الجزء الخامس..
ماصدقت تروح أمل عند أبلة الكيمياءتسألها شوية أسأله....كانت تبغى تتكلم مع دلال اللي بتاخذ معها راحتهاأكثر....
بسمه:"تصدقين يادلال حتى النوم ماأتهنى فيه"
دلال:"وليه.... يابعدعمري"
بسمة:"من كثر ما أفكر...."
دلال:"وكلي أمرك للكريم....وإن شاء اللهالقرار اللي إتخذتيه هو الصح"
بسمة:"ياخوفي يادلال أكون تسرعت"
دلال:"لا إنشاء الله ....كوني متفأله...وبعدين أنتي حسبتيها في عقلك وشفتي أن خالد هوالأفضل"
بسمة:"أخاف أني ماحسبتها صح"
دلال:"بسمة أشفيك...ليش كلهالخوف"
بسمة:"ما أدري قلبي مقبوض"
دلال:"أكيد بيكون مقبوض إذا هذا هوتفكيرك"
بسمة:"أيش أسوي غصبا علي"
دلال:"تدرين...روحي لعمك وقولي ما أبغى خالدزوجني الشايب اللي جبته لي"
بسمة وهي تبتسم بمراره:"كان يموتني لو قلتكذا....أنا ما يحق لي الاختيار بينهم هو الوحيد اللي يحق له حقالاختيار"
دلال:"المفروض هالشي يخفف عنك اللي تسوينه في نفسك لانكماأخترتي..."
بسمة:"بس ياحلوه....خالد لو ما وافقت ماخطب منالاساس"
دلال:"ترى زهقت منك أجيك يمين تجين شمال.... وأجيك شمال تجينيمين..."
بسمة:"أنا يادلال لما أتكلم معاك كأني أكلم نفسي بصوتمسموع"
دلال:"الله يعين نفسك عليك إذا دايم كذا"
بسمة:"لا ماكنت كذا بس منجوا هالخطاب اللي كل واحد انحس من الثاني"
دلال:"حرااام عليك لا تقارنينبينهم"
بسمة:"صحيح مافيه مقارنه بس..."
قاطعتها دلال:"بس شو أنتيووجهك..."
بسمة:" نسيتي لما كانت أمل تحكي عن خالد وقصة حبه لبنتخالته"
دلال:"ما نسيت بس تاكدي أنه ماوافق يخطب إلا وعنده استعداد يبدأ حياةجديده"
بسمة:"ياليت الامور بهالسهوله"
دلال:"وبعدين تعالي الحين عمك خلاصوافق على خالد"
بسمة:"حسب معلوماتي البسيطه...لا"
دلال وهي تشدها منأذنها:"للحين يالظالمه ومسويه لي هالازعاج كله"
بسمة:"ههههههه شفتي أنا ماقلت لكأني أعتبرك نفسي"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــ
ما صدقعيونه لما شافه واقف عند مكتب أبوه اتجه له والشرريطلع من عيونه...
فيصل:"لك وجهتجي عقب كل اللي سويته"
محمد " يافيصل أنا...:"
فيصل:"أنت نذلو..."
محمد:"ياخي أنا جاي أقابل الوالد..."
فيصل:"أطلع برى لا أرتكب فيكجريمه"
محمد:"يا أخي عطني فرصه أتكلم"
فيصل:"ولك وجه تتكلمبعد"
محمد:"يا... "
فيصل:"أطلع برى.."
أبو فيصل:"فييييييصل"
انتبه فيصلعلى أبوه اللي الظاهر سمع كل شي من مكتبه"
فيصل:"هلا يبه ....شفت"
قاطعهأبوه"إيه شفت كل شي ولو سمعت رح مكتبك الحين"
طلع فيصل وهو معصب من تدخل أبوهاللي ماجا في صالحه...
وقف محمد قدام عمه وهو مستحي منه دايم كان يحترم عمه لاناللي صارخلى ماله وجه يتطلع بعمه...
محمد:"بغيت ياعم أبو فيصل أكلمك فيموضوع"
أبو فيصل:"لو جيتني في البيت مهو أحسن"
محمد:"بغيت أكلمك على إنفرادوحسيت أنه في مكتبك بناخذ راحتنا اكثر"
أبو فيصل:"طيب تفضل يامحمد في المكتبحياك..."
