الجزء الثاني...
فتحت عينهامن نومها المتقطع ...على صوت الضحك اللي تسمع برى غرفتها كانوا بنات عمها وهميضحكون مع أمهم وأبوهم....وتذكرت الأيام الحلوة..أيام ما كانت هي دلوعةبيتهم...كانت طلباتها أوامر وتذكرت أخوها بندر اللي كانت تختلف معاه على كل شي وكانيحب يعصبها بأي طريقة وكانت لما تعصب تسمع ضحك أبوه ولما تسأله وهي زعلانة "ليش يبهتضحك؟؟"
يرد عليه" لأنك حلوة حتى وأنتي معصبة"..
تذكرت أمها الحنون اللي كانتدوم تغمرها بنصائحها وكأنها كانت عارفه أنها ماراح تكمل معاها مسيرةحياتها...
-"بسمة أنتي تبكين"
ماحست لما دخل عبد العزيز...
بسمة وهي تمسحدموعها :"ها...لا بس عيوني ما أدري أش فيها... بغيت شي"
عبد العزيز:"أمي قالت ليأناديك"
قامت بسرعة وراحت غسلت وجهها...ودخلت الصالة
بسمة:"هلا مرة عمي بغيتيشي"
أم عبد العزيز بعصبية: "كل هذا نوم"
بسمة:" ما نمت البارح إلا متأخرهو...."
أم عبدالعزيز مقاطعة:" إيه ماعلينا ...أشلونها أم مازن"
بسمة :" تسلمعليك ...شفتها أول مادخلت وعقب أنشغلت مع أمل في الدروس اللي فاتتها "
رمي عمهاالجريدة اللي كان كان يقرها وقاطعها بعصبية :"ليه ماتذاكرين لبنت عمك بدل مانتيمسويه نفسك مدرس خصوصي"
هند:"لا يبه واللي يعافيك أنا ما أحتاج هالأشكال"
أمعبد العزيز تواصل تحقيقها: "كان عندها أحد من خواتها"
بسمة :"لا وأنا عندهمماشفت أحد"
هدى :" ياكرهي لأختها ريم قمة في الغرور هي وبنت خالتها عبيردايمأشوفهم في الجامعة ...ما أقول إلا مالت عليهم"
بسمة في خاطرها عندك وعندهم خير ...
أم عبد العزيز :" أقول قومي شوفي عبد العزيز أن كان طلع يذاكر..بدل ما أنتيقاعد متنحة كذا"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

بعد الظهر وهي فيبيت أهلها..جالسه مع أمها وأبوها دخل خالد ..
خالد :"عاد اليوم ما أحد بيعطيناوجه بعد ماجات الغالية"
بدرية :"هههههههه خل عنك الغيرة أنت داري أنه ما أحدبغلاك عند أمي وأبوي"
إبتسم خالد وهو متجه لها:"إيه متأكد بس الواحد إحيانا يحب يشوفغلاه"
بدرية :" ههههه تصدق أنك طماع..... إلا ما كن سارة تأخرت هي قالت لي بتجيالظهر"
ساره أختهم اللي أصغر من بدرية وأكبر من خالد متزوجة من ولد عمها ناصر منعشر سنين تأخرت في الحمل حملت بعد ست سنين وجابت توأم (زياد وريناد)عمرهم ثلاثسنين...
أم خالد وهي طالعة:" بتجي العصر لأن في بيت عمك ضيوف على الغدا. حتىأبوك وخالد بيروحون"
بعد ماراحت أم خالد...
أبو خالد : أقول بدرية ماكلمتيخالد عن الموضوع اللي قلت لك عليه"
بدرية وهي تناظر خالد:"كلمته يبه وقالبيفكر"
أبو خالد :" الى متى بتظل تفكر يا خالد"
خالد:"يابوي أنا أبغى بنتخالتي"
أبوخالد:"ياولدي أبو محمد بعد ما فسخ الخطبه يبيني أروح له وأترجاه بماأنك ولدي الوحيد.... بعدين نسيت أنها الحين مخطوبة و نسيت اللي سواه ولده في بنتعمك "
خالد:"مانسيت يبه بس ياخوفي أن العنود ومحمد يرجعون لبعض بعد ما أنحرم أنامن عبير"
أبو خالد:"إذا ترضى لأبوك المذلة مشينا اليوم العصر لأبو محمد"
خالد:"ما عاش من يذلك"
أبو خالد:"وإذا تبغى شوري عند أبو محمد مالنا نصيبخلنا ندور لك بنت الحلال اللي تسعدك"
تنهد أبو خالد:"ياخالد نفسي أشوف عيالك قبللا أموت"
بدرية:" الله يعطيك طولت العمر يبه وتفرح بعياله"
خالد:" إلىهالدرجه مسبب لكم مأساة"
أبو خالد: "ياخالد أنت ولدي الوحيد....فلا تستكثر عليأني أفرح فيك وأشوف عيالك
خالد:يابوي ما أدري أش أقول لك"
أبوخالد:"طلبتكياولدي فرح قلبي الله يفرح قلبك"
خالد إتجه لأبوه وحبه على رأسه:"أنت ما تطلبيبه أنت تأمر....خلاص يابدرية أبدي مهمتك في البحث عن بنتالحلال"
بدرية:"يازينها من مهمه ياخوي"
أم خالد وهي داخله وما سمعت وشيدور:"أقول ما كنكم تأخرتوا"
خالد: وهو يتجهز لطلعه هو وأبوه ويحاول يظهر أنهطبيعي:"هذا أحنا طالعين بس تعرفين أبو خالد لما يشوف بدرية يبدون فيالمؤامرات"
بدرية:"ههههههه الله يسامحك مقبوله منك"

طلع خالدوأبوه..وألتفتت بدرية على أمها.......
بدرية:"سمعت أنه خالتي بتجي اليوم ...أسمحي لييمه أحس المفروض أنها تقلل زياراتها أو أقل شي ماتجيب عبير"
أم خالد :"عيب عليكيابدرية هذي أختي مهما صار وإذا جات عبير اللي يسمعك يقول أنها ما تغطى عنخالد"
بدرية :"حتى ولو ...أحساسه أنها في البيت يزيد المواجع...على فكره يمهأبشرك خالد وافق ندور له بنت الحلال يالله شدي حيلك"
أم خالد :"الله يوفقه ...فرحانه لولدي وكانت فرحتي بتكمل لو "
بدرية :"يمه الله يهديك كل واحد ياخذنصيبه..."
أم خالد: "وأنتي صادقة...أنتي دوري لأخوك وما أوصيك"
بدرية :" لاتوصين حريص يمه"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كانت قاعده في الصاله تتفرجعلى التلفزيون...دخلت مرة عمها وشافتها مرة عمها
وضايقها أنها قاعدةمرتاحة....
أم عبد العزيز :"أقول أنتي قومي ساعدي الشغالة في الغدا"
بسمة وهيطالعة : "إن شاء الله"
وهي طالعةكانوا بنات عمها نازلين الصالة...
هند :" أحسن أنها طلعت يكرهي لها"
أم عبد العزيز وهي تبتسم :"لا وأبشرك قريب بتذلف منها البيت"
ألتفتوا ثنتينهم لأمهم...
هدى :"أشلون بتذلف؟؟"
أم عبد العزيز:"انخطبت أمس من واحد"
هدى قاطعت أمها وهي تحس بالغيرة :" ومن هو هالمنحوس الليخطبها"
أم عبد العزيز وهي تضحك :"هالمنحوس أكبر من أبوك ومتزوج ثنتين"
هند:"أكيد غني "
أم عبد العزيز :"هو غني غني بس بخيل"
هدى:"هههههههههه أحسن خليها تذلف عنا "
اللي ما يدرون عنه أن بسمة كانت راجعة تسألمرة عمها متي يبون الغد وسمعت كل شي ..............
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

