الجوري : بقول الك حاجه بس لاتقول لفارس اني انا الي قلتها لك
وليد : انزين وشو هي ؟؟
الجوري بهمس : قول له نبي من باسكن اسكريم
وليد : لا ما احبه
الجوري : طيب شو تحب واجيب لك ؟؟
وليد : ابي موكا
الجوري : ان شاء الله من عيوني بس قول لفارس نبي نتمشى
وليد : امم بفكر
الجوري بملل : يلا خلصت تفكير
وليد يركض لتحت : بقول لفارس انتي قلتي لي اقول له
الجوري بصراخ وهي تلحقه :لا
"""""""""""""""""""
رنا بإحراج : رسيل صراحه ابي اكلمك بموضوع وانا منحرجه منك
رسيل بأهتمام : لا حبيبتي عادي قولي مابينا احراج
رنا نزلت راسها : والله مادري شقول لك بس ... بس ... انتي تدرين ب بحال نا ان ا و بندر ر
رسيل ماحبت تحرجها فسكت عشان تكمل
رنا بأحراج اكبر : صراحه يارسيل انا انا .. أأب ط لب مِ ن ك أنك تكلمين أب وك ع ع شان اذا يق در ر يشغل ه م ع اكم ب بالشركه ل لأن ..., طردوه م ن الش شغ ل ..
رسيل ابتسمت وهي حزنانه على حال صديقتها وقالت تطمنها : ولا يهمك ياقلبي ان شاء الله اكلم أبوي ولا يهمك انتي لا تضايقين حالك
_ اكيد متحيرين شو جلس يسوي بندر هالشهرين بدون شغل ., كان يروح لمحل يبيع جزمات حلوه [ وانتو بكرامه ] ... مع واحد كبير بالسن _
"""""""""""""""""""""""""
وليد : فارس تقول الجو..........
الجوري حطت يدها على فهمه : جب ولا كلمه
فارس يتابع التلفزيون : نعم اش تبون ؟؟
الجوري : ولا شي يا اخوي الحليو بس وليد خرف شوي من صغر السن
فارس : شكلك انتي الي بديتي تخرفي ويلا ابي اتابع ركبوا كملوا لعبكم فوق .. شيلي يدك عن فم الولد فطس مو قادر يتنفس
الجوري شالت يدها غن فم وليد : وليدو والله لو تقول ماراح يحصل لك طيب .. تعال يلا نسوي بطاطس ~~>> هالبنت حياتها بطاطس × بطاطس
فارس : مجنونه انتي تبين تسوين بطاطس قدام هالبزر ماتعرفين البزران عطول يقلدون
الجوري : لا بس بخليه يشوفني
ومسكت يد وليد
الجوري وقفت وقفه عسكريه : هيّا أيها الجندي
وليد يقلدها : هيّا
"""""""""""""""""""""""
وبعد يوم كامل الساعه 8 الصبح ../
فارس دخل على غرفة الجوري وشغلت الليت : الجوري يلا قومي بسك نوم
الجوري تتكلم وهي شبه نايمه : ياخي خلينا انام النوم حلو ياحلو باي بكمل احلامي ( ونامت )
فارس طفى المكيف والجوري معروفه مستحيل تنام بدون مكيف
وبعد دقايق قامت الجوري وكأن شيً لم يكن شغلت المكيف وعودت نامت
فارس : لاحول ولا قوة الا بالله
دخلت لجين وقالت : الحل عندي ..,
راحت الى لاب توب الجوري وشغلت موسيقى مطر
[ الجوري تعشق شي اسمه المطر ]
الجوري فزت وتناقز على السرير : واو تمطر
وركضت لتحت
لجين بضحكه : هههههههه بقوم غرفتي لاتجي لي وتذبحني
طلعوا لجين وفارس من الغرفه ولجين دخلت غرفتها وقفلت الباب بسرعه امّا فارس فنزل لتحت
ركبت الجوري وهي معصبه
الجوري بقهر : لجينو يالخايسه والله اطلعي بس
لجين تنرفزها اكثر : بأحلامك ياماما
الجوري : هين
"""""""""""""""""""""
ماكان فيه شي جديد لأن الكل نايم / الساعه 2 ونص الظهر ..,
فِي بيت ابو عزام >>>>>>>> بعد الغذاء كانوا مجتمعين بالصالة معدآ أبو وأم عزام ..,
راكان ياكل من الحلا : عزاموا عندي لك عروس تجنن
عزام بطنازة : صج ومن متى صرت تشتغل خطابة
راكان : اسمع من هي
عزام : من انشاء الله سعيدة الحظ ..؟
راكان : شمس
ملاك وليال شهقوا
راكان تروع : بسم الله الرحمن الرحيم ..
عزام : شنو فيكم .!
ملاك : عيد عيد ماسمعت
ليال : كأنه قال شمس ولا شنو .!
راكان : وليه ان شاء الله اش فيها شمس ..,
ليال : او شي هي اكبر من عزام
ملاك تكمل : وثاني شي دي شريرة
راكان : هاهاها عجبتني شريرة
ليال : صدق كلام ملاك
ملاك : شوف انت بس قول تبي واحده من جوآ العايلة او برى ..؟؟
ليال : لا يالخبلة كلنا صغار ., ادا تبي عندك لوجين
راكان : لالالالا حلفي بس
"""""""""""""""""""
رنا بإبتسامه حلوة : انا كلمت رسيل عن الشغل وقالت بتقول لأبوه.........ا
بندر قاطعها بعصبية : ومين قال لك تكلمينها ها .. انا مرتاح بشغلي دا الحين ليه ماقلتي لي ؤف
رنا خنقتها العبرة من بندر : بس.. انا .. يعني .. كنت .. أبي ..
