الجزء السادس
-"هذ الله يسلمكم كل اللي صاريوم الخميس "
كانت أمل تحكي لصديقاتها عن يوم ملكة بسمة اللي انتشرت أخبارهابين صديقاتها في المدرسه....
دلال :" هذا الموجز وأنت الصادقه ...نبغى الاخباربالتفصيل"
بسمة :" الحين ساعه تتكلم وتقولين هذا موجز"
دلال وهي تناظر بسمة:"أمل كيف كانت بسمه يوم دخل خالك ؟؟"
أمل :" ههههههه تصدقين لو ما أنا ساندتهاكان أغمى عليها"
بسمة :" أمل عن المبالغه"
ندى تبغى تقهر بسمة :" أقول أملخالك خالد هو نفسه اللي تقولين أنه عايش قصة حب مع بنت خالته"
أمل:" ايه هو نفسه ....بس من شاف بسمه صارت هي حبه الاول والاخير"
تنهدت بسمه بصوت غير مسموع وقالتفي خاطرها ياحبك للمبالغات يا أمل...
ندى :" الله يعينك الحين على مكالمات حتىأخر الليل ....تصدقين أختي خوله من ملكت وهي يوميا مكالمات الى اخر الليل "
دلال :" والله أختك قاعده في البيت ما عندها إمتحانات بعد أقل من شهرين "
بعد ماراحواصديقاتهم وما بقى إلا بسمه وأمل ودلال...
أمل:"هالندى ما أدري ليه وديأكفخها..."
بسمة:"ههههههه هدي أعصابك ياعنتر زمانك"
دلال:"انتي شوفي الفرقبينكم وعقب كفخيها على راحتك"
أمل:"ما تدرين يحط سره في أضعفخلقه"
بسمة:"والله انا اللي ودي اكفخك"
أمل:"بسم الله علي....تبغين من الحينتظهرين سلطتك علي لانك مرة خالي"
بسمة:"تدرين ليه"
أمل:"ماادري"
بسمة:"يومالملكه جات عبير صح؟؟"
أمل:"ايه...اش دراك؟"
بسمة:"ولا انتي ناويه تقولينلي"
أمل:"اصلا الكل تفاجأ لما شافها وانا ماشفت داعي اعلمك"
بسمة:"وليه مافيهداعي"
أمل:"انتي خلقه كنتي متوتره وحسيتك بتتوترين زياده لماتشوفينها"
بسمة:"حتى ولو المفروض انتي صديقتي وما تخبين علي شي"
أمل:"الحينانتي ليش زعلانه"
بسمة:"لاني شفت عبير وغيرك كان قلبه علي وتولىهالمهمه"
أمل:"اكيد الغبيه رهف"
بسمة:"حرام عليك رهف مهي غبيه"
أمل:"طيباشرايك في سؤالها لخالي "
بسمة:"يالله يا أمل ماتتصورين اشكثر احرجنيسؤالها"
دلال:"وهالفقيره اللي قاعده معكم فهموها عن ايش تتكلمون"
أمل:"هذاالله يسلمك رهف تذكر خالي بوعده لها ان اول بنت تجي له بيسميهارهف"
دلال:"ههههههه طيب ايش كان رده"
بسمة:"بصراااااااااحه كان ردهسخيف"
أمل:"قال عساها تجي حلوه لامها"
دلال:"بالعكس رده مهوسخيف"
بسمة:"إلا سخيف ومليون سخيف"
دلال:"ياللطيف شوفي وجهها اشلون صايرأحمر"
أمل :"ههههههه انتي لو شفتيها يوم الخميس...."
