟
رسيل : ما أفكر أفكر أأجل هذا الترم
شوق : أمم براحتك ........... رسيل فضفضي لي مو تكتمي شي بقلبك .. تكلمي ترى راح ترتاحي .. ؤربي راح يكون سرك بير وماراح أقول لأحد .. بس حرام الي تسويه بنفسك والله حرام مايصير
رسيل نزلت منها دمعه وعلطول مسحتها
شوق مانتبهت لها وكملت : لمتى حالك راح يضل كذا لمتى ؟
رسيل بكت ماقدرت : أبي أتطلق أبي أتطلق ياشوق الله يخليك كلمي رائد يكلم فيصل خلاص أبي أتطلق ومابي شي ثاني
وقامت لغرفتها وهي قاتله نفسها بكا
شوق انصدمت ماتوقعت راح تكون ردت فعلها كذا .!! :. انا لازم اكلم رائد اليوم البنت راح تموت اذا ضلت كذا ...
******************************
الساعه 1 الظهر
الجوري توها راجعه من المدرسه .. رمت شنطتها على الكنبه ورمت نفسها بعد ^^
الجوري : يما ا
ام راشد جات مخترعه : بلاك تصارخين شنو صاير خرعتيني
الجوري : متى بستوي الغذا ميته جوع
ام راشد : قومي بدلي ثيابك وصلي وبنستنى اختك لجين اتجي من الكليه
الجوري : لا ا .. ماني منتظره أحد
ام راشد راحت للمطبخ تشوف الغذاء : ياويلك ها
الجوري قامت متكاسله لفوق وبدلت ملابسها ولبست لها بجامه ورديه فاتحه وفيها رسمة خروف بالوسط ؟؟ وفلت شعرها وجلست ترتب فيه وتكشخه من الفضاوه والملل
وبعدين استقرت ب ثنتين ( قراعين ) وحده صفراء والثانيه خضراء
ونزلت تحت للمطبخ
الجوري : ماماتي حبيبتي وين الآيسكريم الي كان بالفريزر ؟
ام راشد : مدري عنه دوريه زين
الجوري تدور : وين ماشفته " بصراخ " روز
روز : سو ... ( سو = شو )
الجوري : وين الآيسكريم الي كان هنا ؟
روز : آخوكي فايس في آمس ياكلو
الجوري عصبت : غربل الله بليسه وأني شنو آكل ياحسره جوعانه
ام راشد تقطع البصل : بدل ماتاكلي بهالأكل الي مدري من شنو مصنوع .. كلي لك شغله مفيده شوفي كيف انتي عصايا
الجوري تناظر جسمها : حرام عليك يمه اني عصايا .. وأني الي ابي اسوي ريجيم صايره دبه
ام راشد : بلا رجيم بلا بطيخ
الجوري : يمه تدري اني غبيه
ام راشد : هو توك تدرين ؟
الجوري : يممه .. والله من الغباء الي في كان أقوم أسوي لي بطاطس مقلي " بحالميه وهي تمثل " فديت قلبه
ام راشد تهز راسها يعني الله يهديها
*****************************
في غرفة فيصل
ام فيصل : فيصل شنو صاير بينك وبين زوجتك وليش هي قاعده بيت أخوها ؟
فيصل :.............................
ام فيصل : تكلم يافيصل ليش ساكت ؟
فيصل يناظر بالفراغ : مافي شي أقول
ام فيصل : إلّا فيه .. يعني لي متى وانت بتم كذا .. حتى أبوك يسألني عنها وأنا أصرف نايمه أو طلعت أو تاخذ شور .. خلاص أنا تعبت يافيصل ياتفهمني او أقول لأبوك الحقيقه
فيصل وقف بعصبيه : يايمه رسيل تبي الطلاق
ام فيصل بصدمه : شنو ؟
فيصل : مثل ماسمعتي وانا كلمت محامي وقال لي بكره راح توصلها الورقة ان شاء الله
ام فيصل عصبت : وليش تسمح كلامها ذي بزر وانت ياحافظ علطول رحت وسويت لها الي تباه .. لازم تتفاهم معاها وتحلوا مشاكلكم بهدوء
فيصل الي كان يرجف من القهر والعصبيه : عاد هي خلت فيها تفاهم علطول حملت عفشها وراحت لأخوها كم مره نزلت بكرامتي ورحت لها وترجيتها بس مافي فايده .. خلاص مو هي تبي الطلاق .. بسوي لها الي تبغاه
****************************** ***********
بعد مرور اسبوع
(( طبعاً رسيل وصلتها ورقة الطلاق ))
رسيل كانت بغرفتها والدموع بعينها وهي ماسكه الورقه بإيدين مرتجفه
شوق دخلت وهي حامله بإيدها صينية العشاء
شوق : تفضلي حبيبتي هذا العشاء وصلك لفوق ...
لمّا شافت رسيل والدموع بعينها والورقه الي ماتدري شنو فيها
شوق خافت : رسيل .. شنو فيك ليه البكاء
رسيل :
أنا حامل
نهاية البارت
---------------------------------
البارت الثامن عشر
****************************** ***
شوق حطت يدها على فمها : شنو !
رسيل والدموع ماليه عينها : شوق اني رايحه لبيت أهلي وراح أقول لهم عن الطلاق ... " قامت وهي لابسه عباتها .. وحضنت شوق " .. شكراً ياشوق ؤربي وقفتك معاي ماراح انساها ادري ثقلت عليكم كثير .. وانا الحين رايحه .. اهتمي لنفسك وعلى بناتك حبيبتي .. ؤربي وقفتك جميل على راسي .. شكراً
شوق حضنتها أكثر : لا لاتقولي هالحكي يارسيل ؤربي انتي ونستيني كثير ..
رسيل بعدت عنها وهي تمسح دمعتها : مع السلامه ....
ونزلت تحت وقفت لها تاكسي وراحت لبيتهم ..........................
****************************** *****
الجوري تلعب بشعر لجين : لجونه حبيبتي انتي فديتك وفديت هالشعر دا . .. طلبتك طلب ولاترديني
لجين : آآآآه أعرفك أم مصالح متعلمة لي من الروايات مالت عليك .. أطلبي اخلصي باقوم أنام وراي جامعه بكره
الجوري : ابي اروح وياك بكره الكليه
لجين دارت لها : نعم
الجوري : نعامه ترفس.......... أحم أقصد الي سمعتيه
لجين : وانتي ماوراك مدرسه بكره وثانياً شلون راح تدخلي انتي ما معاك بطاقه ياذكيه
الجوري : عادي وهم شنو عرفهم
لجين : وثانياً لو يشوفوك الأمن بفكرورك بإبتدائي خخ
الجوري عصبت : الشره علي الي اكلم وحده عقلها قوطي ودرج يالزرافه
****************************** ****************
رؤى كانت جالسه بالصاله وهي تفصفص حب وتشرب بيبسي
رؤى : يما ملل وش رايك بكره نعزم رسيل تجي تتغذى عندنا .. وف من راحت وانا طول الوقت جالسه لحالي
ام رائد : ههههه إن شاء الله على عيني كم رؤى عندي
رؤى : واحده إلي هي اني فديتني
ريان دخل من الباب : أوه باين انكم مبسطين
ام رائد : إيه تعال اجلس معانا ...
بعد ماقعد
ام رائد : ناوين بكره نعزم رسيل وأخوك رائد على الغذاء ..
ريان : فكره مش بطاله .. تبون اوصي لكم على مطعم او تبون طباخ البيت ؟
ام رائد : لا لا طباخ البيت مالينا بالمطاعم
ريان : اوكي براحتك يا الغاليه
وسكتوا ...
بعدين سمعوا دق الجرس بشكل مو طبيعي
ريان قام بسرعه يشوف مين
رؤى : وجعه من ذا الي خرب جرسنا جعل يده الكسر
ام رائد بقلق : وجع لاتدعين على الناس
دخلت رسيل وهي تبكي
ام رائد ضربت صدرها : يمه بنيتي شفيك يمه رسيل ؟
رسيل حضنت امها : يمه .. فيصل " وشهقت بالبكا " طلقني
الخبر نزلت عليهم كالصاعقه
*****************************
خلينا نروح لوحدة من زمان عنها ومغبره كح كح ^^
شمس : يمه ..
ام تركي : همم
شمس : شنو رأيك نروح شاليه كم يوم
ام تركي : مين تقصدي ب كلنا ؟
شمس : يعني من بالله يا إمي .. بيت خالتي أم فارس وشلتهم العالمية
ام تركي : من صدقك انتي .. أولاً الحين دوامات وثانياً , مستحيل يرضوا
شمس ترفع حاجب : ليه مستحيل
ام تركي : انتي تعرفي إنّ علاقتنا معاهم مو لذاك الزود
شمس بلا مبالاه : وإذا ..
ام تركي : أقول بلا حكي فاضي قالت إيش قالت نروح شاليه
شمس بتأف : أقوم لصبوح ( صباح ) .. أحسن لي
بعد ماراحت
ام تركي راحت تكلم اختها ام حمد
ام تركي : الو
ام حمد : هلا والله بنيتي
ام تركي : هلا بك .. إلّا أقول يام حمد شرايك نروح الليله عرس ام فايز ؟
ام حمد : والله اني الليله ماعندي شي .. اوكي عجل مرّي علي على الساعه 9 ونص نبي نروح بدري
ام تركي : ان شاء الله وخليك جاهزه
ام حمد : اوكيه .. يله مع السلامه
****************************** *********
رنا و أحلام منسدحين على الكوشنات ويطالعون فلم هندي يجنن
رنا تاكل من المفشار (( مصدقين حالهم في سينما ^^ ):: حلوم
احلام : همم
رنا وهي تلف خصله من شعرها على صبعها : تصدقي
احلام تستهبل : لا ما أصدق
رنا عصبت : احلام بلا سخافه اتكلم من جد
احلام : طيب طيب خلاص أصدق
رنا تنظارها بإستخفاف وكملت : وحشني
احلام طيرت عيونها وقالت وهي مبلمه : هاه ؟!