استحى محمد زود من سعة صدر الرجل وقدرته على التحكم في أعصابه....برغمكل اللي صار..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــ
قاعد هو ومرته وسحر في الصاله بعد ماطلعوا عيالهملمدارسهم....
أبو عبد العزيز:"صعب اللي تقولينه ياأم عبد العزيز"
أم عبدالعزيز:"وليش صعب....قول مخطوبه..."
أبو عبد العزيز:"تحسين هذا نسب ينرد"
أمعبد العزيز:"ايه وأنت ياحظي ايش بتحصل من هالنسب من تتزوج بسمة حتى والله ماتطل عليكمن هالباب"
أبو عبد العزيز:"تتوقعين كذا..."
أم عبدالعزيز:"أكيد..."
سحر:"بس حرام عليكم تضيعون مستقبلها مع واحد كبر أبوها"
أبوعبد العزيز:"ومن قالك بيضيع مستقبلها وبعدين الرجال مايعيبه عمره"
حست أن أسلوبالاستعطاف ماراح ينفع مع أهلها ولازم تكلمهم بعقليتهم"
سحر:"صدقوني بسنه ماراحتنسى أهلها"
أم عبد العزيز:"من زين معاملتنا "
قالت في خاطرها حسنوا معاملتكملها مادامكم دارين...
سحر:"طيب يبه لو مااستفدت منهم ماديا ...اكيد بتستفيدمعنويا"
بان الاهتمام على وجه أبوها:"اشلون"
سحر:"أنت تشتغل في العقار...ولماينتشر في السوق أن عايلة خالد بغناها ونفوذها ناسبتك هالشي بيقوي إسمك فيالسوق..."
أبو عبد العزيز:"صدقتي هم أملاكهم كثيرة وممكن الواحد يحصل من وراهمكم من صفقه..."
سحر:"وحتى لو ما استفدت منهم بتستفيد من غيرهم لما يعرفونانسابك"
أم عبد العزيز:"ما أاتوقع تستفيد من وراهم شي.."
سحر:"وحتى يبهلو.....ما تخاف لو ترفض خالد أنهم يدمرونك في السوق..."
جلس يفكر في كلام بنتهوأم عبد العزيز تناظر بنتها وتقول في خاطرها عرفتي كيف تقنعين أبوكياسحر........
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــ
كان جالس بعد مادخلوا المكتب يسمع له ولا يعلق على كلامه وملامحوجهه ماتبين أيش قاعد يفكر فيه...
محمد:"ياعمي تراك تصعب الكلام علي"
أبوفيصل:"طيب أنا قاعد اسمعك"
محمد:"ايه...بس رد علي هاوشني كسر الكرسي على راسي بسلا تناظرني بها لنظرات"
أبو فيصل:"يعني عارف أن اللي سويته موسهل"
محمد:"لاوالله مو سهل وأنا طلعت من المستشفى وجيتك على طول...حتى قبل ما أروح لأهلي"
أبوفيصل:"العنود كانت تدري"
نزل محمدراسه:"ايه ..."
أبو فيصل في خاطره أنا اشهدأنك أصيله يالعنود اللي حتى بعد ماطلقك مافضحتيه...
أبو فيصل:"من متى وأنتتتعاطى"
تنهدمحمد:"من ست شهور"
أبو فيصل:"أنت يامحمد عاقل طول حياتك ويوم وصلعمرك36سنه تنحرف"
محمد:"ياعمي الانحراف ماله عمر"
أبو فيصل:"صحيح بسالمراهقين تقول عقولهم صغيره بس أنت وين كان عقلك.."
محمد:"عقلي غاب من يومماشيت شلة فساد"
أبو فيصل:"والحين تركتهم..."
محمد:"عقب اللي صارتركتهم ورحتالمستشفى حتى تطلع السموم من جسمي.."
أبو فيصل:"شهرين تكفي جسمك تطلع منهالسموم"
محمد:"العلاج يعتمد على تصيم ورغبة المريض في الشفاء وقوةعزيمه...والحمد لله ماطلعت الا لما تاكدت أن جسمي تخلص من كل اللي فيه"
ابوفيصل:"واشلون أتطمن على بنتي معك"
محمد:"تكفي ياعم لاتحرمني من عياليومرتي"
ابو فيصل:"ما عاد هي مرتك"
نزل راسه وما قدر يرد عيه....
ابوفيصل:"شوف يامحمد أنا إبسأل عنك وإذا تاكدت إنك تستاهل أرد لك بنتي بشاورهااااوأشوف...."
محمد:"الله لا يحرمنا منك يا أبو فيصل...بس ياليت ما أحد يدري حتىاهلي"
ابو فيصل:"أنا احرص منك أنه ما أحديدري"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــ
كان قاعديقرا الجريده وأهله حوله يسولفون...
ريم:"خالد اشوف اللي خطبت عندهم ما ردواللحين...
خالد بلا مباله:"ها....لا ما ردوا..."
وهو في خاطره إن شاء اللهمايردون...
ريم:"كم لك الحين من خطبت عنهم..."
خالد بنفاذ صبر:"تراك ازعجتينيما أدري يمكن أسبوع"
ريم:"أسبوووع ....مسوين ثقيلين بالحيل"
أبو خالد:"ايهأكيد لازم يسألون ويشاورون هذا زواج مهو لعبه"
ريم:"أش يسألون مالتعليهم..."
أبو خالد:"ريييييم تكلمي بادب..."
وسمت لما سمع صوت الجوال وبانالاهتمام في عيونه لما شاف الرقم
:"هلا والله ومرحبا..."
:"الله يسلمكبخير...اشلونكم واشلون الاهل..."
:"الحمد لله........لا ماتاخرت وهذا منحقك"
:"الله يبشرك بالخير....ويبارك في عمرك"
انتبه خالد وحس أن الموضوعيهمه....
:"شف طال عمرك أذا ماعندك مانع الملكه نبيها الاسبوع الجاي..."
حطخالد يده على راسه وهو يأشر لابوه...
:"وتدري بعد لازم أنهم يشوفون بعض قبلالملكه..."
وسكت لما شاف خالد يأشر أنه مايبغى يشوفها...
:"بس تدري مادام أنالملكه بعد أسبوع ماله داعي..."
:"على خير....الله يسلمك"
:"معالسلامه"
كان خالد يحاول يتمالك أبوه...
خالد:"يبهالله يهديك تراك استعجلت.."
أبو خالد:"لا مااستعجلت...وبعدين ليه ماتبغى تشوفالبنت"
خالد:"ماأبغى أشوفها يعني الحين شوفتي لوجها بتحببني فيها"
وقام وهومعصب وزعلان على استعجال أبوه...
أم خالد:"الله يهديك ترى خالد صادقاستعجلت..."
أبو خالدبضيق:"لا...مااستعجلت..."
ريم:"ليه يوم كان خاطبعبيرالملكه تحددت بعد الامتحانات وذي حددتوها بسرعه"
أبوخالد:"لأن الست عبيرمارضيت إلابعد الإمتحانات عشان تجهز نفسها كأنه زواج مهو ملكه"
ريم:"أكيد لازمتجهز نفسها مهو هالفقارى اللي ماصدقوا"
ابو خالدبعصبيه:"رييييييييييم أنماتادبتي وأنتي تتكلمين عن الناس لاتلومين الانفسك الفقر مهو عيب"
ريم وهي تحاولتمتص غضب أبوها:"صحيح يبه الفقر مهو عيب"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــ
كان قاعد مع ولد عمه الليلما طلع من عند أهله وهو معصب ما تذكر إلا هو....
فهد:"يعني مطلعني من البيت عشانتقعد تقابلني ساكت......
خالد:"ياأخي رفع أبوي َضغطي لما حدد كل شي بدونمايشاورني"
فهد:"ياأخي أنت مكبر الموضوع"
خالد:"اشلون مكبرالموضووووع؟؟؟؟"
فهد:"يعني الملكه بتصير اليوم ولا بكره ايش الفرق إلا إذا أنتناوي تهون"
خالد:"لا ماني مهون بس يخلوني أتعود على أني خاطب غير اللي أحب مهوعلى طول ملكه"
فهد:"ياشيخ وسع صدرك وفكر في الناحيه المشرقه فيالموضوع"
خالد:"وين الناحيه المشرقه اللي ماني شايفها"
فهد:"أنك بتتزوج هذيالناحيه المشرقه"
فهد:"اسمع ياخالد أنت فكر في بنت الناس اللي مالها ذنب في ايشي "
خالد:"وأنا أش ذنبي أتورط في هالزواج"
فهد:"ذنبك أن أبوك يحبك ويبغىيزوجك ....ياخوي بادلني وخذ أبوي وأخذ أبوك"
ضحك خالد غصب عنه:"لا ...إلاأبوي....سوووري ما أقدر"
خالد:"بعذرك ياخي أبوك حبيب ....أبوي الله يحفظه يقعدساكت طول الوقت وإذا خلصت كلامي عطاني كلمتين يحبهاقلبك"
خالد:"ماينلام..."
