| اسفة عالتأخير
البارت الثامن:
فتح باب الغرفة لقا نفس الرجال اللي بالفيديو جالس على السرير وهديل جالسة قدام الدولاب وجالسة ترتب ملابسه بالدولاب رائد تقدم لناحية هديل بدون ولا كلمة وعطاها كف من قوته طارت لنهاية الغرفة
خالد راح لعند رائد:انت مجنون
رائد عطاه بوكس طلع فيه كل حرته و طلع وتركهم
خالد قام بسرعة راح لهديل كانت مصدومة وجالسة تبكي بصمت وحرقة شالها وحطها على السرير غطاها وجلس يمسح على شعرها الين ما نامت خذ جوالها وطفى النور والمكيف وخرج خذ رقم رائد من جوالها واتصل عليه رائد جواله رن برقم غريب رد
رائد:الوووو
خالد:الوو انت رائد
رائد:ايوة مين انت؟
خالد:انا اللي توك معطيه بوكس
رائد:اهااا انت حبيب القلب
خالد:انت كيف تقول كذا على هديل؟ اللي المفروض انك تحبها وما تشك فيها ابد
رائد:تركت حبها لك
خالد:لا انت شكلك مجنون من جد انا اخوها ياغبي
رائد:اخوها!
خالد:اخوها من الرضاع
رائد:لا بالله تصدق كذبة حلوة
خالد:اسمع يالغبي انا امي ماتت في ولادتي وقتها خذتني خالتي رضعتني مع هديل ولما كنت في الثانوية طلبت منهم يشتروا لي هاذي الفيلا وكانت هديل تجلس فيها معاي ولما خلصت الثانوية سافرت كملت دراستي بفرنسا واتخرجت وتوي رجعت اليوم
رائد:.............
خالد:انت ضيعت جوهرة من يديك هديل مافي واحدة زيها بالعالم من جد غبي
سكر فوجهه اما رائد جلس شوي يفكر وبعدين قرر يرجع للفيلا نزل ركب سيارته وطار على الفيلا
دخل سمع صوت بالمطبخ راح لقا خالد حاط شوربة على النار وجالس يسوي كمادات ثلج بعينه
رائد:يعورك
خالد باستهزاء:انت وش تشوف ترا ذا ما يجي شي بالنسبة للي بوجه هديل
رائد بتردد:هي نايمة
خالد:لا قامت قبل شوي
رائد:طيب انا بطلع لها لاتجي
خالد:طيب عساها ترضى
رائد من قلب:امين ..تركه وطلع دخل لقا هديل جالسة تطالع في الفراغ هديل اول ما شافته لفت وجهها عنه رائد راح جلس ناحية وجهها قامت لفته مرة ثانية مسك وجهها ولفه لناحيته جات يده على مكان الكف
هديل طلت فيه بحقد:اه يعور
رائد: اسف يا قلبي والله مدري كيف سويت فيك كذا
هديل ظلت ساكتة
رائد:هديل
هديل:.......................
رائد:هديل ردي علي
هديل:....................
رائد:ياللله هديل كلميني لا تظلي ساكتة كذا
هديل بصوت مبحوح:طــــ احم احم طلقني
رائد انصدم:ايش ؟!!!
هديل:ماتسمع انت اقولك طلقني
رائد:مستحيل انتى وش تقولين؟!
هديل:مثل ما سمعت
راءد:مستحيل يا هديل (مسكها من كتفها)انتي تدري وش تقولين ترا عرسنا بعد اسبوعين
هديل:انا خلاص مابغى ذا الزواج ولا ابغاك
رائد:لا ياهديل انا ما كنت متوقع ان كل ذا يصير انا مااقدر اتخيل حياتي بدونك
هديل:تخيلتها لما جيت وسويت اللي سويته
رائد قرب منها:والله خلاص انا اسف
هديل:لا ولو سمحت بعد عني
دخل خالد قطع كلامهم :ها هديل ايش اخبارك؟
هديل عطت رائدنظرة حقد:الحمد لله احسن
خالد طيبـــ...قاطعه رنة جوال هديل
هديل:الو السلام عليكم
ام مشعل: وعليكم السلام هلا هديل
هديل:هلا امي خير
ام مشعل:وينك قلقتيني عليك
هديل:ليش ؟صار شي؟
ام مشعل:لا ولا شي سلامتك بس خرجتى من الصباح والحين الساعة 6 المغرب وما رجعتي
هديل:لا تخافي انا مع ر...خالد
ام مشعل:خالد من؟!
هديل:خالد يمة وي في ام تنسى عيالها
ام مشعل:خالد ولد امنة!
هديل:ايوةهو رجع اليوم من فرنسا
ام مشعل:اعطيني اكلمه
هديل:طيب خذ ..مدت له الجوال
خالد:هلا خالتي
ام مشعل:كم مرة بقول لك انا امك مو خالتك
خالد:اسف هلا يمة
ام مشعل:هلا بك يا وليدي اقول رائد عندكم
خالد:ايوة
ام مشعل:اجل وش مجلسك معهم مثلك مثل العزول
خالد:لا مو عزول تراني محرم
ام مشعل:ههه اقول بس اتركهم وتعال ابيك بسالفة
خالد:طيب سلام
ام مشعل:سلام
خالد بعد ما قفل:اقول يا رائد ترا خالتي شكلها مرة تحبك !
رائد:ليش؟!
خالد:تباني اترككم لحالكم واروح لها تقول تباني بسالفة
رائد:فديتها خالتي اقول قم واسمع الكلام ازين لك
خالد:ما هاتحرك الا لما هديل تقول لي
رائد:قولي له ينقلع وخلصينا
هديل:.................
نكمل البارت الجاي اشوفكم على خير توقعاتكم دمتم بود
|