في المغرب في بيتأبوخالد كانوا قاعدين في الصالة...
أم محمد وهي توجه كلامها لبدرية:"وينكيابنيتي قطعتينا مانشوفك"
بدرية :"تدرين بعد ياخالتي ..مشاغل البيتوالعيال"
أم محمد :" هذي سارة حتى بعد التوم وتسأل وتزور"
عبير:"حتىالمناسبات ماتحضرينها
بدرية :"عاد المناسبات ما أفضى لها... تصدقين عساني بس أقدرأحضر خطوبة خالد"
كل الانظار أتجهت لعبير عشان يعرفون ردة فعلها...اللي بانعليها هي وأمها الصدمة الشديدة...
أم محمد : "أشوف يأم خالد خطبتوا لخالد وماقلتي "
أم خالد :"لا والله ياوخيتي ما صار شي توه هو وافق وطلب من بدرية تدورله"
عبير وهي تحاول تبان طبيعية: "أش معنى بدرية؟؟"
بدرية تبي تقهرها:"واللهعاد أخوي يثق في ذوقي ..إلا ياخالتي متى خطوبة عبير"
أم محمد بضيق :" ما تحددللحين...إلا أنتي فيه أحد في بالك؟؟"
بدرية:" بصرااحه لا "
سارة وريم علىالرغم من حبهم لأخوهم مستحيل يرشحون أحد للزواج من أخوهم...
من حبهم لعبيروكانوا متأملين عودتهم لبعض ....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كانت في غرفتها ...ماكانلها نفس في الأكل ...وكيف يكون لها نفس عقب ما سمعت كل شي ...يالله كنت صابرة علىعمي وأهله ومتحمله الطق والأهانات على أمل الله يرزقني با ابن الحلال يريحني من كلهذا ..آه من عمي اللي يبي يرميني هالرميه...
حطت رأسها على المخدة ومو قادرةتتحكم في دموعها ....... سمعت صوت آذان صلاة العصر رددت الاذان مع المؤذن وقامتتتوضا وتصلي وتدعي ربها ...يفرج كربتها....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

دخلت البيت وهي معصبة ورمت عباتها وشنطتها على الكنبة.....
-"شفتي يمهخالد بيخطب"
أم محمد :"يابنتي أستهدي بالله ما ظني خالد يسويها"
عبير :"بموتيمه لو خالد يتزوج"
أم محمد:"أنتي الغلطانه لو ما طاوعتي أبوك ماكان فسخالخطبه"
عبير:"أبوي بغى يذل أبوه وعمه وكنت متأكدة أن خالدمستحيل يتخلى عنيبهالسهوله"
أم محمد:"إذا كان خالد يحبك مرة فهو يدور رضى أبوه ألفمرة"
عبير:"لا مستحيل......خالد يكون لغيري"
أم عبير:"هو أكيد ماوافق إلا لماقالوا له أنك مخطوبة"
عبير:"أي خطبه المفروض أنه هو أول واحد يدري أني مستحيلأوافق على غيره"
أم عبير:"أش يدريه واحنا قلنا لهم أنك إنخطبتي"
عبير وهيمعصبة:"كل اللي صار بسبب محمد"
قاطعتها أمها بعصبية :عبير كل شي صااار برضاك وماأحد غصبك...أنا الحين شايله هم أخوك اللي أختفى من بعد ماطلق مرته"
عبير:"أنتيتدرين أنه مسافر وكل شوي يتصل زميله يطمنا عليه"
أم محمد:"بس هو ليشمايتصل"
عبير بلامباله:"ما أدري عنه "
*************************************************************
أم محمد هي أخت أم خالد الكبيرةعيالها هم محمد وعمره 37سنه يشتغل في شركة أبوه....كان متزوج العنود بنت عم خالد ....وعبيروعمر0سنه....عبيرفائقة الجمال وتبهر الكل....قمه في الغرور والتكبروأنانيه ماتهتم إلافي نفسها....

*************************************************************

كانت حاضرة بجسمها وعقلهاوتفكيرها في عالم ثاني...
دزتها أمل من كتفها ..
أمل :" الأبله تسألك "
بسمه بشرود :"هااااا"
أبلة شيخة : "اللي واخذ عقلك يتهنا به ...الظاهر ماانتبهتي لسؤال"
نزلت رأسها وهزته ...حست أبلتها أن فيها شي لأنه مو من عاداتها ...ولأنها من أشطر طالبات فصلها....
أبلة شيخة:" تعبانة يابسمة" ..
بسمة:"لامو تعبانه بس سرحت شوي "
ابتسمت لها :"خلي عنك السرحان أنتي في ثالثثانوي"
جلست وهي في أسوء حالاتها أمل ودلال حسوا أن بسمة فيها شي أجلو أسألتهملها لما يطلعون...
رن الجرس وطلعوا البنات ...
راحوا مكان منعزل شوي حتىياخذون راحتهم...
أمل : "اشفيك بسمة أحسك منتي طبيعية "
بسمة بحزن : "ما فينيشي ..."
دلال :"بسمة مستحيل أكيد فيك شي ..."
تنهدت بسمة : "خلوها على اللهالدنيا ماهي واسعتني من الضيقه..."
أمل : "عسى ما شر ..."
بسمة بحزن :" إلاالشر بعينه وعلمه "...خنقتها العبرة وما قدرت تكمل...
سكتوا حتى هدت شوي ...ولما تمالكت نفسها مسحت دموعها ...
ولما خبرتهم بكل اللي صار رفعت عيونهاالحزينه لهم ... :"عطوني حل أش أسوي بعمري..."
أمل بتهور:" اهربي وروحيلخالتك..."
بسمة ابتسمت بحزن :"أهرب وين أنتي عايشه ....وحتى لو هربت على قولتكبيصير مشاكل مالها أخر واللي بينتصر في الأخير عمي..."
أمل:"الدنيا مهيفوضه....مافيه أحد يزوج البنت غصب عنها..."
بسمة:"لا فيه كثييييييييير يا أمليزوجون بناتهم غصب عنهم ولا أحد داري عنهم..."
أمل : "يعني هو خلاص خطب ..."
بسمة : "حسب اللي سمعته هوكلمه قبل لا يسافر وبيرجع عقب شهر وبيصير كل شئرسمي ..."
دلال : "يابسمه ما في يدينا شي نقدر نسويه وأنت ما لك إلا الكريم ...ولا تنسين أن باب الدعاء مفتوح ...أدعي ربك وهو قريب مجيب لدعاء عباده ولا تيأسيمن روح الله.."
أرتاحت بسمه لكلام دلال ...
وابتسمت بأسى : "ولله أنك صادقهوأنتو بعد لا تنسوني من دعاكم ...كلامك يادلال ينحط على الجرح يبرى ..."
إبتسمتأمل :"وأنا كلامي يزيد الجروح...."
بسمة:"أش دعوه أنتي الخير والبركه...اللهلايحرمني منك جميع..."

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
في الجامعةكانت عبير وريم وصديقتهم مشاعل مع بعض ...
عبير: "للحين ما تدرين من اللي بتكون خطيبة خالد "
ريم: "ما أدري للحين ما أتمنى أحد يكون مرة أخوي إلا أنتي"
مشاعل اللي كانت عارفه كل شئ:"اخطبيني أنا لأخوك... شوفي أش ملحي "
عبير بغيره : "من زينك "
مشاعلمازحه :" أنتي ليش تغارين "
عبير : "مشاااااعل ... ترى نفسيتي اليومزفت"
مشاعل عشان تغير الموضوع : "ما سألتيني أش صار مع سعود"
عبير : "نسيتقولي أش صااار"
ريم : "لحظه ...لحظه أنا صايره مثل الاطرش في الزفه أش السالفه ..."
مشاعل : "أمس كنت أنا وعبير في السوق ...وواحد رمى رقمه علينا ...وأخذناالرقم والبارح كلمته ....ياويل قلبي يازين صوته وسوالفه اللي تسحر ...."
ريماللي ماشدها في الموضوع إلا شي واحد: "عبير أنتي تاخذين أرقام من شباب ..."
تفاجئوا ردت مشاعل عشان تنقذ صديقتها: "لا...عبير تقول أخلاقها ما تسمح ..."
إبتسمت ريم: "وهي صادقه وبعدين أنتي مكالماتك ذي بتوديك في داهيه ..."
مشاعل: "أسكتي أنتي واللي يعافيك...أنتي لوتجربين مرة ...كان تنسين المللاللي تشكين منه..."
ريم: "لا أنا مرتاحة في مللي بس أنتي اللي ...."
مشاعل مقاطعه : "الموضوع كله تسليه ما يتعدى المكالمات...."
هزت ريمرأسها بعدم إقتناع..........
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

ترى البيت من من دونك ما يسوى...قلل هالسفريات..."
إبتسم لها(أبو مازن)بحنان :"لها الدرجه تشتاقين لي ..."
-"إكيد اشتاق لك منت أبوعيالي...."
-"أبوعيالك بس .."
إبتسمت وسوت نفسها مو فاهمه قصده :"أش إكثر منأبوعيالي"
-"تدرين يابدريه أحسن أدور لي وحده تحبني كزوج مهو أبوعيالي (وهو يقلدها("
بدرية : "موافقه بس بشرط ..."
عبد الله وهو يقرب منها ومسوينفسه فرحان :"اشرطي على كيفك كم بدرية عندي ..."
بدرية: "تكون على ذوقي ..."
عبد الله : "هونت مابي أتزوج..."
بدرية:"ههههههههه لها الدرجة ذوقي مو حلو .."
عبد الله :"تبين الصدق ....ذوقك مو حلو....بس أنتي اللي حلوه..."
بدرية:" صرت الحين حلوه من اللي قبل شوي متلهف على الزواج ؟؟؟"
عبد الله:" ههههههه ...إلا على طاري الزواج سمعت أنه جاري البحث عن عروسه هاليومين..."
بدرية:"مسرع توصلك الأخبار من قال لك..."
عبد الله:" من غيرها نظر عين أبوها رهوفهعطتني البارح وأنتي في المطبخ الموجز والاخبار بالتفصيل."
بدرية:" ثرثاره ماأدري على منو طالعه...المهم مثل ما وصلك خالد وافق يتزوج ... وأمي وخواتي شايلينيدهم من الموضوع....ووكلوا لي هالمهمه الصعبه"
عبد الله :" هههههه صايرهخطابه..."
بدرية: "أي خطابه الله يهديك...تصدق مسؤولية كبيرة بالذات أن قلب خالدلازل متعلق في عبير وما وافق إلا عشان خاطر أبوي ...وأخاف أظلم بنت الناسمعاه...."
قطعت كلامها لما شافت رهف داخله .....قامت رايحه المطبخ..
بدرية:"رهف نادي أختك للغدا..."
رهف وهي متجهه لأبوها :"تقول لاتنادوني مالي نفس ..."
استغربت بدرية لأنها لاحظت أن أمل من أول ما دخلت وجهها معتفس ...ومبينأنها متكدرة...
وهي تكلم زوجها: "أنا طالعه لأمل ..."
عبد الله: "أنا ما داممعي رهف ما أسال عن أحد ..."
بدرية : "خلها تنفعك دلوعتك ..."
رهف : "يمهلايكون تغارين ...."
بدرية: "هههههههه الحمد لله وليش أغار ...."
رهف:"ماأدريبس أحساسي يقولي......"
بدريه وهي طالعه:"مو دايم يكون أحساسكصادق..."
فتحت الباب وتفاجأت لما شافتهاعلى السرير وبمريول المدرسه ودافنهرأسها في المخده ...
أمل : "رهف قلت لك ماابي غدا..."
بدرية : "أمل اشفيك ...تعبانه يمه .."
رفعت رأسها لما شافت أمها : "لا يمه أنا بخير ..."
بدرية:"أجل أشفيك ... أبوك توه واصل من السفر البارح المفروض أول يوم يتغدى معانا فيهنكون مجتمعين"
أمل :"يمه والله مالي خاطر في شي ..."
جلست على السرير وحطتيدها على كتفها :" أنتي اكيد فيك شي إذا ما قلتي لأمك لمن تقولين ..."
ولأنهاماتخبي عن أمها أي شي خبرتها بكل اللي صار لبسمة ....
بدرية:" الله علىالظااالم اللي ما يخاف ربه في هاليتيمه ..."
أمل :" مسكينه يمه والله تقطعالقلب...."
بدرية:"ومتى يرد هالشايب من السفر..."
أمل:"بعد شهر....إن شاءالله مايرد..."
بدرية:"حرام عليك يا أمل تدعين عليه أكيد له أهليحبونه..."
أمل:"هو لو فيه خير ماخطب بنت في عمر بناته"
بدرية:"يا أمل الحياةقاسية وفيه ناس عايشين بس يدورون اللي يريحهم وما يهتمون في غيرهم..."
أمل":ما أتخيل بسمه تقضي بقية عمرها مع رجال كبر أبوها أحس هالشي ممكن يقضيعليها"
بدرية:"حتى أنا ما أتخيلها...."
أمل:"أنتي يمه لو شفتيها اليوم كانتقطع قلبك عليها..."
بدريةتتنهد:"ياليت في يدنا شي نقدر..."
سكتت لانه طرىعلى بالها فكره ممكن تنقذ بسمة بس تنفيذ هالفكره في مغامره كبيرة ممكن بدل ماتنقذبسمة تضيعه
**********************************************
وهوفي الشركه ويفكر في اللي صار ويقول أكيد أنا أستعجلت المفروض ما وافقت
بس لمافكر في السعاده اللي شافها في عيون أبوه حس أنه ما غلط في قراره...
تنبه على دقتالجوال كان من رقم غريب...
خالد: ألو ...
......... -
خالد بضيق :الووووووووو
-بصوت متردد:"خالد" ...
خالد وهويفكر في الصوت:" معك خالد "..
"-ما عرفتني ياخالد "
خالد بعد تفكير رد وهو متفاجاء لأنه أول مرة تتجراءتكلمه بعد فسخ الخطبه
:"عبيييييييير"
عبير : "إيه عبير ياخالد أشلونك ..."
خالد وهو حاس أنه لازم ينهي المكالمه رغم فرحته بسماع صوتها: "خير عبير فيهشي .."
عبير بحزن: "صدق ياخالد أنك بتخطب ..."
خالد : "إيه بخطب عندك ماااانع ..."
عبير : "ليه ياخالد ...أنا خطوبتي ..."
خالد مقاطعا : "شئ ما يهمني ...وبعدين أنسي هالرقم .."
ماعطاها مجااال ترد وسكر التلفون في وجهها ....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
-مبروكمدااام أنتي حامل..
أنصدمت وهي تسمع الممرضه وجلست على الكرسي.....يالله أناناقصني الحمل الحين...حست بيد حانيه على كتفها....
-"العنود اشفيك يمه أكلمكماتردين..."
العنودوهي تصيح:"ما سمعتي يمه أش قالت الممرضه..."
أمفيصل:"سمعتها يابنيتي....والحمد لله اللي يجي من الله زين...."
العنود:"كنتشياله هم نايف ونواف والحين أدري أن فيه واحد ثالث في الطريق..."
أم فيصل:"الليبيعيشهم بيعيشه وأنا أمك..."
العنود:"صعب يمه يعيشون بعاد عن أبوهم....."
أمفيصل: أبوهم الله يسامحه"
العنود في خاطرها الله يسامحك يامحمد عقب كل السنيناللي عشتهم معك ضيعت نفسك وضيعتنامعاك..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اشرايكصح اللي ناويه أسويه ولا غلط...
عبد الله : "والله يابدريه ما أدري ....بس أنتيموقفك صعب ....أخاف بدل ما تكحلينها تعمينها للأثنين..."
بدرية :" ياعبد اللهبالنسبه لخالد عندي مطلق الحريه للأختيار وصدقني لو ما قلبه مشغول مستحيل كان يلاقيأحسن من بسمة وأبوي مستحيل يخطب عبيرلخالد مرة ثانيه....أما بسمة ياتتزوج هالشايباللي جابه لها عمها أو خالد اللي بيكون مناسب لها من كل النواحي إلا الحب الأولاللي مع الأيام يقدر ينساه....وبعدين في خالد ميزه ثانيه
أن عمها مستحيل يرفضه ..".
عبد الله:"بس لا تنسين يابدرية أن بسمة من عايله بسيطه ويمكن هالشي يفرق معأهلك.."
بدرية:"أهلي وخصوصا أبوي أهم شي تكون من أصل طيب..."
عبد الله:"فيهمشكله ثانية البنت أكيد منكسره وأتوقع تكون شخصيتها ضعيفة وأخوك الأفضل له وحده لهاشخصيتها و..."
قاطعته بدريه وهي تفكر:"تصدق بسمة على رغم حياتها لما أشوفها فيالمدرسة وفي حفلة نهاية السنة استغرب كان الكل يعجب بقوة شخصيتها وحسن القائها بنتمحبوبة من الجميع..."
عبد الله:"موغريبه تكون كذا وأنتي أدرى بحياتها عندعمها.."
بدرية: "بس لا تنسى أنها عاشت في بيت أبوها الله يرحمه حياه كريمه ويمكنهذا اللي معطيها القوة اللي تظهر بها أحيانا"
عبد الله:"بس ماتخافين أخوك يحطمهالقوة الباقيه عندها.."
بدرية:"وهذا اللي مخليني مترددة"
عبد الله : "أناأقول إذا كنتي واثقه من أخوك ماراح يرفض ...شاوري البنت وشوفي ردها..."
بدريةوهي تفكر :" لازم أدور طريقه أخليها تجي بيتنا حتى أشاورها...."
عبد الله:"بس لاتخبين أي شي خصوصا أنه كان خاطب ..."

******************************

أم عبد العزيز وهي تكلم زوجها :"اليوم بنروح العصر بيت أبو مازن بيجون أهلهاوعزمتنا ..."
أبو عبد العزيزبعد إهتمام : "الباب يفوت جمل ..."
هند : "يمهكلنا بنروح ..."
أم عبد العزيز : "لان بدريه مأكدة علي تجون"
هند : "بس بسمةخليها تنثبر يمه في البيت ..."
أم عبد العزيز بحزم :"لا بتروح ...أش بيقولون إذاتركنها في البيت ...."
أم عبد العزيز يهمها كلام الناس وتحب تظهر قدامهم أنهاحنونه على بسمة ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

