|
لا تحاتي غناتي دامك انت معاي ..هالمره الروايه كامله!! هذي روايه لقيتها في منتدى ثاني عجبتني ............................................................................................... اسمي مريم أكبر خواتي وأقلهم نصيب في الجمال , ما أقول أني شينه بس عاديه بالنسبه لجمال اهلي قصيرة وملامحي مرره ناعمة بس في نفس الوقت جذااابه على حسب كلام اللي حولي , حياتي غريبة عن حياة أي بنت في عمري أحب العزلة ارتاح لما أجلس مع نفسي , وفي نفس الوقت اتغير ميه وثمانين درجه لما أكون مع صاحباتي اضحك وامزح واستهبل أكون إنسانه ثانيه . بس ماتغيب عن اللي يقابلني لأول مره لمحة الغموض الطاغيه على نظراتي حركاتي حتى كلامي !! اختي مشاعل : اكره انسان في حياتي ماعمري كرهت انسان كثرها , وسبب هالكره هذا كله امي وابوي !!! أي امي وابوي لأنهم كانوا دائما يقارنوني فيها . في كل شي خصوصا الشكل وهالشي كان يزعجني مررره مع اني في الواقع اتفوق عليها بالجمال ماعدا الجسم كانت هي فارعه في الطول أما انا فعلى قدي .. انا اكبر منها ب 4 سنين , علاقتي بعائلتي سطحيه مرره ويمكن تكون معدومه بعض المرات !! حياتي روتينيه لدرجه ممله اصحى اروح المدرسه (اخر سنه الثانويه ) ارجع اتغدا انام اصحى الساعه 4 ادخل غرفتي وأدرس الين الساعه 7 وبعدها اجلس على النت الين الساعه 9 بعدها عالتلفزيون وبعدها انام وهكذا امس هو نفسه اليوم واليوم راح يكون نفسه بكره .. .,.,., الفصل الأول .,.,.,. صوت امي : يله يامريوووم قومي بتتاخرين كل اخوانك راحو مدارسهم قومي ووجع !! أنا اكون صاحيه بس ما احب اقوم من فراشي على طول احب ابقى شوي عشان استوعب اني صحية !! مشاعل وهي تهزني يله قومي قومي ترا بخلي السواق يوصلني وانتي بكيفك انا بصراخ : طيب طيب خلالالاص صحيت روحي عن وجهي(هذا اسلوبي معها مايتغير صراخ في صراخ ) بعد مالبست سحبت شنطتي على الأرض ونزلت للمطبخ عشان أفطر لقيت مشاعل واخوي فيصل أقذر ما خلق ربي مايهتم بنظافة وترتيب شكله مع انه مملوووح بس هو كذا ياكل والسعابيل تنقط منه عااادي الكل يهزأه بس ماحولك احد , دايما يتحرش فيني الأحترام معدوم عنده ماخذ الدنيا مزح في لعب أكبر مني بسنتين 20سنه انا جلست من غير ما اسلم لاني ما اسلم على اللي في البيت ألا لما اكون مسافره او راجعه من المدرسه ولقيت امي او ابوي في وجهي . امي : روحي مشطي هالكشه ان شاء الله بتروحين المدرسه كذا ؟ انا : توني قايمه من النوم بفطر وبعدين بمشط شعري امي : وين تفطرين اشربيلك أي شي وقومي بسرعه صاحيه متأخر وتبين تفطرين يله الحين الساعه 7 ألا ربع تأخرتوا يله قومي خلي السواق يوصلك أنا توني اصحى لنفسي : يؤيؤيؤ ياربي تأخرت يله بسررعه انتي قومي خلصينا مشاعل بصراخ : انا لابسه صارلي ساعه انتي خلصينا انا بستنى في السياره وأذا ماجيتي بروح ابوي سمع صراخ مشاعل قالها بعصبيه : انتي هيه مين تكلمين كذا بصراخ احترمي اختك اللي اكبر منك والله انتوا يبغالي ارجع اربيكم من جديد أنا لبست عباتي ومن السرعه ما انتبهت اني لبستها مقلوبه يعني بالعكس قطيت الشيله على وجهي ورحت اركض للسياره وانا اسحب شنطتي , .,.,., في السياره .,.,.,. انا : يله كومار بسرعه روح مدرسه انا في السياره ما تغطى لأن محد فاضي يناظر بوجهي من الصبح وأنا اتغطى بالشيله يعني راح يكون كتمه فأكشف اما مشاعل فكانت تتنقب (تلبس نقاب ) عشان تبين عيونها الوساع والمكحلين خلقه . عند الأشاره اللي عند مدرسه مشاعل وقف جمبنا رنج اسود فيه واحد مزيون بس شكل الدراسه كارفته كرف ماسك الكتاب بيد والدركسون ( القير) بيد ثانيه ويقرا ويهز راسه مبين عليه انه دافور مررره , انا كنت انجذب لأي انسان يقرا حتى لو كان اشين ما خلق ربي يصير غزال بعيني لأني انا كنت على درجه عااااااااليه من الثقافه وهذي كانت الخاصيه الوحيده اللي ما تقدر مشاعل تجاريني فيها الكل كان منبهر بأسلوبي لدرجة انك مستحيل تلاقي شخص مشغول لما اتكلم الكل يسمع لي !!! الولد انتبه لي لأني كنت اناظره كني راح آكله قام وأبتسم لي انا على طول لفيت وجهي وسويت نفسي كأني ما انتبهت ,, نزلت مشاعل من السياره وهي تقول كومار انا اليوم في يتأخر تعال الساعه وحده ونص وسكرت الباب وراها ومشت انا يله كومار الحين روح ثانويه كومار : اوكي مدام انا : كومار انا كم مره اقول لك انا مش مدام انا مس ,, اففف ما ادري متى بتفهم نزلت من السياره ولمحت وراي الرنج الأسود والمزيون اللي فيه خفت وبسررعه دخلت المدرسه .,.,.,. في المدرسه ,.,.,. سارا : هلا وغلا بمريوووم انتي وش فيك دايم مكشره نفسي اشوفك جايه المدرسه وانتي مبتسمه لو مره فحياتك انا مبتسمه : انتي وش ماكله على الصبح فيل جايتني نشيطه تنططين مو من العاده سارا : من اليوم ورايح بتشوفيني كذا انا : ليه وشصاير ؟ سارا : واخيرا خطبني ولد عمتي ووافقت انا : هيه انتي صاحيه تتزوجي الحين ؟؟ توك بزر اسمعي كلامي وأرفضي واذا كان يحبك يستنى لما تخلصين دراسه سارا : أي دراسه اللي تتكلمين عنها هذي اخر سنه ثانوي وامي تقول البنت بعد الثانويه مالها غير بيت رجلها وبيني وبينك ما اعتقد اني راح اجيب نسبه زي الناس يعني انا طموحي 70% خخخ شايفتني دفرره زيك حبيبتي انا الجامعه مخليتها لك ما ابيها انا : تصدقين والله راح ترتاحين من أمك وابوك واخوانك على الاقل محد يقولك تعالى هينا ولا تروحين هناك يعني بتصيرين وحده متزوجه مسأوله من زوجك وبسسس محد له شغل فيك سارا : يازيييييين الزواج زيناااااااه انا : هههههههه امشي قدامي خلصينا الحين علينا فيزياء ما ابي انطرد في الحصه سارا كانت جالسه جمبي سالتها بصوت واطي : اقول ياحلوه ماقلتيلي وش اسم سعيد الحظ ؟؟ سارا بحيى : حموودي انا : اوه اوه هذا قبل الزواج حموودي الله يستر بعد الزواج وش بيصير هههههه طيب يشتغل ؟؟ سارا: لا وش رايك يعني من وين بيعيشني ؟؟ اكييد يشتغل اليوم عليه اختبار ياقلبي الله يعينه انا بغباء : شلون يشتغل وعنده اختبار ؟؟ سارا :ياربي انتي وشلون طالعه الأوله مدري , هو يشتغل ويدرس في جامعة البترول انا : اوه اوه من قدك ههههه سارا: اوص خلاص لاتنتبه علينا العله وتطردنا ,.,.,. في مدرسة مشاعل( الفسحه ) ,.,., فاطمه ينادونها فوفو : اهلين ميشو اخبار الجو عندك ؟؟ مشاعل : والله مافي جو فوفو : يؤيؤيؤ لييييه وين راح فهد ؟؟ مشاعل : فهد طلع يكلم وحده ثانيه ولما قلت له انت خاين قالي لاتصدقين اني بوفي لك لأني عارف انك تكلمين غيري عشر فوفو : مالت عليه هو الخسران ولايهمك حياتي اليوم روحي المول وتلاقين غيره عشره مشاعل : هههههه وانتي الصادقه ., طيب انتي اخبار سعود ؟؟ فوفو : يوووه سحبت عليه من زمااااان تخيلي يقولي ما ابي اشوفك كاشفه مره ثانيه وماتروحين مكان ألا لما تقولين لي ؟؟ خير ان شاء الله مين يكون ؟ مشاعل : شكلنا صرنا في الهوا سوا هههههه اليوم نعوضهم في المول فوفو : هههههههه ,.,.,., الفصل الثاني .,.,., دخلت البيت لقيت امي جالسه تكلم في التلفون طلعت ابدل ملابسي ورجعت للصاله لقيتها خلصت كلام قلت لها : يمه صديقتي سارا انخطبت وتبيني اروح معاها المول عشان تشتري شويت اغراض العصر اوكي ؟؟ امي : طيب بس خذي مشاعل معاك انا : يمممه بنتك غثيثه وبتذبحني لو راحت معي امي : اجل خلاص مافي روحه انا : طيب خلاص امري لله اذا رجعت قوليلها تجهز عالساعه 5 العصر امي : على وين ؟؟ انا : بروح انام ما ابي غدا .,.,.,. الساعه 5 .,.,., جوالي يرن انا : الوو اهلين سارا : هلا والله يله انا عند باب بيتكم انا : طيب دقايق وانزل رحت طقيت الباب على مشاعل ماردت قلت لامي: البنت تستنى عند الباب وحظرتها مشاعل ماجهزت الين الحين امي : ماتبي تروح تقول تعبانه انا : اوكيه يله بااااي .................................................. .................................................. ................. انا : يله سوسو من وين راح نبدا ؟؟ سارا : راح نروح الراشد انا : اوكي .................................................. .................................................. ................... في الراشد: سارا: ميمي خلينا نروح ستراديفاريوس بشتريلي كم شغله من هناك انا : اوكي ومن بعد الدواره من محل الى محل قلت لسارووه : سوسو انا جوعاااانه خلينا نروح ناكل لنا شي سارا: اقول الحين الساعه كم ؟؟ انا : يؤيؤيؤ الساعه 10 ياويلي من امي بتذبحني قايلتلي الساعه 9 اكون بالبيت سارا: دقي عليها وقوليلها المول زحممه بنتعشى ونرجع بسرعه انا : اوكي , الوو : اهليين امي بصراخ : انتي وينك تعرفين الساعه كم الحين ؟؟ انا : والله المول زحممه مررره بس اتعشا وارجع البنت اوكي امي : طيب بسررعه سارا : ميمي انا بدخل الحمام انتي اسبقيني للمطاعم انا : اوكي كان في واحد لاحقني بس من بعيد يغمز ويوزع ابتسامات بس انا ما اعطي هالأشكال وجه ابد بس لما طلعت في الأصنصير ( المصعد ) دخل معانا ولصق فيني لدرجة ان كتفه بيضرب بكتفي وقال : تكفين عطيني وجه والله قصدي شريف !! انا : وين قصدك شريف وانتي تلاحقني من محل لمحل وتغمز وتتبسم ماشاء الله كل هذا وقصدك شريف فتح الأصنصير وطلعت في جلسات المطاعم كنت جالسه انا وسارا نتعشا شوي لمحة الولد اللي في الأصنصير وانصدمت لما شفت مشاعل تناظره وتتبسم له انا قلت اعوذ بالله يمكن اكون مشبهه دقيت على امي أسألها عن مشاعل قالت لي انها راحت عند صديقتها تذاكر من المغرب دقيت على جوال مشاعل : اهلييين انا : انتي وين الحين امي تقولك ارجعي البيت بسرعه مشاعل : انا ببيت صديقتي انا : علينا ببيت صديقتك ومين اللي واقفه تتبسم قدامي ؟؟ مشاعل برتباك : والله ماتبسمت هو اللي لاحقني انا : بسرعه تعالي الحين مشاعل : طيب مشاعل لفوفو : ياربيييه هذي مريووم العله شافتني فوفو : عادي قوليلها هو اللي لحقنا مشاعل : امشي بس الله يستر فوفو : اهليين ميمي اخبارك ؟؟ انا ما اطيق هالبنت : تمام الحمد الله مشاعل : انا جوعانه بجيب لي عشا انا : ما في وقت راح ناخذه تيك اويه امي تقول لازم نرجع الحين سارا : ميمي ميمي شوفي حموودي هينا انا : وينه وينه ؟؟ سارا : هذاك اللي واقف هناك , لابس تيشيرت ازرق انا انصدمت لأان محمد هو نفسه اللي لحقني في الأصنصير ولحق مشاعل !!! الولد طلع راعي خرابيط سارا مسكت جوالها ودقت عليه : اهليين محمد محمد : هلا حياتي انتي وين سارا : بالراشد محمد بخوف : وين بالراشد ؟؟ سارا: جالسه قدامك شفتني ؟؟ محمد : ايه ايه شفتك بس مين اللي معك ؟؟ سارا : صديقتي مريم وأختها محمد : طيب حياتي انا مابي ازعجك بس لما ترجعين البيت دقي علي اوكي سارا : اوكي انا : سوسو انا باخذ البنات وبروح البيت وانتي روحي تمشي مع محمد اوكي سارا : اوكي يله اكلمك بالليل .................................................. .................................................. |
رد: لا تحاتي غناتي دامك انت معاي ..هالمره الروايه كامله!! ... الجزء الثاني .... محمد : وين راحو صاحباتك ؟؟ سارا : راحو بيتهم لأن امهم ماترضى يطولون برا البيت محمد : اها طيب يله امشي نروح نتعشى سارا : توني متعشيه محمد: طيب نروح نشرب لنا شي سارا : يله .................................................. .................................................. .................. مشاعل : والله مريم ما اعيدها بس تكفين لا تقولين لأمي انا عطيتها نظرت احتقار وسكتت دخلت البيت لقيت امي نايمه طلعت لغرفتي وحطيت راسي على المخده وانا افكر في سارا ياربي اقول لها ولا بس اكيد كل ولد لازم تكون عنده حركات وبعدين يمكن بعد الزواج يعقل اخاف اقول لسارا واتسرع لالا خلاص خلني ساكته احسن لي .. ماحسيت بنفسي الا وانا نايمه .................................................. .................................................. ........................ يوم الخميس الساعه 5 العصر صحيت ونزلت الصاله لقيت امي جالسه ومشاعل رحت المطبخ ادور لي شي ينوكل بعد ما تغديت رحت الصاله امي : اسمعي اليوم خالاتك بيجون عندنا يعطي اطلعي ألبسيلك أي شي مشاعل كانت لابسه وجاهزه مابقى لون ماحطته فعيونها خخخ امزح كانت لابسه تنوره طويله بنيه وتوب بيج وعليه كلام وصندل ناعم انا طلعت وخذيت لي دوش ولبست بنطلون جينز ضيق شوي وتوب اسود وبنفسجي غامق وعليه جمجمه بالستراس ( زي الكرستال )) مع صندل عالي شوي وروج وردي فاتح وكحل ابيض داخل العين ومسكره كنت طالعه مررره ناعمه وفي نفس الوقت ستايلي كان قريب من ستايل افريل لافين وصلوا خالاتي وبناتهم بس خلوني اعرفكم على بنات خالتي اكثر بنات خالتي لولوه العنود :20سنه حلوه ودلوعه وفي نفس الوقت مغروره تحب ولد خالتها (مشعل ) وهو يحبها بس الحين باين عليها انها كرهته ندى : 18سنه اخت العنود بنوته مررره حبووبه اقصر مني لووول تحب واحد يقرب لها من اهل ابوها اسمه مازن عايش بالرياض اكبر منها بخمس سنين سلمان :24 متوسط الجمال بس جذااب مايحب الدراسه بيني وبينه قصة حب من ايام الطفوله ,, بس اعتقد انه نساني لما كبرنا بنات خالتي نوره ملاك : 19 سنه حبووبه وعلى نياتها ماعندها سوالف تدور على حب حياتها بس الين الحين ما لقت اللي يستاهل حبها متوسطه من ناحية الجمال ود: اخت ملاك اكبر مني بيوم مغروره جمالها عااااادي معتزه بقبيلتها مع اننا قلنا بنات قبايل بس مختلفه يعني كل وحده من قبيله ثانيه الموهيييم انها تحب اخو العنود وندى ((سلمان)) بس هو مايحبها !! مشعل :26 يشبه يعقوب عبدالله !! وسيم ذووق وفي نفس الوقت مو كل وحده تعجبه كان يحب العنود بس الحين اتوقع انه نساها بنت خالتي منيره ريم : صاااايعه لأبعد درجه ياما كلمت وياما طلعت مع شباب !!! هي اصيع وحده فينا تحب (( سلمان )) بس هو كمان مايحبها !!! هي بنفس عمري .................................................. .................................................. ...................................... في غرفة الجلوس ريم : مريم فيك شي متغير محلوه انا : تسلمين عيونك الحلوه ريم : لا والله من جد اتكلم يمكن اول مره تفلين شعرك انا : يمكن العنود : اقول مريم جيبيلنا مسجل خلينا نردح شوي ندى: أي والله بنات فيني رقصه انا : هههههههه اوكي ولا يهمكم بتردحون اليوم الين ماتتعبون انا طلعت اجيب المسجله من غرفتي وما انتبهت ان سلمان كان واقف عند الدرج جبت المسجل وانا نازله شفته والتقت نظراتنا انا برتباك : اوبس (( لأني اتغطى عنه )) سلمان قاطعني : اهلين مريومه كيفك ؟؟ انا برتباك : تمام انت كيفك ؟؟ سلمان : بخير دامك بخير مريومه اذا ماعليك امر ناديلي خالتي بسلم عليها وبمشي انا : ماراح تتعشى ؟؟ سلمان : ليه تبيني ابقى ؟؟ انا بنحراج : دقيقه وانادي امي سلمان : عشانك اترك اشغال الدنيا تتعطل وابقى انا مشيت عنه انحرجت ما ادري وش اقول وناديت امي ووقفت استنى في الممر الين مايمشي سلمان عشان اقدر اروح عند البنات امي : خلاص الولد راح انا طلعت ودخلت عند البنات العنود : وينك ضيعتي الطريق ساعه على ماتجيبين المسجل ندى : يله بلا كلام فاضي شغله ترا فيني رقصه ما اقدر انا : هههههه طيب شوي شوي لا تموتين علينا الكل : هههههههههههههههههه وبعد الردح والرقص حطو العشى والكل راح بيته طلعت لغرفتي وانا افكر في كلام سلمان : معقوله الين الحين يحبني ؟؟ ولا كان كلامه استهبال وبس ؟؟ يوووه راسي يعورني ونمت .................................................. .................................................. ..................................... يوم الجمعه بعد صلاة الجمعه العايله كلها تجتمع على الغدا ابوي : مريم انتي اخر سنه صح ؟؟ انا : أي اخر سنه الله يستر والله خااايفه من النسبه ابوي : اسمعي جامعه بفلوش مافيه (( حالتنا الماديه كانت متوسطه )) تبين جامعه شدي حيلك وجيبي نسبه مشاعل : بابا اليوم بطلع مع صديقتي المول ابوي : لا !!! تبين تروحين خذي اختك معك مشاعل : بس بابا مريم ماتحب تروح معي انا بنذاله : لا بالعكس ليش ما احب اطلع معك ولا قولي انتي ماتبيني اجي مشاعل : أي ما ابيك تجين لأنك غثيثه ولحجييه وتفشلين انا : لا تكفين عالجمال اللي معذبك ابوي : خلالالاص تغدوا وانتوا ساكتين .................................................. .................................................. ...................................... بعد الغدا الكل طلع لغرفته وانا بقيت في الصاله ومن قناة لقناة دق تلفون البيت رفعت السماعه : الووو؟؟ ؟؟: هلا بالقمر انا عرفت نبرة الصوت ماغابت عن ذهني ابد: سلمان ؟؟ سلمان : ياعيون سلمان انا : ؟؟؟؟؟ سلمان : مريم وين رحتي ؟؟ انا : معاك سلمان : ادري اني مصختها بزياده بس والله لازم اقولك عن اللي بقلبي مريم انا ماعمري نسيتك ماغبتي عن بالي لحظه صدقيني ادري راح تقولين طايش ويلعب علي لكن اللي بيننا مو حب يوم وليله عشان العب عليك , اللي بيننا حب سنييين راحت بحلوها ومرها مريم مريم ؟؟ انا : معاك سلمان : طيب انتي وش رايك ؟؟ انا : منصدمه سلمان : ادري ياحياتي انك منصدمه بس اذا ماعرفتي بحبي اليوم بتعرفين بكره انا : سلمان سلمان : ياعيونه انا : لا تتوقع اني من البنات اللي ينلعب عليهم بسهوله تحبها اليوم وبكره ترميها ولا كأنك في يوم من الأيام قلت لها .... سلمان قاطعني : لالالا لاتفهميني غلط والله ماجيه ببالي أي شي من اللي قلتيه مريم انتي قلبي في واحد يلعب بقلبه ؟؟؟ انا : ؟؟؟؟؟ سلمان : مريم ممكن سؤال ؟؟ انا : تفضل سلمان : تحبيني ؟؟ انا :؟؟؟؟؟ سلمان : تحبينيي ؟؟ انا:؟؟؟؟ سلمان : ادري سؤالي غبي شوي وماله داعي بس اجابته تحدد مصيري راح اتركك اليوم تفكرين وبرجع ادق عشان الاقي الجواب اوكيه ؟؟ انا : اوكيه |
رد: لا تحاتي غناتي دامك انت معاي ..هالمره الروايه كامله!! انا كنت منصدمه يعني معقوله سلمان مانساني طول هالسنين ؟؟ والله اني احبك ومانسيتك ولا لحظه بس ياربي سؤاله كان محرج يعني اقوله اني احبه !! مستحييل ماعندي هالجرائه هذي كلها وبعدين اخاف اقوله اني احبك يستهين فيني .. ياما ريم بينت له انها تحبه والكل لاحظ هالشي بس هو استحقرها لأنها خضعت له بسهوله وارخصة بكرامتها وقالت له انها تحبه .. لا مستحيل احط نفسي بمثل موقف ريم مستحيل قطع صوت جوالي حبل افكاري .. ألووو؟؟ سارا : ارحبووووو انا : هههههه متى راح تبطلين حركات العيال هذي .. والله ما اقول غير الله يعين محمد عليك سارا : على طاري محمد .. مريووم تخيلي يقولي اطلعي من المدرسه وخلينا نزوج الشهر الجاي !! انا : وانتي ان شاء الله بتسمعين كلامه ؟؟ سارا:والله فكرت !!! انا : وش قررتي الحين ؟؟ سارا : قررت اترك الدراسه !! انا : انتي صاحيه ما بقى شي وتخلصين صدقيني راح تندمين كله شهر وتبدا الاختبارات يعني ماتقدرين تصبرين شهر واحد بس !! سارا : ميمي انتي عارفه اني كسلانه يعني راح انجح على الحفه هذا اذا نجحت وبعدين نسيتي ان على دور ثاني رياضيات ؟؟ انا : لا مانسيت .. يعني خلاص ماراح اشوفك في المدرسه مره ثانيه ؟؟ سارا: مريوم لاتعذبيني وربي دمعتي بطرف رمشي خخخ لا جد والله بشتاق لكم مرررره انا : ليه انتي ناويه تقطعين ؟؟ والله لو تروحين اخر الدنيا بلحقك هههه سارا :هههههههه انا : طيب متى الزواج ؟؟ سارا: بعد الاختبارات بأسبوع انا : اهااااا زين سارا: طيب ميمي امي تناديني انا : اوكيه خلاص اكلمج بعدين .. مع السلامه سارا : مع السلامه .................................................. .................................................. .................................................. ................ انا كنت تعبانه ومصدعه فطلعت لغرفتي .. وانا في الطريق لغرفتي سمعت صوت مشاعل : هههههه اوكي حبيبي اشوفك اليوم في السوبرماركت !!!!!! صدق اللي سمعته ولا اتوهم ؟؟ مين هذا اللي بتقابله مشاعل ؟؟ وتقوله حبيبي بعد !!! والله يامشاعل لتكون نهايتك على يدي .. لازم اعرف مين هذا اللي بتقابله الحقيره مشاعل : ميييين ؟؟ انا : انا مريم مشاعل : ادخلي انا : مشاعل بروح السوبرماركت اليوم بتجين معي؟؟ مشاعل بفرحه : أي والله توني كنت بقولك لان صراحه ناقصتني اشياءابي اشتريها انا : اوكي اجل الساعه 6 المغرب كوني جاهزه مشاعل : اوكيه مشيت لغرفتي وانا افكر مين ممكن يكون هذا اللي راح تقابله مشاعل رميت جسمي على السرير وانا افكر كانت غرفتي مرتبه والشباك مفتوح كان الناس شتاء وبررد رحت عشان اسكر الشباك لمحت جسم في الشباك اللي مقابل لغرفتي في بيت جيراننا .. كنا تونا منتقلين لبيتنا فما اعرف شي عن جيراننا شي غير انهم ماعندهم بنات في نفس عمري .. الجسم اللي لمحته لما انتبه اني انتبهت له اختفى ورا الستاير .. يالله مين هذا اكيييد يتهيالي انا مدري وش صار لي بعد سلمان .. اااااه ياسلمان اشتقت لك مع ان ما مضى على اتصاله غير ساعتين بس بالنسبه لي كنها سنتين !! جلست اذاكر الين الساعه 6 المغرب .. لبست جينز وتيشيرت مريح وجزمه فوشيه ونزلت للصاله .. لقيت مشاعل لابسه عباتها وجاهزه : وينك انتي ماقلتيلي اننا راح نروح السوبرماركت ؟؟ انا اتظاهر النسيان : يوووه سوري نسيت انك راح تجين معي يله قولي للسواق يجهز السياره مشاعل : حااااااااظر لما وصلنا السوبرماركت انا رحت جهة الشامبو والكريمات مشاعل : مريم ابغى اشتريلي اشياء خاصه .. فاهمتني ؟؟ انا : أي فهمت روحي بس لا تطولين انا بسنا هينا مشاعل : اوكي انا طبعا مافاتني انها كذابه وراح تروح عشان تقابله حبيب القلب فرحت ركض ورااها شفت مشاعل واقفه لحالها ... شوي قريب منها واحد يووه مايبين وجهه .. شفت وجهه .. هالانسان مو غريب علي ؟؟ ... هذا !!! شهقت !!! هذا راعي الرنج الاسود اللي عند الأشاره !!! من وين جابت رقمه مشاعل ؟؟ انا رحت بخطوات ثابته وقلت لمشاعل : كل هذا واشياء خاصه ؟؟ مشاعل بتوتر : أي كنت بطريقي للاشياء الخاصه بس سالني الرجال اذا كنت اعرف وين يلاقي خلطات السلطات !! راعي الرنج : اهلين اختي والله مو قصدي شي بس انا اول مره ادخل السوبرماركت هذي وما ادري وين الخلطات انا بجديه : في هنود يشتغلون هينا روح اسال أي واحد وبيقولك راعي الرنج : ما ادري اختي بس احس اني شايفك في مكان بس مو متذكر انا : بس انا اول مره اشوفك راعي الرنج : اهااا اجل يمكن اكون مشبه انا : يمكن اخوي بغيتشي لاننا تاخرنا راعي الرنج : لا اسف اذا سببت لك أي ازعاج انا : لا عادي واحد اماراتي من بعدين ينادي : احمممد !! راعي الرنج : طيب طيب جااي انا في نفسي : واااااو مثقف ويجنن واسمه احمد بعد !! مشاعل : بس خلاص كليتي الرجال بعيونك انا : يله امشي خلصينا مشاعل : مريم ابي اروح قسم العصاير ابي اشتريي عصير انا : اوكي. انا بروح احاسب انتي تعاليلي هناك راحت مشاعل ولحقتها شفتها تلتفت يمين وشمال شكل اللي مواعدته كشت فيها وعطاها طااااف انا رحت عن الكاشير وانا جالسه احاسب سمعت صوت من وراي : مريم !! انا لتفت .. وشهقت : احمد !!! ( راعي الرنج ) احمد : ههههه شكلك حفظتي الاسم من اول لحظه انا : ؟؟؟؟؟؟؟ ااحمد : سؤال اخير ادري تجاوزت حدودي بس والله محد معطيني وجه انا : هههه ليه محد يعطيك وجه ؟ احمد : مدري الكل يقولي انت واحد فاضي انا : طيب وش سؤالك ؟؟ احمد : وين يبيعون كتاب ......... اللي يدرسونه في جامعة ......... ؟؟ انا : في مكتبت جرير احمد : تعرفين هالكتاب ؟؟ انا : أي قريته الصيف اللي راح احمد : شكلك تحبين الكتب انا : مررره احمد : باين على لهجتك انك مثقفه انا: حتى انت كان باين عليك لما كنت ماسك الكتاب عن الأشا !!!! انا غبية نسيت نفسيةخذيت راحتي احمد : هااا الحين انا تذكرت انتي اللي عند الأشاره صح ؟؟ انا : ؟؟؟؟؟؟؟ احمد : وانا اقول باربي هالبنت مو غريبه علي صراحه ما ادري ليه صورتك مو راضيه تغيب عن بالي انا : ليه يعني ؟؟ انا مافيني شي زياده عن أي بنت عشان تنجذب لي احمد : الا فيك شي جذبني مادري وش هو بس شي ماقدرت اقاومه انا : ؟؟؟؟؟؟؟؟ احمدحس بجو التوتر اللي كنت عايشه في : هههههه طيب ممكن تفسرينلي نظراتك الغرييبه هذاك اليوم انا : ههههههه كنت مستغربه اني الاقي واحد مثقف ووسيم في نفس الوقت احمد : ههههههه مشاعل : مريووم انتي الين الحين ماحاسبتي ؟؟ انا : الا يله خلاص نادي كومار خل يشيل الاكياس مشاعل : الله ياخذك ياكومار وين رحت مشاعل : مريم كومار مو لاقي موقف يعني مايقدر ينزل انا : اجل خلاص شيلي معي الاكياس مشاعل شالت كيسين وخلتلي 3 اكياس وراحت انا جيت اشل اكياس بس كانت ثقيله احمد : مريم خلي عنك الاكياس انا بشلهم انا : لا ماله داعي خلاص بشلهم احمد بجديه : خلاص قلت لك خليه انا راح اشيله انا : مابي اتعبك معي احمد : تعبك راحه بس انتي امشي قدامي للسياره انا مشيت ولما وصلنا للسياره حط الاكياس انا : مشكووور والله تعبتك معاي احمد : لا عادي تعبك راحه يله مع السلامه انا : مع السلامه مشاعل وتكلم فوفو: انا قلت الغبيه ماراح تجي جلست استناها بس ماجات انا عرفت ان اللي بتقابهل واحد من اللي تعرفهم فوفو بس كان تفكيري مشغول باحمد ياربي هالولد ملالالاك .................................................. .................................................. ............................................ انا في غرفتي كنت اطلع الأغراض من الأكياس ولقيت ورقه حسبتها الفاتوره رميتها على سريري وبعد مارتبت الاغراض فتحت والورقه بس ماكانت الفاتوره !! كانت من ........ احمد !!! مكتوب فيها : اهلين مريم اتمنى اسمع صوتك اليوم بالليل : 050......... ارقم !!!! معقوله احمد يفكرني من البنات اللي عندهم حركات حسافه عليك اعجابي والله انك طحت من عيني قطع افكاري صوت جوالي : كان مسج ( سلمان ): تصبحين على خير حياتي !! انا خير ان شاء الله حياتي !!!! ماخذ راحته هذا !!! قفلت جوالي : لاني انصدمتمن اللي سواه احمد وحاولت انام وبعد فتره نمت |
رد: لا تحاتي غناتي دامك انت معاي ..هالمره الروايه كامله!! بدت الاختبارات ونسيت معها حب سلمان واعجاب احمد ركزت على المذاكره وبس عشان اجيب نسبه تدخلني الجامعه والحمد الله نسبتي كانت 98% , مشاعل نجحت بنسبة 88% بنت خالتي ريم اللي معاي نجحت بنسبة 77% هالنسبة ماتأهلها انها تدخل أي جامعه الا بفلوس حالتهم الماديه كانت ممتازه فكانت النسبة شي ثانوب بالنسبه لها يعني اهم شي تنجح وبس ... يوم الأربعاء ... جوالي يرن .. انا : الووو ريم بنت خالتي : اهلييين بالدافووووره انا : هههههههه ريم : وش هالنسبه انا لما قالولي ماصدقت ابد قلت لازم ادق واتأكد هههه انا : هههههه لاصدقي صدقي حبيبتي انتي ماشفتي شلون كنت اكل الكتب اكل ريم : ههههههههه, وش عنك بكره ؟؟ انا : فااااضيه ريم : هههههههه اوكي اجل انا والبنات ( بنات خالتي ) بكره بنطلع نتعشا في البحرين انا : راح يجون خالاتي ولا ؟؟ ريم : لا والله وانتي وش رايك يعني راح يرضون لنا نروح البحرين لحالنا انا : ههههه ياليييييت , انا اسمع امي تقول لمشاعل عن الروحه بس انا قلت ماراح اروح لأني كنت اعتقد انكم ماراح تروحون ريم : لا لا راح نروح بس ماراح نتمشى معاهم انا : اجل ؟؟؟ ريم :راح نروح احنا البنات مع سلمان ومشعل ( محارم خخخ ) انا : اممممم اوكي خلاص بس شلون راح نتقابل ؟؟ ريم : انتي جيبي جوازك وخلي خالتي تنزلك بيتنا اوكي ؟؟ انا : اووووكي ريم: يله اجل اشوفك بكره انا : اوكي باااي ريم : بااي .................................................. ................................................. سارا : الووو انا: هلا والله بالعروس كللوووووووووووش سارا : ههههههه توني ماصرت عروس ليه مستعجله ههههه انا: هههه ليه تووك ترا خلاص مابقى شي عالزواج سارا: أي والله مابقى غير 5 ايام بس مريوم وربي خاااااايفه انا : عادي كل البنات كذا سارا : مريووم اسمعي ابيك تجين معي الكوافيرا اوكي وتجلسين معي بالغرفه وو انا بمزح : وانام معك بالمره سارا: ههههه عشان ارميك من الشباك خخخ انا : ههههههههههه سارا: مريوم تتوقعين محمد يحبني انا : اكيييد يعني هو ماتزوجك الا وهو يحبك , ولانتي حاسه بغير كذا ؟ سارا : لا بالعكس احس انه ميت فيني بس مدري احساس يقولي هالزواج بيكون مصيبه انا : لا ان شاء الله , لاتقولين كذا سارا: مريم قبل يومين كنت طالعه معاه وكنا في كوفي راح يطلب ونسى جواله على الطاوله معي جاه مسج مكتوب فيه ( حبيبي اشوفك الساعه 9 !!! ) مريوم انا كنت راح اموت .. مسكت اعصابي ولما رجع سألته عن المسج وقلت له اذا كنت مغصوب علي خلنا نفسخ الخطبه !! وماكلمته اسبوع بعدها رجع لي يبكي!! يقولي : والله ما اعيدها مره ثانيه انا ماحسيت بقيمتك الا لما فقدتك ,, انا وين راح القا بنت حلوه زيك وتحبني ومن لحمي ودمي !! انا منصدمه : طيب وانتي وش قلتي ؟؟ سارا : سامحته !! سامحته لاني احبه جد احبه وما اتخيل حياتي مع شخص غيره ابد!! انا : سارا هو حس بغلطته واعترفلك انه يحبك لازم تعطينه فرصه ثانيه .. بس قبل كذا لازم نتأكد انه بططل حركات سارا: شلون ؟؟ انا : عطيني رقمه !! سارا: مريووم وش راح تسوين يالخبله ؟؟ انا : راح ادق عليه اذا عطاني وجه افسخي الخطبه !! واذا طنشني لا تفرطين فيه سارا: اوكي انا دقيت عليه من جوالي :وبصوت نااااعم : الووووو محمد بجديه : وعليكم السلام . مين معي ؟؟ انا بنعوومه : ممكن نتعرف ؟؟ محمد : استغفر الله انتي وحده فاضيه روحي دوريلك على واحد ثاني تلعبين عليه وسكر بوجهي رحت جربت من تلفون البيت وغيرت صوتي ونفس الحركه ماعطاني وجه دقيت على سارا وبشرتها ان محمد نجح بالأختبار !! سارا فرحتها ماتنوصف سكرت مني حتى من غير ماتقول مع السلامه عشان تدق على محمد وتقوله انها سامحته |
