في بيت ابو حسام
كان حسام توه صاحي من النوم اللي هو الشي الوحيد اللي يريحه اول ما صحي من النوم قعد يفكر ايش بيصير لما فيصل يعرف كان مرره خايف من عمه وفي نفس الوقت خايف على فداء لانه حبها من كل قلبه و لا يدري ايش يسوي اللحين اخذله حمام ونزل لقي اهله يفطرون جلس من دووون ما يسلم..
خالد(ابو حسام)/مافي سلااام ولا صبااح الخير..
حسام بصوت واطي/صبااح الخير..
خالد/حسام ايش فيك..؟
حسام/مافي شي يبه بس تعبان شوي..
ليلى(ام حسام)/وليش ما تروح المستشفى حبيبي(قلب الام)..
حسام بعصبيه/قلت تعبااان شوووي..
خالد/حسام احترم نفسك ولا ترفع صوتك على امك...
حسام/انا اسف..
وقام حسام وهو طالع من الباب..
خالد/وين..؟
حسام/وين يعني المرقص اكيد الجامعه..
وطلع من دون ما ينتظر رد وقفل الباب بقوووه..
خالد/صدق قليل ادب وترربيه...
الكل ساكت ما قدر يتكلم وابو حسام(خالد) معصب ..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
وقفت قدام مرايا الحمام ..
بعد ما رشحتوجهها بالماي البارد ..
لازال صدى تنفسها يتردد على كبر الحمام ...
ونبضات قلبهاتدق بسرعه جنونيه..
حاسه بجسمها معرق مع ان مكيف الغرفه شغال..
ومع كذا تحسبالحراره تطلع من جسمها ...
حاولت تهدى نفسها ..
طلعت من الحمام ...
وراحت لعند الثلاجهالصغيره الموجوده بالغرفه ...
كانت فاضيه مافيها الا ماي وشوكلاته وبيبسي..
اخذتلها كاس ماي وشربته مره وحده ...
جلست على السرير وهي تحاول تسيطر على نبضاتها...ايدها على قميصها عند قلبها ...
وشعرها طايح على وجهها وهو مبلل من قدام بالماي..
فداء/فيصل فيصل يالله كافي نوم تاخرت ..؟
فيصل وهو يثاوب/اقوول فداء طفي النووور ابي انام..
فداء/يالله ابيك توديني المستشفى..
فيصل قام وجلس/ليه..؟
فداء/مادري احس نفسي تعبانه ..
فيصل وهو قايم من على السرير/اوووك بس دقايق اخذ حمام واطلع..
ابتسمت له فداء وهزت راسها بالايجاب..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت ابو خالد
كان مساعد توووه صاحي من النوووم و ما قدر يفتح عيونه وفي هذا الوقت دخلت عليه امه..
امه/يالله مساعد قوم ما عندك محاضره اليوم..
مساعد/الا يمه كم الساعه اللحين..
امه/تسعه ونص..
مساعد/اووكي اللحين بقووم اترووش وارووح الجامعه..
مساعد وهو واصل عند الحمام يبي يدخل فجاءه وقفه صوت امه...
امه/مساعد..
مساعد/هلا يمه بغيتي شي..؟
امه/ايه يا مساعد عندي موضوع ابي اكلمك فيه..
مساعد/يعني يمه ما يحتاج التاجيل...
امه/لا ما يحتااج..
ورجع مساعد وقعد جنب امه ..
مساعد/هااه يمه ايش فيه..؟
امه/مساعد ابي ازوجك..
مساعد/تزوجيني..؟
امه/ايه يا مساعد ابي ازوجك وارتاح لان انت عارف العمر رااح وما يعرف الواحد متى ربي بياخذه ابي اتتطمن عليكم يا وليدي كلكم قبل ربي ما ياخذ امانته فيني..
مساعد/بسم الله عليك يمه الله يطول لنا في عمرك يالغاليه..
امه/لا تحاول تغير الموضوع بكره بنسير بيت خالتك ونخطب لك بنتهم امل..
مساعد/ميييين امل مرة وحدة وععع يمه وش امل مو حلووه..
امه/استحى على وجهك ايش وع وانت متى اخر مرره شفتها عشان تقوول مو حلووه امل كبرت وصارت مزيونه اسم الله عليها..
مساعد/حتى لو يمه ما ابيها يعني فيصل ياخذ الجمال كله وانا مشي حالك..
امه بستغراب/وانت ايش درااك بفيصل..؟
مساعد مرتبك/هااه لا بس سمعتهم يقولون مرته حلووه اهم شي مابي امل..
امه/ما عندك الا هي واذا ما اخذت امل لا تعتبرني امك من اليوم الى ذالك اليوم وطلعت من غير ما تنتظر منه رد..
مساعد رمى المنشفه على الارض بعصبيه وهو محتار ما يدري ايش يسوي....
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في مدرسة الاولاد..
كان جالس لوحده باخر الصف ..
ما يبي احد يكلمه كان الطلاب كلهم بعالم وهو بعالم ثاني ..
وقاعد يكلم روحه ليش ..؟ ليش ..؟
انا سويت كذا يعني انا مو خايف على ابوي يصير فيه شي ..
صدق اني ما استحي على نفسي انا ليش صدقتهم هذولي اصدقاء سوء والله انا ندماان وابي ابوي يسامحني بس كيف وهو مو راضي يكلمني اااه اااه بس ويقطع حبل تفكيره واحد سحب الكرسي اللي جنبه وجلس..