-"أقول صدق الأخبار الحلوةاللي سمعناها ..."
خالد بضيق : "لا تقول الخطوبه.... هم ما صدقوا قلت إيه..... ونشروا الاخبار تصدق أنت الثاني اللي تسألني اليوم .."
فهد :"من الاول اللي سألك ..."
خالد بارتباك: "واحد من الشباب ...بس أنتمن قال لك ؟؟"
فهد : "اللي يسمعك يقول أني غريب ما كني ولد عمك ...بعدين إذا أنتماقلت لي أخبارك لازم أنا أدورها من مصادر موثوقه بس اللي ما عرفته تعيسة الحظ أقصدسعيدة الحظ من تكون؟"
خالد :"تعيسه في عينك ..."
فهد : "ما قلت من المزيونه .."
خالد :" أقول أحترم نفسك لا تقعد تتغزل في حرمتي اللي ما أدري للحين من هي ..."
فهد : "ههههه إيه أكيد قاعدين يدورن لك عروسه بمواصفات خاااصه .."
خالد:"أي مواصفات خاصه ...عقبها ما أحد يملى العين ..."
فهد :"أقول خل عنك الحبالأول وخرابيطه وعيش حياتك ..."
خالد : "وأنت يالحبيب متى بتعيش حياتك ..."
فهد وهو سرحان : "قريب إن شاء الله...خالد بغيت أقول لك شي بسمتردد..."
خالد:"وليش تتردد من متى هالأدب ما شاء الله"
فهد:"بصراحه العنودمتلومه فيك وتقول أكيد أهي السبب في كل اللي صار..."
خالد:"لا العنود مالها دخلوبعدين أبو محمد هو اللي فسخ الخطبه وأبوي زعل وتعرف الوالد إذازعل..."
فهد:"ياأخي ما تدري يمكن في الأمر خيره..."
خالد:" يمكن....لاأشلونها العنود عقب ما طلقها محمد..."
فهد يتنهد:" حالتها حاله...سبحان الله عقبسنين من الحب والعشرة الطيبة يتغير عليها..."
خالد:"تصدق حتى أنا أحس محمد لهفتره متغير بس ما أدري أش السبب..."

فهد هو ولد عم خالد الكبير (عبد الرحمن(عياله هم فيصل 38سنه متزوج
العنود 34سنه واخيرا فهد عمره 28سنه
فهد يعتبرهو صديق فيصل الروح بالروح وأقرب عيال عمهله...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كانواقاعدين في بيت بدرية الحريم سوااالف وضحك والبنات الجو متكهرب بينهم ...
بسببالغرور اللي في ريم اللي تحس أنه قاعده مع ناس مو من مستواها....
أما أمل وبسمةكانوا منبسطين مع بعض رغم الحزن اللي تحاول تخفيه بسمة في قلبها...
أم عبدالعزيز : "كيف الجامعة معك ياريم ..."
ريم بعدم أهتمام : "ماشي الحال ....ياللهملل في بيتك يابدرية ...لو مجتمعين في بيتنا ماكان حسيت بملل...."
بسمة : "لوكان في بيتكم ماكان شفناكم ..."
ريم :" وهذ هو المطلوب...."
أستحت بسمه ونزلت رأسها... بنات عمه أنبسطوا على رد ريم ..أنقهرت أمل منخالتها : "والله أحنا ماتحلى لنا القعده إلا في بيتنا ( وهي تنا ظربسمة ) ولا تحلىإلا مع حبايبنا"
رهف :" وبعدين لو سمحتي لا تغلطين على بسمة"
بسمةحبت تلطفالجو: "أشلونك مع التؤام ياساره"
ساره :"متعبين (وهي تبتسم ) بس يازينه منتعب"
بسمة :"ياحلوهم ...بالذات ريناد تجنن أموت فيها "
ساره : "إيه أكيدطالعه قمر على أمها"
ريم : "إلا قولي طالعه على خالتها ريم "

أم خالد:"أشلون سحر ياأم عبد العزيز ماجاتكم قريب من جده "
أم عبد العزيز : "طيبه اللهيسلمك بتجي عقب الامتحانات"
أم خالد : "إيه هانت مابقى إلاشهرين ...سلمي عليهاإذا اتصلت "
أم عبد العزيز : "الله يسلمك"
بدرية :"عن أذنكم يمه أنتي وأم عبدالعزيز أنا بروح المطبخ ...(التفتت على البنات) ...أحد يقوم يساعدني .."
ما حبتتحدد أحد وتمنت اللي في بالها يصير ..
بسمة (وهي قايمة )"أنا بروح معك .."
رهف : "حتى أنا يمه بساعدك"
بدرية : "أنتي أطلعي شوفي أخوك محمد إذا صحىمن النوم ...بدلي ملابسه ونزليه ..."
رهف بضيق :" إن شاء الله يمه .."
بعد ماطلعوا من الصاله مسكت يد بسمه ودخلتها غرفة المكتب وسكرتالبااااب....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
-"تدريناليوم أنك بغيتي تفضحيني قدام ريم ..."
مشاعل : "عاد أنتي ليش تخبين عنها .."
عبير :" يعنى ما تدرين ...هذي لو درت أكيد بتقول لأخوها ....ولو درى خالد أنسي أنه يفكر يتزوجني في يوم من الأيام..."
مشاعل : "للحين ما فقدتيالأمل..."
عبير : "ولا بفقده ...حتى لوخطب ...ما رح يتزوج إلا أنا ... عشان كذاكوني حذره قدام ريم ..."
مشاعل:"طيب واللي يخلي ريم تكلمشباب"
عبير:"مستحييييييل"
مشاعل :"وليش مستحيل.."
عبير:"أحنا صحيح بناتخالات بس حياتي غير عن حياتها..."
مشاعل:"مشاء الله شرح وافي عزيزتي..... فهمتالحين.."
عبير:"هههههه يعني أنا عادي أطلع متى مابغيت أكلم ولا أحد يسأل منتكلمين بس هي مستحيل تطلع إلامع أمها أو خالد أو وحده من خواتها..."
مشاعل:"مالتعليك وتبغين تتركين هالحريه وتتزوجين واحد متشدد..."
عبير:"ياحبيبتي بيدي أخليهيتغير"
مشاعل:"مشكله الثقه الزايده...الحين خليه يرجع يخطبك مره ثانيه وعقبغيريه على كيفك..."
عبير:"بيخطبني مره ثانيه وبيكون لي ومستحيل أخلي وحد ثانيهتتهنى فيه(وهي تتنهد)...بس تصدقين اليوم كلمته وما عطانيوجه"
مشاعل:"معقووووله"
عبير:"بس أعرف خالد من متى يحبني ولا كلمني إلا يومماخطبني مسوي فيها شريف وما يرضى علي إلا مايرضاه على خواته"
مشاعل :"طلعنا عنموضوعنا المهم طيب واللي يخلي ريم تكلم شباب..."
عبير : "ياشيخه روحي ...هالشيمستحيل يصير"
...مشاعل وهي تفكر :" صدقيني مو مستحيل والايام بيننا ..."
*******************************************
-"وهذا هوالموضوع اللي بغيت أعرف رايك فيه ...."
بسمة وهي متفاجأه: "والله ما ادري بسأنتي علشان تنقذيني من هالشايب... تعرضين علي الزواج من أخوك..."
بدرية: "يابسمهأنا ماراح ألاقي أحسن منك زوجه لأخوي وبعدين أنا فهمتك وضعه كيف....هو كان خاطب بنتخالتي بس زواجه منها صار مستحيل.."
بسمة:"أكيد هو قلبه لازال متعلقفيها..."
بدرية:"أنا ما أقدر أكذب عليك وأقول لا...بس خالد بتزوج سواء كنتي أنتيأوغيرك
وصدقيني مستحيل أحصل لخالد أحسن منك..."
بسمة:"خايفه يابدريةبموافقتي أظلمه معي..."
بدرية:"ما أقدر أأثر على قرارك بس تأكدي أن خالد ماوافقإلا لما صار عنده قبول لفكرة الزواج "
بسمة:"طيب بنت خالتك اللي تحبه أحسحراااام يصير فيها كذا"
بدرية:"عبير بنت ماتفكر إلافي نفسها وحبها لخالد لأنهالأفضل ولوكان لقت أفضل من منه كان بسهوله تخلت عنه"
بسمة:" ما أدري أحس أني فيدوامه ماني قادرة أفكر..."
بدرية:"خذي وقتك....أنا ماأطلب ردك الحين أنتياستخيري ربك واللي مرتاحه عليه سويه ولما توصلين لقرار قولي لي وصدقيني غلاك ما راحينقص لوكان جوابك الرفض...."
وهي سرحانه: إن شاء الله يصير خير ..."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
بعدما طلعت أم عبد العزيز وبناتها وبسمة ...
التفتت أم خالد لبنتها:"أنتي متىبتتركين هالغرور والتكبر عنك ..."
ريم: "أنا ما سويت شي عاملتهم عادي وبعدين أناما أحبهم ليش أنافقهم ..."
ساره: "مو نفاق أنك تعاملين الناس بأدب وأحترام حتىلو ما حبيتهم..."
ريم: "ما أقدر وبالذات هالبسمة اللي ماحبيتها ما أدري ليش ..."
أمل: "أكيد غيرانه لأنها أحلى منك..."

ريم: "ما عنك ذوق ياعزيزتي إذا بسمة أحلى مني ..."
رهف: "أنا أحبك ياخالتي بس حبي لك ما يمنع أقولك الحقيقه المرة...بسمةأحلىمنك بكثير...."
ساره: "ههههههههههه تستاهلين لا تسبين بسمة في هالبيت ولابيطلعونك برى .."
بدرية:أنتي يمه اشرايك في بسمة"
ام خالد:"ماشاء الله عليهبنت تنحب..."
أرتاحت بدرية لما سمعت رد أمها ...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــ
قاعدةفي غرفتها....بعد ما صلت ركعتين الاستخاره...وتتحسب على عمها اللي حطها في هالموقفالصعب اليوم .مر أسبوع بعد ماكلمتها بدرية وهي مهي قادرة تتخذ قرار
كان خالدمناسب لها لو ماكانت تعرف أنه خاطب قبلها وفسخ الخطبه صار غصب عنه.
تنبهت علىصوت عمها يناديها بصوت عالي ...
راحت تركض وهي في خاطرها الله يستر ...
أبوعبد العزيز : "ساعه لين تردين ..."
بسمة:" ما سمعتك عمي ...تآمر شي..."
أبوعبد العزيز : "اليوم عندي ضيوف على العشاء ...أدخلي المطبخ وساعدي الشغالة أبغىعشاء يبيض الوجه..."
وهو طالع: "سامعه ......."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
هيأقرب أخونها لها كان يناظرها ويشوف الارهاق والتعب مبين في وجهها والدموع فيعيونهابعد مادرت بحملها......
فهد:"العنود الله يهديك هذا شي من ربك وحرامتعترضين"
العنودوهي تتنهد من الاعماق :"أستغفر الله...بس لا تلومنيياخوي..."
حط يده على كتفها:"ما ألومك بس ترى الصبر يمدحونه..."
مسحت العنوددموعها :"فهد بغيت أسألك سؤال بس مترددة..."
فهد:"أدري وش سؤالك....سألت عنهوما أحد يدري وينه...."
العنود:"الله لا يحرمني منك ما أحد يفهمنيغيرك.."
فهد:"إيه هذا أنا الله يسلمك ذكي بالفطرة"
العنود:"ذكيبالفطرة...واللي كان ياخذ السنه بسنتين..."
فهد:"لازم يعني من الاحراااااجوبعدين أنا كنت أخذ خبرة في الدراسه...
العنود:هههههه "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

وهيفي المطبخ وتحاول قدر الامكان يكون كل شئ تمام ....ومن الاستعجال حطت إبريق الشاهيعلى رف المطبخ اللي كان مزحوم أغراض ....ومال الإبريق بيطيح حاولت تمنع سقوطه بيدهابس لما حست يدها إحترقت ما قدرت تتحمل فكت الشاهي وطاح على الارض ... كان عمها جايياخذ الشاهي لما سمع الصوت ...
شافها وهي جالسه وماسكه يدها وتبكي ....مسكها منشعرها وجرها بقسوه إلين وقفت على رجلينها ....
أبو عبد العزيز : "أنتي أش سويتي ..."
بسمة ودموعها في عينها : "عمي طاح الشاهي على الارض وإحترقت يدي ..."
أبو عبد العزيز :" ليتك كلك إحترقتي ..."
وعطاها كف على وجهها من قوتهطلع دم من طرف فمها ...
أبو عبد العزيز وهو طالع: "كملي شغلك ... ولا تطلعينإلين تخلصين ..."
نست الالم اللي في يدها وألم الكف لأن الألم اللي في قلبها غطىعلى كل ألم ...
الشغالة والشفقة ظاهره في عيونها : "بسمه أنتا في تأبان روووهارتاه ..."
ما قدرت ترد عليها إلا بهزه من راسها وقالت في خاطرها أنتي رحمتينيوعمي اللي من لحمي ودمي ماأشوف منه إلا كل قسوة....
وراحت تكمل شغلها ....عقبالعشاء ما طلعت إلين خلص كل شي ...
أول ما طلعت كان الهدوء مخيم على البيت لأنالجميع فوق ......
وطاح نظرها على التلفون ....اللي كانت تدوره ....دقت الرقمويدها ترتجف ...وما أهتمت إذا الوقت متأخر ...
- "ألو......."
ارتاحت اول ماسمعت صوتها ....
بسمة :"هلا بدرية..
كانت تنتظرها في المدرسة على أحر منالجمر ...تفاجأت يوم شافت يدها ملفوفه ...
أمل : "سلامات عسى ماشر..."
سكتتلما قربت منها انتبهت للاحمرار اللي على خدها اليسار..
حطت يدها على وجه بسمهولفته علشان تشوف خدها بوضوح ...
بسمة بسخرية : "طحت كالعادة ..."
أمل :"حسبي الله عليه الظالم اللي ما يخاف ربه ...........عشان كذا اتصلتي البارح صح ..."
بسمة :"لا ....أنا استخرت ...وبعدين اللي صار كمل الناقص ..."
أمل وهيتمسك يدها : "هذي حياه طول العمر لازم تكون الموافقة بأقتناع ..."
بسمة: "أذا ماوافقت على خالك بتزوج غيره من غير ما يسألوني حتى رأيي ...
(وهي تبتسمبمرارة)وبعدين أنتي ما تبيني أصير مرة خالك ...."
أمل : "أكيد أبيك تصيرين ...."
بسمة:"خلاص لا تخليني أهون..."
أمل:"لا... حرااام عليكتهونين..."
بسمة وهي تفكر:" تتوقعين عمي يوافق...."
أمل:" أكيدبيوافق...."
بسمة:"واش اللي يخليك متاكدة كذا..."
امل:"لأن عمك... وأسمحي ليعلى هالكلمة...طمااااااع وزواجك من خالي فرصة مستحيل تتكرر مرهثانية..."
بسمة:"عمي ما أحد يقدر يتوقع ردود أفعاله..."
أمل:"لا إن شاء اللهيوافق..."
بسمة:"تدرين ليش وافقت..."
أمل:"ههههه لأنك حبيتي خالي اللي عمركماشفتيه..."
بسمة تبتسم بمراره:"لا مهو هذا السبب ...أنا زي الغريق والامواجتلعبي...وحلصت واحد يسبح بجنبي أقدر أتعلق فيه وممكن ينقذني....بس أخاف أغرق وأغرقهمعاي..."
أمل:"لا تخافين خالي سباح مااااهر..."
بسمة:"ههههه فظيعه أنتي أشلونتحولين الجد للهزل ما أدري..."
أمل:"هذا سر المهنه....ما أقدر أعلمككيف..."
بسمة:"مشكوووورة ما أبغى أعرف كيف..."
سمعوا الجرس وتجهزوا بيدخلونالفتت على صديقتها ...
أمل : "صدقيني ماراح تندمين على هالقرار ..."
بسمة: "إن شاء الله ......."
وهي في خاطرها عساني ما استعجلت وغلطت غلطتعمري....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كانت قاعده مع أهلها في الصالهوعقلها مو معاها...
فهد:"أكلمك وين رحتي."
العنود:"ها...ماسمعتك..."
فيصل: "بعذرها ماتسمع وهي اللي شافته من هالحيوان شويه.."
حز فيخاطرها أنه يسب محمد...وانتبه فهد لها وضايقه كلام فيصل...
فهد:"يا أخي لا تنسىأن عياله ممكن يدخلون في أي وقت..فماله داعي يسمعون هالكلام..."
فيصل:"خلهميعرفون أبوهم على حقيقته..."
فهد:"تراه أبوهم مهما صار..."
فيصل:"ياليتنيأشوفه النذل..."
فهد:"ياأخي ما عليك منه...."
فيصل بعصبيه :"أشلون ما علي منهأهان أختي وتقول ماعلي منه..."
ماقدرت العنود تسمع أكثر من كذا وقامتغرفتها...
فهد:"أرتحت الحين نكدت عليها..."
فيصل:"أنا ما قلت شيغلط..."
أبو فيصل واللي كان طول الوقت ساكت:"إلا قلت أشياء غلط موشيواحد..."
فيصل:"بس يبه..."
أبو فيصل:"أنا كنت ساكت أحتري تسكت من نفسك "
فيصل:"أعتقد عقب اللي سواه ما ظني تهتم فيه.."
أبو فيصل:"شوف أنت وياه مناليوم ورايح محمد مايجي طاريه في هالبيت لابالخير ولا بالشر هوصفحه وأنطوت منحياتنا...."
أبو فيصل أكبر أخوانه....وكان الكل مايرد كلامه ...رجل حكيم وقليلكلام لكن إذا تكلم وقال رايه الكل يسمع لانه غالبا رايه هو الصح...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
في الليلوعقب ما أكدت لها أمل موافقة بسمة ....اتصلت في خالد ...
خالد : "هلا وغلا ...باحلى بدرية ..."
بدرية : "ههههههههههه هلا خلودي ..."
خالد :"أي خلوديهذا الظاهر أختي غلطانه في الرقم ..."
بدرية :" ههههههههه أسفه قصدي خالد ....وينك الحين أنت ...."
خالد : "في أرض الله الواسعه ...ليه بغيتي شي ..."
بدرية :"إيه ...أبوي عندي ونبيك تمرنا ...."
خالد : "أبوي عندك ...اللهيكافينا شر مؤمراتكم ...أوكيه ربع ساعه وأنا عندكم ..."
بدرية : "ننتظرك ..."
أول ماسكرت التفتت لأبوها : "يقول ربع ساعه وهو عندنا ..."
أبو خالد وهويفكر : "أنتي لما بلغتيني عن موافقة البنت حبيت أكلمه في بيتك وما أبي أمك تدريإلاعقب ماينتهي الموضوع لأن أمك إذا درت أكيد خالتك بتدري وأنا ما أبيهم يدرون الحين ..."
بدرية : "وإذا دروا..."
أبو خالد:"أنا بقولك كلام ما أقدر أقولهلغيرك.."
بدرية:"تفضل يبه..."
أبوخالد: "أنا من أول ما أبغى خالد يتزوج عبيروالمرة الأولى خطبتها له عشان خاطره....
بدرية:غريبه يبه ليش ماتبيهيتزوجها..."
أبو خالد:"ما أدري ليش يمكن لأني أخاف أخسر ولديبسبتها..."
بدرية:"ما فهمت يبه"
ابو خالد:"يعني عبير بنت دلوعه وأخوك مجنونبحبها من الحين أشلون عقب..."
بدرية:"هههههه طيب أش يدريك يمكن حتى بسمة يصيرمجنون بحبها..."
أبو خالد:"شفتي ما فهمتيني..."
بدرية:"اللي فهمته وأعذرنيعلى هالكلمه كأنك تغار على خالد..."
أبوخالد:"تصدقين ندمت أني قلتلك..."
بدرية:"ههههه ليه يبه..."
أبو خالد:'ما أدري أشلونأفهمك.."
بدرية:"ماعليه حاول يبه..."
أبو خالد:'أنا يابنتي ماعندي إعتراض أنخالد يحب اللي بتكون زوجته ولو غير أن مثل ما تقولين ماكنت اضغط عليه يتزوج...بس أناعبير بنت خالتك هي اللي معترض عليها..."
بدرية:"شفت عليها شي..."
أبو خالد:" حرااام أظلمه بس عبير نسخه مصغره عن أمها....وما أنسى أمها أشلون فرقت بين أبو محمدوأهله على أن أهله هم خوالها وهذا اللي أخاف منه...."
بدرية تبتسم بحنانلأبوها:'خالد يبه غير ومستحيل في حرمه تغيره على أهله وإن شاء الله تكون بسمة مننصيبه..."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
سمعتاحد يطق باب غرفتها ....استغربت لأن ماحد في هالبيت يطق العاده يصارخون عليها إلينتسمعهم أو يفتحونه فجأه عليها ...
طلت عليها برأسها ...
-"أش رأيك فيهالمفاجأه ..."
ضحكت وراحت تركض لبنت عمها وحضنتها بقوة ...
بسمة : "مانيمصدقه عيوني ...اشتقت لك والله ياسحر ..."
سحر : "أنا أكثر أشلونك .."
بسمة : "الحمد لله... متى جيتي ..."
سحر : "توني واصله وما قلت للجميع حبيت أسويهامفاجأه..."
سكتت لما شافت يدها ووجهها ...وتنهدت :" أبوي صح .."
نزلت بسمةرأسها ولا ردت :"الله يسامحه ...تكفين بسمه سامحيه هوبس عصبي شوي ..."
بسمة :" الله يسامح الجميع ...بس قالوا منتي جايه إلاعقب الامتحانات..."
سحر:"هذا اللهيسلمك عند ابراهيم انتداب 4شهور يعني بقعد على قلوبكم الينتملون......"
بسمة:"بالعكس أنتي القعدة معكماتنمل..."



