قصه ثلا ث بنوتات رورو وزيزي وأثوره - عيون العرب

**المعلم سطح** · #1 06-21-2006, 08:57 PM

السلام عليكم ورحمه الله وبركاته
اخواني واخواتي
اسف على الموضوع
أثوره ورورو وزينه
بس انا متضايق اليوم حيل
ما لقيت غيركم ابرد حرتي فيه
بنزل الموضوع

بسم الله نبدآ وعلى بركته نسير الله هم يسر مكتوبي هاذا

نبــــــــــدآ

اخـــواني واخــــواتي
مدرى ليه احس اذا نزلت موضوع طويل على البنات احس بالحيويه

اقول اليوم مدرى وش فين <<< ثالث يوم دراسي غير موفق

المووووووووووووهم

من مبدى أهم شيء الأخلاق..نطل عليكم بموضوعنا هذا
واللي يرحم والديكم نبي ردود زينه

تنبيه لأصحاب القلوب الضعيفه لايدخلون الموضوع ..

الاسلوب في التعامل مع الناس شي جميل
ويمتاز كل عنز على هذا الكوكب باسلوب خاص فيه
ان القشره الارضيه تتكونت مذن بلااييين السنين <<< خش بالدراسه

ياااقوووم

ما لاحظتم ان روح المسا اسلوبها مصرقع!!!
ما لاحظتم ان زينه البنات اسلوبها دلوع!
ما لاحظتم ان أثير الورد تحب التخريب!!!!!

تدرون ليه كل وحده منهن لها اسلوب غريب

تعالو معى لكي نعرف

روح المسا&زينه البنات&أثير الورد بنات وحيدات ابوهن وامهن

الا الاآن والموضوع طبيعي ولا فيه اي مشكلة

لكن هن من نعومة اظافرهن كان اللي يشوفهن مايشوف اي ملامح

للزين ويغسل يده ان هالبنات بيتزوجن

لكن امهن وابوهن كأنو مأملين انه مع الوقت بتتعدل خششهم وبيصيرن

مملوحات على الاقل

ومع مرور الزمن كبرن البنات وصغر امل الام والاب في جمال بناتهم

الكبيرة طق عمرها خمس و وعشرين والصغيرة عشرين والوسطى ثلاثه

وعشرين سنة ومازالت الخشش كما هي وكأنهم محنطينهن

المشكلة كل ماجاهن خطاب اذا شافوا البنات انحاشوا لدرجة ان

شغالتهم انخطبت ثلاث مرات ورفضت والبنات ولا احد معبرهن

واللي اصابهن بعد بإحباط مرة جتهم حرمة بتخطب لولدها يوم قالت

اجل وين البنات <<< على بالها تبي تـختار

يوم دخلوا عليه تغطت الحرمة تحسبهن عيالهم

يوم درت ان هذولن البنات بغى يغمى عليه ولا درت وشلون تصرف

السالفة قالت ابد الله يسلمكم عيالي يلعبون كورة وسطحت كورتنا

عندكم ونبيكم ترجعونه تكفووون واذا ماتبون بكيفكم وعضت عبايتها

وانحاشت خخخخخخخخخ

بعد هالموقف امهن وابوهن غسلوا يديهم ان بناتهم يتزوجن

وذات مساء محبط اجتمع الأب بـبــناته الثلاث اجتماعا مصيريا لكي يحدد

موقفة من الوضع الحاصل

الاب وهو خانقته العبرة : يابناتي انا مااجتمعت بكن الا لأمر جلل امر قد

يتغير فيه مجرى حياتنا يابناتي مثل ماتعرفن انا ماقصرت مابقى الا

اسوي اعلانات بالتلفزيون واقول عندي بنات للعرس

يــلعن ابو القهر حتى سويت عليكن عروض وقلت تزوج واحصل على تذكره مجانية مع اقامة لمدة شهر في جدة شاملة المصاريف

