عيون العرب - ملتقى العالم العربي - من عائلة عيون إلى وردة المودة رحمة الله عليها

السلام عليكم ورحمة الله وبركاته
الصلاة والسلام على سيدنا محمد وعلى آله وصحبه آجمعين
أختنا وغاليتنا حوراء ، كانت غالية كتير ع قلوبنا وصنعت ذكريات لا تنتسى معنا
اللي تشوفه مضايق كانت توقف معه فوراً وتساعده ، كانت تقلق علينا حتى اللحظة الأخيرة بحياتها
بتعرفوا ليش ؟ لأنها كانت تشوفنا عائلتها الثانية ، صح كلنا نفتقدها وبكينا ع فراقها بس هذا ما ينفعها !
هي وقفت معنا بالحياة واجا الوقت لنحنا نوقف معها هلأ
لذا فضلاً كل مين يهتم لأمر وردة المودة ينهض الأن ، يتوضى مشان نقرأ قرآن كلنا ونهديها ثواب القراءة
انا بستلم الجزء الأول ، اللي يدخل بعدي يكتب جاري قراءة الجزء الثاني q
(والنية في القلب يعزم أن ثوابها لها رحمها الله)
وهناك أكثر من طريقة لنساعدها ونوقف معها بالدعاء - الصدقة - عمرة او حج عنها
وضع ترمسة ماء بارد بطريق ما ، وكل مين عطش يجي يشرب لها ثواب
بطباعة الأذكار وأشرطة وكتب وتوزيعها مع إهداء الثواب لها -
أو بوضع مصحف في الجامع القريب لك لكل مين يدخل يقرأ فيه
وطبعاً اللي يتصدق او يعمل اي شي من اللي ذكرته ما يصير يقول انا عملت كذا وكذا ، هذا سرك

نحنا مو عائلتها عن فراغ تمام ؟ صدقوني رح تتطمنوا عليها بهالطريقة ، انا هيك اطمئن ع جدتي
وطوال فترة العزاء كنت مشغولة بتحصيل الصمدية وتوزيع الأجزاء ع القارئين ومشاركتهم القراءة
فهذا كان يصبرني على فراقها ، اليوم أحياء غداً الله أعلم ، خلونا نعمل ليومنا
لعل وعسى نلاقي مين يوقف معنا بنهايتنا ، مع كامل حبنا يا وردة ق1

هذا الموضوع رح يضل مفتوح دائماً ، طالما وردة بقلوبنا وذكرياتها بعقولنا