برغتة : من أنواع الأحذية قليل اللي بيقولوها بنقول سرموجي

برِنجي : بكسر الراء - مهندم و مرتب ( أصلها افرنجي ) بنقول مرتب أكتر

برنية : وعاء فخاري صغير لحفظ الطعام خاصة الحليب و اللبن بنقول جرة

بشتختة : جارور لحفظ المال بنقول جارور أكتر

بطنة : مفرد شجر البطم و جمعها البطنات و البطاني قصدك عن الحرام و اللحاف ؟

بيعئد : رائع ههههههههههههه هيدي لازم نقولها باليوم أقل شي 5 مرات

بعقة : رغيف صغير , سميك , و مستدير يصنع من دقيق القمح بنقول له رغيف بيتي و رغيف سوئي و رغيف أسمر

بقجة : القجة , و كانت تصنع من القش الإجّي

بلاطة : حجر مصقول يدق اللحم عليه بواسطة المدقة لصنع إي هيدا بنعمل عليه كبّي يم يم

الكبة : جرن الكبة بنقول لها كبّي

زنخ و سئيل : يعني دمه ثقيل هههههههه هيدي كتير بنقولها

حايص : يعني اممممممم كيف بدي فسرها يعني محتار قلقان يعني زي اللي قاعد على بركان مش عارف شو بده يعمل

معتر : فقير مسكين معتَّر

برندا: شرفة او بنقول لها بلكون

زت او كب : رمى هههههههه صح بس بنستعمل كب أكتر

تتخيتي : علية مسند قصدك ؟

جخ يعني شيك او يعني تبذير

بأوسي : يعني بيفاجأك من الخلف او بنقول بأيني ... هيدي بنلعب فيها البيبي الصغير اللي عمره كم شهر

إسّا : يعني الآن لا كلمة إسّا للفلسطينيي و هلأ للبنانيي

أوضة : غرفة و كمان بنقول غرفي

تخت: سرير ههههههههه اشتئت لتختي نعساني أول ما إكتب الرد رايحة نااااااااااااااااام

بعجور: نبات الشمام عنا مثل بيقول " ألبي من الحامض لاوي و من البعجور منجور "

مبلى : نعم هههه هيدي الكلمة مشتركة بيقولوها كل أهل الشام ... أوقات بيكون معناها نعم و أوقات بلى و أوقات صحيح

دغري : مباشرة او يعني بسرعة

لَيك : انظر او شوف

بعتل همك : بحمل همك او بنقول هكلان همك

تِصْطِفِل :على راحتك يعني إعمل اللي بدك ياه و اتحمل النتيجة ... هيدي بنقولها لما نكون معصبين ... يعني بمعنى اخبط راسك بالحيط بس حل عني زهقتني

جُوا : في الداخل عكس برا

سكَربينة : حذاء نسائي سكربيني مش سكربينة

صبّاط : حذاء رجالي لا و كمان البنات بيلبسوا صباط

اشَطِت : وقعت أشطت معناها اتزحلقت

شَرْشَح : بهدل وبخ مسح بكرامته الأرض

زَبَّط : صلّح و كمان بنستعمل صلَّح

مكَرْكَب : فوضوي معجوء

عَجْأَة سير : زحمة خصوصاً يوم السبت العجأة بتكون موت بلبنان

سَكَّر بفتح السين و الكاف يعني اغلق و بنقول أفَّل " قفل "

نَوَّس : يعني خفف مثل نوس الصوت او الضو نوص ... نواصة هيدي يعني الضو الخفيف اللي بنضويه بالليل

