عيون العرب - ملتقى العالم العربي

العودة   عيون العرب - ملتقى العالم العربي > ~¤¢§{(¯´°•. العيــون الساهره.•°`¯)}§¢¤~ > أرشيف المواضيع الغير مكتمله او المكرره او المنقوله و المخالفه

أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه.

Like Tree138Likes
 
 
LinkBack أدوات الموضوع انواع عرض الموضوع
  #41  
قديم 10-04-2019, 05:30 PM
 
ذهبي



فاطِمةة الزَهرَاء.

بسم الله الرحمن الرحيم
اللهمّ صلّ وسلّم وبارك على سيدنا محمد وعلى آله وأصحابه أجمعين

السّلام عليكم ورحمة الله وبركاته
عساكِ تكوني بخير يا رب
قررت أغيّر شوي من المقدّمة

أوّل إشي تعليق على كلامك بعد الفصل بحب أحكيلك إنّك كاتبة رائعة وملتزمة بالمواعيد بحق بهنّيكِ جد ع متابعتكِ الكتابة وإنزال الفصول
يعني بالمختصر ما رح نلاقي مثلك بالعالم
وإن شاء الله أنا رح أتابعك للنهاية بس في حال ما ردّيت ع فصل بتكون الظروف منعتني بس تابعي إنزالك للفصول حتّى لو أنا مش موجودة، رح يكون في متابعين آخرين غيري إن شاء الله عمّا قريب يكونوا موجودين
وانتِ خليكِ حاطة ببالك مقدار الأشخاص القارئين اللي مو مسجلين بالمنتدى، لحد الآن أكثر من ألف شخص قرأها شايفة والله إنجاز، هاد كلّه بسبب روايتك المميزة صاحبة الأفكار الخطيرة يا خطيرة والله مع كلّ فصل بتنزليه بستمتع بقراءته والشغف مصاحبني، بكون بستنى يوم الجمعة أو السبت بالذّات عشان أقرأ الفصل الجديد من روايتك، عشان هيك ما تخلّي نفسيتك تتحطّم أبدًا، فنفسيتك من نفسيتنا احنا القارئين، كوني متفائلة دائمًا، أنا معاكِ واحنا معاكِ كلنا بإمكانك تحكي مع أيّ حدا ليساعدك، ما تفكري بالأمور المحزنة وفكري بكلّ إشي جميل صار معك باليوم وابتسمي، ممكن يكون شيء بسيط مثل دخول الشمس لعينك مثلًا شيء بسيط بس حلو عند التفكير فيه المهم بحب أقرأ للشخص المتفائل وانتِ شفت فيكِ الشخص المتفائل، فما تيأسي
ما بعرف إذا كنت بقنع فيكِ أو لأ أو حتّى يمكن أنا مش فاهمة الموضوع منيح بس يلّا

نبدأ بالفصل الرائع المشعشع
يعني عنجد، بكلّ فصل تنزليه أستمتع بالقراءة جدًا، وكان بهذا الفصل كذلك ..
في البداية العنوان العنوان "منعطف جديد" رايحين يعني لطريق جديد ما علينا، دائمًا العنوان بختصر كتير شغلات موجودة بالفصل، وبحكي عن مدى الحماس اللي بنتظرني لحتّى أقرأ، وفعلًا تملّكني حماس كبير
"رأيكَ وقراركَ في هذه اللحظة مختلف كل الاختلاف عن تلك اللحظة.."
عنجد هااي العباارة، بكلّ لحظة أنا برأي وقرار جديد بحب كتير العبارات اللي بتكتبيها قبل الفصل وبعد العنوان، جدًا معبّرة وبتتحدّث عن واقع
وهلأ بإمكاني أبدا بالفصل
يعني طلع حقيقة إنّه يراها وأضحكني تظاهر كاروكو بالغباء وقتها، أنا متأكدة إنّ كاان بعرف بس سأل سؤال غبي مثل كإنّه بحكي مش فاهم أو إيش صار وهيك فعليًا أنا كمان هيك بس بطريقة مختلفة بعمل حالي غبية بالكامل عن الموضوع عشان أريّح راسي من الأسئلة وهاي الأشياء اللي بتصير
ماهيرو اللي ما تظاهر بالغباء وحكى إنّه الأستاذ غوكيو كامل، بس هل هم بقصدوا بكامل إنّه بالغ !!
المهم كان اعتقادي صحيح إنّه منهم
طيّب هلأ كمان الغوكيو بتصير عينيهم يشعّوا بالظلام!! هاد الإشي بخليهم يقدروا ينظروا خلال الليل مثلًا، ذكّروني بالقطط
وصدقًا بحب لامبالاة كاروكو
حبّيت تشبيهك هون "جلس ماهيرو وتنهد بتعب كأنه كسّر أشجار غابةٍ كاملة محولًا خشبها إلى حطب" تشبيه عميق بتحدّث عن تعب سنين طوال
اسمه أتسوشي هلأ وكان سابقًا اسمه هالرَد طوّلت لحتّى استوعبت هااي الجملة
واعتقادي الثاني إنّه برتدي نظارات كان صحيح لا أكاد أصدّق
عجبتني هاي اللقطة لمّا حكى ماهيرو عن أساهي وكاروكو إنّه من الطبيعي يكونوا مغرورين ومتملكين في بعض الأحيان
حتّى هم بشوفونا كائنات غريبة حلو فكرة إنّه يمثّل كونه مكفوف ويحاول بعدها يعيش طبيعي بإنّه يشتغل أستاذ
وتعرّف ع الشبح قبل 7 سنوات، بس هلأ قبل حكيتِ إنه تعرف عليها قبل 7 سنوات وهي لاقوها ميتة بالقبو من 9 سنوات هذا يعني إنّه تعرّف عليها وهي شبح!! صحيح؟ بس هاد إشي غريب ")
عمره 280 !! ياااااه انصدمت بس عرفت وهم خالدين للألف عام، لسى وقتهم طويل والحمد لله هاد طلع ما بزيد من كثافة السّكان
وعنجد خليني أفكّر شوي، كيف قدرت الشرطة ترجع الآباء للغوكيو وبالآخر كلّ الشرطة كانوا ميتين تاني يوم، معقول هم هربوا لمكان بعيد بعد ما قتلوا الشرطة وما رجعوا .. راحوا يتخبّوا بمكان تاني لحتّى تهدى الأوضاع، ولا قاعدة بخبّص
المهم عجبتني اللقطة اللي رنّت فيها والدة ماهيرو عليه، المحادثة كانت مضحكة
ويا حرام الروح ملعونة طلعت وهلأ هي مقيّدة في القبو وما بتقدر تطلع منه !!
وصحيح هلأ هم بشو يفكروا عنجد، بعدم تصديقهم إنّه الأستاذ مثلهم ولا بطلاسم الكتاب أنا هلأ ما رح أعرف أنام من التفكير كماان، لازم ألاقي نتيجة أو حل
وكالعادة ضحكت كتير ع موقف ماهيرو لمّا حكى لكاروكو "دعك من هذا الآن وفكّر بموضوع أنّي سأبيتُ عندكَ الآن!" وإنّه انطرد لا والأحلى بحكيله كاروكو "جد لكَ مكانًا آخر"
وبالآخر بنام دائمًا ماهيرو ع السرير، فوق إنّه جاي ينام عنده بنام ع سريره كمان
هلأ الشقراء قصدك فيها أساهي ^_^ بس شو سر التعب والمرض الدائم لها بعد ذهاب كيوشي للعمل ويا حرام ما لاقت مفتاح البيت والحمد لله مفتاح الكتاب مو ضايع كان صارت مصيبة لو هيك، وبس راحت ع المخزن تدوّر ع المفتاح ووقعت هي والصندوق كنت رح أبكي، وليش ما حسّت بآلام السقطة معقول عشان ألمها اللي قبله ما خلّاها تحس فيه، ومين رح ييجي ينقذها، هل كالعادة كيوشي رح يحس بإشي غريب ويرجع ع البيت أو حدا تاني .. ما رح أقدر أستنى أسبوع لأعرف، يا الله تحمّست كتير والنار جواتي بتحرقني من الحماس هاد

وطبعًا بعد ما خلصت قراءة يعطيكِ العافية، فعلًا فصل رائع الله يسعدك مثل ما أسعدني هاد الفصل ع أضعاف كثيرة
في أمان الله ورعايته ..
بانتظاركِ دائمًا وأبدًا

سبحانكَ اللهم وبحمدك، أشهد أن لا إله إلا أنتَ، أستغفركَ وأتوب إليكَ ..
__________________



🔸ابتَسِم ، مادامَ حُزنُكِ لايهُمُ الآخَرينْ 🌟



التعديل الأخير تم بواسطة X ; 10-11-2019 الساعة 07:33 PM
  #42  
قديم 10-11-2019, 07:21 PM
X
 