رد: لا تحاتي غناتي دامك انت معاي ..هالمره الروايه كامله!! [b]... على جسر الملك فهد _ رحمه الله _ ... كنت انا وريم والعنود وملاك وندى و ود ومشعل وسلمان بسياره وامهاتنا كانو ا مع السواق في سياره ثانيه كانت ريم و ملاك لاصقين بشباك السياره يشوفون اللي رايح واللي جاي و كل وحده تختار لها زوج خخخ ناس فاااااضيه , والعنود كانت طول الوقت تحاول تلفت انتباه مشعل لها شكل البنت رجعت تحبه بس هو كان عاادي حتى مرات ماكان يعطيها وجه بس مشعل يكررره ريم مايطيقها عشان كذا طول الطريق ماتكلم معاها ولا كلمه حتى ماسلم عليها , وانا وندى كنا نسمع في الأي بود كان الجسر مرررره زحمه لما وصلنا لعند المطاعم وستار بوكس كانت الساعه 4 العصر انا قلت : انا بروح لستاربوكس تبون شي ؟؟ قال سلمان : وين تنزلين الناس زحمه مافي روحه ؟؟ انا : كرهت تسلط سلمان وسيطرته فرفعت جوالي وكأني ماسمعته ودقيت على امي: الوووو. اهلييين , انتوا وين الحين ؟؟ امي : احنا في بداية الجسر الين الحين ماوصلنا انا : طيب يمه بنزل ستاربوكس والله جوعانه باخذ لي أي شي عادي ؟؟ امي : لا زحمه مافي انا : احنا قريب يعني ماراح امشي قدام السيارات كثير بنزل بسرعه وبرجع امي : طيب بسرعه واذا كان زحمه لاتاخذين شي ارجعي السياره انا : اوكي يله باااي امي : باي انا وبتجاهل لسلمان : بنات تبون شي من ستار بوكس انا بروح ود وندى : نبي فرابتشينوا انا : اوكي وغيره ؟؟ العنود ملاك تبون شي ؟؟ العنود وملاك : لا تسلمين انا : مشعل سلمان تبون شي ؟؟ مشعل : أي مريومه جيبيلي هوت شوكلت انا : اوكي . وانت سلمان ؟؟ سلمان وهو مرتفع ضغطه : لا ما ابي شي انا فتحت الباب ونزلت , كان غطا وجهي شفاف يعني ماكان له داعي اني اتغطى من اساس بس كنت اسمي حاطه الشيله على وجهي وبس .. وطبعا جاني كم هاااائل من التعليقات لأني كذبت لما قلت لامي ان ستار بوكس كان قريب مني كنت لازم امشي قدام حوالي 12 سياره عشان اوصل له وصلت ستار بوكس ووقفت في اللاين طبعا قطيت الغطا وكشفت لان انا اشوف انه عادي اكشف بس ما ابين شعري وما احط مكياج !! بيني وبينكم انا كنت حاطه مكياج بس مو كثير عني بس جلووس وردي ناااعم مخليني طالعه ناااااعمه ومرره كيوت .. لما طلبت وخلصت جابلي الطلب وخذيته ماحسيت الا بيد تلمس كتفي انا لفيت : سلمان !!!! سلمان : جيبي الكيس اشيله .وبعصبيه ونبرة امر : غطي وجهك !! ماتشوفين اللي هناك كيف يناظرون !! كان فيه شله عيال من نوع الكشش والبناطلين النازله بس كان بينهم واحد حاط عصامه ولابس كندوره اماراتيه انا شهقت : مجوووود !!! سلمان : مين ماجد ؟؟ انتبه علي اللي لابس كندوره اماراتيه واشر لي بأيده قمت انا واشرت له سلمان : خير ان شاء الله مين هذا وليه تأشرين له ؟؟ انا : هذا مجووود واحد يقربلي م الأمارات ماجد : اهليييين مريوووووم شحالج؟؟ انا : تمام الحمد الله شحالك انت ؟؟ من زماااااان عنك ماجد : انا ولا انتي اللي مختفيه ماتبينين ؟ انا : توني قبل كم شهر كنت في الأمارات ماشفتك ماجد : زين انتي ليش ماقلتي انج بتيين ( بتجين ) ؟؟ انا : مااعرف رقمك , واصلا انا ماطولت كم اسبوع ورجعت ماجد : اهااا, زين انتي مع منو يايه ؟؟(جايه ) انا : مع امي وبنات خالتي وكلنا ماجد : اهااا زين منو ها اللي واقف عدّالج ؟ ( مين اللي واقف جمبك ) انا : هذا ولد خالتي سلمان اشرت لسلمان عشان يجي سلمان : هلا والله ماجد : اهليين شحالك ؟؟ سلمان : بخير دامك بخير وانت وش اخبارك ؟؟ ماجد : تمااام ماجد : مريووم وين بتروحين في البحرين انا : بروح السيف ماجد : زين عيل ( اجل ) لما توصلين دقي علي اوكيه ؟ انا : اوكيه بس ماعندي رقمك ؟؟ ماجد : اوكيه سجليه عندج ...................... ( طبعا مستغربين مين هذا ماجد , ماجد هذا واحد يقربلي من الأمارات مررره وسيم وكووول مرات يصير سخيف بس مو مرره هو كابر مني بسنه صراحه انا كنت معجبه فيه مررره بس شلت هالفكره من بالي لأن الولد يجنن مستحيل يحبني او يفكر مجرد التفكير في انه يحبني) انا : اوكيه يله انا بروح الحين وبدق عليك ماجد : طيب عطيني جوالج شوي عطيته ورسلم من جوالي مسج على جواله عشان ياخذ الرقم سلمان : يله اجل اشوفك مره ثانيه ماجد احنا لازم نروح ماجد : اوكيه انا : يله باي ماجد : باي كنا في طريقنا للسياره سلمان : ليه عطيتيه رقمك ؟؟ انا : وش فيك سلمان ترا عادي ماجد مثل اخوي سلمان : حتى لو مايصير تعطينه رقمك انا : انت مكبر الموضوع وصلنا للسياره ولما طلعنا من الجسر ووصلنا البحرين مشعل : الحين وين تبونا نروح ؟؟ انا : خل نروح السيف نشوف الأفلام اللي معروضه سلمان في نفسه ( تشوفين الأفلام ولا تشوفين الأخ ماجد ) مشعل : اوكي [/b] |
رد: لا تحاتي غناتي دامك انت معاي ..هالمره الروايه كامله!! وصلنا السيف نزل مشعل وسلمان انا طبعا كنت كاشفه لاني ما اتغطى في البحرين ( لا تسألون ليه ) وملاك وود كانو يكشفون بعد , العنود كانت مره تكشف ومره تتغطى متردده , ندى كانت متبرقعه ( تحب البداوه خخخ ) وريم كانت معبيه عيونها كحل واي شدو وردي وحاطه لثمه كان بااااين عليها انها تبي ارقام !!! انا كنت امشي مع ريم لانها تقول انها ماتبي تمشي مع باقي البنات لانهم يفشلون !! طلعنا نشوف السنما وكانوا عارضين فلم ( .......... ) انا كنت شايفته من النت بس البنات قالو يبون يدخلونه انا قلت لهم : اوكيه خلاص اجل انا راح ادور لي فلم يبدا ويخلص في نفس وقت ( ......... ) وانا كنت ادووور بين لوحات العروض سمعت صوت وراي : بسسسسس انا : بس مالله خوفتي ياسخيييف ماجد : هههههههه شو يالسه تسوين ؟؟ ( وش جالسه تسوين ؟؟ ) انا : ولاشي بس بنات خالتي يبون ....... الخ ماجد : زين فلم ( ......... ) راح يبدا في نفس الوقت وينتهي بعد في تفس الوقت انا : والله زييين ماجد : هيه ( أي ) انا بدخله تدخلين ؟؟ انا : ايي ماجد : عيل ( اجل ) انا بروح اقطع تكت وراجع انتي روحي اشتري شي ناكله انا : اوكي وانا في طريقي عشان اشتري سلمان : بس قلبي وين رايحه انا : رايحه اشتري بوب كورن ( فوشار ) وكم شغله عشان الفلم سلمان : أي فلم راح تدخلين ؟؟ انا : (........) سلمان : اهااا ماجد : هااا مريووم شريتي ؟؟ سلمان وهو متضايق : اهليين ماجد ماجد : هلا سلمان , مريووم امسكي التكت بروح اشتري انا : لا ماله داعي بروح اشتري انا ماجد : عيل يله بسرعه ترا مابقى شي عالفلم انا بستناج داخل القاعه انا : اوكي راح ماجد القاعه سلمان : ما شاء الله كن ماجد راح يدخل معاك الفلم ؟؟ انا : ايي راح يدخل لأنه الفلم الوحيد اللي يبدا وينتهي في نفس وقت ( ....... ) سلمان: خلاص اجل راح اروح اقطع تكت لي انا : اوكي شريت الأكل ورحت للقاعه لقيت ماجد قلت له : ميووود ( عشان باللهجه الأماراتيه الجيم يقلبونها ياء ) امسك الببسي بيطيح من ايدي ماجد : يله بسرعه الحين بيبدا بدا الفلم والين الحين ماجي سلمان انا : ميوود ماشفت سلمان ماجد وهو منسجم مع الفلم : لا لا ماشفته انا دقيت على سلمان : وييينك ؟؟ بسرعه تعال ترا القاعه زحمممممه سلمان : مافي تكت !!! انا : اهااا يعني ماراح تجي ؟؟ سلمان: لا بستنى في سينابون جمب السينما انا : اوكي اذا خلص الفلم بجيك سلمان : احبك انا : ؟؟؟؟؟؟ سلمان يستهبل : ليه ساكته يعني ماراح تقولين لي انك تحبيني ؟؟ انا: اوكي سلمان لازم اسكر الحين سلمان : اموووواه انا : قفلت الجوال خلص الفلم وماجد راح مع العيال اللي كانوا معاه وانا رحت لسلمان سلمان : تو الناس كان خذيتيلك كم لفه مع ماااجد انا : بلا سخافه خلص الفلم وجيت . وين البنات سلمان : هذا هم جاو يله نمشي مشعل : يله خلصوني عورتي راسي طول الفلم صياااح !!! انا :هههههه ليه لهدرجه يعني الفلم يحزن البنات بصوت واحد : اييي يجننن انا : ههههههه مشعل : لا والله سخيييف يجيب المرض انا: هههههه حرام عليك مو لهدرجه سلمان : طيب وش رايكم نروح نتعشى لاني مررره جوعان رحنا تعشينا ورجعا الخبر الساعه كانت 1:30 بالليل طبعا خالاتي الساعه 9 كانت كل وحده ببيتها وصلنا امشعل و ملاك و ود بيتهم كان سلمان اللي يسوق و وصلني انا : يله لا تقطعون ( اقصد خوات سلمان العنود وندى ) الكل : اوكي يله بااي انا : بااي .................................................. ................................................ دخلت البيت الكل كان نايم رحت لمشاعل في غرفتها طبعا هي ماراحت معنا البحرين لانها ماتحب بنات خالتي تقول انهم غثيثات !! كانت في ساابع نومه دخلت غرفتي ورميت جسمي على السرير كنت مررره تعبانه ونمت |
رد: لا تحاتي غناتي دامك انت معاي ..هالمره الروايه كامله!! اليوم هو يوم زواج سارا صديقتي صحيت الساعه 4 العصر ورحت على طوول للكوافيره عشان اسوي شعري اما الميك اب فانا احب احطه لأني ما احب ابين اووفر مررره جات .. الساعه 8 كنت توني داخله البيت لان الكوافيره كانت زحمه طلعت لغرفتي وبعد مالبست الفستان اللي شريته خصوصا لزواج سارا كان اسود من غير اكتاف ضيف شوي وطويل كنت طالعه فيه كني من بنات القرت التاسع عشر ستايل قدييم بس في نفس الوقت راااقي.. مشاعل كانت رايحه معي اللزواج كانت لابس فستان بنفسجي غاامق قصير معطيها طول زياده على طولها الطبيعي ومنحفها صاير جسمها تحفه .. وصلنا القاعه كان الزواج رااقي وكل شي فيه مرتب انا رحت ركض على غرفة العروس .. انا : احم احم سارا: هلا والله مريووووم ادخلي انا : كللوووووووووش مبروك مبروك عقبال ماتزوجيني خخخخ سارا: ههههههه ان شاء الله ازوجك على حبيب القلب ( كانت ساره تعرف عن حب سلمان ) انا : ههههههه والله صايره قمر قمر ما شاء الله سارا: تسلمين , اقول مريووم شلون الناس بره زحمه ؟؟ انا : ايي بس الزواج مرتب ورااقي سارا: الحمد الله اقول ميمي الساعه كم الحين ؟؟ انا : الساعه 12 سارا: بعد شوي الزفه خاااايفه انا : لاتخافين والله صايره قمر , يله انا الحين بروح اوشف المعازيم سارا: اوكي بدت الزفه وكانت سارا تجنن ماشاء الله عليها وبعدها بحوالي نص ساعه دخل العريس ودخل معاه ابوه واخوان العروس انا في نفسي : ياربي هذا اللي عاليسار اعرفه كني شايفته في مكان يوووه يمكن اكون مشبهه انا كنت كاشفه وحاولت اقرب عشان اشوف مين هذا اللي مشبهه عليه هو ناتبه علي وانصدم !! ماشال عينه عني طوول الزفه , انا ماكنت اشوفه بوضوح تعرفون الأنوار كانت خفيفه وزحمه البنات كلهم لاصيين بالمسرح , انا اشوف ساره تأشر لي عشان اجيها للكوشه انا قطيت الشيله على وجهي ورحت لها سارا: مريووم شلون كان شكلي بالزفه ؟؟ انا : رووووعه, ( انا طاحت عيني على اللي مشبهه عليه يالله هذا احمد !!! ) انا منصدمه : سوسو مين هذا اللي لابس شماغ هناك سارا: هذا اخوي احمد ماتتذكرينه انا : هذا احمد ما شاء الله ( احمد اخو سارا كان رايح برا يدرس ) انا: ومتى رجع من السفر ؟؟ سارا: قبل حوالي شهر انا : اهااا طيب ياعروس اخليك مع عريسك سارا: هههههههه اوكي عقبالك انا : امييييييييييييييين طلعت من القاعه عشان ادور مشاعل ما ادري وين طست شفتها بالحمام انا :انتي وينك ؟؟ مشاعل : بسم الله كنت طوول الوقت في القاعه شفت وحده من البنات اعرفها وجلست معها انا : اهاااا مشاعل : طيب انا الحين رايحه داخل انا :اوكي وانا طالعه كنت طبعا فسخت عباتي على اني راح اروح الحمام ولما ارجع يكون الرجال طلعوا بس بالصدفه شفت احمد بوجهي طالع من القاعه جات عيني بعينه وبتسملي انا بنحراج دخلت الحمامات عشان ما يشوفني خلص الزواج وكانت الساعه 5 الفجر لما رجعت للبيت .................................................. .................................................. ........ صحيت على صوت جوالي كنت تعبانه من الزواج ونمممت انا بصوت كله نوووم : الوووو ؟؟؟:: ما ادري اقول صباح الخير ولا مساء الخير انا : مييين ؟؟ ؟؟؟: راح اقول بس تكفيين لا تقفلين انا : خلصني ترا فيني نووم بسرعه قول انت مين؟؟ ؟؟؟: واكي خلاص راح استنى نص ساعه الين ما تصحصحين وراح ادق من جديد انا قفلت الخط بوجهه قمت وغسلت وجهي دق جوالي انا : لاحوول انت بتقول انت مين ولا شلون ؟؟ ؟؟؟: معاك ..... احمد انا :؟؟؟؟؟؟ احمد : انا احمد ماعرفتيني ؟؟ انا استهبل : أي احمد ؟؟ احمد : انا اخو سارا واللي بالسوبرماركت عرفتيني ؟؟ انا: اهاااا احمد الحين عرفتك احمد : ههههه حسبتك نسيتي انا : احمد سارا فيها شي ؟ احمد : لا مافيها شي تسلم عليك انا :الله يسلمها احمد : ادري ان اتصالي ماله داعي بس ماحسيت الا وانا سارق رقمك من جوال اختي وداق انا : أي صح الحمد الله على السلامه احمد : هههه الله يسلمك , سمعت ان نسبتك ماشاء الله 97% ناويه تكملين دراسه ولا ؟؟ انا : أي ناويه اكمل هندسه معماريه في جامهة ( ........) هينا احمد : وش هالصدفه !!!انا ناوي اكمل بعد في هالجامعه وكمان هندسه معماريه بس ترى لازم تشدين حيلك لان الهندسه يبغالها عقل مفتح . الله يوفقك انا : ويوفقك احمد :قدمتي اوراقك انا : أي قدمت وبكره را يسوون لي مقابله احمد : انا سوولي المقابله والحمد الله قبلوني انا : وش اسألوك ؟؟ احمد : اسأله تافهه ليه تبين تدرسين هالتخصص ووش تبين تصيرين اذا تخرجتي ومن هالأسئله انا : اهااا احمد : عالعموم انا بكره راح اكون متواجد في الجامعه عشان اخلص اوراقي فلو احتجتي لأي شي انا بالخدمه انا : مشكوور احمد : لاشكر على واجب يله اخليك مع السلامه انا : مع السلامه انا ماكنت ابيه يقفل كنت فرحانه مره باتصاله وفي نفس الوقت منصدمه !!! معقوله احبه ؟!! طيب وسلمان ؟؟ انا عارفه ان شعوري اتجاه سلمان مجرد اعجاب |
رد: لا تحاتي غناتي دامك انت معاي ..هالمره الروايه كامله!! اليوم هو اول يوم لي بالجامعه انا كنت خاااايفه لانها اول مره اروح لمكان لحالي وما اعرف فيه احد وقفت عند بوابة الجامعه كان فيه بنات من كل شكل ولون وحتى اولاد بس كانو في مبنى معزول ومشترك في المكتبه يعني بس المكتبه هي اللي يصير اولاد وبنات رحت للبوفيه وطلبت لي كوفي وكورواسان شفت بنت لحالها جالسه في طاوله معزوله شكلها اول سنه قربت من طاولتها : السلام عليكم البنت : وعليكم السلام انا : انتي اول سنه ؟؟ البنت : ايوه انا : حتى انا بعد اول سنه , ممكن اجلس ؟؟ البنت : أي تفضلي انا : معاك مريم البنت : نوره انا : عاشت الاسامي , بأي قسم نوره نوره : هندسه معماريه انا : وش هالصدفه انا في نفس هالقسم نوره : هههههه انا : بس تصدقين ما اعرف مكان هينا بالموت وصلت للبوفيه نوره : هههههه انا اختي كانت تدرس هينا جات علمتني على الاماكن والقاعات انا : الحمد الله على الاقل لقيت وحده توديني لقاعتي ما اعرف وين هي نوره : ههههههه اوكي . طيب عرفتي الكتب اللي لازم نشتريها انا : لا نوره : انا خذيتهم من الدكتور (.....) راح يحاظر لنا انا :اهاااا طيب وش هم ؟؟ نوره كتاب (..........) وكتاب (......) وكتاب ( ...........) انا : اهااا زين وبعد ماخلص اول يوم لي في الجامعه طلعت عشان استنى السواق وانا جالسه استنى مر من قدامي احمد ولما انتبه لي وقف سيارته ونزل احمد : مريم ؟؟ انا : اهليين احمد احمد : هلا والله وش جالسه تسوين ؟؟ انا: استنى السواق ما ادري وش فيه تأخر احمد ( كان نفسه يطلب مني انه يوصلني بس كان عارف اني راح ارفض ) :طيب اجل راح استنى الين مايجي السواق انا :لا ماله داعي الحين بيجي احمد : وشلون لقيتي الجامعه ؟؟ انا : كبييييره ماتوقعتها كذا احمد : هههههههه, تعرفتي على احد ؟؟ انا: أي تعرفت على وحده معاي في الفصل احمد فطس ضحك : وش فصله خلاص كبرنا على الفصل يقولون قاااعه انا :ههههههههههه والله يازين الثانويه زيناااه ههههههه احمد : ههههههههههههههه انا : هذا هو السواق وصل احمد : يله اجل اخليك واذا احتجتي لأي شي انا في الخدمه انا :اوكي .وسلملي على ساره يله باي احمد : يوصل, باي |
رد: لا تحاتي غناتي دامك انت معاي ..هالمره الروايه كامله!! رجعت البيت وانا تعبانه على حوالي الساعه 4 العصر لقت امي لابسه هي ومشاعل انا : على ويين؟؟ امي : راح نروح بيت خالتك لولوه ( ام سلمان) مشاعل : تجي معنا ؟؟ انا : لا والله تعبانه بروح انام امي : طيب يله احنا طالعين بغيتي شي ؟ انا : سلامتك طلعت لغرفتي وخذيت دوش سريع ونمت الساعه 7 دق جوالي انا وصوتي كله نووم : الووو امي: يله قومي الساعه 7 خلاص لاتنامين عشان يجيك نوم بالليل انا : اوكي بس متى راح ترجعون ؟؟ امي :راح نطول يمكن 11 بالليل ليه بغيتي شي ؟ انا : ايه كنت ابي اروح جرير عشان اشتري كم كتاب طالبينه الجامعه امي : طيب برسلك السواق انا : طيب مع السلامه امي :مع السلامه اووووف سلمان راسلي مسج يالله هالعله وش يبي المسج كان (( دقي على ضروري )) اكيد السخيف بيسألني ( تحبيني ؟ انا احبك انتي تحبيني؟؟ ) وعععع ,طنشت سلمان ودقيت على صديقتي سارا انا اقلد سارا: ارحبوووووو سارا: هههههه ياحراميه هذي علامة الجوده انا :هههههه وينك يالقاطعه ماتدقين تقولين أسأل عن مريوم واخبارها ولا ( من لقا احبابه ؟؟ سارا: لا والله امس رجعت من شهر العسل انا : العسل ولا البصل ؟ سارا: لاعسل واحلا عسل انا بلهجة مصريه : طب ازي الجواز باه ياحبيبتي ؟ سارا: ميه ميه انا :ههههه بجد مستانسه ؟؟ سارا: وطايره فووق الريح انا : الله يتمم عليك ولايغير سارا: اميييين سارا بخوف :مريوووم باب الشقه يندق انا : طيب قومي افتحي سارا : اخاف حرامي انا : امما حرامي اكيييد محمد سارا وصوت الباب قام يزيد قوه : محمد معاه المفتاح وبعدين توه طالع انا بديت اخاف: طيب قولي مين سارا: طيب خليك معاي على الخط انا : طيب سارا : ميين؟؟ مييين ؟؟ وفجأه قفل جوال ساره انا بصراخ : الوووووو الوووووو بس ماكانت ترد انا هينا جنيت ما اعرف عنوان شقتها عشان اروح لها وامس وصلو ا يعني ما اعتقد ركبو تلفون للبيت , ماعندي غير احمد انا بصراخ ودموعي على خدمي وبكلام مو مفهوم : احممد تكفى الحقني سارا سارا حرامي احمد : وش فيييك اهدي اهدي انا بصراخ : وشلون اهدا كانت تكلمني وفجأه دق الباب و... احمد : لا تموتين علي ادري ندق الباب وبعدين قفل جوال ساره صح ؟ انا اللي كنت عند الباب وكنت استهبل عليها وجوال سارا ماكان فيه بطاريه و قفل واذا مو مصدقتني كلمي سارا بس دقيقه هي في المطبخ الحين انا بعد ما استوعبت اللي صار فقعت ضحك احمد : خير ان شاء اله ضحكيني معاك توك ميته خوف انا : اضحك على شكلي بس والله السخييفه خوفتني عليها احمد : تبين انادي سارا ؟ انا : لا مافي داعي بس قولها مردوووووووده احمد : هههههه اوكي , الا مريم كنت ابي اسالك شريتي الكتب اللي طلبوها الجامعه ( هو معاي في نفس التخصص يعني ندرس نفس المناهج ) انا : لا بعد شوي بطلع اشتريهم احمد : مافي داعي انا اليوم شريتلي وشريتلك كان زحمه وخفت تخلص عليك الكتب انا : مشكور تعبت نفسك احمد : لا تعب ولا شي بس بكره عند بوابة الجامعه اشوفك عشان اعطيك الكتب اوكي انا : اوكي احمد : يله اجل بغيتي شي انا : سلامتك , مع السلامه احمد : مع السلامه .................................................. ............. انا يازييين هالصوت بس, والله ان احمد يطير العقل وسامه وثقافه وذووق قطع حبل افكاري صوت جوالي انا شفت الرقم كان سلمان انا اوووف وش يبي هذ: الووو سلمان بعصبيه: وينك ماتدقين ليه مطنشه ؟ وبعدين ساعه على ماتردين ؟ انا بنفس عصبية سلمان : طيب مافي داعي للصراخ , وبعدين مين انت عشان ارد ولا اطنش كيفي !!! سلمان انصدم: هييه انتي عارفه مين تكلمين ؟ انا :ومين يعني !! سلمان بصوت واطي ( الولد كان رومنسي شوي ):افا يامريم انا الحين صرت مين ؟؟ انا حبيبك !! انا : ومين قالك اني احبك سلمان تعرف اني مو من هالبنات اللي بسهوله تقدر تستغلها و تلعب عليها وحتى لو كنت احبك لاتتوقع اني راح اكلمك واقولك احبك واطلع معاك ومش عارف ايش !! سلمان رجعتله عصبيته وصراخه : انا مافكرت مجرد تفكير اني استغلك انا حبيتك بكل مافيني والكل كان عارف ليه مو راضيه تصدقين ؟ وش تبين اسويلك عشان تصدقين ؟ انا : ؟؟؟؟؟ سلمان : ردي على وربي لو اني اكلم جدار كان نطق انا : ؟؟؟؟؟ سلمان تمالك اعصابه : شكلك تعبانه ومو عارفه اللي تقولينه راح اخليك ترتاحي شوي وادق عليك بعدين قفل في وجهي من غير حتى مايقول مع السلامه |
رد: لا تحاتي غناتي دامك انت معاي ..هالمره الروايه كامله!! انا دقيت على امي وقلت لها اني خلاص ماراح اروح لان صديقتي شرت لي الكتب نزلت للصاله وجلست افرفر بالتلفزيون الساعه 10 جاني مسج من سلمان (( اذا كنتي مستعده تشرحيلي اللي صار اليوم دقي !!)) انا اوووف وش هالغثه ياخي قلت لك ما احبك خصب رسلت له مسج (( سلمان انا مامنعتك انك تحبني بس ياليت تحبني بقلبك وبس من غير ماتحرجني ))رسلي (( احبك ) انا خذيته على قد عقله الولد رومننسي وطنشت .................................................. .................................................. ......................................... مرت الأيام وخلصت ألسنه الدراسية كان يوم اربعاء الساعه 9 بالليل انا : الووووو؟ سارا: ارحبووووه انا : هههههه هلا وغلا سارا: باركيلي باركيلي انا : مبروك بس على وشو ؟ سارا بحيى : انا.. انا... انا ... انا : خلصيني يله قولي سارا: انا حااااااامل انا بصراخ : مبروووووك سارا: اوص اوص فضحتينا انا : ههههه وربي اني ماني مصدقه انك راح تصيرين ام!!! سارا: ههههههه حتى انا والله انا : طيب محمد درا سارا : ايي وفرحان مرره حتى احمد يقول اذا كان ولد مانسميه الا على اسمه احمد انا : ههههههه الا صح احمد نجح سارا : أي نجح بس ماراح يكمل انا : يؤيؤ لييييه ؟؟ سارا : عشان صديق ابوي فتح له شركه وعرض على احمد انه يشتغل معاه بمرتب زين ووظيفه زيينه واحمد وافق انا : اهااا, الله يوفقه سارا: الا انتي وش اخبارك وش علومك وربي اني مشتاقتلك حيييييل انا : والله انا مثل ما انا ماتغيرت سارا: طيب وش اخبار العاشق الولهان ( سلمان ) ؟؟ انا: كح كح غبااااااار سارا: ههههههههه لييييه ؟ انا : سوسو انتي تعرفين ان سلمان ماهو من نوعي المفضل !! يعني انا كنت ماخذته استهبال وتسليه !! سارا: مسكيييين حرام عليك طيب على الأقل قوليله انك ماتحبينه انا : قلت له بس هو مو راضي يفهم سارا: هههههه صدق اللي قالو الحب اعمى انا: هههههههههه صوت الباب انفتح عند سارا انا : مين اللي على الباب اخاف حرامي ههههه سارا: ههههههههه لا هذا محمد انا : اجل اخليك وادق عليك بوقت ثاني سارا: اوكي يله مع السلامه انا : مع السلامه بعد حوالي شهر الساعه 2 الفجر انا : اووف مين السخيفه اللي داقه على بهالوقت : الووو سلمان : هلا اسف اني صحيتك م نالنوم انا خفت لان اول مره يكلمني سلمان بهالوقت :سلمان فيك شي ؟ خالتي فيها شي ؟ البنات فيهم شي ؟ سلمان : لالا مافينا شي بس ... كنت ابي اسمع صوتك انا : وربي انك فاااااااضي وماعندك سالفه هالحين مصحيني من النوم وكنت بموت من الخواف واخر شي تقولي ( اقلده ) ابي اسمع صوتك !! سلمان : كنت ابي اتكلم معاك بموضوع انا : خير وش هالمضوضع اللي ماقدرت تصبر الين الصبح ؟ سلمان عصب مررره : ممكن تتكلمي بجديه اكثر ولا اخاف انك جالسه تتكلمي مع بزر ( صغير ) وانا مدري انا انتبهت لنفسي : اسفه , وش الموضوع ؟ سلمان : تتزوجيني ؟؟؟ انا ماكنت اتوقع ان راح يجي يوم يسألني فيه سلمان هالسؤال سلمان : ادري ان الفروض ما اسالك واني لازم ادخل البيت من بابه بس خفت اني اكلم الوالده وتحرجيني برفضك مع اني عارف انك مستحيل ترفضي !! انا : وش اللي يخليك وااثق كذا ؟ سلمان : لانك تحبيني وانتي عارفه ان في رفضك نهايتي انا في نفسي ( وربي وااااااااثق ): بس ماتحس انك استعجلت شوي سلمان : لا بالعكس هذا انسب وقت انا موظف واقدر اصرف علينا انا : بس انا ابي اكمل دراستي سلمان : طيب كملي دراستك مين قال لا انا : بس ماراح اقدر اوفق بينك وبين دراستي يعني وقتي راح يكون كله للدراسه سلمان: يكفيني وقتك بالليل !! انا بعصبيه : سلماااااان!!!! سلمان : اسف بس والله ابيك جمبي اليوم قبل بكرا ليه مو راضيه تفهمين انا : طيب عطني كم يوم افكر سلمان: خذي راحتك بس تكفين لا تطولين انا : طيب اذا قررت بدق عليك لا تجلس كل دقيقه تدقدق علي !! سلمان: انتي تامرين انا : طيب ممكن الحين تقفل عشان ابي انام سلمان : نوم العوافي انا : مع السلامه قفلت من غير ما اسمع رد سلمان . يعني معقوله بعد اسلوبي وكلامي هذيك المره الين الحين يحبني !!! بس انا ما تخيل نفسي زوجة سلمان او سلمان زوجي لالا مستحييل انا ما احب سلمان ليه اضيع عمري معاه ؟ يوووه بنام الحين وبكره يصير خير ..... بعد يومين الساعه 2 الظهر كنت متواعده مع ساره اني اروح معاها عند الدكتوره عشان نتطمن على البيبي رد جوالي سارا: اهليين انا : هلا والله سارا: كيفك ؟ انا: تمام توني صاحيه سارا: ماراح تجين معي للدكتوره ؟؟ انا : اكيييييد راح اجي دقايق والبس سارا: اجل انا نص ساعه واكون قدام البت انا : اوكي سارا: باي انا : باي لبست جينز وتيشيرت اسود مريم وصندل عالى شوي عشان يعطي مشيتي شويت نعومه لاني بالجزمه( الفلات ) كني عربجيه هههههه الموهيييم اني نزلت لصاله كان البيت هدوووء وفاضي ماعدا الانسه ميري : مدام يبغى غدا؟ انا : ايش في غدها ميري : كبسه لحم انا : لا ما ابغى صوت ابوي نازل من الدرج : صباح الخير كان ماصحيتي انا : ههههه الناس عطله اقول من الصبح ليه ماوراي شي ابوي وهو مستعجل وشايل شنطة اوراقه :طيب انا رايح الشركه تبين شي ؟ انا : سلامتك انا : ميري روحي فوق جيبي عبايتي ميري وهي تتحلطم : حاضر مدام بعد حوالي ربع ساعه دق جرس الباب انا عرف انها ساره رحت ركض للباب أستهبل : تو الناس كان ماجيتي يالعصله( لقب سارا لما كنا بالمتوسطه ) سارا: هههههه يله تعالي اركبي تأخرنا سارا اركبت قدام انا ما انتبهت على اللي يسوق فقلت بهستيريه : والله حركات يالعصله من بعد الددسن صرنا نركب بي ام ههههه ماسمعت الا صوت رجال :: ههههه اهلين مريم كيفيك!!! انا طاااااااح وجهي ما انتبهت ان احمد هو اللي يسوق لانه كان ساكت ولابس ثوب من غير شماغ وشعره ناعم واسود كنه هندي هههه انا : اسفه ما انتبهتلك احمد : لا عادي ليه تتأسفين سارا جالسه تغمز لي وتسوي حركات ترفع النقاب وتطلع لي لسانها وانا كاااتمه ضحكتي احمد : الا وشلون الدراسه معاك ؟راح تكملين ؟؟ انا : والله صعبه شوي خصوصا لما دخلنا بالرسم بس اكييييد راح اكمل سارا: تتذكرين مريووم لما طردتك ابلة الفنيه المصريه مرفت ؟ انا : هههههه أي الله اخذها خلتني ابكي هذاك اليوم الكل :هههههههههه وصلنا للمستشفى ونزلنا انا وسارا اما احمد فجلس يستنى في المواقف وبعد ماتطمننا على البيبي كنا بطريفنا انا وسارا للمواقف سارا: هيه انتي وش مسويه في اخوي انا : وش مسويتله ؟ سارا: اول مره يتكلم مع احد بهالأسلوب ولا اعلاده كله صفط انا :ههههههه سارا: حتى انتي اللي اعرفه ان مريوم ماتعطي احد من الاولاد وجه ايًا كان بس اشوف العكس مع احمد لاتكونون في العسل وانا مدري انا : ههههههه والله اسئلي اخوك الا سارا وين محمد ؟ سارا: في الدوام مرسلينه دوره للجبيل انا : اهااا وفي السياراه سارا: احمدوووه ودني ستار بوكس جوعاانه احمد : انتي ماوراك رجال انا تعبان ماراح اوديك الا مكان واحد اختاري يا استاربوكس او مطعم عشان تتعشين سارا: لا خلاص مطعم اصلا ستاربوكس مايشيع انا : طيب خلاص اجل ودوني البيت سارا: لا مافي بتتعشين معاي انا : بس ماما ماتدري سارا: عادي مو مشكله دقي عليها وقوليلها يله ياسخيفه وربي من زمااان ماطلعنا احمد : خلاص مريم انزلي تعشي معانا صراحه اخاف اجلس معاها لحالي اخاف تاكلني الكل : هههههههه سارا ارسلتلي مسج (( ياسلام على الحب عليني عينك طيب اوريك لما نرجع ليه ماقلتيلي ؟) انا رسلت لها ( ههههه ياسخيفه اقول بس بلا كلام فاضي وجهزي المهر بجي اخطب اخوك هههه) سارا بصوت عالي :اقول يابنت اثقلي بس هههههه انا اأشر لها اووووص انتبه علينا احمد وعرف اننا كنا نحش فيه بعد صلاة العشا رحنا فرايديز اللي على الكورنيش كان مرره زحمه كنت انا وساره في طاوله واحمد في طاوله ثانيه بعد العشا سارا: ميمي انا بروح اغسل ايدي انا :روحي يالدوووبه ماترتاحين الا لما تضربين بالخمسه ههههه سارا: هههههه سخييفه راحت سارا وطاحت عيني على سلمان اللي كان يدفع الحساب انا فنفسي وربي انه يجنن يااااخذ العقل حتى وهو من غير شماغ بعد يجنن احمد انتبه لي وابتسم انا سويت نفسي ما انتبهت مر من جمبي : بالعافيه انا : الله يعافيك احمد : وين العصله ؟ انا : هههههه راحت الحمام احمد : طيب اذا خلصتوا تعالو للسياره انا : اوكي اااه على العيون وربي تعذب مو الضب سلمان الله ياخذه وععع جات ساره ووصلتني البيت كانت الساعه 10 بالليل دخلت لقيت امي جالسه على التلفزيون ومشاعل تكلم بالتلفون انا : السلام عليك الكل : وعليكم السلام انا :بطلع بتروش وبعدها بنام امي :ماتبين تتعشين انا : لا ما ابي عشى كليت من البوفيه في المستشفى ( طبعا ماقلت لامي اني تعشيت مع سارا واحمد لاني راح اتهزأ امي ماترضى اطلع مع اخوان صديقاتي ابد ) |