قصفتلي ركبي : خوفتني او رعبتني هيدي سورية ... أصفتلي

فل : بفتح الفاء : هرب او راح لا فَّل يعني ذهب مش هرب

استحليت : عجبني شو حلووووووووو

بيلبقلي : بيناسبني بيلبئلي مش بيلبقلي

تقبرني : تتطلع على قبري تئبرني معناها ان شاء الله أموت قبلك مش يعني تطلع ع قبري

الشتي : الشتاء او بنقول الشتويي

الدني : الدنيا الدني او الدنيي

امتين : متى ؟ إيمتين

بكي شي : فيكي شي او بنقول صايرلك شي ؟

عيطيلها : نادي عليها عيطيلا ما بنلفظ الهاء

بعد : متل كلمة " احكي بعد " : يعني كمان و بنقول كمِانة

بهداوة : بهدوء ما بنستعملها كتير بنقول شوي شوي أكتر

ولدنة : حركات اولاد او بنقول مصتظغر حاله

ما حدا لحدا : كل واحد بحالو و نفسه قريبة من مصلحجي

حدا : شخص او انسان يعني أحد ... كمان بنقول حدن / حداً

حدي : جانبي او جواري حدِّي و بنقول جنبي

كيفكن ؟ شو اخباركن ؟ اشتقتلكن كتير ؟ وينكن ؟ زمان ما سمعنا عنكن كيفكون عنكون اشتئتلكون وينكون

ببقى : يظل و بنقول بضل

قلبي انكوى : احترق بنقول أكتر " طأ ألبي "

يعمر : يبني يعمِّر

الجنينة : الحديقة جنيني و بنقول حاكورة

يعبي : يملأ او يكمل يعبِّي او يملِّي

جوانح : اجنحة بنلفظها جوينيح

خبرني : انقل لي الاخبار او إيلِّي

جايي : قادم غالباً بنلفظها جِيي

طلع : انظر اتطلع

الحكاية : القصة ئِصة او حكايي

شو بتريدي : شو بدك شو فيي ساعدك

بعلمي : انا بظن بفتكر , بعتئد

يفضى : يصبح فارغ و كمان معناها يكون معه وقت

نطرني : انتظرني و بنقول استناني

صبية : فتاة صبيي

ازاز : زجاج أزْاز

حنية : حنان حنيي

صغيورة : صغيرة بنلفظها هيك : زغيورة و زغيري

حاكينا : احكي معنا او حكينا

رفيق : صديق رفيئ او صاحب

نبرم : نلف او نفتل ... بنقول نفتل اكتر من نبرم

صوب : باتجاه بنقول لجهة

الاناطر : ما بعرف شو معناها بلهجات تانية معناها زي عواميد

فايق : متذكر فايئ يعني واعي يعني صاحي

الضيعة : القرية او بنقول بلدي بس ضيعة أكتر

ستي : جدتي تيتا

سهرياتنا : حفلاتنا سهراتنا

ميكانسيان : ميكانيكي سيارات و كمان بنقول ميكانيكي

دلوني : على ما اظن ذات المعنى يعني أرشدوني

مرسال : رسالة المرسال هو اللي بينقل الرسالة

تعا : تعال للشاب تعا و تع و للبنت تعي

العربيي : السيارة بنقول سيارة ... كلمة عربيي ما حدا بيقولها

افادة : معلومة معلومي

بيي : ابي بَيْي

امي : امي إمِّي

حشورة : متدخلة و كمان فضوليي

هادا : هذا شوية من أهل صيدا بيقولوا هادا بس 99,9 % من أهل لبنان بنقول هيدا مش هادا ... هادا كلمة فلسطينية

ماشي خلفاني : على خلاف المتبع يعني مع الرايح متلي انا و رفقاتي :88:

بدّي : أريد او بْرِيْد

شو ؟ : ماذا ؟ أهل الضيع بيلفظوها شووو

ها الزلمة : هذا الرجل أو الشاب زلمي او رجّال

شلونك ؟ كيف حالك ؟ هيدا كلام سوري ... نحنا بنقول كيفك و شو أخبارك

تقبرني / تئبرني : دعاء و يعني ( أفتديك بروحي ) يومي ئبل يومك يا ألبي إنت

هون : هنا او هَوْنِي

بريّ عليك: أحسنت لا هيدي سورية مية مية ... نحنا بنقول برافو ... السوريين بيقطشوا الكلمة , زي روح بيقولوها رو , و أحسن بيقولوها أحسا , و هيك ...

