في دسك توب القلب سويت فايل .... باسمك وخزنته بوسط الديكومنت
وبيجك على الفيفورت ماله بدايل ... في الميموري والهستوري قد تدون
فيروس حبك بي مسوي عمايل ... في هارد دسك القلب طحت وتمكنت
وايميل قلبي صار لك حيل مايل ... يكشف لك الباسورد من وين ماكنت
مبرمجه ديليت على كل الرسايل ... وبلوك سندر للمخاليق الا انت
سويت شت دوان وريستارت احايل... اثرك على السيرفر بحاله تسلطنت
جربت دوان لود …باصعب وسايل ... عيا يتحمل غيرك وتالي اذعنت
لو سوت الماوس بقلبي هوايل ... سويت له ريفريش وبحبك اعلنت
ياويب ماستر خاطري بالقبايل... مالي سبايت غيرك ولا بعد انت
نذرت لك كيبورد عمريوشايل ... لك في فلوبي القلب صورة ولا خنت
وسويت لك إنتر ولاني بقايل ... إندو ولو في مودم القلب طعنت
دبل كليك اضغط على كل فايل ... في القلب ماتلقى من الناس الا انت
__________________
على كف القدر نمشي نواكب دفة الأحزان وما ندري عن الأيام وش تخفي لياليها
كتبنا كل خواطرنا في قصة بلا عنوان
خواطر في زمن غامض عجزت أفهم معانيها
ما بين الصمت والحيرة وذكرى لفها النسيان
بدنيا غير دنيتنا غريب كلما فيها
ظروف الدنيا تقهرنا وتجبرنا على الكتمان
وفي الداخل ألم وجروح عن المجهول نخفيها
أخذت آمالي وجروحي أبوزنها على الميزان
وترجح كفة اجروحي ولاأقدر أداويها
وقلت ارسم معاناتي من الواقع من اللي كان
وأعاتب حظي الطايح والشكوى أعانيها