فهد:"المهم مثل ماوصيتك بنت الناس مالهاذنب"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
انتشر خبر الخطوبه في العايله ...أم خالد وساره تمنوالخالد التوفيق
ريم زعلت وما إعجبها ان بسمه تكون مرة أخوها ...أما عبير وأمهاماتوا قهر ...
أما خالد حاول يتعايش مع الموضوع وكان مستحيييل يتراجعالحين......بسمة كانت مشاعرها متضاربة ...عمها وأهله تحسنت معاملتهم لها بسبب وجودسحر وبسبب الخطبة ...أكثر من فرح بدرية وبناتها اللي حسوا أن أنسب وحده لخالد هيبسمة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــ
كانت ريمعند بنت خالتها ...
عبير : "حرااااام على خالد "
ريم : "لا تلومينه ..........هو وافق علشان خاطر أبوي ..."
عبير:"أنا حتى خطوبتي أقنعت أبوي ورفضاللي تقدم لي"
على أنها نادر ماتخبي عن عبير شي بس ماحبت تقول لها أنه ماكان فيهخطوبه من الاساس
ريم:"لو درى خالد من أول كان يمكن ماطاع أبوي"وهي في نفسهامتأكده أن أبوها يخطب عبير لخالد عقب طلاق العنود بنت عمها...
عبير:"قولي لهيمكن يقدر يسوي شي"
ريم:"بحاول ولو أنه ماعاد فيه وقت"
عبير : "صدق أن الملكهبكره ..."
ريم :"إيه ...تصدقين لو ما أخاف خالد يزعل مارحت ..."
عبير :"وليشماتروحين أنا لو تطيع أمي بجي ..."
ريم : "أنا مكانك ما أجي ..."
عبير بضيق : "ماعليك مني الحين ....بسمة حلوه .."
ريم :"إيه حلوه ........بس من أول وأناماطيقها....... والحين زاد كرهي لها ....."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كانت متوترهوالكوفيره تخلص لمساتها الأخيرة ....
الكوفيره : "لك شو هيدا الجمال كله ..."
سحر :" قولي ماشاء الله لا تنظلين البنيه ..."
الكوفيره : "ماشاء الله ...بس شو معنى تنظلين ..."
سحر :" ههههههه سلامتك مالها معنى ..."
الكوفيره :" هنياله هالعريس ..."
سحر : "اشفيك يابسمة متوتره .."
بسمة:" ميته خوفيسحر..."
سحر : "عادي هذا شعور طبيعي ..."
بسمة :"أي طبيعي وأنا أحس قلبي منقوة مايرقع بيطلع من صدري ...."
دخلت هند وتفاجأت لما شافت بسمة بس ماحبت تعلق ....
هند :"هذا الدفتر وقعي عليه ... "
أخذت سحر الدفتر وعطت بسمه القلم ...
بسمه اللي كانت يدها ترتجف :"أحس أني ما أقدر ..."
سحر :"يالله بلا دلعقولي بسم الله وقعي..."
وقعت بسمة بعد معاناه وهند طالعه بالدفتر كانت أملداخله...
أمل : "أقول ماشفتوا بسمة ...."
بسمة : هههههههههه ...
أمل : "أقول سحر من الحلوه اللي تضحك..."
سحر :"هذي الله يسلمك حرم السيد خالد بن محمد ...."
أمل : "أنا خابره أنه بيتزوج بسمة حرام عليه بيحطمها كذا .."
بسمة:"أمل ترى زهقتيني ..."
أمل : "من كلمك أنتي أنا أدور صديقتي ...."
