تِصَدِّق وإلا ما تِصَدِّق .. أنا عَاجِزْ عَنْ التفكير تعَالْ وشُوفْ بعينِكْ غِيابكْ وشْ عَمَلْ فيني حبيبي ما بُقى عِندي صَبرْ .. يتْحَمَّـلْ التأخير رَحَلتْ .. وعِقبكْ الدنيا غلاها طاح مِنْ عيني أجَاوبْ اللِّي يسْألني عَنْ أخْبَاري وأقولْ بخير وأنا لا خِير بغيابكْ .. ولا حَاجَه .. تهنيني على طاريكْ كِلْ لحظه .. ولا أحتاج للتذكير حَريصْ القلب ما ينسَى عيونِكْ , لا توصيني مَحَدْ يِقْدَر يعَوِّضْنِي لأنِّكْ .. في عيُوني غير ومَهْمَا شِفتْ أنا الفرحَه .. بدونِكْ ماتسليني وكيف الحَالْ وشلوني .. جَوابٍ ما يَبي تفسير بدونِكْ إنتْ , ما تِضْحَكْ حَياتي وترْمِشْ سنيني مِثلْ شَاعِرْ عِجَزْ يوصَفْ شعُوره وخانه التعبير أنا ضايع .. ولا أدري مِنْ فراقِكْ .. أنا ويني مِثلْ طيرٍ كِسَرْ بُعْدِكْ جَناحَه وماقِدَرتْ اطير أحَاولْ أبْتِسِمْ وأنْسَى ولكنْ وشْ ينسيني..؟! أشُوفِكْ في صباحي إنتْ مَعْنَى يا صباح الخير وأشُوفِكْ في مَسَائي حِلْم وردي .. لا تصحيني تِصَدِّق .. السَهَر يَرْسِمْ عيُوني ويتْقِنْ التصوير حبيبي .. مِنْ التَّعَبْ كافي خذيتْ اللِّي يكفيني يا أغلى مِنْ رَحَل عنِّي ياكِلْ الحُبْ والتقدير تعَاااااالْ إنْ كان لِي عِندِكْ مَعَزَّه وكان تغليني تعَالْ: ومِدْ لِي .. كَفْ الوَصِلْ .. وآمِدْ كَفيني إذا كانْ الجِفا واجِبْ بدى مِنْ قلبي التقصير أبيكْ الحِينْ .. تِرجَعْ لِي ولا تِرجَعْ تخليني أنا ما أقولْ اللِّي صَار فِيني ما هقيته يصير لأنِّي كِنتْ .. ( مِتأكِدْ ) .. بأنْ البُعد (ينهيني )
__________________
على كف القدر نمشي نواكب دفة الأحزان وما ندري عن الأيام وش تخفي لياليها
كتبنا كل خواطرنا في قصة بلا عنوان
خواطر في زمن غامض عجزت أفهم معانيها
ما بين الصمت والحيرة وذكرى لفها النسيان
بدنيا غير دنيتنا غريب كلما فيها
ظروف الدنيا تقهرنا وتجبرنا على الكتمان
وفي الداخل ألم وجروح عن المجهول نخفيها
أخذت آمالي وجروحي أبوزنها على الميزان
وترجح كفة اجروحي ولاأقدر أداويها
وقلت ارسم معاناتي من الواقع من اللي كان
وأعاتب حظي الطايح والشكوى أعانيها