قاطعتها بسمه:"شوفي انتيوياها... غيروا الموضوع وإلا أقوم عنكم"
دلال:"هههههه خلاص نغيره....متى الزواجبيكون يأمل؟؟؟
كانت بسمة بتقوم مسكتها دلال من يدها وهي ميته ضحك :"خلاص واللهتوبه"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
-"شفتي يمه .... الحين خالد متزوج ...والقهر أن زوجته حلوه "
أم عبير :" ما عليك من الحلى انتي أحلى منها بكثير ....وبعدين يابنيتي حاولي تنسين خالد"
عبير :"مستحيل أنسى خالد ومستحيل أخليهاتتهنى فيه ...واللي يقهر الزواج بعد الامتحانات ...يعني باقي شهرين "
أم عبير :" يابنتي "
عبير:"تتعتقدين أني بسهوله بتخلى عن خالد"
أم عبير:"كل انسان ياخذنصيبه"
عبير:"يمه أنا أعض أصابع الندم لاني طعت أبوي في فسخ الخطبة"
أمعبير:"أنا قلت لك...بس انتي ماطعتي"
عبير:"ماتوقعت يصير كذا"
أم عبير:"كنتي معتمده على حب خالد لك بس نسيتي أن خالد مستحيليرفض لابوه طلب"
عبير:"ياكرهي لابوه هو السبب"
أم عبير:"عاد تصدقين خالد لويدري أنك كنتي موافقه على فسخ الخطبه كان يكرهك عمره كله"
عبير:"ماأحد يدريإلا انتي وأبوي ....انتبهي لما تسولفين مع خالتي"
أم عبير:"منتبه وصي انتي عمرك "
عبير:"لا أنا حذره جدا مع ريم"
أم عبير:"عاد تصدقين الحين بعد مارجع محمديمكن ترجع العنود ويزول الخلاف اللي صار"
عبير:"خربوا علي أنا وخالد والحينيتصالحون"
أم عبير:"لو أنتي وأبوك ماتسرعتوا وفسختوا الخطبه كان الحين باقي أنتيخطيبة خالد"
عبير بضيق:"يمه خلاص تسرعنا وانتهى...".
تحسرت أم عبير على حالبنتها اللي ومن يوم رجعوا من ملكة خالد وهي في غرفتها وحزينه ... ماهي مهتمه فيدراستها ...
وقررت في نفسها تحاول هالزواج يفشل باي طريقه ....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
ما تدري هي تفرح باللي تسمعه ولا تحزن....كان أبوها يكلمها بهدوء وما ردت عليه لما سكت...
أبو فيصل:"ها... يالعنوداشرايك..."
العنود:" ما أدري يبه ايش أقول"
أبوفيصل:"منتي بصغيره حتى أحد يقررعنك هذي حياتك وحياة عيالك"
العنود:"محمد يبه اللي سواه مهو سهل مد يه عليوسمعني كلمة طالق وهو يرميني برى بيته"
أبو فيصل:"ما أدري عنك هذي حياتك وأنتيحره فيها"
العنود وهي تحاول تدور له عذر:"هو ماتغير إلا الاشهر الماضيه ..."
أبو فيصل:"ومن أول كيف كان معك"
العنود:"نعم الزوج لي ونعم الاب لعياله ...بس مشى مع شلة فساد"
أبو فيصل:"طيب أنتي فكري وعطيني رايك"
العنود:"أعتقدأن عشرة السنين الماضيه تشفع لمحمد أول غلطه مهما كانت كبيره"
أبو فيصل:"نعمالراي وأنا أبوك"
العنود:"طيب يبه أكيد هو الحين صار طيب من اللى كانيتعاطاه"
أبو فيصل:"أنا سألت عنه في المستشفى اللي كان فيه والحمد لله طلع صادقفي اللي قاله"
العنود:"يارب يرجع محمد الاولي"
أبو فيصل:" عموما...أنا مابردعليه الحين فكري زين وردي علي"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كانت غرفتهامقلوبه فوق تحت الكتب ولاوراق منتشره حولها ...
وهي مهي عارفه في أي كتاب تبدي ....
دخلت عليها سحر ...
سحر :" ها ...كيف المذاكرة "
بسمة :" خليها علىالله كل ما فتحت كتاب جاتني الأفكار أشكال وألوان "
سحر :" حاولي تركزين وأنسيكل شي "
بسمه بحزن :" ما أقدر أنسى ...أولا الزواج بعد الامتحانات با أسبوع ... والله ظلم كان خلوني أرتاح شوي "
سحر :" ههههههههه ايش نسوي للمعرس إذا هومستعجل"
بسمة : "أي مستعجل ....واللي يعافيك ....اللي من يوم الملكه لا مر ولااتصل كأنه مغصوب على هالزواج "
سحر :"أكيد ما يبغي يلهيك عن الدراسة ....وبعدينلايكون مشتاقة للحبيب "
بسمة :" أنا عرفته عشان اشتاق له "
سكتت شوي وبتردد :" بغيت أكلمك في موضوع "
سحر بان الاهتمام في عيونها : "وأنا اسمعك "
بسمة:"تدرين أنه مافي وقت على الزواج وأنا ماسويت شي و...."
