قصيدة ..للأم مع الصوت ..ارجو من الجميع المشاركه وأبداء الرأي
 

حبيت انقل لكم هذة القصيدة الرائعه عل من قرأها يعرف حق الام.

يااااااااايمه .. قصيده محزنه حقا .. اذرفت لها دمعي

للشاعر نصار الظفيري

وإليكم القصيدة :







يمه .. منتهي جيتك وطالب منك الغفران
أقبل قاعة أقدامك وغسلها بدمعاتي

يايمه .. كل مافيني يناديلك أنا ندمان
طلبتك ؟ .. قولي سامحتك وردي لوجهي بسمتي

أنا أدري قلبك الطيب كسرته بصدمة النكران
غلطت .. وغلطتي هذي تغير كل غلطاتي

تشوفي الشيب يايمه ترى ماجا وأنا فرحان
وربي إلي رفع ذاتك ونزل للردى ذاتي

فقدت الراحه من بعدك .. فقدت الطيبه والتحنان
بدونك .. راحتي غاية بدينك هذي راحاتي

أنا بعدك ولا حاجه أنا بعدك ترى عميان
أشوف .. ولا أشوف إلي يوريني مساواتي

أنا وسيد الشقى والهم غدينا أخوان
يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي

أنا من شالك بيده بأسفل البركان
نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم يمه قلبي هان
رموني وضعتهم فزعه .. وأنا الدمعات فزعاتي

يايمه لاتظني أنا من فعلهم زعلان ؟
سوات فيك سويته وسوو فيني سواتي

يايمه .. يالله ضميني ودفيني بها لأحضان
أنا أدري فيك مشتاقه .. وهمك بس ملاقاتي

يايمه ( حييييل ) ضميني أبي أرتاح أنا تعبان
تعبت أهرب من ذنوبي أبيك آخر مسافاتي

أبسمع منك كلمه .. لصوتك مسمعي ولهان
أبسمع ( يمه ) بصوتك أبذكر فيها نشواتي

أشوفك ساكنه يمه ؟ !! .. غفيتي ولا أنا غلطان ؟
غفيتي يابعد عمري ؟.. تعبتي من مواساتي ؟

يايمه طالبك قومي .. إذا لي في عيونك شان
أشوف الموت بعيونك عساها تخيب هقواتي

تعالو يابشر شوفوا أنا محتار أنا تلفان
أنا أمي مدري وش فيها أنا مدري أنا أحاتي

شنو ؟؟ أمي أنا ماتت ّ!!! لا لا .. لاترى غلطان
أنا أمي ماتخليني على حزني ووناتي

أنا أمي قلبها طيب ولا يمكن تبكي إنسان
أنا أمي ما تبكيني .. ولا تتمنى آهاتي

يايمه صح مامتي ؟ .. وصح الموت تو ماحان ؟
إذا متي أنا بعدك أبقضي وين ساعاتي

يايمه قومي .. وقولي الموت لا ماكان
أنا جيتك وأنا ناوي أببدي فيك جناتي

تركتيني ومتى وليه وأنا غرقان ؟
ولا مسموح ياوليدي !! .. ولاتلعنك لعناتي

أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي

ولاني مرضي ربي .. ولاني تابع الشيطان
أنا بعدك ترى مابين نهاياتي وبداياتي

يايمه منتهي جيتك وكلي مرتجي غفران
وشفت الناس تلعني .. وتحذرني من الاتي .. !!

وهذا بالصوت
http://www.dwaihi.com/25df1.ram

رد: قصيدة ..حق الأم ..ارجو من الجميع المشاركه ..
 

الولهان...

سلمت على هذا النقل الجميل

قصيدة غاية في الروعة

رد: قصيدة ..حق الأم ..ارجو من الجميع المشاركه ..
 

مشكوره احلى البنات على مرورك الجميل وهذا من ذوقك :44:

رد: قصيدة ..حق الأم ..ارجو من الجميع المشاركه ..
 

نقل جميل اخوي الولهان لو يعلم الانسان بمعزة والديه الله يجعلنا ممن يبرون بوالديهم ويرحم والدينا ولا تحرمنا ابداعاتك يا مبدع

رد: قصيدة ..حق الأم ..ارجو من الجميع المشاركه ..
 

رووووووووووعة تسلم اخي الولهان

رد: قصيدة ..حق الأم ..ارجو من الجميع المشاركه ..
 

الله يومك صغير لو تذكـّرها .......... كنت أصغر إعيالها واكبر أمانيها
كـنـّك مراية لها ، لو ما تناظرها........... ما كحلت عينها ولا حنت ايديها
مرّت عليها ليالي ما تِصورها ........ لو قلت ما قلت ما صوّرت ماضيها
وتحمّـلت من همومك في خواطرها .... من وين ما رحت ولا جيت ماليها
من اول الخطوة اللي في تعثرها ..... حتى آخر الخطوة اللي تو .. ماشيها
تسقيك منها وتلعب في ظفايرها .......... الين تروى عروقك في سواقيها
وان نامت الليل صحّـت لك مشاعرها ......... تخاف تحتاجها ولا تناديها
كانت تحطك بيدها مثل اساورها ....... لو لحظةٍ غبت عنها باح خافيها
كم لعبةٍ قد شرتها وانت تكسرها ........ ثم مــّرةٍ ثانية ترجع وتشريها
تقدر على كل شئٍ بس خاطرها ....... ما يحتمل دمعةٍ في عين غاليها

