فيروس هجرك عطل القلب تعطيل
ودمر ملفات الفرح في حياتي
ياللي سكنت القلب من دون تحميل
متى لموقعنا تشرف وتأتي
عنوانكم ماهوب ياهو وهوتميل
عنوانكم روحي و قلبي و ذاتي
كم مرةٍ أرسلت لك عبر الإيميل
وأدورك في منتدايه و شاتي
وأرسلت لك قصة عذابي مع الريل
ياللي غيابك هو سبايب شقاتي
دايم عليك أبحث بياهو و جوجيل
وأنت ولا تسأل علينا بتاتي
خابرك بانتيوم فور أصلي و إنتيل
لكن خسارة غيروك الوشاتي
وكان الهكر غروك بالقال والقيل
بأدعي عليهم في سجودي وصلاتي
ياجعلهم بقعاء وطيرٍ أبابيل
ترمي عليهم بأمر ربي حصاتي
يرضيك من حبك غدى منهك الحيل
ريقي غدى ناشف ويبست شفاتي
صحراي جفت مالفانا مخاييل
وأنت المزون اللي تروّي نباتي
وياشين حالي لا قريت المراسيل
في الأوتلوك أذكر قصص ماضياتي
منك حزين الحرف شاف البهاذيل
وقلبك مثل قرصٍ صلب في القساتي
موقعك في وجهي مقفل بتقفيل
حتى البروكسي مانفع وش سواتي
بمفضلة قلبي عطيناك تفضيل
أنت المفضل عندنا يا غناتي
ويا زين هجرك عطل القلب تعطيل
ومن غير شوفك وش تساوي حياتي
كني بدونك قرص فارغ ولا فيل
فاسد ومرمي بسلة المهملاتي
ماعدت أفرق بين اكسس و أكسيل
وماعدت أفرق بين بالتوك وشاتي
وبأشكي على الكيبورد كثر الغرابيل
وأكتب على الوورد المطور وصاتي
وهذي النهاية حطها وسط تظليل
لا مت فغيابك هو سبايب مماتي