همسة : يا ملامح تسكني وتحيا فيني .. تكفا بس ارحمني ولا تغيب عن عيني ..)
(
)
(
اليوم ... أحس إني غريب .. !!
أحس ان قلبك ساكن واحس ان كُل شيْ تغيَّر ..
عيوني وروحي تناظر عيونك .. وبهروبك تتحيَّرْ ..
اليوم جيت أَحضنك لكن تدري حضنك بارِدْ
مو مِثل كلْ يومْ
كُنت تُحْْضنِّي واحس بالدَّفا ومن كُثر سَعادتي من كثُر أماني ..
يغلبني النُّوم
وأحلم أحلام .. وأرسم لوحات .. وادعي ربي أظل بحضنك لين أصير فاني ..
يا ترى مَن غيَّرك
سامِع عنِّي كلام ما أعجبكْ .. كلام يا روحي كدَّرك ..؟؟
تدري حتى النَّفَس أحسّ انُّه بارد ..
احس روحك ما صفتلي .. وعيونك تهرب من عيوني وما ترُد لي ..
قلِّي يا عشقِي ايش بس اللي غيرك
انا مالي الا انت بهالدنيا ..
ارجوك لا تتغير عليّ ..
ارجوك لا تقتل الفرحة من بين ايديّ ..
حبيبي أنا اذا فارقتك احس بنار الشوق تحرقني ..
وكل لحظة جفا منك تعذبني ..
وكل نظرة ألم منك بآهات وَجَعي تغرِّقني ..
بذَكرَك بماضي ملاه عطر الرياحين ..
وحَنين قلوبنا وزهْرات فَرَح السنين ..
يوم كان عطر جسمك ينوِّر طريقي .. وَيَمَّك يشدني ..
واجيك طاير شايل قلبي بين ايديَّ
وارميه بين حناياك ... وشفايفي عطشانه تدوِّر لقياك
أرجوك يا بعد روحي لا توقف الدم بعروقي
ان كان في خاطرك شي أرجوك صارحني
وان كنت اخطيت بحقك .. سامحني ..
لا تخليني طير مذبوح
يرقص على زفرات الألم وصرخات النوح
إرجع حبيبي واحضنِّي
دفا حضنك يطمنِِّي
ارجع حبيبي واحضنِّي
انا بَلا حُضنك .. غريب بَلا وطنْ .. انا بلا حضنك .. ألم الدنيا في قلبي سَكَن ..
رماد .. وروح ما ظل لها إلا الكَفن ..
أرجوك حبيبي
لا تخلِّيني غريبْ ... ولْروحَك .. ولقلبكْ ... ولحُضنكْ
خلْني قريب
منقووووووووول