رنا نزلت منها دمعه : الأمس جلست أفكر .. تدرين أني غبيه اتهمته بشيء هو ماله دخل فيه .. والله اني غبيه وبدون عقل
احلام : دخليك توك تدرين .. أقول بس عن هالكلام الي ما منه أي فايده وقومي معاي نتصل
رنا : نتصل لمين ؟
احلام : لمهند هاهاهاها .. يعني من بالله عن من احنا نتكلم من الأمس
رنا : احلام اعقلي وبلا استظراف زايد
احلام : طيب طيب .. وأخذت جوال رنا واتصلت ل بندر
****************************** *****************
من جهه ثانيه
بندر كان جالس بأحد الكوفيهات وحاط إيده على خدّه .. وكل من يمر يشوفه يقول هذا واحد ملان , طفشان من عيشته
إلّا يسمع جواله يدق
ما أهتم بس باين إنّ المتصل ماراح يوقف لو يضل لبكره
ضغط على العلامه الخضراء بدون مايشوف مين
بندر : آلو
............: .............
بندر بملل وطفش : خير تبون شي وعن البياخه الزايده والي مال امها داعي
.............: بندر
بندر ماقدر يميز الصوت : أحم ... إيوه مين معاي ؟
.........: معاك أحلام .. بندر .. أبي أقول لك شي ولاتقاطعني بليز لوسمحت .. ؤرب البيت إنّ رنا ندمانه قد شعر راسها البنت قاتله نفسها بكي ونياح تبيك يابندر ؤربي البنت متحسفه قد شعر راسها على الي سوته فيك لو تشوفها يابندر ؤربي حالتها ماتسر لاعدو ولا صديق .. الله يخليك يابندر افتح صفحه جديده معاها وصدقني البنت ندمانه وعارفه بغلطتها وهذا الشي من صالحها وعرفت أخطائها عشان ماتعيدها بالمستقبل
بندر بإبتسامته الي تطيح الطير من السما : ومن قال إني زعلان عليها عشان اسامحها .............................. .................... ...
****************************** ************
رنا نزلت دموعها من الكلام الي سمعته وخجلانه من نفسها على الشيء الي عملته فيه .. بندر جوهرة ثمينة لاتعوض وهي بغبائها وبلاهتها كان راح تخسر أحن وآخر شخص بقى لها من الدنيا كفايه امها وابوها تركوها وراحوا مابقى لها إلّا بندر & أحلام ... وعاهدت نفسها انها من اليوم ورايح راح تحافظ عليهم ومستحيل تخسرهم مره ثانيه
****************************** **********
ام رائد بحنان وهي تمسح على شعر رسيل : ياعمري ياحبيبتي انتي الحين روحي ارتاحي بغرفتك وهي لسى زي ماهي محد لمسها او سوّى فيها شي .....
رسيل تحضن امها أكثر وكأنها تدور الأمان فيه : يمما لاتركيني وتخلي عني كفايه فيصل إلي خآني علشان وحده ماتسوى حتى جزمتي
خآني
خآني
خآني
معقول .!!!!!!!!!
انصدم منها معقول فيل يخون اخته ؟
وجهه بدأ يرتجف من العصبيه والغضب والقهر . . . يحس نفسه لو يشوف فيل قدامه كان ماحد راح يخلصه من بين إيدينه
وعاهد نفسه إنه ماراح يسلك له هالموضوع على خير ............... / يا أنا ياأنت يافيصل
رؤى وهي تقوم رسيل : خلاص حبيبتي بكره نحكي بهالموضوع أنتي باين عليك التعب والإرهاق .. يلا قومي حبيبتي معاي استريحي لك شوي ..
رسيل قامت معاها وكان باين عليها آثار التعب والإرهاق وهي فعلاً بحاجه للراحه
******************************
صباح يوم جديد نشوف بيت بيت فيهم
*
*
*
ام راشد : الجوري الجوري .. يلا عاد قومي تعبت وآنا اقومك يلا يالجوري تراك واجد اتأخرتي
الجوري مي حاسه بأمها : امم امم شوي بس
ام راشد حبت تلعب بأعصابها : قومي ترى الساعه 8 ونص انا من الساعه 6 وانا اقومك ترى مالي شغل ادا هزؤوك ها
الجوري من سمعت انها تأخرت والساعه 8 ونص فزت من السرير وراحت التواليت - أكرمكم الله -
ام راشد : هههههههه الله يصلحك بس
وراحت لغرفة لجين
ام راشد دخلت
وقال بإبتسامه : والله زين إنك قاعده مريحتني مو زي أختك الله يرجها تعبتني وانا اقعدها
لجين تزين شعرها : ههههههههه مام والله لو أنك قايله بس لجين انا براس الخدمه
ام راشد : ههههههه عاد انتي أدرى بالجوري ماتشتهي أحد يقعدها .. ياخوفي ترفسك للدور الأرضي وهي نايمه مو حاسه بشسء
لجين تخيلت وفطست ضحك : هههههههههههههههههههههههههههههه هههههههههههههههههههه هههههههههههه والله هههههههههه مو بعيده عنها ههههههههه
*************************
على طاولة الفطور
راكان ياكل بسرعه : يبه ....
