عيون العرب - ملتقى العالم العربي - عرض مشاركة واحدة

نواف حلم كل فتاة ممرضة · #1 02-07-2009, 07:30 AM

السلام عليكم ورحمة الله وبركاته
يسعدلي مسائكم و صباحكم وكل اوقاتكم...
قصيده قريتها واعجبتني .. تحكي واقع بعض الصبايا اليوم ... (( تراني قلت البعض مو الكل )) <<< عشان ما احد يزعل
هذا واحد مسكين تعرف على وحده وانصدم بشكلها ...
بعدين اكتشف شكلها الحقيقي ...
ماودي احرق عليكم المضمون .. اخليكم مع القصيده ..
************
يا صانع المكياج الله يجازيك
خليتني مخدوع في شكل خلي
************
الله يحرق مصنعك مع مبانيك
والمعرض الموجود في بيكاديلي
************
ادعي عسى تعمى وتنشل رجليك
هذا دعائي دوم لا جيت اصلي
************
خليتني اركض ورا البنت هاذيك
واشوفها اجمل غرام ٍ حصل لي
************
قلبي عشقها ياحبيبي توماتيك
وان شافها قلبي يرحب يهلي
************
هي رحبت بي وقالت الله يحييك
وقالت هلا باللي عشق زين شكلي
************
وقالت انا اجمل بنت في اللي حواليك
شف حسني الاخاذ وروجي العسلّي
************
طالعتها ثم قلت هالقلب يبغيك
ومن شاف حسنك خلى غيرك يولي
************
ابغي اشوفك دون مكياج يكسيك
وابغي اشوفك بالجمال المحلي
************
قالت تبيني افرك الوجه تفريك
واشيل هالبودر وروجي وكحلي
************
قلت أي نعم قومي عسى الروح تفديك
ابغي جمالك هالطبيعي يهلّي
************
قالت دقايق راجعه لك واراويك
ذاك الجمال اللي لعينك يسلّي
************
ويوم رجعت لي شربكتني الشرابيك
وحسيت الارض تدور وانا بمحلي
************
الخد كنه ياحياتي سيراميك
والوجه شارع مثل شارع حولي
************
الوجه كنه بيت كله شبابيك
من هالحفر في وجهها اللي يعلّي
************
كله سبب مكياجك الله يجازيك
خليتني مخدوع في شكل خلي
************
ونصيحتي لكل شاب من غير تشكيك
لا لا اتسرع ثم تنغش مثلي
************
اللي بلا مكياج خلها حواليك
واللي تحط مكياج خلها تولي
************
بعض البنات الله يهديهم

تحط جميع الالوان بوجهها

تقول علبه تلاوين

والبعض ما يحليها المكياج

هي اللي تحلى المكياج

يعني لاحد يزعل مني بس والله المكياج الخفيف احلى

انتظرررررررر الررررررررررررد <<<<