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


- "ها ... اشرايك فيالموضوع ..."
خالد بسخرية: "خلاص أنتي كلمتي البنت يعني مالي راي ..."
بدريةبعصبية : "ليش تقول كذا أنت اللي قلت لي أدورك ... وأنا لما حسيت أنها ممكن تطيرقلت أكلمها أول وأشوف .."
خالد في خاطره ليتها طارت : "أشفيك عصبتي أمزح معاك ...بعدين سوي اللي تبيونه ..."
أبوخالد : "خلاص أنا الحين أكلم أعمامك ونرحلعمها عقب العشاء ..."
خالد وهو متفاجأ : "اليوم يبه ..."
أبو خالد :" إيهاليوم ...خير البر عاجله ..."
خالد :"لا أشوف نأحل الموضوع شوي نخليه الأسبوعالجاي .."
أبو خالد : "أش الفرق بين اليوم والأسبوع الجاي ..."
خالد :" مافيهفرق بس ...."
سكت لما شاف أبوه رافع الجوال بيكلم أخوانه ...ولسان حاله يقولأسكت ......
تضايق مادرى أن الموضوع بيصير بهالسرعه ...قال أكيد أنه يبيلهم شهوروهم يدورون مادرى أنها جاهزه....حقد على بسمة اللي طلعت في طريقه فجأه ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
دخلعلى مرته اللي قاعه مع بناتها ..

أبو عبد العزيز :لقيت أبو مازن في المسجد وقال بيمرعلي هو وعمهأبو خالد .....
أم عبد العزيز : غريبه أش سبب هالزيارة ...
عبد العزيز : يبهأبو مازن جا معة رجال دخلتهم المجلس ...
استغرب أبوعبد العزيز أول ما دخل وشافأبو مازن ومعه أبو وأعمام مرته وأخوها خالد ...
-حيا الله منجانا...............
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــ

وهي تكلمها في التلفون ...
-"أقول ريم أنا عندي مشكله وأتمنى تساعديني فيها...."
ريم :" أكيدبساعدك ...بس اأش مشكلتك ...."
مشاعل : "هذا الله يسلمك سعود اللي أكلمه يحبنيوأنا بعد احبه وقرريخطبني بس أنا خايفه انه يكلم غيري ...."
ريم :"هههههههههانقلبت الأيه بدل ماهو يتأكد أنتي اللي تبين تتأكدين..."
مشاعل : "نفسي أعرف هوصادق ولا كذاب ..."
ريم : "والمطلوب ..."
مشاعل : "المطلوب ياعزيزتي أبعطيكرقمه وأبيك تكلمينه و..."
ريم مقاطعه : "آسفه ما أقدر ..."
مشاعل :"أخدمينيهالخدمه ..."
ريم : "والله ما أقدر في حياتي ماكلمت رجال غريب ..."
مشاعل : "هي مكالمه وحده بس ..."
ريم :" ما أقدر ........"
مشاعل مقاطعه : "أنتي فكريزين ولا تحملين الموضوع أكثر مما يستحق ..."
ريم : "خلاص أرد عليك بعدين ..."
مشاعل :" أنتظر ردك ..."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كانفرحان من اللي قاعد يسمعه الحين وتمنى أن اللي يخطبونها هي وحده من بناته
وانصدم لما درى أنهم يخطبون بسمة وحاول يداري صدمته ومايبينها لهم....
كانالمتكلم هو أبو فيصل بحكم أنه هو الكبير ....
أبو فيصل : "وأنت شاور أهلك وردعلينا ...."
أبو عبد العزيز : "أنا ماعندي مانع ....وبشاور الأهل وإن شاء اللهمايصير إلاكل خير..."
أبو خالد : "ننتظر ردك يا أبو عبد العزيز بس لا تطول ..."
كان خالد أنه في عالم ثاني وندم أنه وافق ما توقع كل شي يصير بهالسرعه ....

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كانت بسمة في الصالهمع مرة عمها وبناتها كانوا يسولفون وهي عقلها مو معها ...
لأنها عارفه ليشأبوخالد جاي عندهم ..انتبهت على دخلت عمها ...كانت ملامحه غامضه ...أول مادخل ناظربسمة بنظرات غريبه
أم عبد العزيز : "اش عندهم اللي كانوا موجودين عندك ..."
أبو عبدالعزيز :" جايين يخطبون ..."
فرحت أم عبد العزيز وبناتها لكناصدموا يوم سمعوا أبوعبد العزيز يكمل كلامه
أبو عبد العزيز : "يخطبون بسمةلولدهم خالد ..."
أم عبد العزيز بعصبيه : "ما قلت لهم أنها مخطوبه ..."
أبوعبد العزيز:" مستحيل أقول كذا ...هذا نسب ماينرد ..."
هدي : "وخطيبها الأولي ..."
أبو عبد العزيز :"ما علي منه وبعدين ماصار شي رسمي بيننا ..."
أبو عبدالعزيز :" ها ...بسمة اشرايك .."
بسمة :" اللي تشوفه عمي أنا موافقه ..."
أبوعبد العزيز : "جاك يابسمه اللي ما أقدر أرده مثل مارديت غيره ..."
سحر الوحيدةاللي فرحت لبسمة ...
سحر : "مبروك يابسمة ..."
أبو عبد العزيز:"للحين ماصارشي عشان تباركين..."
سكتت لما شافت نظرات أهلها لها...........