عيون العرب - ملتقى العالم العربي - شات للبنات فقط ... يمنع تواجد الأولاد منعاً باتاً

http://up.arabseyes.com/gif/wsB58452.gif

طبعاً كلنا عارفين ان في كتير عضوات ما بيحبوا الإختلاط بين الجنسين بحكم العادات و التئاليد و الدين ... من هون حبيت إعمل شات ( للبنات فقط ) يعني يُمنع مشاركات أو حتى تواجد الشباب بالموضوع

و إزا اكتشفنا ان في شاب شارك بالموضوع طبعاً رح يتلقى مخالفة لأنه القوانين و الشروط واضحين ... و حتى تكون الئصة أكتر جدية إزا أي عضوة من العضوات عرفت إن في شب معنا بالشات و ما خبرت المشرفين المسؤولين عن القسم رح تتلقى مخالفة

و طبعاً هيك في عضوات رح يحسوا براحة أكبر و يئدروا يشاركوا معنا بالشات بما إنه ما في إختلاط

بتمنى من الكل الإلتزام بالشروط و إحترام بائي العضوات

كمان بدنا ننبه لشي ان المشرفين و الإدارة ما بيئدروا يشوفوا كل المشاركات اللي باللعبة كيرمال هيك المسؤولية كمان عليكون ... يعني يكون الكلام لائق طبعاً و يُمنع وضع الإيميلات و أرقام الهواتف ... و طبعاً إزا شفتو أي شي غلط باللعبة أو بالقسم يُرجى إخبار المشرفين عن القسم برسالة خاصة او عبر الملف الشخصي حتى يحل المشكلة أو يخبر الإدارة

و آخر شي لازم نتزكر كلام ربنا { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

بتمنى ما يكون كلامي تئيل عليكون :88:

http://up.arabseyes.com/gif/7kA58571.gifيلا بنوتات خدو راحتكون