*في بيت ابو نور*
ع الساعه تسع استاذن تركي ونور لانهم من الظهر عندهم
اما بندر فرااح الملحق يشوفله فلم
ابو تركي واخوه في غرفة المكتب يراجعون اوراق والحريم
بالصاله اما البنات ليلى في غرفتهاا تحااول تدق على احلاام لكن
يعطيها خارج نطاق التغطيه !!!
اما مريم صلت ونامت لانها حاسه بتعب
*حـــــــــــنـــــــــــــــان *
بدلت ملاابسي ونزلت باتجاه غرفة المكتب ابي اكلم ابووي اني
ماابي عرس وطقطقه لكن بصراحه تلعثمت يووم شفت عمي
عنده ماعرفت شقووول
عمي : هلااا بحرمة ولدي تعالي هنااا ويأشر لي اقعد جنبه
ابتسمت له رغم كل شي عزيز وغالي : هلاا عمي
ابوي قاالي : حنان من عيونك ورااك ساالفه
قلت له : مايصير اجي اسلم يعني
قالي : يصير بس انتي ماجيتي تسلمي بنتي واعرف زيين
عمي وقف : اتركم اناا
قلت له : لاعمي وين انا يهمني تسمعني
عمي جلس : خير ياابنتي
قلت واناا ابلع ريقي بصعوبه : انا ماابي عرس
طالعوني منصدمين عمي سالني : حنان انتي ماتبين عرس او
ماتبين تعرسيين اصلااا
قلت له : انا ماابي عرس ياعمي
ابوي : ليه مااتبين
قلت : يبا كلها مناظر كذابه وانا ماابيهاا
عمي قال : حنااان يابنتي مافي بنت ماتبي عرس
قطعته : عمي احنا تونا خارجين من عرس نور وتركي وصارفين
فيه وفوق كذا النااس تكلمت ليه المصاريف الزااايده
ابوي قال : حنان احنا الله عاطيناا ليه نبخل ياابنتي
قلت له : وربي ماايرضى بالبطر بعديين عمي ا ..وسكتت
عمي مسح على شعري : شنو ياااحناان
قلت : عمي شلون انت وابوي تبون تقربون الزواج فجأه مافكرتو الناس شبتقول
اختها اعرست قبلها باسبوع ليه ماكان عرسهم مع بعض لو كنا
موزعين الكروت قبل كان قالو عادي يبون يتمظهرون لكن ترتيب
زواج وتوزيع كروته بنفس الاسبوع بتخلي النااس تتكلم وتقول
اكيد بنتهم سودة وجيههم ويبون يسترون الفضيحه قبل
لااتفووح ريحتهاا
ابووي : يخسووووون حناان مفروض انتي ماتفكرين كذا انتي
طول عمرك وااثقه بنفسك وماهمك النااس هم كذا ولا كذا تكلم
قلت له : بس احنا مو عايشين بمقطعه عن النااس يباا وبعدين
العيار الي مايصيب يدوش وانا عندي خواات وافكر فيهن
عمي باسني ع جبهتي وقال : اشهد انك ربيت يااخوي ..بنتك
عندها بعد نظر احسن مني ومنك ...لك ماطلبتي يااحنااان
قلت له : تسلم عمي
جيت لب اطلع لكن تفاجأت بليى عند الباااب دمووعهاا على
خدهاا واول ماشافتني ارتمت بحظني ..حسيت بخوف رهيييب
عمي وابو اول ماشافوهاا فزوو لعندها
ابوي : ليلى شصاار
ليلى : كانت تشاهق وتبكي وتاشر بيدهااعلى فووق
على طوول حسيت بقبضه بصدري وصرخت : مرييييييييييييم
تركت ليلى ورحت ركض لغرفتي لحقني ابوي وعمي امي
طلعت على صوت صريخنا هي وعمتي وجدتي من المطبخ
امي : شفيييكم
محد كان متفرغ يرد عليهااا ليلى اول ماشافتهاا ارتمت عليهاا
ودفنت راسها بصدرهاا
امي ماغير تشووف ناااس ترااكض قدامهااا
عمتي دقت على بندر تساله ايش صااير خافت تكون نور او تركي
فيهم شي لكن بندر ماكان يعرف ومو قادر يدخل يشوف الي صاار