وياليت كذا بس لا وبعد ادفع 10% من المهر والباقي على اقساط

ميسرة واذا ماودك تتدفع مايخالف

والا الحين ماجاء احد يخطب جعلكن الخبطة <<<< قفلت مع الاب

روح المسا: طيب يبة انا عندي اقتـــــراح ممكن اقوله ؟

ابــوهن : ايه يابنيتي قولي عشان كذا مجتمع بكن انا

روح المسا : ليه مانشتـــري قطـــار ونوقفة عندنا

ابوهن : وش نبي بالقطار وانا ابوتس ؟

روح المسا : عشان اذا وقفناه خلاص مايفوتنا قطـــار الزواج

ابوهن وهو خانقته العبرة: اقول يابنيتي ياحلالاة الرشاش الحين والله الا

اشوى انتس مااعرستي ســاد تستاهلين يالخبلة <<< قافلة معه

زينه البنات : انا اقول يبة ليه ماتودينا لعيادة اللي يسوون فيها عمليات تجميل

يمكن يلقون لنا حل

ابوهن : هاه .. والله انتس جبتيها يا احلى دلوعه عزالله انتس جبتيها

ومن بكرة راح الابـــو وسوا حجز لبناته بالعيادة وعطوه موعد بعد

اسبوعين <<< الله من كثر الشيون عندنا

جاء اليوم الموعود ووصلن البنات للعيادة وكان من حسن حظهن فيه

خبير تجميل فرنسي اكا اليوم وهو اللي يكشف على البنات

الطبيب بعد ماشاف البنات وجلس يشخل بهن ويتمقل ويدور له مخرج

والا زاوية ممكن يستغله بوجيههن ماااااش تعب الرجال وحط يدة ورا

ظهرة ويده الثانيه جلس يحك بها راسة وباين عليه انه خانقته العبرة

المسيكين

خذا ابوهن على جنب وقال له : شوف انا لي خمسين سنة في

هالمجال ومر علي شيون لكن مثل بناتك والله ماشفت الا استغفر الله

يمكن وحدة اللي مره جتن وكانت اشوى من بناتك شوي ويوم يأسنا اننا

نزينه قالت اجل اقلبوني رجال اصرف يقصد جذابه هع هع هع

والحين انت مثل ماتعرف الوضع صعب ولا فيه امكانية يطلعن بناتك زيوون

بلع ريقة ابوهن وطلع يجر اذيال الخيبة ومن خلفة بناته يجرن هن بعد

اذيال الخيبة بس هن زايدن معاهن اذيال الشين

عاد البنات مسيكينات مالهن صديقات ابد كان لهن صديقات اول لكن معاد

يشوفنهن يقولن نخاف تعدننا بالشين اللي بكن

ادهرت روح المسا بالانترنت ولابقى موقع زواج مااعلنت به : ثلاث فتيات يقدرن

الحياه الزوجية اخلاقهن زينة قسم بالله اخلاقهن زينة مرررررة

زينه ماتنطبق الا بأخلاقهن بس يبحثن عن ثلاث ازواج وترا

عادي لو ان اللي يبي يعرس ماخذ ثلاث والا مطلق والا كبير مرة اهم

شي نعرس تكفوووون واللي يرحم والديكم ,,

لدرجــة انها مــره كتبت في اول الاعلان : الى اصحاب القلوب الرحيمة

<<< من جد خنقتنى العبرة

وفجأه

وبدون مقدمات

رن جرس البــــــــــــــــــاب

ادري عادي رن جرس الباب لكن من اللي رن الجرس؟؟؟

الا والله ثلاث شباب مثل الورد ومعهم ابوهم ومشخصين ولا احلى

منهم

وبعد ماقلطهم الابو بالمجلس وقهواهم قال ابو الشباب
ابد الله يسلمك حنا يشرفنا ويسعدنـــا ويثلج صدورنا اننا نطلب يدود بناتك
<<< يدود جمع يد