شِنّوو : لأنهُ هيدي كمان سورية بس بعتقد معناها كيف

شغلة / شغلات : أمر أو حاجة يعني شيء

هلأ : الآن مكررة

شو عليه : لا بأس! و بنقول شو فيها ... ما فيها شي

يامو ، إمي : يا أمي يامو كلمة سورية

يابي ، بيي : يا أبي يابي كلمة سورية

ترويقة : إفطار ترويئة

أنو: أنهُ إنُّو مش أنوُ

ختيار : رجل عجوز خِتيار

يعطيك العافية : بجر الفاء ، و هي طريقة في الشكر تضمن دعاء بالصحة و العافية لا الفاء ما بتكون مجرورة بتكون ساكنة ... يعطيك العافْيي

براغي : المسامير براغي يعني مسامير صغار

جوارير : الأدراج و أوقات بنقول درج

حايص : محتار قلقان مكررة فوق قلتيها

ضَهَر : خرج أو راح او راح مشوار

بلّش : بدأ و ما زال مش ضروري يكون ما زال المهم إنه بدأ

كفّي : واصل أو كمّل كفِّي و كمِّل

وجّ : وجه وِج

إجرك رجلك إجرينه : رجليه إجرك و رجلك بس التالتة لا

مصاري أو مصريات : فلوس مصاري بنستعملها أكتر

عنّا : عندنا عِنّا

سمعان فيه : سامع فيه و سامع عنه

انطرني: انتظرني مكررة

هونيك: هناك بنلفظها بطريقتين : هْونيك او هَونيك

عوينات : نظارات غادة عويناتي الجديدي نكسرت

تعا أو تعى : تعال مكررة

منيح : طيب و في ناس بتقول مليح

سباط : حذاء مكررة ... بتنلفظ صباط مش سباط

حذاء المرأة : سكربينه مكررة

زنّار : حزام أشاط

حذاء الرياضة : إسبادريّ بعضهم يلفظها إسبادغي و بعضهم إسبادرين الأغلبية بنقول لها سبادرين

حذاء البيت : مشاية أو شحّاطة مشايي و سرموجي

ما إلى طعمي : ما لها فايدة أو مالها معنى زي قِلتها

عابكره : في الصبح مبكرا ع بُكرة

الضيعة : القرية مكررة

ناصح : سمين او بنقول تخين

كرمالك : كرامة لك أو من أجلك عشانك يعني

تلفن له : كلمه في التليفون و بنقول اتصل فيه بس تلفن له أكتر

عيط له : نادي عليه أو اتصل به لا عيط له يعني نادي عليه مش اتصل فيه

أنتيه : أنت للبنت إنتِ و للشاب إنتَ او إنتْ

في إشي ؟ : هل حدث شئ ما بنقول إشي بنقول شي

أباضاي : يعني شاب من الآخر ... أد حاله

دشرني : حل عني تركني

حل عني : اتركني بحالي و بنقول فارئنا بريحة طيبي

ماني غضران: لست بقادر لا هيدي سورية ... بنقول مش آدر

مرئ هون : مر من هنا مرأ من هون

دخيل الله : تعبير المقصود به هو الإستغاثة بالله حسب الجملة أوقات بيكون معناها ما شاء الله و أوقات من شان الله و أوقات إلها معاني تانية

ينمحئ : ينضرب على قامته ينحمئ يعني ينسم بدنه او يزعل او ينقهر

ما بيعرف الخمسة من الطمسة : ما يعرف شي يعني غبي

بزق و لزق : تعبير عن شي مغشوش يع ما حلو هالتعبير

شاطط و ماطط : يعني مدلع زيادة يعني تخنها

عقلو جوزتين بخرج : يعني عقله صغير مجنون او عالبركي

يا عيب الشوم : العيب عليك لما حدا يعمل تصرف غير لائق

عجئة : زحمة مكررة

مهضوم: من الهضم ... نقول لشخص مهضوم يعني مرح و خفيف الدم يعني طيوب و ظريف و حبوب


جرصتنا : فضحتنا هههههههههه هيدي كتير بنقولها انا و رفقاتي


مرسي يا قمر عالموضوع الحلو ... و عفكرة كل ضيعة بلبنان بتلفظ الكلمة شكل يعني الكلمة الوحدة إذا ما كنتِ بتعرفي الحكي اللبناني منيح ممكن تفهميها بكذا معنى


مرسي غادة كمان مرة