سحر :" لا تشيلين هم أناكلمت أبوي....وبكره إن شاء الله بنروح عشان الفستان ....وكل يوم بنروح عشان شي ....عسى نخلص قبل الامتحانات.."
بسمة : "الله يخليك لي ياأحلى بنت عم فيالدنيا"
سحر :"على فكره بدريةكلمت أمي بنروح لهم"
بسمة :"أحسن خلي الواحديغير جو"
سحر:"بيتنا وبيت بدرية جوه واحد بس الواحد يشوف وجيهجديده"
بسمة:"على قولتك وجوه جديده"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
وهي قاعده فيغرفتها مع مشاعل ...بسولفون عن الجامعة وبنات الجامعة ...
مشاعل :" ها ....ريمما رديتي علي في الموضوع اللي "
ريم مقاطعه :" ما أقدر "
مشاعل :" حاوليعلشاني الله يخليك "
ريم :"لا تحرجيني "
مشاعل :" افا ...ياريم ما تخدمينيهالخدمه "
ريم :" اف ...ياختي دوري غيري "
مشاعل :"ما أقدر اقول لاي أحد "
ريم :" ياربي ....طيب خليها بعد الامتحانات ويصير خير "
مشاعل :" توعديني ......."
ريم بضيق وعشان تفتك من الحاحها :" أوعدك ....".
مشاعل:"عبييييييرمره متأثره عقب ماملك أخوك"
ريم:"ايه...بس ما في يدنا شي نسويه"
مشاعل:"اشلوناخوك مع بسمة يزورها"
ريم:"ما يتكلم عنها أبدا وإذا سألته مايردعلي"
مشاعل:"تتوقعين لازال يحبعبير"
ريم:"أكييييييييييد"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كان رايح لبدريهاللي من الملكه انشغل وما جا بيتها واكتفى بشوفتها في بيت اهله ...
وهومار منقدام بيت بسمة التفت عليه مايدري ليش خطرت على باله وتسأل ايش قاعده تسوي هي الحين ....
أول ما دخل البيت كانت رهف طالعه برى ...
ابتسمت يوم شافته :" هلا بخاليالحبيب "
خالد :"أهلين رهوفه ....ايش تسوين برى؟؟؟"
وقربت منه : "تدري منعندنا ؟؟؟"
خالد وهو رافع حواجبه :" لا ما أدري ..."
رهف :" بسمة وأهلعمها..."
خالد :" بسمة عندكم ..."
رهف :" ايه عندنا قاعده هي وأملفوق......... ايش رايك نسوي لهم مفاجأه...ونطلع لهم ..."
خالد : "لا خليهم......... )وهو يفكر) ولا تدرين خلينا نطلع ...بس ما أبغى أحد يدري"
ما يدري ليشقرريطلع ...علشان بشوفها ولا علشان يحرجها ...ما يدري بس مشى ورى رهف علىفوق...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
فتحت رهف الباب كانت أمل على السرير و بسمة قاعده علىالكرسي اللي مقابل
الباب وتلعب بشعرها ...اللي فكته وحطت أغلبه على وجهها ...لماشافت رجلين رهف
ما اهتمت واستمرت تحرك راسها يمين وشمال ...
بسمه :" تصدقين ....خاطري أقص شعري زهقت منه "
خالد :"ليش تقصينه ....أنتي زهقتي منه غيرك مازهق "
حست أن الدم نشف من عروقها....ويدينها صارت ثقيله تبغى ترفع شعرها ماهيقادرة ...وكان قدامها خيارين أما تصيح من شدة الاحراج
وتبان قدامه ضعيفه ولا تسوي نفسها ولا مهتمه ولا كأن صار شي ....اختارت الثاني وخلال هالوقت سلمت أمل على خالها ورحبت فيه ...لما عدلت شعرهاالتفتت عليه ومدت يدها بتسلم عليه حست يده قويه وهي تشد على يدها ...
خالدوهويبتسم :" اشلونك بسمة "
بسمة :" الحمد لله بخير"
سكت خالد شوي :" وأناالحمد لله بخير "
ماردت عليه من الاحراج اللي حاسه فيه ....
خالد :" أقول كيفالمذاكرة ...إذا تبون أي مساعده أنا مستعد"
أمل بحماس :" ساعدنا في الانجليزياللي..."
وسكتت لما شافت نظرات بسمة لها ...انتبه خالد لبسمة ...