رد: لا تحاتي غناتي دامك انت معاي ..هالمره الروايه كامله!! بعد اسبوع الساعه 5 المغرب نزلت للصاله كانت امي جالسه انا : صباح الخير امي : أي صباح الساعه خمسه وتقولين صباح انا مسكت الرموت وكني ماسمعت امي : اسمعي خالتك لولوه اليوم كلمتني وخطبتك لولدها سلمان انا ماقلت لأبوك لاني أبي اعرف رايك بألأول هاا وش قلتي ؟ انا تفاجأت بحركه سلمان السخيفه : امممم بدري على الزواج امي : لا مين قال بدري تراك منتي صغيره خلاص دخلتي العشرين شوفي سارا صديقتك متزوجه وحامل بعد انا : بس سلمان مو مناسب لي وانا مستحيل اتزوجه خصوصا وانتي عارفه فارق الثقافه اللي بيننا امي : انا ماراح ارد عليهم اليوم وبعطيك يومين عشان تفكرين زين وتستخيرين انا : اوكي بروح استخير بغرفتي طلعت وانا معصببه علي سلمان سلمان : الووو هلا وغلا انا من غير سللام : ممكن تفسرلي الحركه السخيفه اللي سويتها ؟ سلمان بكل برود اعصاب :أي حركه ؟ انا ماسويت شي ؟ انا : ليه تخلي امك تجي تخطبني مو متفقين انه بدري سلمان : انتي كنتي متحججه بالدراسه وانا ماعندي أي مانع انا : ياخي انا ما ابيييك حاولت ألمح لك بس مو ذنبي اذا مافهمت !!! سلمان : ماعاد يهمني رايك الحين تبيني ماتبيني عادي الموهم اننا نتزوج بأسرع وقت والحب راح يجي بعد الزواج !! انا : مين قالك اني بتزوجك وبعدين وشلون ترضى لنفسك تعيش مع وحده ما تحبك ما تبييك ؟؟ سلمان بصراخ وعصبيه : مو على كيفك راح تتزوجيني عصب عنك انا : ليه غصب عني ترا المسأله بسيطه اروح واقول لابوي ماابي اتزوج وانتهينا سلمان بعد ما رجعله هدوءه : هههههه أي صح طبعا هذا بعد مايشوفك مع الحقير اللي كنتي معاه امس !!!! انا : هيه انت وش جالس تخربط ؟ سلمان بعصبيه : مين الحقير اللي كنتي معاه امس في فرايديز ؟؟ ماتبيني عشانه وربي لأربيك يامريم اذا اهلك ما عرفو يربونك انا اللي راح اربيك تقولين لي بفكر كم يوم ها انا : هيه انت لا تجلس تألف من كيفك ؟ انا كنت مع صديقتي سارا وهذا الحقير اللي تقول عنه هو اخوها ! سلمان : والله ؟؟ وش تفسرين نظراتكم لبعض وبسماته اللي كل دقيقه وزعها لك يمين وشمال ؟؟وربي اخر ماتوقعته منك انا ودموعي على خدي :سلمان وربي انت فاهم السالفه خلط لا تسويلي مصيبه مع اهلي والله ان مابيني وبينه شي والله سلمان : بكره تقولي لخالتي تدق على امي وتقول انك موافقه والملكه الأسبوع الجاي !!ولا ترا وربي بكره بالليل الفيديو راح يكون عند ابوك انا وانا ابكي : وربي حرام عليك سلمان : انتي اللي جبتي كل هذا لنفسك ياشاطره مو سلمان اللي تلعبين معاه على الحبلين انا : طيب بعد بكره اقول لامي سلمان : قلت بكره يعني بكره !! انا قفلت بوجه سلمان وجلست ابكي ابكي معقوله اتزوج سلمان و احمد لا ما ابي ابي احمد هو الوحيد ابيه وما ابي غيره !! انا بعد ماهديت جلست افكر في المصيبه اللي انا فيها ومو حاطه في بالي غير اني مستحيل اتزوج سلمان بس ياربي وش اسوي المشكله ان ماعندي احد اشكيله امي وعلاقتي سطحيه معاها مشاعل احب عدوتي اكثر من حبي لها مافي غير سارا هي الوحيده اللي تقدر تساعدني بكره الصباح ادق عليها لان فشله ادق الحين الوقت متأخر غفيت من كثر البكاء وماحسيت لنفسي الا الساعه 4 العصر تذكرت اللي صار امس بيني وبين سلمان تمنيت يكون كابوس وصحيت منه بس للأسف لما فتحت جوالي عشان اكلم سارا كان فيه مسج من سلمان ( صباح الخير حياتي ,لاتنسي اللي قلت لك امس اخر مهله لك الساعه 7 !!) انا دقيت على ساره وانا في حاله هستيريه من البكاء ما ادري ابكي اصارخ اسب العن كل شي تلخبط عندي سارا: ارحبووووه هههه انا : ابكييييييييييييي سارا : يؤيؤيؤ ميمي حبيبتي وش فيك ؟؟ انا : ابكيييييييييييي سارا: تكلمي ليه تبكين حرام عليك بيوقف قلبي انا وانا اشهق : الحقير سلمان سارا: وش فيه ؟ انا:قبل كم يوم عرض علي الزواج وانا صرفته ولمحت له اني ما ابيه بس امس لما كنا في فرايديز شافني مع. الخ سارا : ما توقعت يطلع حقير لهدرجه بس ولا يهمك انا اعرف شلون اتصرف بس انتي لاتقولي لخالتي أي شي انا وانا ابكي : وش راح تسوين ؟ سارا: بعدين تعرفين قفلت مني سارا وراحت ودقت على احمد وقالت له السالفه احمد دق علي :هلا مريم خير وش صاير صدق اللي قالتلي عليه سارا؟ انا : ابكييييييييييي احمد :مريم ماله داعي تسوين في نفسك كذا انا راح اتصرف انا : بس وش راح تسوي هو عطاني مهله الين 7 اذا ماوافقت عليه راح يوري ابوي الفيديو احمد : طيب مريم ادري راح تقولين اني فاااضي بس ما اقدر اطلعك من هالمصيبه غير بشغله وحده بس انا: وشو ؟؟ احمد : اخطبك من ابوك رسمي وحتى لو رواه سلمان الفيديو نقوله اني كنت ابي اعرف رايك في الموضوع قبل ما اتقدم رسمي وكانت سارا معانا !!! انا كنت ابي اقول باعلى صوت موااااافقه بس تماسكت نفسي : بس انا ما ابي تضحي بمستقبلك وحياتك عشاني ما ابيك ترتبط بانسانه ماتحبها بس عشان تنقذني احمد : مين قالك اني ما احبك ؟؟ تتذكرين لما شفتك هذاك اليوم عند الاشاره حسيت ان كني اعرفك من زمان ولما شفتك مره ثانيه في السوبرماركت وفي زواج سارا تأكد انك راح تكونين شخص مهم في حياتي , امس كان احلا يوم في حياتي ماقدرت اشيل عيني عنك راح تقولين ابالغ ؟ طيب لو مادققت وشلون راح انتبه انك تاكلين باليسار!!! انا( انحرجت وانصدمت في نفس الوقت ماكنت اتوقع ان احمد يحبني كل الحب هذا فحاولت اغير الموضوع ) : هههههه امي تهاوشني بس ما اعرف امسك الشوكه باليسار احمد : ها وش قلتي تقبليني زوج لك ؟ انا : ؟؟؟؟؟؟؟؟ احمد : مريم معاي ؟ انا : أي احمد :ترا راح اعتبر السكوت علامة الرضا مثل مايقولون انا : احمد والله ماراح انسى جميلك هذا طووول حياتي احمد وهو فرحان :يله اجل بروح اسحب الوالد واجيكم انا : هههههههههههه احمد : مع السلامه انا : مع السلامه والله ان الحياة غربيه امس كنت راح اتزوج سلمان واليوم راح اتزوج الانسان الوحيد اللي حبيته من كل قلبي |
رد: لا تحاتي غناتي دامك انت معاي ..هالمره الروايه كامله!! قفلت من احمد وانا خااايفه من ردة فعل سلمان اذا درى لازم مايعرف عن أي شي الا بعد الملكه ,قطع حبل افكاري صوت تلفوني كان رقم سلمان انا اووووف اكيد راح يهددني انا : الووو؟ سلمان بصراخ : انتي ستهبلين ؟؟ تفتكري بهالحركات راح تهربين ؟ بس والله لوريك يامريوم انتي ماعرفتي مع مين تلعبين انا احاول اهديه : سلمان اسمعني انا امي قالت لي استخير يومين قبل لا اتخذ أي قرار يعني ما اقدر اقولها الا بعد يومين سلمان بنفس العصبيه : بكره تقولين لها فاهمه ؟؟ انا : حتى لو قلت لها بكره ماراح ترد علىكم الا بعد يومين او 3 عشان فشله سلمان : الموهيم ان الموافقه توصلني في نهاية الاسبوع ولا انتي عارفه وش اقدر اسوي انا : طيب سلمان : ولا تفكرين مجرد تفكير انك تطلعين مع الحقير احمد !! انا : وش عرفك ان اسمه احمد ؟؟ سلمان : ياحياتي انا اذا حطيت شخص في بالي اجيبه لو هو في سابع سماء انا ودموعي على خدمي : سلمان تكفى لا تسويله شي تكفى والله مابيني وبينه شي ليه مو راضي تفهم سلمان: اسمعي انا بطلع الحين مع الشباب واذا رجعت اكلمك وياليت يكون اسلوبك احلا من كذا تراك تكلمين زوجك مو واحد من الشارع!! انا : لا تدق انا بقفل جوالي تعبانه وماني فاضيه لخرابيطك سلمان : راح اسوي نفسي ماسمعت واطنش يله تشاوو انا قفلت من غير ما ارد عليه , الله ياخذك متى افتك منك صوت مسج ( انا عند باب البيت الله يستر تخيلي ابوك يطردني !! ) كان احمد انا رحت ركض للشباك كان توه واصل للبيت وقف السياره ونزل منها احمد وابوه وساره انا اااااه متى يجي اليوم اللي اجلس فيه جمبك رحت بسرعه خذيت شور وسويت شعري ولبست فستان فوق الركبه بشوي بنفسجي مع ميك اب ناااعم مره صوت مشاعل يهز البيت : مريم مريووووووم انا : خير خير ليه الصراخ ؟؟ مشاعل :امي تبيك تحت مشاعل تناظرني من فوق لتحت : كل هالكشخه هذي عشان سويير انا استهبل : سارا هينا ؟؟ مشاعل : تسوين نفسك ماتعرفين أي تحت هي واخوها وابوها في المجلس مع ابوي امي قالت لها مريم فوق قالت سارا ( تقلد ساره ) لا خالتي انا ابيك انتي بموضوع ( طبعا تتسائلون ليه ام احمد ماجات معهم لانها متوفيه من حوالي 6 سنوات بحادث سياره احمد تأثر كثير بوفاتها وفكر ان الغربه يمكن تقدر تنسيه امه بس هومانساها دقيقه وحده رجع وشال المسؤليه كلها عن ابوه ) انا : طيب روحي البسيلك شي جالستلي بالبجامه قدام البنت مشاعل مشت عني : اصلا نا فني نوم بروح انااااااااااااااااام انا نزلت للصاله سلمت على ساره وهي جالسه تغمزلي وانا اضحك جلسنا انا وامي وساره ساره: ياخالتي انتي عارفه ان امي الله يرحمها متوفيه وانا الحين بمقام الام لاحمد وانا صراحه ما افهم في مقدمات الخطبه ومش عارف ايش فراح ادخل بالموضوع على طول , صراحه ودنا نطلب ايد ساره لاخوي احمد انا في نفسي والله حركااات ياسوسو تتكلمين كنك حرمه عندها ستين سنه امي :والله لو لفينا الدنيا ماراح نلاقي احسن من احمد ما شاء الله عليه وسامه ورجوله مو ناقصه شي بس لازم نعرف راي العروس بالأول وراي ابوها امي : بروح اجيب العصير واخليكم تتفاهمون مع بعض اعرفكم اكثر من خوات وما بينكم حواجز انا أرومش ( أرمش ) لساره بدلع سارا: خلصينا بس موافقه ولا لا ؟ انا ( باللهجه المصريه) : وانا اقدر الكل :هههههههههههههه سارا: اسمعي هذا اخوي حطي بالك عليه والله لو زعلتيه ترا ماتلومين الا نفسك انا : ههههههههههه الحين خلينا نملك بالأول بعدين قولي هالكلام امي تناديني انا : نعم امي : ابوك يبيك عند باب المجلس انا بدت دقات قلبي تزيد رحت عند ابوي ابوي: هذا احمد ال.... مع ابوه جايين يطلبون ايدك ها وش رايك ؟ انا بحيا : اللي تشوفه ابوي : والله انا اشوف انه رجال ومافيه عيب انا الحياء اختفى : خلاص اجل قول لهم موافقين ابوي بس لازم يشوفك النظره الشرعيه انا : اوكي ادخل الحين ( البنت مستعجله ) ابوي:دقيقه دخل وبعدها بديقه :طلع يله ادخلي انا راح استنى هينا عشان ما احرجك بس لاتطولين ودي العصير واطلعي انا طاايره لباب المجلس : طيب بسكت اللي يقمون فيها العصير مدري وش اسمها وانا ارتجف جيت عند باب المجلس وعلقت ما ابي ادخل استحي امي من بعيد : يله ادخلي انا : ما ابي استحي نادي سارا تدخل معي سارا: يله ياحلوه ماتبين تدخلين يمكن ماتعجبين اخوي ونفركش كل شي انا : ياسخيفه تعالي معاي بسرعه سارا فتحت باب المجلس وسحبتني معاها كني بزر (طفل ) في اول يوم له في المدرسه احمد لما انتبه اني دخلت عدل شماغه وجلس بناظر بس بشكل مو مباشر انا رجلي مو شايلتني من الخوف والتوتر سارا: يلها احمد شوف العروس ترا اذا مو موافق عادي انا اضرب ساره برجلها احمد :ههههه فيه احد مايبي القمر هذا سارا: حركاااااااات والله انك .... احمد حس اني متوتر هبشكل مو طبيعي فقاطع ساره : اقول انتي الحين ليه ماتكرمينا بسكوتك ترانا نستحي مو ملكع زيك انا حطيت العصير وطلعت سارا لحقتني وجلست تسولف فوق راسي وتعلق على اشكالنا و.... ابوي احمد وابوه جلسوا مع بعض مدري وش صار بينهم بس رن جوال سارا سارا :الوو, طيب اوكي خلاص دقايق واطلع انا : على وييين ؟؟ سارا: احمد وابوي يستنون برا انا : اوكي دقي سارا: طيب يله مع السلامه انا : مع السلامه ابوي جيه الصاله : والله ماني مصدق ان بنتي بكري المدلله راح تتزوج وتروح عني امي: أي والله , والله انك كبرتي وصرتي عروسه انا وجهي ذاب من الحياء ابوي : احمد بكهر راح يمر عليك هو واخته سارا عشان تبدون الاجراءات والفحوصات للملكه انا : طيب الفحوصات تطول ؟ ابوي: لا احمد يقول انه يعرف ناس راح يخلصونه بسرعه انا : اهاا زين ابوي : طيب انا راح اطلع لغرفتي تعبان تأمرين علي شي انا :سلامتك طلع الكل لغرفته دخلت غرفتي وقفلت جوالي لاني ما ابي اسمع صوت العله سلمان ونمت .................................................. ....................... الساعه 10 الصباح باب غرفتي يندق انا ميييين؟؟ امي : انا انا :ادخلي الباب مفتوح امي: يله قومي احمد وسارا تحت عشان تروحون المستشفى يله انا : طيب طيب قمت ولبست ونزلت سارا: يله مشينا ؟ احمد يستنى في السياره انا : يله ركبت السياره انا : السلام عليكم احمد يناظرني من مراية السياره : وعليكم السلام رحت للمستشفى وانا كوول الطريق ساكته مستحيه حتى احمد ماحد صدع راسنا غير ساره سوالف البلد كلها عندها فلانا تزوجت وفلانا تطلقت فلانه حملت وفلانه ولده و ....الخ وصلنا للمستشفى وخلصنا الفحوصات انا لاحمد : خلاص خلصنا احمد : أي خلاص خلصنا من المستشفى وبقى كم شغله اخلصه بكره سارا: يعني متى الملكه احمد : متى ماتحدد العروس انا : كيفكم احمد : يعني اقدر اقول الخميس الجاي ؟ انا : طيب سارا: مريم سلمان عرف شي انا : لا بس خايفه يعرف احمد : وخير ياطير يعرف يعني وش يقدر يسوي والله ان قرب منك مايلوم الا نفسه موته على ايدي انا : احنا مانبي مشاكل خل نخلص بسرعه احسن احمد : تامرين الخميس الملكه , والحين ماودكم اعزمكم على غداء ؟ سارا : والله ياخوي كنك تقرا فكاري انا جوعااااانه مرررره احمد : طيب وين تبون نتغدا ؟؟ سارا : امممممم والله شرايكم نتغدا في الراشد مول من زمان مارحنا احمد : وانتي ابي اعرف مين اللي كلمك انا اكلم مريم ها مريوم وين تبين نتغدا انا بحيا : كيفكم أي مكان سارا: ياخي البنت تستحي انا اتكلم عنها خلاص نبي الراشد احمد : مريم الراشد ؟ انا :ههههه اوكي الراشد عشان ماتاكلنا سوير الكل : هههههههه بعد الغدا رحنا نتمشى في المول الين الساعه 7 بالليل بعدها رجعت البيت |
رد: لا تحاتي غناتي دامك انت معاي ..هالمره الروايه كامله!! طبعا طول الوقت كنت مقفله جوالي ما ابي أي كله من سلمان تعكر مزاجي مشاعل دقت باب غرفتي : ممكن ادخل انا : ادخلي مشاعل : صدق اللي سمعته بتتزوجين؟ انا : يب صدق اللي سمعتيه مشاعل : ومتى الملكه انا : الخميس هذا مشاعل : ماكنك مستعجله مره يعني بعد 5 ايام انا : احمد يبي كذا وبعدين راح يكفي الوقت نشتريلي فستان وراح نسوي حفله صغيره في قاعه ال...... راح نعزم الاهل بس مشاعل : طيب بروح اقول لبنات خالاتي انا : لالالالا تعالي هينا لاتقولين لاي احد مشاعل : لييييه ؟ ماراح تعزمينهم انا : الا راح اعزمهم بس ..... امي راح تقولهم مشاعل : طيب انا بكره من الصبح راح ادور لي فستان لان مايكفى الوقت افصل فستان انا : طيب راح اروح معاك مشاعل : طيب يله انا رايحه اجلس على المسن مع البنات انا : طيب .................................................. .................................................. ............................................. يالله اكيد بكره امي راح تقول لخالاتي ياربي الله يستر من سلمان اخاف يسوي لاحمد شي .................................................. .................................................. ......................................... اليوم الثاني من الصبح الساعه 9 وانا ومشاعل ندور في المحلات والحمد اله لقيت لي فستان ناعم بنفسجي ومشاعل لقت لها فستان اسود قصير ورحنا خذينا شويت عطور على روجات وميك اب رجعنا البيت الساعه 10 بالليل امي : كان ماجيتوا من الصبح وانتو في الاسواق انا : والله يمه زحممه تعبنا مشاعل : أي والله ماني حاسه برجلي امي : مريم خالاتك يباركون لك اليوم قلت لهم انا والخوف بدا واضح بصوتي : زين زين قلتيلهم اني راح اتزوج احمد امي : ايه انا : طيب راح اطلع اودي الاكياس غرفتي دخلت الغراض ورتبتهم خذيت لي شور سريع ولما طلعت جوالي يرن انا اكيد هذي سويره تبي تسالني اذا شريت فستان ولا لا لاني قلت لها الصبح اني رايحه السوق بس لما شفت الرقم شهقت ماكانت ساره اللي داقه كان سلمان انا وبصوت كله خوف : الوووو سلمان: انتي اللي تحديتيني وانتي اللي راح تتحملين اللي صار انا : سمان وش جالس تقول ؟؟ سلمان : روحي شوفي الحقير غارق بدمه !! وقفل في وجهي انا اصارخ : سلمان سلمان وش تقصد سلمان , بس كان مقفل انا جن جنوني والله ياويلك مني ياسلمان لو صار لاحمد شي مسكت جوالي وانا ارتجف ادق على احمد ادق بس محد يرد عيوني غارقه بالدموع دقيت على ساره والحمد الله ردت علي انا وصوتي كله بكاء : سارا احمد بخير ؟ سارابخوف : أي من ساعه كان عندي ليه ؟ انا: لا مافي شي بس كنت ادق لعيه وايرد سارا: ليه فيك شي ؟ انا : لا مافيني شي بس خفت لما مارد علي سارا: هذا الحب ومايسوي هههههه انا : طيب سوسو اكلمك بعدين يله سارا: ليه منتي على بعضك في شي سلمان سوى شي جديد ؟ انا : سلمان ؟ لا ما ادري عنه بس امي تناديني سارا: طيب يله اجل انا : باي وقفلت دقيت على احمد احمد : الووو انا : احمد ليه ماترد على دقيت عليك اكثر من عشرين مره بس مارديت احمد:ما سمعت الجوال انا : احمد وش هالازعاج اللي عندك ؟ احمد : شوفي ماصار شي بس سويت حادث !!! انا : حادث !!!! شلون ؟ انت بخير الحين ؟ فيك شي ؟وش صار؟ احمد : اهدي اهدي مافيني شي انا بخير بس السياره شوي اختربت انا ودموعي على خدي : احمد انت بأي مستشفى ؟ احمد : بمستشفى ال ....... انا : دقايق وجايتك احمد : مافيه داعي انا قفلت من غير ما اسمعه ولبست عباتي بسرعه ورحت دخلت غرفة الطوارئ كانت رجل احمد مليانه دم وجالسين يخيطونها وفيه جروح بسيطه بوجهه وايدينه انا رحت ركض وانا ابكي : احمد كل هذا وتقولي مافيني شي احمد : لاني عارف انك بتجلسيت تبكي على شي تافه انا : شلون صار كل هذا ؟ احمد: ما ادري مين اللي نسم الكفر اللي ورا انا مانتبهت عليه كنت مسرع ونقلبت فيني السياره انا : سلمان احمد : سلمان ؟؟؟ انا : لا ولاشي بس انت حاس بشي الحين احمد : هههههه بس خلاص قلت لك مافيني شي بس انتي مكبره الموضوع انا : طيب متى راح تطلع من المستشفى ؟ احمد : الحين اقدر اطلع بس راح ادق على واحد من اخوياي عشان يوصلني البيت انا : لا مافي داعي انا راح اوصلك مع السواق احمد : طيب انا : يله نمشي احمد : يله في السياره انا :احمد وش رايك مانسوي عرس ولاشي بس نملك ونسافر واذا رجعنا نسوي حفله للأهل بس احمد : بس كل بنت تحلم انها تسوي عرس تعزم فيه العالم كله انا : بس انا فكرت ان احنا ماعندنا ناس كثير نعزمهم وبعدين اذا رجعنا راح نسوي حفله احمد : انتي خايفه من سلمان صح ؟ انا : ؟؟؟؟؟؟ احمد : ياحبيبتي صدقيني ماراح يقدر يسويلك أي شي دامك معاي ,وعشان ترتاحين طيب حاضر راح نملك ونسافر انا ابي اغير سالفة سلمان : طيب ويييين راح نسافر؟ احمد : خليها مفاجاه انا :هههههه اوكي احمد : طيب انا راح احجز للسفر يوم الخميس زين ؟؟ويوم الاربعاء نملك عند الشيخ ؟ انا : الاربعاء بعد بكره ؟ احمد : انتي تقولين تبين نملك بأسرع وقت انا : اوكي زين وصلنا لبيت احمد احمد : تامرين على شي ؟ انا : سلامتك انا : احمد !!! احمد : لبيه انا : انتبه على نفسك احمد : تامرين , انا : مع السلامه احمد : مع السلامه |
رد: لا تحاتي غناتي دامك انت معاي ..هالمره الروايه كامله!! رجعت البيت امي كانت على اعصابها لاني طلعت مسرعه من غير ما اقولها وين رايحه امي بصراخ : انتي وين طلعتي كذا من غير ماتقولين لي ؟ انا :يمه احمد سوى حادث امي :حادث!!!! والحين شلونه بخير ؟ انا : أي بخير الحمد الله امي : الحمد الله انا : يمه يوم الاربعاء راح نملك والخميس راح نسافر ماراح نسوي حفله الا بعد مانرجع من السفر امي : لييييييه ؟؟ انا : يمه بيني وبينك سلمان جالس يضايق احمد وهو السبب بالحادث اللي صار له امي :سلمان !!! انا : أي سلمان امي بعصبيه : وخير ان شاء اله هذا وش يبي انا : يمه لاتسوين أي شي احنا راح نملك ونسافر عشان مايضايقنا واذا رجعنا يصير خير مشاعل : راح تسافرون ؟ انا : ايه راح نسافر مشاعل بلقافه : وييين؟؟ انا : ما ادري احمد مسويها مفاجأه مشاعل : واخيرا بتطسي وراح احتل البيت كله الكل : هههههههههههههه انا : طيب انا راح اجهز اغراضي تساعديني ؟ مشاعل : اممممم اوكي امي: انا بدق على خالاتك واقولهم انا :يمه لاتقولين لهم الحين بعد الملكه قوليلهم امي : طيب خلاص اجل بروح اشوف ابوك واقوله انا ومشاعل طلعنا لغرفتي وجلسنا نرتب الشنط انا : مشاعل بكره الصباح راح نروح الظهران مول عشان نتسوق مشاعل : اوكي .................................................. .................................................. ............................................ الصباح الساعه 9 مشاعل تهزني : يله قومي مريم راح نتأخر انا : الساعه كم ؟؟ مشاعل : الساعه 9 قومي انا : طيب طيب خلاص قمت نزلنا للصاله كان ابوي جالس يفطر عشان يروح للشركه انا ومشاعل : صباح الخير ابوي : صباح النور , امك تقولي ان الاربعاء بتملكون الخميس راح تسافرين انا : أي بعد اذنك يبى ابوي : الله يوفقك , يله انا طالع تبون شي انا : سلامتك بعد مافطرنا طلعت مع مشاعل المول وشرينا كوول شي طبعا طوول الوقت كان جوالي مقفل لان عارفه ان سلمان راح يزعجني بتصالاته الساعه 8 كنت بالراشد دق جوالي انا : الوووو؟ احمد : هلا انا : اهليين , شلونك الحين ؟ احمد : تمام مثل الحصان انا: الحمد الله احمد : انتي وين الحين ؟ انا :في الراشد مول مع مشاعل احمد : طيب يصير اعزمك على العشا ولا ؟ انا : لام ايصير !! مابقى غير يوم على زواجنا مايصير تشوفني احمد : ههههههه ياه هاليوم كنه سنه عندي انا استحين احمد : مريم ؟ وين رحتي ؟ انا : معاك احمد :طيب اجل اخليك الحين لأني بروح افصلي ثوب واشتري شماغ وشويت اغراض انا : ورجلك ؟ احمد : قلت لك صرت بخير اقدر امشي انا :طيب انتبه على نفسك احمد : احبك انا : مي تو احمد : يله باي ولاتطولين في الاسواق ترا اغار انا :ههههههه طيب مع السلامه احمد : مع السلامه .. يوم الملكه .. اليوم المنتظر طوول الليل مانمت الساعه 4 العصر بعد الغدا طلعت لغرفتي كانت شناطي واغراضي مجهزه قدامي عشان يودونهم الفندق : ياااااه معقوله راح اطلع من غرفتي غرفاي اللي في كل زاويه لي ذكريات فيها هي هذي الزاويه كنت ابكي وعلى هذيك الطاوله كنت ادرس فوق هذا السرير كنت اتهاوش واتضارب مع مشاكل بالمخدات في هذا الدرج ياما خبيت صور ياسر القحطاني وماجد المهندس عشان ماتشوفهم امي معقوله اترك كل شي واروح !!! امي دخلت الغرفه: سارا ارسلت السواق عشان يودي اغراضك الفندق انا : طيب هذي هي الاغراض خل ميري تساعده امي : طيب يله جهزي نفسك ترا بعد المغرب بتروحين عند الشيخ انا :طيب رن جوالي انا : الوووو؟ سارا: اهليين بالعروس كيفك ؟ انا : تمام سارا: طيب اسمعي بعد الملكه احمد عازمنا كلنا على العشا انا : طيب اجل انا الحين بروح الكوافيره عشان اقص شعري سارا : طيب اجل يله اخليك مع السلامه انا : مع السلامه .................................................. .................................................. ............................................ انا نزلت للصاله كانت مشاعل جالسه هي وامي مشاعل : علي وييين ؟؟ انا : الكوافيره امي : لا تقصين شعرك كثير حرام انا : ما راح اقصر من طوله بس بخليه مدرج , وترى احمد عازمنا كلنا بعد الملكه على العشا مشاعل : اجل انا بروج اجهز نفسي امي : وانا بخلي ميري تغسل لعباتي انا طلعت للكوافيره ورجعت على الساعه 7 المغرب كان زحمه دخلت الصاله كانت سارا هناك جاتني تركض : قصيتي شعرك اشوف انا فتحت الشيله سارا: خياااااال انا : والله ؟؟ سارا : والله ابوي يناديني من ورا الباب : يله احمد يستنى في السياره عشان نلحق على الشيخ انا : طيب بس البس عباتي ركبن السياره مع ابوي واحمد وبعد ماخلصنا وكتبنا الكتاب وصرت زوجة احمد رسمي ابوي لاحمد : ما اوصيك على بنتي يمكن تلاقيها دلوعه شوي بس تحملها احمد : في عيوني لاتوصي حريص ابوي : طيب انا راح اروح البيت الحين واخليكم تاخذون راحتكم احمد : والعشا ؟؟ ابوي : راح اجي مع الاهل هم يعرفون المكان ؟؟ احمد : أي سارا تعرف ابوي : يله اجل راح ابوي وبقيت انا واحمد ركبنا السياره وانا قلبي شوي ويوقف كانت اول مره اجلس فيها مع رجال لحالي ماكنت متعوده , احمد حس فيني وحب يلطف الجو شوي : مبروك عليك انا ههههه انا : هههههههههه احمد : صراحه ماني مصدق انك اخيرا صرتي لي لي انا لا سلمان ولا غيره يقدر ياخذك مني احمد : مريم ليه ساكته ؟ ( يغمزلي ) كل هذا حيا انا : ههههههههه احمد : تحبيني ؟؟ انا : لو ماكنت احبك ماتزوجتك احمد: وانا امووووت فيك انا هينا وجهي صار الوااااان احمد : يالبى قلبي اللي يستحون الكل : هههههههههههههههه .................................................. .................................................. ............................................ وصلنا للمطعم كان الكل موجود هناك جلسنا نتعشى ونسولف الين الساعه 12 بعدها الكل راح وسارا جيه محمد وخذاها احمد : يله مشينا انا : يله رحنا الفندق كان حاجز سويت الجو كان مرره رومنسي دخلت للغرفه لقيت شنطت ثيابي طلعت لي قميص نوم وردي نااااعم كنت راح ابدل بس احمد كان جالس على السري انا استحيت وبدلت ثيابي في الحمام كنت مرتبكه مره لدرجة اني ماكنت ابي اطلع من الحمام بس في النهاية طلعت احمد كان مجهز طاوله على جنب حاط فيها شموع وورد وعصير شكلها صاير خيااااال لما انتبه اني طلعت مسك ايدي وخذاني للطاوله سحب الكرسي على ورا عشان اجلس انا في نفسي ( ياااه رومنسي يجنن ) احمد : كنت اتمنى اني اقدملك احسن من كذا بس هذا اللي طلع معاي انا : لا بالعكس يجنن ماتوقعتك رومنسي لهدرجه احمد جلس يلعب بشرعي ويغنيلي كانت احلا ليله في حياتي ماراح انساها من جد كانت ليلة العمر !!! |
رد: لا تحاتي غناتي دامك انت معاي ..هالمره الروايه كامله!! اليوم الثاني يوم السفر ... صحيت لفيت على احمد مالقيته بالسرير !! اكيد صحى قبلي انا غسلت وجهي وطلعت للصاله لقيت احمد طالب الفطور احمد : صباح الخييير انا : صباح النور , ليه ماصحيتني ؟ احمد : كان شكلك تعبانه ماحبيت اصحيك , ماعلينا تعالي افطري معاي ترا انا الين الحين مافطرت كنت استناك انا : يله جلسنا نفطر انا : حبيبي متى طيارتنا ؟ احمد : بعد ساعه لازم نكون في المطار انا : طيب انا راح اجهز الاغراض احمد : طيب , بس خذي الاغراض اللي نحتاجها بس والباقي خليه انا ارسلت على السواق عشان ياخذهم لشقتنا انا : طيب دخلت الغرفه وجهزت اغراضنا ولبست احمد : هذي هي الاغراض شنطتين بس انا : أي شنطه لي وشنطه لك احمد : طيب يله انا : احمد ابي اودع اهلي احمد : كلهم يستنونا في المطار انا : والله احمد : هههه والله يله عشان مانتأخر عليهم انا : يله طلعنا للمطار كان الكل هناك امي : تروحون وترجعون بالسلامه مشاعل : واخيرا راح احتل البيت كله لحالي ههههه ابوي :تروحون وترجعون بالسلامه ( وكان طوول الوقت يوصي احمد علي ) احمد يله هذا النداء الاخير لطيارتنا لازم نروح انا : يله ودعت الكل احمد راح يسوي الجوازات وانا جلست استناه عند البوابه ماحسيت الا بأيد تلمس ايدي لفيت وشهقت : سلمااااااااااان !!!!!!!!! سلمان : انا زعلان عليك تسافري من غير ماتقولي لي ؟؟ انا : سلمان انت وش تبي ؟ سلمان : ابيك انتي وما ابي احد غيرك انا : سلمان هذا اللي تسويه خلط انا الحين على ذمة رجال ثاني سلمان : لاتفتكري بزواج هذا راح تحرميني منك مهما صار في النهاية راح ترجعين لي تذكري كلامي راح ترجعين لي انا : سلمان انا احب احمد واحمد يحبني خلاص اتركني اعيش حياتي سلمان : انا مسافر العمل مرسليني لامريكا في دوره سنة راح ارجل بس لما ارجع انتي اللي راح تجيني زحف مش انا !!! احمد انتبه لسلمان جاني ركض ومسك سلمان مع ياقت الثوب احمد والنار في عينه : انت ياحقير وش جيبك هينا لاعاد اشوف وجهك فاهم انا امسك احمد مع كتفه : احمد خلاص اتركه لا تسويلنا مشاكل امش خلاص احمد :وربي لو فكرت مجرد تفكير تقرب من زوجتي موت على ايدي انا ابكي : احمد تكفى خلالالالاص سلمان : اشبع منها لانها اذا اليوم عندك بكره بتكون عندي !!! احمد ضرب سلمان بوكس على وجهه نزل الدم من خشمه سلمان ماقدر ليضرب احمد لان احمد كان جسمه رياضي شوي بعكس سلمان النحيف انا ابكي : احمد تكفى خلاص خله احمد سحبني لجهته :يله امشي حياتي ركبنا الطياره احمد : اسف على اللي صار ماقدرت اتمالك اعصابي انا : عادي كان يستاهل اللي جاه انا اغير الموضوع : ماقلتلي وين ماخذني احمد : ماخذك لاسبانيا انا : وااااااو كنت دايم احلم اني اروح لها ويكون شهر العسل هناك احمد : وهذا حلمك تحقق الكل :هههههههه |
رد: لا تحاتي غناتي دامك انت معاي ..هالمره الروايه كامله!! انا كنت اخاف من الطيارات فكنت طول الوقت ساكته طبعا الين الحين ما اقلعنا احمد : حياتي وش فيك ساكته ؟؟ انا : مافيني شي بس... احمد : لاتكونين من اللي يخافون من الطيران انا : بالضبط احمد : هههههههههههه ياقلبي اقول انا وشفيها البنت جالسه على اعصابها انا : ههههههههه الكابتن يعلن عن بدأ الاقلاع انا هينا كنت بموت مسكت ايد احمد بقووه استقرت الطياره في الجو احمد : خلاص فكي ايدي استقرينا ذبحتيني انا : خلاص ؟؟ احمد : أي خلاص انا : الحمد الله احمد ( فاقع ضحك من شكلي ) جات المضيفه احمد : وش تشربين انا : هوت شوكلت احمد : تو هوت شوكلت بعد مرور كم ساعه وانا معلقه بالجو وصلنا المطار احمد خلص الاجراءات وعلى طووول على الفندق وصلنا الفندق احمد : انا تعبان وبروح انام مابتجين ( يغمز ) ؟؟ انا : لا مافيني نوم بجلس على التلفزيون احمد : طيب صحيني الساعه 6 المغرب انا : اوكي مسكت الريموت وجلست افرفر من قناة لقناه الساعه 6 دخلت الغرفه عشان اصحي احمد بس ماكان في السرير احد !! ادور يمين شمال انادي احمد احمد محد يرد ماحسيت الا ب : بووووووووووه انا : ااااااااااااه احمد : ههههههههههههههههههه انا : ياسخييييييف كنت بتموتني من الخوف احمد : بسم الله عليك من الموت انا : يله قوم اجلس معي زهقة احمد : وش رايك نطلع نتمشى انا : اوكي طلعنا نتمشى في شوارع مدريد بعدها رحنا نتعشى بعد العشا احمد : برا مطر كثير مانقدر نطلع انا : يعني وش راح نسوي انا فيني نووم احمد : استنيني في المطعم بروح اجيب مظله وبرجع انا : اوكي بس لاتتأخر احمد : ماراح اتأخر دقايق وراجع انا جلست استنى استنا استنا ياربي احمد تأخر انا طلعت عشانادوره بس المشكله اني ضعت معاه جلست حوالي ساعتين وانا ادور ودمعتي على عيني واخيرا لمحت احمد واقف عند باب المطعم يدور انا جيت اركض وضميته احمد : انتي وين رحتي خوفتيني عليك انا : انت تأخر وخفت عليك احمد: امشي خلينا نرجع الفندق كلك مبلله رجعت الفندق وانا راسي يعورنيي احمد : وش فيك جالسه على السرير ماقمتي من رجعنا انا : تعبانه راسي احمد : اكيد جاك برد اجيبلك دكتور انا : لا مافي داعي اخذ بندول واصير احسن اليوم الثاني انا صحيت الساعه 10 الصباح احمد كان نايم طلعت للمطبخ عشان اسوي فطور بس ماكان لي خلق فطلبته من الفندق وجلست افر فر في التلفزيون والمجلات الساعه 12 انا طفشت لحالي فقلت خلني اصحي احمد على الاقل يجلس يسولف معي دخلت الغرفه كانت بااارده انا اهز احمد من اكتافه: احمد يله قوم الساعه 12 احمد:فيني نووووم بعدي بعدين انا :يوووه كيفك اذا شبعت نوم قوم احمد: سكري الباب معاك انا طلعت وسكرت الباب بقوه اووف طفش الحين شسوي مافي غير ادق على سارا اسال عنها خذيت جوال احمد لان جواله دولي جلست ادور في الارقام لقيت رقم سارا انا : الوووو؟ سارا : هلا وغلا بالعروس كللوووووش انا :ههههه بس خلاص فضحتيني سارا : ههههههههه انا : كيفك؟ وكيف البيبي؟ سارا : تمام انتي كيفك وكيف شهر العسل معاك ؟ انا : تمام سارا: وين اخوي اشتقت له انا : نايم داخل سارا: طيب اذا صحى سلميلي عليه انا : يوصل سارا: متى راح ترجعون ؟ انا : والله ما ادري , سوسو دريتي وش صار بالطار؟ سارا: وشو ؟ انا : شفت سلمان هناك !! سارا: سلمان ؟ وش يبي ؟قوليلي وش صار بالضبط انا: ...... الخ ( في هذا الوقت احمد طلع من الغرفه ) احمد : مين تكلمين انا : سارا سارا: هذا احمد اخوي عطيني ابي اكلمه انا امد الجوال لاحمد : خذ تبي تكلمك احمد بعد ماقفل من سارا : ليه مكلمتها من جوالي انا : لان جوالي مش دولي وصلت لاحمد مسج احمد: طيب انا بطلع اجيب كم شغله وراجع انا : بروح معاك احمد : لا اجلسي في البيت انا : ليه طفشت ابي اغير جو احمد: امس طالعه وبعدين انتي تعبانه ماتصلح لك الطلعه الجو بره باارد انا في نفسي : غريبه هذي اول مره احمد يكلمني فيها بالأسلوب هذا ) انا :طيب خلاص بجلس احمد دخل بدل ملابسه وطلع انا في نفسي : وين رايح وش هالمكان اللي مايبيني احمد اروح له؟؟ ألحقه؟ بس اخاف اضيع يووه كيفه بعد نص ساعه انا خلاص طفششت مليت من الجلسه في الشقه دقيت على احمد عشان اقوله اني راح انزل للسوبر ماركت اللي جمب الفندق بس محد كان يرد انا اول شي خفت انه يهاوشني لاني نزلت من غير ما اقوله بس بعدين فكرت اني ماراح ابعد عن الفندق كثير لبست ونزلت تحت الفندق كانت السياره اللي مستأجرها احمد واقفه قدام الفندق ماتحركت انا قلت اكيد انه رايح مكان قريب عشان كذا راح مشي رحت السوبر ماركت وشريت كم شغله وطلبت من الرسبشن انهم يطلعونها للشقه وانا رحت عشان اجلس في الكوفي على الاقل اجلس اشوف الرايح واللي جاي اونس نفسي شوي دخلت الكوفي بس كانت المفاجأه ان احمد كان جالس في طاوله من الطاولات يالله احمد وش جالس يسوي لحاله ليه ماقالي انزل معاه ؟ اكييد دق على تلفوني , تلفوني يوووه نسيته بالشقه اكيد دق ومارديت انا توني مشيت كم خطوه عشان اروحله بس لما شفته وقف يستقبل بنت كان باين عليها انها سعوديه انا هينا كان قلبي بيوقف دارت في بالي اسئله كثيره مين هذي البنت ؟ وش بينها وبين احمد ؟ يعني عشانها احمد خلاني اجلس في الشقه وما اطلع ؟ جلست البنت جمب احمد تسولف وتضحك واحمد كان يسولف معاها كان باين عليه انه فرحاان بشوفتها نزلت دمعه من عيني معقوله هذا حبيبي اللي رفضت سلمان وجنونه عشانه ؟ معقوله هذا فارس احلامي اللي تمنيته ؟ ياحسافه حبي فيك يا احمد !! جمعت اللي بقا لي من قوه مع اني حسيت اني في لحظه انهرت كلي وطلعت للشقه وانا عيني مليانه دموع بعد حوالي ساعه احمد رجع للشقه ومعاه علبة شوكولاه شكلها ختييير احمد يحضني : هلا وغلا باحلا زوجه في الدنيا كللها انا ابعد عن حضنه :تو الناس كان ماجيت مليت وانا جالسه لحالي احمد : انا خفت عليك تطلعي في الجو هذا خصوصا بعد اللي صارلك امس , طيب عشان ماتزعلين وش رايك ننزل المطعم اللي في الفندق نتعشى فيه ؟ انا : مابي عشا مو مشتهيه روح تعشا لحالك احمد : لييه؟ وش فيك؟ انا : مافيني شي بس تعبانه احمد : طيب خليني اوديك المستشفى انا : ما ابي بدخل انام دخلت الغرفه وسكرت الباب بعد خمس دقايق احمد دخل الغرفه وجلس جمبي انا كنت اسوي نفسي نايمه احمد : ميمي يله قومي اجلسي معي مليت انا اسوي نفسي نايمه وما اسمعه احمد : ادري انك صاحيه مانمتي انا : اكيد مانمت شلون انام وانت جالس تتكلم فوق راسي احمد : طيب يله قومي اجلسي معي , اهون عليك اجلس اكلم نفسي كني اهبل انا : عشان تحس فيني لما اليوم اصحي وانت في سابع نومه احمد يلعب بشعري : طيب قومي اعوضك عن اللي صار وخلينا ننزل نتعشا انا تذكرت شكله وضحكه مع البنت وقلت بصراخ : قلت لك ما ابي اتعشا ماتفهم !! احمد انصدم من صراخي فجأه فكانت ردة فعله انه طلع من الغرفه وسكر الباب بقووه وقال : عمر جدك ماكليتي !! |
رد: لا تحاتي غناتي دامك انت معاي ..هالمره الروايه كامله!! وبعدها ماحسيت الا وباب الشقه يتسكر انا جلست لحالي ابكي وابكي ماتوقعت في يوم من الايام ان احمد يخونني طيب اذا كان بينه وبين هالبنت شي ليه تزوجني ؟يمكن اكون غلطانه بس لازم اصارحه ما اقدر اجلس كذا ما اقدر اتحمل كل هالأسئله مسكت جوالي ودقيت على احمد بس ماكان يرد , اكيد زعلان من اسلوبي معاه جلست استنى استنى الساعه 1 بالليل دخل احمد الشقه انا كنت جالسه في الصاله دخل من غير مايقول أي كلمه كان جايبلي معاه عشا حطه على الطاوله ودخل الغرفه انا بعد خمس دقايق دخلت الغرفه كان احمد متسطح على السرير انا : بتنام ؟ احمد : أي بنام انا : طيب ممكن سؤال احمد : خليها بكره انا تعبان !!! انا تسطحت جمبه وعيني في السقف احمد : بتنامين ؟؟ انا : لا احمد : اجل ليه متسطحه جمبي ؟!! انا : يعني ماتبيني انام معاك اوكي اصلا انا اللي المفروض اطردك مو انت !!! احمد : انتي وش فيك تفسرين الكلام على كيفك ؟ انا قصدي انك خلاص بتعفنين من النوم كل ماجيت اكلمك قلتي بنام انا :؟؟؟؟؟ احمد : وش فيك ساكته ؟ تكلمي !! انا : ماعندي شي اقوله !! احمد بحنان : قولي لي وش فيك ؟ انا : مافيني شي احمد : الا فيك شي مو على بعضك من لما رجعت من برا انا في نفسي والله مو مني من اللي شفته احمد : يعني ماتبين تقولين لي ؟ انا : بقولك بس ... احمد مسك ايدي وضغط عليها : قوليلي وش فيك من غير ماتفكري في الكلام خليه يطلع بعفويه انا الحين زوجك المفروض تقولي لي عن كل شي كل شي ماتخبين عني أي شي انا : اوكي بتكلم , اليوم بعد ماطلعت مليت لحالي دقيت عليك عشان اقولك اني راح انزل السوبرماركت بس ماكنت ترد ففكرت انه عادي انزل لاني ما راح ابعد عن الفندق نزلت ورحت السوبرماركت بعدها جيت بجلس في الكوفي بس ... احمد قاطعني : وشفتيني جالس مع بنت صح ؟ انا في نفسي وش هالجرئه اللي عنده يعترفلي انه كان مع وحده غيري !! انا ابكي : طيب مدامك ماتحبني ليه تزوجتني ؟ ليه خليتني اعيش في وهم !! احمد : اسمعي , انا لو ماكنت احبك ماتزوجتك !! انا : اجل ليه تكلم بنات وتقابلهم اذا كنت تحبني يعني انا فيني عيب يخليك تسوي كذا ؟ طيب قولي احمد :انتي فاهمه السالفه غلط انا بصراخ : شلون فاهمه السالفه غلط زوجي وشفته جالس مع بنت من غير مايقولي شلون فاهمتها غلط فهمني احمد بعصبيه : مافي داعي للصراخ احنا مش بزران خليني اتكلم !! انا : يله تكلم احمد : طيب , لما سافرت اول سنه لامريكا عشان ادرس كنت ساكن شقه مشتركه مع (ساشا ) البنت اللي شفتيها معي انا : ماشاء الله طيب ليه ماسكنت مع ولد ليه يعني مع بنت احمد : بلا هبال هي الشقه الوحيده اللي كان سعرها مناسب ورخيص انا : طيب وش جيبها هينا اسبانيا لاتكون اللين الحين تطالبك بالأيجار احمد بعصبيه : راح تسكتين بكمل ماراح تسكتين روحي عن وجهي وخليني انام !! انا : طيب خلاص بسكت كمل خل نشوف اخرتها مع الزفت ساشا احمد يغمزلي : تغارين انا : وربي فاااااااضي يله كمل احمد يرجع لجديته : طيب , الموهيم اني بعد سنه طلعت عنها لاني لقيت شقه مع شباب سعوديين بس ماقطعت علاقتي فيها انا : علاقه !! احمد : اووف يعني صداقه انا :اهااااا احمد: الموهيم انها الحين تشتغل منظمة حفلات ولما عرفت اني راح اتزوج قالت لي انها راح تنظم لي حفلة الزواج بس لما حظرتك كنتي مستعجله وطايره قلت لها تنظم لنا حفله بسيطه لما نرجل الخبر فهمتي الحين السالفه انا : اهااا بس هذا كل شي احمد:يب انا : يالله وانا كبرت السالفه وجلست ابكي وصارخت عليك ( احضنه ) والله اسفه احمد يبوسني على خدي : عادي اتس اوكي انا :بتنام ؟؟ احمد : أي والله تعبان انا : طيب , انا مافيني نوم بجلس على التلفزيون احمد : طيب انا : تصبح على خير احمد : وانتي من اهله .................................................. .................................................. .......................................... طلعت من الغرفه وانا في نفسي : ياقلبي يا احمد والله لو واحد ثاني وصرخت عليه هالصراخ كان ذبحني بعد حوالي عشر دقايق جاني مسج في جوالي انا : اكيييد من الاتصالات بس لما فتحت المسج ماكان من الاتصالات كان من .......... سلمان !!!!!! |
رد: لا تحاتي غناتي دامك انت معاي ..هالمره الروايه كامله!! كان المسج ( تدري من الشوق صرت انا في غيابك اشتهي ظلمك واحن حتى .... لعذابك ) انا : لا حوووول هذا ماخلصنا منه رسلت له ( خلاص انا الحين وحده متزوجه ليه مو راضي تفهم !!) بعد خمس دقايق ارسلي (( محتاجك حييييل.. بعد كل اللي صارلي ماحن قلبك ؟! )) انا : يووووه هذا ليه مو راضي يفهم احسن شي اني اقفل جوالي وانام وخله يرسل من الحين الا بكره دخلت الغرفه حاولت انام بس ماقدرت كنت خايفه ان احمد يفتح جوالي ويشوف المسجات ياربي متى ارتاح مكن ياسلمان... انقطع سلمان عن ارسال المسجات بعد حوالي اسبوعين كان موعد العوده الى الشرقيه ... الساعه2 الظهر احمد : يله مريووم بنتأخر يله انا ألبس عباتي : طيب خلاص خلاص خلصت يله احمد: يله في المطار كنا جالسين في قاعة الانتظار احمد كان جالس يقرا في الجرايد وانا جالسه اتفرج على اللي رايح واللي جاي كان في الطاوله اللي جمبنا جلسين فرنسيين عندهم توأم اولاد يزننون رن جوالي انا : الوووو امي : هلا حبيبتي انتوا بالمطار انا : اهلين يمه أي بالمطار امي : كم باقي على طيارتكم؟ انا : حوالي ساعه ونطير امي : اجل خلاص العشا اليوم عندنا انا : اكييد مشتاقتلكم موووووت امي : ههههه طيب توصلون بالسلامه انا : ان شاء الله امي : مع السلامه انا : مع السلامه احمد : هذي الوالده ؟ انا : أي تقول اليوم العشا عندهم احمد : ان شاء الله, ورجع يقرا في الجرايد اللي قدامه انا جاني مسج في جوالي فتحته كان من سلمان كاتب فيه (( اخيرا قررتي ترجعي !!)) انا قلت في نفسي اكيد امي قالت لخالاتي اني راح ارجع اليوم اووووف بعده بدقيقتين جاني مسج ثاني منه ( روحي عند الشباك الكبير االلي على يسار المسجد!!) انا لاحووول خلني اشوف اخرتها معاه احمد : وييين؟؟ انا : بروح الحمام احمد : طيب ترا مابقى على طيارتنا شي انا : ماراح اطول دقايق وراجعه احمد : اوكي انا رحت للمكان اللي قالي عنه سلمان كان في عجوز مع زوجها كانوا كبار في السن حوالي سبعين سنه جالسين مع بعض انا في نفسي وش يقصد سلمان من هالحركه ؟ جاني مسج منه ( بعد سبعين سنه راح نكون انا ونتي كذا مع بعض وراح نموت ...مع بعض !! ) معقوله سلمان يكون في المطار طيب هو الحين في امريكا راسلينه العمل مثل ماقالي في المطار انا رسلت له سمج ( سلمان انت وينك؟؟) ماحسيت الا بأيد تلمس كتفي انا شهقت : سلماااان!!! سلمان : كنك مو فرحانه بشوفتي !! انا : انت وش اللي جابك هينا ؟ سلمان : معقوله اخليك تسافري لحالك انا : يعني انت طول الوقت كنت معي سلمان:مابعدت ولا ثانيه!! انا بعصبيه : ما ادري وش اللي راح يخليك تفهم اني خلالاص متزوجه!! سلمان بصراخ: أي زوج هذا اللي خلاك تنسي اهلك , خالتك ماتت وانتي ماتعبتي نفسك وجيتي العزا!! انا مصدومه : خالتي ؟ أي خاله سلمان نزلت دموعه كان يحاول يخبيها عني بس ماقدر انا بصراخ وبديت ابكي معاه : سلمان تكلم لاتحرق اعصابي سلمان : امي وابوي سوو حادث وتوفو اثنينهم!! انا: وليه محد قالي ؟ سلمان : هم توفو ثاني يوم من بعد ماسافرتي عشان كذا ماكنا نبغى نخرب عليك انا جلست ابكي :والبنات وش صار فيهم سلمان : راحو الرياض عند عمي راح يعيشون هناك انا : وانت ؟؟ سلمان: محتاجك حيييل محتاجك تكوني جمبي تساعديني ما اقدر اتحمل كل هذا لحالي !! في هاللحظه رن جوالي كان احمد انا : الله يستر ليكون شافني سلمان : الخكري انا عطيت سلمان نظره سكته ورديت : الوووو احمد بعصبيه : وينك انتي تمشين على بيض يله تعالي راح نطير الطياره بسرعه استعجلي انا : طيب طيب يله انا جايه قفلت ومشيت عند احمد من غير ما اقول أي كلمه لسلمان احمد بصراخ : كل هذا حمام يله تأخرنا انا اهديه : طيب ماصار شي هذا انا جيت يله ركبنا الطياره انا : احمد خلني اجلس عند الشباك احمد من غير نفس : طيب اجلسي انا جلست لما اعلن الكابتن عن الاقلاع انا مسكت يد احمد مثل ماسويت في البدايه بس هالمره احمد سحب يده وقال : بطلي هالحركات والدلع تراني ماني طايق نفسي !! انا نسيت الاقلاع وخوفي :احمد وش فيك من ركبنا وانت مو على بعضك ؟ احمد : مافيني شي انا : كل هذا ومافيك شي احمد بصراخ : قلت لك مافيني شي يعني مافيني شي والحين ممكن تسكتين !! انا : اسفه !! بعد نص ساعه وبعد ما استقرينا في الجو جات المضيفه احمد : تبين شي ؟ انا : لا احمد : ون كابتشينو انا في نفسي : هذا وش فيه ياربي ليكون شافني مع سلمان , ما ادري اتهور واقوله اني شفت سلمان بالمطار صدفه ؟؟ بس اكيد ماراح يصدقني اوووف ياربي الحين وش اسوي انا : احمد قلت لسارا اننا راح نرجع اليوم احمد :لا بخليها مفاجأه انا : اهاا احمد : انا بنام الحين بعد كم ساعه صحيني انا : اوكي احمد رجع الكرسي ونام انا جلس تلحالي اقرا الجرايد والمجلا توطلبت لي هوت شوكلت وجلست اشرب بعد كم ساعه كان باقيلنا نص ساعه ونوصل انا اهز احمد : احمد يله راح نوصل احمد يتثاوب : الساعه كم ؟؟ انا : الساعه 6 المغرب انا : وين بتروح ؟؟ احمد : بروح الحمام بعد خمس دقايق رجع والشرر يتطاير من عينه انا : شفيك ؟ احمد : هذا اخر شي اتوقعه منك !1 انا : وانا شسويت ؟ احمد : كل هذا و وشسويت ؟, طيب شغلك في البيت !! انا : احمد تكلم انا وشسويت لكل هذا ؟ احمد بعصبيه : شوفي وراك وانتي تعرفين انا التفت وراي : سلماااان !!! احمد : لا والله متفاجاه علينا هالحركات انا : احمد انت فاهم الموضوع ... احمد قاطعني :ولا كلمه اوص خلاص قلت لك في البيت انا ياربي الله ياخذك ياسلمان كل اللي انا فيه منك الله يستر وش راح يصير في البيت استقرت الطياره على اراضي مطار الملك فهد في الدمام احمد عند الجوازات : امشي بسرعه قدامي انا امشي وانا ساكته ماينلام احمد كان موقف سيارته في الباركات ركبناها وتوجهنا لبيتنا اللي كان عباره عن صاله متوسطة الحجم و3 غرف نوم ومجلس ومطبخ و3 حمامات , كنت اول مره ادخل الشقه واشوفها لانها هديه من احمد هو اللي تكفل في كل شي كل شي كان على ذوقه , كانت الشقه مرتبه وبالرغم من انها صغيره بس كان الاثاث رااقي انا : واااااو كل هذا من ذوقك ماتوقعتك كذا احمد يسحب الشنط : دخلي الشنط للغرفه !! انا : أي غرفه ؟ احمد: الحقيني مشيت وراه كانت غرفة النوم تجنن الجدار سود والاثاث مرره راااقيه انا رميت نفسي على السرير : اااه تعبانه بقول لامي تأجل العشا احمد: طيب طلعيلي بجامه ابي اخذ شور انا : تآمر طلعت له بجامه ودخل ياخذ شور وانا جلست ارتب الثياب وادور في الشقه دخلت المطبخ وبديت اسوي العشا دقيت على امي عشان اقولها اننا وصلنا وان مانقدر نجي العشا اليوم بعد ماجهزت على شي وحطيت العشا على الطاوله انا : تأخر احمد كل هذا شور دخلت الغرفه عشان اناديه بس كان في ساااابع نومه !! انا اهمس : احمد احمد بس لاحياة لمن تنادي انا حن قلبي عليه وسحبت الفراش وغطيته لان المكيف كان باارد طلعت وجلست اتعشا لحالي !! |
رد: لا تحاتي غناتي دامك انت معاي ..هالمره الروايه كامله!! اليوم الثاني صحيت ولقيت احمد مش في السرير انا : اكيد صحى قبلي طلعت للصاله مالقيت احد دقيت عليه احمد : صباح الخير انا : صباح النور , صحيت ومالقيتك احمد : أي انا في الشركه كنسلت اجازتي ورجعت الدوام !! انا : اهااا طيب متى ترجع احمد : متى ماخلصت برجع انا : يعني استناك على الغدا ؟ احمد : لا تغدي يمكن اطول انا : طيب احمد : يله تبين شي انا مشغول الحين انا : لا سلامتك مع السلامه احمد : قفل من غير مايرد دقيت على امي عشان اقول لها اني دريت عن اللي صار لخالتي الله يرحمها واتفقدت معاها اني اروح ازور بنات خالتي لانهم راح يجون بيتهم قبل لاينتقلون نهائي للرياض بعد حوالي ساعتين احمد دخل البيت انا : رجعت بدري توك تقول مشغول احمد : خلصت الشغل بسرعه ورجعت .................................................. .................................................. انا حاولت قد ما اقدر اخلي الاوضاع طبيعيه وما اجيب أي طاري لاحمد وحركاته امس جلسنا وجبت القهوه وتقهوينا وجلسنا نسولف بس كان احمد شارد مو معاي كني اكلم نفسي انا : احمد شفيك ؟ مو معاي ؟ احمد : ولا شي معاك انا : دريت ,ام سلمان وابوه توفو احمد متفاجأ: من جد ؟ انا : والله ثاني يوم من سفرنا عشان كذا ماجابت لي امي طاري احمد :وناتي مين قالك امك ولا سلمان !!! انا : شدخل سلمان في السالفه احمد بصراخ : لا تحسبيني نسيت سالفة المطار هو اللي قالك صح؟ انا : قلت لك ما ادري انه كان في المطار احمد : والله ؟ ومين اللي كنتي واقفه معاه عند الشباك ظله ؟ انا :احمد !!! احمد بعصبيه : وش اللي احمد بعيني اشوفك جالسه معاه وتقولين لي احمد انا :انت فاهم السالفه غلط خلني افهمك احمد : يله فهمي انا :لما كنا جالسين في المطار جاني مسج من سلمان خفت ارويك المسج يروح بالك بعيد عشان كذا سكت ورحت .... الخ احمد : والله ؟ برافو ياشاطره انا بعصبيه : احمد انا اتكلم بجد وانت تستهبل ؟؟ احمد : اسمعي من اليوم ورايح انسي ان كان عندك عيال خاله !! انا : ليه يعني تبي تحرمني من اهلي ؟ احمد :انا قلت اللي عندي وماراح اعيد !! دخل الغرفه وسكر الباب بقووه انا دقيت على امي وقلت لها اني ما اقدر اروح معاها لاني مشغوله وبروح اشتري اغراض للشقه الساعه 8 بالليل دخلت الغرفه احمد كان صاحي وجالس يقرا اوراق جايبها معاه من الدوام انا احاولي اهدي الجو : انت صحيت ؟ احمد :وش شايفه !! انا : تبي اسويلك شي ؟ احمد:لا انا : جوعان ؟؟ احمد: بروح بعد شوي اجيب عشا انا : مافي داعي بسوي عشا احمد : طيب انا : وش تبي عشا ؟؟ احمد : أي شي انا : دقايق والعشا يكون جاهز انا دخلت المطبخ كانت ثاني مره اطبخ اول مره سويت اندومي (نودلز ) وحرقت البيت الله يستر هالمره شيصير انا دقيت على امي عشان تعلمني خطوه خطوه شلون اسوي بشميل واخيرا ضبطت معاي دخلت عشان انادي احمدوجلسنا نتعشا انا : شلون المكرونه زينه؟ احمد : تسلم ايدك انا : وش رايك بعد العشا نروح السوبرماركت نشتري اغراض للبيت ؟ احمد : طيب رحنا السوبرماركت وخذينا اغراض للبيت في السياره انا : احمد؟ احمد:نعم انا : زعلان ؟ احمد: لا بس لا تعيدينها انا : قلت لك والله ماكنت اكلمه وكنت مو عارفه اصلا انه راح يجي المطار احمد : تذكري شعورك لما شفتيني جالس مع ساشا انا كان شعوري كذاواكثر كنت راح اجن انا : والله اسفه احمد يعلي على المسجل : اهداااء لاحلا زوجه في الدنيا ( بين ايديا ماجد المهندس ) |
رد: لا تحاتي غناتي دامك انت معاي ..هالمره الروايه كامله!! بعد 3 شهور الساعه 9 الصباح انا اهز احمد اللي غرقان في النوم جمبي : احمد اصحى يله تأخر ع الدوام يله يله احمد : بعدين ابي انااااااام انا :يووه تستاهل ليه تسهر يله قوم الساعه 9 احمد يتثاوب : طيب خلاص خلاص صحييت دخل يغسل وجهه انا ديت اقوم عشان اسوي له فطور بس حسيت بدوخ ماني قادره اوقف وراسي مصدع احمد : وش فيك شكلك تعبانه ؟ انا : لا بس دوخه بسيطه بعد شوي اصير احسن احمد يلبس ثيابه : خليني اوديك المستشفى انا :مافي داعي واصلا اليوم بروح مع سارا عشان نتطمن على البيبي ونعرف موعد الولاده فلو حسيت بأي شي راح اشوف الدكتور هناك احمد : طيب انا رايح تبين شي انا : سلامتك احمد : يله مع السلامه انا : مع السلامه .................................................. ................................... بعد خمس دقايق خفت الدوخه وطلعت للمطبخ صلحتلي فطور وجلست في الصاله تلفون البيت يرن انا : الووووو سارا: ارحبوووووووو انا:هههههه اهلييين سارا: اكيييد توك صاحيه من النوم ياكسلانه انا : لا والله صارلي فتره صاحيه بس ماقدرت اقوم من السرير مدري شسالفة الدوخه اللي معاي سارا: امممممم طيب راح تجين معي للدكتور انا : اكييييد سارا: يله اجل نص ساعه واكون عندك انا : اوكي قفلت من سارا ورحت البس بعد نص ساعه دقت علي عشان انزل وصلنا المستشفى والحمد الله كان كل شي اوكي عند البيبي واحتمال كبير يكون البيبي بنوته!! وحددو موعد الولاده 27 ربيع الاول انا وسارا واقفين عند باب الدكتور سارا: مريووم خلينانسويلك تحليل انا : ليه تحليل بسم الله علي مافيني شي زي الففل(أغمز) سارا:يوووه مريوم وش راح يضرك لو سويت تحليل وسمعتي كلامي مره وحده بس وترا ماراح تطول النتايج خمس دقايق وتكون عندنا انا :طيب امر لله يله امشي وين غرفة التحليل سارا تسحبني : تعالي من هينا رحنا سوينا تحليل وبعدها جلسنا في صالة الانتظار سارا: يله مريوم النتايج طلعت خلينا نروح انا : سوسو انا احس بدوخه روحي انتي شوفي النتيجه وتعالي انا بستنا هينا سارا: اوكي بعد دقيقتين ماشوف غير سارا جايه تررررركض انا : شوي شوي نسيتي انك حامل !! سارا تتميلح : وش لي عندك ؟؟ انا : اللي تبين بس اخلصي علي سارا: انتي ... انتي .. انتي حاااااااااااااامل كللوووووش انا عيون طلعت من مكانه : حاامل ؟؟ سارا: أي حامل, بس اسمعي ترا اذا جبتي ولد ماياخذ الا بنتي اخاف تعنس انا : ههههههه ولو طلعت بنتك شينه يبتشل فيها ولدي سارا تضربني : بسم الله على بنتي من زين ولدك اصلا الكل " ههههههههههههه سارا: يله دقي على احمد قوليله انا : لاخليها فيس تو فيس احسن سارا: اوكي .................................................. .................................................. .............. رجعت البيت كانت الساعه 2 الظهر ياسبحان الله معقوله الحين في روح جالسه تكبر في بطني !!! صدق احساس الامومه شي غريييب يارب اعطي كل محرومه لانه من جد احساس ولا ارووع انا ادق على احمد : اهلين حبيبي وينك ماخلصت ؟ احمد : لا حياتي شكلي اليوم راح اتأخر انتي لا تستنيني على الغدا انا : طيب احمد : وش صار مع سارا في المستشفى؟ انا : يقولون بنووته احمد : هههههه مسكينه اذا طلعت زي امها انا :هههههههه احمد : يله ميمي عندي اجتماع الحين اكلمك بعدين انا : اوكي مع السلامه احمد : مع السلامه .................................................. ........................ دقيت على امي وقلت لها اني حامل كانت طااايره من الفرح بعدها كلمني ابوي ومشاعل وخالاتي وبناتهم يباركون لي |
رد: لا تحاتي غناتي دامك انت معاي ..هالمره الروايه كامله!! الساعه 7 بعد المغرب سارا دقت علي : اهلييين مريوم وين اخوي عطيني اباركله انا: الين الحين ماوصل من الدوام سارا: ليييه؟؟ انا:عنده اجتماع سارا:طيب جربي دقي عيه انا : طيب قفلت من سارا وجلست ادق على احمد ادق بس محد يرد انا :سارووه ادق على احمد محد يرد مادري قلبي ناقزني كن صاير معاه شي سارا: لاتفاولين ان شاء الله مافيه شي انا بجرب ادق بعد نص ساعه جرس الباب اندق انا : اكيييد هذا احمد بس لما فتحت الباب ماكان احمد !!!!! كانت سارا تبكي من كل قلبها انا منصدمه: سارا شفيك شصاير ؟؟ سارا:تبكي انا اهزها ودموعي ممليه عيني:سارا تكلمي تكلمي وش فيك احمد فيه شي ؟ لما جبت طاري احمد ضمتني بقوووه وجلست تبكي انا جنيت جلست اصارخ : سارا احمد وش فيك احمد وينه وينه ؟ كان محمد زوج سارا واقف عند الباب بس انا مع الصدمه ما انتبهته الين لما قال لسارا: سارا الله يهديك ماصار شي لاتخوفين البنت انا رميت سارا على الارض ورحت بلاشعور لمحمد:محمد وين احمد ؟؟؟ محمد: مريم احمد صار له حادث كبير وهو الحين في العنايه المركزه انا : لالالالالالالا احمد صرت بحاله هستيريه اصارخ وابكي اكسر كل شي حولي : ودوني عنده ودوني عند احمد سارا: يله امشي السي عباتك انا لبست عباني ونزلت ركض للسياره محمد مشى بأقصى سرعه وصلنا المستشفى انا مانتظرتهم ياخذوني للغرفه نزلت بسرعه وجلست اركض وسارا ومحمد وراي يحاولون يهدوني انا للدكتور وين احمد ابي اشوفه الدكتور : مين انتي ممكن تهدي في مرضى هينا انا اصراخ : وييين احمممد ؟؟ محمدوسارا وصلوا محمد:دكتور هذي زوجة احمد الدكتور: يحتاج احمد لدم نزف كثيييير اذا ماوفرتو الدم خلال نص ساعه الولد راح يروح من ايدينا انا : خذو من دمي خذو من دمي وعطووه سارا : فصيلة احمد نادره مش زي فصيلة دمك الدكتور : هي ناادره لدرجة انها مو متوفره عندنا هينا محمد: انا راح اروح بنك الدم الدكتور :اتصلنا عليهم بس مافي نفس الفصيله لازم تلاقون متبرع انا اصارخ : شلون مافي نفس الفصيله معقوله مستشفى كبير مافيه !! الدكتور:كان عندنا عمليه وستخدمنا الدم كله اللي من نفس الفصيله محمد: انا راح اسأل اكبر عدد من الموظفين عندي واصدقائي يمكن الاقي شخص يحمل نفس الفصيله انا : وانا بدق على اهلي الدكتور : اقصى مهله لكم هي نص ساعه انا : انت لا تفاول قلت خلاص بنجيب الدم انا ابكي دقيت على امي وهي دقت على خالاتي محمد ما لقا أي شخص من معارفه يحمل نفس الفصيله دقت امي : مريم لقينا متبرع انا بطير من الفرحه : ميين ميين خليه يجي المستشفى بسرعه امي : طيب خلاص بقوله يجيك المستشفى انا رحت ركض عند الدكتور وقلت له خلاص لقينا متبرع الدكتور: ممتاز بروح اجهز المريض انا : طيب عادي اشوفه الدكتور :تعالي معي دخلت في غلافه العنايه ناظر احمد ماكان يبين من كثر الاجهزه والدم اللي كان مغطيه انا وعيني كله دموع وبصوت مبحوح : احمد احمد بصعوبه يقدر يتكلم : مريم انتي جيتي انا ماقدرت احبس دموعي اكثر : أي جيت احمد: اسف , يمكن اتركك بدري !!! انا ابكي : احمد تكفى لاتقول كذا انت ماراح تتركني, انا وولدك محتاجينلك احمد: ولدي انا : أي احمد ولدنا انا حامل احمد باسني على جبيني : انتبهي على نفسك اذا كان ولد سميه ( نواف ) انا ابكي : خلاص لاتقول كذا حرام عليك محمديأشرلي : وصل المتبرع انا ركض : وينه محمد: في غرفة الدكتور انا ركض للغرفه بصدمه: سلمان!!!! سلمان : أي سلمان انا الوحيد اللي بيدي اقدر احيي واموت احمد !! انا :طيب سلمان يله بسرعه تبرع سلمان : ومين قال اني بتبرع !!! انا : سلمان انت الوحيد اللي فصيلة دمك نفس فصيلة دم احمد يله تبرع بلاحركات عيال سلمان عطاني ظهره ومشى !!! انا اركض وراه وامسكه من ايه : سلمان تكفى تكفى احمد بيموت انت املي الوحيد سلمان : تتذكري لما قلت لك راح تجيني زحف هذا انتي راح تموتين تحت رجلي عشان اتبرع انا :سلمان تكفى تكفى !!! سلمان سحب ايده مني وشاتني بقسوة قلب : انا اللي يرفضني مره ما ارجعله لو يموت مية مره!!! الدكتور جايني يركض :بسرعه ابغى الدم الحين الولد في حاله حرجه انا اصارخ: سلماااااااان سلمااااان بس ماكان يرد علي صرت في حاله هستيريه اصارخ اركض في المستشفى ابي دم !!! بعد نص ساعه جيت للدكتور وانا فرحانه: دتور بنك الدم توهم دقوا قالو عندهم واحد لتر من الدم الدكتور نزل راسه : خلاص مافي داعي للدم انا :يعني احمد صار زي الحمد الله يارب الدكتور : انا لله وانا اليه راجعون!!!, البقيه بحياتك انا :ليه احمد بخير صح؟؟ الدكتور :اصبري واحتسبي الاجر !!! انا اهز محمد : محمد احمد بخير صح ؟؟ محمد: انا لله وانا اليه راجعون انا اصارخ : لالالالالالالالالالا احمد لا تتركني لحالي لالالالا رحت لغرفة العنايه بس كانت كل الاجهزه مقفله شالو كل شي عن احمد رحت مسكت يده كانت باااارده انا ابوس يده : احمد تكفى قوم قوله انا ما مت قوم يله طيب انت زعلان مني ؟؟ ليه ماتبي تكلمني احمد .................................................. .................................................. .......... بعد سنه سارا ولدت وجابت بنوته سمتها شهد والحين هي حامل وقالو يمكن ولد سلمان تزوج وسافر عاش في بريطانيا مشاعل تزوجت واحد اسمه فيصل والحين هي حامل انا ولدت وجبت ( نواف !!) بس طول السنين ولايام مانسيت احمد ولا ثانيه كل ليله احضن المخده اللي كان ينام عليها , واتذكره وهو يقولي : تصبحين على خير حبيبتي !! |
رد: لا تحاتي غناتي دامك انت معاي ..هالمره الروايه كامله!! انتهت الروايه واتمنى انها نالت على اعجابكم وطبعا الحقوق محفوظه للكاتبه (LoNy) .. |
رد: لا تحاتي غناتي دامك انت معاي ..هالمره الروايه كامله!! كتيييييييييييييير جميله بس حزينه انا دموعى عن جد نزلت |
رد: لا تحاتي غناتي دامك انت معاي ..هالمره الروايه كامله!! حلوة |
تنقل لقسم روايات مكتملة. |
| الساعة الآن 08:55 PM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011