01-27-2011, 04:27 AM
|
|
راح انزل اول بارتين واذا لاقيت التفاعل بنزل البارتات التانيين البارت الأول اليوم ورد حالفه قسم انها تروح السوق
ورد : رماسو قومي نروح السوق
رماس: وحضرتك انتي بتوصلينا؟
ورد: عادي نقول لرضا يوصلنا قبل لايروح العمل
رماس: من زمااااااان راح ، ماتدري تغير دوامه
ورد : اووووووه ، طيب نقول لعلي
رماس : مالي دخل انتي قولي له ، أصلاً اليوم هو طالع مع أصحابه ، كل يوم مسويين لنا حزب الله
ورد : طيب نقول لمنو؟؟؟
رماس: ابوي يمكن يرضى
نزلت ورد لأبوها وقالت له وعالطول طارت لأختها تقول: يله يله قومي ابوي بوصلنا
رماس: الحين؟!
ورد :عجل متى؟ ترا مشوار على مانوصل للمجمع
رماس: معانا احد؟
ورد: ايه ، مع أنوار و شذى و جنى و ربى
رماس: وبعد ........ اشوف مخططة للطلعة
ورد: افا عليك
كل وحدة لبست عباتها وطلعت ، جا علي
علي: اوه اوه على وين؟
رماس: شدخلك حاشر خشمك بكل شي
علي: انطمي بس انطمي انا كلمت وردو
ورد: رايحين السوق تبي شي؟
علي: ايه
رماس: اسكت اسكت ، صدق حاله الأخ
ورد: لاتتعب نفسك مااحنا شاريين لك شي
وطلعوا السوق مع اصحابهم / في السوق:
ربى : اقول بنات خلونا ندخل محل المكياج
ورد: اوووووووووه ياربى مصختيها عاد كل مرة جينا قلتي محل المكياج ماتملين؟
ربى: لالالالا سمعت ان جايبين كحلة جديدة ابي اشتريها
ورد: الله يخلف ، كم كحلة عندك بالبيت؟
ربي: مو واجد سبعة يمكن
شذى : بااااااال وسبعة ماتكفيك؟
ربى : تكفي بس ابي الجديدة ، يله بنات خلونا ندخل
أنوار: انا مابدخل ابي اروح الكوفي شوب
جنى : عجل جايه معاك
رماس: وانا جايه بعد
شذى : عجل اجي انا بعد احسن لي
أنوار: بل بل مالحقت قلت كلمة طفرتو كلكم وراي
جنى: ايه صراحة انا ماحب الكحلات كل يوم شاريه وحده
ربى :شقصدك من هالكلام جنو؟
جنى: ولاشي سلامة عمرك غناتي
رماس: وردو وردو شوفي هناك مو هاذا علوووه
ورد: وين؟ ايه والله شجيبه اخوك هنا
رماس: وانا شدراني
ورد: اوه اوه شوفي بعد حزب الله وراه
رماس: ايه والله ليش ماقال انه بيجي
ورد: امشو امشو بس لاتوقفون صمنديقة
وراحت ورد مع ربى يشوفون كحلة والباقي راحو الكوفي شوب شوي الا علي وشلته جايين الكوفي شوب
رماس رسلت رسالة الى علي ( ياعبيط ناظر يمين تعال ابي اكلمك شوي )
ناظر علي يمين وشاف اخته قاعدة تناظره
الأخ ملان يقوم رسل لها( صحيح انك فاضية ليش تبيني)
ردت عليه( ايش يعني ابي اخطب لك؟ اقولك بكلمك عندي خطه )
وهي تناظره تستناه يقوم وتقول في نفسها الاخ مطول وملان يقوم
قام علي وقامت هي له وقالت له: عندي خطة ننفذها في ربى
علي: ايه وانا شدخلني؟
رماس: اعطيك رقمها وتدق عليها وتأديها وهي ماتعرف رقمك ولا تميز صوتك
علي: وطيب ليش انا بالذات
رماس: ياعبيط افهم هي لاتعرف رقمك ولا صوتك يعني بتنجح الخطة فيها
واقتنع علي وكل واحد رجع محله
شذى : شفيك وحشك اخوك؟ تركتينا ورحتي له
رماس : لالا طبعاً لا هو اللي قال يبي يكلمني <<< مسكين حطتها فيه
شذى : ايه وشيبي؟
رماس: وانتي شدخلك العن ابو اللقافة
جات ورد وربى
ورد: راحت عليكم يابنات ماشفتو ربوووو شصارليها
جنى : ليش شصار؟
ورد: لما .... ههههههه....لما جينا بنطــ.....ههههههه.........كملي كملي ربووو مااقدر
ربى : لما جينا بنطلع .......ههههه
أنوار: فهمنا انكم بتطلعون ....... وش صار ؟؟؟
ورد: من الحول الا في ربووو صقعت برجال يووووووووه ماشفتوها
رماس : وبعدين وش صار؟<<<< تفاعلت
ورد: الرجال يقول اسف بدل مو هي الا تقول واحمرت اخدودها وفلحت ركض
ربى: وورد تركض وراي
شذى: بايخة، اصلاً ربووو هالأيام صايرة تحول بزيادة ماتذكرو كيف صقعت بالباب الزجاج في محك ال..........
أنوار: بس كدا؟ الا راحت مرة ثانية تصقع لحد ماعرفت انه باب والمحل مغلق
قامت شلة البنات يتمشون في المجمع الا شوي ويدق موبايل ربى
ربى: الو
.....: هلا
ربى: نعم من يتكلم؟
............: انا اللي وراك
ربى تطالع وراها ماشافت احد
ربى: نعم شقلت؟
......: اقصد كنت وراك
ربى: طيب مين انت؟
...........: انا اللي ... انا .... مااقدر اقول
ربى: ليش لسانك مربط؟
.........: لالا اصلا ماعندي خيوط
ربى: استغفر الله انت شتبي بالضبط؟
........: ابي اكلمك واسولف معاك
ربى: لا والله ؟ وانت تدري مين انا علشان تكلمني؟
.....: ايه طبعا ادري ولعلمك انا مااكلم احد ماعرفه
ربى: احلف والله
........: والله
ربى: اقول روح اذلف مناك
طرااااااااااااااااااخ
وسكرت بوجهه
شذى: مين دا
ربى: واحد يتفلسف
شذى: انا ماادري انتي بدون عقل كان عطيتيني الموبايل اكلمه اهزه لك هز اخليه مايتصل مرة ثانية<<< واثقة
بعد مرور ساعة --------
أنوار: بنات متى بنرجع تراني مليت
جنى : وانا بعد خلينا نروح الحين
ورد: ايه ومن يرجعنا
شذى : والله اللي جابنا هو اللي يرجعنا
رماس: شقصدك
شذى: لاو لاشي
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |