|
ما تشوفها الا ليلة العرس!!((حظ يا نصيب))! السلام عليكم وطيب الله اوقاتكم بكل خير اهلين حبايب قلبي نعود من جديد ....... وبموضوع اعتبره حساس بالنسبة لي ..... فقط بالنسبة لي :) احبائي ..... الكل مننا منيته هي الزواج والاقتران بفتاة احلامه او بأي فتاه المهم ربك يوفق وعندما اتحدث عن فتاة الاحلام فأنا اعني الكلمة كما هي "الاحلام"!! :) كما نعرف احبتي ان من شروط الخطبة "الشرعيه" وليست "العرفيه" ان يطل الطرفان ويتقابلا ولو مره واحده فقط ......فقط واحده هذا ما شرعه لنا ديننا الاسلامي على يد سيدنا محمد عليه افضل الصلاة والتسليم دعونا من هذا الموضوع ..... ولنتكلم قليلا عن العرف..ولا اقصد هنا عرف الديك ولكن عرف الشعوب!! :) ففي هذه الايام اصبح العرف اقوى من الشرع او اصبح هو الشارع والآمر والناهي بحجة "عيب".."ماعندنا كذا" ..."مافي بنات تنشاف"!!! من نحن كي نعدل في الشرع على حساب العرف؟؟؟ مش مهم :) نعود لموضوعنا احكي لكم قصة صديقي العزيز الذي دخل لعبة الحظ والنصيب!! دفع مهر "عضال" وبدأ من الان يجمع كل قرش كي يغطي مصاريف "العرس" وحالته حاااااااااله سألته : والله شكلك تحبها ;) وتحملت كل المصاريف هذه بس عشان تعيش معها اكيد ما تقدر تفارق ذاك الوجه الصبوح لحظة :kok: قال: اي وجه صبوح .... تراني للحين ما شفتها ولا بشوفها الا ليلة العرس !! :( قلت له : ياخي هذا حقك وحقها بعد ....ترى والله مو حرام قال : ((ماتعرف شيباننا)) :kok: قلت اجل خلوك تشوف الشبيه ههههههههههههه ليكون اخوها هو الشبيه:55: ضحك وقال : خلها على ربك :( احسست من كلامه انه معارض لتلك الفكره او انه مظلوم..! بل كانت علامات الحيره والخوف تخرج مع كل حرف من فمه!! ونقول ليش الطلاق كثير في مجتمعنا !! لاننا لم نقيم الشرع بالشكل الصحيح واتبعنا العرف طيب الان يأتي شخص ويقول لي : ياخي وانت وش دخلك احنا راضين بكذا :00: اقول له : معك حق :) صديق اخر عزيز علي ذكر لي قصته وبدأ فضولي كالعاده وسالته بكل صراحه ....:هل رأيتها؟؟ قال : لا قلت : وتقول انك تحبها حب كبير؟؟ قال : نعم . قلت : لماذا اذن احببتها ؟ قال: لا ادري ولكن " ذكروا " لي ان اخلاقها حسنه :rolleyes: اضفت سريعا : ووصفوا لك شكلها ....ايش رايك يتزوجونها مره وحده :0: ضحك وقال : يا ابوهايل انا فاهم وش تقصد بس هذه عاداتنا قاطعته : قصدك "العرف" الذي طغى على الشرع قال: مدري بس انسى اشوفها !! ولكن اردف كلامه بجمله لا اعلم حتى الان هل هو مقتنع بها او وقالها كي يقطع الحديث المر عن هذا الموضوع حيث قال: ولكن يا ابوهايل انا مقتنع بالزواجه هذي ومقتنع بالعاده هذي وراضي بها !!!! بعدها قلت له الله يوفقك ولكن صدقني هذا حقك ولا احد يمنعك وانت بكيفك قال لي : اصلا انا ما ابي اشوفها ....اشعر بمتعه غريبه تنتظرني ..شعور رهيب حين تنتظر شيء مجهول!!! قلت له: ايه "حظ يا نصيب" :) ضحك وقال ربك يعين اذن احبائي راينا حالتين واظن ان الاولى اوضح والثانيه ترغم نفسها على ذلك الحال او تأقلمت عليه ...مع العلم انه حق واجب وقد شرع في الاسلام !! الان..ما رأيكم ؟ انا اعترف بان هذه العاده موجوده فقط في الجزيرة العربيه ليس نقص وانما انصياع للعرف على حساب الشرع ولا اعلم من شرع هذا العرف "المتشدد"؟؟ اترككم الان كي تفكروا وتتأملوا ونبدأ بطرح آرائكم وياريت القى بين الردود احد يذكر لي سبب واحد مقنع فقط وااااااحد !! سبب جعل العرف يصبح "افضل" من الشرع...! وان شاء الله الجميع يتزوج ونفتك من صجته واولكم انا هههههههههههه lol وياهلا _______ ابوهايل |
مشاركة: ما تشوفها الا ليلة العرس!!((حظ يا نصيب))! ما اقولك الا شي تلزق بعقولهم من ابائهم واجدادهم وتلاقيهم يحتكموا بهذه المسائل للعرف أكثر من الدين والسبب بعدهم مسائل الدين الفقهية أو ان لهم مرجعية جايبة فيهم العيد والغلط على من يوافقهم على هذا الشيء وهو يعرف انه غلط وما يوضح لهم بالتي هي أحسن وهذا بيقوي من اعتقادهم وتمسكهم بالشي هذا ما اقول الا الله يهديهم ويوفقك كل من يبي الزواج محبتي |
مشاركة: ما تشوفها الا ليلة العرس!!((حظ يا نصيب))! بالنسبة لى ما حصل لى الشرف هههههههههههههههههههههههههههههههههههههه بس واحد من اهلى خطب وشاف الخطيبة قبل الخطبة والحمد لله والامور سابرة والله يوفقه وان شاء الله الحقه قبل ابو هايل ما يعملها ههههههههههههههههههههههههه وانا مع المستشار فى الى قاله قلبا وقالبا تحياتى لكم روح الفؤاد |
مشاركة: ما تشوفها الا ليلة العرس!!((حظ يا نصيب))! انا ما شفت الا بعد الخطبه .... وسمعت ان فيه ناس في الديره عندنا عاتبة عمي لانه اعطاني النظرة الشرعيه .... الحمد لله انه ملتزم ودين ولا كان رحت وطي ....اصلا لو ما كان ملتزم ما وافق علي !!!!! |
مشاركة: ما تشوفها الا ليلة العرس!!((حظ يا نصيب))! بصراحه موضوع جدا رائع اخوي ابوهايل واتمنالك طبعا قبل اي شي انك تلاقي نصفك الاخر وتتزوج يا رب عموما من ناحية الاشياء هذي والاعراف بصراحه كلها غلط والي عايز يغيرها ضروري يوقف امامها لانه ما في شي يتغير لحاله ولو الانسان ما شغل عقله وما وقف ضد الاشياء الخطاء ما رح يطور الانسان بصراحه وانا اذكرلكم تجربتي الشخصيه انا فعلا كان رح يصير معي هالشي وطبعا يجوزوني عمياني وكل الي عندهم كلمة هو ولد كويس ومحترم ويخاف الله ومن عيله كويسه والكلام هذا الي كلنا عارفينه بس انا اصريت على رفضي بالزواج بهذي الطريقه وطلبت اشوفه احتمال ما يعجبني او ما اعجبه وهذا واقع وفعلا تقابلنا بوجود الاهل وطبعا انا ما اعرف رايه بيا بس الي اعرفه انه ما عجبني كان من الاشخاص الي اشوفه وسبحان الله ما ارتحتله من نظرته من اسلوبه طيب ما الوالد وافق لمعرفته لابوه وما يعرف الشب بس بالاخير انا رفضته وبالذات اني بعدين اكتشفت شغلات ثانيات والي اثبتتلي ان احساسي صحيح كان فسبحان الله مو كفايه ان الواحد يكون ذو مركز او اي شي ثاني او من عيله لا احيانا ما ترتاح للشخص ان كان بنت او شب ومستحيل تعيش مع انسان ما ترتاح معاه من اي ناحيه كانت واسفه لو طولت بس فعلا هذا الي صاير معي وانا ارفض الزواج برجل من غير رويته ولو لمره واحده وتمنياتي للجميع بالتوفيق |
| الساعة الآن 06:35 PM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011