ابو عزام : وجعه لاتاكل وفي فمك أكل .. أنتظر ليما تخلص
راكان يبلع الاكل بسرعه : يبه أبي سياره جديده
ابو عزام : نعنبو دارك أنت من سنه وحده إذا مو أقل ماخذ لك سياره ..
راكان يصرف : إيه يبه هذا ربيعي ذاك الي اسمه رويشد تذكره ؟ .. الي هو ... كان ماخذ سيارتي وسوى فيها حادث وتشوهت من وراء يايبه ترضى علي يقولون سيارة ولد ابو عزام الميلياردير أسخف سياره بالجامعه ؤربي أتفشل كذا بالجامعه
ابو عزام : تستظرف حضرك ؟ وسياره مافي
راكان : يب به
ابو عزام : ؤصمه
سجى كانت تقرص راكان وتقول بصوت خفيف بس راكان الي يسمعه : ويلو ألقط وجهك
ملاك نزلت وبإيدها الكتب تبع الجامعه : راكان يلا تأخرنا
راكان قام وهو مكشر ومقهور
ملاك ضحكة عليه ومشت
****************************** *************
رسيل قعدت من النوم وهي ماتدري وينها فيه .. شوي شوي بدأت تتذكر الأحداث ........... وجلست تفكر
بعدين قامت التواليت - اكرمكم الله - .. وغسلت اسنانها وتوضأت وصلت .. بعد ماخلصت راحت أخذت شاور وطولت شوي أخذت ساعه وشوي .. بعدين قامت فتحت كبتها بس ماكان فيه شي على كذا راحت غرفة أختها رؤى ولبست " بلوزه بينك ومعاها شورت لتحت الركبه بشوي جلد لونه أحمر .. وفوقه حاجه مثل الفروه عشان البرد .. لأنه الجو بدأ يبرد عندهم .. وحطت لها مرطب للشفاة مع كريم يخفي آثار البكا ويزهر وجها .. ورشت لها عطر على خفيف ورفعت شعرها ذيل الحصان بعد مانشف .. وطلعة ولا ملكة جمال .. وراحت لغرفتها ..
حطت يدها على بطنها وإبتسمت وهي تقول : ياعمري إنت .. من اليوم ورايح راح نبدأ صفحه جديده أنا وياك .. راح أربيك وأحافظ عليك ياضناي .. آآه لو ما أنت كان انا من زمان ضايعه .. من لمّا عرفت بوجودك داخل بطني .. رجعت لي الحياة ..
حست بالجوع شوي لانها ماكانت تاكل زين وهي جايعه مره خصوصاً انها حامل وهذا راح يتعبها كثير .. فقالت من اليوم ورايح راح تحافظ على نفسها أكثر من أول
نزلت تحت وحبت راس أمها : صباح الخير يالغالية
ام رائد : صباح النور والسرور هلا والله
رسيل : يمه ميته جوع مافي فطور ؟
ام رائد : إلّا يمه فيه انتي بس قولي شنو مشتهيه ؟
رسيل : أي شيء المهم أسكت هالجوع الي يوصوص بطني
ام رائد : طيب أنتي روحي لطاولة الطعام .. وانا اقول للخدامه تجيب لك الفطور
رسيل : أوكي ان شاء الله
وراحت للطاوله وهي تنتظر الفطور بفارغ الصبر --------->> حلفي
****************************** ********
رنا & بندر
الحمد لله , رجعت حياتهم مثل أول وأحسن .. وبالدات رنا تغيرت كثير عن أول وصارت مثل السمنه ع العسل .. تغيرت كثير وصارت تهتم بالناس الي حوليها أكثر وكأنها بجد خايفه تفقدهم بيوم من الأيام
****************************** ************
بعد مرور شهر
طبعاً لاجديد صار كانت الأيام روتينيه جداً .. الكل من البيت للدوام ومن الدوام للبيت .,
طبعاً بعد تفكير ونقاش دار بين عزام وأهل فجر والعروسه فجر .. قروا يخلوا العرس بعد 5 شهور .. وطبعاً الحين مضى شهر وصار بعد 4 شهور ...