زيد/ايش فيك يا ماجد..؟
ماجد يقول بخاطره ""ايش فيه ذا مو احنا ما نكلم بعض""
ماجد/مافيني شي..
زيد/علي انا يا ماجد..
ماجد/يعني شوي ارهاااق..
زيد/مو ارهاااق ولا شي..
طالعه ماجد من دوون ما يرد وفي عينه نظره بمعنى وانت اش دراك
زيد/ماجد اولا انا اسف على الهواش اللي صار بينا احنا عيال عم وما يصير بينا أي شي ثاني قصه الافلاااا
قبل ما يكمل قاطعه ماجد..
ماجد/رجااااء خاااص يا زيد لا تفتح هاذي السالفه...
زيد/بس انت لازم تعتذر من ابوك..
ماجد وعيونه على الطاوله/بس ابوي ما يكلمني..
زيد/ولو لازم تعتذر منه..
ماجد يطالع في زيد و في عينه سؤال/شلووون..؟
زيد/طرش له مسج انك اسف وماراح تعيدها..
ماجد/يووه زيد انت ما تعرف ابوي ..؟
زيد/لا عادي انا طرشت مسج لبوي و سامحني..
ماجد بستغرااب/يعني ابووك اللحين مسامحك..
زيد/ايه و ما بيني وبينه أي شي..
ماجد/رااح اجرب وش رااح اخسر..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في المستشفى...
كان فيصل منتظر فداء وهي داخل عند الدكتور وقاعد يفكر ويقول في خاطره """فداء فيها شي بس ايش... انا حاسس انه صار شي وشي كبير بعد بس ايش ايش"" ويقطع تفكيره صوت النيرس..
تنادي عليه وقالته ان الدكتور يبي يشوفه.. وطلعت فداء من عند الدكتور ودخل فيصل..
الدكتور/هلااا فيصل..
فيصل/هلا دكتور حمد..
الدكتور اشار على فيصل بمعنى اجلس جلس فيصل على الكرسي اللي جنب الدكتور..
فيصل/خير دكتور فيه شي تراك خرعتني..؟
الدكتور/لا مافيه شي بس زوجتك..
فيصل/زوجتي..؟ ايش فيها..؟
الدكتور/زوجتك مره مهمله صحتها لا تاكل ولا شي و الجنين راح يتعب كذا ..و ما استبعد اذا سقطتت الجنين لان دمها مره منخفض..
فيصل/شلوووون يعني احتمال التسقيط وارد..
الدكتور/ايه احتمال كبير..
فيصل وايده على راسه/انا لله طيب اللحين وش اسوي..؟
الدكتور/اهتم بصحة زوجتك وان شاء الله يصير خير..
فيصل /طيب مااتقدر تسوي شي عشان يستبعد تسقيط الجنين..
الدكتور/والله بيصير ننومها عشان نعطيها دم وحديد..
فيصل/متى دكتور ..؟
الدكتور/ اليوم ان شاء الله..
فيصل /بيتاخر تنويمها..
الدكتور /والله على حسب حالتها هي اذا اهتمت بصحتها يكون فترة مكوثها اقل..
فيصل/انشاء الله دكتور...
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت ابو عزام
في غرفة مشاعل..
كانت مشاعل في غرفتها وتكلم نداء..
مشاعل/يووه نداء يالله تعاااالي والله انا طفشاانه حدي..
نداء/والله ودي بس السواق رااح يودي امي واباء السوق..
مشاعل/والحل..؟
نداء/والله مدري..
مشاعل/مو شغلي انا عازمتك اليوم في ستار بوكس..
نداء/يوووه فديييتك والله انشاء الله اقدر اجي...
مشاعل/ولازم تجين..
نداء/شلوون..؟
مشاعل/انا عازمتك يعني انا بمرك..
نداء/فشيله..؟
مشاعل/اقوول جب بس قال فشيله قال..
وفي هذا الوقت يدخل عزام غرفه مشاعل...
عزام/والله ما يسوووووووى اعيش الدنيا دووونك لا ولا تسوى حياتي بها الوجوود دامك انت رحلت وكيف ابصبر....
مشاعل/وععع وش ذا الصوت اقوول عزامووه بلا ازعااج..
عزام/والله صوتي احلى من صوووتك يا شيفه...
مشاعل بكبرياء/انا شيييييفه لا والله انت اعمى ما تشووف..
عزام/في ذمتك في احد في هالدنيا قد قالك انتي حلووه..
مشاعل/يووووووه كثيير..
عزام/مثل منو.؟
مشاعل ردت للجوال وفتحت الاسبكر/نداء في ذمتك انا مو حلووه..
نداء وهي ما تدري ان مشاعل فاتحه الاسبكر/يووه انتي ست البنات واحلااااهم..
مشاعل وهي تناظر عزام/شفت..
نداء/اقووول هذا اللي كان يغني قبل شوي عزام مو... صووته مرره رووعه يهببل...
هنا مشاعل قفلت الاسبيكر على طووول...
عزام/هذولي النااس الذوووق..
نداء/يوه لا يكون سمع شي بس...
مشاعل مرتبكه من حركه اخوها/هااه لالا شلوون سمع الله يهديك
و اشارت لعزام يعني اطلع بررررى......