سحب خالدالكرسي وجلس :" طيب يا أمل ما عندكم عصير تكرمين فيه خالك"
أمل وهي طالعه:" هههههأكيد عندنا"
خالد وهو يطالع بسمة الواقفه :" تعالي أجلسي"
وقبل ماتجي قربالكرسي بجنبه وجلست عليه ..
خالد :" أقول رهف ليش ماتروحين تذاكرين "
رهف :" ما عندي مذاكره "
خالد:"طيب ليه ماتروحين عند الحريم "
رهف:"زهقعندهم"
خالدبصوت واطي وسمعته بسمة :"ايش يطلعها هالزقه"
خالد:"رهف حبيبتي شوفيفي التلفزيون فيه مباراه إذا جات ناديني"
رهف وهي طالعه:"طيب"
التفت خالد فيبسمة اللي كانت تخطط على الهرب ....
رجعت رهف بسرعه:"خالي في أي قناهالمبارة"
خالد بضيق:"في قناة العربيه"
رهف:"خالي العربيه ماتجيبكوره"
خالد:"لا اليوم فيه مباره تنقلها العربيه إذا جات ناديني ولا توريني رقعةوجهك قبل ما تجي"
خافت بسمة يوم طلعت رهف بس من حسن حظها كانت طلعتها على دخلتأمل
أمل :" أنا جيت"
خالد:"مشاء الله عليك في الوقت المناسب توها أختكطلعت"
أمل:"عادي تبغوني أطلع ماعندي مشكلة "
بسمة:"لااااا"
خالد:"ياليييييت"
كانت أمل تشوف نظرات تهديد في عيونبسمة...
أمل :"سووووري مادام ما اتفقتوا أسوي اللي يريحني وأقعد معكم"
قعدخالد وأمل يسولفون مع بعض ويضحكون ...كانت بسمة تكتفي بالابتسام ...
ومر الوقتبسرعه وحست أنها لازم تنزل تحت وهي في قلبها خايفه من ردة فعل عمها لو درى أن خالدكان موجود ...
بسمة :" يالله أنا لازم أنزل "
ونزلت بسرعه قبل ما تسمعردهم...وهي في أخر الدرج سمعت صوت أبو مازن خافت ورجعت بسرعه....... وفي نفس الوقتكان خالد نازل واصطدمت فيه وكانت من أثر الصدمه راجعه ورى.... لكن خالد حط يده منورى ظهرها علشان ما تطيح وقربها منه حتى صارت ملاصقه له....أول ما حست أمل أنهااستعادت توازنها فكت يده من ورى ظهرها برفق وابتعدت عنه شوي ...
بسمة وهي مرتبكه :" آسفه ......."
خالد :" لا عادي ... اشفيك رجعتي "
بسمة :" سمعت صوت أبو مازن تحت"
خالد:"اوكيه اجل أنا بنزل وعقبأنتي أنزلي"
ونزل خالد وهي تحس بالاحراج من الموقف البايخ اللي صار لهامعاه...
نزلت عند بدرية ومرة عمها وبدرية وسحر(هند وهدى راحوا لبناتخالتهم)
وجلست بجنب سحر وكان باين عليها الارتباك...
سحر:"اشفيك شكلكموطبيعيه"
بسمة:"خليها على الله صار لي موقف"
سحر:"أي موقف"
بسمة:"بعدينأقولك"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كانت رهف طالعه من المجلس على دخلةأمل...
أمل:"وين أبوي بسمة تقول سمعت صوته"
خالد:"طلع يبدل وبيجي اللحين "
أمل :" انتي يالغبيه اشلون تدخلين خالي الغرفه من غير ما تقولين أول "
رهفببرائه :"اشفيها ....زوجها "
خالد وهو مبتسم:"وهي صادقه (وهو يقلد رهف ) زوجها "
أمل :" حتى ولو البنيه انحرجت "
خالد :" أنا لو أبغى احرجها صدق كان علقتعلى شكلها أول مادخلت الغرفه ...
خرعتني "
أمل :"حرااااام عليك ليش تبالغ "
خالد وهو يهز كتفه :" أنا ما أبالغ ...أنا أقول الصدق "
أمل :" شو صدق بسمة في الجمال ماشاء الله عليها .... ما تقدر تتكلم "
خالد يبغى يقهرها :"إذا أنتيتشوفينها جميله ....أنا أشوفها أقل من عاديه "
أمل وهي تقرب من خالها : "لا تقولكذا ....الله يخليك "
خالد :" وليش ما أقول ....وبعدين أحسها ممله وما تعرف تقولكلمتين على بعض ...