بسمة:"أقول أمل اطلعي برى بيتنا ..."
أمل : "ههههههههه فيها طلعه ...لا هونت ماعادأمزح مع عرايس ..."
راحت لصديقتها وسلمت عليها ...ألف مبروك ياأحلى بسمة ...
بسمة: "الله يبارك في عمرك ...."
أمل :" وفري هالارتباك ...لماتشوفين حبيب القلب ..."
بسمة : "ومن قال أني بشوفه ..."
أمل : "مو على كيفكياحلوه...."
بسمة :" والله استحي ...."
أمل :"عادي بدخل معاك ..."
سحر:"ياللا يابسمة أمي اتصلت تقول انزلوا تحت ..."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
فهد :"مبروك ياعريس "
خالد : "الله يبارك في عمرك ...عقبالك .."
فهد : "لا تونيأبغى استمتع في حياتي ...خلك أنت يالمسكين...وبعدين يا أخي إبتسم شوي ياللطيف شكلكيخرع لا تدخل عليها كذا تنتحر البنيه ... "
خالد :هههههههههههه وهذي ضحكه علشانك ..."
ناصر :" مبروك ياعريس .."
خالد : "الله يبارك فيك ..."
ناصر : "اكيدالحين تبي تدخل تشوف بعض الناس ..."
فهد : "أنا أش مقعدي بجنبه ...أخاف من كثرالشوق يفضحنا ويدخل حتى بدون أذن صاحب البيت ..."
خالد : "ههههههههه أفضحكم ها ...أشوف فيك يوم ياولد عمي ..."
فهد : "هههههههههه إذا مثل يومك الله يسمع منك ..."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــ
أولمادخلت الكل إنبهر من جمالها ونعومتها...وكان الحيا اللي يطل من عيونا يزيدها جمالعلى جمالها ....أول ما جلست راحت أم خالد و بدرية وساره يسلمون عليها ويباركون لها ...بدرية كانت فرحانه واللي كدر فرحتها شوفتها لعبير وأمها اللي منالحضور...
عبير كانت نظرات الغيره تطل من عيونها ...
عبير : ريم حرام عليك ذيمو حلوه وبس إلا ملكة جمال ...
ريم :بس أنتي احلى
عبير بفخر : أكيد أانا أحلى ....بس ما توقعتها بهالجمال ...
ريم : أي جمال واللي يعافيك وأنا ما أشوفه ..
عبير:واضح من بيتهم أن حالتهم الماده ضعيفه"
ريم:"إيه...ما أدري أشلونعايشين"
عبير:"أحس بيتهم يشبه بيت أختك بدرية"
ريم :"حرام عليك بيت بدرية "
عبير مقاطعه:"أنا أقول الحقيقة الظاهر أهلك مايهتمون في الحاله المادية....كانأبوك ما زوج عبد الله....ولا خطب لخالد من هالبيت"
ريم:"ترى عبدالله حالتهالمادية ماعليها جيدة"
عبير حبت تغير الموضوع:" خالد أكيد بيدخل ..."
ريم : "ما أدري ...بس أنت أشلون أقتعتي أمك تجين"
عبير:"تعبت إلين اقتنعت وأكثر شيخلاها توافق لما درت أن الملكه عائليه وما فيهأحد"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــ
رهفكانت عند بسمة وتسولف معها ...
رهف :" تبغين تشوفين عبير ...اللي كانت خطيبةخالي خالد "
بسمة : "إيه أبغى أشوفها ..."
رهف : "شوفيها اللي قاعده مع خالتيريم ولابسه أسود ..."
رفعت نظرهها والتقت نظراتهم وشافت نظرات حقد وغيره ...قالتفي خاطرها بعذره يحبها عمري ماشفت أحلى منها .......
أما بدرية كانت ما تبغى خالديدخل عند الحريم بسبب وجود عبير اللي أكيد ماراح يحلى لها السلام على بسمة إلا لمايكون خالد بجنبها عشان كذا نسقت مع أم عبد العزيز أنهم يدخلون بسمة المجلس الصغيرويدخل خالد هناك من غير ما يمر على الحريم .....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــ
-"تصدقياخالد اليوم أسعد يوم في حياتي ..."
إبتسم خالد لابوه: "أسعد من يوم تزوجتالمزيونه أمي ..."
