وقفت اخايل الغيمه ودوي الرعد وبروقه
واخيل أمطارها هلت على أرض(ن) سكن فيها
مشيت أتبع سحاب(ن) لآمع بروقه شعق فوقه
لقيته في مداهيله مسييلها ومحييها
ونسايمها علي هبت بطلع الصبح وشروقه
ومن بعد المزون القآع إخضرت روابيها
وقالت لي هلآ من خلف لثام(ن) ماسكه طوقه
هلا يا غايب(ن) عنا تهلي الدار ومن فيها
هلا يا لافي دياري يا شوق القلب يا شوقه
هلا يا نظرعيني يا اللي دوم مشقيها
هلا يا بدوي(ن) ساقه شوقه لمعشوقه
جعل عين(ن) لغير البدو رب الكون يشقيها
تجاذبنا سواليف الهوى ويا زين منطوقه
حديث الشوق نساني ليال(ن) كنت اعانيها
شكى لي من عنا الفرقا شكى لي الهم وطروقه
وشكى لي من عنا الذكرى وليال(ن) عشنا ماضيها
ضم كفه على كفي وقلبي زادت فتوقه
وشد كفه على كفي ودموعه هل صافيها
ودعني وودعته وعيون الشوق مغروقه
بدموع الوداع اللي على الخدين كاسيها
:
:
نزف قلمي
ناصر بن حويل ال صليع