وشخصيتها مهزوزه ....وتفكيرها محدود "
أمل حست أنه يبغىيقهرها :"كل هذا فيها ....أنت أصلا قعدت معها حتى تعرف شخصيتها ....اللي حتى تلفونما تكلمها "
خالد :" ليه شكت لك "
أمل :" لا هي ما تقول بس أنا لومكانها كانمت قهر "
خالد :" محد يموت ناقص عمر "
أمل:" بصراحه نرفزتني أروح عند الحريمأحسن لي"
بدرية :" اشفيكم ياكافي صوتكم واصل آخر الدنيا "
أمل: "اسأليأخوك"
بدرية :"روحي داخل عند الحريم حتى أجي بعد شوي"
خالد :"هلا بدرية "
بدرية :" هلا فيك ...اشرايك ننادي لك بسمة تقعد معك شوي"
خالد:"ما قصرت رهفدخلتني عليها هي وأمل"
بدرية:"حسبي الله على ابليس هالبنت ما أدري متىبتعقل"
خالد:"ما سوت شي غلط لا تنسين أن بسمة مرتي"
بدرية:"حتى ولو يمكن عمهايزعل لو درى"
خالد:"أنتي ماشفتي أمل تو معصبه علي ليش أدخل"
بدرية:"عشان كذاصوتها كان عالي"
خالد : "ههههههه لا وقعدت اسب بسمة ....وهي ارتفع ضغطها "
بدريه :" حراام عليك "
خالد:"كنت أبغى أقهر أمل"
بدرية:" طيب ايش كانشعورك أنت وهي لما شفتوا بعض"
خالد :"هههههه .... هي شوي وتصيح يوم شافتني "
بدرية :" وأنت ايش كان شعورك"
خالد وهو يتذكر :" عادي جدا "
بدرية :" خالد بعد فتره بتبدى الامتحانات رح رزها مره أقل شي أجبر بخاطر البنيه
حسسهاباهميتها و عودها عليك "
خالد وهو يفكر:" يصير خير"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
عبير :" قلت لك يبه ما أبيه ""
أبو محمد :" الرجال ما ينرد ليش ترفضينه "
عبير :" لاني ... ما أبيه "
أبو محمد :" إذاتفكرين في ولد خالتك خلاص تزوج "
عبير مقاطعه :" أنا ما أفكر في الزواج الحين "
أبو محمد :" ياعبير..."
أم محمد مقاطعه لانه ملت من هالسالفه اللي الرفضأكيد هو الرد من عبير:" مارحت للحين لابو فيصل"
أبو محمد :" ما رحت للحين يقولمحمد باقي ماردوا عليه .....ياكرهي لعيلتهم مسوين فيها شرفاء ....وأنه أخوانمترابطين ..."
أم محمد :" هذا اللي مقويهم ترابطهم "
أبو محمد:"ما علينا منهم ... أنتي ياعبير فكري زين في اللي قلت لك"
عبير:"شف يا أبوي بصريح العباره غيرخالد ماراح أتزوج"
أبو محمد:"يابنتي خالد الان متزوج"
عبير بدلعهاالزايد:"أنت اللي فسخت خطبتي منه شف لك حل يرجع خالد لي"
وقامت تركض لغرفتها وهيزعلانه....
أبو محمد:"تسرعت يا أم محمد في فسخ خطبة عبير وخالد"
أم محمد:"قلتمن أول وما أحد سمعني"
أبو محمد:"لازم أدور حل"
أم محمد:"لا تعب نفسك لانهمافي حل"
أبو محمد وهو يفكر:"فيه حل ممكن يصلح اللي انكسر"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كانوا جالسين في بيت أبو فيصل كعادتهم مثلهالوقت لازم يجتمعون....