أبو خالد : "أسعد بكثييييير..."
خالد :" طيب واللي يعلمأمي .".
أبو خالد :" أفا عليك وأنا ابوك ...بعدين تعال أنت محد يمزح معك ..."
خالد :ههههههه...
جاهم أبو عبد العزيز :"خلاص ياأبو خالد إذا بيدخل خالد ..."
خالد في خاطره ومنسق لكل شي ياأبو خالد انا أشهد أنه أسعد يوم فيحياتك...
أبو خالد :" يالله ياخالد ندخل ..."
أبو عبد العزيز :بيدخل معك عبدالعزيز لأن أهلك عند بسمة وما أبغى أضايقهم ...
وهو في الطريق حاس بتوتر ويحاوليتظاهر بالفرح عشان اللي حوله....
أول ما دخل ما شافها لأنه كان يمشي ورى أبوهاللي مغطى عليهاوخواته أول ما شافوه قاموا يسلمون عليه ويباركون له إلاريم الليقاعده تراقب....
يوم التفت عليها كان أبوه سلم عليها وجلس ..ما توقعها بهالجمال ...قرب منها وكانت منزله راسها للارض مد يده لها ...
-"مبروك ..."
بسمة : "الله يبارك فيك ..."
جلس بجنبها وهو لازل ماسك يدها وهي مستحيه ...انتبه وفكيده....
رهف :" أحلى ثنائي قد شفتهم في حياتي ...."
أبو خالد وهو مبتسم :" أنا أشهد أنك صادقه..."
مازن : "أنا زعلان منك يابسمة ....."
بسمة وهي تناظرهبحنان :"ليش ..."
مازن : " كنتي خطيبتي ليش توافقين على خالي ..."
بسمة :" أنت ماخطبتني ...الظاهر ما أعجبت أمك ..."
أبو خالد: "لو ما أعجبتيها ماكان ...خطبتك لخالد ...."
استحت يوم رد أبوخالد ....
أبو خالد :" ياللا أنااستئذن وانتو بعد خلو العرسان يجلسون لوحدهم شوي ..."
ابتسم لبسمة : "مبروكيابنيتي ....صادقه بدرية يوم تقول تدخلين القلب من نظره...."
وطلع وهو حاسبسعاده ...
انتبه خالد لريم اللي قاعده وساكته:"اشفيك ياريم حتى مبروك ما سمعتهامنك ..."
ريم بدون نفس : "مبروك ..."
خالد : "اشين مبروك سمعتها اليوم .."
أمل :"ما عليك منها ياخالي ....شكل فيها النوم ..."
ريم :" لا مافيني نومبس متضايقه من ناس ما أحبهم"
بسمة حست أنها المقصوده ياربي ايش بيني وبينها حتىتعاملني بهالطريقه ...
رهف :"لاتنسى ياخالي اللي وعدتني ..."
خالد وهو يفكر : "أي وعد ذكريني ..."
رهف :" مسرع نسيت ما عليه أذكرك ...البنت الاولى اسمها رهف ....عشان نناديك ابو رهف ..."
انحرجت بسمة انتبه خالد وحب يحرجها زياده ...
خالد:" ههههههه خلي البنت تجي اول وعقب يصير خير..... بس أن شاء الله تطلعحلوه على أمها ..."
بسمه انقهرت من أسلوبه اللي يبغى يحرجها وهي مهي ناقصه ...
أمل :" المهم خالي ما أوصيك على بسمه تراها غاااااااااليه..."
رهف :" وأنا بعد ما أوصيك عليها .."
خالد :"لا توصون حريص ....بس عاد أحد يوصيها علي ..."
أم خالد : "أنا أوصيها عليك ....ترى يابسمة ولدي غالي علي بالحيل ....ياويلاللي يزعله
حس خالد أن كلامات أمه قاسيه شوي
بسمة :"الله لا يجيب الزعلياخالتي ..."
بدرية :"عاد أنا يمه اسمحيلي بوصي خالد ( وهي تناظر بسمة بحنان) تراها ياخالد بنتي وبغلات أمل ورهف عندي ...ياويلك لو زعلتها ..."
بسمة لماسمعتها تقول كذا نزلت راسها ومسحت دمعه حاولت تخفيها عن الجميع
الوحيد الليانتبه لها هوخالد...