لوجودي انا وخواتي بالبيت
اول مادخلت غرفتي لقيت مريييم متمدده ع السرير حااولت
اصحيهاا هزيتها ناديتها مافي رد جيت ابي اضربها على خدها
خفيف احرقتني يدي من الحرااار ه
ابوي وصل عقبي : حنان شفيهاا
قلت وانا احاول اتمااسك : يباا مغمى عليها وحرارتهاا عااليه
ابووي لبسيهاا عبااتهاا بسرعه
لبستهاا عباااتهااا ابويحملها زي ماتكون طفله نزل بيهااا
بسرعه جريت ع الدولاااب سحبت البعااايه ولبستهااا وجري ورااهم
نزلت مالقيت ابوي ولا عمي مافي غير امي تولول وتصيح وحولها
عمتي وجدتي وليلى ضامه امي وتبكي
سالتهم : وينهم
قالت لي عمتي: راحوو المستشفى
قلت لهم : اناا بلحقهم
مااستنيت أي كلااام طلعت جرري من البيت الا وان ايد تمسكني من ذراعي
*بـــــــــــــــــــندر*
شفتها طالعه طيران ماتشوف الطريق الي قداامهاا مسكتهاااا من ذراعهاا
قلت لها : هي ووووووووووين
ناظرت يدي باشمئزااز : اتركنييييي
انتبهت ليدي واستحيت : ااسفه ماكنت اقصد بس وزين طالعه
قالت لي تتمصخر: ابد مواعده خويي
صرخت بوجههااا : حناااااااااااااااااااااااااااااااان
قالت لي : لاترفع صوتك انت ساامع ..مالك أي حق تسألني وين رااايحه
قالت لها : لا والله خارجه من بيتكم قريب العشر وماتبين اسأل
قالت لي وهي معصبه: اعتقد شفت ابووي صح وهو خاارج
بمريم يعني وين برووح اللحين اكيد بلحقه ع المستشفى وخر عني
وجااات بتمشي نااديتهاا : اصبري هناا مع من بترووحين
قالت لي : اكبر برى بخليه يوديني
قالت لها وانا اتقدمهاا : اكبر راااح مع عمي تعالي انا بوووديك
مشيت قدامهاا ولحقتني
*حنــــــــــــــــــان *
كان نفسي اصرخ واقوله ماني راايحه معااك بس هذا مو وقت عناادي الان مريم بخطر وانا لااازم اكوون معاهااا ...طول
السيااره كنا سااكتين ماتكلمناا ولاا كلمه
مع بعض او ماوصلناا المستشفى نزلت اركض لقسم الطوارىء
شفت ابووي واقف ساند راسه ع الجداار وعمي جنبه
ابوي اول مااعرفني : انتي من جابك هنا كيف تخرجين وحدك
جاوبه بندر من ورااي : انا جبتهاا ياااعمي نزلت بتلحقكم بس
مالقيت احد وانا جبتهااا
قلت لاابوي : شلووونهااا
قالي : ماادري الدكتور عندهااا من اوول وماطلع
شوي وخرج الدكتووور
عمي : خير بشر يادكتوور
الدكتور : بالواقع ياابو نور مريم صار عندهاا انتكااسه
شهقت وحاولت اكتم شهقتي بايدي ...اااخ احنا ماصدقناا حالتهاا
استقرت واتوقفت عن جلساات العلااج والمسكنات من فتره
ترجع تنتكس
بندر سال : زين دكتور اللحين شبتسون لهااا
الدكتور احنا رح نخليهاا عندناا بالمستشفى الين ماتنزل الحمى ورح نبدأ بجلسات العلااااج من اول وجديد
قلت للدكتور : ممكن اشووفهاا
الدكتور: بعد شووي اول ماننقلهاا غرفة خاصه ممكن تشوفينهااا
رن بهذي الاثناء تلفوون ابووي : خذ يابندر رد عليهاا
بندر : هلا عمتي ايه ...لاا مافيهاا الا العااافيه ...بيرقدونها اليوم الين ماتنزل
حرارتها ...لاا ماله دااعي ....تطمني مافيها الا الخير بامان الله
اول ماطلعو مريم غرفتهاا دخلت عندهااا جلست قرب سريرهااا
اتأملهاا ااااخ لما تتعب يكبر شكلهاا وااااايد
دخل ابوي وعمي شافوهااا ...عمي اول مره يشووف مريم بلى
شااال انصدم ولمعت الدموع بعيوونه على طوول طلع من
الغرفه ماقدر يتحمل
قلت لابوي : يبا روح ارتاح انا بقعد عندهاا
قااالي: انا بقعد معاااك مايصير تقعدين لحالك
قلت له : يباا انا كل مره اكون لحااالي معااهاا
قالي: بس هالمره غيير
قلت له يباا ماله داعي خوفك انت رووح والصبح ان شاء الله انت بتكوون هني
خرج ابووي مع عمي وبندر الي عارض وجودي لحالي بحجة اني
ممكن احتتااج شي لكن ابوي طمنه اني اقدر اتصرف زيين
وماله دااعي يخااف علي
* نـــــــــــــــــور *
طوول ماكنا بالسياره ماتكلمنا هو ماكلمني وبصراحه انا استحيت اكلمه شقووله غير كذاا تفكيري كله بالكلاام الي قالته
حناان ..معقوول تركي ممكن بيوم يتركني يتزوج علي ...وليش
لااا تركي رجال مااينعاااب ....ااخ منك ياحنااان دخلت بالوساوس
بعقلي وصلنا الفندق
اول مادخلناا الجناح اتجهت للغرفه ابي ابدل ملابسي بصرااحه
احترت واااايد ايش البس سحبت لي بجامه حريره ودخلت اتسبح
وانا امشط شعري سمعت طق ع البااب طبعا كاان تركي
قالي : نعيمااااا
ابتسمت : الله ينعم عليك
قالي : ممكن اللحييين ادخل انااتسبح احس نفسي خلاااص معفن
قلت له بمزح : من غير ماتقوول ريحتك طااالعه
شفت نظرة صدمه بعيوونه : جد والله وقام يشمشم جسمه
ساعتهاا ضحكة من كل قلبي عليه
قالي بعتب : تقصيييييييييين علي
قلت له وانا ابتعد عنه : مو ذنبي انك مقصه
تركي : انا مقصه ؟ ان ماراويتك
وقاااام يركض وراااااااااااااااي عاد اناا قمت احاااول اهرب درت
بالغرفه كلهاا الين ماخرجت منهااا ورحت اتخبى ورى الكنب في
الصااله كاااان بالغرفه ماااخرج سمعت صوووت المويااا عرفت انه
يتسبح ..هني تنفست الصعداء زي مايقولون
جلست ع الكنبه الكبيره وشغلت التلفزيوون كانوا جايبين
مسرحيه عادل اماام الواد سيد الشغال هذي المسرحيه كل
ماتنعرض نقعد انا وخوات قدامها مانتحرك نجيب الفشااار
والعصيرات والشكلاتااات والشبسااات حتى الفصفص والشاي
بس عشان مانتحرك من قدااامهااااااا وبوسط مااكنت مندمجه
مع المسرحيه حسيت بشي على رااسي ويطيح ع وجهي كاان
ابيض وزي الرغووه كاان هذاا تركي اخذ رغوة الحلاااقه وفرغها
على شعري !!!
هني خلااص انقهرت من تركي انا متسبحه ونظيفه يجي
يعدمني لا وقاااام يضحك على شكلي
تركي : خخخخخخخخخخ روووووووووووووووووعه ههااااااااااي
قلت له بغيض : شهالحركااات
قالي : يااسلاام تقصين علي وماتبيني اردهاا لك
قلت له : والله انك بزر
قااالي : بزر بزر المهم قهرتك وقام يلعبلي حواجبه
ماقدرت استحمل قمت لحقت وراااه ابي اضربه قام ينقز فووق
السرير سحبت فرشة الشعر رميتهااا عليه بس ماصاابته
تركي : ويك ويك حوووووووووووووووله
سحبت الجل رميته عليه رميت اكثر من شي وهو يتجنبهاا
ويضحك الين ماوصلت لعطرته
صررخ : حناان يااااويلك ان رميتيهاا الا عطري جديد بعدني
مااستخدمته
قلت له : ماافي