أبو خالد:"يعني قررت ترجع العنود لمحمد"
أبوفيصل:"للحين ماقررت شي لان العنود ماعطتني ردها"
أبو ناصر:"هو محمد اش اللي غيرهعليها فجأه"
أبو فيصل على أنه مايخبي عن أخونه شي بس حس أن الموضوع هذا منالافضل ما أحد يدري عنه:"تدري من هالمشاكل اللي تصير في البيوت"
أبو خالد:"بسمولدرجة أنه يمد يده عليها ويطلقها بدون سبب"
أبو فيصل :"ياخوي البيوت أسراروما أحد يدري عن اللي يصير فيها"
أبوخالد:"وأنت صادق...بس اللي صار بينك أنت وأبومحمد"
أبو فيصل:"اللي صار بسبب العنود ومحمد إذا تصالحوا ماله داعي احنا نوقف فيطريقهم"
أبو ناصر:"ماشاء الله عليك يا أبو فيصل "
أبو فيصل :"مريتوا علىالوالده "
أبو خالد:"اكيييييييد أحد يقدر مايمرها....خصوصا بعد ما انكسرت رجلهاصايره تزعل بسرعه"
أبو نا صر:"أي تزعل....من ملك خالد وهي فرحانه وتقول لو فيهاشده على الرقص كن رقصت"
أبو خالد :هههههههه الا متي بيفكون الجبس عنها ......."
أبو فيصل :" الاسبوع الجاي ..."
جدة خالد (ام عبد الرحمن ) كانتمحبة خالد عندها غير انقهرت أنها ما قدرت تحضر ملكته لانها طاحت وانكسرت رجلها ...ما كانت تحب عبير وأمها ...
أبو فيصل :" تصدق حسيت أن خالد بيهون"
أبوخالد :" لا هذا ولدي ... ما يكسر كلمتي "
أبو ناصر : " صدقت.... خالد ما شاءالله عليه .... "سكت لما دخل خالد وعيال عمه ....
فيصل : " اشفيكم ... بس دخلناسكتوا ... "
خالد : "أكيد يحشون في أحد ... "
فهد : " من بيكون غيرك لانكالان حديث الساعه ... "
أبو فيصل : ههههههه .... خالد ايش كانت تبغى منك أمي يومنادتك ...
خالد : " فتحت معي تحقيق ...ايش اسم عروستك ....ومن هي بنته ...وأوصفلي شكلها... "
فهد : " طيب .....ايش قلت لها..... وركز على وصف الشكل الله يخليك ... "
رمى خالد عليه المخده اللي كانت قريبه منه وكان الجميع يضحك ....
خالد : " ترى أن قمت بوصف لك شكلها مضبوط "
فهد : " لا .... وليش التعب ولد عمي ...هونت لا توصف شكلها ... "
خالد : " ههههههههه ...كذا أبغاك .. "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كانت سهرانه يوم الاربعاء طول الليل ومانامت إلامتأخره وصحت الخميس مبكره ...والتهت طول النهار ...بعد صلاة العشاء ما قدرتتقاوم دخلت غرفتها وحطت راسها على المخده ...وغفت عينها ...انتبهت على احد يهزكتفها ...فتحت عينها بصعوبه ..وشافت سحر ...
سحر : " بسمة قومي بسرعه "
رجعتغمضت عيونها : "سحر والله ميته تعب خليني أنام ساعه "
سحر : "أقول قومي جاك ضيوف "
بسمة : "إذا أمل خليها تطلع "
سحر : " لا مو أمل "
بسمة : ......
سحر : " اللي جا خااااالد"
انتفضت سحر في السرير وجلست : " أي خالد "
سحر : " هههههههه كم خالد تعرفين "
بسمة : "ياويلي ...هذا ايش جابه "
سحر : "يالله قومي لا تضيعين وقت "
بسمة : "افففف أنا ناقصه اللحين زيارته "
سحر : " أقول قومي لا يجي أبوي ينزلك بشكل ذا "
بسمة : "عمي معاه "
سحر بنفاد صبر : "ايه ....ياللا عجلي .. "
.قامت بسمة وهي مرتبكه موعارفه وين تروح ..
سحر : "انتي روحي الحمام....أكون أنا جهزت لك لبسك .... "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
حيا الله خالد ...وينك ما عاد أحد شافك ...
خالد : " تدري ياعمي التهيت في هالدنيا "
أبو عبد العزيز : " واشلون أبوكوعمامك"
خالد : " طيبن الله يسلمك "
سمعوا احد يطق الباب ...
أبو عبدالعزيز : " أدخلي يابسمة ما أحد غريب "
دخلت بسمة وهي مرتبكة ...وما هي قادرة ترفع عيونها من الارض وحاولت تتحكم في نفسها ورفعت نظرها وشافته يناظرها وهومبتسم ...
