^
^
^
يمكن يا نسمه مرتاحه بوضيفتك بعد التخرج او يمكن عندك وضيفة قبل التخرج بعد..

لذلك لا تنصحي لشيء لستي تعلمين به فهناك الجامعيين متسدحين على الارصفه ويملؤن المقاهي لانه ليس ابن فلان وعلان ولانه يفتقر للفيتمين "واو".

لذلك سلاحك ايها الشاب وايتها الشابه هو العلم يغنيك عن كل شي ويرفع قدرك بين الناس ويجعل الاخرين يحترمونك غصب عن خشومهم

ولكي لا تقلق نسمه lol... مو غلط يا شباب تتزوج وتدرس ...واذا امكن تشغل وضيفه بعد
اذا قدرت تسوي الثلاث هذي مع بعض ...انت ميه ميه
لا تستعجلوا على الزواج لاحقين عليه بتزوجون لين تقولون بس.

لاتدع احلامك تقف عند راتب وضيفي في شركه لا تعترف بمجهوداتك...وثقف نفسك وتعلم
تعلم ثم تعلم ثم تعلم ...من المهد الى اللحد والله ياشباب عمر ال 25 وال 35 لسى صغير وليس غلط لو تعلم .

والله انك مغمضه ولاداريه بشي
كيف تحتاج لكوادر وكلهم مخلصين جامعه وبس!!
يعني يتوضف في شركه بشهادته الجامعيه ويحصل مديره هندي والا فلبيني عشان بس يحمل شهاده اعلى منه او يحمل شهادات بجانب شهادته؟؟؟؟
ويجون يقولون والله الرواتب ما تنفع والله الوضيفه ماتنفع والله ماحصلنا وضايف.!ّ!!
اكيد يا حبيبي جايني بشهادتك الجامعه فرحان فيها تبي راتب فوق الاربعه والهندي مع ماستر واشهادات ما انزل الله بها من سلطان ويستلم نصف راتبك واذا في شركه قويه يستلم راتب خيالي!!
لو كل واحد فكر تفكير انه يخلص الجامعه ويشتغل كان ما طلع مننا العالم والمثقف والاديب والمميز في مجال معين ..كان قتلنا مواهبنا في انغماسنا في العمل... كان تعبنا على شوية دراهم .. محد يموت من الجوع ..ولكن الجهل يقتل شعوب!

انا اتكلم من واقع اعيشه .. ليس من احلام وارقام في الجرايد ...طيعوني وادرسوا قبل كل شي حاول ان تحصل على اكبر شهاده تقدر عليها حاول تجمع اكبر قدر من العلم حتى لو عن طريق الانترنت والشهادات العالميه والله ماتكلف شي بس مشكلتنا مقفلين نبي وضيفه بشهاده جامعيه وبس ...خلااااااص انسوا الاحلام هذي وتعلموا وارفعوا انفسكم بالعلم.

لو تدرس في الخارج بتحس بكلامي ...كل اللي يدرسون بجانبك شباب وكهووول لا يضعفون امام مسألة العمر ... اهم شي يتعلم ويعرف ويجني العلوم وبعدها ....شوف وين يشتغل وشوف كيف يصبح شيء في المجتمع.
احزنني احد الطلاب في احد المعاهد التي عملت معها حين سألته :ماشاء الله اول مره احس ان في طلاب من ابناء البلد يحبون العلم ويدفعون فلووس عشان يتعلموا شيء جديد!.
حطمني واحزنني قوله: لا والله يا استاذ انا ابي شهاده عشان ازيد راتبي!!.

انتبهوا تفكروا التفكير هذا!! اول شي خذ العلم بعدين خذ الشهاده
وعجبتني يافطه وشعار لجامعه في روسيا تقول: ((الشهادة للجميع والعلم لمن "أرادهُ".!!!))


والله يعلم اني ما كتبت الكلام هذا الا من شيء في صدري حزني لواقع عشته واعيشه, والحمدلله عرفت الطريق الصحيح ونخبه من الشباب ايظاً عرفوا كيف يحكمون امورهم ... وعرفوا ان العلم يجلب كل شيء كالمغناطيس .

نسمه

__________________