في بيت أبو سعود ------>>> فجر
ناديه اخت فجر : فجرو ياخبله متى بتروحي تجهزي لعرسك ترى مابقى إلّا اربع شعور مدري شهور
مريم : إيه والله أختك خبله كم مره أقول لها قومي نروح السوق نقضي لعرسك تقول " وهي تقلد فجر " لا والله أني بروح بكره مع حماتي " وبدلع " أخت جوزي
ناديه تضرب كفها بكف مريم : ههههههههههههههاي حللوه والله وقصصم أعطيك عشره على عشره ضابطه الدور عدل
مريم تعدل ياقة قميصها : أحم أحم شكراً على الأطراء
فجر تطالع فيهم وهي متكتفه : اقول ماتلاحظوا انكم من الامس وانتوا تحشون فيني وانا ساكته عنكم
ناديه : إلّا إلّا ملاحظين
فجر بإستخفاف : ياثقالة دمك
ناديه جتها الحاله : ثقاله ولا خفافه
فجر : سخيفه حدك ترى
ناديه : سخيفه ولا عبيطه
فجر : بايخه
ناديه : بايخه ولا جميله -------->> لاه جد البنت زودتها --> وش دخلك ^^
فجر عصبت : زودتيها ترى .. أقوم اشوف مهاوي تروح وياي السوق أبي أشتري فستان جاهز مابي تفصيل
مريم : ليش يالخبله ترى التفصيل أحلى بمليون مرره
ناديه : من زمان وانا اقول لك أختك خبله وماعندها ذوق " ترفع يدينها " يارب انك تصبر عزام عليها
فجر تضربها بالخداديه : وجعو مو تقولي اسم زوجي على لسانك الوصخ
ناديه : أقول بنات قوموا لبسوا عباياتكم اني بتصل في مها تجهز عشان نروح السوق
فجر : أوكي وقولي له ماتطول أعرف أختك بارده
بعد خمس دقايق كانوا البنات جالسات تحت ينتظرون سعود يجي
شوي يدق موبايل ناديه بأغنية بحبك ياحمار بصوت ناديه طبعاً
مريم فطست ضحك : نعنبو دارك انتي شنو حاطه لخوك
ناديه : فديته أخوي حمار والله ومع ذلك أحبه
فجر بقهر : أقول يله شوفي شنو يبي مو قاعده تتفلسي لي حضرة جنابك
ناديه : الو
سعود : وجعه يله أنا أنتظركم انتي وخواتك تعالوا استناكم بره
ناديه : طيب طيب لاتنافخ اعصابك ياخي
طوط طوط طوط
ناديه : وقصصم مو قايله لكم حمار
فجر ومريم قاموا عنها لأنه ناديه ان تكلمت خلاص ماتوقف تقولوا بالعه راديو 2010
دخلوا السياره وكانت مها اختهم جالسه قدام وجنبها سعود
البنات : السلام عليكم
سعود و مها : وعليكم السلام ورحمة الله وبركاته
سعود وهو يحرك السياره : لوين رايحين
ناديه بإستظراف : يعني لوين ياخي إلى للكورنيش هاهاها
سعود صدق ماكان يدري وين بروحوا على كذا راح للكورنيش بحسن نيه
****************************** *********
إياد ( للتذكر يصير صديق فارس ) .:: يمه
ام إياد : هلا يمه
إياد : قومي قولي لبناتك يجهزوا انا عازمكم على مطعم .. تغيرون جو 24 ساعه بالبيت ..
ام إياد : والله ياوليدي خواتك شهد واصايل اوكي عندهم بس ياريت تحاول في وسن والله قلبي ضايق عليها ماتطلع من البيت و دائماً حابسه نفسها في غرفتها .. عاد أنا ابيك تكلمها وتحاول فيها لعلّى وعسى ترضى
إياد يبوس راسها : ولا يهمك يا الغاليه انتي لاتاكلي هم انا احاكيها وان شاء الله ترضى
ام إياد من قلب : ان شاء اللَّه ...
اياد رقى الدرج وطق غرفة وسن , ودخل بعد ما سمع الإذن بالدخول
اياد : وسن يله انا عازمكم على مطعم بدل القعده الممله بالبيت ., قومي اجهزي عشان تروحين معانا
وسن حست انها تبي تغير جو , على كذا هزت راسها بالإيجاب
اياد ابتسم : انتظرك لا تتأخرين علينا
وطلع
انتهى البارت
---------------------------------
البارت التاسع عشر
............................
بالمدرسه الثانويه
" الفسحه "
رؤى نزلت للفسحه والدنيا ضايقه فيها
شافتها ليال
ليال : رؤى شفيك ليه وجهك كذا ؟ متضايقه ؟
رؤى بضيق وهم : لا .. ليال حبيبتي ممكن تشتري لي ماني قادره اوقف على حيلي
ليال خافت عليها ... : طيب شنو تبين
رؤى قالت لها شتبي وراحت ليال تشتري لها
شوي وجت إلى رؤى صديقتها
شادن : رؤى ليه جالسه لوحدك ؟
رؤى تصرفها : ولاشيء انتظر بنت عمي ليال اتجي
شادن : امم ,, " وسكت ثواني بعدين كملت بتوتر " .. رؤى
رؤى بلا مبالاه : همم
شادن بتوتر : امم .. رؤى بس بسألك ال ال الكل الكلام الي " بلعت ريقها " . صحيح ؟!