خالد :" اشفيكم اليوم شغالين تهديد ...عموما حاضر عمتي بنتكفي عيوني ..."
ساره : "أنا عاد أوصيكم اثنينكم على بعض .."
خالد :"هههه هذاالكلام الزين ..."
ريم وهي طالعه : "أنا بطلع لاني أحس الجو مخنوق هنا ..."
بدرية : "احنا جميع بنطلع معك لا يخنقنا خالد ..........."
خالد :"هههههه منيومك ذكية يابدرية ...."
وهم طالعين كانت أمل بجنب بسمه اللي مسكت يدها ....بسأمل فكت يدها بهدوء وطلعت معاهم ...
كانت بسمة منزله راسه وتناظر الارض خاصة وهيحاسه أنه قاعد يراقبها ...
كان خالد مهو عارف اش يقول بس لازم يتكلم ... وهو فيخاطره لو عبير ماكان قعدت
ساكت ماني عارف اش اقول بس انا لازم احاول انساها ....(وهو يتأمل بسمه )ايش ذنب بنت الناس أظلمها معاي ...
خالد :"اشلون الدراسهمعاك ...(حس انه سؤاله تافه")
بسمه : "تمام ..."
خالد :" ايش مسويه لبدريةوبناتها اللي يموتون فيك ..."
بسمه :" اللي مسويه أنت لهم ...."
خالد :" فيهشي في الارض؟؟ "
بسمه باستغراب :"في الارض..."
خالد : "ايه اشوفك ما رفعتينظرك عن الارض من يوم دخلت ....لا يكون في عيونك عيب ما تبغيني اشوفه ...."
رفعتعيونها والتقت نظرات عيونهم على طول استحت ونزلت نظرها ...لانه من دخل وهي تتحاشىالنظر له ....
قعد يسولف معها شوي بعدين استئذن وطلع ...
********************************************************
هند :"الله ....ياهدى... عمري ما شفت رجال في حلاته..."
هدى : "وانتي وين شفتيه ..."
هند : "وهو طالع من عند بسمة .....توقعت يطلع والضحكه تشق الوجه ...بس كانمهو مبين هو فرحان ولا زعلان ..."
هدى : "عرفت من مصادري الخاصه أنه يموت فيبنت خالته عبيراللي كانت خطيبته ...بس ما صار نصيب..."
هند :" صدق ... ياليتنيأشوف هالعبير ....."
هدى : "جات اليوم ما شفتيها ..."
هند : "لا ما شفتهاأوصفيها لي يمكن أ تذكر شكلها.........."
هدى :"من غير ما أوصفها لك... من أحلىوحده اليوم ؟؟"
هند وهي تفكر : "اللي لابسه اسود ...بصراحه تاخذ العقل ..."
هدى :"هههههههه هذي الله يسلمك اللي ماخذه عقل رجل بنت عمك ...."
كانت في غرفتها وتفكر في أحداث اليوم وتفكر في خالد .... الليصار زوجها ...
خالد أكيد كل بنت تتمناه وماكانت تحلم ولو حلم أنها تتزوج واحدمثلخالد.... المفروض أنه تكون فرحانه....بس للاسف تحس بمشاعر كثيره الفرح مهو بينهاكانت تحس بالخوف من حياتها مع خالد......بالحزن وبالحنين والشوق لاهلها تمنتهميكونون معها في هاليوم ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كان خالد في مكان ثاني يسترجعأحداث اليوم اللي ماكان فيها شي سعيد في نظره إلا الفرحه اللي شافها في عيون أبوه ....أما بسمه برغم جمالها ما حس ناحيتها باي شي وقال في خاطره أنا لما حبيت عبير ماحبيتها لجمالها حبيت ذكرياتي معاها ورقتها ونعومتها حتى وهي طفله كانت الوحيده الليأحبها .... وبعد ما تعلقت فيها وحبيتها بكل ما فيها يضيع هالحب فجأة..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
كيف تتوقعون حياه خالد وبسمه رح تكون؟؟؟
هل خالد رح ينسى عبير بسهوله ويحب بسمه؟؟؟؟؟؟؟؟؟؟؟؟؟
ولا حياته مع بسمهما رح تستمر؟؟؟؟؟؟؟؟؟؟؟؟