لو تذكر دروسك اللي ما تذاكرها..... او خوفها وانت وسط البيت ترميها
بشّـرْتـها بالنجاح وهلّ ناظرها ........... يا دمعةٍ للفرح سيلي وضميها
كم ليلةٍ غبتها وابطيت ساهرها ........ نامت وقامت وخافت من تواليها
تجلس ورا الباب وتقـلـّب ستايرها ......وتذوي مثل شمعةٍ بالبيت ناسيها
تذوب وتجفف الدمعة على آخرها ....... يا خوفي انك على هالحال تنهيها
ما هي بحمل السهر حتى تسهـرّها ...... اليوم شابت وحق انك تراعيها
ما هو بحق ٍ عقب هالعمر تنهرها ....... مادام حتى ( أف) ربك قايل فيها
ولْـيا تـزوّجـْت خذ بنتٍ توقرها....... تِـبـرّ فــيــها مثل بـرّك وتغــلـيـها
حتى لو الزوجة اخطت دون خاطرها.... وسوت لها حاجةٍ ما هي بترضيها
اليا احـذفـت كلمةٍ تجرح مشاعـرها..... او عامَـلـتـْها بـنـفـس ٍ ما تدانـيـها
حتى لو امك ما قالت وش مكدرها..... عشان خاطرك شالت جرحها فيها
قل ( يا مره) هذي امي في ضمايرها........ شئ ٍ ولابدها تقول .. وما ليها
ولا يــكــدّرني الا الـلي يـكــدرها.......... ولا يعـنـّيـنـي الا الـلي يعـنـيـها
وشلون اباصبر على اللي ما يقدرها ....... الله لا يخلي ترابي من مواطيها
وصـيّـة الله عـلـيّه ما اتـنـكـّرها........... اول حـقـوقـي وثـالـثـها وثـانـيـها
والزوجة اللي على المعروف اعاشرها.....ان ما عرفت حقها والله لا اخليها
ما ني بمن يترك امه ما يشاورها.........يتبع رضا زوجته والام ناسيها
وصـيـةٍ قـلـتـها لـلي تـذكـرها...........الوالــدة كـلـمـةٍ صـعــبـة معانـيـها
هي سـلـعـة الله وخـيـر الـنـاس تاجـرها ..... يقول له قولةٍ بالحق موفيها
ياللي عيونك على الجنة تناظرها....... طلبك غالي ... ولكن .. تحت رجليها

رد: قصيدة ..حق الأم ..ارجو من الجميع المشاركه ..
 

قصيدة حلوة مشكور على النقل اخوي

رد: قصيدة ..حق الأم ..ارجو من الجميع المشاركه ..
 

رد: قصيدة ..حق الأم ..ارجو من الجميع المشاركه ..
 

مشكور اخوي خلودي على المرور الجميل ولا تحرمنا تواجدك الجميل بالمواضيع:44:

مرورك الاروع اختي سم سما :44:

مشكور اخوي رعش قلبي على المرور الجميل:44:

مشكوره اختي بنت القدس على المرور الجميل:44:

رد: قصيدة ..حق الأم ..ارجو من الجميع المشاركه ..
 

مـ ـ ـشـ ـ ـكـ ـ ـور الـ ـولـ ـهـ ـان عـ ـ ـلى الـ ـنـ ـقـ ـ ـل

قـ ـ ـصـ ـيده رائـ ـعه

تـ ـ ـحـ ـ ـيـ ـاتـ ـي

بـ ـ ـوح

رد: قصيدة ..حق الأم ..ارجو من الجميع المشاركه ..
 

مشكوره اختي بوح المشاعر على الطله الحلوه:44:

رد: قصيدة ..حق الأم ..ارجو من الجميع المشاركه ..
 

الشعر الجميل يحرك المشاعر
والشعر الرائع يحرك لواعج النفس
فكيف بالشعر الذي يبكينا

شكرا يالولهان على القصيدة الجميلة
وشكرا بوراكان ايضا لمشاركته الرائعة

رد: قصيدة ..حق الأم ..ارجو من الجميع المشاركه ..
 

مشكوره اختي ربيحه الرفاعي على مرورك الجميل والله لا يحرمنا من طلاتك الحلوه:44:

رد: قصيدة ..حق الأم ..ارجو من الجميع المشاركه ..
 

يايمه .. يالله ضميني ودفيني بها لأحضان
أنا أدري فيك مشتاقه .. وهمك بس ملاقاتي

يايمه ( حييييل ) ضميني أبي أرتاح أنا تعبان
تعبت أهرب من ذنوبي أبيك آخر مسافاتي 0
(يعطيك كل الخير ويجازيك بالحسنى رب العالمين )

صدق قول المثل : قلب الام على الولد وقلب الولد
على الصخر 0سبحان الله كل البواب تتسكر بعد الله الا قلب الأم الكبير ترى ماهذه الحكمة الإلهية البالغ سرها عند الله 0الله أعلم0 اللهم رضي والدينا عنا يامن رضاهم من رضاك0
وصلي على النبي

رد: قصيدة ..حق الأم ..ارجو من الجميع المشاركه ..
 

مشكور اخوي aaالمحترم على المرور الجميل :44: