عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات و قصص بالعاميه

روايات و قصص بالعاميه قصص و روايات باللهجه العاميه

Like Tree64Likes
 
 
LinkBack أدوات الموضوع انواع عرض الموضوع
  #71  
قديم 10-18-2016, 06:31 PM
 
*
((2))
" حين تُكشف جميع الحقآئق .. نبتسم لأنناآ فهمنآ مع ـنى آلحيآهـ .!
إعشقني ! "
صحيت على الساعه 12 الظهر أووف والله أني صايره انوم كثير خخ .. غسلت وجهي وتحممت بسرعه صليت ولبست ونزلت وأنا شايله مجود أخذته وسدحته بالصاله وأنا بالمطبخ شفت مرت خالي سلمت واخذت كل شي عنها لين خلصت حاولت قد ما أقدر أني أخلص بسرعه .. صلحت عصير ولما قضيت كنت مره جايعه شربت مويا بسرعه قبل أي حد ينزل ..
مااستغربت لما ما شفت مروى اكيد بـ بيت رجلها .. اخذت مجود وصعدت فيه وكملت نومي لين صحاني فيصل كانت على الساعه 2 .. قمت وحممت مجود ثم تحممت انا ولبست ملابسي كنت أسمع فيصل يسألني متى يبني أروح معه لجل أشتري ملابس .. طنشته فاضي الأخ خخ ..
لبست عبايتي ونزلت تحت سلمت عليهم كانوا موجودين عدا مروى .. كنت امشي وأنا موطيه راسي ورى فيصل وشايله مجود لين وصلت ربطت برقعي وطلعت معه ..
لين وصلنا نزلت وسلمت على عمتي كنت أتعمد أني اتكلم كثير وأطول شوي الكلام والسؤال عن احوالهم بس عشان تتأكد أني موب مجنونه .. أخذت مجود بلهفه وهي مبسوطه ورحت ..
أول مره بحياتي أروح ذا الاماكن .. وبدينا بالتمارين ..
كنت كثير أسرح وتنبهني وشوي احيانا تعصب علي لين احترمت نفسي وبديت أركز معها ..؛
أفهم أن فيصل يبيني ما أفكر بأي شي بالحياه .. حتى لو كان وش بسوي بكرآ ..!

*

صعدت السياره وزفرت : أووف وأخيرا خلصنا ياخي 3 شهور ملل والله ..
إبتسم لي ولا علق .. شفته يمر على أماكن غريبه .. قلت : ليه حنا موب راجعين لبيت خالي ؟!
هز راسه بـ لا : بوديك شوي كلها شوي وتخلصين ..
سكتت عنه احس نفسي منقرفه من نفسي فاجأني لما وقفني عند صالون ..
وقال : أدخلي وقولي حجز بإسمك تلقينه .. لامنك قضيتي دقي لي ..
سكرت الباب ومشى .. مدري وش عنده الاخ ؟! فعلن دخلت ولقيت زي مايقول أول شي دخلت وتحممت ثم لما طلعت صليت .. فاجأتني بشي بس اخذته شي حلو اعجبني رغم اني مدري وش صاير .. كان فستان فضي فيهـ رباط فوشي بالنص قصير وحلو ..
وأكسسواراته جنان حتى البوت الفوشي كان توحفه .. بعدها شسورت شعري ورتبته بحركات خفيفه وحطت لي مكياج ناعم مره ..
لما خلصت قالولي انه مخلص كل شي ودافع حيوان ذا الأخ عليه طلعات تقهرني فعلن .. دقيت له واول ماجاء ..
صعدت بقهر : خير ؟! وش عندك أنت ؟!
كان ساكت ومطنشني .. ظليت آكل بروحي من القهر لين وصلت لبيت خالي دخلت وعلى طول كشفت ..
ناظرته : خيير ؟!
إبتسم لي : أكشفي بشوف ..
رفعت له حاجبي : كاشفه ..
هز نفي : لا .. قصدي كلك بشوف وش صار فيك ؟!
وش آخرها معك يافيصل ؟! هو أنت تظن بعد أني مجنونه ؟! ولا وش السالفه ؟!
شلت عبايتي ووقفت له وكأني أستعرض .. ناظرني بـ أعجاب : والله خطيرهـ !
رفعت له حاجب : ممكن تفهمني وش السالفه ؟!
كمل وهو مبتسم برضا : وربي كذا أحسك ساره نحفانه ومتزينه ..
صرخت فيه : وش السالفه ؟!
أبتسم لي : بتحضرين زفة خويي ..!
فتحت عيوني على آخرها : أييش أييش ؟!
كملها : عادي .. بتحضرين زفة خويي ..
رفعت حاجب : لا يشيخ ! أحسبه شي ثاني .. أولن أنا ما أحضر أفراح ولا زفات ولا ملكة ولا حفلات ...
قاطعني : إييه باين .. " رقّص حاجبينه " زفة ريم ..
عضيت على شفاتي حيوان نايف ! قال يبرر : عادي إعترفت لي خالتك مشاعل ..
سكتت لأول مره أظلمهـ .. قلت : ولو .. أنا ما أحضر .. ثانيا من صلة القرابه .. ثالثا .. أنا رجلي متوفي ما أقدر أحضر .. بالله وش شكلي بسس ..
ناظرني : انهبلتي انتي ؟! كم صار له ؟! يكمل سنه ... وأنتي عمرك لحد الآن 24 حتى ماكملتيها مو حرام تدفنين نفسك بس تربين مجود ؟! حابسه البزر معك وش ذا الأنانيه ساره تبينه مثلك مره منعزل ؟!
سكتت أناظره .. وقلت بهدوء : لا تحاول تقلب السالفه .. طلعه لزفة خويك ماني بطالعه ..
رفع حاجب : إلا بتطلعين ..
قهرني كيف كان يتكلم بنبره واثقه : ياخي موب بالعافيه هو كيفي ..
سمعت صوته وهو نازل : يكفيك عاد فيصل تراك مره صاير متشدد عليها اما تسوين وإلا بسوي .. خلها بس ..!
رغم أنه قهرني لأنه تلقف بـ شي ماله دعوه فيه بس فيصل أفحمه ردهـ ..!!
ناظرني فتره ورفع حاجب وكأنه يقول غصب تبين تروحين .. زفرت وصعدت السلم وغصب عناد دفيت نايف .. الغريب أني سمعت فيصل لاف للبوابه الخارجيه وهو يقول : هلا عمي ..

صعدت السلم أيهـ بالله إنهبل أخوي .. عاندت غيرت ملابسي إلى بيجاما سماويه برمودا عادي مع بلوزة عاديه مسحت وجهي من الماكياج الخفيف اللي بسرعه راح ..
ودخلت يدي بشعري وبديت احركها بـ حركه دائريه .. نشوف يافيصل أروح لزفة خويك ولا لا ..؟
رميت البوت كل فرده بجهه وإنسدحت على السرير .. سمعت صوت فيصل دخل الغرفه رفعت راسي على طول له إنصدم من شكلي كيف كان ..
شوي وإبتسم : وش مسويه بعمرك ..؟!
قهرني يابروده بسس : في الحلم حبيبي أروح لزفة خويك ...
قاطعني : طالعه حلوة مره ..
شديت شعري بجنون جالي وفكها : وش فيك أنتي ؟!
ناظرته : موب رايحه وكيفي تحلم أنت أفكر بسس أروح .. منت بصاحي !!
إبتسم : خلاص مابتروحين ..
قلت : غصب عنك موب كيفك ..
ناظرني : أصصلن ماعندي حد بيعرس الليله .. نصب في نصب ..
فتحت عيني هو إنهبل الأخ ولا وش سالفته ؟!
سألته : أجل ياوجه الموزه وراك شايلني من الصالون خلني انوم عندهم شوي لين زفة بكرا ..
ضحك : أقولك مافيه زفات ولا شي ..
ناظرته بحيره : أجل وش القصصه .. فيصل انت تبي تجنني ؟!
إبتسم وهو يهز راسه بـ لا .. شوي وسمعته يقول : أبي نايف يشوفك انتي .. أنتي ساره زي ما أنتي !
شهقت وفتحت عيوني على آخرها هو إنهبل الأخ .. إلا أنهبل الله ياخذك يافيصل كانك تبي تجنني ..
وقفت بوجهه أصارخ : منت بصاحي انت ؟ بعقلك شي ؟! وش يشوفني زي ما أنا ؟!
لازال على وضعه ولا كاني قلت شي : أيه زي ما أنتي ماتغيرتي .. سواء تزوجتي تأرملتي تطلقتي .. المهم انك كذا حلوة .. ولا كان عندك ولد .. ولا كأنك أصصلن تزوجتي .. ساره بنت عمته نهال نفسها .. ويصرّ عليك ..!
فتحت عيني : وش يصر عليك أصر عليك إبليس إلا تروح معه للنار ؟!
ضحك : وش أصر عليك أبليس .. مايبيني ما أفيده بشي ..
ناظرته هو من جده عادي يضحك ولا كانه قايل شي ؟!
ناظرته : فصيييل ووجع وش يصر عليك ؟!
إبتسم لي : نايف خطبك ..!
نايف خطبك ..!
نايف خطبك ..!
نايف خطبك ..!
نايف خطبك ..!
والصدى بدا يتردد بكل الغرفه .. تسألوني وش ردة فعلي ..؟!
أنا أقولكم .. دفيت فيصل بعنف لين طاح على الكنبه وفتحت الباب وركض لتحت .. شفته زي ماهو جالس يناظر التلفزيون وجنبه خالي ومرته وعادي ولا كانه مسوي شي ..
سحبت منه الكنترول بقهر وبديت أضربه فيه وكأني أطلع شحنات القهر اللي فيني ..!!

ناظرته : أنت أييش ؟! أنت أييش ؟ منت بشر والله منت بشر ؟! ماتحس .. صايبك عطل بـ مخك ؟! تلعب معي أنت ؟! إلا تلعب معي .. ياخي أثبت على شي خلني أفهم أنت وشهو بالضبط ؟! تستهبل علي ولا ماتفكر بعقلك ؟! أنت بالضبط وش تبي مني .. عجزت أفهم لو مره أن أنت تبي شي معين أو حتى ...
قاطعني صوت فيصل : سآره !
لفيت له بقهر : وأنت الثاني وش عندك من مصايب بعد .. غرد حبيبي خذ راحتك ..!
ناظرني : انتي وش حالة الإستهبال اللي تجيك كل مره حد يخطبك ..
وكأنه ذكر تركي بشكل غير مباشر حرّك فيني السكون ..
ورجعت هاديهـ .. كل مره حد يخطبك ؟!
ناظرني : وش الجنون اللي يصيبك ؟! يومك بالدمام نفس ذا الكلام والحركات تسوينها لتركي واليوم لنايف ؟!
سكوـون !
و.. صمت .. وحيرهـ .. وخوف ..!
واكثر من إحساس مقدر أوصفه .. هو ليه صدق انا أسوي كل ذا ؟!
ناظرته بـ ضياع وتشتت وكاني أقوله أنا نفسي مدري .. تصدق ؟!
هو كل شي سويته لتركي لازم أسويه لنايف ؟!
بسس تركي يستاهل أشياء كثيره وجد سويتها له .. أما نايف بالحلم .. هو من جده بعد كل ذاه راجع بكل عين قويه ويقولها ؟! مايستحي على وجهه ذاه ؟!
ناظرت فيصل اللي كمل : عندك حالة جنون انتي .. أو عُقده من طروى الزواج ؟!
سكت بس اناظره .. ثم قلت بتردد : هو .. اللي ليه مايثبت على شي ؟!
فيصل : منهو هو ؟! ووش يثبت أنتي مع وجهك ؟! طايب ونقول تركي قايلك شي ونايف ؟!
ناظرته : مدري .. هو مايثبتون ..!
نفذ صبره : على إييش ؟!
سكتت فتره ثم قلت : هم كذا مدري ليه يسوون معي .. والله فيصل ماقد ضايقت حد فيهم .. فجأه يقولون ثم يقلبون ثم يرجعون ثم يقلبون ثم .. مدري وش يصير لأن تركي قطع كل ذاه ومات ..
صح .. هم يقولون يبونني ..
ثم يقلبون علي وحركاتهم تحس فعلن انهم نادمين علي ..
ثم يرجعون يخطبونني ..
ثم فجاه كذا .. يقلبون علي ويزعلون ..!
هزني من كتوفي : في بعقلك شي أنتي ؟! وش يقلبون وش يثبتون ؟!
إرتعشت بس : مدري ..
فيصل : ركزي معي وش فيك أنتي ؟!
سكتت فتره حتى طاح الكنترول من يدينيبعد الرعشه الثانيه ..
تمتمت بضياع : مدري أفهمك يافيصل ولا افهم نفسي ؟!
نقزت على طول لم السلم وصعدت للغرفه ..
وشلون ؟! هو من جد نايف خاطبني ؟! وسلمى ؟!
ولا فيصل أجبره ياخذني ؟! ولا سلمى تبيني اوافق ثمن ترجع تاخذه وكأنها تقولي هو لي غصب عنك .. تحسبني بتضايق يعني ؟! هي ما عرفت منهو نايف بالنسبه لي ؟!
ولا عرفت منهو اللي سكن بقلبي ؟! ماتدري أني أحب تركي ؟! هي ماتدري ؟!
تنهدت .. نايف وامه وأبوه كل نظراتهم الحين عطف .. ولو رجعت لهم مطلقه والله ما أتوقع يناظرونني كذا ..
مقوله عطف علي .. بسس نايف تفكيره عمره ماكان كذا !!
هه ! سوير وش فيك أنتي ؟ تصدقين نايف ؟ أو أصصلن هو كان معك على حقيقته ؟!
نايف يحب سلمى .. بس مدري وشهو تبريرك يانايف للي كل اللي تسويه ؟! فوق كل نظراتك ترجع لي ؟!
هو أنت تستهبل ؟! ولا تستهبل ؟! الأكيد انك تستهبل !!
أنفتح الباب بقوة وفزيت .. ناظرني فيصل : وش فيك أنتي ؟ ليه انقلبتي كذا ؟!
ناظرته : وتقول ان نايف خاطبني وماتبيني انقلب ؟!
فيصل : مو هذا اللي تبينه ؟! أقلقتيني فيه .. حتى يوم وفاة تركي .. مقلقتني مدري احبه ولا لا ...
قاطعته : يوم وفاة تركي الله يرحمه كانت نغزات .. وأنت بنفسك عشت معي ذا الوقت .. أنت يافيصل موب غيرك وعرفت أن تركي كان المقصود .. ونايف .. شي عادي مر ولا أعطيته أهميه ..
نص إبتسامه : أيوه باين .. لو كان كذا قلتيها بلسانك وبثقه أنك ماتحبينه .. أنتي منتي بمتأكده من مشاعرك .. لا تكذبين على نفسك .. بلسانك قلتي مدري !
بعتها خلاص وش فيه موب راضي يفهمني : أيه كنت احبه شي من الماضي .. وكنت أظنها بس أنا مافهمت لنفسي .. أيه حبيته بس لما ملك على سلمى كرهته من قلبي ..
رفع حاجب : غريبه ! يملك من هنا وتكرهينه ..؟!
انفعلت : حركته بايخه جدن ومايسويها غير اللي مثله وأقل منه وظني مافيه أقل منه للأسف ..
ناظرني بشك : وش حركته .. سآره ؟!
بلعت ريقي : أنهـ .. ملك على سلمى ..
رفع حاجب وكأنه يناظر عيوين عشان يفهم الصدق من الكذب : من البدايه وأنتي تدرين انه موب لك وش تغير ؟! ساره وش فيك ؟!
وطيت عيوني : ودامه موب لي وراه جاي لي .. عطف يعني ؟! بالله فيصل وبكل سعاده جاي لي تقولي خاطبك .. ترضاها لاختك بس عشان ترتاح مني .. الله عليك يافيصل كاني مضايقتك بشي قله ولا تخليه بخاطرك .. من يومني صحيت وربي ماطلبت منك ولا شي ولا من أي أحد .. لييه ؟!
سكت كأنه تأثر من كلامي : وش اللي ليه ياساره ؟!
همست له : ليه تبيني آخذ واحد متزوج ؟! أو مملك لأني ماسمعت عن زفته !
ناظرني : ترا نايف ...
قاطعته : لا تقولي طلق سلمى لأني مابصدقك ..
قال بدون اهتمام : هو أصصلن ملك عليها عشان يطلقها ؟!
فتحت عيني : أييش أييش ؟!
ناظرني : أيه ماملك .. وكذبت عليك عشان أبعده لأنه موب لك وماتتعلقين فيه ..

سكوـون !
ولا صوـوت .. ولا نفسس .. ولا أي حركهـ ..!
ولا أي ردة فعل .. حتى بتعابير الوجهـ ..,
ولا أي حرف طلع بالغلط .. ولا أي رجفه ولا توتر .. ولا خوـوف ..!
وكأن الحروف ذابت مني .. زي ماذابت إبتسسامتي ..
وكأن العقل دوبه يترجم كل كلمه نطق فيها فيصصل بلا مبالاهـ .. وكأنه مايدري وش بيصير فيني .. بسس لما يتفوّهـ فيها .. هو صدق اللي يقولهـ ..؟
هو نآيف .. هو نآيف .. هو نآيف .. نفسسهـ نآيف ..؟
وكل آللي تغير بالسالفه كلها كلام فيصصل ؟ ونايف نفسه نايف .. ونايف هو وأنا ..؟!

صرخت وطاحت دموعي : كيييييف ؟!
ظل مبهوت : وش فيك ؟!
صرخت بجنون : كيف ؟! كيف أنت بس فهمني .. كيف ؟ وليه ؟ ومتى ؟ وهل ؟! و ... أنا ؟!
كيف تكذب يافيصل ؟ وليه تكذب ؟! ومتى طلبت منك تبعده ؟! وهل هو ضايقك بشي ..؟!
هز كتوفي : ساره وش فيك ؟!
وكأنه خاف علي ان ترجع لي جنون .. مايدري أن الجنون دوبه بدا مع أول كلامه !!
مشّيت دموعي بطرف كمي : قل تمزح معي .. ولا تقول نايف ماملك .. قل تمزح .. قل غير ذا الحكي ..
ناظرني بشك : وش فيك ؟! وش صاير ؟! فهمي أخوك وخذي أجر ..
طاحت دمعتي بـ ألم : هو أنا قلت لك فيصل أبي أبعد نايف ؟! عشان تسوي كل ذاه عشاني ؟!
ناظرني فتره .. كملت : تدري فيصل لو بس ماقلت أن نايف ملك .. تدري وش كان يصير ....؟!
هز راسه بـ أيه : بتبتعدين عن نايف ..
كررت كلامي : مافكرت وش كان بيصير ؟!
فيصل : كل اللي فكرت فيه كيف أبعده وبأي طريقه كانت .. والحمدلله وانتي كذا تمام ..
إنزلقت دمعتي على يده اللي على كتوفي وشهقت بـ ونّهـ .. وتقولهآ بكل بسساطه ..؟
بلعت العبره : تمام ؟ أيوه تمام يافيصل .. تمام وأنا أترك نايف وأتزوج .. أيوه تمام شهر من عمري ضاع وأنا أنتظرك وأنتظره .. أنتظرك ترجع من شهر العسسل تقولي وش رايك بنجوى وأفرح معك أنك معها مرتاحين وأهم شي منت متضايق من إختياري .. شهر يافيصل تفهم .. شهر والله أعده يوم يوم ولحظه بلحظه وكل رمشه تروح من عمري وأنا أنتظر .. تدري وش أنتظر ؟!
سكت يناظرني بإسستفهام .. إسترسلت : أنتظر نايف يوفي بوعده ويجي زي ماوعدني .. تنتظرين ياساره شهر ولا شهرين أخلص بس واجيك ؟! تنتظرينني .. أبيك ياسآره ..!
مشّيت دموعي : وأنت ؟ ليه قلتها ؟ وليه تركي قالي أبيك ؟ وليه قلت له أيه ؟ ليه عجّلت بالملكه ؟ وليه حبيته ؟ ليه كرهت نايف ؟ ليه احتقرته ؟ بسس عشان أخوي فيصل يرتاح بسس ؟!
فتح عينه لي وكأنه يستوعب وش قلت .. أشرت بـ ألم على نفسي : مدري كيف يافيصل أوصف لك اللي جواي .. مدري وشلون اخليك تفهم وش أحسس فيه .. مدري أي كلمه أقولها عشان تحس ..!
كتمت الشهقه اللي تحولت إلى آهـ صغيره : أستحي أنزل لنايف .. وربي مستحيه بعد كل اللي صار وبكل عين نازله له .. بكل عين أرفع عيوني له وأقول تخسسى تكون رجلي وأبو ماجد .. ما ألومه لو ناظرني كذا .. بنظره الخاينه ..!
همست له : لييه يافيصل ضايقتك بـ شي ؟!
ظل يناظرني فتره .. أدري ماعنده تبرير .. أدري ماعنده حكي ..
فيصل : سآره .. أنا ...
وسكت !
وطيت عيوني وأنا اهز بـ النفي .. تمتمت : أمششي .. امشي يافيصل لا تطيح من عيوني .. أمشي !
كان واقف بس يناظرني وكانه إستجاب لي وخرج .. وخرجت معه روحي !!
نايف .. حبيبي .. اللي وعدته .. بعد ماهو وعدني .. ماجالي وسألني ياساره ليه تزوجتي تركي ؟ ماسألني ولا طلب مني عذر ولا تبرير ..
وش تحسس فيه يانايف وانت تكتم كل شي ؟! حتى علي انا ماجيت وبررت ؟!
هه ! بنظره انا اللي اخلفت .. وانا الخاينه .. وهو .. جاي لي بعد أربع سنوات من وعده عشان ينفذه ويقولي خلني احسسن منك ..
وش رجعك يانايف تبي تزيدني جروح يكفيني يانايف .. يكفيني !!
تنهدت بهدوء .. وتركي .. لو ماقالها فيصل .. بس خلني اتخيل .. ردة فعل تركي لو قلتها ؟!
أروح أعتذرر لهـ ويقولي أنا راضي وامي راضيهـ وأنتي .. وأقولهـ أنا آسفهـ يآتركي .. رآضيهـ بشي وآحد هو حب نآيف .. واخرج من عندهـ .. وأعيش مع نايف وتركي يتزوج أي بنت بالحياهـ .. وتنسيه ساره وسنين ساره .. وانا مع نايفي اللي وعدته وقلتها له أني انا اللي أبيه .. ليت لو يرجع الزمن أربع سنوات بسس ..
وشلون اناظر نايف بذا الطريقه وهو اللي ساكت ومكتم كل شي بقلبه ؟!
بلعت الغصصه يآإهـ !
قد إييش كذبه بسيطه غيرت فيني أشياء كثيره والمشكله لو أنها علي بس عادي .. أثرت على كثير من حولي !
نايف .. اللي مالوثه الزمن اللي ظل على وعده أربع سنوات على وعدهـ ..
أربع سنوات من عمره .. 27 سنه بدون زواج ..
بس عشان يقولي انا أوفي حتى للي خآنني .. نايف اللي ماتغير .. زي ماهو !
سمعت صوت عمي : ياولد !
عضيت على شفتي ونقزت بسرعه وتغطيت باللحاف .. سمعت الباب يفتح وصوت خالي : هذا هي ..
عمي : الظاهر نايمه .. خلاص أجي لها يوم ثاني ..
خالي باصرار : وش تجي لها .. النايم مايصحى مايطير النوم ..؟!
شديت على اللحاف .. خالي وعمي مايجتمعون إلا على مصيبه لا في بغضهم لبعضهم تمام ولا مع حبهم تمام !
سمعت خالي : بنت !
لحاله صوته العادي يفزعني من وسط نومي .. وشلون لا قصد يصير حاد ؟!
مو قايمه وش عندهم من مصايب هـ المره ؟!
شوي وسمعت صوت الباب الظاهر فيصل .. كملت ..!
سمعت خالي : وش فيها اختك موب عادتها تنوم هـ الحين ؟!
فيصل : مدري عاد قبل شوي كنت معها .. ومدري خرجت فتره لما جلسست معكم .. مدري !
عمي : وقلت لها ؟!
فيصل : أيهـ .. بس ماردت بـ أيه ولا .. لا !
شديت على اللحاف وش بهم ؟! مدري هم يقصدون نايف ؟! مستحيل أوافق وتركي ؟! ومشكله لو ارفض يعني بعد أربع سنوات يرجع لي وأرجع أرفضه ..
نارين يانايف .. أقل لسعه من واحده منهم .. تحرق كل الدنيآ !!
شوي وماحسيت إلا باللحاف طاير مني .. فزيت من الرعشه وانا مره خايفه وباين من عيوني اللي تراقب خالي .. وفكي اللي يرتجف .. وحتى من الحروف اللي ضاعت !
أول شخص طاحت عيوني عليه كان عمي .. طآيب انا يانايف آسسفهـ بخليك انت ترفضني لان مشكله لو رفضت ..
أنا ما أستاهلك بالذات لاصار عندي اخو مثل فيصل .. وأنا مجنونهـ .. وعلى ربي الأجر !!

إبتسمت له : وش فيك أنت ؟ ماتعرف تسحب اللحاف بشويش ؟! ياخي ترقّى شوي ..
ورجعت إنسدحت رغم البركان اللي داخلي كان خامد ورجع ناشط .. عمي : طآيب .. قومي بكلمك ..
غمضت عيوني بتعب : تعبانه مره وأحس جآيتني مرضه .. رح وشف ولدك يمكنه محتاج شي .. " برطمت " تركي مره تعبانه رح لمه وشف كانه يبي شي ..!
شفته كأنه متأثر .. ناظر خالي وتمتم : قلت لك نجيها وقت ثاني ..
انا ثابته عند كلمتي مستحيل أوافق ولا أطلع أي رده فعل أيه ولا لا .. خالي : بنت !
أرتجفت ورحت على طول ورى عمي بسرعه : تركي شفه .. وشلون يانايف تدخل هنا ؟!
خالي صارت عيونه تررعب من الشرار اللي يتطاير منها .. وصرخ فيني : بنت أصصحي ..
مديت له لساني : موب صاحيه وألحين اطلع كيفي .. " ناظرت عمي " تركي قل له يطلع ما أحبه لا يجي هنا !
عمي : فيصل شف ذا المصيبهـ ..!
إبتعدت عنه وأنا اناظره وهمست : تركي انا مصيبه " خنقتني العبره تلقائيا " وش سويت لك .. أول مره تقولها لي .. تركي ضايقتك ؟!
عمي إبتسم وباين عليه مره يبي يبكي عمي حسساس مره ومايقدر يشوف كذا ..
سحبني فيصل إلى الحمام ودخلني : فيصصل تبي تموتني ؟! فيصل وين ماخذني انت ؟!
دخل معي ووقفني عند الشور وعمي وخالي عند الباب ..
أول شي صب الدش على فمي .. برودة الجو مع برودة المويا .. مع برودة المشاعر ..!
أبي انزّل راسي بس ماسكه مضبوط أبي اكح .. أبي نفس .. سمعته : من اللي عند الباب ؟!
قلت وانا أكح : نايف و...
قاطعني بحركته انه زاد المويا : من اللي عند الباب ..
يحسبني مجنونه وبصحى كذا !
غمضت عيوني كفايه دخل بها كثير : نايف و...
كنت أبي امثل عليه اني مره تعبت لما قالها للمره الثالثه : ساره من اللي عند الباب ؟!
بسس كنت بمثل مادريت أني من جد بـ طييح مسكني بسرعه وبدى يجرني لبرا بين الصحوة والحلم ..
أول شي صابني هوا بارد من نفحات التكييف ماحسيت إلا بنفسي لميت على فيصل رغم ان ملابسي مبلوله أدور الامان بحضن سبق وتركني بـ وقت ما أحتجت له .. وأرجع له لأنه أخوي !
ثيابي مره بارده وأحسس أني بموت هـ اللحظه ..تمر علي أشيء كثيره ..
أيامي بالخبر .. والمقلط .. والدمام .. أيام القهر .. أيام الإنتظار .. صدمتي .. زواجي .. ولادتي .. ظهور نايف من جديد .. وزعل تركي .. إيطاليآ .. وفآة تركي .. وألحين .. خطوبهـ نآيف !!
جلس فيني وأسند راسي على رجل عمي وجاء لي باللحاف وحطه علي ولفني فيه بس وش يفيد مع التكييف ؟! شهقت ثمن كحيت لين شفت بعيوني كيف سيلان الدم من فمي هو من جد اللي أشوفه ولا أنا فعلن مجنونه ؟
جات لخالي الفهامه وراح قفل التكييف ..؛
عمي بعتب : قلي ياجاسسم يستاهل مشوار للدمام منك كل هـ المجهود ؟! شف البنت كيف ؟!
فتح خالي عيونه بسخريه : لا ! يالرقيق .. أمسك دموعك لين نآصل بس ولا أقولك جنبك فيصل كلينيكس ؟!
عمي : ماني بوقتك ولا قسسمن ...
سمعت فيصل يتمتم لي وأنا اكح : ساره انتي مره قويه قومي .. قومي أخوك يحبك !
ودي أقوم من عنده ما أبيه .. ما أبيه ما أحبه ..
بغض النظر عن حياتي .. حياة نايف وحياة تركي !!
حضنه بارد !
سمعت صرخه خالي : حدودك إلا أم فيصل ..
طبقت جفني وريّحت راسي على فيصل .. وش بها هـ المره أم فيصل بعد ؟!
عمي : والله ماجبتها من عندي .. بسس كلام الصدق دايم كذا معك ..
سمعت خالي : نهال على راسك من فوق مو انت اللي تلوثها ولا الحقير أخوك .. ولا عشره مثلكم ..
وش بهـ ابو فيصصل بعد ؟! ووش بها مرتهـ ..؟
شد علي فيصل وهو يهمس : قومي ساره لا تموتين أبيك .. محد يحسس لي غيرك ..,؛
ركزت مع خالي وعمي رغم إني موب قادره .. بس 24 سنه وانا انتظر متى يتكلمون وأسمع لو شي بسيط عن أثنين مدري هم من .. بسس اللي اعرفه انهم امي وأبوي !
عمي : تاج على الواطيين امثالكم ..
سمعت شي يطيح : محد واطي غير أخوك .. ونهال بغرفتها مالها فيهـ ..؛
عمي باندفاع مره : وش وش دخلها فيه ؟ من اللي راحت لمه ؟ من اللي تستعرض له كل ماتشوفه ؟! لا لا باين من بنتها .. باين أخلاق !
هـه ! حتى بنتهآ .. ووش سوت امي أصصلن ؟!
خالي : ساره غير ونهال غير ...
قاطعه عمي : نفسس التربيه .. شف بنت أختك وشف أمها .. غير ان ساره يومها تزوجت تركي رضت ونهال حاطه براسها .. سواء ياجاسم ..,
سكت خالي فتره ثم قال : تغلط على نهال أرضاها لانها مو تربيتي انا .. بس إلا ساره خل حد ياطى لها طرف وربي وجلاة قدرهـ يفقدون وجهه بنفس اليوم !
كنت بقوم وأقوله .. خآلي أنت من جدك ؟!
أول مره خالي يتكلم عني .. طول عمره معتبرني بزر !
بسس وش اللي يصر عليه خالي ؟!
كمل : مغير أخوك راضي تسبه ليوم الدين ماهمني .. وولد اختك أسمح لك !
كنت بصييح .. أنا وامي .. وتركي وأبوي ؟!
عمي : والله انهم يسوونك ويسون كل أهلك .. تعيب محمد أنت يحصل لك نصه ؟! شرف لأختك ترفعه انها تزوجته بس .. وتركي ماغلط والله يبيها وياخذها بالحلال ..
خالي : أنتم اللي تربيتكم على رحمة ربي .. وش جاب اخوك لغرفة اختي ؟! ولا تركي يستاهل ياخذ ساره ؟!
وش به خالي ؟! أرضى ياخالي تسبني بسس إلا تركي !
يكفي والله مابي أعرف دام أن الكتاب واضح من عنوانه كذا .. أمي .. وأبوي ؟!
لييهـ طيب ؟!
خالي يتمهزي : حلو والله مصطلح إغتصاب رجل على يد أمرأهـ ..
فجعتني كلمته كييف ؟! .. سمعت عمي : كان بيكون برضا أختك ..,
خالي بنرفزة من هـ الطاري : وكنت متوقع انه يكون ؟! كنت متوقع ان نهال ماعندها أهل ؟! ماعندها أخو ؟!
كنت بصييح مرهـ ليه يمه ؟! ليهـ ؟!
عمي : فهم نفسك .. تبي ترجّع نهال غصصب ؟! بنتها بنفس الغرفه ؟! تحب تستعيد ماضي القرف لامها ؟!
شد علي فيصل وهو يتمتم : حبيبتي قومي والله مايصير إلا اللي تبين !
خالي هدى : أثبت لك .. أن لو كنت انا ولي امر نهال موب أبوي نايف والله ماخليتها ..
عمي : بالله ! وذا التربيه الناجحه يعني ؟! حرق .. كرف .. ذل .. حتى البكى ممنوع ؟!
خالي : أمنعها .. من انها تقرب جنب شي أسسمه حب .. أشغلها .. أبعدها .. أعزلها ياعساها ماقربت لم أحد المهم .. سآره تكون بخير !
خنقتني العبرهـ .. خالي من جدك أنت ؟! بس هذآ قصصدك ؟! والله لو قلت لي ما أقرب !
عمي : إلا قصصدك تخفيها وتعزلها .. بس عشان ما أشوفها وأقول تشبه لامها ..
صرخه فيصل صار قلبي منها يطرق : الله ياخذك أنت معه بس أوجعتم راسي ..
عمي يكمل : ولو أن تخسى أم فيصل قدام سآرهـ ..!
ولا أي نفس مني .. ومتجمع الدم عندي عند موطن واحد ..
وسط حلقي بدال الدموع والشهقات !
فيصل بهدوء يتمتم : وش تشبه لها ؟! وش ياعمي تشبه لها ؟! وش ياعمي انت شفت أمي وشفت اختي أسألك بالله كانك شفت براءه على وجه أمي قل لي .. شفت الطفل كيف مرره بريئ كل شي منه عفوي حتى الغلط منه حلو وبسم الله على اختي من الغلط .. أسألك بالله كانك شفت ياعمي حتى بـ خالده ولا انوار ولا أخواتهن من يومهن مراهقات كانك شفت واحده منهن بعز مراهقتها ماسكه كتاب صحه ولا خيول قل لي !
سكت عمي .. وسكتت معه انفاسي ..!
فيصل : أنتم إييش ؟! يهنالك ياخالي تروح مسافر شهرين وأنت متخيل منظرها بالمخزن وتدري انها متكورة على نفسها وبس ؟ يهنالك تشوف على جسمها حرق يميزها عن باقي البنات ؟ وأي بنات ؟! وأي بنات ؟! اللي مثلها محد يشوفه هذا ان فيهـ حد مثلها .. تكسسر قلبي لا سألت خالي عنده صورة لأمي ؟! بس صورة ؟! تشكي لها لاضاقت بها الدنيا حتى مني .. حتى مني لاقسيت موب بـ أيدي بس اخاف .. اخاف تغلط بـ البراءه مع أي مخلوق يرتجف عند براءتها !
ونّت الأرواح يافيصل كانك ماقد جربتها .. تعال وإسسمعها عندي ..؛
فيصل : ودي أقولها ياسآرهـ لفي على نفسك بالمرايا وتشوفين نهال .. بس أخاف اظلمها وين أمي ووينهاآ ؟!
هذي مو دموع فيصل اللي تسيل على وجهي .. هذي قطرات مويا .. فيصل مايبكي .. فيصل مايبكي !
كمل بنبرة مليانه عبرات : ضحكت لي يوم إنحرقت وإبتسمت .. ليه الحرق أبفهم بس ؟ ليه هي بالذات ؟ ليه مو أنا ؟ كلنا صعدنا موب بس هي .. أيه نعم هي اللي قالت بس كلنا وافقنا .. تحرمها الطفوله ياخالي لما تلعب ؟! بالذات لاصارت مع نايف .. أو مع تركي .. أو حتى مع مجود !
كح يعدل صوته : ووش اللي يخلي تركي مقلقنا أبيهآ أبيهآ ؟! هو فيه بنت زي اختي ؟ ولا وش اللي يخلي نايف فوق كل اللي صاير .. أيه أرمله وعندها طفل أيه وحزينه .. أيه وتكرهه .. وش يبي .. وش يبي ؟!
خالي بحده : يبيها لأنها له .. من يومها له وتركي ماله وجود أصلن وأكبر دليل أنه توفى رآح .. عشان تبقى لنايف .. زي كلمة أمها وكلمة أمه من اول ماجاها الطلق .. إن جات بنت ترها عندك ياليلى وعند ولدك ورجلك .. عندك ولا ظني ببقى لهآ وما آمن إلا عندك !
ليلى ؟!
منهي ليلى أصصلن ؟ مرت خالي ؟! إسسمها ليلى ؟!
أم نايف إسمها ليلى ؟! وكانت مع أمي يوم تولدني ؟! وأنا امانتها ؟! وأنا أصصلن لـ نايف ؟!
من الأسسآس هو لي وانا لهـ ..؟!
وكل اللي صآر خربشات ؟! وش الخربشات حبي لنايف ولا حبي لتركي ؟!
ولا حيآتي مرسومه على خربشات من الأساس ؟! أبسسط شي يمسحها ...؟!
خالي : ولجل كذا ما أعطيتك لها يوم جيت تاخذ لبوك فيصل .. خذ فيصل كانه يشبه لاخوك بس خل عندي سآره وكان فيصل مكتوب عندكم لنجوى مهما صار مع مروى .. ساره مكتوبه هنا مع نايف لو عندها بدال ماجد من تركي ألف .. تسمعني وش يعني ألف ؟!
عمي بحده مره : إلا ساره لتركي ..
خالي صرخ فيه : أصححى ! وش لتركي بن اختك مات ومابقى لها إلا نايف ..
ودي أمسح دموع فيصل بس .. فيصل : هه ! من القهر على أختي .. ههه وش اللي يخلي نايف يصر عليهآ ؟ وش اللي يخلي تركي يبيها لو تصفعه بدال الكف ألف ؟!
خالي بحسره : يبيها .. ويحبها ..
عمي : ماظني بعد زواجه معها ماعرفت وانت ساكنن معهم .. ولا أزيد على كلمة خالك إلا مايبي غيرها !
فيصل : أووهـ أجل تعرفون الإجابه والله .. من متى ؟!
خالي بقهر : من يومها ملكت .. ومن يوم تلميحاته معها يومها بالمتوسط ..,؛
فيصل : ولا قلت تبي تعرف وشهوله يبيها ؟ ههه وش بها ساره زود على سلمى ؟ ولا أنقص من ساره بس سلمى كذا الحلوهـ اللي وش تبي قالت لها امها لبيهـ ..؟ حاول تقوله ينسى روحها أو ينسى وجهها .. أو حتى ينسى ضحكة الألم لاجات من فمها .. قله وش يصير فيك لا شفت ساره بتبكي ولا انت بقادر تجي لمها ؟!
صرخ خالي عليه : فيصل خلاص .. كل ذاه أدري عنه مو لازم تعيده .. وهي لهـ ..!
عمي : أقسسم لك أن روحها من تركي ..
ولا رد مني لاني حسسيت ان عقلي طآر مع الأرواح الإثنين مع أمي وأبوي ..
سوالف جديدة رغم تواريخها القديمه .. 26 سنهـ على كل شي صار ..,؛
ليت 26 سنه كانت تعيد بكرا وخلني أحذف كل شي ما أبيهـ .!
سمعت شهقه : وش مسوين بالبنت ؟!
صوت ليلى خخخ .. أو مرت خالي بمعنى أصح أول مرة بالحياه أعرف إسسمها !
ولا قد خطر على بالي أسأل أصلن يمكن خلاص حلوة مرت خالي .. يمكن تحسسها حآف لو قلت ليلى ..؟!
صوتها مره رايح بكى : وش مسوين ؟ وأنتم ما أشوفكم إلا مسوين مصآيب ؟! حسبي الله عليكم كانكم بتذبحون البنت وتفجعون قلبي ..!
ليييهـ ؟!
وكيف خالي ومرت خالي يدافعون عني ؟!
هم كذا على طول ولا بس عشان يبان قدام عمي ؟
ولا .. عشان نايف ؟
سمعته تتحسب : حسبي الله عليكم ونعم الوكيل ..
سمعتها : يممهـ .. " سكتت فتره ثم قالت " وش ذاه .. سوير هذي ؟!
سمعت شهقة مرت خالي اللي تلتها : ايه ساره وليتها موب هي !
مروى : والله يمه احلفي هذا ساره بنت عمتي .. احسسن يعني خلاص بتموت معادني بشوف شكلها .. يووهـ يا أنها سخيفه بجد .. أحسسن بعد نرتاح شوي مافيها شي حلو أبد من زينها تصير مرت أخوي بعد ..
صرخت خالي : مروى !
وكأنها خافت سمعت الباب يتسكر .. فتره ساكتين ودي أقول لفيصل كفايه لا تبكي ياخوي تقطع قلبي عليك !
شوي ورجع إنفتح وحسيت بمرت خالي : ساره .. ساره يا أمي قومي ..,
شوي وسمعتها : وش فيها ماترد ؟!
وش فيني ما أرد ؟! هو عندي رد عشان أرده ؟!
هو بقى بـ ذا الكون سالفه عشان أقولها ؟! ولا بقت صدمة أنصدم فيهآ ؟!
وتسسألين وش فيني ما أرد ؟!
فيصل : طقها جنون يا أم نايف ..
وكأنها فهمت وشهقت : وش فيك فيصل هذا وانا أرجى بك الخير ترحم بها وتسوي فيها كذا ؟!
فيصل : مدري وش فيها ماترد علي .. من يوم طلعتها وهي كذا ..
مرت خالي : وتاركها كذا تموت بين أيدينك ومنت بمسوي لها شي ؟! قل لي أقلها بس وش يكلفك يافيصل ؟! وش قايلين لها أنتم ؟!
عمي بضييق : هي صحت عشان نقول لها ؟!
مرت خالي بقهر : صوتكم واصل عندي تحت وتقولون وش ماقلتم ؟! والله أن صار بها شي ..
هزتني : ساره .. قومي يكفيك نمتي كثير ..
بدت تضرب وجهي وصوتها كل ماجاله يتهجد : لا تروحين وتفجعينني زي ماراحت نهال وفجعتني .. مالحقت أنسساها إلا وأنتي .. قومي يا أمي .. " سكتت فتره " وش فيها ماترد ؟!
فيصل بحنان : مدري ودي أشيلها بس اخاف تتعب أكثر ..
مرت خالي بعتب : وتتركها كذا تموت .. قم معي بشيلها !!
فتحت عيوني وبديت أرمش بـ حركة سكون و... شفتها ..,؛
زي لما تتخيل شكل حد خايف عليك .. زي لما تقتنع ان شخص مايحبك وهو يتقطع عليك ..
زي لما تعرف كل حقيقه .. ودك تحذف شي وتعرف أشياء قبل يفوت كل شي ..!
ودك تحذف ماضي نهال .. وودك تعرف حبهم لك وأنك أنت لنايف .. والله لو ادري ماهمني شي ..!
بس وش يفيدني كل ذا الندم ؟!
وانا قلتها ماني براجعه لنايف لو كان موتي .. وانا مجنونه وش يبي فيني ..؟!
إبتسمت لي : قومي يا أمي غيري ملابسك يجيك برد .. وكلي لك شي يمكنك تعوضين نفسك نحفتي !
رجعت وغمض عيوني أحذف صورة مرت خالي اللي ماتحبني وأبدلها بـ صورة الأم الثانيه .. أو الاولى لأن أمي أصصلن ماشفتها !
بدت تهزني بشويش .. رجعت وفتحت عيوني حطت يدها على راسي : شف مريضهـ .. قم معي يافيصل ..
ظليت فاتحه عيوني أشوف بس موب واضح شالني فيصل وأنا بلحافي بس وقفت ومشيت إلى سريري مرة أبي انوم ودي انسسى كل اللي سمعته ..
ألحين بس عرفت لامني سألت عن حد منهم ليه مايجاوبونني ..
صح أفضل لي ما اعرف .. ليتني ظليت للابد ما أعرف !!
جات لي على السرير : وش فيك ؟ قومي بتطمن عليك ..؟!
سكتت فتره ثم تمتمت : بنوم بس !
قربت أذنها : إييش ؟!
غمضت عيوني .. أبي أنام ما أبي أفهم شي .. بس انوم ..!!
شالتني بشويش : تعالي بس تحممي بمويا دافيه ثمن تلبّسي شتوي تحررين ..
قمت بانصياع .. هو فيه حد يحصل له حد يخاف عليه ويرفض ؟!
تحممت بسرعه سآره أنسي كل اللي سمعتيه محد بيأثر عليك وانا مُصره على قراري بربّي مجود ولا بتزوج !
خرجت بعد مالبست ملابسي اللي جهزتها لي وانا مبتسمه رغم الالم اللي أحس فيه ..,
ورجعت للحافي .. سمعتها : لا لا .. وقفي .. خوذي ذا اللحاف بس ..
إبتسمت بس وأنا اتلحف فيه .. خالي بحده : بتنومين سوير ؟!
إبتسمت من داخلي .. خالي يحبني !!!!
أول مره احط تعجب بذا الحجم أربع ورا بعضهن ..
الاولى .. لأنه فوق كل الحرق والقساوة .. يحبني ..؛
الثانيه .. كيف يقدر يوزي كل حبه ودفاعه اللي سمعته قبل شوي تحت القسسوه ؟!
الثالثه .. ليهـ مع كل حبه لي يبيني أكون له نهال .. رغم انه يفرّق بيني وبينها !
و.. الرآبعهـ .. آهـ تطلع من جوف القلب كيف يحبني ويسب أغلا أنسسان على قلبي ؟!
رفعت راسي بتعب : إذا تبيني أقوم والله ما أنوم ..
ناظرته مرت خالي وهز راسهـ .. وجالي على السرير أول مره احس بالحنان بقرب خالي !!
قال : بقولك شي ثمن بطلع ..
هزيت راسي وكنت بعتدل بس وقفتني يده : كلها كلمتين أنسدحي .. لو أبيك تقومين قلت لك قومي بس أهجدي لا ترتجين ..
هزيت راسي بـ أيه .. كيف يغير نبرته بين دقايق ؟! قبل شوي كانت عادي حلوة وأحلني مره ترعب !!
هزيت راسي : أسسمعك !
خالي : تذكرين وش قالك فيصل قبل تنومين ؟!
هزيت راسي بـ لا ..
هه ! بس أبي أضيع وقت ما أبي أرفضه ثمن وش بيقول عني ؟!
هز راسه : ولدي نايف تعرفيه تراه يبيك يصونك .. جلستك معها بـ بيت وأنت أرملهـ وعارفه أن مافيه شي يثبت لو قال حد عليك شي ..
طاح وجهي وش فيه خالي ماخذ راحته بالكلام مرره !
خالي : أيه وأنا أقولك أنتي ماعدتي بكر .. وهو يسترك من كلام أي حد ..,
كنت بفتح فمي بقول بس كلمة " خله يفكر ! " بس قاطعني : ما أطلبك جواب إلا بعد فتره ..

وقام ولا كانه قال شي وطلعوا .. واحد واحد .. وتركوني .. بلحالي !!
هم من جدهم نايف يبيني وانا كذا ؟ هو الحكي ذاه كله موب كذب ؟ يعني امي وأبوي و..؟!
زفرت سوير خلاص يكفيك .. أعتدلت بجلستي .. ولا من جده خالي يبيني أفكر ؟!
أنا عندي قناعه ومستحيل تتغير وانا قلتها لامني قلت شي مستحيل أغيره ولا في شي زي كل الناس يكسرني أنا انكسسرت مرتين ويكفيني ..
مافيني حيل على الثالثه وأصصلن ماظني بتجي .. أدري ان نايف مو ذنبه بس بظلمه معي لو تزوجته .. وشي صعب فوق انه ولا قد ملك ولا قد تزوج انا أرمله وعندي ولد ..
وغيره أنا تزوجت وحبيت بعده وهو لا يزال .. ظنكم برتاح معه وحتى لو انا إرتحت هو يرتاح ؟! مستحيل أظلم ولد خالي معي ..!!
قمت بهدوء ورحت لبداية السلم الى أسسفل شفتها تكلمه ..
مروى : والله ليه منت بمصدقني والله شفتها تبي تموت خلاص .. مالك غير سلمى ..
شفت عمتي شددت على مجود اللي كان يناظر بهدوء وكأنه مندمج ولا يدري هم أصصلن من يقصدون .!!
نايف : احكي للصبح ماني بسامعك ..
مروى بقهر : كيفك .. ولو أني احسس أول مره ساره تسوي خير فينا وتفكنا ..
كان يصعد للسلم بس وكان الكلمة وقفته حطيت يدي على فمي شفته سحب أقرب زهريه ورماها على الأرض قريبه مره منها شفت مجود إرتعش وبرطم وكأنه متضايق ..
نايف : كلمة بعد والله مايحصللك طيب ..
شفت فيصل داخل على المقلط الظاهر عند عمي وخالي ..
وبالمره مرت خالي جلست مع عمتي ولا كانه شي صاير ولا كأني قبل شوي سمعت حكي وحكي !!
صعدت بسرعه لأن نايف بدا يصعد ودخلت الغرفه بديت أشسور شعري ودي انزل لمجود بس ما أقدر .. خلصت شسوار غيرت ملابسي الظاهر اني ناويه أنزل ..
وربي أشتقت لولدي حبيبي لبست لبس عادي تنورة بيضاء طويله وبلوزة زيتي تحجبت بالأبيض وبديت أرتب نفسي وطلعت .. ناظرت الساعه موب كأنه متأخر شوي ؟! ييلا ماعلي .. ناظرت غرفة نايف وحسيت اني ببكي ..
هو نايف كان من جد يحتقرني ؟! من جد كان يدق على تركي بس يبي يخرب علي ؟!
مشيت بخطوات متردده طرقت الباب ومحد رد خفت ضايقته بس خلاص انا أبي أبدي من جديد وأفهم كل شي ومابقى غير ليهـ نايف كان مع تركي ؟! رجعت وطرقته بس ولا رد ..
فتحت الباب بشويش شفت الغرفه ظلام الظاهر موب فيه تضايقت كثير كم يبي لي عشان أعرف كنت بطلع لولا أني أنتبتهت لتواجده على السرير والظاهر انه نايم ..
مشيت بهدوء وفتحت نور بسيط ورحت للسرير رفعت الغطا بشويش ولا كانه حد معه أبد ..

مدري وشلون أصحيه .. همست : نايف !
ولا كانه حد معه مره رايح بالنوم .. وكانه شريط يمر علي في يوم من الأيام دخلت وكنت نفس الشي موب عارفه وشلون أصحيه بس كان خجل لاني أحبه .. واليوم خجل لأني جايه له واليوم خاطبني وغيره نظراته ونظراتي ..!!
هزيته : نايف كيف تنوم .. قم مابقى غيرك يفهمني وش صاير ؟!
فتح عيونه وباين انه مره نايم شوي وفتحها على آخرها وهو يناظرني ..
عقد حاجبينه : سآره ؟!
هزيت راسي بـ الإيجاب .. وكملت بتعب : قم يانايف مابقى غيرك يفهمني ويبرر لي كل شي !
رفع حاجب وش فيه الأخ ؟! .. شوي وقال : وش أفهمك ؟!
كنت مستحيه مره بس مسويه نفسي الإيش خخ : قم وانا أعلمك ..,
كان نعسسآن رحمته : خلاص موب لازم كمل نومك ..
قام بهدوء للحمام تكرمون وقال بدون مايناظرني : خلاص قمت مايجيني نوم .. إنتظريني تحت وبجي ..
صراحه أفتشلت بسس بالله ماتحسون انه غصب خاطبني ؟!
والله جد يفتح عيونه والنفسيه والاخلاق وش فيه ؟! عموما مالي دخل تلقفت لين قال كفايه .. بس ودي ادخل راس نايف وأفهم وش يبي ياصل له ؟!
شوي وإنفتح الباب .. كان فيصل وعلى طول إتجه لباب الحمام تكرمون وبدا يطرقه ..
فيصل : نويف إنزل ألعب معي مرره ملل ياخي وش ذا الحياة الملل ..!
إبتسسمت بس .. وش يحس فيه فيصل وهو يرجع زي ماكان .. وش يحس فيه نايف ؟!
شوي وسمعت فيصل يضحك : طآيب أنجز علينا ..
لف وفتح عيونه على آخرها .. على طول قلت : كنت جايه بسأل نايف سؤال وقلت أنتظره وهو بالحمام !
هز راسه : مصدقك ..
شوي وقمت بطلع .. قال : أنتظريه شوي وطالع .. موب ساكن جوه هو ..
بلعت ريقي : كنت بقوله انتظره أسسفل بس خلاص لا طلع قل له ..؟!
فيصل : بالله سوير وشهو سؤالك ؟!
إبتسمت نص إبتسامه : أبد عآدي ..
طلعت .. فيصصل ؟!
ما انكر ان يومني سمعت أنه كذب ومره كل اللي صار عشان كذبه منه ماكان عندي نيّه أسامحه ..
بس وربي يومني سمعت كلامه وكيف كان يتكلم عني أنا ولهجته وتأثره مره بغيت أبكي ..
كنت بقوم له واقول له فيصل خلاص لا تبكي مسموح ..!!
نزلت تحت سلمت على عمتي وأخذت مجود : يا انك مرره وحشتني ..
برطم : ليه أجل ماجيتي لنا ؟!
رفعت حاجب : يآسسلام وتبيني انا اللي أجي لك ؟! ليه موب انا امك انت تجيني ..
مجود : بس موب كل مره انا اللي أجي لك تعالي لي انتي ..
قلت : لا يشيخ ! انت بس قل قسسمن وانا بصدقك .. وأنت وين حسبالك تروح يعني ناوي تسكن فيذاك ؟! وأنا ؟! لا ومصدق نفسسه موب كل مره أجي لك ..
إبتسم لي لميته على طول : مرره وحشتني لعاد تروح عني .. يوم كامل ماشفتك ..
كانت عمتي تناظرني مبتسمه .. قلت : وش بك يمه ؟!
إبتسمت وبس : مدري يمه وش فيني !
قلت على طول : كانه على مجود خله معي .. والله ماقصدت أزعجـ...
قاطعتني : والله لو ربي يفكك من ذا الحكي تكونين حلوة ..
قلت بإنزعاج : أجل وش فيك ؟! موب معقوله كذا من هنا لين الحزن بدون شي ؟!
إبتسمت كامل لي .. شوي وجات مرت خالي على طول قمت ولا تحس اني سمعت منها شي أبد وقمت بصعد ..
شفت فيصل ينزل ونايف وراه يقفل الكبك لثوبه .. وطيت راسي ومشيت ..
نايف : هاهـ سآرهـ يقول فيصل تبين شي ؟!
رفعت راسي وهزيت راسي : أبي أسألك .. " ناظرت فيصل " مدري !
فيصل : ياكرهك سوير لاصار عندك شي تخبينه علي ؟!
إبتسمت نص إبتسسامه ومشيت مع نايف لين المقلط الخارجي .. سمعت فيصل : لا تطولين !
كنت ساكته مره اول ماراح فيصل وينه لساني .. خخ مدري وش فيني ؟!
سمعت همهمه صغيره منه .. رفعت عيني له : نايف بالله أبي أسألك ومابي غير اللي كان في خاطرك وقته !
هز راسه بـ أيه .. قلت : ليه كنت تروح لتركي ؟! لييهـ ..؟! ووش اللي كنتم تفهمونه من نظرات كل واحد للثاني ؟!
رفع حاجب : وتسألينه بصفتك أييش ؟!
ليه يعاملني بذا الطريقه ؟! هو أنا وش قلت له .. قلت : بصفتي زوجة تركي ..
إبتسم بهدوء : ووو.. ؟!
قلت : بسس ذاه سؤالي .. أرجوك تجاوبني ..؛
نايف : ماطلبتي .. بس بعد أسألك كانك ترضين ؟!
كنت خايفه يسألني ليه تزوجتي خايفه مره ماأحب يكون فيه شي حاجز لو بسيط بين نايف وفيصل أو أي إثنين بسببي !!
هزيت راسي بـ أيه .. قال : هو تركي ماقالك ولا مره أي شي كذا ؟!
قلت : ماقد تكلم لأني أصصلن مابديت وقلت له شي .. تركي موب كل شي يعرفه يقوله .. بسس أنت يمكن فيه أمل تجاوبني ..!
إبتسم : أهآ ..!
سكت تفتره وانا أناظره يعني يلا جاوبني .. قال : بقولك كانك عادي تسمعين ..
هزيت راسي بـ أيه وانا مستعده تقوله لي كامل .. قال : اللي بقوله لا هو غريب عليك ولا شي تستنكرينه أنتي تعرفينه بس بعطيك من اللي كنت انا أشوفه .. يمكن أنتي شفتي شي بسس من نظري غير !!
هزيت بـ أيه .. بدى وهو مبتسم : في كل مره أقول بتجي لك يانايف ساره وتسألك عن كذا وتجين .. صح تذكرين ؟!
هزيت راسي وانا ساكته بـ أيه ..,
وشلون ما أذكر وأنا بنفسي اللي رايحه لك أسألك وين يروح فيصل ؟!
قالي : قلت له ياتركي ترى سآره بنت عمتي موب غبيه يمشي كل شي عليها بس كان يعرفك اكثر مني .. تركي متقدم علي بـ أشياء كثيره ..!
سكتت وانا أبيه يبدي ثم قلت : أبدي من أول شي لآخر شي خلني أسستوعب ..
هز راسه .. سكت فتره ثمن قال : تركي أصغر مني بسنتين وما أعرفه إلا إنه الإنسان اللي صادفته وأنا بمتوسط وعرفته ومادققت اصصلن باللقب لانه ماقد مر علي .. وعرفته .. كان أحلى شي ممكن تتوقعين تشوفينه تسمين عليه باسم الله بالطلعه والنزله كامل والكامل ربي .. اللي لما اتكلم معه زي لما اتكلم مع نفسي .. علاقتنا حلوة مغير يومه جاء اول مره بالثانوي ياخذ فيصل .. ياهي قويه ياساره وانا أشوف أبوي كيف معه وأشوف خاله كيف معي ..
سكتت اناظره أبيه يكمل .. هو من جده نايف ؟!
إبتسسم : باقي مشوار ماعليك .. كيف يكون تركي أقرب من لي .. إنسان يكرهه أبوي وليه ؟ عشانه من اهل أبوك ؟! ماتمشي عندي وقلت له أنا معك لو مو بس أبوي .. صعب تتركين شي أنتي تبينه .. قالي طيب بس مالنا بسوالف أبوك وخالي مشيها يانايف .. " ناظرني وهو مبتسم " مشيتها !
سكت كأنه يتذكر : أحلى شي لما انتظر متى يارب يجي الجمعه لان بعض الاحيان ماودي أروح للدمام وما أرجع إلا الفجر تحسسين صعبه .. بعكس لما يكون بالخبر أتعمد شوي أعطل فيصل لأني احس بالراحه لما يكون معي بالخبر .. ولأن أبوي من يومني بزر محلفني لو يصير اللي يصير ماتقول ان عندك بنت عمه فـ انا مطنش السالفه ..
سكت وهو يناظرني بابتسامه .. قلت : أيه قل وش بك سكتت ؟!
ساكت ويناظرني وهو مبتسم .. وش بيقول نايف ؟!
قلت بتعب : وش تبي تقوله يانايف .. لا تناظرني كذا أسمعك ..؟
بانت على وجهه إبتسامه حلوة : قلت له ياتركي انا احب .. وأول مره اعترف لحد فيه وتورطت لما سألني عنها .. وشون أقوله أن هي بنت عمتي وأبوي محلفني .. ووشلون أقوله وانتي بنت خاله .. ووشلون اكذب عليه وانا ما احب ذا الحركه ؟!
طاح وجهي ألحين ساعه يناظرني عشان يقول كذا ؟!
كمل : قلت انك سلمى أختصر على نفسي أمور كثير أنتي أسمك بس سلمى والباقي كلك سآره .. كان يضحك كثير علي .. شي حلو لما يقولي شف ذا الحرف أعجبني وذكرتك .. شف ذا وش شفت قلت إلا تشوفه معي .. ومشت السالفه سنين وانتي سلمى .. على أقل شي تسوينه .. ياتركي تراها سوت كذا يقولي تراك بزر " وكأنه ماسك العبره " مايدري انه أكثر مني !!
وكانه يقلب المواجع علي ..,؛
هز راسه : ماعلينا .. قلت له تجيني بنص نومي تقولي عندك شي محاضرات تراني بروح معك ويقول لي لاتعطيها وجه مرره وإحترم نفسك كثير وأفهم انك منت برجلها .. " رفع عينه لي " لما أقولك أن تركي متقدم علي بـ أشياء كثيره !
هزيت راسي يعني كمل .. ماودي يوقف أبد خله يقول متواصل ..
نايف : جيتيني انتي وقلتي تبين تعرفين .. وش أسوي قولي لي أقول لتركي ترا عندك بنت خال وانا اللي أبيها ووو .. لا صعبه ولا أجي لك وأقولك ترا إسسمه تركي ويطلع بن عمتك وتراه كذا وكذا ؟! وش رايك بس وش أسوي ؟!
حسيته بإحراجه هذيك اللحظه يالله صدق أني ملقوفهـ ..!
نايف : ماعليك أيام مضت لا تذكرينها إلا بالحلو .. قلت لك ما أنكر اني كنت بموت وماتدخلين بس دامك تبين أنا من يدك اليمنى لليسرى وكأني أساعدك تحبينه واساعده يحبك .. يقولي يانايف بنت عندكم طويله ومتلثمه وصوتها حلو بس لو تعتدل أخلاقها .. " زفر " ذا البنت يانايف دخلت لي اليوم مدري شف لي من ؟ وبالليل تقولين لي انتي ياكرهه !!
سكتت يآآإهـ !
أيآم مرت بسرعه وكأنها برق .. ليتهآ ترجع !
ناظرته : لاتقطع يانايف أرجوك ..!
نص إبتسامه تجبره أنه يكمل : أسبوع .. وإسبوعين .. لين قالي أبيها .. أبيك تعرفلي من إلا أبيها .. كنت أضحك معه ودي أقوله ياتركي ذا البنت اللي قلت لي لا تعطيها وجه ذا البنت اللي قلت وجهها مغسول ذا البنت اللي قلت لي تراها واحده تافهه .. وش رايك بكل اللي قلته قبل ألحين تغيره وتقول أبيها ؟!
حسيت بدمعتي علقت رمشت بسرعه مابيها تنزل ..
لين كمل : وانا ممشي الأمور بهدوء أسمع منك واسمع منه وقدام الأثنين انا مدري عن السالفه .. لين جالي يقولي بقولك بس والله ولا تزعل تراها تقول انها اختك ! ماكنت أبي أقوله أختي وكذا وكذا .. بس يمكن لانه تركي اللي سألني أسمح له يعرف أوصافك .. قلت له موب اختي تراها .. أنت تقول اوصافها كذا وانا أقولك أوصافها كذا .. ولانه تركي ولان مروى تكشف يشوفها ويعرف .. يرجاني يانايف شفها لي جنيت أبي اعرف وانا ساكت اتقطع بس لين قد وقالك وانتي قلتي له أنك ساره .. وش يحس فيه نايف وانتي جايه له هو لانه نايف تقولين تراني خايفه .. ووش يحس فيه نايف لما يقوله تركي تراها بنت عمتك .. بدون مايعاتبني ولا أي شي ..!
بلعت الغصه وانا اناظره .. شوي وقال : لما اقولك ان تركي متقدم علي بـ أشياء كثيره !
سكتت اناظره اتعبتني يانايف ليه توقف ؟!
أتعبتني !!
نايف : ونقلتي عندهم كنت عارف انه آخر يوم أشوفك فيه ومع ذلك طلعت ولا كأني مهتم وش يعني بنت عمتي تنقل للدمام وش فيها عادي .. تروح مايهمني .. " نص إبتسامه " وصرتي عنده وانا بالخُبر وأنتم الإثنين بالدمام .. لما يقولي سوت كذا وكذا .. ودي انطق له وأقوله وش رايك منهو البزر فينا ؟! يقولي تقهر بس أحبها .. ولأنه تركي كنت آكل تبن وأسكت .. يقولي بغيره تخيل راجعه البيت ومعها أحمر وشي وكذا .. هو غيران ويشكي لي وأنا غيران بس أشكي لمن ؟!
ناظر السقف وكأنه مايبي يتأثر بذكرى تركي .. صعب يانايف ننسى تركي !
كمل بعبره : قالي تراها تبي تدق لك تبي منك شي .. أنتبه تغلط يانايف وأقوله طيب وكأني ما أبي أي شي يأثر فيني آخذ مشعل بن عمتي ولا كانك اليوم تدقين ولا كأنك أنتي ساره .. ويرد مشعل .. وش تبيني أقولك ياساره وش تبيني أقولك ؟! أقولك مرره مرره وحشتيني ؟ " نص إبتسسامه " ويقولي سامحني تراني قلت شي لها بس أبي اعاند .. وشهو ياتركي .. يقول يومك قلت لها وحشني هبالك عصبت عليها أقول كانه صوت واحد يحبها .. لاشفتها العن فيني شوي أمسح فيني الأرض عادي ماتفرق .. هه ! هو يدري أني أبيك انتي ؟!
مسكت دمعتي وأنا اقفل عيوني .. أذكر هـ الأحداث بالضبط بالتمام ولا بها نقص ..!
وكيف أنسى ؟!
وكيف أنسسى أصلن وشي كان من الماضي ..؟
ولايزال ينحكى لي ! بس .. بصورة مادريت عنها !!
نايف : تدرين وش أحس فيه لما تقولينها ؟ ودي أقولك ساره أنا اللي أحبك تهورت وقلتها حسيت نفسي أوطى إنسسان بالحياة .. رغم أني انا اللي عرفتك قبله وانا اللي حبيتك قبله بس مهما يكون هو تركي .. لما أصرّ علي خاله يقولي إلا تجي يقولي هـ المره عندنا ياسلام !
ناظر بالسقف بابتسامه : يعرف نظرتي ويعرفني منهو أنا ويعرف كيف اعيش وشلون مايفهم نظرتي لك " ناظرني " تسألين وش كان يقولي بالإشاره ..؟
ناظرته .. سنين على ذا اليوم .. اكلت بنفسي يومني شفتهم بس وش يقول ..
هزيت راسي بـ إيه .. قال : كان يقولي تبيها ؟! وأهز راسي بـ لا .. ما أرخصك لا والله بس إذا انتي لي لو يصعد للسما وينزل للأرض لي .. ولو أنت له لو أصعد للسما وأنزل للأرض له .. ما أرخصك ولا أنتي بشي كلن يقطه على الثاني بس من الغلا ياساره .. وغلاك وغلا تركي شي وغلا كل الناس شي ثاني ..
وطيت عيوني وهو يكمل : يتأفف لي ياخي والله انها قرف وتقهر تنام كثير وماتطلع إلا باليوم مره مرتز بالصاله ماتنزل شف لها صرفه .. أقوله نظامها على الساعه أربع الفجر تلقاها تصحى وبعدين ترجع من المدرسه وتذاكر وبعدين .. " باينه العبرة فيه " كل جدولك أحفظه أنا واعطيه له وكانه شي لازم نحفظه ..!
بلعت غصتي وأنا أرمش لاتبكين ساره لاتبكين ..!
شوي وقال نايف : يقولي اليوم شفتها نايمه بالصاله خفت اجيب العيد ورحت .. وأنا نايف لما أشوفك أناظرك .. " ناظرني " لما أقولك تركي متقدم علي بـ أشياء كثيره ..
إبتسسم لي : كان ودي أقسمك نصفين نص لي ونص ثاني لتركي .. تركي يبيك ولو أنتي عرفتيه انتي من نفسك تبينه .. وبنفس الوقت انتي تقولين تبين نايف ونايف يبيك بس مايقدر ياخذك وتركي ؟!
كتمت دمعتي أول مره حد يفتح قلبه كذا !
بالذات لا كنت تعرف القصه كامله وتعرف كل شي بس يقراها حد لك من نظره !!
وبالذات لاصارت الشخصيات .. أنت ورجلك وحبيبك !!
كح يعدل صوته : بزفة أخواته أقوله وراك ياخي ما أعرست معهم .. كان ضايق مره يقولي وين مشوار ذا البنت .. وانا هه ! .. أظني تعرفين .. " ناظرني خنقتني العبره " عان الله قلبي وقلبه !!
مسكت الدمعه ومشّيتها بكمي بسرعه وهزيت بـ أيه ..
كمل : طول شهر كامل وأنا أفكر وشلون أقول لتركي ؟ لو اني قلت له أسمها ساره وبعدين كملت وقلت تراها تقربلي يعني بشويش .. وبنفس الوقت مايهون علي .. ولا تهونين !
ناظرته كل ذا بقلبك يانايف ولا تقوله ؟!
نايف : انقلبت الدنيا فوق تحت .. كل مافي الأمر مرسله لي شي مدري تقصدينني فيه ولا إييش ..؟! حياتي .. وحياة تركي وحياة سلمى وحياة أبوي وأمي وحياة فيصل كلها بس على إشارة منك جربتي مرة تبكين وقدام تركي ؟ يجي يقولي تبكي .. وأربطها بعقلي وش فيها البنت وش واصل لها من حكي ؟ وأسال فيصل بشويش وينقلب ويروح لبوي وأبوي لمي وأمي حالتها معي .. تكسر قلبي بنت خالتي !!
سكتت .. صح تكسر القلب سلمى موب ذنبها لاصحت على الدنيا ويقولون أنتي لنايف !
نايف : رحت لبيت خالتي وسط خوالي تراني واحد تشرفه سلمى لكن مايبيها .. لو جاها حد لاتردونه !
خنقتني العبره .. كل ذاه سويته يانايف وماقلت ؟!
ناظرته .. كمل لي بإبتسامه : وتركي يقولي .. يانايف ساره تبكي تفهم وش يعني ؟ نايف تقولي أفرح عشان أنا أبكي نايف هي ليه كذا ؟ .. تسسألني أنا ياتركي ؟! رح أسألها .. الليله متضايق عشانك واللي بعدها مبسوط وش فيك ؟ يقول أحبها !
سكتت لاني اعرف تماما وش يقصده هو .. أعرف وش يقصد لاني أنا عشتها !!
أعرف انه صعب .. علي وعليك يانايف !
بسس وش أقدر أقوله يانايف غير : أسمعك !
إبتسم لي : تحددت ملكتكم هو .. كان ودي أقوله تركي خلاص وقف لا تكسر قلبي رح قل ذا الحكي لغيري الله يهنيك بس رح .. أقوله لاوقعت ساره دق لي وبجي لك .. وأروح .. عشاني كتمت كثير وأبي أتنفس أبي أفكر فيك لآخر مره قبل ماتصيرين متزوجه .. تملكين عليه وانا اللي أقوله بشهد ؟! تملكين ؟! ويملك تركي ؟! بالله من يبقى لي ؟! يمكن كنت سبقته بسس مدري وش اللي غير رايك ..؟
فتحت فمي كنت ببرر له بدون ما أجي بـ طروى فيصل .. حط إصبعه على فمي : ولا أي شي عادي مضى !!
ناظرته بعبره .. كمل لي : وتركي اخذك .. لما أقولك ان تركي متقدم علي بـ أشياء كثيره !
انكسر قلبي يرددها كثير .. ويكسر قلبي في كل مره ..
وكل كسر يكسر معه كسرين .. واحد لنايف .. وواحد لتركي !!
ظليت فتره ساكته انتظره ولما رفعت عيوني كان مبتسم .. هزيت راسي بـ أيه ..
بس ظل ساكت .. وش فيك يانايف هـ المره ؟!
قل لي .. يمكن أحس ان مصيبتي تهون عند مصيبتك .. قل لي وأعتبرني تركي !
ناظرني بـ إبتسامه حلوه : تذكرين زواجك ؟! ماظني بتنسين شي زي كذا .. تذكرين كل لحظه عندك مع الحريم .. وتركي يردده في اغلب الأحيان .. وانا اردده بس بيني وبين نفسي .. واقف بعيد لايشوفني أبوي ولا فيصل ولا خاله واناظره بس وأرسم له أحلا إبتسامه والغصه ماأقدر ابلعها .. امانه تركي الليله من جد زفتك على ساره ؟! هو تبيني أفرح لك ولا أفرح لها ؟!
غمضت عيوني أذكر كل مشهد فيهـ ..,
أذكر كل لحظ وكل نظره وكل رمشه لتركي لاني أحب ذاك اليوم ..
أحبه لان فيه كنت لتركي قدام كل الناس !
وأحبهـ لأني كنت لاول مره مبسوطه ومقتنعه باللي يصير لي ..
رفع حاجب بإبتسامه : يقولك من الفجر صاحي ويدق لي يقول لي نايم ؟! وين انام ؟ وفكره رايحه وفكره جايه وأنتي الفكره الوحيده اللي ما أقدر أكلم تركي فيها حتى قبل ملكتكم .. أقول له وشخبارك .. يقولي مدري ودي اتكلم مع أحد بس شوي أحسس ماودي اتكلم معك .. وكانه يحس لي أنه يوجعني كذا .. يقولي بقولك بس والله أن تخيلت الشكل .. أسمعه ولاتفكر فيه .. وأقول له طيب واحط قدامي مليون فكره يقولي نايمه جنبي حلوة وناثره شعرها مره طويل وألحين تقلب علي سدحتها على رجلي ولا انتبهت من نومها .. " إبتسم لي " يشهد ربي ياساره حطيت قدامي صور مليون بنت عشان ما أتخيلك وتختلط عندي الصور .. بس والله ماحسيت بنفسي إلا واتخيلك والله ياساره حسيت ودي أسسوي شي أوقف نفسي بس صرخت على تركي خله يوقف !
تنهدت بـ آه صغيره .. هو تركي كذا ؟!
وهو نايف من متى وهو كذا ؟ عشان انا اكون كذا .. وتركي يكون كذا ؟!
هو نايف من جده يتكلم ؟! هو فيصل وينه يسمع كلام نايف ؟!
والله لو يسمعه يبوس رجل نايف إلا يوقف ..!
ناظرني : هو يقصد ولا كذا عفوي زي كل مره ؟! يعني يقولي ترا ساره زوجتي وحلال علي وحرام عليك !
إبتسمت بـ ألم رد لي الإبتسسامه : يقولي بقول لك شي يانايف وربي ماقدرت أكتمه عنك .. وش فيك ياتركي .. سآره حامل .. إلا ياتركي ما أصدق انت أصغر مني وعندك كذا .. وإييش ومبروك ووو .. " إبتسم " مبروك لك ماقلتها لك !
هزيت راسي بـ أيهـ أحسس بصييح خلاص ..
كان يغير نبرته بين فتره والثانيه وكأنه متخيل الموقف قدامه ويوصفه لي ..!
يحسسني أني تركي .. وهو .. نآيف !!
أربع سنوات ودوبك تقولها ؟! ..
ناظرته وهز راسه : يقولي اليوم رايحه تولد خايف يصير لها شي متخيل نايف ساره تولد ؟! أخاف .. مو بس أنت اللي صحيت وخايف .. ومن يومها وانا أقول نايف يكفي هي متزوجه هي تبي تركي هي لو تبيك ماتزوجت .. هي غلطت يومها قالت لك كذا .. نايف كيف تفكر كذا وهي زوجة تركي ؟! مريت له وانا مبتسم وكاني أجرب نفسي وش يصير فيني لما يقولون ألحين بالضبط بتولد ؟! كان بس يناظرني نايف تهقى وش يصير ؟! وش تحس فيه ؟! ووش تتألم مره يعني ؟! مايصير ماتحس ؟! وأنتي تولدين وهو رايح لك وانا .. رايح شوف قطعه صغيره أشوفك فيها وأشوف تركي فيها ..!
خنقتني العبره ودي أقوله أسكت مابيك تكمل لي شي .. بس ودي أعرف كل شي مابقى غير تكمله ذا القصه ويوضح عندي كل شي ومن كل الأطراف ..!!
ناظرته يعني لاتوقف يانايف على طول قله لاتوقف تحسسني بتطلع روحي لا زفرت أنت !!
قلت : كملها يانايف ولا توقف ..؛
إبتسسم وهو يناظرني بهدوء : تمشي بـ بطئ الأيام والله وتركي يقولي وش رايك أسوي لها كذا ولا كذا .. ولا وش أقول .. ولا وش أغيّر .. ودي يصير كذا .. وساره ودها يصير كذا .. قل لي وش اسوي لاصار كذا لمجود ؟!
تنهد وطلعت منه آهـ صغيره : وحكي أنتي نفسك عشتي فيه .. وش ذكرني فيك انا ؟! أنا قلت انك مرت تركي من أربع سنوات وأقول خلاص لاقالك تركي اسكت وقل كذا وعادي ممشيه حياتي .. ليه رحت معه ؟! ليه شفتك ؟! ليه سمعتك ؟! ليه قلتي كذا ؟! وكأني دوبني أستوعب انك متزوج تركي .. " ناظرني " يعني ياساره كنتي ترددين عليه ذا الكلمه كل يوم ؟! غريب ! صدق انكم متزوجين بس ماقد فكرت كذا !
سمعته : أحلا شي لما أشوف أي رقم أقوله سلمى .. أقوله احبها .. وليتني لو أقدر أرجع لها .. ليتني فكرت شوي ألحين كذا ماأقدر أرجع وأقول لسلمى أبيها عشان انسسى ولا أقدر أقولك أنتي ..
كنت بصيييح من نبرته تغيرت مره ..!
وكأني وصلت للي أبيه بالضبط ..,
قلت : أييهـ كل حكيكم سمعته .. بس ليهـ طلعتم ؟ هو انت أصصلن وش تبي تقوله ؟!
إبتسم يقلدني : ليه طلعنا ؟! هو أنتي تخليني بـ حالي ؟! أحسس كل مره اناظر شي أشوفك فيه .. ووش أبي أقوله أعتذر منه على كل شي .. تركي انا آسسف مهما يصير ومهما تسمع عني والله انا نايف وعمري ماقلت لك شي كذب .. وش فيك يانايف أنت تبي ساره ؟!
رفع عينه للسقف وكانه مايبي يبكي لذكر الموقف .. أو لذكر تركي .. ماتفرق ..!
ورجع يناظرني : ليه تقولها ؟! يانايف كانك تبيها والله ولا آخذها وأنت تبيها .. نايف متاكد ان اللي تبيها سلمى ؟ نايف متى تملكون " حسيت به يبلع ريقه بصعوبه " يانايف متى تملكون أبي أشهدلك ملكتك !
إبتسمت له خلاص بـ صييح .. نايف : ولا تفكرين أني لما تركتك له أني مرخصك ولا تفكرين ان لما قال لي لو تبيها يرخصك .. بس الغلا ياساره انا أبي اعطيك له لأنه يستاهلك ولأنه تركي .. وهو يحس لي ويفهمني !!
ناظرته : أيوهـ .. ورجع لي وقالب وجهه " إبتسسمت " ومن صباح ربي كسر زجاج ..!
إبتسم بضحكه حزينه : ههه وهو يقولي هي اللي قالبة وجهها .. " تنهد شوي ثم ناظرني " يومها قلت ببعد تركي عني ما أبي يصير لعلاقتكم أي شي .. عادي من متى وأنا مع حد .. تعودت بلحالي !!
إبتسمت بغصه وهو بادلني نفس الابتسامه .. وكأننا الإثنين نذكر شي حنا مرينا فيه ..
قال : أبتعدت .. وقلت يانايف قل لبوك وامك جو السسعوديه ماينطاق .. والصحيح ان أبي اخليكم ما أبي يصير لكم شي .. أنتم عندكم حب حلو " أبتسسم " وولد حلو وعيله حلوة ..
خنقتني كلمته مره .. وينها العيله يانايف ؟!
كمل : ليه كذا ؟! ليهـ أنتم كذا ؟ هو انا اترك لكم السسعوديه عشان أصدف بكم بغيرها ؟! أول مره بتواجدك بوي يركز علي أدري أن الكل يدري أني أبيك أنتي .. بس كيف أنتي ماتدرين مدري ! والغريب كيف تركي ماسكك كيف كنتي تناظرين لي وكيف تناظرني أمي .. كان ودي أقول لبوي لاتقولها تبيه بس وش أقول ؟! ودي أقول لاتركي لا مابيه لاتذكرني .. ودي !
مسكت دمعتي وقفلت عيوني بسس اتذكر وش صار .. نايف : اذا بتصيحين بوقف ..!
فتحت عيوني وإبتسسمت : كملها يانايف مابقى إلا " خنقتني العبره " إلا أسبوع مع تركي !
إبتسم بتماسك : يدق لي بعدها .. نايف انتبه له تراها مره بتموت " ناظرني " مافيني حيل أشوفها كذا تتعبني .. ومجود ؟! أحبه لأنه ولدك وولد تركي وولدي لانكم الإثنين مني أنا !
ناظرته على طول كمل لي : ومجود .. ومجود .. ماتركته لين ماحفظ إسسمي بس مو نايف .. أبوهـ ! لما قالها أول مره قدام تركي رفع لي حاجبه " ناظرني " وتعرفين تركي لا رفع حاجبه طبعن ..
خنقتني العبره .. همست : أعرفهـ .. أعرفهـ ..!
نايف : يقول لحد يسمعك بس ويشك بالولد بس متعلق فيك والله لو يقولها لحد اجيب فيك العيد أنا أتعب وذا على طول من الفضاوة " ضحك لي " يقوله أسمحلك تقوله أي شي .. قل له ماما بس بابا لا .. ماما محد يشك فيها .. بس بابا صعبهـ شوي !
كنت بصيح من الألم يكسرني نايف ألف مره ..
مره عشان اللي طاف مع تركي .. ومره عشانه مع تركي !!
كمل لي : يوم بترجعون رحت وراح أبوي ما أبيه يشوفني كاني يعني هه ! أو يمكن لانه يعرفني يقولي متزوجه بس يمكن مايفهم ان نيتي لتركي ! كان يقولي لو أنك معجّل ببنت عمتك موب هذا ولدك ؟!
ناظرني : وأكثر شي يعصبه لاقال ولدك خالي .. تتنطط الشياطين قدامه .. هه ! ويقولي لونك متزوج موب ذاه يقولي جدي ؟!
وطيت بصري للأرض ساره بليز لاتبكين .. يكفيك بكيتي كثير ..!
خلي راحتك شوي .. تكفين !
ناظرته .. كمل : لما شافني كانه يتعمد يخليني أرد عليه .. يتعمد يذكرني فيك بس ليهـ ؟ مدري ! ورجعت معه للدمام وانتي رحتي مع ولدك .. وطول الطريق وتركي ضايق .. نايف هـ الحين ماتدري أنت ان ساره تخاف من أبوك ؟! وأقوله تنرفز صراحه .. ويسكت وكانه صار مكاني .. أنتي وهو .. وتركي أنا وأنتي ..
إبتسمت بهدوء وبدت تتلاشى إبتسامتي اعرف النهايه .. وليتها تتغير ..
ياليت !
وليت لو كل شي نبيه يصير على طول ..,
نايف : كنت مع فيصل وتركته ثم جيته قبل يخلص وأقوله ترا الليله ملكتكم .. ويقولي لاتشغلني أدري بس خلني أخلص أنشغل كذا ما أعرف أركز .. كنت أرددها عليه وارددها على نفسي .. لين طلعنا كان طريقي للخبر وطريقه لك .. بس توقف طريقه لك .. " رفع عينه " ولا توقف طريقي لك لانك بالخُبر !!
هنا وبس ..!
هنا وطاحت كل دموعي .. يكفي ياساره ..؟
وش يهدّيني غير تركي وبس وينه ذا التركي خله يهديني ؟!
ناظرت نايف اللي كان قبالي ورجعت ناظرت اللي وراي .. نايف : ولا أقولك أي شي ياساره تهمني راحتك ..
ناظرته وانا امش دموعي : صعبه يانايف صعبه .. فوق اني أ...
قاطعني : وأنا عرف كل شي وكل شي تعرفينه انا اعرفه .. بس مو كل شي اعرفه تعرفينه !
ناظرته : يعني ؟!
نايف : تعرفين اني أحبك ؟!
سكتت فترهـ ثم قلت : إذا قصصدك ليهـ وعدتي ثمن ..
قاطعني : موب ذاه قصدي ..
ناظرته : بس أنا ذاه قصدي .. وأنا أقولك أنا ماأخلفت .. زي لما تركي يحسبني قالبه وجهي عليه وأنا أحسبه قالب وجهه .. أنت تحسبني أخلفت .. وأنا حسبتك أخلفت .. ويشهد ربي يانايف ماكذبت عليك !
إبتسسم لي : والله مصدقك ..!
طاحت دموعي : ودامك تعرفني وتعرف اني مستحيل أسويها ليه راجع ؟! تبي تكسرني يانايف مره جديدة ؟ نايف انا ماصدقت تركي يلملمني .. نايف انت حكيت القصه بلسانك انت هو انت دريت وش كان بقلبي ؟!
سكت يناظرني بس .. قلت : مره تركي قالي أن فيه حد يشاركني بـ قلبه ولما سألته بنت ياتركي مارد علي ويقولي لا .. وأنت يانايف أكيد تعرف نفسك .. لانك تقول أن تركي وأنا منك انت .. وانا أقولك .. أنت وتركي !!
طاحت دمعتي ومشّيتها : إلا هذي يانايف إلا أنك ترجع عشان توفي لي وعدك .. أخاف !
هز كتوفي : إلا نايف ماتخافين منه .. إلا نايف لو كل الناس تقولك أيه نايف تسمعين منه ولا تسمعين من غيره .. مو معقوله ياساره ماتفهمين قد إييش غلاك في قلبي ..
همست له : المشكله أدري وش غلاي .. والمشكله أدري وش غلاك .. وتركي يعرف وش غلاك في قلبي وقلتها له .. لأنك ثاني شخص بليلة وفاة تركي كنت احسه .. نغزات ونغزات .. أما تركي او نايف !
ناظرني : ونايف يبيك أنتي .. مايبي أي شي والله ياساره ما ألومك ولا بشي تسوينه بس يكفي تواجدك في حياتي .. وانا ما أطلب منك شي غير تواجدك ..!
ناظرته بتعب : يهون عليك تركي ياخذ شي وانت تجي تاخذه بعده ؟!
كانه تعب من ذكر تركي كثير : أيه يهون لأني حبيتك قبله .. ويهون لان مستحيل حد يصونك غيري .. ومستحيل مجود يعيش بدون تركي وبدون نايف .. ما أقولك عشان أضعفك انتي تفهمين منهو نايف !
إبتسم لي فتره وظلينا ساكتين .. قالي : ممم تبين شي بقوم ..؟!
هزيت راسي بـ لا : شكرن !
قام وعيوني تلاحقه .. هو كل ذاه بقلبك يانايف وانا ما أحس له ؟!
هو انت كتوم زي ما أنت ليه هـ المره لما سألتك قلت لي ؟! هو عشان تذبحني ؟!
وقفت وراه وانا أهمس : تذكر لما قلت لك .. حضنك وحده اللي دفاني ؟! رغم انه كان بالغلط بس دفاني ؟!
لف لي بإستفهام .. قلت : كان مفترض أقولك أنه كان بارد وتركي الدافي ..
إبتسم نص إبتسامه : لأني لو جربت الدفى ياساره بس الدفى موب الحراره تنصهرين انتي .. موب لانك بسهوله تنصهرين من قوة الحراره !
سكت فتره ثم قال : وتركي ماصار يناظرك إلا لما تزوجك ودفاه ترآ شي طبيعي .. بس أنا .. لا ماكنت زوجك ! " ناظر بعيوني " لما أقولك ان تركي متقدم علي بـ أشيآء .. مفترض انك تصدقيني ..,؛
ناظرته : بوسط حبك يانايف كان تركي شي مدري وشهو .. وبوسط زواجي انت صرت شي مدري وشهو .. ليه ماتثبتون على شي أنتم .. اما أنت او هو ؟!
ظل فتره يناظرني وطيت عيوني .. وانا أهمس له : وقبل لحظه دفاني .. إسستأذن من دفاني .. تشيل الغطى اللي غطاني .. تراه مادفاني .. وتبقى بين أحضاني ..
سكتت فتره وانا أناظر بعيونه اللي ياما توهتني .. ياما !
عيونه عذاب 24 سنهـ ..
مهما قلت أكرهك يانايف فـ اني أذوب عند اول كلمة تتفوهـ بها .. حتى لو كانت إحتقار ..,؛
لإني أفهم أن عيونك شي .. وكلامك شي مختلف !!
تكسرني يانايف بكلامك .. وتأسرني بآبتسامتك .. وللأسف انك تعذبني بنظراتك كثير !
همست له أكرر : تراه مادفاني !
لميته لين حسيت بـ أصابعي تشابكت مع ضلوعه .. أبي أحس بالامان بـ أي طريقه .. أبي احس اني ثابته على شي هو انا لمين لتركي ولا لنايف .. صحيح تركي مات بس كيف .. معقوله آخذ نايف ولا أظل على ذكر تركي ؟! أحس بتشتت وضياع .. ولما احس بذا الإحساس أحتاج لشي .. زي نايف أو تركي ..!
شديت على نايف : أيهـ أحبك يانايف .. بس ما أقدر أظلمك معي .. حتى لو كنت تدري بسس انت اول مرة تتزوج وانا .. عندي ولد .. أيهـ أحبك وعشان الحب ما أقدر أظلمك !
سمعت همسه : وانا قلت لك مايهمني سواء كنتي بكر ولا لا .. ولا يهمني عندك ولد ولا عندك بنت .. المهم أنك بعد ماتزوجتي تركي ترجعين لي موب لغيري ..!
شديت عليه أكثر : ما بكون لك .. ولا بكون لغيرك .. بكون لنفسسي ..!
شد علي : مُصره على أنك تكونين كذآ .. وانتي على رآحتك .. آللهـ يوفقك ...,
مآتدري يانايف قد إييش حسيت أني مآ احسس !!
بس لكلمتك .. أحبك لانك شي مآ يزعل مني وشي أكيد أنه صآدق ..
همس لي : حنا بشر مايفرقنا القدر عشآن يجمعنآ البششر .. لأنناآ بششر يفرقنآ البششر عشآن يجمعنآإ القدر .. ثقي تماما أني بظل انتظر متى يجمعنآ القدر !
هزيت راسي .. حسيته بيبعد شديت عليه ..
خلك معي يانايف .. خلني أحس أني بحضنك أقدر أبكي !
ودي أبكي لين مآ يخرج كل هم بداخلي ..,؛
  #72  
قديم 10-19-2016, 02:27 PM
 
((3))
" غُصنٌ من آلعبرآإت يسسد جوفي .. حين تتلاشى أضلاآعي بين أحضآنك ! "

سمعت : أيووهـ كذآ تمآإم ..
رفعت عيني لفيصل وهو رافع حاجبه .. سكتت عنه وطنشته همست بإذن نايف : لاتنتظرهـ عندي ثقه انه مآبيجي ذآك آليوم .!
أبتعدت بهدوء وناظرت فيصل اللي قال : أنت يبيك أبوك .. وأنتي تبيك خالتي ..
طلعت بهدوء .. كملت عشآن الباقين يكملونها أكثر .. بس ماني بمتزوجه لان عندي قناعه لايمكن أغيرهآ رغم ان نايف كسرني كثير .. وبكيت عشآنه كثير .. وعانيت منه كثير .. بس أظل ساره أم ماجد وأرملهـ تركي !!
سلمت على خالتي اللي كانت جالسه جنب عمتي .. أحس نفسي مره صغيره أصغر شي .. يعني هنا عمي وعمتي وخالي وخالتي ومرت خالي وفيصل ونايف وأنا .. رغم تواجد مجود بحضن عمتي وأنا جلست جنب عمتي وكأني أقولها يرضيك ياخذني حد بعد ولدك ؟!
فيصل رافع لي حاجبه : لا صراحه بعد اللي شفته بقول مبروك مليون ..
رفعت عيني له : وفر على نفسك العنا ياخوي ولا تقوله .. مايصير شي !!
زفر بقهر : أنتي وش تبين بالضبط ؟!
ناظرته وهزيت بـ النفي : ماتقدر تجيب اللي أبي لا تتعب عمرك تسمعه ..
كانه مُصرّ : وش تبين ؟!
إبتسمت : أبي اللي ماقدر حد يجيبه .. خالي ومرت خالي .. وخالتي وعمي وعمتي .. وأنت يافيصل .. وحتى تركي غصب عنه ماقدر يجيبه ..
ناظرني فيصل : ونايف ؟!
نص إبتسامه : جآبهـ ...
قاطعني : خلاص أجل مايهم وشهو دامه جابه !
ناظرته : بس أنا ماكملت .. أيه نايف جابه بس مدري هو بيتم على طول ولا لا ..!
عمي : وشهو ياساره ؟!
ناظرته : حد يوفي .. لا وعدني يجيب وعده .. تركي صحيح وعدني أنه معاد يتركني ويبقى معي بس رآح !
فيصل بقهر : لا بتتزوجين أعطيتك وجه ترا زيادهـ ..,
أحبهـ آقسسى حنون ..!
القسسوهـ من اهل امي وآلحنآإن من أهل أبوـوي ..,؛
هزيت بـ النفي .. فيصل : غصب عنك !
نايف : ماتمشي عندي الغصب .. لاصار الشي مايبيك ..
ياهـ نايف انت ليه كذا ؟! وتقول أن تركي متقدم عليك بـ أشياء كثيره ؟!
وانا احسس أن الإثنين متسآويين ..
وكان نآيف بنظره بسس تفكرني بكل شي مضى رجعني زي ما انا !
قد إييش يارب انا أنانيه ليه انا كذا ما أقدر أقدّر الناس ؟!
قلت : طآيب وأنا رآضيهـ ..
نايف : ماله داعي ..
رفعت عيني له ورفعت حاجب : موب كيفك أنا يمشي عندي الغصب !
ظل فتره يناظرني ناظرت فيصل وقمت متجهه له بعد ماشلت مجود من عند عمتي بصعده معي ..
لما مريت على فيصل همست له : المرهـ الأولى تدخلت بحياتي وطيرتني للدمام وجبت العيد .. والمره الثانيه كذبت وإنقلبت موب بس حياتي حياة كثير معي .. وهذي المرة الثالثه ولا أزال أحترمك .. بس صدقني يافيصل المره الرابعه آسسفهـ ما اقدر أحترمك ..!
سكت عني أما أنا صعدت وبين إيديني طفلي .. سمعت عمتي : متى ياساره تبين تملكين ؟!
بلعت الغصه من فم عمتي غير ! .. قلت : اللي يناسب نايف .. أو يناسب فيصل ..
صعدت إلى غرفتي وبديت أناظرها غرفة امي ..
أبتسمت قفلت الأنورا وفتحت الأباجوره وسدحته معي بتعب يوم كامل ..
بديت أمسسح على شعره .. مجود !
تدري يامجود أن أمك بتتزوج ؟! تدري انها بكذا بتنسى تركي ..
أدعي ان نايف يكون زي ماتمنيت ويبقى معي وآفي لي .. مجود حتى قبل ما تجي أنت ..
هو وعدني واليوم نفذ وعده وانا وعدت واليوم وفيت رغم إني ماكنت ناويه ..
بس صدقني يامجود الحياة مع نايف صعبه جدن لدرجه غريبه ما أقدر أوصفها لك .. اللي وفى طول هـ السنين يعني ثابت على حبهـ وبلسآنه يا يمهـ قالهآ لي ..
وهنآ المشكلهـ أني مستحيل أقدر انسسى أبوك .. واخاف أظلمه المشكله كل مآ قلت له شي قآلي رآضي !
مدري يآيمهـ هو انآ بتزوج وبرتآح هـ المرهـ ..؟
ولا بتطلق ؟! وبصير إنسسآنهـ فآشلهـ في آلحب ..؟!
يمهـ انآ حبيت نآيف بـ ذآ الغرفهـ من يومي .. وحبيت أبوك بآلدمآإم ..
ظنك يمهـ لآ تزوجت .. منهو اللي بحبهـ ..؟
الاكيد إني أحبك ياآمجود !

*

دخلت البيت بسرعه على السرير تعبانه مرره واما مرت خالي كانت مبسوطه فيني .. تحب تكون مع زوجة ولدها ..
هه ! أقول سوير موب كأنك خربطتي شوي ؟! هو انا لحد الآن ما ملكت والملكه بتكون بنفس ليلة الزفة شي حلو والله .. أريح لي وله يقولون الخطوبه يعني تجي على تعارف .. نايف لي فوق الشهرين ماشفته يكون أفضل عشان ما أتعقد زياده خخ ..
وعموما الليله بنوم تمام وبكرا المغرب بذا الوقت يعني أكون اتجهز عشان يزفونني .. ريّحت شوي ثم قمت تحممت وصليت ثم لفيت حجابي ونزلت شفت مرت خالي بالمطبخ إبتسمت لها .. قلت : بالله مرت خالي وش وظيفتي دامك كذا ؟!
ناظرتني : وظيفتك تجلسين عشآن ترتاحين وعشآن نايف ..
قلت بتعب : مرهـ ترآ أبي أسسوي شي مآعندي شي أسويه لين مآ يجي وقت نومي ..
ناظرتني بـ إبتسامه : أنتي بس تروحين هـ الحين تنومين وأصحيك على الأذان تصلين وترجعين تنومين ما يجيك نوم لا أذن العشا .. بس لاصار متواصل أفضل ..
إبتسمت بس وجلست : أحسس ملل أنوم أنوم أنوم ومجود ينوم ينوم ينوم ...
كملت مرت خالي : وخالك ينوم ينوم ينوم .. وخالتك تنوم تنوم تنوم .. ونايف ممم طالع طالع طالع
إبتسمت على شكل مرت خالي تقلدني .. أحبهآ !

علاقتي معها مره حلوة بس في أوقات رجاءً لحد يصير جنبها .. طبعن لاصاروا اهلها فيه تقول انها ماتبيني يعني عشان ماتصير مشاكل هي فهمتني ذا الموضوع وعادي وقالتلي انها مبسوطه لما قال نايف بس بنفس الوقت ماتبي تصير سالفه مع أهلها .. المهم أنها قدامي كذا .. وش يريحني غيرهـ ..؟!
اما خالي قصصه ثانيه .. أثبت فعلن أنه مختلف .. يعني أول مره بالحياة يجي لي خالي تبين شي ولا ناقصك شي .. فاجاني مره جالي الغرفه وقالي كل ذاه موب لانك بتتزوجين نايف .. وقالي لانك ساره !
أدري انه يحبني وللأسف مادريت إلا بذآك آلييوم .. وعموما ..
دخلت غرفتي وتوضيت وصليت ركعتين قريت سورة العنكبوت مدري ليه كذا قلت بقراها ..
ثم إنسدحت مع مجود حبيبي يامجود سكتت فتره ثم قمت .. رتبت له ملابس لـ شهر ..
حبيبي ! والله أدري انك بتحتاجني كثير بس ضروري يمه يحس نايف انه متزوج موب كله أنت .. إبتسمت له .. بتبقى شهر مع محمد والله ان صرت مثله .. أخاف والله ..!
بعد أذان العشا صليت ثم نمت ..,
عجزت أفهم الحيآهـ .. لأن الحيآهـ أصصلن مآتبي احد يفهمهآإ ..!
يمكن تحب آلمفآجأت .. بسس للأسف انآ مآ احبهآ إذآ كآنت سيئهـ لدرجه قوـويهـ ..!
صحيت على صلاة الصبح كانت مرت خالي مصحيتني قمت وصليت ورجعت بنوم وفعلن حطيت المنبه على أذان الظهر أبي أنوم كثير أبي أنسسى أني بتزوج الليلهـ ..؛
وصحيت ولله الحمد زي مابغيت رحت بسرعه صليت ثمن أخذت مجود أحممه ثمن تحممت لبست الروب وطلعت كان جالس عند المرايا ويتمشط بهدوء ..
أبتسمت له ورحت .. قلت : وش فيك ؟!
ناظرني وهو ساكت ورجع يناظر المرايا ثم هز كتوفه : ولا شي ..
أبتسمت له : أكييد ؟!
هز راسهـ بـ أيه وهو مبتسم جمعت أغراضنا أغراضه هو وأغراضي اللي احتاجهن لليلهـ ..
وقفت عنده وحنيت ظهري له .. قلت : تدري حبيبي الماما وين بتروح اليوم ؟!
هز راسه بـ لا .. قلت : بتروح عند نايف .. تذكر من نايف اللي شفته بايطاليا .. وبقيت عندهم واللي كان معك طوال الأيام اللي كنا فيها بـ أيطاليا ..؟!
هز راسه بـ أيهـ .. قلت : انا بروح عنده وببقى عنده أن شاء الله ..
سكت فتره وثم قال : ومجود ؟!
إبتسمت له : ومجود يجي معي طبعن ونجلس مع نايف ونحبه وما نضايقهـ .. طآيب ماما ؟!
هز راسه بـ أيه .. ثم قال : ومتى نروح لنهال والبابا ؟!
إبتسمت له : حبيبي هـ الحين نايف تقوله بابا .. وتركي اللي هو البابا مع نهال البنت الحلوه بيجي يوم حبيبي ونروح عندهم ..
ناظرني بنفاذ صبر : متى طآيب ؟!
تنهدت : حبيبي أنا ما أدري ولا أنت ولا نايف ولا فيصل ولا عماتك .. بس ربي اللي يدري .. أهم شي هـ الحين إذا صليت تقول يارب ترحم البابا وماتضيّق عليه وتسكنه بالجنه ومعه نهال وأبوي أنا .. ربي يبعد عنك ذا اليوم حبيبي ويخليه لي أنا قبلك ..
ناظرني وهو ساكت .. قلت : وحنا بنروح مع مين ؟!
مجود : مع نايف ..
بسته ولميته بشتاق لك ياتركي .. بشتاقلك يامجود .. وبشتاقلك يآ سآره زوجة تركي ..!
قمت بهدوء لما شفت مرت خالي جات لي إبتسمت لها بإحراج ورحت بسرعه لبست ..
طبعا ملكت بالبيت ثمن بروح للقصر .. مرنا فيصل معه نجوى ورحنا للقصر وصعدنا للجناح وبديت أنا .. كل بين فتره والثانيه أناظر مجود وأبتسم له ..
جاء لي : ليه تسوين كذا ؟!
إبتسمت له : معجبك لذا الدرجه يعني ؟!
هز راسه بـ لا : مو حلو ..
فتحت عيني : طآيب شفني لامني قضيت وقل لي حلوة او لا ..
ظل فتره يناظرني .. قلت له : تبي شي أنت ؟!
هز راسه بـ أيه .. قلت له : وش تبي بس ؟!
نآظرني : أبي خآلي فيصصل ..
صعقتني كلمته : نعـم إييش تبي ؟!
كأنه خاف .. حبيبي .. قلت : ماسمعتك حبيبي وش تبي ؟!
سكت فتره ثم قال : أبي خالي فيصل ..
تحيرت معه : وشلون يعني ؟! يجي لك وياخذك ؟!
هز راسه بـ لا : أبي عمتي نجوى تجي معه ومحمد يجي معهم ..
ناظرته بابتسامه : ياسلام وأنت تبي تتعلم أصول الشراسهـ منه ؟!
إبتسم بتعب : مليت مررهـ ..
لفيت شعره على إصبعي بدلال : ياكثر ماتقول ذا الكلمه يامجود .. قل مره مره وناسه .. نافق على الأقل ..
شفته ضحك وهو يأشر على الجآنب الأيسر من شعره : تكفين يمه أبي تسوين كذا هنا ..
ضحكت عليه : طآيب وذاه اللي ياخذ الملل ماطلبت شي ..
بديت ألف من كل جهه متناسيهـ وجود العالم من حولي وأبدي أضحك معه بضحكات عفويه تخرج كذا ..
" إيه بالله صآدقه يزفهآ ولدهآ ! "
رفعت عيني كانوآ سلمى ومروى أكتفيت بـ الإبتسامه ..,
رغم ان الكلمه مرهـ جرحتني مو حساسيه بس يمكن لأني تحملت من هـ الثنتين بالذات كل شي .. عشان مرت خالي مستعده أسسوي اللي تبيه أنا أرضي اللي يحبني بـ أي شكل لو شي أنا أكرهه ..!

شفت خالتي جايه لي : لا إله إلا الله عليك سوير تهبلين ..
جاتني ريم ومعها ملاك وولدها .. قلت بضحكه : أهليين أم طلال .. وشلونك وشلون العيال عساهم بخير ؟!
قهقهت بصوت عالي : مايناسب أبد أحس ضيا يمكن يلوق لها شوي رزينه .. بس أنا طلل !
إبتسمت لها .. ضيا وهي جايه بفستانها الأخضر وتلف : وش رايكن فيني بالله خالتي ام سامي مادعت لولدها بليلة القدر ؟!
أشرت لها : هذي الرزينه ؟!
أبتسمت وبس .. شوي وكملنا كولنا كنت مبسوطه بس لان الكل من حولي مبسوط ..
اليوم بس عرفت ليه بزفتي على تركي كانوا أهلي بالخُبر مقهورين عشانهم مايتمنون لي تركي ويفضلون عليه نايف .. اليوم بسس ..!
سما : بالله سوير وين بوه فستانس ؟!
ضربتها فلوة : أسمها وينه فيه فستانك .. ولا تميلين كلامك يابنت ..
قلت وانا مبتسمه : شوفي مممم مدري أسألي خالتي مشاعل ..
سحبتها ومشت معها .. جلست جنبي ريم : متوترهـ كذا ؟!
إبتسمت لهآ .. حلا هو ياريم كل مره أتوتر ؟! حلا هو بكل مره ؟!
قلت : ماني برايحه عند حد بروح عند ولد خالي .. صحيح شوي خايفه بسس ممم مدري وش أقولك ..
شفت مرت خالي تناظرني بابتسامه .. هي من جدها راضيه ولدها ياخذني ..؟
ليهـ أحس أني ناقصه يعني نايف أول مرة يتزوج هو حتى لو مطلق ما اتوقع حلوة ..
بس يمكن على قولها مع أمي .. إبتسمت بسخريه ليتني ماعرفت !
وعموما قمت أول ماخلصت مرت أحس كلي متنومه أخذتني خالتي مشاعل ..
إستغرب بالبدايه بس بعدين وقفتني عند فستان أبيض ناعم مره ..
خالتي : لأني مشاعل أقدر أقولها لك وأدري أنك ماتتحسسين .. ساره يا أمي أنتي قد ولبستي الأبيض بس نايف أكيد يبي يشوفك فيه أي أنسان يحب يشوفه حتى لو هو أصر عليك ماتلبسينه .. أكيد محترم أنك ماتبين ..
هزيت راسي بـ أيه ..!
مسكت الفستان ولبسته كان مره حلو وناعم حتى أطرافه موب مرره يعني لاصق فيني مرره بس تحت فيه كم شي حلو والتاج والألماس .. أحس كثير علي يانايف !
لبسته وناظرت نفسي بالمرايا وشهقت .. غمضت عيوني أقارن بين الصورتين كلهم ساره بالأبيض بس الفرق أني هـ المره لنايف والمره اللي طافت لتركي ..
لما أقول أنه لازم يتساوون مع بعض ..,؛
وقفت عند المرايا فتره شوي وجاتني ضيا ونجلا وريم وفلوة ومشاعل ..
شهقت فلوة .. وضربتها مشاعل : أقول لاتحسدينها بسس ..
ضيا : ياسلام سوير بالله ألحين أنا زوجة بن خالة رجلك ؟!
دفتها ريم : من النسب يعني الطوييل مرره .. حدك حبيبتي أنا اول واحده عرفتها يحق لي أجلس معها أكثر ..
مشاعل متخصره : لا حبيبتي نايف موصيني ممنوع الإقتراب أو اللمس حتى النظر " رقّصت حاجبها " للحاسدات مدري الناس اللي يشاهقون ..
فلوة : ألحين انا بحسدها ؟! حرام عليك والله أحبها .. قل أعوذ برب الفلق تفووووهـ ..
فتحت عيونها مشاعل : أقوول أنتي فاضيه أول تحسدين ثم تشهقين ثم تبصقين ؟! يختي بسس ..
فلوة صغّرت عيونها : والله أني حلوة ومتزوجه وعادي عايشه أقول أبتعدي ياخالتيي شوي ..
جات لي ومسحت الروج صرخت فيها خالتي : فلييو أتقي شري بس الليله ما أبي اكدر مزاجي .. بالله هـ الحين وش أحط لها .. والمزينه وراحت ؟!
نجلا بهبل : عندي حل حلو مرره .. تشيلين الروج من فمها إلى فم سوير ..
مشاعل بقهر : مالت وش نشيل فيه ؟!
شوي وجات فلوة وهي بيدها الروج وحطت لي .. ناظرت خالتي مشاعل بنص عين : بالله هـ الحين احلا ولا اللي قبل ..
ناظرتني خالتي وهي شاقه الحلق ومبسوطه : أيه عاد الله يهديك قولي لي تراني بسوي كذا .. مخليتني أعصصب .. الله يهديك بسس ..
شوي وجات ليلى خخخ أقصد مرت خالي والله مبسوطه عرفت الإسسم ..
خالتي مشاعل : بالله ياأم نايف .. لما أقولك يجي تمام على ساره ماتقولين لا ويمكن ونقيس ..
إبتسمت لي مرت خالي وباين على وجهها الرضا .. لفيت لنفسي وإنحرجت لما شفت روجي الأحمر بلمعته الفضيه وطيت راسي .. شوي ونزلن البنات وبقيت أنا بلحالي ..
خالي يبي يزف ولده حاله حال أي إنسسان .. بس مدري أحس موب حلوة كل يومين انزف خخخ .. بعض الأحيان احس اني أضحك من القهر والله مو حرام أني انزف مرتين ؟!
نايف يقول اللي تقوله ساره وذا شي مره يحرجني .. بالذات لما قالها آآهـ يانايف !
طبعن مستحيل أمنعه من شي في حياته يمكن مره .. او يمكن أنا أموت ولا يطلقني مع وجهي انا اطري الطلاق وأنا بنزف لأسسفل ..
هه ! ناظرت وجهي بالمرايا وأنا مبتسمه ..!
تركي اللية زفتي وزفة خويك وأقرب الناس نايف ..
الليلة ياتركي بصير لغيرك .. ولا أدري بيستمر زواجي أو لا ..؟
صحيح .. تراني أرسلت لك بطاقه مع أختك يمكن لأني أتمنى انك حضر ..
تعال وشوف سارتك وشلون صارت سارة نايف ..
تركي أنا أحبك بس بعد احب نايفي .. وأحب مجود لانه ولدي بس مدري ياتركي هو جد بيصير لمجود اخوان من الام ولا بيبقى وآحد ؟! تركي تغار من كيس أحمر وماتغار اليوم زفتي ؟!
وحشتني !
ويشهد الله انك وحشتني وصرت أتلفت من لمكان أدور على طيفك !
تركي .. وكأنه أمس زفتنآ .. واليوم زفتي على نايف .. ليهـ حنا الثلاثه من بعضنا ؟!
إبتسمت يمكن خيرهـ تواجدي مع نايف .. إبتسمت أكثر .. سمعت : ياسلام !
رفعت عيني شفتها وإبتسمت كانت نجوى خنقتني العبره اول ماشفتها وهي ماسكه مجود .. وطيت راسي له ..
وقلت : هاه وش رايك حلوة ؟!
إبتسم لي وهز بـ الإيجاب : زي اللي بالتلفزيون ..
إبتسمت : بالله مجود قل الصدق من أحلا أنا ولا هن ؟!
أشر علي شلته بحب ..
تركي هذي قطعه منك أنا أشيلها اليوم وشالها أمسس نايف واللي قبله أنت ..!
تنهدت سمعتها : طالعه قمر ..
إبتسمت بعبرهـ لهآ تركتني مع ولدي وراحت ..
مجود تفهم وش يعني اني أتزوج ؟!
ناظرته : مجود تعرف نهال البنت الحلوة ؟!
هز راسه بـ أيه .. قلت له بغصه : يمكن هـ المره تجي .. يمكن موب أكيد !
ناظرني : والبابا طآيب ؟!
مسحت عليه بغصه : البابا معاده راجع .. نايف تسميه البابا لأنه يحبك ..
هز راسه بـ أيه .. جات لي مروى وأمها أبتسمت لي .. قمت وقفت من طولي ..
مروى : متعوده يمه ماله داعي كل يوم حد يوقفها .. وينزل معها ..
إبتسمت لها .. مرت خالي كانها تصرفها : إنزلي تأكد من أبوك وأخوك وولد عمتك ..
هزت راسها بـ أيه .. مرت خالي بصوت عالي عشان تسمعها : وجيبي لي معك واحده من البنات ليت لو ضيا مرت ولد خالتك ..
أبتسمت لها وبس .. قالت لي : ماعليك يمه أهم شي تملين عين رجلك ولا يهمك كلامها وإحسبي نفسك ماسمعتيه أبد .. ولا كأنها أصصلن تكلمت ..
لميتها بقوة لاول مره ..!
ألمها لاني محتاجتها بجد .. لأن الكل تركني .. وأنا ما أتحمل اكثر ..,؛
همست لها : مرره أحبك مرت خالي ..
إبتعدت عني وهي مبتسمه : وأنا أحبك طآيب .. ونآيف يحبك .. وخآلك يحبك ..
قلت بسؤآل : هو لييهـ ؟!
إبتسمت : لأنك ساره بنت نهال .. ولانك ساره مرت نايف .. ولانك ساره !
ترددت ثم قلت : ليه بنت نهال ؟!
ناظرتني فتره ثم قالت بعبره : لأنها أغلا أنسسانه عندي .. ولانك تشبهين لها كثير تذكرينني بشكلها مره بس الفرق شي بسيط ..
ناظرتها .. قالت بضحكه : أمك دلوعه مرره وبيني وبينك مرت خالك كانت كذا بس يومني كبرت قلت راحت علي .. اما أنتي هاديه مايبان عليك أنتي دلوعه ولا شي .. وفيه بعض الناس يقولون أنك مره بووي ..
فتحت عيني بقوة : مالت عليه ما أحبه ..
ضحكت : أشش لاتسمعك مروى تحسينها بتخنقه من كثر الغيرهـ .. " وبألم " تخاف يلتفت لغيرها ومابعد حملت وخالتك صابره ياعمري رغم أنها مازوجته مبكر إلا تبي تشوف أحفادها ..
إبتسمت ودعيت لها بسري .. يارب ان ترزقها ..!
سمعت جوالها شوي وجات ضيا واخذت مجود اللي ظل يناظرني فتره .. مو بيدي يامجود امك صارت لغيرك بس الاكيد يامجود ان مافيه ولا شي يخليني انسى تواجدك ..
لانك أساسي بحياتي ..!
إبتسمت له بـ حيرهـ .. وناظرت مرت خالي اللي ناظرتني وهي تتكلم وفتره كذا ووقفت وهي مبتسمه ..
وهي تتمتم : الحمدلله اللي خلاني أشوف ولدي وهو ينزف لعروسته ..
إبتسمت بعبرهـ هذآ أصعب شي بآلحياهـ .. وانا متى أشوف ولدي ينزف لعروسته ؟!
وهو انا بدوم له ؟! يارب طول بعمري واشوف مجود على أقلها بالثانوي وأحسه رجال جد ..
إنزفيت لتحت الوحيده اللي كانت تناظرني بقهر هـ المرهـ كانت سلمى .. تكسر قلبي سلمى صح هو موب بايدها ولا من كيفها تقول أبي كذا بس جد ..
أنا لما إنقال لي ان نايف ملك عليها بغيت أجن .. هه ! اللي يسمعني يقول إني ماجنيت خخ ..,؛
وعموما جلست أخيرن وأنا راسمه إبتسامه على وجهي وبديت زي ماكنت بزفتي على تركي .. اناظر اللي حولي وأشوف كل وحده .. لاني ما أحس فيه شي جد يستاهل أني أسويه إلا كذا .. على الاقل لو واحده قالت حضرت أقدر أقولها إيوهـ شوفتك كنتي كذا ولا كذا رغم اني اشك ان فيه حد يسألني أو مثلن أذكر انه كانت لابسه كذا ولا مسويه شعرها كذا ..!

ناظرتها بـ ألم صحيح انها رزه بالمظهر وأفتخر انها هي .. لكن أحسس أنها تكرهني ومو معطيتني بال إلا أنه زفة اخوها .. كانت فعلن روعه .. الله يهنيك يامشعل مشاعل ..!
وشفتها تناظرني بإبتسامه عريضه وتحس الدنيا مو شايلتها عكس هذيك المرهـ .. أبتسمت وبس .. يارب أن ترزقها بنت يارب ليهـ كل مره تضيع لها البنت ؟!
طبعن نعرف من اللي تبي بنات .. خالتي مشاعل .. او زي ماتحب نسميها .. مشاعل حاف !
وشفتها مع بنتها تسلم علي من بعيد وجالسه جنب نفس الناس هذيك المره بس الفرق هـ المره كانت مبتسمه بشويش .. أبلهـ نهى !
وهنا قدامي تحرك خصرها يمين والثانيه تحركه يسار .. كانت فلوة وكانت هبه .!
كأن ودها تقوم ترقص بس الحمل يمنعها .. هذي سمآ زوجة القصيمي ..,؛
لفيت لهآ وهي جالسه وتناظرني وكأنها ترصد حركاتي وإبتسمت .. هي زوجة أخوي .. وأنا .. أم ولد اخوها !
كانوا جنبها الإثنين على الطاوله ومعهم ريم ومعهم نجلا .. نجلا زوجة أخو ريم وإلى الآن مدري وش إسمه خخ .. وعموما .. ترا جيهان كانت مبسوطه جدن بالحياه هنا .. وعايشه تتقفز خخ ..
وضيا تنتمي إلى عائلة أم سامي وماتقدر تقوم .. عارفه الظروف ومقدره .. يكفي تواجدها ..!
كانت تشوف كل واحده حامل وتتحسر على حالها وانا بس مبتسمه لها .. هو فيه غيرها اللي من كثر ماتحن صار عمي يحن عليها .. يانورهـ متى يجي حفيدي ..؟!
شفتها جايه على نفس المره اللي طافت صعدت وسلمت علي ..
همست لها بضحكه : نجلا تسأل تقول وينها زوجة أخوي ..؟!
زفرت : اوف مع نجلا .. مررهـ يآلله ما أبي اخوها كيفي ..
رفعت حاجب : أقول ترا زوجة اخوك هنا وأختك هنا مسج واحد او غمزة تطيرين ..
ضحكت لي بدلع وراحت جلست جنب نوره مم يمكن من عمرها تقريبا .. ومعهم بنت .. أحبها .. رغم انها جايه بنت لناس تقريبا ما أحتك فيهم .. سهآمـ .!
شفتها مبتسمه وهي تناظر مرت خالي وخانقتها العبرهـ ..
وتناظرني وهي كاتمه دمعتها عشاني أنا .. ومبتسمه ادري أنها موب من قلبها بس إسسمها مبتسمه ..
تناظر مرت خالي وكأنها تقول أنا كنت بيوم هنا كيف تاخذين مكاني ..؟!
وكأنها تردد .. كيف .. كيف يالليلى تاخذين مكان سلمى ؟!
وكيف .. كيف نايف ياخذ مكان تركي ؟!
وكيف .. كيف .. مروى تاخذين مكان بناتي ..؟!
و.. كييف .. كيف خآلك ياساره ياخذ مكان أخوي عمر ؟!
وكانها تبلع الغصه وهي تقول .. كيف .. كيف كل شي مايتغير إلا أشكال الوجوه ؟!
كتمت العبرهـ وهزيت رآسي بـ أيهـ يعني أفهمك يايمه !
هزت راسهآ بـ لا وكانها تقول ماتفهمينني .. وإبتسمت يعني انا مبسوطهـ عشانك ..!
حسيت نفسي بـ بكي .. أمس تشوفني مع ولدها واليوم مع غيرهـ !!
على هناك كانوا مع بعض .. هي .. لابسه فستانها الأسود وتتمايل فيه بكل رقه واناقه ..
هي حلوة وتستاهل كل خير .. وإن شاء الله ربي يعوضها ..
نايف مو رجلهآ .. نايف صار رجلي انا ..!
والله وبالله ماهي غيرهـ على نايف .. قد ما أرحمها لا تتعلق فيه .. ودي اكسبها بس انا متأكده من الرفض ..,؛
ظليت أناظره فتره وهو بس يناظرني وكان محد بالقصر غيري .. وكانه يقولي يمممه !
يناظرني بعيونهـ آلخضرآ بتعجب هي أمي ليه لابسه كذا ؟! هي أمي وين بتروح ؟!
وألف سؤال وسؤال .. أدري أنه يتجول بعقله .. يمه أنت منت أحسن مني ولا أحسسن من أبوك .. يمه أبوك أبوه متوفي .. وأنت أبوك متوفي .. بس الفرق بيني وبينك .. إني بدون أم وبدون أب .. وانت يمه ربي يطول بعمري وأشوفك شي ماقد صار .. أحبك لأنك شي عاش معي الفرحه والحزن والألم ..

نفس ماصار بزفة تركي الكل تحجب او تلثم او تبرقع او تغطى المهم عرفت ان نايف جاي ..
جهزت تنفسي أعرف ضعفي قدام نايف نفس ضعفي قدام تركي ..!
أبتسمت وأنا أشوفهـ .. وإذا قبل قلت ان تركي زي الحور .. فـ أن نايف زي الهوآ لمآ يمر .. كلن يحتآجهـ ..!
زي آلشي آللي يمشي بـ بطئ وعيونه عليك .. شي ما أعرف إلا له مسمى وآحد .. نآيف !

الله ! علىآ من صوّر رسم ذيك ـآلعيوـون
.. ... .. ... .. ... منهو بآلخلق مآتمنى لو بس يشبه لهآإ ..؟!
من ـأول مآإنظرت وأناإ تحكمني الظنوـون
.. ... .. ... .. ... هو لجل عينك زحّفت ـآلحور عن محلهآإ ..؟

سكتت أناظره أحسس أني بموت بس لمجرد فكره أن نايف اللي كان جاي .. يعني نايف يشوفني كذا ؟!
إرتعشت بخوف .. مو من نايف .. من هيبتهـ ..
هو لي ؟! زي ماقلت لتركي هو لي ؟!
يارب كانك أخذت مني تركي هذيك المره يارب أنك تخلي لي نآيف ..!
يارب تحميه من كل عين .. وطيت عيوني بشويش وكأني بس أبي أناظر بنايف ..,؛
اللي كان فعلن يناظرني أنا !
أيه بالله أنه شي ما أقدر أوصفهـ .. أول مره أشوف نايف كذا ..
هو معقول عشان الزفه ولا شي ثاني ..؟
مايخفى علي أنه متضايق مرهـ عشان تركي موب موجود !!

شيّن أصعب مـ آلخيال وأقرب للجنون ..
.. ... .. ... .. ... كيف ـآناإ سمحت لعيوني تعبر عن ذلّهآ ..؟
وكيف برضاإ وقناآعهـ حكت لك العيون؟!
.. ... .. ... .. ... وكيف أزعجك صمت دموعن قلبي هلّهاإ ..؟

كآن ودي أقوم له وأوقف له أقوله نآيف انت وش تسوي بنفسك عشان تطلع بكل ذآ آلشكل ..
تحسين أنه شي لك .. سبحان الله كيف ذاهـ نايف واللي كان قبل كم شهر يحكي لي نآيف !
شفت سلمى تناظرهـ .. هو صحيح ماودي تتعذب .. بس هو رجلي ..
وكيفي .. ما أبيه يناظر أي احد بس أبيه يناظرني أنا وبس ..
هو فعلن سلمى وغيرها كثير حلوآت وكل بنت احلا من الثآنيهـ ..
بس كان يناظرني انا .. وجهي انا .. وفسستآني أنا ..,
وكأنها بمثابة المُفاجأه له اني ألبس الأبيض .. أفهم نظرتهـ .. وسبق وترجمهآإ لي ..!

من بين كل ـآلخلايق بين ألفٍ ومليون
.. ... .. ... .. ... يمشي تجاآهـ [ نصه آلثاني ] و.. يقلّهآإ
أشريك آناإ يآحب من بين كل هـ الكون
.. ... .. ... .. ... أشريك أناإ يآنظرهـ .. والله ما أملّها ..!

وطيت رآسسي يكفي سوير هذا نايف انتي حافظه شكله وش بعد ؟!
نظرته كانت كلهآ حب تحرجني فعلا .. لانهـ رجآل وانآ أنثى ..!
كل شي بآلحيآهـ كآن موجود بناآيف .. هو كل النآس تشوفهـ كذآ ..؟!
نآيف آلييوم وآلله طآلع غيير .. أدريـ آنهـ حلو ..
بس من جد ودي أقوله نآيف آليوـوم طآلع .. غير عن أي شي بآلكون !
أحسهـ مبتسم بـ رضآ .. وعيونه تبتسم بـ حب ورفعة أنفهـ ..
كآنت زي آلفخر .. يعني أن سآرهـ صآرت زوجتهـ ..

يآصآحب آلسمو شف قلبها كيف مفتون
.. ... .. ... .. ... علّمـ كل هآلناإس منهو أنت بالنسبه لهاإ
لوّح بيدينك لكل من هآإم بـ طي الجفون
.. ... .. ... .. ... قلّهـ ترـآإ مآلك أمل مجنون أنآ في ظلهآ !

يمشي بـ بطئ وكأنه يمشي على قلبي أنا قلب سآره ..
لمآ حسيت انه قرّب مره .. خفت .. سآرهـ إشبك أهدأي مو هذآ نآيف اللي أول حب لك ..؟
وش فيك عآدي مآيسوي لك شي .. عآدي !
عيونهـ كآنت تنطق بشي أكبر من الحب .. كآنت عشق أبدي ..,؛
نآظرت بالأرض بسرعه .. لييهـ احس أن حتى نظرته اليوم غير .. لييهـ ..؟!
كآن ينآظرني يعني مرهـ أحبك مرهـ طآلعه غير .. أنتي سآرتي أنا !
رديت لهـ آلنظرهـ بإبتسآمهـ خجل ووطيت رآسي ..
عيونهـ .. كآنت شي غيير مرهـ .. وكآن شكل تركي جآي ملامح موب خليجيهـ أبد ..
فـ نآيف .. بشرته آلبرونز .. عيونهـ .. رسمهآإ ولونهآ آلرجوـولي ..
غير لمسهـ كلمة أحبك آللي تبآن .. هو جد آللي أقرآهـ ويقرآهـ آلكل بـ عيونه ..؟!
لين حسيت فيه وآقف قبالي مرهـ بذآ السرعه وصل ؟!
مسك كتوفي وبآس جبيني .. ثآنيهـ .. ثآنيتين .. وثلاآث .. وأربع .. ومليون ..
لين أبعد فمه وهو يبلل طرف شفاهه بلسآنهـ .. وطيت رآسي مررهـ يآرب إحرآج !!

حكي نظرـآتٍ من عيونٍ .. إلىآ عيون ,؛
.. ... .. ... .. ... تنهيدة [ صبيّهـ ] ضيّعتهاإ .. وسط أهلهاإ !
تآإهت بـ عينك ومـ آلحلاـآ قآمت تخوـون
.. ... .. ... .. ... إعشقت عيونك أكثر .. يآسيدي تغفر لهآ ..؟
** صآح ـب ـآلسسمو .. بقلمي :. مون لووف !

أول مره أحسس أن خالي كذا مبتسم إلا طاير كيف مايكون وهو يزف ولدهـ ..؟!
سلم علي وبآرك لي .. عكس لما كنت مع تركي ..
سلم علي عمي وعلى طول طلع .. سبحآن الله كل شي ينقلب بنات عمتي اللي كانن طآيرات شف هـ الحين أشكالهن .. صحيح مبسوطات لي بس .. موب زي اخوهن ..
وشف يارب اهلي بالخُبر .. مبسوطين .. فئتين ماتغيروا ..!
أهل سامي عدا ضيا وسهام طبعن .. نفس الحآله قهر .. والله موب إستهبآل أو شي بس جد وش فيهم ؟!
وخويآت ريم .. نفس آلوضع مآخذينهآ فللهـ على الآخر ..,؛
مرت خآلي مبسوطه وجايه له ووو ... ؟!
شوي وجآت لي مروى وأعطتني العبايهـ أستغربت بسس أكيد مآتبي تضيع على نفسهآ هذي الفرصه دآم أن ماعندها غير أخو وآحد ..!
ودي لو تعتدل بسس مالهآ رجى !
لبستهآ ونآيف معي .. يسآعدني حتى بآلأكسجين اللي أتنفسسهـ !
طلعت من القصر ووقفنا عند سيآره فيصل لما أقول كل شي ماتغير .. ليهـ محد يصدقني ..؟
أنتظرت فتره .. تدرون وش أنتظرت ؟!
مو بزفتي على تركي شفت نايف جآي يسسلم علي وعلى تركي ويبارك لنا ؟!
وينهـ تركي ؟! وينه اليوم يجي يبارك لنا ؟! ودي أشوفه .. وديـ ّ !
خنقتني العبرهـ وين أشوفهـ ؟!
توني بصعد سمعت صوتهـ ورفعتهـ هـ آلمره من جد طآحت دمعتي ..؛
وش يامجود تجي مكآن أبوك ؟ تجي بنفس الطريقهـ ؟!
وتجي عشآن تقولي : مبروك !
إبتسمت من جوهـ .. : الله يبارك فيك ..
سكتت فتره ثم قلت : عقبالك ..,؛
أبتسم لي بـ براءهـ تشبه تركي في كل شي من شكل من مشيه حتى البراءهـ ..!
شد على يدي نآيف نآظرتهـ بآبتسامه ولا كأنه صآير شي .. ما أبي احسسه بالنقص أبد ..,؛
بآين انه يبلع آلغصهـ معي .. وتحسس يآ نآيف مثلي ؟!
بلعت ريقي يارب تعدي ذا الليه بدون بكى مافيني أكثر .. تعبت يارب تعبت ..!
صعدت السياره وانا أناظر مجود ..!
لين تلاشى ..!
وصلنآإ وفيصصل نفس كل شي .. لما أقول مافيهـ شي جديد ..
وكان الاحداث تنعاد علي أنا ..,؛
وصلنآ للفندق نزل نآيف ونزّلني معه وكأني اميرته كآن مبتسم لي ..
تدرون وش الشي الوحيد اللي ماكنت احس فيهـ وحسيت فيه مع تركي ؟!
لما جاء نايف وسلم علي كنت أحس بخنقه من جد وهذآ اللي خلاني أحس أني اخونهـ ..
بس هـ المرهـ .. طبيعي .. دآمني فكرت بنآيف آلمره آللي طافت اليوم .. لـ تركي ..!
دخلنا طبعن أول شي سويته رحت أبي أفكك شعري وقفت عند المرايا وأنا بسس مبتسمه بس لجل نايف مايحس بشي .. مهما يكون هو ظل وافي بوعدهـ !!
فكيتها وأنا مبتسمه وقمت بعدها وانا موطيه رآسي أخذت ملابسي ودخلت أتحمم ..
ما انكر إني كنت اتعمد أطول .. ماودي أشوف نايف وهو كذا .. هو مبتسم أدري وأدري وش بقلبهـ ..
بس حنآ الإثنين فآقدين تركي .. تركي ليهـ أنت مت ؟! وحشتني !
لما طلعت كنت مبتسمه ومسحت آثار الدموع وإنصصدمت من الشي اللي شفته ..,
ناظرت نايف كان منسدح بالثوب على الكنبه عآدي ومغمض عيونه ..
صحيح أنا طولت بسس موب لذا الدرجه .. وبعدين وش شعورك وأنتي طالعه ليلة زفتك وتشوفين رجلك منسدح .. بالله ماتحسين فيك شي ناقص ؟!
طآحت من خصلاتي قطرة مويا وإنسآبت على عيون نآيف تقوله أصصحى يآ نايف سآره معك ..
إبتسم لي : سآرهـ ؟!
هزيت رآسي : وش بك ؟! تعبآن ؟!
هز نفي : تلقين أكلك ...
قآطعته : أنا أسألك نآيف بالله وش فيك ..؟!
ناظرني وهو مبتسم : وش فيني ؟!
طآح وجهي وش أفهمه : يعني .. وش فيك ؟! يعني .. " ناظرت نفسي " وش فيني يانايف ناقص ؟!
كانه فهم علي وإبتسم : حبيبتي أنا وش قلت لك .. مو قلت يكفيني تواجدك ؟!
همهمت .. قال : وأنا إنسسآن متنآزل عن ذآ الششي .. " رفع حآجب " إلا إذآ جآء برضآك أنتي ومآيكون أي شي .. يكون تبين نآيف .. وانا عآدي عندي لو العمر كلهـ كذآ ..
سكتت فترهـ .. إبتسم لي : أرفعي رآسك .. " رفعته " تفهمينني أنك تبين يكون حآلنآ حال أي أثنين متزوجين عآدي الأمور طبيعيهـ ؟!
سكتت فترهـ .. بس كمآن كذآ يكون حآلنا ؟!
تبسّم بحلا وهو يلف على الكنبه : تصبحين على خير ..
أبعدت خصلتي ورآ أذني وحنيت ظهري له : نآيف !
سمعت همهمه منه .. قلت : قم أنت نم على السرير .. عآدي ..
سكت عني .. وش فيهـ .. معقوله فيه ناس كذا ؟ بس يهمهم تواجد الزوجه كذا يناظرونها ؟! نايف مريحني من كل شي .. وذآهـ آللي يحسسني بـ الأنانيه ..!
رحت واخذت لحآف وغطيته به وانا أهمس له : نآيف قم طيب لاتنوم بالثوب ..
وكانه مايسسمع وش قلت .. وانا رحت ولبست بيجاما عآدي وإنسدحت على السرير .. دفنت رآسي بـ المخدهـ .. وصوت صدى ضحكه تركي أول مآطلعت ليلة زفتنآ ..
كيف كآن ينآظرني أو انا آللي كنت احس كل شي يخليني اخجل ..
خنقتني العبرهـ .. تركي أنت وينك ؟!
وحشتني .. ووحشت كل اللي عرفوك .. ليهـ رحت وخليتني .. والله عندي أهون اني أتزوج من بعدك ..!
هه ! هو من جد تركي رآح ومعآدهـ رآجع ..؟ ولا هم يسستهبلون علي ..؟
شهقت من البكا .. يهنآلك ياتركي .. يهنآلك ولدك يبقى كذا ؟ أنا أدري ان نايف مايقصر معه .. بس وجودك .. هو إسمه مآجد بن تركي .. مو مآجد بن نآيف ..
يهنآلك يآتركي .. يهنآلك سآره تنوم كذا .. ونآيف رآيح هنآإك ؟!
يهنآلك حبيبي .. إن أمك تناظرني وتنآظر نآيف وتقول لنآ مبروك بدل مآكآنت تقول لنآ أنا معك ؟!
يهنآلك كل شي صآر معك يصير مع خويك .. وولد خآلي .. وحبيبي ؟!
يهنآلك يآتركي .. وأسألك بالله كآنه يهنآلك .. يهنآلك أختم قصتي وأنت منت بـ فيهآ ؟!
يهنآلك .. أول جزء وآخر جزء مآ يحملون لك شي ؟!
يهنآلك اني أشتآق لك .. إني أشتآق لك .. وإن يشتآق مجود لأبوهـ ؟!
وربي يآتركي .. وربي .. إشتقت احط إسمك وأكتب حوآرآتك واكتب كلامك .. همسك .. براءتك .. كل شي !
شهقت للمرهـ الثآنيه .. يآتركي شف حآلنآ من بعدكـ ..!
حسيت بالنور يفتح وجآلي يلمني : وش بك يآروح نآيف ..؟!
شديت عليه : تركني يآنآيف تركني ..!
شهقت من الألم : يومني متزوجته قلت له أني أحبك .. والله يانايف قلتها له .. وشلون يقدر يشوف حآلي معك كذا وهو سآكت ؟! " شهقت وطآحت دموعي " إذا أنت مآهنى لك بآل كيف هو ..؟ أكثر إنسسآن يغآر ..؟!
لمني بقوهـ : حبيبتي .. هو رآح موب كيفه .. وإذآ تبين تذكرينهـ إذكريه بالخير مآتقولين عنهـ كذا ..
حسيت بـ الإحرآج كيف أني بليلة زفتي أقول لنآيف كذآ .. همست له : أحتاجلك أنت ..,
تمتم لي : كلي لك وش تبين أنتي بس ؟!
ضغطت على يدي : مشكله يانايف إذأ ما كنت ادري وش أبي ..,؛
لين هديت بشويش .. أبعدني : حبيبتي .. تركي مآيفيدهـ بكآك شي غير دعآك لهـ .. بسس !
نآظرته بإحرآج : نآيف .. أفهمني هـ المرهـ .. أنا موب قصدي شي .. نآيف اللي أبيك تفهمه بس تواجدي كذآ معك .. مآ يريحني ..
نآظرني : وش اللي موب مريحك ..؟!
ناظرته : تسويهـ ؟!
هز رآسهـ بإيهـ .. همست لهـ : أنت تنوم هنآ وانا مالك دخل فيني ..
إرتخت ملامحه : ليهـ يآسآرهـ وربي مرتآح .. وبعدين آلبنت آللي مثلك مآتنوم كذآ ..
إبتسمت له : وربي مآبكيت إلا عششآن كذآ .. أنا نمت كثير يومين منومه .. إرتاح أنت خلني أجرب أخدمك .!
هز رآسسهـ نفي .. نص إبتسآمه : آيوهـ خلك نآيم على آلكنبهـ عآدي بسس ترآك قلت بتسوي آللي أقوله .. ولو سمحت تغير ذآ الثوب أصصلن شكلهآ موب مريح ..
طلعت من آلغرفه وأنا مبتسمه ..
وقلت : تصبح على خير ..
قفلت النور وطلعت .. خلاص سآره لعآدك تجيبين طآري تركي على لسآنك ..
على الأقل خله يتهنى .. أحسسه تعبآن من شي ودي أروحله وأقوله عليك الله يانآيف وش فيك ؟!
إنسدحت على الكنبه بـ آلصآله .. كنت احآول تغفي عيوني .. بس وين .. وين ونآيف جوهـ ؟!
لين أذن آلفجر أيقنت مآ بيجيني نومـ ..,؛
وشلون أصصلن يجيني ونآيف جوهـ .. وتركي .. مدري ؟!
أتعبتني يآتركي .. في أول أيآمنآ بآلخبر .. وأول أيآمنآ بآلدمآم .. وأول أيآم زوآجنآ .. وأول أيآم عزآكـ !
ورغم أني كنت موب صآحيهـ .. بس أحسس !!

*

جهزت أغرآضي وقمت معه وأنا أقفل العبآيهـ وهو مبتسم لي .. ولا كأننا عرسآن ..!
كيف مر علينا شهر ..؟!
يمكن لو تزوج وحده غيري يكون أفضل بكثير ..,
جلست على الكنبه وتنهدت طلعت مني آهـ صغيره .. سمعته : وش فييك ؟!
إبتسمت ودي أطيّح الميآنه شوي بسس مآتعودت ذآ نآيف .. هزيت كتوفي : مدري وديـ أسسوي أشيآء كثيرهـ بس مدري وشهي ..
رفع حآجب .. ضحكت بخفهـ : جد نآيف ودي أسسوي شي سخآفهـ ..
لازآل على وضعه : أييهـ ..؟!
إبتسمت : لا تنآظرني كذا وانا أكمل لك ..
أبعد نظره وصآر ينآظر يديني : أييهـ ..؟!
مدري احسس ودي جد اطيح الميآنه يمكن لان تركي أنا تعودت انه مثلن يعني أتطآقق معه وشي زي كذآ ..
أما نايف من يومي أستحي أرفع عيني .. قلت بهمهمه تعب : يوهـ نآيف وش فيك ؟!
برطمت : جد وش فيك تستهبل علي ؟!
رفع حآجبه بـ إبتسآمه : لييهـ مآيحق لي ؟!
بصرآحه ادري انه مآيقصدهآ بسس يمكن لأني متحسسهـ من آلسآلفه ..
يعني حتى ينآظرني مآيحق لهـ ..؟!
ناظرته فتره ثم جلست بجنبه وهو يناظرني .. قلت : نآيف بقولك شي ..
هز رآسه يعني إيه أسمعك .. قلت : نآيف صآر لنا هنا كثير وما أتوقع حآلنا يصير حلو فـ...
قاطعني : وفري على نفسك وقولي وش تبين بالضبط ؟!
نآظرته فترهـ : أقول أن أنا معك .. " وطيت عيوني " تواجدنا مع بعضنآ غير لائق أبدن ..
يمكن عشآني أسأت اللفظ قآل : إييش إييش ؟!
نآظرتهـ : تغليني ؟!
رفع حآجب بنص إبتسآمه : وش رآيك ؟!
نآظرتهـ : اجل بطلبك ثآني طلب بحيآتي كلهـ .. وبعدهآ مآبي شي ..
إبتسم : وأنا قلتهآ لك من قبل كلي لك وش تبين انتي بس ..؟!
عضيت على شفتي : تطلقني ..!
سكت فترهـ ينآظرني وكأنه يستوعب الموضوع من جد .. شوي وقال : طآيب ممكن أعرف ليهـ ؟! وش اللي مو عآجبك ؟
بلعت الغصه : كل شي .. كل حياتنا .. أساسها غلط .. تواجدنا مع بعضنا بحد ذاته غلط .. نايف أنت منت بقادر تقولي لا .. وانا ما أقدر أقولك أيه .. نايف كذآ تحسسني بآلذنب ..
قآطعني : وأنا ماشكيت لك .. وربي مرتاح ..
ناظرته : بس ما أحس أني قآدرهـ أريحك ..
هزني من كتوفي : سآره كل اللي يريحني انك تتواجدين معي بـ أي مكآن .. لانك زوجتي !
يآهـ كم مرهـ تمنيت أسمعهآ منهـ ..؟!
إبتسمت بـ ألم : وأنا ماتعجبني تواجدي كذا .. وبنفس الوقت ما أقدر أخلي تواجد أكثر .. أفضل لك ثم أفضل لي ..!
ناظرني فتره ثم قال : طآيب أحلفي تبين تتطلقين ..
حسبته يستهبل ورفعت عيني كان عادي جاد بملامحه وربي ودي عشان أريحك ..
إبتسمت : وربي ودي فيهآ .. ونرتآح ..
رفع حآجب وصآر ينآظرني من فوق لتحت : إفهمي ياساره انه مايرضيني .. بس دآمه يرضيك " رفع عينه وهو مبتسم لي " فـ أنتي طآلق ..
حسيت بـ الألم .. لما وطى عيونه كأنه يقولي ماعدتي زوجتي ..!
قلت : صدقني أريح لك وأريح لي ..
قآل وهو يقوم : تكلمي على نفسك .. تقومين ؟!
قمت ورآه وأنا موطيهـ رآسي .. لو حد قآلي أنك بتتزوجين نآيف ثمن بتطلبين الطلاق وربي حلفت انه كذاب !!
قمت أسحب رجلي ورآي لين قفلت الباب وتركنا الذكرى هنآ .. جينآ متزوجين وتطلقنآ !
صعدت معه وانا ساكته شوي وقال : انتظري كم يوم ثمن تكلمي فيه .. أو فترهـ ..!
هزيت رآسي بـ أيه .. وصلنا عند فيصل .. وقفت وقلت له : شكرن نايف .. على كل شي .. صدقني لو تزوجتك وأنا بظروف أفضل وربي أني أطير .. بس لكونك رجلي !
إبتسم وو يهز رآسه .. سكرت الباب ونزلت دخلت البيت أول شي أستقبلني طيوف تركي !
تركي أنا تطلقت .. لأني ما أقدر أظلم خويك وبن خالي !!
مرتآح ياتركي هـ الحين ؟! مرتآح ؟! اهم شي راحتك ترا لا يهمك أنا .. ولا يهمك حد .. أهم شي أنت !
شفت نجوى : ياهلا ومسهلا .. وينهـ رجلك ؟!
اكتفيت بالابتسامه : وينه مجود ؟
أشرت لي فوق وصرخت : مجووووود مفااااااجأهـ ..!
شوي ونزل بهدوء عكس الأخ محمد اللي نزل على طول .. هه ! يحسب المفاجأه لهـ !!
حضنت مجود بقوه : قد إييش وحشتني .. وش أنت بمسوي لامك عشآن تشتآق لك ؟!
نآظرني : حتى أنتي ..
شوي وشفت فيصل مبتسم : صبآح الخير عروستنآ ..
وطيت رآسي مو إحرآج .. كنت أبي أضحك بسس مسكت نفسي ..!
ولا كأن فيه حد .. همست : مجود مرره أمك تحبك ..
فيصل : وينه نايف ؟!
هزيت كتوفي .. فيصل بعتب : وش ذا ياساره ماتدرين وينه ؟!
سكتت فتره ثم قال : وبعدين وراه مانزل معك ؟!
ناظرته وبعتها خلاص : وليه ينزل أصصلن وش دخله هو فيني ؟!
فتح عيونه بقوة : وش دخله ؟! أنهبلتي أنتي ؟!
هزيت بـ لا وأنا مبتسمه : فيصل أنا بقولك شي ..
سمعت نجوى : يلا حمود ومجود بسرعه معي خلنا نطلع فوق ..
قلت : نجوى ؟! وش فيك تحسبينني غريبه عليك ؟!
قالت بحرج : عندك مع أخوك سالفه خاصه .. قلت أخذ العيال وأمشي فيهم .. تاخذون راحتكم ..
والله أن ذا البنت ذوق .. هزيت إيه : بس أنا بعد أبيك تسمعين .. عادي ..
ناظرت فيصل : وأنا بقولك ياخوي شي .. نايف طلقني ..!
سكت فترهـ .. سكون .. ولا أي صوت ..
شوي وناظرني كانه يتأكد من الصدق بعيوني .. وكأنه فهم أني صادقهـ..
ناظرته : والله !
كأنه عصصب : طبعن أنتي اللي طلبتي لأن نايف مستحيل يسوي ذا الحكي الفاضي ..
هزيت راسي بـ أيه .. صرخ : والله ماتستاهلين نص واحد من نايف ..,
قلت أدافع : أيهـ طلبته لأني ما أحب أظلمه معي .. زوجته ومو زوجته من حقه يطلب شي ومن حقي اطلب طلاقي منهـ .. ماسويت غلط ..
مسك جواله : بدق على نايف يرجعك انتي مهبولا ..
قلت : مابرجع !
بدون مايناظرني : موب كيفك مابرجع .. الطلقه الأولى هذي ..
مسكت الجوال منه وشلته .. ناظرته بهدوء : تذكر يافيصل وش قلت لك ؟!
سكت يناظرني .. قلت : قلت لك المرة الرابعه انا أسفهـ ما بقدر أسوي اللي تبيه .. مو خوف انك تدق على نايف ولا يرجعني .. نايف مابيرجعني لأنه عارف ان هذا ابيه ونايف مايفرض نفسه !
سكت يناظرني .. سحبت مجود : نصعد فوق ..؟
سمعته بهدوء : أنزلي تحت لا تنامين فوق .. ربي كثر الغرف غصب فوق ؟!
هزيت راسي بـ أيه مالي خلق أجادله ..,
ورحت انام بتحت .. ادري ان نايف متضايق من اللي سويته بس وربي أفضل له من يدفن عمره ينتظرني !

في اليوم الأول ..
فرآغ .. خمول .. كسسل .. تعب .. ومآلي خلق أي شي ..,
صحيح اللي سويته موب قليلي بس وربي يرتاح كذا وعقبال أسمع خبر زفافه ..
على بنت الحلال اللي تناسبه أو مثلن على سلمى .. لأنها لحد الآن تبيهـ ..,
الله يوفقك يانايف وين ماتكون ..!
الصبح نآيمه بطوله خخ .. لين على عشر قمت وناظرت التلفزيون فتره .. سخافه أناظر أفلام خخ ..
بعدين قمت بعدها ورحت سويت لي جبن .. ياناس أبي أنسسى ..
على الظهر .. ساعدت نجوى عشان تصلح الغذا وبعدين حطيته ورجعت لغرفتي منعزله عن العالم !
العصر نايمه .. لين المغرب صليت وجلست منسدحه على الكنبهـ لين العشا ..
تحسسوني وحده فاضيه ماعندها شي أبد .. حياه ممله من أول يوم ..!

في اليوم الثاني ..
ماتغير شي .. كسولهـ وتعبآنهـ .. اللهم بديت اكمل مع مجود الأرقام بعيد ..
الصبح أفطرت وبعدين أنا اللي شلت الأكل ..
على الظهر مسكت الأطفال حمود ومجود وبديت معهم مبسوطه ألعب لين مليت رحت ساعدت نجوى ..,
العصر بديت أناظر فلم عربي الظاهر مصري خخ من الملل أصلن ماركزت وش صاير ..
المغرب .. نآآآآآيمهـ والله من زين الأحلام بس نصهآ كوابيس على نايف ..
ما أنكر أني خفت بس إسمي أني نمت ومالي دخل بنايف !!
يفز قلبي كثير أخاف يصير لنايف شي .. أخاف لانني مازلت أحبهـ واخاف عليهـ ..!
العشآء صحيت وبس جلست مع مجود وبعدين خلدنا إلى النوم خخ
أحلا شي لما أتكلم عربي فصيح مع أني طلل فيهـ .. وحشتني نهى ..
بقول لنجيو تجيبها وتقول يعني اني زايرتهم اليوم عشانها وكذا ..
موب عشان شي .. بس خلاص نايف قال ما اقولها بس أبرر تواجدي لفيصل !
وجاتنا نهى ونجود يالبى قلوبهن هـ الثنتين وربي توحفه .. وديـ بنوير خخ ..
خلاص بكرا أخليها تجي ..!

في اليوم الثالث ..
كنت احسس بضيق بالتنفس موب طبيعي وطرق قلبي أبد موب طبيعي ..
أحس بالذنب تجاه نايف لاني قلت له يطلقني .. واحس بالذنب اني أجلسس معهـ ..
يعني بالله متحملني كذا ومريحني وأقوله يطلقني والله أني هبلا ..
يلا ما أتحسف على الماضي خلاص شي ماضي ومر علي .. ونسيته ونسيت معه كل شي !!
على الصبح نايمه خامده وفاكه العالم من شري ..
الظهر يقولون جات عمتي قفلوا علي الباب لجا ما أطلع وتطلع فضيحتي خخ ..
والعصر بعد نايمه من الملل .. صحيت بعدين وبديت كذا أفكر بـ نايف ..
أحبهـ بسس ما أبي أعذبهـ معي .. أحبهـ بسس أحب يكون مرتآح كمآن .. وادري ان رآحتهـ قربي ..
بس قربي لنايف مستحيل لانه شي مضى .. ومستحيل أرجع لجل أتطلق مرة ثانيه ..,؛
المغرب جاتني حالة إستهبال غريبه وبديت انقز على الحبل خخخ ..
أدري اني مجنونة بعض الأحيان بس جنوني موب أي جنون .. جنون أصلي بلدي سعودي خخخ
صدق ترا خبال بنات السعوديهـ لا جاء يطري بس .. تجي لهم طلعات غريبه ..
مثلا على المغرب نقز على الحبل .. على العشاء خامده ونايمه ولا كاني جيت البيت خخ ..

في اليوم الرابع ..
بسس طول اليوم متمدده وأفكر بنايف ..
ساعات أقول أني ظلمته وساعات أقول لو عطيته فرصه وساعات أقول ليتني شوي حسسته بتواجدي ..
مليت عليه .. بس المشكله يقولي ماابيك إلا برضاك ..
وذا شي صعب .. واني اكون كذا مع فيصل بذا الحياه الملل شي أصعب ..
أمضيت طول اليوم تفكير وآكل ونوم ومجود .. خخخخ
أحس أني بنتفخ خخ .. لا جد وجهي حلو عادي يلا .. منهو بيناظر بـ عانس خخخ ..
ثمن أرمله ... ثمن مطلقه ؟!
صراحه أحس نفسي توحفه خخ توحفه ولا زهريه خخ سوير يابايخهـ ..,
ودي أسوي شي .. بس مدري .. أسويه ولا لا خخخ
أدري حتى أنا حفظت جملتي أني أقول ودي أسوي شي بس مدري وش هو ..
بس هـ المره أدري والليله بجلس مع نجوى نتناقش فيه ..
وفعلا ..!


فتحت عيونها : أحلفي طآيب ..
ناظرتها بضيق : والله ودي بس أخاف يردني لما روح له ..؟!
دفت وجهي : سوير بلا سخافه جد حبيبتي ترا أستر لك عند رجلك ..
زفرت : نجوى أفهمي .. أنا أخاف .. أروح ويردني .. وعشان كذا أقولك لاتقولين لفيصل ..
سكتت بحيره موب فاهمه .. قلت : أفهمك .. ألحين انا بروح لنايف يمكن يقولي طايب ويرجعني ويمكن يقولي لا وأرجع هنا ..,
نجوى بدلاخه : وليه ماتبين فيصل يدري ؟!
زفرت : يوه يانجوى أنا أقولك لما يرجعني ممكن فيصل يكون لو سويتي كذا ولو وأنت تدري ان لو ماتفيد شي فـ قلت أشوف أن رجعت حصل خير مارجعت .. عادي !
إبتسمت : أجل من الصباح تصحين ..
دفيت وجهها : تستهبلين مع وجهك وشغله يامال البلا ..
شهقت : داوم ؟!
هزيت بـ أيه .. قالت : مسرع ؟!
ضحكت : بالله وش تبينه يسوي يقابل الجدران يقطعها ويرجع ..
ناظرتني : طيب قولي لي كم يخلص عشان أصرف فيصل وأفضى لك ..
أبتسمت .. لبى قلبك نجيو .. أحبك يالغلا وربي تستاهلين كل خير بذا الحياهـ ..
ضحكت : وش فييك يلا قولي متى يخلص ؟!
قلت : ممم على العصر والظهر يعني ممم 3 ونص قوليها أربع ..
إبتسمت : حلو أجل .. تروحين على أذان العشا ..
هزيت بـ أيه .. نجوى : وتبدين بشعرك وملابسك على المغرب والمكياج والزينه كلها لبعد أذان العشا ..
إبتسمت لها .. أحبك يانجوى لأنك شي مايتكرر مرتين في الدنياآ ..!

في اليوم الخامس ..
يوم العودهـ خايف نايف يرفضني والله لأستخف لو قالها ..
ألحين أنا أذبح عمري وبعدين يردني ؟!
من الصبح وأنا مشغله نفسي بالطبخ والتنظيف .. نظفت المطبخ أربع مرات .. والصالة ثلاث مرات والمقلط حوالي المره الخامسه هذي ..
والحمامات ثواني وأرجع .. وغرفتي ولا مره خخخخ !
ماعندي توازن بالتنظيف وأحلا شي فيني والله ..
وعموما على العصر نجيو صرّفت فيصل وراح ينوم .. الله يستر ..
بدينا نبحث عن سيارات لين لقيت قلت بروح بس أخاف بلحالي خخ ..
وينها سوير اللي طالعه بنص الليل بس متهاوشه مع ولد عمتها ؟!
وينها سوير .. اللي يوم طقت براسها راحت لزفة خويتها ضاربه بقوانين خالها عرض الحائط ؟!
وينها سوير .. اللي مايقولون صفاتها إلا ويقولون جريئهـ ..؟!
أيام الجنوـون !!
من المغرب رحت وتحممت وجففت شعري بالشيسوار .. نجيو أختارت لي ملابس ..
كان فستان أورآنج خخ مسويه أنجليزي يعني .. عموما قصير حلو مفتوح خيوطه حلوه .. فيه كسرهـ تحت وأطرافه حلوة موب مرتبه .. فيها لون أحمر .. وكعب حلو أنيق خخ ..
أكسسواراتي كانت بالأحمر وعلى أذان العشا صحى فيصل ياليل !
وجع مالقى يصحى إلا هـ الحين لو تأخر شوي بس ..
عموما قفلت الباب وكاني نايمه صليت وحطيت لي كحله عادي وروج أحمر أحس أني مره انحرج لما أسوي كذا .. رتبت أغراضي بشنطتي .. ورشيت نفسي عطر ..
قمت بهدوء ودقيت على التاكسسي .. ولين جاء صعدت بعد ماسميت باسم الله .. لين وصلت لعند شقهـ نآيف ,؛
إرتجفت يدي وأنا أحط المفتاح ودخلت بهدوء كانت مرتبه عادي باين أنه بس ينوم فيها ..
مريت على المقلط كانت أنواره مفتوحه بحثت عنه بنظري بس ماشفته .. قفلت النور ورحت لغرفة النوم ..,؛
شفتهـ !!
كان منسدح على السرير بدون مايتغطى حتى كسسر قلبي مرهـ ..!
رحت بهدوء ورميت عبايتي على الكنبه ورشيت الدنيا عطر .. خنقتني العبره فعلن بس أسكتي سوير موب وقته عبراتك اللي ماتخلص من بدا ذا الجزء ..
مشيت بهدوء وفتحت نور بسيط إضاءه حلوة وإنسدحت معطيته ظهري ..
أدري وربي أنه غلط أدري ..!
ساره اهدي اللي وراك نايف .. وين تخطيطك اذا تزوجت نايف واذا تزوجت نايف ؟!
هذا هو نايف بس موب زوجك .. غمضت عيوني ومسحت دموعي وريّحت أعصابي .. ضغطت على اللحاف أكثر لما سمعت شهقه خفيفه مني ..
من يصصدق ساره اللي سوت اللي تقدر واللي ماتقدر عشان تاخذ نايف ثم تتطلق منه ؟!
غمضت عيوني أهدي ساره .. كل مافي السآلفهـ نايف وراك .. عآدي !
ونمت .. لا تسسألونني كيف لاني أصصلن مدري ..,؛


صحيت على صوته وتحسسه لوجهي وكأنه يتأكد اني صدق .. فتحت عيوني وابتسمت ..
همست : صحيت .. حبيبي ..؟
أبعد عيونه : أنتي حقيقه ولا أييش ؟!
كان معتدل على طرف السرير بيني وبينه مساحه كبيره .. اعتدلت بابتسامه مزيفه وحوطته بيديني ..
وانا اتمتم : وش رايك أنت ؟!
شكله بالبيجاما ولا مهتم أصصلن .. شعره المبهدل المتناثر بدون إهتمام ..
والنور على بشرته البرونز .. يقطع قلبي أكثر !!
تفاجأت سؤاله : وش جابك ؟!
قربت لأذنه بتعمد أن يسمع إضطراب انفاسي : الشوق !
وكملت بهدوء : كذا تستقبلني ؟!
بعثر نظره : ساره ماعدتي زوجتي الحين أنا معك منفصـ...
حطيت أصبعي على فمه وهمست : كل ذاه مايهمني !
نفض يديني وكأنه دوبه مستوعب : ودامك عارفه وشهوله جايه ..؟
كان يبعثر نظره .. أما أنا رفعت راسه بـ أصابعي : مااشتقت لي ؟ وتقولي وشهوله جايه ؟ طآيب والله أشتقت لك مررهـ .!
ناظرته فتره وهو يناظرني مره متعجب يمكن أول مره يشوفني بالجرأة اللي يسمونها وقاحهـ !
أدري وربي أدري !
قربت وجهي منه وأنا بموت ودي أوطي عيوني من الإحراج .. ناظرت عيونه ثم ناظر شفاهه وكررت النظرات لما ركز عيونه على شفايفي مررت لساني عليها ثم عضيتها ..
تدرون وش يعني الحقارهـ ؟ يعني أني أسويهآ ..!
مشكله لاصرت أدري عن الشي .. ثم أسويه .. أدري أنه غلط أدري أنه حرام .. وربي أدري !
قربته لي لين حسيت بأنفاسه تتلخبط .. كنت أحس أني مع كتلة جليد مره ماتحس ..!
أبعدت وجهي بعد التلاحم اللي بس من طرفي أنا .. وناظرته بعذوبه ..
فاجأني سؤاله : ليه تسوين كذا ؟
ما انكر إحراجي من نفسي قبل إحراجي من سؤاله .. بارتعاشه مررت طرف إصبعي على شفاهه ..
همست وأنا أمط الحروف : لأني أبيك !
أبعدني : ساره انا ماعدت رجلك يعني لا ...
قاطعته : مو كل مرة لزوم تعيد .. أفهم أحبك .. أبيك .. بالحلال بالحرام مايهمني ..
لاتظنون مرخصه نفسي لا والله بس اللي يومني حلاله ماقرب لمي هـ الحين بالله بيقرب عاد ؟!
فتح عينه : تدرين وش يعني حرام ؟ لاتظنين محد معنا بذا الشقه يعني مامعنى رب !!
هزيت كتفي بميوعه أحسها موب لايقه خخ : أنت اللي منت براضي بالحلال .. يمديك ترجعني ,؛
سكت يناظرني بخوف مدري ليه يمكن خايف ما أكون صادقهـ ؟ وتحس يانايف ..؟
إنسدحت على رجله وأنا أناظر السقف : مو أنت تقول لين أجيك برضاي .. هذا رضاي ..
حسيت به حط راسي على المخده وقام .. وهو يقول : وقت ماكنا متزوجين !
أعتدلت بجلستي وأنا أناظرهـ .. نايف : بس الحين أنا ماعدت ولد خالك تدخلي غرفته .. ولا رجلك بكفيك تدخلين وتطلعين .. أنا طلقتك !
تمسكه برايه خلاني أفكر .. كيف فكرت إني أتطلق ..؟
اعتدلت ورحت له : وأنا مو ساره بنت عمتك ولا زوجتك ولا أي شي .. بس ساره الذايبه بك لو تذكر !
سمعته تنهد : ساره تستري ما أقدر أتكلم معك بذا الوضع .. وبعدين وش كلامه هـ الحين ؟
تعرفون إحساس الذل وإنكسسآر الكرامه ؟ غلطتي إني قلت له يطلقني إييش متوقعه منه ؟ يرحب فيني ؟
نايف رجال مهمها يكون مايحب ينرفض أو حد يفرض رايه كذا !
ليه الظروف تلعب معي كذا ؟
ابتعدت للباب معلنه نهايتي كان بيتعلق قلبي فيه من جديد ..
لفيت بمحاوله أخيره : نايف !
رفع عيونه وناظر عيوني مباشره ..
كملت : ليه تعاندنا الظروف ؟! لما تجيلي خاطب أرفض .. ولما أجيلك متزوجه تنام وترفض .. لما تجي لي على الطلاق لا ياساره أرفض .. لما أجيك بنفسي ناسيه شي إسسمه كرامه " كملت بخنقه " بس أبيك أنت .. ترفضني .. ظنك بتجيني يوم أنت بعد كذا نادم وأرفضك ؟
هز نفي : لا ..
رفعت عيني بعبره .. كمل : لأني مابندم ..,
إبتسمت وطاحت دموعي وكملت بعبره : صح أنت هالمره صح .. وأنا ما أطلبك جيّهـ ولا ندم " همست بضييق " بس قدّر ظروفن مريت بها .. وحس أني آحبك !
تحولت بلحظه من ذل إلى كبرياء .. مو غلطتي يانايف إني تزوجت تركي !
لفيت على الباب وأنا أمسسح دموعي ومعها بقايا كرامه ضاعت .. وإعصار بقلبي يمر ويعصره .. ويكسسرهـ .. ينزف بسس محد يهتم له ..!
حسيت به لفني ومسح دموعي عرفت أنه جاي لي ندم .. قال : لاتبكين ..!
بعد إييش ؟ أنت تتذكر قبل شوي .. وش قلت ؟ كسرتني !
نفضت يده بقهر وقرف .. وقلت بحده رغم شلال الدموع : لو تحلف برب السما والأرض أن باقي لي شوي غلا عندك مابصدقك .. الحين بس حسيت أن كل كلمه وحرف قلته لي كذب .. صدق الظروف وكذب الناس ظلمك بس كل كذب وراه كذب !
ناظرني بهدوء : أنا ماكذبت ...
حطيت أصبعي على فمه بسخريه : كذبه جديده ؟ ايه صدقت هالحين لما قلت انك ماقدرت تنساني لما تزوجت ..
طاحت دموعي .. صرخت : تقول أن لك أربع سنوات منت بقادر تنسى والحين خمسه أيام .. ميه وعشرين ساعه قدرت تحول الحب إلى كره .. ما أصصدقك !
كملت بخنقه : وهذا أنا بس ...
قاطعتني حركته ماقاطعني كلامه .. قرّب من شفاهي هـ المره ناوي يمزجها معي .. ناوي حضن يدفيني ما انكر اني ذبت معه .. وأنا بس أحس أن اناسه نفسها أنفاسسي ..!
ظليت فتره ودي ابعد بس لمى أرخى شوي نفضته على طول ..
رفعت حاجب علامة كبرياء رغم ترجمة الدموع للذل .. همست : قلت لك لما تجيني المره الجايه برفض ..!
ناظرني وهو رافع حاجب راسم احلا ابتسامه تدوخ .. حتى عيونه إبتسمت لذا الابتسامه وهي تناظرني ..
ربطت شعري بخصله من شعري وفتحت الباب مره جديده بس هالمره راجعلي كبريائي .. حسيت بشعري انفتح من جديد لمني من وراي وقرب شفاهه من أذني ..
همس لي : موب كيفيك تدوخينني كذا ثم تطلعين ..
لفيت وناظرته برعشة قهر : أنت فاكر نفسك أييش ؟ لا حبيبي موب على كيفك ..,
نفس ابتسامته : أهم شي وأنتي تقولي حبيبي قبل شوي ترتعشين ..
ناظرني وكأنه أول مره ينتبه لملابسي من تحت لفوق فهمت ..
قلت : كان قبل شوي برضاي والاثم عليك وعلي الحين غصب الاثم لك بلحالك ياولد خالي ..
أول ماحسيته أصصلن مطنش وش قلت ومقرب عادي عندهـ ماتفرق لصقت بالباب ارتجف فكي .. جزء يقوللي هذا نايف حبيبك .. جزء ثاني يقوللي لا !
تراجعت لورا بلعت ريقي لازالت نظراته علي أبعدت خصلاتي ورى أذني بربكه وناظرته تحدي رغم انه عارف بخوفي ..
اسند يده للباب وهز كتوفه : والله محد يلومني جايه لعندي آخر الليل وأنتي برضاك لابسه كذا !!
أعرف أنه مستحيل رغم ترجمة نظراته غير هـ الحكي ..!
قلت : ماتقدر !!
تقرب أكثر وزادت رعشتي تحركت لين صرت بالزاويه غمضت عيوني وأنا أحس بيدينه ..
لما فتحت عيوني شفت يدينه على خيط الفستان وبكل خفه قطعه !
والتفت للآخر لين قرب يطيح الفستان مسكته وارتجف فكي ببراءه وطاحت دموعي ..
سمعت همسه : أكون واطي لو سويتها ..
تنفست براحه بس كمل : بس حبيبتي شكلك كذا يساعد !
ارتجف فكي أكثر : يعـ...ـني ..؟
إبعد شعري إلى جهه وحده من كتوفيه وقرب من اذني ..,؛
وهمس بكلمه أو نقول جمله ريحت قلبي من ان يصير شي يغضب ربي .. وكسرت قلبي من جديد تحسسه بالألم ..!
كلمه تعلن إني تحولت من مطلقه إلى متزوجه مره جديده .. زوجة نايف !
ابتعد وهو يبتسم : ابيك توثقين لو كل ذا العالم يقول ممكن اسويها تحلفين اني مااقدر مع غيرك .. كيف معك انتي ؟!
وطيت راسي بخجل ودموع مره جديده دموع حزن وفرح رفعت راسي بربكه وحيا ..
وقلت : كنت واثقه انك ماتقدر ..
رفع حاجب : باين خوفك .. بس ! ليه جيتي دامني ما أقدر ؟
قلت بخجل : لأني أحبك !
ابتسم ماانكر اول ايام زواجنا كان يبتسم بس ذا المره براحه أكثر .. قال : ماكنت ناويها ارجعك لما قلتيها كذا لاني ماحسيتها من قلبك بس الحين غير لما شفتك ..,
وتحس يانايف ؟
نايف : بس بسألك ليه لبستي كذا لاتقولي عشان الحب بضيع الدنيا عادي ..
ابتسمت : إلا عشان الحب اللي ترجيتني ارجع عن كلامي .. عشان الحب اللي توهني .. عشان الحب اللي باين بعيونك وأدري به يضعفك لو تشوفني كذا متوقع بذا السسهوله أسلمك نفسي ؟ لاتتوقعني ما أخاف من ربي بس أنا واثقه مليون بالميه أنك مابتقدر .. لأنك نايف .. وعشان الحب اللي تحمله ترجعني ولو ماكنت واثقه فيك مالبست كذا ..!
ابتسم برقه وحنان : جد أصصدق تحبين نايف ؟!
إيه صدق يانايف رجع قلبي لك بس فيه بعض الكسور لا يمكن يقدر يصلحها الزمن .. انرسمت ملامح خجل أكثر وانغرست هذي المره ..,
رفعت يدي للخيط ابي اربطه من الربكه ماعندي شي أسويه .. حط يده عليه ..
وهمس لي : خله ! لا أتعب أفكه مره جديده !
  #73  
قديم 10-19-2016, 02:31 PM
 


(( 4 ))
" عششـآإن آلحب يآحبيبي .. آحبكـ ! "

عشان الحب .. ممكن نعمل أشياء كثيره متهورين بها مو شرط عشان حبنا للحبيب يمكن عشان الاخت زي فيصل .. يمكن عشان الام زي عمتي وتركي .. يمكن عشان بنت الاخت زي خالي ..
الكل تورط معهم بس بان خوفهم علينا عشانهم يحبوننا ..
ما انتهت قصتي لحد الآن دام أن السنوات تمضي ..!
مررت على صفحات كتابي لين وصلت لآخر صفحه ..,؛
بعد 16 سنه ..!!
إسمحولي قبل أختم قصتي أكتب آخر ورقه من دفتري لأن حسيت أن كل شي في هذي الصفحه أكتمل وصار واضح بالنسبه لي !
وش صار في 16 سنهـ لأبطالي .. لأهلي .. لخوياتي .. لقريباتي ..
وحتى لو أي شخص مر علينا بالقصه !

~ عمتي .. سكنت بـ بيتها حياة عاديه تعيش عشان الحب الصله اللي بينها وبين كل اللي يحبونها وتحبهم .. تنتظر كل جمعه بشوق لجل تشوف مجود اللي طلباته أوامر !
~ عمي .. يمكن عشان الحب اللي حمله لخالده زوجته وأم عيال عمي ماقدر يكمل حياته مع أختها .. أكتشفنا أن أنوار كانت تنتظر بس اليوم اللي يجمعها بعمي عمر .. وعشان الحب رجعها .. فهم من تجربتي ان اللي مات مايرجع وتمشي الحياه بدونه رضينا ولا رفضنا .. صار عنده بنت عمرها 13 سنه إسما ساره العلي .. شي حلو عندي بنت عم وحيده وبإسمي ..
~ نهى وناصر .. أم جلال وأبو جلال .. أهنيهم على حياتهم وحبهم اللي دام من يومهم بزران صدق انا موب معهم ساكنه وأكيد به خلافات بس بحكم عقل نهى أجزم أنها تنحل .. وعشان الحب اللي بينهم .. يستمرون !
~ نجيو وفيصل .. مممم مدري وش أقول عنهم ذولي بس .. أقول خلها لبعدين بالفصل ..
~ نوره بنت عمتي وسامر ولد عمي .. صار عندهم عيال يجننون .. طريقة نوره غلط بس سامر قدر يغفر لها .. عشان الحب العظيم اللي تحمله له .. وعشان الحب اللي هو يحمله لها ..!
~ ثامر ولد عمي .. مصاايب بما أنه العازب الوحيد .. أقولكم شي .. خله بعدين بقولكم بالفصل الأخير ..
اممم مين أهل الدمام بعد ؟!
~ أييه صدق ريم نسيتها هي من أهل الدمام خخ .. تواصلي معها بين فتره والثانيه ماألومها منشغله بـ بيتها وعشان الحب والصله اللي معي تواصلني .. عشان الحب مو شي ثاني ..
~ فلوة .. صارت أقرب واحده لريم بما انها زوجه اخو رجلها .. عشان الحب تتواصل معي ..!
~ ندى .. ندوي .. من اللي نساها ؟!
سألت عن أخبارها طول ذا الفتره بس تفاجأت قبل كم سنه يعني كذا خمس سنوات منتشر الخبر انها ولدت .. يووهـ البنت تزوجت وحملت وولدت وانا دوبني أدري خخ ..
وش كانت تتوقع مني وهي تدري ان هذي النهايه ؟! ماكنت قاسيه يومني رفضت .. بس عشان الحب ومصلحتها كل شي عادي !
~ ممممم أبلتي الغاليه وضحى .. تهنيني بكل عيد .. وتهنيني بكل نجاح .. وبكل ولادهـ خخ !
وأبلاتي الباقيات واللي أعرفهن .. نهى تتواصل معهن .. سعيدة جدن بالحياه وهي كذا !
أيوه خلصنا كذا اهل الدمام فيما عدى نجوى وفيصل وثامر خخ .. صدق ما أعرف أوصف حالهم خخ !
وأبششركم ترا فيصل ونجوى وثامر .. ناقلين للخُبر .. يآسسلام !
أهل الخبر .. أول شخصيه واهمها ..
~ خالي .. بكل قوة زي ماعرفته خبرني بكل شي وان كل شي حصل منه عشان الحب .. يقول ان الحرق يسويه لما كنت أذكره بشي نهال تسويه وكانه كان يحاول يسوي مني نهال بس بطريقه حلوة .. وأعتذر عشان الحب يدوم !
~ أما مرته .. او ليلى خخ لليوم وأنا مبسوطه أني عرفت الإسم .. يمكن لاني تعودت أقولها مرت خالي ولا قد خطر على بالي أسأل .. مرت خالي .. حاطتني بعيونها عرفت وقتها قيمتي عندها وعرفت عشان الحب اللي بينها وبين أمي وعشان الحب لت خالي صارت قاسيه ..
~ مروى .. هي ما أخطأت بـ شي او تعرضت لي إلا بالكلام .. فـ ما أتوقع يصير لها عقاب او شي .. صدق قسوه بس زي امها وأبوها .. كيف تعاملني طيب وهي تشوفهم كذا ..؟ حياتها حلوة مع أبو عبدالله رجلها أحس الاسم طويل على ميشو خخخ عشان الحب اللي تحمله له ماتغلط علي وعادي معها وعشان الحب لاخوها تكلمني وتتطمن علي .. تأسفت كم مره وكل مره أقولها يامروى مسموحه .. العلاقه بيني وبينها حلوة يعني لاشفتها اخبارك وكذا بس ماتوصل لصداقه .. حلوة كذا الحياة ..
وميشو أو لحد يسمعني من عياله ويجيب فيني العيد .. أبو عبدالله خخ سعيد جدن بتواجد مروى معه اللي عشان الحب تحملها وعلمها كيف تكون وسط الناس تمام !
~ خالتي .. حياتها مكرسه مع زوجها وبنتها ميشيل .. ذا البنت تحب إسمها مره وكل عيالها جايين كذا .. بنتها دلوعه مره قاهرتني اخذت مكاني خخ عمرها تقريبا 14 سنه خخ ..
أيوهـ نبدي بشله ريم ..
ريموه حسبناها بالدمام مع الآنسسه فلوة خخ أقصد ام شسمه خخ
~ نجلا .. مم انا ماعرفتها إلا يوم راحت ريم .. البنت الطيوبه وعندها بنت طيوبه .. وعشان الحب أتواصل معها .. أسعى دائما اني أعرف أسم رجلها خخ .. مدري والله تجيني الحكه لاذكرته وقالت أبو الوليد يختي قولي أسسمه خخ ..
~ هبه .. مممم هي تزوجت اوكي يعني بس حياتها مدري .. مشكلتها متهورة وعلى أقرب شراره تهدد حياتهم الزوجيه بس عشان الحب حياتها تستمر ..
~ سما .. ياليل ! فوق ان لهجتها انقلبت لانها تعودت على أهل رجلها ثلاث سنوات .. بس لما رجعت صارت زي الخلق مع بعض الأخطاء خخ .. جد وش مطيرها الحيوانه للقصيم خخ ؟!
عشان الحب .. رجعت للخبر .. بس عشان الحب لاهلها ولـ كل اللي يحبونها !
~ جيهان .. كنا نسميها عانس لانها بقت بلحالها رغم أنها بعد ما أعرست هبه بكم شهر أنخطبت .. ماقلت لكم تزوجت وخلفت ومدري وش صار .. عشان الحب علاقتنا ببعض ماتتفرق !
~ سلمى .. آهـ من سلمى .. خلها بس على جنب مع فصيل وثامر ونجيو خخ ..
~ سلوى .. موب قلت لكم معرسه على واحد من عيال خالتها .. أكيد خلفت عادي يعني خخخ ..
~ وسهام هذي أخبارها توصلني بالتمام وعشان الحب .. تتقرب مني .. وتقرب اختها مني .. أو الأختين !
يناس ذكروني من بقى .. أحسن ماأقفل القصه وحد يزعل ..؟!
~ أم سامي وولدها سامي عشان الحب لنايف .. متحملينني خخ .. سامي عادي معه يعني وش دخله بس ام سامي وجع إن شاء الله خخ ..
~ مها ياويلي من مها اخت ريم .. بنت الين آمنو تحب واحد وطايحتن فيه مالت عليها وعلى اللي تحبه خخ مدري تسمح لي أطري أسمه ولا تغار ؟!


أظن خلصنآ .. اليوم وبعد 16 سنه .. أنا وش ذاه سوير تاكدي متاكده ان عمرك 38 بصيح كبرت مره خخ أحح بس اول مره ادري اني عقلت وصرت كبيره .. نايف مقرب يطق الواحد والأربعين اححح كبرنا مرره خخ !
صار عندي عيال .. مرهـ يجننون .. يمكن ماتعرفون إلا مجود احسن بعد خلني أعرفكم فيه بشوبش معي .. أحبهم أكثر حتى من أي شي عدآ شي واحد إسمه أبوهم خخ ..,
سوير أستحي .. يلا بسم الله ..
المذكره الأخيره .. تاريخ 16/1/1431 من بعد هجرة آلرسول إلى آلمدينهـ .. ودآمنآ ذكرنآهـ صلوآ عليهـ ..,
تم ترجمة التاريخ وفقا لان الظروف ماتسمح أكتب تاريخ بالانجليزي خخ ..
صحيت الساعه أربع بس مو على طوت المنبه .. ولا على صوت نايف .. على صوت جوالي ناظرت الإسم والله ذا البنت ماتستحي داقه على الخلق ذا الوقت .. خخ مطيحه معي الميانه وعادي خخ ..
وعموما رديت لاني اعرفها إذا مسكت على الخط ماتتركهـ ..
قلت بصوت كله نايم : ياليل المزعجين اللي مايستحون وجيهم مغسوله بمرق ياليل القهر ..
سمعت صوت ضحكتها .. احبها !
مو ريم .. ولا نجلا ولا ضيا ولا فلوة ولا هبه ولا جيهان ولا سما .. ولا نجوى ولا نهى ولا نوير ولا أي أحد !
هذي سلمى بنت خالة نايف .. أيهـ سلمى ولا حد يستغرب الكلام معها بهدوء وأعتذاري عشان الحب يتعمق ورزّة وجهي لها كل يوم خلتها تجاملني لين علمتها منهي ساره العلي ..
أيه اعتذرت على شي ما أخطيته .. وهي إعتذرت كثير وأنا .. مسامحتها !
سلمى : تراه أذن كثر الله خيري داقه أقولك وأصحيك لاتطوفك الصلاه ..
تأففت : ياسلام وانتي كل يوم صاحيه ذا الوقت وتصحيني والله لأسويها يوم وأقفله ..
قالت باستهبال : عادي عندي رقم ولد خالتي ..
قلت بعناد : وبقفل جواله .. وش عندك بعد ؟!
ضحكت : تلفون بيتكم .. يازيني والله أرج البيت كله عشان تردين .. وهقوتي ماتقدرين تفصلين كل التلفونات أحلى ياسلمى من بكرا بسويها ..
زفرت بضحكه : اخلصصي وش تبين ..؟!
قالت : وش أخلصي ياأخلاق .. بالله من اللي المفروض تدق على الثانيه انتظرتك البارحه عشان رجلي جاء تباركين لي ومادقيتي .. قلت أدق أقولك وبالمره تروعت قلت صاير لك شي .. يلا قولي لي مبروك ..
قلت بنفاذ صبر : الحمدلله على سلامته ماطول كلها إسبوع ؟!
شهقت : سوير .. الله ياخذ بليسك وش تبينه اطول من كذا لا حبيبتي انا تعبت بلحالي ..
ضحكت بهدوء مابي نايف ينزعج .. قالت بصوت عالي : نااااااايف !
صكيت أذني .. هي ماتنادي رجلي وولد خالتها .. هي تنادي رجلها وولد عمها !
بنت الذينآ لافه على نايف ولد خالتها وولد عمها محترق قلبه ..,
قلت : وجعاه .. يامال البلا وش فيك ..
همست بحيا : أصبري شوي بقولك متوقعتني بخبي يعني .. " شوي واعتدل صوتها " يختي فيه ناس مايستحون على وجيههم ..
قلت بعناد : من ؟ انتي ؟ أيه بالله أصدق ..!
قالت : أييش أييش ؟!
توقعتها سمعتني فـ سكتت .. بس قالت : لا جد أرفعي صوتك وقولي ؟!
قلت : نايف نايم مابصحيه .. أيه وش بعد ..
أسمع صوت شي ينوكل خخ .. قلت : تاكلين ؟! وش تاكلين ؟!
سمعت ضحكتها : خلني اغذي المخلوقات الحيّه أيه وش عندك .. وبعدين صحي رجلك وتكلمي بصوت عالي خله يقوم يعبد ربه بس ..
عاندت : موب شغلك اخلصي وش تبين ؟!
قالت بتعب : سوير مليت أبي أروح مكان حلو ..
قلت أستهبل : تعالي بيتنا يازينه والله .. الله يخلي رجلي بس ..
سلمى : أنتم تقلدونا .. ليه لاصقين فينا ؟! مافيه مكان تحطون بيتكم فيه إلا جنبنا ؟!
قلت أستهبل زياده عليها : وش أسوي أحب أطل عليكم من الشباك وأرصد حركاتكم خخخ ..
سمعتها : بلا هبال علي .. قومي صلي ..
أبعدت طرف اللحاف بهدوء ما أبي أزعجه .. وقلت : وانا قايمه .. خلاص لا خلصت بدق عليك ..
سمعت همسها : أسستح شوي بصلي ثم بجيك ..
فتحت عيوني : سلمى ! ماصليتي ؟! يأمرون الناس بالمعروف وينسون أنفسهم ..
سمعتها تهمس لي : ساره مدري وش فيه ذاه اليوم .. ودي أقوم أصلي الحين بس مرتز عند باب الحمام فشله أطلع كذا باللبس قدام عيالي ..
وصلت عند بابا الحمام وأتكيت عليه : أقولك طسي الله يجزاك خير .. أمشي جنبه عناد السالفه ..
سمعت شهقتها : أسسستح ..
طوط .. طوط .. طوط .. طوط .. طووط ..!
ناظرت الجوال بإبتسامه .. أيقنت أن رجلها مسوي شي .. إبتسمت بقلبي يارب أنك تسعدها !
دخلت الحمام ثم طلعت كنت أمشي كذا زي مايقولي مجود بطريق خخخ .. جد تعرفون البطريق لامشى أنا كذا .. تحسست بطني بابتسامه ورحت عند نايف ..
همست : نايف !
كررتها اكثر من مرهـ لين فتح عيونه .. قلت : تراه أذن !
هز راسه بـ أيه ولا تكلم ولا كلمه وقام تلقائي وأنا أراقبه لين دخل الحمام .. أبتسمت ورحت صليت ..
بعدها قمت تروشت ثم تمشطت بسرعه ورفعته .. أيه تمام شكلي ونزلت أسفل وبديت أصلح الفطور بوناسه وانا فاتحه باب المطبخ اللي يطل على الصاله الكبيرهـ ..
ممم مالي خلق اوصف البيت اللي يبي يشوفه يزورني طبعن لاتصدقون صدق ماتنعطون وجه خخ .. المهم وأنا أطل شفت نواف نازل يركض متجه للمقلط ..
قلت : نوآف !
لف لي وناظرني .. قلت : حبيبي رح جب الجرايد من برى لجدك ..
كانه اتضايق بس هز راسه بـ أيه هو كذا مايقول لا .. رحمته : خلاص رح كمل شغلك بعدين جبها ..
ناظرني بامتنان وراح المقلط شفته طلع منه وهو شايل كتب واقلام ويصعد فوق بسرعه ..
هزيت كتوفي بابتسامه .. عادي ..!
كملت أصلح الفطور .. لين سمعت " صبآح الورد " لفيت بـ أبتسامه حلوة ..
قلت : صباح الـ ممم مدري كل يوم شي تقوله قضى كل شي .. صباح النور ..,
ناظرني بعتب : ساره وش قلت ؟ لا تصلحين شي صح ؟!
إبتسمت : لا تخاف مايأثر على الحمل .. حتى لو بالشهور اللي كذا الأخيره ..
زفر وشفته جلس على الكرسي وحط راسه على الطاوله : موب القصد كذا .. عليك انتي ..
وقفل عيونه وش به الأخ .. شكله كان توحفه !
قلت بدون اناظره : شكلك كانك حد من العيال غصب يروح للمدرسه .. " وبرقه " مو عجوز ..
همهم بسكون : مره تعبان أبي انوم بأي طريقهـ ..,
وكانه دوبه انتبه لكلمتي شهق : وش عجوز ؟ " صغّر عيونه " واللي يقولك أن الرسول ماجاه النبوه إلا كذا ؟ وأصصلن ذا الحين عقلي كامل !
أبتسمت وأنا احط الأكل وأوزعه على الطاوله : وأنا ما أشوف إلا زاد عقلك خفه ..
قال بطريقه مضحه : أما عآد !
إبتسمت وانا ساكته ثم لما خلصت جلست : طآيب رح جب الجرايد من برى ..
رجع وسدح راسه : لمين بعد ؟!
قلت : لبوك .. الحين بس عرفت مقوله أن اللي بعمره يتابعون سياسه وجرايد .. عقبالك !
ضحك : عناد موب قايم ..
رفعت حاجب : وش رايك انا بعد اللي أقوم ؟!
سمعته : تسسوين خير ..
قلت بتعب متدلع مرهـ : نويف قم رح جب الجرايد ..
سمعت : صباح الخير ..
رفع عيونه وظل فتره يناظرها شوي ولف لي وعلى فمه إبتسامه .. وقال : وش قلتي ؟
ناظرته : رح جب الجرايد !
هز نفي .. وهو يقول : الجمله كآمله !
سمعت نهال : وش قلتي يمه ؟!
مطنشها : سآره عيدي !
سمعت : السلام يآصباح الزفت ..
ناظره نايف .. على طول غيّر كلامه كانه خاف خخ : أقصد ياصباح الزهق .. قصدي الملل ممم قصدي صباح الفطور .. أو المدرسه الجميله .. أأأ أقول لازم يعني صباح شي ؟
ضحكت بهدوء لفني نايف : وش قلتي ؟!
كرر زي أبوه : وش قلتي ؟!
نايف مطنش وناظرني بـ أبتسامه يحثني أقول : هآإ ؟!
قال : يمه وش قلتي ؟!
لف له نايف وأعطاه نظره خلته يموت مكانه : آسسف خلاص ..
ناظرته بـ إبتسامه : وين اخوانك يمه ؟!
لفني نايف : ساره لا تعاندين وش قلتي ؟!
قلت : عادي وش قلت ؟ رح جب الجرايد .. فيها شي ؟!
رفع حاجب : ياسلام ! والجمله كذا كامله ؟! مافيها شي ناقصص ؟!
سمعت نهال : نواف قبل لاتسلم وفر على نفسك محد يرد عليك ..
لفيت عليه : ممم هـ الحين فضيت نواف ؟! إذا أيه رح وجب الجرايد ..
أبتسم وقام .. نايف : أجلسس أنت محد طلب منك ..
فتحت عيني : أييش أييش ؟!
عاند : وش قلتي ؟!
ناظرته : نايف مصخن انت اليوم ؟! راكبك جني أسمه وش قلتي ؟!
إبتسم : قولي كبرتي ومعاد صرتي تعرفين وش تقولين ..؟
سمعت شهقه لفيت ماعرفت من مصدرها بس اللي عرفته الثلاثه يتابعون بـ أندماج ..
قلت : نآيف ! " صغّرت عيوني " ترا أصصغر منك وذاكره بالحرف وش قلت وعناد موب قايله .. " رفعت حاجب " مو انت تقول منت بجايب الجرايد ؟ أنا مابقول !
شفت بنيد جايه .. سمعتها على طول : تبين أجيبهم يمه ؟!
هه ! ماتدري وش السالفه .. !
لف عليها نايف ورفع حاجب : تعالي مكاني وش رايك بعد ؟!
وطت راسها بـ أحراج .. قال : إلا تعالي ملزم عليك إلا تجين ..
قلت بتعب : وش فيك منت براحمني ولا مخلي رحمة ربي تنزل ؟!
نايف : إذا ماكنت خرفتي فـ مافيه غير شي واحد يمنعك " رقّص حاجبه " عرفتي انك قلتي شي غلط وخايفه مني !
نص أبتسامه : يآسسلام ! ودامه غلط ليه تبيني اعيدهـ .. " ضحكت باستهبال " مصدق نفسك اخاف منك ..
سمعت ضحكه اعرفها نهيل .. وقال نايف : أيه باين منتي بقادره تنطقين بها ..
قلت أعاند : أقدر ..
هز كتوفه بـ أبتسامه تدوخ : طيب أثبتي لي ..
نهال : أصصلن يمه وش قلتي ؟!
قلت بضحكه : أخاف تطيح هيبتك قدام عيالك بسس ..
رفع حاجب : وطي صوتك اجل ..
تورطت : موب قايله ..
رقّص حاجبه : أجل يآ " مطهآ " سويير ..!
فتحت عيني أدري يبي يستفزني بسوير وطيت راسي بحيآ وهمسست بـ بحة دلع : نويف ..,
ظل يناظرني فتره وانا مبتسمه بخجل .. رفع حاجب وكانه نسى نفسه : سنين على آخر مره سمعتها !
شهقت نهيل : يوهـ يمه قلتي وش يبي أبوي .. ماسمعت ؟!
ياكرهي لذا البنت لاتكلمت بدلع ودي أفلع راسها خخ ملقوفه ودلوعه ومايعه .. بس احبها !
هزيت كتوفي وأنا أضحك : كذا جات عفويه .. من القهر والله .. يلا هـ الحين قم رح جب الجرايد ..
جلس بتعب وهو يناظر نواف : قم يابوي جبها ..
فتحت عيوني : ياسسلآم ! وفوق كل ذاه وبعدين تقوله هو ..
أكتفى بـ الإبتسامه وهو يقوم ويأشر لنواف يجلس .. ناظرت جآسم : وين اخوك ؟!
هز كتوفه : يمه أرجوك لاتقولين رح شفه هو بينزل أكيد بس يتعبني معه ..
ناظرته فتره ثم ناظرت بنيد اللي قالت : أقوم يمه ؟!
هزيت راسي بـ أيه على طول قامت .. ناظرته : شف الذوق ليتك تتعلم شوي بس ..
مطنش وضارب بالدنيا عرض الحائط ..,؛
بنيد شي راقي .. يعني تعرض خدماتها ومثقفه مرره خخ شكّيت أنها بنتي انا .. يعني صدق عندي شي أحب أني أقرا كتب بس كل وقتي مرتزه على الكتب ما أرحم نفسي .. مستحيل !
شوي وشفتها نازله وهي مبتسمه : كان يتحمم يمه .. وقلت له قال شوي ونازل ..
جلست شوي وجاء نايف أعطاني الجرايد حطيتها قبال كرسي خالي على الطاوله وظليت دقايق وشفت خالي جاء لنا ووراه مرت خالي ..
على طول قلت : صباح الخير ..
هز راسه لي بـ أبتسامه .. وقالت مرت خالي : صباح النور يمه .. وش مصحيك انتي أصعدي أبقي مرتاحه ..
أبتسمت : وش حرمته يمه مخليه البيت كذا وصاعده أرتاح ..
ناظرتني وإبتسمت .. فز جسوم وباس راس خالي : صباح الخير ..
إبتسم خالي بعراضه .. ياكرهي لـ ذا الولد مطفوق ويسوي بلاوي بس خالي يحبه !
وكررته بنيد ثم نواف .. ناظرت نهيل بملل : وش فيك اليوم بعد ؟ أمس رجلك واليوم ؟!
تتدلع مع وجهها خخ مابسبها لانها تشبهلي ..
تميّعت وهي تناظر خالي : جدو يعني ما أحبك إلا إذا بست راسك ؟! أنا أحبك مررهـ ..
يآسسلام !
وخالي شاقه وجهه البسمه ولا كانها قايله شي وعادي والأمر طبيعي .. قسم لولا الحيا فلعت راسها ..,
بدوا يتفطرون وأنا بس أراقبهم وانتظرهـ ينزل .. كل يوم لازم متاخر .. بسس احبه !
شوي وشفته دخل بـ أبتسامه وهو يقول بهدوء : صباح الخير ..
وعلى طول جلس وماترك لهم فرصه يردون .. جلس وهو يحوس بالثوب مدري وش بها لين خلص رفع راسه وصار يجول بنظره وكأنه يبحث عن شيء كان بين إيديني ..
مرت خالي : يالله ساره !
ناظرها نايف : مقرفتني بذا الجبنه ..,
كنت بس مبتسمه .. ودفيت الجبن لمجود اللي أبتسم بس ..
حطه جنبه والتفت لجواله اللي بيده ثم حطه على الطاوله وبدا يدهن بهدوء وانا أراقبه وأراقب نايف .. وأراقب الباقي ..
يكفيني أشوف عيلتي الحلوهـ يتفطرون وربي أحس نفسي شبعت ..,؛
شوي وشفت نواف كعادته يمسح فمه ويدينه بالمنديل لين جاء بيقوم نط قبله جسوم وصار جنب خالي وسحب الجريده بطفاقه مره ..
وهو يقول : أرتاح ياخوي وأنا اللي أقرا ..
رفع حاجب نواف وناظر خالي اللي هز راسه لنواف بـ أبتسامه ..
أول ماقاله : إنا لله وإنا إليه راجعون ... إلى آخره جدي موب لازم أقوله أنت حافظه .. " بدا يقرا " توفي في صباح هذا اليوم ..
شوي وناظر خالي بملل : الله يرحمهم جميعن .. نلف على ممم تبي جدي الأعراس ؟ قل لا .. أحسن لأني ما أحب ذا الحكي الفاضي ..
قام نواف بهدوء واخذ الجريده : بسم الله ..
توه بسم الله بيقرا سحبها منه : أنا أبي أقرا عشان جدي يحبني اكثر منك " مد لسانه " واعدني يشتريلي سياره قبلك ..
فتحت عيني لما شفت شكل نايف وهو رافع عينه والشرر يتطاير منها .. أحس بينه وبين جسوم عداوه !
يمكن لأنه أخذ مكانه عند خالي .. ما أغلا من الولد إلا ولد الولد ..
أيه بالله ان ذا المقوله صادقه ..,
نايف : أييش أييش ؟!
بلع ريقه جسوم وبانت من الحنجره لما أرتفعت : أقصد .. أستهبل مع جدي ..
وإبتسم وسكت .. كسر خاطري ياعمري !
سكت عنه نايف .. ثم فتره وقال بهدوء : ترزّن وعن الطفاقه وأنا حاضر لك .. ماتبي .. والله محد يجيب لك ..!
جسوم يصغّر عيونه : ياسلام ومجود أنت اللي تلحق وراه وغصب شريت له ؟!
بنيد وهي تشلح نظارتها : تحط عقلك أنت بعقل مجود ؟ شف هو بـ سنه ثانيه جامعه وأنت بسم الله دوبك أول ثانوي .. وبعدين أنت مطفوق !
ليهـ مجود مايدافع عن نفسه ويقول كلام بنيد .. هو كذا هادئ .. مايتكلم إلا عند الضروره !
عض على شفته بقهر : أجل عناد منتي براكبتن معي ..
بنيد وهي تناظر الكتاب : الله غني عنك !
عجبتني كلمتها صراحه خخ .. شوي وأنقهر مره : مابقى إلا بنات الإبتدائي " يأشر عليها بضحكه " نونو !
كنت بضحك بس أحترمت بنيد اللي مطنشه ولا كانه هامها أبد ..
نايف : لا عقلت قلي ..
ناظره جسوم : والله يبه والله ما أعرف .. مدري ليه كل الناس يقدرون عداني أنا وحد من ذا العيله ..
هو صراحه مدري من يقصد كنت أبي أعرف .. يعني مستحيل مجود .. بسس ؟!
ناظرته فتره شوي وقالت نهال : أنت الوحيد لا تقصدني ..
هز كتوفه : أنتي اللي فضحتي عمرك وأنا كاتم وساكت ..,
ناظرت نهال مرت خالي بدلع : تشوفين ياجدهـ ..؟!
مرت خالي ضايعه بينهم .. هذي نهال بنت نايف جابر .. إسم أمي ودلع أمي وكل شي أمي إلا التربيه !
وهذا .. جاسم بن نايف جابر .. الغالي عند رجلها .. وغير كذا الحفيد !
سكتت وهي تناظرني يعني شوفي لك صرفه .. قلت : أسكتم بس ..
سكتنا فتره ومحد متكلم الله وناسه أقول كلمه محد يتكلم خخ والله أني بزر ما أفهم شي ..
رفع خالي عيونه لي : ولد عمك ذاهـ ..
رفعت عيني : أيش ؟ .. أي واحد ؟!
خالي بقهر : وفيه غيرهـ ؟ " ناظر نواف " أقرا لها يابوي ..
نواف بهدوء : الدكتور ثامر العلي يرزق بـ طفله الرابع .. " رفع عينه لي " العنوان ذاه والموضوع .. رزق الدكتور ثامر عمر العلي بـ طفله الثالث أتفق هو مع حرمه المصون بـ تسميته عبدالرحمن و...
خالي بقهر : وذاه مانسمع إلا حريمته حامل أو ولدت ومايحطونه إلا بالمقدمه وبالأحمر وعريض .. نص الصفحه عشان ولدت خيير ؟!
لاتزال العداوه بين أهل أمي واهل أبوي يمكن ماتبان قدام الناس بس لحد الآن أقرب شراره .. خالي يطري أبوي وعمي يطري امي .. ووالله مايطيح السب كله إلا علي أنا وفيصل .. الحمدلله يرحموننا ومايقولون قدام حد من الأحفاد !
بنيد : أيه ياخالي لاتنسى هو ...
قاطعها : ذبحتونا بذا الدوا نسمع به ولا شفنا مرضه ؟!
بنيد : لأن الكل راح للمستشفى يتطعم .. وأنت ياجدي رحت معنا !
أفحمته بنيد .. للمعلوميه بنيد تبي تصير دكتوره زي ثامر ولد عمي لأنه مره شآطر بذا الأمور .. تقط احيانا لما يجي يزورني وتجلس معه ويبدي يقولها كذا يصير لما نسوي كذا وهي تطير .. أما ثامر غالبا ما أشوفه يناديها بـ الدكتوره .. ويرجى متى تروح للجامعه ويذاكر لها !
عششان الحب اللي يحمله لي وعششان قلبه مافيه أي كره لي أنا !
إبتسمت : لو على مها ياخالي كل سنه ..
مها يعني أخت ريم وهذا اللي تحبه مالت عليها طايب قولي لي وانا بقوله غصب ترتز له بالمستشفى !
ظلينا فتره ساكتين بعد ما أمرت انا نسكت خخ ..,
شوي وسمعت جسوم : زهق وحنا ساكتين ..
أشّرت له البندري : أشش ..
عاند وناظرني : يمه وش بتجيبين ؟!
سكت عنه بـ إبتسامه .. قال : جد ترا لارحتي تولدين ترا مابنتبه لأخواتي ..
بنيد بدون ماتناظره : الله ...
قاطعها : غني عني .. حافظتها وجالسه تردد مافيك كنترول أنتي ؟! " ناظرني " وش يمه بتجيبين ؟!
نهال : جد يمه أييه نبي بنت ونبي مممم نبيها يمه سهى حلو مره الإسسم معجبني ..
ناظرتها وهزيت راسي بـ لا : لو جات بنت مالها غير نوف ..
جسوم : ولو ولد ؟
هزيت كتوفي : مدري مافكرت ..
ناظرني : اجل أكييد بنت لانك فكرتي بـ الإسسم ..
نهال : يمه مانبي نوف ملينا .. نهال .. نواف .. ونايف .. وبعد نوف ؟!
جسوم ولاول مره يلتقي معها براي : أيه يمه يطقمون !
قلت : عادي .. نهى بنت عمتي رجلها ناصر وبنـ...
قاطعني جسوم : بناتها نجود وانجاد ونجد .. وعيالها جلال وجابر .. ملزمين على النون .. وشهوله مكملين بالجيم أجل ؟!
غريب ! وش دخل جسوم بـ نهى ؟! أما انه غرييب جد ؟!
أبتسمت : لان أبو ناصر أسمه جلال .. شف العيال كلهم بهم جيم ..
ناظرني : بالله يمه ماتقولين لها تاخذني أكمل معهم الطقم ؟ جاسم جابر ونايف قاط بالغلط ..
وكأنها زلة لسسان ما انتبه لها ويقولها كذا .. الله يعينك ياجسوم من نايف خخ ..
رفع له حاجب : منهو اللي قاط ؟!
قال بدلاخه : نايف .. " انتبه " نواف طبعن .. أنت يبه شف يعني ممم " سكت يدور له كذبه " مثلن أنا أسمي جاسم نايف جابر وجدي مثلي ..
انقذه خالي : منهو اللي مثل الثاني ؟!
ناظره بـ أبتسامه حلوة : لأني انا أتكلم عن نفسي فـ أقول انت مثلي بالواقع انا مثلك !
خالي ؟ تعالوا بسس شوفوا وجهه ..!!
مبسوط يموت في شي أسمه حفيده .. وإذا كانت ميوعه نهول عند مرت خالي عسل .. وطلبات مجود عند عمتي أوامر .. فـ كلام جسوم عند خالي درر رغم أنه مايقول إلا كلام زي وجهه خخ ..؛
واللي رايحين .. نواف والبندري !!
نهال : يمه نبي محمد لو جاء ولد ..
هه ! طبعن نسيت أقولكم .. محمد بن فيصل العلي له نهال بنت نايف جابر .. أسسم أمي وأبوي ..
وماجد عمران .. له سلمى العلي بنت فيصل .. أسم عمتي ورجلها ..
ناظرت الساعه كان باقي وقت يفطرون لفيت اناظر مجود شفته يقطع الخبر صغار صغار بملل وهو ساكت وشوي يناظر جواله وشوي يكمل يقطع لين رن على طول ناظره ورد بهدوء ..
وهو مبتسم : أهللين " يصفر بنطق السين دلالة على الوناسه " سوسو العلي ..
شوي واخذ الشوكه وهو ياكل الخبز الصغير وهو يهمهم بهدوء وهو مبتسم وهز راسه وكأن المتصل يشوفه !
شفته يتكلم بهدوء ناظرته وهو يحرك شفاته عشان أفهم خخ ..
مجود : والله قلت بدق لك بس خفت تطلعين نايمه ولا مشغوله .. " أبتسم " وربي انتظرك !
شوي وفتح عيونه على آخرها وبان بقوه لونها الفاتح : سلمى !!
أول ماقالها لفت نهول وهي فاتحه عيونها .. أنتظرته يخلص وحط جواله وهو مبتسم وبدا يحركه الشوكه ..
نهال : وش سوسو العلي ؟!
قلت أبرر بسرعه : نهال ! أستحي يمه أخوك الكبير .. وبعدين أنا ممكن حد يقولي سوسو العلي ..
ناظرتني : بالله يمه ! وانت جالسه معنا .. إسستهبال هو تدقين له ؟! وبعدين سمعته يقول سلمى " رفعت عيونها " أعتررف مجود وش تقول لسلمى بنت خالي فيصل ؟!
يامكثر لقافتها ذا البنت !!
رفع عينه وكأن الامر ضروري يحتاج منه يبذل مجهود عشان يتكلم : وش سلمى بنت فيصل ؟!
نهول تغمز : أعتررف بسرعه !
رمش بـ بطئ : أمي .. عادي ..
نهول بزهق : لا والله إستهبل على غيري .. هذا أمي قدامك .. وش فيكم متفقين انت تقول هي وهي تقول أنت ؟! أما سلمى ماتستحي .. أجل أنا لاصقتن جنبها بالصف وتكلمني يوميا وماتقولي ..؟!
مجود عرف أن عقلها شوي منه طاير من الصدمه : أقصد جدتي يعني ..
نهول : أيهـ وأنا بصدقك .. أصصلن جدتي إسمهآ ليلى ..
آححلى ! غريبهـ أنا ماعرفته إلا يوم قربت أطق الـ 24 وهي كذا بالجاهز تقولها ؟!
مجود زهق منها : جدتي أنا .. أم تركي أبوي .. أفهمي !
طاح وجهها وقالت بدلع مايناسب المصيبه : آسسفه نسسيت !
سكت عنها ووقف وهو يناظر نواف اللي على طول فز معه .. أما جسوم كان يستهبل وجالس يناظره ..
جسوم : تبي شي ؟!
مجود : ماتبي تقوم .. ظني أنت معي ؟!
هز راسه وكأنه يبي ينبّـه نايف : لا أبوي اليوم مايبيني أروح يقولي بروح معك نشتري لك سياره لأنك عقلت .. صح ولا انا غلطان ؟!
انتظر رد نايف بس مانطق ولا كأنه مهتم له أصلن .. مجود صدقه وباين انه ماكان معنا أصصلن بعقله ..
شوي وهز راسه : خلاص أجل .. تبين شي يمه ؟!
أبتسمت له : لا بس أنتبه وانت تمشي بشويش وانتبه لنفسك وأخوانك ..
نقز جسوم لما شافه مشى : أقول ماصدقت ما أجي لا حبيبي بجي معك عشان أبوي يصدق أني ترزّنت ..
ناظرت نايف كان يناظر بناته ينتظرهن يخلصن لين قامت بنيد : ماتشبعين أنتي ..
وقفت نهول برشاقه : شوفي بسس " لفت لها " حلوة غصصب عنك !
هزت راسها بنيد وهي تلبس نظارتها : يلا لا نتأخر ..
مشيت لـ بنيد وسحبت النظاره .. تقهرني لا لبستها هي ماتحتاج بس يقالها تقلد ثامر ولد عمي !
ناديته : نايف !
لف لي وهو مبتسم .. تقربت لمه : ممم اليوم يمرونني نجوى وسلمى وضيا مرت سامي ولد خالتك ومروى ..
رفع حاجب : يعني ؟!
سكت وأنا منحرجه كيف أقولها .. وكأنه فهم : يعني أصرف نفسي قصدك أها .. الساعه كم طآيب ؟!
قلت : ممم هو العيال بيكونون يذاكرون عشان تعرف الإختبارات مقربه وو .. " ناظرته " أنت مدري على الساعه مممم ..
إستحيت كيف ياربي أقولها ؟! فشله يعني صراحه ..
ناظرني بإبتسامه وكانه يقرا عيوني وطيتها .. قال : اها قصدك راجع من شغلي ؟!
إبتسمت بحرج مرهـ .. يعني واحد راجع بينوم أصرفه لييهـ ؟!
ضحك : طآيب خلاص ولا يهمك .. منحرجه وكذا ..
طلع وهو يضحك أما انا طايح وجهي صراحه .. بس الحمدلله عدت على خير ..!
رحت بشيل الاكل شفت مرت خالي ساعدتها رغم أنها تضايقت لأني على قولها بالشهر الثامن !
أما خالي كـ عادته أنتظر فتره ثم راح لشغله .. وبقيت أفكر وش أسسوي لين مايجون ؟!
تروشت بعد ماصلحت الغذا ورتبت كل شي لبست بلوزة طويله أشبه ماتكون بفستان الحمل بس قصيره هي بلوزة طبعن خخ ..
عموما لها تنورة قصيره حلوة من نفس اللون بنفسجي .. ربطت خيوط بعد الصدر فضيه وأكسسواراتي فضيه شسورت شعري ورولته رتبت وجهي بـ كحله وقلوس بسيط وعادي نعل الحمل .. رتبت شكلي ونزلت أول من جاء سلمى خخخ ..
شهقت : سوير تجنني ..
قلت : لا تحسدينني بس .. أدري أدري اجنن .. حتى أنتي ..
وقفت بغرور : لو ماني بحامل جبت فيك العيد ..
إبتسمت : وينهم فيه العيال ؟!
وكانها تبسّمت لذكرهم : الريم نايمه ومعها أخوها أحمد .. ومهوي وسوير عند مرت عمي ..
ناظرتني : بالله هذي عبايتك ؟ لاتقولين بتطلعين وأنا قطيت ؟
ضحكت : لا بس لامنه فيصل جاء مع نجوى بطلع أشوفهم ..
رفعت حاجب : يمكن يجيبها ولدها ؟
ضحكت : لا هي قايلة لي بيخرجون كلهم البنات بيجون عشان بناتي والعيال مع ابوهم .. يمكن يبقون مع عيالي .. ويمكن يمشون مع فيصل ..!
ضحكت : مايلوق ترا لا قلتي عيالي ..
أبتسمت : أحـم حسسيني مره أنك كبرتي وعقلتي ..
جلست معها : ونايف ؟!
تستهبل : رجلك مدري وينه بس رجلي بالبيت ..
قلت : هيهيهي ماتضحكين ترا ..
شوي وفتحت الباب نهال ودخلت وهي تتمشى يمين ويسار ووراها البندري اللي أنتبهت ..
همست لي : وراها بنتك كذا ؟!
ضربتها : وجعاه قولي آمين مابها إلاا العافيه .. " ناديت " نهوول ..
لفت ودوبها انتبهت : معليش يمه بتروش مرره أحس قرف وبنزل .. كيفك خالتي ..
ومشت قبل حتى ترد ..
لما جات مروى كانت معها بنتها الوحيده شروق والباقي ولدين اكيد مايبقون معنا خخ ..
وجات ضيون واللي جابها الوليد خخخ طبعن ولدها .. ومامعها بنات لأن أصلن ماعندها ..!
واخيرن شرفت حرم الإستاذ فيصل .. على طول لبست عبايتي نادتني البندري وقالت بتطلع معي تسلم ونهول طبعن أكيد عششان شي نعرفه خخ وطلعنا ..
قلت : كيفك ياخوي ..؟!
رفع عينه وناظرني فتره : أهليين .. وينك فيه أنتي الجمعه اللي طافت ؟!
رفع عينه وناظرني فتره : أهليين .. وينك فيه أنتي الجمعه اللي طافت ؟!
إبتسمت بس .. قال : هممم وشخبارك بعد ؟!
أبتسمت : الحمدلله تمام ..
لف على نهول : وشلونها مرت ولدي ؟!
إبتسمت وهي ترف بعيونها : تمام الحمدلله .. وأنت ؟!
هز راسه لهآ .. لفت تناظر سيارته : وشلونك ولد خالي ..؟!
والله أنها ماتستحي على وجهها .. تلقف عمر طبعن جاي على الأشهر الأخييره فـ صار بأول ثانوي مفترض أنه يصير بثاني خخ ..
عمر : أهليين بنت عمتي وشخبارك .. أنا تمام .. نازله عليك الاخلاق تسلمين علي ..
نهول أنحرجت : الحمدلله انا بخير .. شخبارك محمد !
أيووهـ وصلنآ .. ناظرها : أهليين هلا وغلا .. عاش من شافك وينك فيه ماتنشافين ..,
رفعت حاجب لفيصل اللي بس إبتسم لي ..قلت : شخبارك عمر ؟!
أنحرج : اهلين عمتي وشخبارك الحمدلله تمام وشخبار العيال الحمدلله تمام وشخبار أبو العيال الحمدلله تمام وشخبار ولد خالي ؟!
ضحكت : شمعنى ولد خالك اللي تسأل ؟!
عمر : اللي مايبان إلا بالسنه حسنه ..
إبتسمت .. سمعت محمد : وشخبارك عمتي عساك طيبه ؟!
طبعن محمد نعرفه وهل يخفى القمر خخ جنن العالم على ماعقل .. بعمر مجود بس أكبر منه بشهرين تقريبا .. الكبر شين ينسّي خخ ..
قلت : الحمدلله تمام ..
لفيت خلاص ناويه أروح .. سمعت عمر : بنننت !
لفينا حنا الثلاث وكأنه إنحرج لما شافني لفيت .. بس قال : ليهـ جايه دام مابتسلمين كمال العدد ؟ ولا ماتبين تزعلين أمك ؟!
سكتت عنه بنيد : شخبارك ...
قاطعها : الحمدلله تمام .. وانتي ؟!
بنيد : شخبارك خالي ؟!
ياعندها ذا البنت فوق كل ثقافتها ماتحب حد يقط عليها .. أبتسم فيصل : ياحلوك خالي اجل ؟!
إبتسمت له وراحت اما نهول نظرة نظرة آخيره للحبيب العاشق وثم راحت خخ ..
أبتعدت ودخلت للبيت شفت نجوى ياحلوها .. قلت : هـ المره ماحملتي مثلي ؟!
ضحكت : لا والله ..
العنود طبعن بعمر بنيد .. العنود : وشلونك عمتي ؟!
هزيت راسي : الحمدلله تمام .. وانتي ؟!
هزت راسها بـ أيه : البندري فوق ؟!
قلت : أييه .. تقدرين مافيه عيال ..
لفيت على سلمى وقلت أقلد أخوي : وشلونها مرت ولدي ؟!
طاح وجهها وهزت راسها .. نجوى : بشويش على بنتي ياساره ..
ضحكت : والله أسألي رجلك وش قال لبنتي خلاص .. وولدك عمير شوفي وش قال ..
سلمى : الحمدلله تمام ..
أشرت لها : نهال فوق تقدرين ..
باين أن سلمى بعمر نهول .. وصعدت لها طبعا ..
لفيت لنجوى : ماعندك بنت بعد أسلم عليها ؟!
رفعت حاجب : ليهـ أنتي عندك بنت ثالثه ؟!
ضحكت وقالت مروى : يمكن .. يعني واحده للحين ماجات تصير بنت ؟!
ضيا : أييهـ صدق .. الله يرزقني بغثا البنات خخخ ..
اللهم آمين .. قلت : وينها شروق أول ؟!
مروى بسرعه تبي تعرف : فوق مع بنتك ..
قلت : بنييد ؟!
مروى : يووهـ لاتطولينها أيه ..
قلت : بقولكم بس لأن مروى أخت نايف وسلمى وضيا خوياتي ونجوى مرت أخوي وبنت عمتي .. بس لو سمعتها طالعه بصراحه مابي نايف يدري عناد ..
ضحكت ضيا .. قلت : موب نوف تراه طلال ..
صفرت نجوى : أحححلا ..
رميت عليها المخده : وجع أسكتي لحد من البنات يسمعك ونجيب العيد والله ..
سلمى : حسسافه مثلي ولا قلت يلا بحجزها لولدي .. خلاص بقنع نايف يسميه طلال ..
إبتسمت وبس .. وديـ أرجع صغيره بعمر البندري او نهال .. ودي أعرف وش يتكلمون فيه .. ودي !

