عسي المحبوب له عوده قريبه
حبيبي غاب ولادري كيف حــاله = وقاطعني وقاطـع في وصــاله
وبعض الناس تسكــر من زبيبــه =((عسى المحبوب له عـوده قريبة))
بالي دووم يتذكر خــياله = عساني دووم باقي وسـط باله
دموع العـين بفــراقه سكيبة =((عسى المحبوب له عـوده قريبة))
اِله الكون أبدع في جماله = وفي حُسنة وفي رقة دلاله
سعيد الحظ من يصبح حبيبه =((عسى المحبوب له عـوده قريبة))
يعجبني ومعجب في خصــاله = ولانرضى نبدل حــد بداله
وقصه حبنا قصه غريبه =((عسى المحبوب له عـوده قريبة))
انا ما شفت مثله في كماله= شبيه البدر ذي شارق هلاله
اذا قلبي شكى وحده طبيبه=((عسى المحبوب له عـوده قريبة))
وصوف الحسن قد صارت حلاله= يغار الزين مـنه لا بداله
حبيب القلب له طلعه مهيبه =((عسى المحبوب له عـوده قريبة))
حياتي ومابقى منهـا فــداله = وراس المال عـده راس ماله
ذي في البنك واللي في الحقيبه=((عسى المحبوب له عـوده قريبة))
عسى الرحمن ذي جل جلاله =يصونه من عيال أهل الجهاله
ومن عاداه له اكبر مصيبة =((عسى المحبوب له عـوده قريبة))
والختم صلوا على مولى الرسالة= شفيع الخلق واِمام العدالة
وذكره يسعد النفس الكئيبه((عسى المحبوب له عـوده قريبة))
وعا صحابه وعا باقي السلالة = نجوم الحق اصحاب الجمالة
لهم افضال عالدنيا عجيبة=((عسى المحبوب له عـوده قريبة))
كلمات اعجبتني
__________________ |