| البارت الثالث
طبعا شلة الولاد وصلوا قبلهم وجلسوا يستنو علي عند الباب لأن علي راح يوصل صديقات خواته ، رجع علي ووقف السيارة ونزلت ورد ورماس الاخت رماس
قاعدة تطالع في راشد جايتها حرة تبي تستهبل عليه
وتعرقلت ولانها تبي تلحق روحها ولاتتفشل قدام الشلة مسكت عباة ورد من وراها وانفتحت عباة ورد وطبعا ورد صرخت صرخة وكبت كل
الموية اللي عندها على اختها ومن الفشلة راحو ركض داخل البيت والشلة فاطسة ضحك
دخلو وبدو الهواش
رد: ياعبيطة كدا تفشليني؟
رماس: ماشاء الله عليك انتي اللي مافشلتيني
ورد: بس صراحة انتي فشلتيني اكثر
رماس: قولي والله انا شعري اخترب كله من المويه اللي كبيتيها علي
ورد: روحي انقلعي ياوجه الليف
رماس: طبعا بانقلع مابي اقعد مع وحدة مثلك
ورد: من الحين لاانتي اختي ولاابي اكلمك او اشوفك ابد
رماس: يعني انا اللي ابي اكلمك
(ورد من طبيعتها تعصب على اي شي وتكبر السالفة بس مو راعية مشاكل)
طبعا الحين كل وحدة تفكر في سهرة الليل لأن طبعا كل وحدة تبي تقعد مع صديقاتها وكل وحدة ماتبي تشوف الثانية
رماس طول الليل حابسة نفسها في غرفتها
وورد جالسة ترتب المجلس علشان سهرة الليل بما ان هي اللي اقترحت عليهم فكرة السهر في بيتهم
منتصف الليل/ الساعة وحدة الا ربع كانو البنات كلهم موجودين
رماس قاعدة مع شذى وربى (العبيط للعبيط) وتقول لهم عن فشلة اليوم
وورد قاعدة مع جنى وأنوار وأفنان يخترعون العاب
قامت افنان : بنات شرايكم نلعب بالحبل او كورة
شذى : عجبتني دي كورة ، بس الكورة يبي ليها مكان واسع مزرعة مثلا
ورد: على طاري المزرعة بكرة بنروح مزرعة وانتو تعالو كمان
ربى:انتي تعرفي ان الصفاعة في وجوهنا يعني اكيد بنروح
افنان : اي بس وين دي المزرعة؟
ورد: واني شدراني انتو بس تعالو هني وروحو معانا
وقامو يلعبون بالحبل والعاب ثانية لحد ماكل وحدة تسدحت على الثانية ونامت
ومر الوقت وجا الصباح وكل وحدة قعدت والتفهي فيها زايد عن الثانية
افنان: ياربي شاللي نيمني هنا ؟ الحين لو ارجع البيت امي تدعسني بنعالها ابو صبع
شذى : وانا لو تشوفني راجعة البيت هالحزة ماتخلي فيني عظم صاحي كل عظامي تفرمها في الفرامة مع الثوم والبصل
ربى : وووف انطمي انطمي خيستينا من الحين
ورد: اقول قومو بس غسلو وجوهكم ياعبطة
قامو غسلو وجوههم وحطو اليهم الفطور تلا دق جوال
ربى: بسم الله من دي اللي جوالها يدق منصباح الله خير ياويلها من تهزيء امها
شذى: انا اشك انه جوال اللي بجنبي
ربى : لالالا مو جوالي ...... استني ايييييييه ياربي
وقامت وقلبها يرقع تخاف امها تهزئها
لكن ماطلعت امها كان رقم بدون اسم قصدي رقم غريب
ربى: الو
...: هلا صباح الخير
ربى : خير وش تبي؟
...: وش فيك قالبة خلقتك من صباح الله؟
ربى : خلصني تراني ماني فاضية لأمثالك
وسكرت وراحت كملت فطور مع البنات
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |