طبعاً كلنا عارفين ان في كتير أعضاء ما بيحبوا الإختلاط بين الجنسين بحكم العادات و التئاليد و الدين ... من هون حبيت إعمل شات ( للشباب فقط ) يعني يُمنع مشاركات أو حتى تواجد البنات بالموضوع


و إزا اكتشفنا ان في بنوتة شاركت بالموضوع طبعاً رح تتلقى مخالفة لأنه القوانين و الشروط واضحين ... و حتى تكون الئصة أكتر جدية إزا أي عضو من الأعضاء عرف ان في بنوتة معكون بالشات و ما خبر المشرفين المسؤولين عن القسم رح يتلقى مخالفة


و طبعاً هيك في أعضاء رح يحسوا براحة أكبر و يئدروا يشاركوا بالشات بما انه ما في إختلاط


بتمنى من الكل الإلتزام بالشروط و إحترام بائي الأعضاء


كمان بدنا ننبه لشي ان المشرفين و الإدارة ما بيئدروا يشوفوا كل المشاركات اللي باللعبة كيرمال هيك المسؤولية كمان عليكون ... يعني يكون الكلام لائق طبعاً و يُمنع وضع الإيميلات و أرقام الهواتف ... و طبعاً اذا شفتو أي شي غلط باللعبة أو بالقسم يُرجى إخبار المشرفين عن القسم برسالة خاصة او عبر الملف الشخصي حتى يحل المشكلة



و آخر شي لازم نتزكر كلام ربنا { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18


بتمنى ما يكون كلامي تئيل عليكون


يلا شباب خدو راحتكون