بندر : خلاص خلاص
وطلع
وترك رنا بنوبت البكا
""""""""""""""""""""
كانت ريماس ورسيل بالمطبخ يبون يسون حلا
ريماس وبإيدها كتاب الطبخ : ياربيه شفتي شي ؟؟
رسيل والثانيه كمان بإيدها كتاب الطبخ : نو
ريماس حطت الكتاب على الطاوله : اقول قومي ندور طبخه بالنت
رسيل : يلا جايه
وركبوا
بغرفة ريماس ..,
ريماس وعينها ع الشاشه : تحبين على الفراوله
رسيل : لا وع اقصد الحمد لله .,
ريماس : او تبين تغير مثلاً فانيلا
رسيل : لا لا ولي يرحم والديك ابي بالشوكولا
ريماس : طيب
وبعد صراع في التدوير بالنت ~>> عجبتني صراع كخ ..
ريماس صرخت : يس دي نبيها مقاديرها موجودة في كل بيت
رسيل : اخخخخ اذني شوي شوي يالهبله بعدي شوي بشوفها
[ ادا تبون الحلى قولون لي بعطيكم الطبخه ~>> هع ]
رسيل : تتوقعين اخوك جا ؟؟.
ريماس : لاماتوقع توه رايح لركان بس دقيقه بقوم اتأكد
""""""""""""""""""""""
الجوري كانت تستشور شعرها دخلت عليها لجين
لجين شهقت : غبيه طفيه يالخبله
الجوري طفته : خير
لجين : الخير بوجهك مجنونه انتي شعرك ناعم ليه تستشرينه تبيه يخترب
الجوري دقها الهبال : يخترب ولا يعفن
لجين : بايخه بقوه بعد
الجوري : بايخه ولا جيكرا ~>> ماتحسونها بيختها .. لول
لجين : سخيفه
الجوري : سخيفه ولا عبيطه
لجين : اقول ........
الجوري قاطعتها وهي تركض ناحيتها : مو تفكرين نسيت كذبتك السوده البيضا
لجين : اقول بعدي عني ~>> وهي ترجع لورا
الجوري شغلت الأستشوار وجهته ناحية لجين
""""""""""""""""
ليال : شكو احلف ؟؟!
راكان : لأنَ أنا الي بتزوجها
ملاك بفرح : قول ق ~>> قسم يعنو
راكان : مايحتاج حبيبتي مايحتاج واسألي اخوك
عزام : اقول ماتلاحطون انكم خطبتون لي وانا مالي راي بالسالفه مع انه انا الي بالسالفه
ملاك : حششى قول الخلاصه .. الموهم على قولة ليالو الي بالعايله كلهن صغار على كذا بقول لأمي
عزام : بس انا مابي اتزوج
ملاك بجديه : عزام صدقني اذا انرفضت فالعيب مو منك والي رفضتك صدقني مو علشان شي خطأ فيك بالعكس يمكن مثلاً مثلاً انها محيره لولد عمها او انها تحب احد مثلاً
عزام سكت وركب لغرفته
الكل ضاق صدره على هالسيره
""""""""""""""""""
تركي : من وين جايه ؟
شمس : ها ..,
تركي : من قال ها سمع بسرعه من وين جايه ؟؟
شمس بثقه : صديقتي صباح عازمتني ع غذاء وادا تبي تتأكد الحين اتصل لها
تركي : يلا اتصلي اشوف وحطي سبيكر
شمس ارتبكت مرره بس اتصلت وحطت سبيكر : الو ههلا صباح كيفك ؟؟
صباح : اهلين قلبو انا تمام انتي كيفك
شمس : هه ... مع اني توني شايفتك بس تمام
صباح فهمت عليها : ها اخبار الغذا ان شاء الله عبجك
شمس : لا الحمد لله تمام يلا صبوح بقوم انام دايخه مرره
صباح : اوكي نوم العافيه بيباي
وسكروا من بعض
شمس : ها انبسطت الحين
تركي قال بعدم اقتناع : لو اعرف انك لافه يمين ولا يسار صدقيني مابيحصل لك طيب
شمس بصحكة تنرفز : هههههههههه طيب يصير خير
""""""""""""
بالليل الساعه 9 ..,
رؤى والجوري لابسين عباتهن بيطلعن
رؤى : يلا امشي ريان ينتظرنا برا
الجوري كأنها تذكرت : دقيقه بس بجيب الأعواد الصينيه عشان اكل بهم البطاطس
رؤى : صدق انك فاضيه يلا امشي
الجوري : ؤوف رؤى هم بالمجلس
رؤى : طيب اطلعي من الباب الي برا ~>> الي يطل لبرىى الشارع
الجوري : لا ماني ابي الي هها
رؤى : بسرعه بنتظرك بالسياره
بالمجلس
فارس : بروح اجيب الحلا
إياد : لا اقعد مايحتاج
فارس : ولو
طلع فارس راح المطبخ وبعدين دخلت الجوري ومانتبهت لإياد اخذت العصا الصينيه وتوها بتطلع لكن الطامه
لمّا دخل فارس
انتهى البارت
---------------------------------
_ البارت الثالث عشر _
فارس جالس يناظر الجوري مصدوم وقال وهو يبلع ريقه : شنو تسوين هنا وشو دخلك للمجلس
ولف راسه لجهت المكان الي قاعد فيه إياد و .......................
""""""""""""""""""
رؤى : ياربيه شفيها دي تأخرت كل ذا تجيب العصي ..,
لجين : خرفتي انتي تكلمين نفسك
رؤى : لا بس الجوري راحت ......... ولا اقولك مالك خص
""""""""""""""""""""
طق طق >>>> الباب
.....: مابي أشوف أحد
........: حتى أنا ..؟؟
عزام : ملاك الله يخليك مابي اشوف أحد أبي أقد بحالي ممكن ..؟
ملاك : طيب بس بقول لك كلمتين وأنت بكيفك
عزام قام وفتح الباب
ملاك : بنتكلم عند الباب ..؟ تعال للصالة هنا
راحوا عزام وملاك للصالة وعزام طول الوقت ساكت
لمّا قعدوا
ملاك : بسألك سؤال واحد بس بعدين بترك بحالك
عزام : ............
ملاك : انت علشان الي رفضتك ماتبي تتزو.
عزام قاطعها وهو يقوم : ملاك ادا على هالسالفه ف سكريها لأن أنا مابي انصدم مره ثانيه من رفض الي ( بغصه ) بخطبها
ملاك حزنت على حال اخوها : طيب اجلس برويك حاجه وأنت بكيفك .., بس اسمع وبعدين روح وين ماتبي طيب
عزام : ادا على سالفة الزواج ف ما أبي
ملاك : انت اجلس وأسمع ولا عليك يا أخي
جلسوا عزام وملاك ..
ملاك دقت بجوالها على أحد
عزام : الحين مناديتيني وبعدين تكلمين
ملاك : أنتظر شوي
ملاك قامت .: لاتتحرك
راحت بعيد شوي وتكلمت بصوت بحيث مايسمعه عزام
بعد ماجات وهي لسى تكلم
ملاك تكلم بالجوال : فجور شنو رايك بأخوي عزام
طبعاً كان سبيكر
فجر : وه وه واحد يججنن ومثقف إلخ إلخ
ملاك : هههههههههههه عجبتني إلخ الموهم لو يخطبك راح ترفضي
فجر : شايفتني مجنونه ..,
ملاك : ههههههههه طيب فجر اكلمكِ بعدين بيباي
فجر : بايو
ملاك : ها شرايك
عزام للحين منصدم
ملاك : عزام
عزام بهدوء : من دي ..؟؟
ملاك : صديقتي وصدقني هي تموت فيك من لمّا كنت معها بالمدرسة وأنت توصلني كانت تتغزل فيك ومن هالكلام
عزام بسخرية : هه ..., أكيد تطنز
ملاك انصدمت من رده : عزام شفيك
عزام : انتو مجانين ولا شنو اعيد وأزيد لكم بالكلام مابي أتزوج تفهمون مابي وهالسالفه شيها تماماً من راسك
ودخل غرفته وسكر الباب بقوه
ملاك نزلت منها دمعه وعلطول مسحتها
""""""""""""""""""
دخل الشقه ولقى المكان هدوء وحتى مافيه ضوء غير ضوء خفيف مرره
راح للغرفة وكانت الصدمه لمّا شاف رنا طايحه بالأرض وفاقده الوعي
شالها بسرعه ولبسها العباة والشيلة بأهمال وعلطول راح بهى بأقرب مستشفى
""""""""""""
فارس جالس يناظر الجوري مصدوم وقال وهو يبلع ريقه : شنو تسوين هنا وشو دخلك للمجلس
ولف راسه لجهت المكان الي قاعد فيه إياد و .......................
فارس : وينه ..؟؟
الجوري ارتبكت من فارس وهو يتكلم بهاللهجه : فارس شفيك مافي أحد هنا وأنت تشوف بعينك
فارس : أنتي اصلاً ليه داخله المجلس
الجوري : كيف ليه يعني كنت جايه أخذ حاجه لأن بروح أنام عند رؤى ..,
فارس شاد على اسنانه : طيب دلفي برا بسرعه
الجوري خافت وعلطول طلعت
فارس يتصل على إياد
فارس بعصبيه : الو وينك أنت
إياد ألرتبك وقال : فارس أنا أسف إني طلعت بسرعه لأن أختي أتصلت علي وقالت أنه الوالده تعبانه ورحت لهم عطول من الباب الخلفي
فارس تنهد : طيب هي بخير ., بس حتى موقفك المفروض تقول لي على الأقل
إياد : أنا أسف وحقك علي .,
فارس : طيب الحين اترك مع السلامه
إياد : مع السلامه
_ إياد _
شخصيه جديده بكون له دور بالقصه
الأسم ., إياد .,
العمر ., 25 سنه .,
المهنه ., دكتور أسنان مع فارس بالمستشفى .,
السيره ., يعيش بيت يتكون من طابف مع أمه واخواته [ نوف .. أصايل .. شهد .. وسن ] .. وعايشين بخير وسلام ومو محتاجين شي ., .. وراح نتعرف عليهم بأحداث القصه
وبالنسبه لشكله راح نتعرف عليه بعدين كمان .,
"""""""""""""""""
بسيارة ريان
دخلوا رؤى والجوري
ريان : سنه
رؤى : امشي الله يخليك
ريان حرك السياره
امّا الجوري فكانت سرحانه بالوضع
"""""""""""""""
بالمستشفى
كان بندر واقف عند باب الغرفة الي فيها رنا
بندر ودقات قلبه تزيد بقوه واتصل على احلام
بندر وصوته باين انه بكي : الو احلام
احلام بخوف : بندر شفيك صاير شي لرنا
بندر : تعالي بمستشفى ##### رنا طاحت علي
احلام : شنو
بندر : بسرعه باي
وسكر منها
""""""""""""""""""
بيت أبو رائد
_ الساعه 9 _
وصلوا رؤى والجوري ودخلوا
الجوري : هلا وغلا خالتي شلونك ايش مسويه ..؟؟
ام رائد : ياهلا الجوري حياك .., اني بخير الحمد لله انتي شلونك ..؟؟
الجوري : عال العال
ام رائد : على حظكم رسيل بالمطبخ روحوا لها
رؤى : ان شاء الله يما ..