ابو البنات بغى ينشل ومن الفرحة قام يحبب العيال وخربه الله يهديه

وقام يهز له شوي ثم استحى على وجهه وركــد << من الفرحه قام يهز

قال : الله يسلمكم والله لو انهن ذبايح ماعشتكم خلاص انا موافق واللى يرجع مثل اخته

وش رايكم اجيب الشيخ يملك الحين <<< تحس انه متوهق فيهن

قال ابو العيال: هع هع هع هع<<< ضحكة واحد كاش الله يسلمك

والله ودنا لكن تعرف الجماعة وودنا نسوي زواج كبير ومطربات ومن

هالكلام اللي انت عارف لكن ودنا نخلي زواجهن بليلة وحدة وياليت

يكون بعد ثلاثة اسابيع

ابوالبنات: الله يسلمك اللي تشوف طال عمرك <<< من الفرحة معاد يعرف يحتسي

الحين المشكلة شلون يوصل الخبر للبنات تعرفون عاد عقب

هالسنين وبعد مايأسن من العرس يجي يقولهن ترا زواجكن بعد ثلاثة

اسابيع وكلكن بليلة وحدة

المهم توكل على الله ودخل عليهن بالغرفة وهو مغمض وقال:يبنات

الله فرجها عليكن ولا تعلمن احد اخاف ينظلونكن ترا جاكن معاريس

شباب وكل واحد احلى من الثاني وترا العرس بعد ثلاث اسابيع

وبعد ماسكت ماسمع شي ابد ( طبعا هو الا الان مغمض ) ويوم فتح

عيونة والا البنات كأنهن العاب بغرفة ورع كل وحدة مغمى عليها بجهه

ويوم صحن الا ويالله لك الحمد قامن يسون حركات مال امه داعي

زينه البنات تحبب ابوها وروح المسا تقول تعال ارق يبه على ظهري انا الحصان وانت

الفارس هع هع هع
وأثير الورد من الفرحة قامت تسوي جمبااااز<<<هههههههه

وبعد 18 يوم يعني مابقى على العرس الا 3 أيام والبنات خلاص جهزن

انفسهن حتى ان روح المسا شرت ملابس لعيالها بالمستقبل هع هع هع

وفجأه

وفجأه

وبدون مقدمات

رن جـــــرس الهاتف

ردت الام : الو مين

اللي بالتلفون : مسيتس بالخير انا ام محمد ابا السعابيل جارتكم

اكالسنه عساتس عرفتيني

أم البنات:هلا والله ومسهلا بام محمد وشلونتس يالقاطعة 17 سنة

ماشفناتس اللهم ياكافي وشدعوا ياوخيتي؟

أم محمد:ايه لاهين بالدنيا ياوخيتي المهم ماعلينا اقول سمعت ان

بناتس بيعرسن على عيال ناصر ابو الطواري هو صدز؟

ام البنات:اي والله ابشرتس وعرسهن بعد يومين وانشاء الله انتس

بتجين ياعيوني مافيها كلام انتي مننا وفينا

أم محمد :هو هو هو الله لاتعاقبنا ماتخافين الله ترا ذولي عيال لطيفة

الصقها نسيتها وتــرا عيالها هذولا راضعين مــع بناتس جعلتــس

الفليت

أم البنات:بعد مارجعت شريط حياتها بسرعة قدامها وذكرت كل شى

وكل ابو السالفة <<< طالعة من القهر هاه اي والله

طرااااااااااااااااااااخ <<< صوت السماعة وهي تنصك وينصك معها ملف

القضية رقم 455 اللي محتواها انتحار جماعي لعائلة مكونة من اب وام وثلاث بنات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شروط قسم عيون التسالي والالعاب الرجاء الدخول هنا قبل المشاركة	Admin	تسالي و ألعاب	1	08-11-2011 09:34 PM
ملابس بنوتات صغار	أشجان الأزهار	حواء ~	34	03-19-2007 10:30 AM
تشكيلة فساتين جديدة لأحلي بنوتات	قمرمصر	حواء ~	3	12-03-2006 11:37 AM
البنت أغلى من الولد(تعقيب على قصه 3 بنوتات)	المعلم سطح	أرشيف المواضيع الغير مكتمله او المكرره او المنقوله و المخالفه	6	06-30-2006 06:08 PM