رؤى قبضها قلبها : أي كلام ؟؟؟؟؟؟؟؟؟
شادن كانت بتراجع بس كملت : أن
****************************** **************
رسيل : يمه
ام رائد : هلا يمه
رسيل : يمه ابي اروح السوق اشتري لي ملابس , تروحين معاي ؟
ام رائد : لا يمه انا مالي بالدواره والسوق .. انتظري لين ما رؤى تجي وروحي معاها
رسيل : لا ماما رؤى عليها مذاكره , يله يمه عشان خاطري
ام رائد : ههههه طيب طيب بس مانطول طيب ؟
رسيل بفرح : اوكي يله اجهزي اني بقول للسايق وللخدامه
****************************** **********
بالجامعه
" الكفتيريا "
راكان مع اصحابه جالسين بالكفتيريا
احمد : ولا عاد الدكتور الي طالعين تونا من كلاسه يرفع الضغط بس بربربربربربربربر مايسكت ولا ثانيه
راكان : خخخخخ شكلك تحفه وانت تقلده
ماجد : خلاص عاد بلا حش بالدكاتره وبعدين حرام عليكم والله انه عسل هالدكتور
طلال : والله انت الطيب ياشيخ
راكان : اقول متى تبدأ المحاضره راسي مصدع ابي ارجع البيت .؟
ماجد : باقي خمس دقايق .. قوموا نروح احس مما نتأخر مثل كل مره
راكان : يله قوموا
وقاموا
******************************
بالسوق
رسيل : يآآه شرايك ماماتي بالتسوق
ام رائد مبسوطه : والله مافي احلى من التسوق بس عاد احنا راحت علينا
رسيل : لا عاد بهذي مالك حق انتي لسى شباب وام الشباب
ام رائد : هههههههه إيه هين قصي علي بهالحكي ...
رسيل : يمه شرايك نروح فوق لجهة المطاعم ريقي نشف من الدواره بالسوق
ام رائد : طيب واني كمان تعبت ابي شي اشربه
*
*
*
*
****************************** ***************
فيصل : أنا هالشمس لازم اخليها تعترف لرسيل بالحقيقه وإلّا ماراح يهدالي بال
فيصل راح لدرج الكوميدينه والتسريحه يدور رقمها .. لمّا كانوا بالسوق عطته الرقم
وبعد جهد جهيد وعناء لقاه
فيصل : الو
شمس : الو مين معاي ؟
فيصل بدون نفس وباين انه مو طايقها : فيصل
شمس : آآآآه فيصل .. آهلين فيصل أخبارك ؟
فيصل : مو بخير دامني اكلمك .. اقول بس ابي اقابلك في مجمع ********* بجهة المطاعم .. والحين
وسكر بوجها
*
*
*
*
من جهه ثانيه
شمس تبعد الموبايل عن وجها : وجع .. قليل الحيا يسكر بوجهي . لكن انا لك يافيصلو الزفت
قامت تلبس وتكشخ من على الصبح ونزلت تحت
ام تركي : على وين ان شاء الله ؟ وليه كل هالكشخه من على صباح الله
شمس تلف الشيله عليها وهي تلبس النظاره الشمسيه : بطلع مع صاحباتي نفطر برا
ام تركي : طيب طيب بس لاتأخري
شمس : اوكي مام .. سي يو
وطلعت
****************************** ***
رسيل : ها يمه اش تبين تطلبين لك ؟
ام رائد : والله مادري انا شنو فيهم هالمطاعم .. اطلبي لي على ذوقك
رسيل : امم تبين كروسان مع كابتشينوا ؟
ام رائد : الا يصير
رسيل : طيب
وراحت
من جهه ثانيه
فيصل وصل وجلس بأحد الطاولات المكشوفه المطله على البحر
كان يحب هالأماكن كثير الي تطل على البحر ودوم يجي هو ورسيل واثنينهم يموتون بهالقعده
سرح بمنظر ام و اب ومعاهم طفلهم الصغير الي كان يفتح وجبته وطلعت له هديه وفرحان كثير
تنهد لفكره جت له انه يكون بدل هالأب ورسيل بدل الأم .. وهذا يكون طفلهم
لكن " بقهر , وهو يضرب الطاوله بإيده " .. كله من شمس من وين طلعت لي ذي البلوه ..
قطع سرحانه وشمس تسحب الكرسي وتقعد : وين سرحت ياحلو ؟
فيصل تنرفز : عن المصاخه الزايده .. بس انا جبتك بس عشان اسألك سؤال واحد
شمس بدلع : لا لا لا .. ماراح اجاوب لك على أي شيء لين ماتطلب لي شي اشربه .. من الذوق يافيصل صح ؟
فيصل عصب : شمس بلا هالكلام الي ماله داعي .. بس بسألك انتي شنو تبين مني انا وزوجتي ؟ ليه تخربي علي ها ؟؟ شنو هدفك من الي انتي تسوينه ؟ جاوبيني ؟
شمس : وتبيني اجاوب على هالأسئله دي كلها ؟؟ طيب اجاوب عليها ولا يهمك .. بالبدايه اني ابي منك انت وزوجتك الخايسه .. وليه اخرب عليكم فهذا مزاج كذا بس عندك أي اعتراض ؟ وشنو هدفي .. الإنتقام
فيصل بإستغراب وقهر : وشنو انتقامه بالله شنو ساوينا لك ؟
شمس : اسأل زوجتك وهي تقول لك .. آآآم صح للأسف ماتقدر تسألها لأنو الأخت تتغلى وزعلآنه منك .! " ضحكة بمصاخه زايده ودلع " ..
رسيل حطت الأكل على الطاوله
رسيل : تفضلي يا أحلى أم بهالدنيا
ام رائد : هههههه اقول اجلسي بس واكلي ..
وبدأوا بالأكل
رسيل كانت تاكل من الكروسان ولفت نظرها شيء
شي مايخطر لا على البال ولا على الخاطر
رسيل بصدمه : معقول .؟!؟!؟!؟!؟!؟!؟!؟!؟!؟!!؟!
****************************** *****************
الجوري : وف متى بنطلع من الدوام مليت مليت
وحده من البنات وهي ماتشتهي وتكره الجوري : طيب والمطلوب ؟
الجوري استغربت : تكلميني انا ؟
ميساء : إيه انتي
الجوري : وانتي اصلاً من طلب رآيك ؟
ميساء : والله انتي تزعجينا من الصبح مليت ومليت شنو المطلوب ياختي ؟ صج ناس مليغين
الجوري ارتفع صوتها : هي هي انتي اقول على شنو شايفه حالك ترى انتي الطوف واحد
ميساء تتصنع الدهشه وهي تأشر بإصبعها السداده على نفسها : آنا ميساء تشبهيني بالطوف يابنت امك وابوك
ريناد تهدي الوضع : بنات استهدوا بالله الحين الشيطان مبسوط فيكم
ميساء بدلع : والله قولي هالكلام ل " تأشر بأصبعها على الجوري " .. الهانم الي جنبك
الجوري بصوت عالي شوي : هي انتي انتي ترى لي اسم ادا ماتدري واسمي " وهي تصارخ بأذن ميساء " الجوري بنت ال..................
ميساء نقزت من صريخها : وجع ماعندك ذوق وبعدين ادا صرتي الجوري ال.... , شنو فيها تغير شيء انقلبت الدنيا .. اوف ناس بس تبي تثبت وجودها ..
الجوري كانت بترد عليها الا وتدخل الاستاذه
وكل وحده قعدت مكانها
ريناد تهمس لها : لاتضايقين نفسك عشان وحده ماتسوى ..
الجوري بقهر : بس ابي اعرف هي ليش تكرهني .. مالت عليها هالنعامه وعلى وجها الي كأنه خبزه يابسه
ريناد تكتم ضحكتها : ههههه من وين تجيبين هالتشبيه ههه اقول بس اوش لاتحس المعلمه وتطلعنا بره
****************************** *
ملاك : فجوره
فجر : إيوه
ملاك : انتي مو مرتبكه وخايفه من العرس ؟
فجر : ههههههه عاد انتي الثانيه .. اخلص من مريوم ونديوه تجين انتي .. ليه اخاف
منار صاحبتهم تستهبل : ليه اخاف احنا نعلمهم يساعدون الغير بعدين نمعهم ليش ؟
ملاك فطست ضحك حتى نزلت منها دمعه وجها قلب احمر
لوجين جات لهم وضحكت لأن الي يشوف ملاك يضحك غصب عنه
لجين : ههههههههههه شنو فيها بنت عمي وشو سويتوا لها عشان صارت بهالحاله ؟!
فجر الي انقهرت على تريقة منار : الخبله منارو قاعده تستهبل
لوجين : هههههههههههههههه حشى وهالأستهبال خلّى ملاكو تموت ضحك ؟؟!
ملاك تبي تتكلم مو قادره : هههههههههههههههههههههههههههههه هههههههههههههههههههه هههههههههههههههههههههههههههههه ههههههه " تاخذ نفس " هههههههههههه سكستوني هههههههههههههههههههههههههههههه
منار تضحك : خبله من زود الدلاخه تقول " تتريق على ملاك " سكستوني هههههههههههههههههههههههههههههه بدل سكتوني هههههههههههههههههآي
فجر : منارو شطاري عليك اليوم بس تتريقن بخلق الله
ملاك تاخذ نفس : وهههههههههه .. الله يقطع شرك يامنار متأثره لي بالتلفزيون بشكل مو طبيعي
لوجين : إيه فهموني السالفه شوقتوني
منار : لا لا ادا قلنا لك مابتضحكي غيير
لجين : يللا منور بلا نذاله
منار انقهرت
فجر : هههه جبتيها على الوتر الحساس يالوجين .. منارو تكره اي احد يقول لها منور
لوجين : اقول ملاك شرايك اليوم تجين وياي اليوم للبيت ؟
ملاك بتردد : والله مادري
لوجين تشجعها : يلا عاد بليز انجل
ملاك : امم طيب ..
لوجين : وانتوا فجر و منار شنو رايكم عشان نفلها اليوم
منار : والله اني كان ودي بس بكره علي اختبار
ملاك : عادي منار قولي للسايق يجيب لك كل الي تبيه من بيتكم .. نبي نفلها اليوم
منار : طيب .. وانتي فجير بتجي ؟
فجر : ادا كلكم بتجون بجي
لوجين انبسطت : واو وناسه عجل اليوم بنفللها
**************************
شادن كانت بتراجع بس كملت : أني أختي .. تقول ان اختك رسيل تطلقت (( للمعلوية شادن تصير اخت صباح ))
رؤى بالبدايه انصدمت بس قالت بسرعه وهي تحاول تخفي ملامح الصدمه : هههه الله يهداك بس ياشادن .. واختك شنو عرفها ان اختي تطلقت اصلاً .. ؟
شادن قالت بسرعه وبخجل : ادري اني بالبدايه ماصدقتها بس سألك عشان اتأكد .. آسفه رؤى جد انا آسفه ..
رؤى ابتسمت بألم : ولا يهمك حصل خير
راحت شادن من جهه وجت ليال من جهه
ليال تعطي رؤى الأكل وقالت بإستغراب : شنو تبي منك؟؟
رؤى : مين ؟
ليال : هذي البنت البيضا الي
رؤى تقاطعها : قصدك شادن .. إيه هي معاي بالفصل بس كانت تسولف معاي شوي
ليال : امم
******************************
رسيل بصدمه : معقول .؟!
ام رائد اختلعت : بلاك يمه رسيل
رسيل تأشر بأصبعها على مكان ونزلت منها دمعه : ماما شوفي
ام رائد التفت للمكان الي تأشر عليه رسيل وانصدمت ..
ام رائد بصدمه : معقول .! فيصل مع وحده والبنت تضحك .!.
رسيل بكت : وتلوموني يايمه لمّا بغيت الطلاق
رسيل قامت اخذت شنطتها وهي تبكي : ماما انتظرك بالسياره بسرعه تعالي
راحت رسيل وهي تحاول تكتم شهقاتها الي تطلع منها بدون اذن
امّا ام رائد راحت للطاوله الي فيها فيصل : والله يافيصل مالوم بنتي لمّا تطلقت منك .. تخونها يافيصل واحنا الي امنّاك على بنتنا ؟؟ تخونها ؟؟ لهالدرجه توصل يافيصل .. والله ماتوقعتها منك والله .. صج انك موب رجال
وراحت وهي منقهره و معصبه من فيصل الخاين وهي خايفه على بنتها لايصير فيها شي
امّا فيصل وما ادراك مافيصل
كان واقف متصنم مكانه عمره ماتوقع انه راح ينحط بموقف مثل هذا .!؟!
شمس الي ابتسمت ابتسامة نصر وقلبها يتراقص من الفرحه
فيصل علطول قام يبي يلحقهم راح لموقف السيارات يدور عليهم
امّا عند رسيل وام رائد
ركبوا السياره ورسيل الله يعلم بحالها
ام رائد وهي حاضنه بنتها تحاول تهديها : لاتضايقين نفسك يايمه وبلاش هالدموع
رسيل تشاهق من البكي : يم يم يمه هذي مو اول مره " شهقت" اني تطلقت منه منه منه بسبب بسبب الخيانه يممه " وشهقت وهي تبكي "
ام رائد الي كانت صدمتها لاتقل عن صدمة رسيل .. فيصل الواعي الرجال يطلع منه كل هذا .. ياخسارة تعب امك فيك يافيصل ياخساره
فيصل ركب سيارته ومشى بها : وانا ناقص هالبلوه عاد انا يادوب متحمل رسيل وعدم فمهما للسالفه وظلمها لي .. الحين كملت بأمها .. ياربي شنو اسوي بحالي انا .. شنو سويت عشان يصير فيني كل هذا .. بس انا الغبي انا حمار حمار اجل اعزم شمسو عشان شنو عشان بس اعرف الحقيقه .. لو آنا متصل لها بالتلفون كان افضل .. ولا من الغباء والخباله الي فيني عازمها في مكان مكشوف يعني كل من هب ودب راح يشوفنا .. ياربي انك تعيني ياربي .. آآآخ بس يارسيل انتي لو بس تسمعيني
فيصل راح يمر ريماس ينتظرها تطلع عشان يقول لها .. ماراح يقدر يحمل كل هالحمل على ظهره
****************************** ***
على نهاية الدوام
لوجين تلبس عباتها : يله بنات اخوي ينتظرنا بره
منار : باقي بس الخبلتين ملاك و فجر مدري وينهم
فجر : جينا جينا وما الخبل غير
ملاك : بلا خناق لنا الحين
وطلعوا
لوجين ركبت قدام ومنار وراها وفي الوسط فجر وبعدها ملاك
فارس يهمس الى لوجين : من معاك ؟
لوجين بنفس نبرته : صاحباتي ودينا لبيتنا
فارس : ماشاء الله جيش
لوجين : اقول سوق وانت ساكت