ام رائد / وينه ريَان ..؟؟
رؤى : يقول معزوم
ام رائد : اها
"""""""""""""""""""""""""" "
(( بيت أم إياد
كانوا جالسين على طاولة الطعام ينتظرن أمهم تجيب الأكل
أصايل : يلا مام وينك جوعانين كثير
(( أصايل " مخطوبة من واحد اسمه عمر يقرب لهم من بعيد ويحبون بعض ., وعمرها 23 سنه ماكملت الجامعه ثانوي وتخرجت .. ومن ناحية الجمال حلوة ومايعيبها شي ))
وسن بملل : ؤف انتي ماهمك غير بطنك بجد ناس .. استغفر الله خلني ساكته أحسن
(( وسن " انسانه كريهه جامده وماخذه الدنيا ايزي ولا ماتعصب ابداً وماتحب تبكي قدام أحد جامده قطعة جليد ., عمرها 19 سنه أول سنه جامعه ومن ناحية الحمال فهي قمر .. شعرها لنص ظهرها لونه بني فاتح وبشرتها بيضاء وعيونها بني غامق مرره .. ))
ام إياد : خلاص وسن
وبدوا بالأكل
""""""""""""""
بيت ابو رائد بعد العشاء
بالصاله ./
رسيل قامت
ام رائد : على وين رسيل .؟
رسيل : ولا شي يمه بروح لأبوي أبيه بكلمتين
ام رائد : اها براحتك
بعد ماراحت رسيل بثواني
قاموا الجوري ورؤى
ام رائد : وانتو كمان على وين .؟
رؤى بتسامه : سلامتك ياحلو بس بنروح وبنجي
ام رائد : أصغر عيالك أنا شنو ياحلو
الجوري تصرفها .: تدلعك خاله . يلا رؤى
وركبوا فوق وملزقين اذاينهم بمكتب أبو رائد
داخل المكتب .,
أبو رائد : هلا يبه رسيل آمريني
رسيل مشبكه ايدينها : يبه بقول لك طلب وبليز ماتردني
أبو رائد : ماعاش من يردك .. ها يبه فيصل مزعلك .؟
رسيل بسرعه : لا يبه مادخل فيصل بالسالفه بس ...
أبو رائد : بس شنو .؟
رسيل : امم .. تذكر صديقتي رنا ..؟
أبو رائد : لا وانا مادري عن صديقاتكم
رسيل بأحراج : امم .. هي اليوم جات الي و
ابو رائد ينتظرها تكمل
رسيل : هي الحين تزوجت وحامل لكن يعني زوجها طردوه من الشغل وتقول الي اني اكلمك واذا تقدر توظفه بالشركه عندنا
أبو رائد : امم .. طيب كلميها وقولي له يجي بكره
رسيل بفرح لصاحبتها : شكراً يبه الله يخليك لنا . يلا تامر على شي .؟
ابو رائد : سلامتك
طلعت رسيل ولقت الثنتين ملزقين الأذآين بالباب
رسيل : بسم الله الرحمن الرحيم وجع إن شاء الله
رؤى : توجعك يارب
الجوري : اقول أمشو في أحد يتكلم عند الباب
رؤى : أكيد
الجوري : بايخه
رؤى : مثلك
>>>>>>>>>>>>>>>
(( بآلمستشفى >_^
أحلام وبندر ينتظرون برا
وطلع لهم الدكتور ./،
احلام بخوف : ها دكتور طمنآ .؟
الدكتور : للأسف الشديد الجنين مات .!
---------------------------------
_ البارت الرابع عشر _
- المتسشفى -
بندر ضحك : ههههههه .. دكتور اش فيك الظاهر انك مخربط شوي
أحلام ودموعها اربع اربع : طيب هي شلونها وتدري عن الي صار انها فقدت الجنين .؟
بندر بإبتسامه : احلام اش فيك من قال انها فقدت وتبين تتأكدين تعالي أدخلي لها بنفسك وبتشوفين . قالو شو قالوا فقدت الجنين قال .