بسمة : "السلام عليكم "
خالد وأبو عبد العزيز : "وعليكم السلام ... "
مدت يدها تسلم عليه : " كيف الحال .. "
خالد : " بخير الله يسلمك ..اشلونكانتي "
بسمة : "الحمد لله"
أبو عبد العزيز : " عن أذنك ياخالد أنا بدخل أرتاحشوي "
خالد : "خذ راحتك"
بعد ماطلع عمها ....ارتبكت زياده ... جلسوا وقت وهوساكتين ...
وانتبهت أنه مخلص فنجان القهوه : " أصب لك قهوة"
خالد :ايه... صبي قهوه ... "
كانت يدها ترتجف وهي تصب القهوه بالذات وهي حاسه أنها يراقبها ...
خالد : " شوي ..شوي ..لا تحرقين يدك "
انقهرت منه ....وهي منحنيه تعطيهالفنجان انفك المشبك اللي كان ماسك شعرها وطاح شعرها على الجنب ...انحرجت وانحنتعلى الارض عشان تاخذ المشبك.... لما رفعت راسها شافت على وجهه ابتسامت سخريه كأنهاقاصده أنها تفك شعرها ...راحت جلست بعيد عنه وحبت تهاجمه قبل لا يتكلم ...
بسمة:"شكل عينك حاره قول ماشاء الله بغيت تكسر المشبك "
خالد : " أنا اللي عينيحاره.... وإلا حركات بنات ....صدقيني عارف أن شعرك ناعم وطويل من غير ما تفكينه "
بسمة حبت تقهره : " فتره بسيطه إن شاء الله واقصه "
خالد : " ياويلك لوقصيتيه "
بسمة:"قص الشعر حريه شخصيه "
خالد:"لا مهي حريه شخصيه لازم الحرمهتستأذن زوجها......صح"
بسمة بضيق:"إذا أنت تشوفه صح فهو... صح"
خالد وهويبتسم:"برافو عليك....اشلون ثالث معاك"
بسمة :"تمام....."
خالد:"تصدقين أنتمن جد صغيرة..."
بسمة:"لا أنا المفروض أولى جامعة"
خالد:"هههههه حتى لو أولىجامعة صغيرة..."
بسمة حبت تغير الموضوع : "اشلون أمك وأبوك "
خالد : " ماعليهم طيبن ويسلمون عليك"
بسمة : "الله يسلمهم "
خالد : " ويسلمني بعد ....اشفيك قاعده بعيد ...اقربي شوي ترى ما أكل لحوم البشر "
بسمة : "لا أنامرتاحه كذا "
خالد : " بس أنا مو مرتاح.... وإلا أنتي أنانيه ما تفكرين إلافينفسك "
انقهرت بسمة منه قالت في خاطرها هذا أسلوبه معها في أول زيارة الله يستر
من بعدين ....
بسمة : "وليش ما تكون أنت الاناني اللي ماتدور راحتغيرك"
خالد : " هههههه تدرين شكلنا اثنينا أنانيين عشان كذا أنا بجي بجنبك "
وقفت بسمة : " والله أن قربت لأطلع برى"
خالد : "هههه لهالدرجة الخوف "
بسمة : " لا بس ..."
وقف خالد : " أصلا أنا طالع الحين "
قرب من بسمةوكان في يده كيس وحب يقهرها ولمس خدها : " أعطيك رقم جوالي تدقين لما تكونين فاضيه "
نزلت يده بقوة : " لا لا تعطيني لاني بصراحه مشغوله عندي امتحانات "
خالد:"اشفيك دايم أنتي عدائيه كذا "
بسمه : "أنا العدائيه ولا أنت اللي تتهجم بالكلامعلى الناس "
خالد وهويتلفت : "أي ناس ....أنا ما أشوف إلا زوجتي"
قرب منهازيادة ورجعت لورى ....ابتسم لما شاف ردت فعلها ...
خالد وهو يمد يده بالكيس : " هذي هديه بسيطه لك"
بسمة:"بدون نفس مشكور"
خالد:" يالله أنا طالع تأمرين شي ..."
بسمة بعصبية : "لااااا"
خالد :"الناس يقولون مايامر عليك عدو ....يقولونسلامتك ....مو (وهو يقلدها ) لاااا"
بسمة وهي تقلد حركته :" أي ناس ... أنا ماأشوف إلا زوجي ..."
خالد :"ههههههه تملكين روح الدعابه ..."
بسمة بضيق :" قليلا مما عندكم ..."
ابتسم ومر من جنبها وما حاول يقرب منها :" وإذا بغيتي رقميتلاقينه عند بدرية مع السلامة...."
بسمة :" مع السلامة "
أول ما طلع جلست تبغى تهدى شوي وبعدين تطلع ...
سحر : "ها ... أكلمك"
بسمة : " سحر متي دخلتي "
سحر : " من أول ما طلع ...أكلمك وأنتي في عالم ثاني "
بسمةبشرود : " ما انتبهت "
سحر : " قولي لي اللي صاااار بتفصيل الممل "
حكت لسحركل اللي صار ...
سحر : " ههههههههه "
بسمة : " وش اللي يضحكك"
سحر : " بستراك كنتي شوي جريئه...المفروض تحكمتي في أعصابك ....وانتبهتي لكلامك "
بسمة:"ما أدري أيش جاني توقعت ...أرتبك لما أشوفه ... وما أقدر حتى الرد أرد ...بس نرفزنيوطلعني من طوري "
سكتت بسمة شوي : " تصدقين حسيت أول ما طلع أني أكرهه... "
سحر : "ههههه ....علماء النفس يقولون أقوى أنواع الحب يجي بعد الكرهالشديد"
بسمة: " أنا راضيه باضعف أنواع الحب بس يحصل ...بعدين منهم علماء النفساللي قريتي لهم"
سحر : "يعني لازم من الاحراج ....عديها واللي يرحم والديك .. "
بسمة : " نعديها ...عشان خاطرك "
سحر : "مشكووووووووره"
بسمة بضيق : " بس بالله عليك ...كلامه لي كلام واحد أول مره يزور زوجته "
سحر : " تراك أنتي ماقصرتي فيه "
بسمة : " هو السبب"
سحر : " طيب خلي عنك ...أنه نرفزك وعصبك ...ما حسيتي تجاهه بشي "
تنهدت بسمة بعمق : "حسيت بخوف "
سحر وهي رافعهحواجبها : " خوووووف "
بسمة : " أخاف أني أحبه وأتعلق فيه"
سحر وهي تحط يدهاعلى جبهة بسمة : " الحمد لله والشكر... شكلها مريضه بنت عمي... فيه وحده تخاف تحبزوجها "
بسمة : "ايه أخاف ...... أخاف أكون ألعب بنار وما تحرق إلا أصابعي "
ماردت بسمة وسرحت وهي تتمنى تكون باختيارها خالد تكون اختارت الصح .....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
وهوقاعد مع ولد عمه مع الشباب ....انتبه فهد لهأنه قاعد بعيد عنهم شوي ...
راح وجلس بجنبه ...
فهد : "اللي ما خذ عقلك يتهنىبه "
خالد وهو يأشر على التلفزيون : " تصدق حلو هالفيلم "
فهد : "ههههه علينا ....طيب ايش قصته "
خالد وهو يضحك : " تابعه وأنت تعرف "
فهد : " ما علينا منالفيلم ...يقولون أنك قبل يومين زرت بعض الناس"
خالد : "هههههه يا أخي أبوي مايخبي شي أبد "
فهد : " ايه تدري يتجمعون هالشياب وما عندهم إلا احنا يالضعوفمادة دسمة للحديث . "
خالد : " وبما أني حديث الساعه على قولتك ...فما عندهم إلاأنا "
فهد : " هههههه عليك نور"
خالد : "يالله عقبال ما تصير أنت حديثالساعه"
فهد : " أقول لا تغير السالفه ...الظاهر من السرحان اللي تو ان الحبيبوقع ولا أحد سمى عليه ...(وهو يغمز له )حسيت بالحب يجري في عروقك"
خالد : " أيحب واللي يرحم والديك ...الحب مرة وحدة في الحياة"
فهد : " غلطان ياولد عمي ...وبعدين كم مره قلت لك البنت مالها ذنب فلا تظلمها "
خالد وهوعاقد حواجبه : " ومن قال لك أني بظلمها ...بتعيش معي معززه مكرمه بس مولازم أحبها "
فهد : "طيبانطباعاتك عن الزياره "
خالد وهويفكر : "تصدق أول ما أحب طاريها ....الحين مادريصارت عادي بالنسبه لي يعني ما أعصب لما أتذكرها"
فهد وهو يبتسم : " إن شاء اللهتصير تفرح لما تذكرها من الحب"
خالد:"تطمح في كثير ياولد عمي"