المشاركة الأصلية كتبت بواسطة الوردة الجورية

موضوع رااااااائع ومفيد من الرائعة ام الكتاكيت
ان شاءالله هالامور البسيطة تكون مفيدة :88:

*برمضان بجيب رغيف خبز كبير وبقصو بمقص نظيف مستطيلات بعدين كل مستطيل مربعات وبحطها بكيس وعالتلاجة هاد بوفر علي وقت قبل الفطور لما اقلي الخبز للفتووش بلاقي جاهز ومرتب وانتي ادرى بعجأة قبل الفطور



*الجاج بقطعو اول ماشتريه وبنضفو منيح بفركو بملح خشن وخل ابيض وليمون وبوزعه باكياس حسب الاستخدام وبس اجي اطبخ بس بطولو من الفريزر وبغسلو وبطبخ عالسريع

اللحمة نفس الاشي بس بغسلها بماي وخل وبفرزها

*الاكياس بستخدمها لسلات القمامة كل يوم بغيرها وبحط كياس جديدة مع شريحة ليمون مستعملة في كل سلة للرائحة

*علبة تلميع الزجاج بعد متخلص بحط فيها ماي وشوية ديتول ونقطة كلور وسائل غسل الصحون ,, بعد تنظيف المطبخ بمسح بهالخلطة اسطح رخام المطبخ وايدين الخزاين والفرن للتطهير وبمسحهم بعدين بفوطة او بشكير نضيف
"طبعا بلبس كفوف الجلي"




*لتلميع المرحاض كل يوم بحط شوية كريم جف وبفركو بالفرشاية المخصصة فرك قوووي بالقاعومرة بالاسبوع بحط كلوركس وبتركو نص ساعة بعدين بفركو منيح وبرفع السيفون حتى ما يتجمع اي كلس بالمستقبل

*بالاضافة لهالشغلة اللي كتيييير بحبها بتتعلق داخل المرحاض
وكل ماسحب السيفون بتنزل منها رغوة بتلمع المرحاض بتضل بالقاع وريحة حلوة على طول بتضل بين اسبوعين اسابيع ولو عيلة كبيرة اكيد وقت اقل وبتدووب
وفي منها عدة روائح وهاي اللي عندي بنكهة اللافندر
"طبعا لا غنى عن التنظيف اليومي والاسبوعي"


* بحط الممسحة بماي مغلية وديتول وبعصرها منيح وبحطها عالقشاطة وبمسح فيها حيطان الحمام والمطبخ من فوق لتحت مرتين بالاسبوع للتطهير ما بتاخد 5 دقايق

*الجرايد بمسح فيها كل زجاج الشبابيك ومرايا المنزل مع الملمع "صورته فوق"

*بهار السمك جمعتو بعلبة " الملح والفلفل الاسود والشطة البودرة والكمون..... " ,, بعد تنظيف السمك بتبلو من هالتتبيلة الجاهزة بعلبة وحدة يعني ما بعمل حوسة بالعلب ,, وبتقدرو تجهزو اي خلطة مثلا للكبسة والمقلوبة والجاج بعلبة خاصة ,,,