الدكتور ( لاحول ولا قوة الا بالله ) .: تقدرون تشوفونها
"""""""""""""""""""""
الشرقيه - بيت ابو عزام
: ها شصار بالتفصيل الملل
ملاك : بلاك أركدي ماصار شي
ليال : ه ه ه عجبتني ماصار شي يلا ملاك عاد قولي
ملاك : كل الي صار أنّ أخوك المحترم العزيز عطاني درس محترم بأنه مايريد يتزوج
ليال : أعوذ بالله ليه ؟
ملاك : ماتذكرين دلال الي خطبناها للعزام وهي ماوافقت وهو الظاهر كان يحبها طبعاً يمكن مو أكيد .. ومن هاليوم وهو كاره شي أسمه زواج يخاف وحده يخطبها وماتبيه علشان يتحطم أكثر
ليال : يؤ وعليآ عليك يا أخوي .. الموهم الحين أنتي حاطه بالك وحده ؟
ملاك : يس
ليال بسرعه : مين ؟
ملاك : فجر صاحبتي
ليال : امم فجر ما أتذكرها أوصفي لي شكلها وأخلاقها .. ليكون مغروره
ملاك : فال الله ولا فالك لا الحمد لله مو مغروره ولا هم يحزنون الموهم شكلها يا أنسه ليال .............................. .............
>>>>>>>>>>>>>>>>>>>>>>>>>>>>
المستشفى
أحلام بلهفه : رنا
رنا كانت لافه راسه على الجه الثانيه بحيث الي يدخل مايشوف وجها
بندر بكى وكأنه توه يصحى : رنا صج الكلام الي يقوله الدكتور .
رنا ولا كأنه أحد يحاكيها .: .......................
احلام بصوت مبحوح : ولا يهمك ياقلبي الولد يجي منه عشر بس أنتي لاتظايقين
رنا وأخيراً قالت بصراخ وهي تبكي : شلون ماتبيني أظايق وأني فقدت ولدي كيف وهاد ولدي ولدي أنا انا الي تعبت فيه وحملته بطني خمس شهور من عانا مثلي ها أنتي ماتحسي بالشعور الي أحسه " وبكت بصوت أعلى "
بندر قرب منها وهو الثاني تنزل دموعه بدون شعور .: رنا
رنا بصراخ : بعد عني لاتجي جنبي مابي أشوف أحد برا برا
""""""""""""""""""""""""
الشرقيه - الكورنيش
فارس : أقول راكانو وين أخوك ليه ماجاء معانا ؟
راكان بضيق : صارت سالفه
فيصل بأستغراب : وشنو هي ؟
راكان : أمي وخواتي اليوم قالوا لعزام أنهم يبون يخطبون له بس انتو تدرون أنه خطب من قبل بس البنت ماوافقت وهو حساس من دي السالفه
ريان : أقول دق عليه يجي يتونس معانا كان يغير جو
مشعل : صادق والله
راكان : مستحيل يسمع لي فارس او فيصل يمكن يسمع لهم
فارس : طيب
ودق على عزام ./,
(( عند عزام
دق جواله طالع الرقم { كاتم اسراري } <--- فارس
عزام رد بضيق : ...................
فارس : هلا عزام
عزام بصوت خفيت مرره : هلا
فارس : تعال لنا على الكورنيش كل عيال عمك معانا تعال غير جو
عزام : لا فارس تعبان شوي
فارس : أقول لاتبيخ لي ويلا نتظرك ها ادا وصلت للكورنيش أتصل علشان أعلمك أحنا وين
سلام
وسكر
راكان : يؤ حرام عليك ليه تسكر على وجه أخوي
فارس : صج تافه
راكان : مثل تفاهتك
فارس : بايخ
راكان : مثل وجهك
فارس عصب : برميك بالبحر يالناقه
(( لأن راكان يتميز بطوله أطول واحد بالعائله ))
راكان : ناقه بعينك
فيصل : أقول أنت وياه مو تتخانقو فشلتونا الله يفشلكم
"""""""""""""""" بعد مرور نص ساعه تقريباً .!
~~~~~~~~~~~ <--- جوال ملاك كان يدق بأسم [ طويل العائله ]
ليال فطست ضحك .: هههههههههههههههههههههههههههههه هههههههههههههههههههه ههههههههههههههههههه مين ذا طويل العايله هههههههههههههههه
ملاك : ههههههه أخوك راكانو
ليال : أقول ردي بس
ملاك : الو
راكان : ملاكو روحي لأخوك عزامو وقولي له يجي لنا
ملاك : ليه وين انتو ؟
راكان : مالك دخل وبلا لقافه وقولين له كمان ما يتأخر لانجي له وناخذه بالغصب
ملاك : طيب اقلب وجهك
وسكرت
ليال : إيش يبي ؟
ملاك : تعالي وبتعرفين
طق طق <--- الباب
مالقوا جواب
ليال : يمكن نايم
ملاك : ما أتوقع
(( أدخلي ))
~>> كان صوت عزام
دخلوا ملاك وليال ..
ملاك : امم عزام أتصل راكان ويقول لك روح لهم لايجون هم بنفسهم ياخذوك
عزام تنهد .: قولين لهم مالي خلق أجي
ملاك : صدقني زن علي لين قلت بس .. " بترجي " عزام الله يخليك روح معاهم على الأقل غير جو علشان خاطري ادا كان لي خاطر عندك
عزام أبتسم وباين انها مسطنعه .: طيب علشان خاطرك بس
""""""""""""
- بيت أبو رائد -
الجوري : يلا رؤىىىىىى مرره نفسي بطاطس
رؤى : ؤف أنتي وهالبطاطس دآ عورتي راسي به
الجوري بوزت : وش أسوي مره نفسي به
رؤى : تونا على العشاء ماكلين
الجوري : لحول
رؤى : الله يحول عيونك
الجوري : بايخه
رؤى : أقول قومي نسوي حاجه غير البطاطس
الجوري : عندك خيارات .!
رؤى : لاأ
الجوري : طيب شرايك تشيز كيك ؟
رؤى : لا
الجوري : أمم مادري
رسيل دخلت عليهم : شنو تسون
الجوري : نبغى نطبخ حاجه بس مو عارفين شنو ..
رسيل : عندي لكم طريقة حلى مرره لذيذ سويته مع ريماس بس لازم أربع وعشرين ساعه *_^
الجوري : لا لا مايصلح نص ساعه " لفت لجهة رؤى " .. أقول لك خلينا نسوي بطاطس بس أنتي خبله وماتسمعين الكلام
رسيل : هههههههه وأنتي حياتك بطاطس × بطاطس
الجوري : أكيد حبيبتي هآد البطاطس تعرفين شنو بطاطس مو حيآ الله
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&
سجى : ملاك
ملاك مندمجه مع كتابة الشعر : امم
سجى : ملاك
ملاك تركت القلم وأبتسمت تسكيته : هلا ياعيون ملاك شنو تبين ؟
سجى : أبي أطلع
ملاك : وين أن شاء الله
سجى : مادري أي مكان ملانه مرره
ملاك : قومي شاهدي تلفزيون
سجى : مابي تعالي عجل ألبعين معاي
ملاك : قولين لليال
سجى : ليالو ماتبيني
ملاك تنهدت من داخلها : طيب وشنو تبينا نلعب ياحضرة الأنسه سجى ؟
سجى : باربي
ملاك : هاهاهاي شنو شايفتني العب معاك باربي
سجى بترجي : يلا ملاك عاد عاد عاد
ملاك : وف طيب مانبي نلعب باربي شنو رايك ب نروح بره بالحوش
سجى : امم .. طيب شنو نلعب ؟
ملاك : تعالي وأنتي بتشوفين
سجى : يلا
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&&
عند الشباب ..)
عزام : الو وينكم أنتو ؟
راكان : وه بس مابغيت تجي
عزام : اقول بسرعه قل وين انتو لا أرجع
راكان : طيب طيب .., ووصف له المكان الي هم فيه
/ بعد ماسكروا من بعض /
ريان : بجي ؟
راكان : يس
فارس : وين قالك هو ؟
راكان : عند ##########
فيصل : يعنو قريب
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&
شمس : إيه مرره قاهرتني وفارس مادري شنو لاقي بيها ..!
صباح بخبث : طيب وأنتي تبين تتخلصين منها صح ؟
شمس بحقد : أكيد
صباح : وتبين فارس يكون لك ل وحدك ؟
شمس : مايبيلها كلام
صباح : طيب عندي لك خطه جربيها
شمس بلهفه : شنو هي أرجوك ساعديني مالي خلقها
صباح : لا حبيبتي كيف أقولها لك بالتلفون .. تعالي عند مطعم ^####^ ..
شمس : ومتى ؟
صباح : امم شرايك بكره ..
شمس : امم مايصير اليوم ؟؟؟
صباح : لاحبيبتي أكيد مايصير اليوم مشغوله
شمس بتسامة رضا : اوكي
&&&&&&&&&&&&&&&&&&&&&&&&&&&&&& &&&&&&&&&&&&&&
رسيل وهي حامله بنت أخوها ( إيثار ) .: وه يناس عليها خدود مو طبيعيه
رؤى : أكيد طالعه علي
الجوري : أبو الغرور يشيخ
رؤى طلعت لسانها للجوري : نانا .. أدري إنك غيرانه لاتقلقي عندك أولاد أخوك وليد وريما
الجوري : جب بس
شوق : هههههه بلاكن تتخانقو كذا مايسوى
الجوري : إي صحيح شواقه أنا و رؤىىى عاملين حلى ياخذ العقل تبيين قطعه منه ؟؟
شوق : أكيد ليه لأ نذوق طباخم
الجوري ورؤى قاموا يركضون للمطبخ
رسيل : ههههههه صج مهبل
شوق : هههههه حرام عليك لاتظلمينهم
رسيل : إيه مرره إلي يسمعني يقول صج ظالمتهم
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&&&
نوف : يلا يمه أني بروح أحمد ينتظرني برا
ام إياد : لا يمه تو بدري ليه مستعجله
نوف : لا يمه صارت الساعه 11 .. يلا تصبحون على خير
الكل : وانتي من أهله
شهد قامت : أني كمان بقوم أنام تامروني على شي ؟
أصايل : أنتظريني قايمه معك
&&&&&&&&&&&&
أنتهى البارت
---------------------------------
البارت الخامس عشر
كانت جالسه بغرفتها وتحط اللمسات الأخيره
اليوم عندها يوم مميز
لأنهم اليوم راح يخطبون لأخوهم إلي بالزور رضا
كانت لابسه تنورة بيضاء قصيرة لين نص الركبه وفيها زخارف بالأسود مع بدي أسود حرير فتحة الصدر مفتوحه فتحه كبيره شوي (شوي بس خخ ) مع بوت أسود للركبه وأخذت الشنطه المتوسط الحجم لونها ابيض
والميك اب كان عباره عن ..
قلوس لونه سكري ناعم مرره وشدو رمادي مع ابيض وماسكرا سوداء وكحل
وختمت بعطر
طلعت من غرفتها وراحت لغرفة اختها ليال
ملاك بعد مادخلت : ليالو شرايك بشكلي ماتحسين انّ في حاجه ناقصه ؟
ليال تصفر : لا وربي تهبلين غطيتي على العروس
ملاك : عن المصاخه بس يلا بسرعه البسي عباتك علشان نروح مانبي نتأخر
ليال : اوكي
/
\
/
كانت جالسه بغرفتها وهي منسدحه على السرير وعلامات وجها توحي بأنها عادي يعني مافي اي ملامح على وجها
دخلت عليها أمها
تعدلت وسن بجلتها
تقربت امها لها وقالت
ام اياد : ها وسن حابه اخذ رايك بشغله
وسن : شنو هي ؟
ام اياد بتوتر حاولت تخفيه : شرايك ب حمد ال......
وسن : يعني كيف مافهمت
ام اياد : يعني تحسيه رجال وماعليه زود صح ومايعيبه شي؟
وسن : ليه تسألي يمه ؟
ام اياد بتوتر اكبر : امم لأنه اليوم جا و خطبك
وسن عصبت وجها بدأ يرتجف والعرق يصب منها : يمما الله يخليك ماله داعي هالكلام وأنتي تعرفين رأي خلاص قولين لهم البنت مو مواقفه ولاعاد يدقون علينا كم مره جاو وخطبو وف
ام اياد دمعت عينها : لي متى وانتي على هالحال ياوسن ترى مو كل الرجال مثل بعضهم
وسن حاولت انه دموعها ماتنزل لأنها ذكرت الماضي الي ياما كرهته وسن
اكيد انكم للحين مو فاهمين شي
طيب نرجع للوراء وبالتحديد من سنه .....................
كانت وسن جالسه بغرفتها وهي فرحانه كثير جالسه تقيس فسان زوجها
وسن بتسامه كبيره وباينه الفرحه منها : شهد ايش رايك مو تحسين انه طويل مرره
شهد وهي فرحانه لفرح اختها : ههههههههههههه بلاك يالخبله الفساتين كذا لازم يجون طوال
وسن : هع نسيت من زود الوناسه
ورمت نفسها على السرير
وكملت : بس بجد بتوحشوني ما اتحمل اغيب يوم على البيت بدون ما أصبح بوجهك يالعنز
شهد رمتها بالمخده : وجع عنز بعينك يالبقرا
وسن توها بتكلم الآ تدخل ام اياد وباين على وجها الضيق
ام اياد بحزن : شهد اطلعي برا ابي اكلم اختك بشغله
شهد وعلى راسها علامات الاستغراب : ليه يمه ؟
ام اياد : بدون ليه ويلا ابي اختك بكلمه
شهد : اوك
وطلعت
وسن بخوف : يمه ليه وجهك كذا خواتي او اياد صار لهم شيء ؟
ام اياد هزت راسها بالنفي وقالت : يمه وسن انتي راضيه بقضاء الله وقدره
وسن بخوف وهي شوي وتبكي " بصراخ " .: يمه زياد فيه شي ها يمه تحكي ليه ساكه
وانهارت بالصياح
ام زياد وشوي تبكي على حال بنتها : ايه يمه عطاك عمره ب حادث .... بس
وسن وهي تبكي بقوه وحالها بجد يقطع القلب : بس شنو يمه اهئ اهئ آآآآآآآه ياويلي عليك يازياد آآآه
ام اياد وموقفها الحين اصعب بكثير : بس كان معاه ..." وسكت "
وسن وهي تبكي بحرقه : بس معاه منو يمه وهو وحيد ماعنده لا أم ولا أب ولا أقارب " ونهارت بالبكي أكثر "
ام اياد وهي بموقف لاتحسد عليه : كان معاه ز زوجت ته
وسن وقفت بكا بس دموعها لسى تنزل بس بصمت وفجأه ضحكت بصوت عالي حتى امها خافت عليها مرره
وسن بضحكه كبيره متواصله : هههههههههههههههههههههههههههههه ههههههههههههههه يمه بلاك انتي انتي تدرين ان زياد يحبني ومستحيل يسويها .. إي إي " وهي تهز راسها ب إي " زياد يحبني وبس ومستحيل يتزوج غيري
ام اياد تنهدت : اسمعي السالفه كامله ياوسن ... زياد كان متزوج قبل ما يخطبك وكان يعشق زوجته وزوجته تحبه كثير ... بس المشكله ان زوجته ماتجيب عيال على وهم الاثنين يحبو البزران على كذا زوجته كانت تحن عليه كثير انه يتزوج بس هو كان رافض اتم الرفض ومع كذا كانت زوجته عادي مافيها اي حاجه علشان ماتولد بس هذا الشي بأيد الله .. وبعد محاولات من زوجته اقتنع بجزؤ بصيت انه يتزوج لكن بس تولد بعدين يطلقها ... وأنتي يمه الحمد لله الف من يتمناك
وسن بعدها غابت بغيبوبه لمدة اسبوع ومن ذاك اليوم وهو حالها كذا
/
\
/
الجوري كانت جالسه تكلم رؤى بالمسن
الجوري كان توبيكها
(( لاحياة الا مع البطاطس )):
و رؤى
(( ولا حياة الا مع الشاي الأخضر ))
(( لاحياة الا مع البطاطس )):
وجع يالقلوده ليه تقلدي توبيكي
(( ولا حياة الا مع الشاي الأخضر )):
كذابه اني ماقلدت احد شوفي اني بالبدايه في حرف الأو انتي علطول لا حياة الا مع البطاطس وأني ولا حياة الا مع الشاي الأخضر
(( لاحياة الا مع البطاطس )):
مالت عليك بالبعره
اقصد بقره *
(( ولا حياة الا مع الشاي الأخضر )):
أقول جوريو تتوقعي ليه ملاكو حاطه رسالتها الشخصيه
( فرحانه )
(( لاحياة الا مع البطاطس )):
ولا مادري الحين أقوم لك اطلع آخر الاخبار من لجينو ... برب
(( ولا حياة الا مع الشاي الأخضر )):
تيت
/
\
/
الجوري دخلت الغرفه وصفقت الباب بالجدار
لجين وهي تشيل السماعه من اذنها : وجع ان شاء الله
الجوري : توجع عدواني تعالي بسألك غريبه مو رايحه لعند ملاك وانتي كل يوم ياطاسه عندها ياهي جايه لك
لجين : وأنتي وش دخلك بجد القرافه قرافه ياوجه الزرافه
الجوري : ماغيرك وجه الزرافه الموهم صحيح لجينو قولي وبعدين ليه ملاكو حاطه انها فرحانه بالمسن ؟
لجين : مادري
الجوري : ياكذابه
لجين : بس ماتوقلين لأحد ؟
الجوري : امم طيب لكن بس بقول ل رؤى ؟
لجين : عجل احلامك
الجوري : طيب طيب مابقول
لجين : رايحين يخطبوا لأخوها عزام وهي قالت لي ما أقول لأحد انبسطي الحين
الجوري : هئ حلفي
وطلعت وسكرت الباب وراها بقوه
لجين : عسى ايدينك الكسسر
/
\
/
شمس : هلا وغلا
فيصل بإستغراب : نعم من معي ؟؟
شمس : أوه أوه الحبيب ناسينا
فيصل : لو سمحتي من معي وبلا كثرة حكي
شمس : معاك شمس ال...... , ها الحين ان شاء الله اتذكرتني ؟
فيصل : خير ان شاء الله
شمس : لا لا كل خير بس بكره الساعه 9 ابيك تجي لمجمع ( ******* ) .. وصدقني ان ماجيت ماراح يصير لزوجتك خير
وسكرت بوجهه ..,
فيصل : وجع ان شاء الله
( طبعاً كان جالس بالصاله )
دخل مشعل عليه
مشعل : خير ان شاء الله جالس تتكلم مع نفسك
فيصل : اللقافه مو شيمة الرجال ... وبعدين وينك لهالحزه
مشعل : الله والحكم عاد ... بعدين انت بعد قلتها بنفسك اللقافه من مو شيمة الرجال ... .
/
\
/
(( لاحياة الا مع البطاطس )):
عرفت لك ليه ملاك فرحانه
(( لاحياة الا مع الشاي الاخضر )):
ليه ؟؟
(( لاحياة الا مع البطاطس )):
بس لجينو قالت ما أقول لأحد
(( لاحياة الا مع الشاي الاخضر )):
الجوري عن السخافه الزايده انتي تشوفي ادا رسيل تقول لي حاجه وما اقولها لأحد أقول لك علطول
(( لاحياة الا مع البطاطس )):
طيب طيب لاتبكي علينا مايهون ... . بس أمانه ماتقولين لأحد ...
(( لاحياة الا من الشاي الاخضر )):
طيب امانه ما أقول لأحد ...
(( لاحياة الا مع البطاطس )):
لأنهم راحوا يخطبون لأخوهم عزام
/
\
/
_( في اليوم الثاني وبالليل - الساعه 9 )_
طلع فيصل من البيت وهو لابس الثوب والغتره
وركب سيارته
وانطلق للمجع الي قالت عليه شمس .... . هو ماراح علشان سواد عيونها بس خايف على رسيل هو يعرف شمس ماتخاف وما يهمها شي ... .
في المجمع .... .
شمس كانت لابسه العباة المزخرفه من فوقها لين تحتها والشيله شفافه ومتلثمه بها وايدينها كلها مناكير واكسسوارات وجالسه تاكل علكه .. . ومعاها صاحبتها صباح
شمس وهي تعلك العلكه بصوت ينرفز : صباحو مره خايفه ياخوفي ان الخطه ماتنجح بعدين بجد انا الي راح اموت حره ..,
صباح بتسامه جانبيه : ولا يهمك حبيبتي انا صباح مو حيا الله وصدقيني لو ماتنجح الخطه سوي فيني الي تبين ..
شمس :طيب تتوقعين راح يجي ؟
صباح : اكيد اكيد بجي بس انتي طلعتي الرقم ؟
شمس وهي تطلعه من شنطته : أي خذي ... " ولفت راسها وشافت فيصل جالس يدورها " هئ يله يله روحي جا
قامت صباح من الكرسي بعد ما اخذت الرقم
شمس اتصلت للفيصل : الو تعال انا بالطاوله الي جنبك
فيصل التفت لها وسكر الخط بوجها وجا جلس معاها
فيصل : خير ان شاء الله
شمس : ههههه روق روق حبيبي الا شنو تبي تشرب ؟
فيصل : مابي شي بس اخلصي علي
بالطاوله الي جنبهم
اتصلت صباح ل رسيل
صباح : الو ياحلوه تعالي لمجمع (******) وشوفي زوجك شنو يسوي من وراك
وسكرت
\
/
\
من جهة رسيل