نورتِ تيتوس تشان الله يسعدك على هالمقدمة لا تهتمي امزح مع انه نقكة الاف المتابعين ذي مو صح كل ما انا او انتي او اي حدا بيدخل للرواية بيتسجل مشاهدة بس ما اظن حدا من برا قرأها xD
لا تهتمي كثير أنا بحكي الي بكون براسي بالموقف الفلاني بس الرواية تعتبر جديظة لها شهرين ونص بس بستنى سنة وبشوف اش بصير xD
انتِ جد اذا كنتِ مشغولة ما تهتمي تردي اكتبي اي شي بسيط انك قرأتي الفصل وتعليق ابو سطر بدون مقدمة والله اكتفي فيه لو مشغولة المشغولات بيفهمو بعض

غوكيو كامل اقصد فيها انه مو نصف غوكيو ونصف بشري وامر انهم خالدين متعلق بالغوكيو بس هم اقرب للبشر خصوصا انهم عاشو بعالم البشر واجواءه لو علشو بعالم الغوكيو يمكن تختلف الامور وينمو بشكل آخر اجسادهم اعتادت على العالم البشري أكثر.
اعجبني توقعك انهم قتلو الشرطة وهربوا جلست اتخيل لو مسار القصة هيك xD

شوي وبينزل الفصل
FREEAL and |تيتوس| like this.
__________________

-

-
لا تَبُح بما في داخِلكَ لنَفسِكَ فهي لا تَحْفظ الأسْرار.

نُقطَةة إِنتَهىٰ •
  #43  
قديم 10-11-2019, 10:01 PM
X
 
|تيتوس| likes this.
__________________

-

-
لا تَبُح بما في داخِلكَ لنَفسِكَ فهي لا تَحْفظ الأسْرار.

نُقطَةة إِنتَهىٰ •
  #44  
قديم 10-12-2019, 06:20 PM
 
اللهمّ صلّ وسلّم وبارك على سيدنا محمد وعلى آله وأصحابه أجمعين

كيفك إكس-تشان
الله يسعدك يا رب دائمًا وأبدًا

بتعرفي شغلة، أنا اليوم فتحت بس عشانك وعشان روايتك الرهيبة وحتّى لو إنّي مشغولة بفضّي حالي .. ومن المستحيل إنّي أكتب رد أبو سطر لإنّي هيك بكون مقصّرة بحقك وحق روايتك، بس إذا كان بيوم عنجد عندي ضغط دراسة لإنّه هااي السنة عنا بالبلد صعبة فبدها دراسة بكتبلك رد أبو سطر أو سطرين وبعتذر منك إذا صار هيك فعلًا .. بس إن شاء الله بفضّي حالي عشان أكتبلك رد بليق فيكِ وبروايتك الفخمة
المهم اليوم ما عندي إشي فقررت أكتب إشي منيح

يلّا، بسم اللّٰه الرّحمـٰن الرّحيم
نبدا بعنوان الفصل "رُقعَة" يعني الصّراحة ما فهمت معناها ومغزاها بالفصل لا قبل ما أقرأ ولا بعد ما قرأت صار عندي الاستيعاب zero من ورا هالدراسة
وبالنّسبة للعبارة الصّراحة أحببتها بشدّة "هناك تفاصيلٌ لا يَجب أن نَخوضَ بها مع أنفُسنا؛ قد نَزيد حياتنا سوءًا ونموتُ داخلَ أجسادنا الحَية من أفكارٍ يُحتمل أن لا تَكون واقِعًا.."
أساسًا خوضنا بالتفاصيل مع أنفسنا هو الذي يسبب لنا ألمًا على أضعاف فنموت من هـٰذا الألم كثرة تفكيرنا، فعلًا كلامك رائع، بحبّه جدًا كتير أحيانًا بتسائل مع حالي أديه عمرك بمثل عمري ولا أكبر ولا أصغر، بس الإشي اللي أنا متأكدة منه إنّي حبّيتك بشدّة
المهم هلأ بخوض بتفاصيل الفصل صراحة أنا توقعت أساهي تكون فقدت الوعي من السقطة، وبالنسبة للعيون، هلّأ كل واحد عند الخطر بتتحوّل عيونه للأصلي مثل ما صاروا معها أحمر وفضّي بصير بدّي أبكي بسبب ألمها ") وشو قصة القمصان هاي
عندي احساس إنّه في وراهم قصّة طويلة والمحفظة الجلدية أتوقّع في وراها كمان إشي وأخيرًا طلع في دفتر بفسّر طلاسم الكتاب ومكتوبة باليابانيّة أو اللاتينيّة المهم إنهم يفهموا الطّلاسم هاي ونشوف شو الإشي المهم في الكتاب وكمان بتعجبني مكافحة أساهي بشدّة أنا إذا وقعت وقعتها بنام مكاني وضحكت كتير ع مكالمتها مع كيوشي ولما قدر يتوقّع كيف كانت ردّة فعله بس عرف إنها لاقت الدفتر وأكثر إشي ضحكت عليه لما حكت أساهي
"قالت ساخرة
- أخبرتكَ لتبدو ساعة العمل هذه طويلة."

عنجد بس نتحمّس لإشي بصير الوقت يمر بطيء جدًا
وثقة كيوشي حلوة لما جاوبها "لا بأس بما أني سعيد"
وفوق ما ماهيرو نام ع السرير وهو لازم ينام ع الأرض غطس بالنوم كتير لا وأكثر من هيك نام عشر ساعات وما كان راضي عنهم ومع هيك لساته نصف نائم، جد إنهم ثنائي مضحك
ومثل ما قال ماهيرو لكاروكو إنه يعيد برمجة نفسه لازم احنا كمان نعيد برمجة أنفسنا للأحداث القادمة وهالمرة ما تأخر مثل قبل أكيد لازم يروح بدري عشان يشوف الدفتر والطلاسم اللي جواته، وطلعت أساهي بتعدله بالدقائق
وكالعادة ضحكت لما قال "إنها جميلة هنا؛ هل لاحظتِ؟"
ومنيح إنهم بدهم يشاركوا كاروكو وماهيرو بالدفتر وطلاسمه لعلّهم يجدوا تفسيرها بدقّة .. "لا أصدّق بدون أن نبذل جهدًا حتى! لنحاول الإثنين إذا!" لعلمك يا كاروكو إنه أساهي بذلت جهد كبير وهي تعبانة لمّا لاقت الدفتر ^_^
ودائمًا بتوقفي عند نقطة بكون فيها بأشدّ الحماس، لمّا كنا بدنا نعرف معاني طلاسم الكتاب وقّفتِ ليش !!!!!!
ما بقدر أتحمّل كتير إني أستنى للفصل القادم ..
وبالمناسبة، ما كنت أعرف إنّه أي حدا بفوت بسجله مشاهدة للرواية، ولكن أنا مش بس متوقعة بل ومتأكدة إنّه في ناس من غير المسجلين في المنتدى بقرأوا روايتك الفخمة، بس كوني على يقين
وسامحيني كمان الرد ما طلع زي ما بدي، قصّرت اليوم شوي ؛(
وغير هيك تأخرت شوي بالرد .. المهم الله يعطيكِ العافية والسّعادة التي لا حصر لها
في أمان اللّٰه ورعايته ..
بانتظاركِ دائمًا

سبحانكَ اللهمّ وبحمدكَ، أشهد أن لا إلـٰه إلّا أنتَ، أستغفركَ وأتوب إليكَ
__________________



🔸ابتَسِم ، مادامَ حُزنُكِ لايهُمُ الآخَرينْ 🌟


  #45  
قديم 10-19-2019, 10:18 AM
X
 
الله يسعدك تيتوس تشان
والله انتِ الشي الوحيد الي مقيدني هون
|تيتوس| likes this.
__________________

-

-
لا تَبُح بما في داخِلكَ لنَفسِكَ فهي لا تَحْفظ الأسْرار.

نُقطَةة إِنتَهىٰ •
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
محبات Tokyo Mew Mew SaSoRi DaNa<3 أرشيف المواضيع الغير مكتمله او المكرره او المنقوله و المخالفه 12 05-23-2015 12:50 PM
صور الأنمي ** Tokyo Mew Mew ** яησσѕн أرشيف المواضيع الغير مكتمله او المكرره او المنقوله و المخالفه 16 04-24-2015 04:07 AM
صور tokyo mew mew miku صور أنمي 7 12-12-2012 07:52 PM
صور للانمي tokyo mew mew чυмία«❀ أرشيف المواضيع الغير مكتمله او المكرره او المنقوله و المخالفه 12 04-29-2012 06:10 PM
tokyo mew mew @بنت الانمي أرشيف المواضيع الغير مكتمله او المكرره او المنقوله و المخالفه 12 05-28-2010 11:41 AM


الساعة الآن 12:11 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011