بقينا نسولف عادي ولا كأننا متزوجات وعندنا عيال طولنا خخ أحلا شي تواجدك وسط اللي تحبهم ويحبونك تظل شفاف معهم ماتنافق ولا تجامل .. تستهبل .. وتمزح .. ولا أي شي يضايقهم ..!
لأنهم يفهمون أنك ماتقصد إلا أنك تتكلم معهم .. أششتقت تسمع سواليفهم بـ معنى أصح !!
بعد المغرب ..
سلمى : جالسه على قلبك مو قايمه ..
قلت أستهبل : فكيني يختي أحفظي موية وجهك وطسي لبيتك .. رجلي مسكين عشان حتى ماتتضايقون مصرفته .. طسسي ..
قالت تحرني : كسسر خاطري .. ورجلي ياعمري غاطس بنوم عميق بعد يوم شاق ..,
نجحت أنها تثير القهر عندي : أجل خلك ماتضرينني .. بدق له ..
قالت تعاند : ماتاخذين راحتك لأني هنا ..
صكيت على أسناني : ويقالها خويتي بعد .. طلل !
ضحكت لي : سوير وش فيك ؟ والله أستهبل معك ألحين قايمه .. تراني زعلت على الطرده ..
شوي ومن صدق قامت لحقتها : سلمى ..!
لين جات تفتح الباب : حلفتك بغلا عيالك إلا ماتزعلين كان قصدي أستهبل معك .. وبعدين أنتي بديتي تقهرينني بكلامك والله حياك عادي ..
ساكته عني .. لفيتها : سلمى آسفهـ ولا تزعلين ..,
رفعت عينها بضيق : أنتي ماتعتذرين !
وكاني فهمتها تقولي عادي .. لانها يوم أعتذرت أول مره على طول سامحتها بدون حتى ما أعاتب !
تضايقت : لا انا أكلمك لأني ساره خويتك .. وانا أستهبل معك وكانك زعلتي ...
قاطعتني : لا مازعلت " ضحكت " سوير من جدك انتي عندك عيال وانتي كذا ؟! والله بزر ..
وطلعت كذا بتركض .. خفت عليها حامل حرام : سلمى بشويش لا تطيحين ما بلحقك ..
لفت علي وهي مبتسمه : أحبك مرهـ !
طلعت وانا مبتسمه لحقتها بعيوني لين وصلت دخلت ودقيت لنايف فتره بعدين رد علي ..
إستحيت لما سمعت صوته نايم : آلووو ..
أحب نآيف لما يمط الواو في ألو .. من يومه وهو كذا !
قلت بهمس : نايف وينك فيهـ ..؟
سمعته يكح يعدل صوته : أبد .. ناقصك شي ؟!
هزيت نفي كانه قبالي : لا .. بس قصدي .. تجي ..
نايف : لا خلاص ببقى هنا ..
كنت أبي أسأله وين خفت انه متزوج ولا شي بس أستحيت .. قلت باصرار : لا تعال .. إشتقت لك ..
سمعته يكح : حد فيهـ ..؟
قلت : لا .. بتجي ..؟!
سمعت همهمه منه إبتسمت أحسسن .. قلت : أنتظرك !
قفلت وانا مبتسمه شفت العيال وراي طاح وجهي مسرع ماوصلهم الخبر أن يرجعون !
توزعوا على الصاله شفت بين أيدين جسوم كتاب نهول ...؟!
ناظرته : وش بتذاكر موادها ؟ ولا تبي تذاكر لها ؟!
هز راسه بالنفي وبيده جواله : فاضي لها .. " شوي وقال " نهيل أنزلي تحت أبوي يبيك وشكله معصب ويمسح بكرامتك الأرض ..
وعلى طول قفل .. مدري وش ذا النذاله اللي تنزل عليه فجأه !
نزلت بعد فتره نهال ومسويه نفسها البريئه وماسكه كتابها وتمشي على الدرج وكأن لولا أن أبوها يبيها مانزلت تبي تذاكر .. أيه من الشطارهـ عاد !
شوي ووقفت نهال تهمس لي بخوف : وينه أبوي ..
شوي ودخل نايف ظل يناظرني فتره شوي ورفع حاجب بنص إبتسامه وطيت راسي ..
ناظرت جسوم بضحكه شفته منفجع .. قال يصرف : نهال حبيبتي .. تراني غلطت وقلت لك أبوي بس تراها الماما .. " ناظرني برجا " أمي قصدي ..
عصبت : كذاب .. أنت تقوله معصب والله أنتبهت ..,
راح فيها الأخ .. نايف تنهد ثم قال بحده : قل لي أنت متى تعقل ؟!
لما يتكلم نايف بحده عيالي يخافون ويرتجفون .. وانا .. أحس أني أذوب لانه رجآل !
ناظرت نايف يعني ترفق به سكت عنه وإبتسم بحنان : يابوي والله ما أحب أعصب عليك .. بس لاتخليني أنت أعصب بـ أفعالك ..
جسوم يبرر : والله كان قصدي تنزل " يأشر على كتابها " تذاكر .. تخيل كتابها بـ بيت خالي !
شوي وقال : والله عقلت !
إبتسمت بس ولفيت عليه بسرعه وانا أهمس له : وين كنت فيهـ ..؟
عقد حاجبينه : عادي ..
والله بارد ولا يدري .. بعتها : سمعت صوتك نايم .. " بلعت ريقي " نآيف أنت متزوج ..؟!
سكت فترهـ ينآظر عيوني هبلا أنا والله أقوله ذا الكلام !!
بلعت ريقي وناظرتهـ فترهـ .. ثم إبتسم وهز رآسهـ بـ أيهـ ..!
حسيت العبره وقفتلي بنص حلقي لاراضيه تبلع ولا راضيه تطلع .. شديت على يدي اللي كانت ضاميه يدي الثانيه .. ثم حركتها ومشّيت انفي وأنا مبتسمه ..
كان بس يناظرني وكأنه يراقبني ويشوف وش ردهـ فعلي لما قالي ..
أبتسمت أكثر وانا أضغط على بطني .. أو على طلال .. طلال تحس لي زي ماكان مجود يحس لي ؟!
طلال تحس لي لاتعبت ؟! وتحس لي وأنا احكي لك ؟!
رفع لي حاجب .. أبتسمت بعبرهـ : للأسسف أني ما أقدر هـ المره أطلبك تطلقني ..
ظل فتره يناظرني .. مسحت دمعتي .. ساره لا تبكين .. لا تبكين !
ناظرني بإسستفهام .. همست : لاني جربت وشلون اتطلق منك .. جربت كيف الحياه بدونك ..!
إبتسمت له أكثر ووليت ظهري وصعدت بهدوء ولا أبي احرك سكون ولا ينتبه لي حد من العيال .. كذآ !
أول ما إنسدحت على السرير طاحت دمعتي .. وتطلع معهآ الآهـ ..!
اتخيل شكل نايف مع أي بنت .. مهما كانت .. ما أتخيل !
يمكن لأني من يوم ماتزوجت نايف وانا ماأتخيله إلا لي أنا .. وليتني تخيلت قبل ..
شهقت من البكى .. أقول لفيصل ؟ عشان يتهور ويتدخل في حياتي .. هـ المره عندي غيري .. عيالي .!
ولا أقول لأمي .. ولا أبوي ..؟!
الأفضل أحكيلك أنت ياطلال .. لأنك داخلي .. وأكيد تحس بآللي داخلي ..,؛
نآيف ..!
يهنآلك تنزل تحت أنت وتبقى .. وتبقى سآره فوق تبكي عليك وأنت ولا تدري ؟!
يهنآلك يانايف .. وانا حامل تقولي كذآ ..؟!
يهنالك .. أعيش طول عمري كذا .. مدري كيف أعيش .. تحصيل حاصل ؟!
يهنآلك حبيبي .. يهنالك يانايف أختم القصه حزينهـ ..؟!
يهنآلك .. أن الأجزاء آللي أذكرك بالخير قليلة مرهـ .. والباقي كلها لا ؟!
وأسألك بآلله يانايف .. يهنالك تتزوج ..؟!
مسكت جوالي بشهقه وأول رقم .. عند منهي اللي أقرب لي من روحي ..
سلمى : ولا تحاولين تراضينني .. ولا تفكرين اني زعلت اصصلن .. يعني مشتاقة لي .. تكفين قولي أيه ؟!
شهقت ببكى : سلمى !
تروعت : وش فيك ياساره ؟!
بكيت بعذاب : مو فيني ياسلمى مو فيني .. " همست " في ولد خالتك ..!
سمعتها : نايف ؟! وش فيه ؟!
طاحت دمعتي بإنحراف السيلان لما إنسدحت : والله ياسلمى يومني دقيت له يومك طلعتي سمعت صوته نايم ..
ضحكت : بالله ساره بس كذا عادي ..!
بكيت : وش عادي ..؟ وأنا دوبني سألته نايف انت متزوج قالي .. أيهـ ..؛
سمعت شهقتها : أحلفي قالك إيه .. وشلون وانتي ؟!
شهقت بونّه : ما تسأليني تسألينه هو .. ما أتخيل شكله أبد ..!
سكتت فتره ثم قالت : خلاص حبيبتي ولا تبكين .. ولا تزعلين نفسك .. مصيره يعرف قدرك !
بس سآكته وش أقول أصصلن ..؟!
سلمى : أهم شي ماتتهورين زي المره اللي طافت .. أنتبهي يالغلا ولا تقربين لم الطلاق .. أنتي موب بلحالك .. عيالك وشلون يتشتتون .. ماترضينها ..
سكتت .. أسمع كلامها .. أسمع لها .. ومفترض انها تسمع لي .. بس الأفضل إني أسمع لها ..!
لاني مدري .. وش بقول .. ولا أصصلن ماآعندي رد لو قآلت وش بتسوين ..؟
كملت : وغير كذا يا أمي انتي حامل .. أنتبهي تغلطين .. انتي ماقصرتي بس الغلط من ولد خالتي .. والله تفشلت منه حتى ولو كان ولد خالك ..
سكتت فتره ثم كملت : لاتبكين أهم شي .. أمسسحي دموعك وعادي عيشي طبيعي .. أهتمي فيه أكثر أسألي عنه أكثر ولا تضايقينه .. وهو من نفسه بيرجع لك .. ولا تذكرينه بأي شي خلك سآره .. حتى لاتبكين قدامه !
بكيت أكثر .. من كلامها وبس .. تأثرت !
قالت : أيه ساره لاتبكين قدامه .. وأبكي عندي أنا .. لاشافك تبكين يعرف أنتي تبينه مره ويتمادى شوي شوي .. أما أنا مابسويلك شي ..
شهقت وماقدرت أكتم دمعه تعلقت بعذاب ولا قدرت انزلهآ .. ومسحتها قبل تنزل !
سمعتها خلاص بتبكي معي : ساره أسألك بالله يكفي بكى قطعتي قلبي مره .. أول مره أشوفك كذا !
مسحت دموعي بكفي : آسفه سلمى يمكن ضايقتك ..
سلمى : لا والله ماتضايقيني ..
قلت : بقفل تبين شي ..؟!
سمعتها : لا حبيبتي في أمان ربي .. وانتبهي على نفسك .. حطي قدامك عيالك وحبك .. أنتبهي تتهورين !
هزيت راسي بـ أيه .. وقفلت .. وأنقفلت معها باب السعاده اللي ممكن كنت أفتكر يجيني !

تنهدت وقمت بتعب مسحت وجهي ولميت شعري رفعته وقمت صليت العشا ..
غيرت ملابسي لبست بلوزة بيضآء خربشات فيهآ بالذهبي ..
وتنورة طويله لونهآ أسود بهآ سلاسل ذهبيه .. جددت وجهي بـ المكيآج وبـ إبتسآمه مزيفه ..
ناظرت شعري ربطته ذيل حصآن ونزلت بهدوء وأنا مبتسمه .. رغم أن العبره وآقفهـ ..!
شفته يناظر عياله والله شوي وأبكي مره جديدة .. ناظرني فتره وكانه يسأل وش فيك لابسه كذا ومغيره ..؟
جلست وانا مبتسمه وأنا أسمع جسوم يقول بملل : يمممممهـ ..
رفعت راسي له .. على طول قال : وش فييك ؟!
عقدت حاجبيني : وش فيني ؟!
ناظرني : متضايقهـ ..؟!
بلعت ريقي بصعوبه وهزيت راسي بـ لا .. ظل يناظرني فتره ثم هز كتوفه ..
قلت : وش تبي كنت ؟!
رجع ولف علي : ملل .. ومجود طالع ..
إبتسمت : قل ماجد زي مايقولك جاسم .. وأحترم نفسك وش تطلع ..؟
برطم : أفاا .. وأنا أقول يمكن تقنعين أبوي يوافق .. أبوي مايردك !
إبتسمت أكثر .. ثم قلت : لا وش تطلع أنت عندك إختبارات ..
قال بقهر : حتى مجود .. أقصد ماجد ..
ضحكت له بـ ألم : خلاص أوعدك لاقضيتم من الإختبارات ...
قاطعني : قولي بتقنعين أبوي نسافر بلاد غير عربيه !
إبتسمت .. وش أقنع فيهـ ..؟!
قلت : لا وش أقنع أبوك يمكن مشغول .. شف ممم قل أنت وش تبي ما أعرف كذا .. ولا تقول " أقلده " بلاد غير عربيه .. ماوديـ ..,
مسك كتابه : أجل بحقد على أخواني ..
رفعت حاجب : ليييهـ ..؟
لف لي وكانه من فتره ينتظر السؤال ذاه : وش اللي ليه يايمه .. مجود طالع ومبسوط ولا كل شوي يدق لي " يقلد صوته " جاسم مابتجي .. أدري مو قصده شي بس أنقهرت هو شاف أبوي وهو مارضى ويرجع يدق يسستهبل علي يعني .. والأخ نواف شوفي ..
لفيت عليه ورجعت ناظرت جاسم : وش فيه ؟!
قال بقهر : وش فيه ؟! يبط الكبد وكل شوي أسكت خلني بذاكر .. لا وقبل شوي يقولي أبوي لو ماعقلت والله ولا تحلم بشي إسمه سياره .. وعشان أنقهر أكثر يشتري لنواف ..
إبتسمت له وأنا أحط يدي على طلال : خلاص أجل أعقل .. حبيبي والله أبوك يخاف عليك .. أنت مطفوق ومتأكده بتطلع الفجر وبترجع لليل .. وأدري نص الأيام مابتروح المدرسه .. ساعد أبوك يوثق فيك وتعقل .. ماقلت لك أبقى عاقل " ضحكت " مهما يكون يوحشني هبالك !
إبتسسم لي بقوهـ : ياحوبي لك يمه ..,
شفت نهال فزت أنتبهت جوالها بيدها ناظرتها إبتسمت لي وهي تلفه توريني الأسسم ..
كلنا عندنا بجوالاتنا إسسم سلمى !
مجود عندهـ عمتي سلمى .. وانتي عندك سلمى بنت فيصل خالك .. وانا عندي سلمى ممم هي روحي !
رديت لها الإبتسسآمهـ .. رآحت وظليت أراقب نايف كان بين فتره والثانيه يجي له جاسم ويجلس معه يخطط بكتابه ويفهمه .. وليته يفهمني .. ليهـ بسس ؟!
شوي ورمى جسسوم كتابه بالهوا وطآر .. جاسم : وأخيرن خلصت الرياضيات ..
فتحت عيني : متى مداك ..؟!
طاح وجهه : لان عندي بكرا أختبار بس في جزئيه .. والله ذاكر لي أبوي هـ ألحين يصير أروح ؟!
نايف : لا مايصير ..
فتح عينه : والله وربي ذاكرت !
هز راسه نايف بـ أيه : أدري بس ماتروح خلاص جات العشا .. ذاكر مره من بدري وأنا أخليك ..
شوي وجات نهال وهي تضحك : أحسسن بابا ..
إبتسم لها .. شوي ورمت عليه كتاب : خذ ذاكر ذاهـ خخ ..
كان مقهور منها بس أخذهـ ..,؛
غمضت عيوني وأسندت راسي على الكنبه .. حسيت به .. مو لشي .. لأن قلبي طرق بقووهـ ..
فتحت عيوني على طول خنقتني العبره .. همس لي : وش فييك ؟!
إبتسمت .. ساره لاتبكين : عادي !
ناظرني : تعبانهـ ..؟
دامك قلتي لي كذا .. أفهم أنك معادك صرت تحس لي !
هزيت بـ أيه : تعبت من اليوم .. " ناظرته " تبي شي أنت ؟!
هز بـ لا .. ناظرني : طآيب مستحيل بس كذا ..
بعتها : أييه فيني .. " خنقتني العبره " ليهـ تزوجت .. قلي والله مابقولك شي بس قلي .. أنا وش فيني ..
رمش بعيونه : وش فيك ساره ..؟
همست له : قل لي انت ليه تزوجت ..؟
ناظرني : لأني احبك !
طآحت دمعتي على طول مسحتها : أها .. صح تحبني تروح تتزوج .. الله يعطيك ألف عافيه أجل !
ناظر عيوني على طول وطيتها .. مسح مكان الدمعه : يعني أفهم يومك دقيتي تقولين تعال إشتقت لك كان كذا عشان تتأكدين ..
قلت : أيهـ .. والغيرهـ والششوق .. يعني حب !
همس وهو يمسح على عيوني برقه : طيب وأنا أحبك وين المشكلهـ ..؟
إبتسمت : عادي .. صح يحق لك أربعه غيري نسيت ..
رجعت أسندت راسي .. حسيت به يهمس بـ أذني : وش تحسين فيهـ وأنتي مخليتني طآير كذا وانا أشوف بعيونك قد إييش متضايقه عشان بس قلت كذا .. أيه متزوج .. متزوج من روحي .. سآرتي !
فتحت عيني ورمشت : أحلف طيب ..
فتح عيونه : ماتصدقينني ؟!
إنحرجت : لا .. بس صوتك كان صوت وآحد نايم .. وين كنت فيهـ ..؟
إبتسم : في بيتنآ القدييم ..,
تلاشت إبتسامتي .. شوي وقلت : أحلف طيب منت بمتزوج ؟!
قال وهو يحرر شعري : والله .. مجنون أنا أحب بنت وأتزوج عليهآ ..؟!
قسسم لولا الحيا لميته ومايهمني حد .. بس أدري بيمسكونها علي أبتسمت بـ رآحه .. أحبهـ ..!
تأكدت من شي وكآنت الحقيقه اللي ماقبل الأخيره اللي أكتشفها ..
سلمى نسست نايف والدليل أنها كانت خايفه علي أنا وتقولي لا تتطلقين ولا لو غيرها على طول تنتظر كذا وتقولي تطلقي !
ناظرته بـ أبتسامه : أحبك كثيير !
ناظرته فتره ثم لفيت على عيالي .. أشوفهم وبس ..
سمعت نواف : أششش خلونني أحفظ .. نفحات الصبآ ومهد الخزامى .. نجد ياموطـ..
قاطعه جاسم بقهر وهو يقلده : نفحات الصبا ومهد الخرمى نجد ياموطن الإباء سلاما .. مالت عليك موب حفظ هذي بسس دراسه ..
رفع له نواف حاجب : أنا أدرس موب لجل أنجح وبس .. عشان أستفيد !
جاسم : ياخي موب حفظ ..
نهول بضحكه : لقط وجهك ياخوي ..
قلت : ذاكروا وبس ..
هزت نهال راسها وبدت تخط بالقلم الظاهر وهي تذاكر تخط .. ناظرت البندري اللي كانت متمدده على الكنبه وبيدها كتاب ..
قلت : أنتم موب تقويم ؟!
إبتسمت : إلا ..
جسوم : شف الدفره بتبدي إجازتها !
قالت : إلا كتاب طب شفته بالمكتبه وأخذته ..
إبتسمت : ماشاء الله دكتوره ؟!
قالت بـ أبتسامه : إن شاء الله ..
غمضت عيوني وأنا مسده راسي على الكنبه على صوت عناد جسوم لأخته .. وغفيت !
صحيت لقيت نفسي نايمه على كتف نايف قمت بفشله ناظرت حولي الكل نايم بالصاله قمت بهدوء أنكسسر ظهري خخ الظاهر صدق صرت عجوز ..

مريت على أول شخص وهمست : جسسوم !
جاسم ولدي .. 16 سنه أول ثانوي نومه ثقيل إبتسامته المرحه تعطيك أمل في الحياه أسلوبه الدفش يخليك ماتصدق أن اللي نايم ألحين هو نفسه .. بهدوء وملتف والكتاب على راسه كان كتاب الأدب رفعته على الصفحه كانت قصيدة " بانت سُعاد فـ قلبي اليوم متبول " شفتها شاطب على سعاد وكاتب فوقها نجد .. فتحت الصفحات ونفس الشي في شعر جميل بثينه .. شاطب على بُثين وكاتب نجد .. وكل الصفحات نجد ونجد ..؟!
مين نجد ؟! يبان من القلوب وكلام الغزل نقدر نقول مُجاراة شعريه على نجد ؟
أبي أفهم اللي حط المنهج ذاه يستهبل ولا أيش مايدري أنهم شباب فاضيين ؟! ولا مين نجد ؟!
على آخر صفحه لقيت .. نجد نآصر عمرآن آحبكـ .. فتحت عيني من الصدمه نجد بنت نهى ؟ كيف ماتذكرتها ؟! ناظرت جسوم مصدومه ..
عشان كذا لما قال نواف قصيده عن نجد قاله موب حفظ .. الولد يغار حتى على الإسسم .. هه ياحوبي لك ولا يبان عليك صدقني والله لأذبح عمري لين تاخذها ..
همست : بمر أخوانك وبرجع لك .. ويلا قم !

إتجهت لنواف .. نواف ولدي 14 سسنه ثاني متوسط ترتيبه في الدفره بين أخوانه الاول ثم البندري ثم ماجد ثم نهال ثم جسوم .. وجسوم حتى الأخير حرام فيه .. نواف ولدي غيير هادئ منطوي .. مايحب يرفض أحد حتى لو كان به ضغوط وإلتزامات عليه .. فتحت كتابه بحماس وكاني متشوقه أكتشف عالمه .. مرتب وكامل ونظيف .. فتحت دفتره وبديت أفر لقيت رسم بنت ما أمداني أفهم وأحلل الصورة بعقلي إلا وإسمهآ تحت .. آلعنود آلعلي ..
ناظرت نواف .. العنود ؟! وربي ماخطر على بالي أبد
هه ! والله وطلعت فنان بالرسم صدقني وعد أنت لبنت خالك .. والصبآح لو ربي يبقيني بدق على طول لنجوى أقولهآ ..!
همست برقه : نواف قم ..!

إبتعدت عنه إلى نهال .. نهال بنتي 15 سنه .. ثالث متوسط .. دلوعه وجرئيه .. أحيانا ودي أفلع راسها إذا تدلعت لأني ما أحب بطبيعتي الدلع الزايد .. لما تتدلع علي او تبرطم احس ببراءتها فعلن ..
رفعت كتابها وطويته بدون ما أقراهـ عارفه كل شي عنها لأنها ورقه بيضاء كل شي تحكيه لي وأهم حياتها محمد ولد خالها أو خطيبها نقدر نقول !
حتى بطريقة نومها دلع وبرستيج ..
همست : نهوول ..!

إتجهت لآخر شي .. وهمست : البندري !
البندري بنتي 12 سنه سادس إبتدائي .. اللي يسمع حكيها يقول أنها كبيره ويحلف أن عمرها نهاية العشرين واللي يشوف حجمها الصغير يقول حتى ماتفهم الحروف ..
مره سألتني ليه ما أدلعها وأقول لها بنيد .. الظاهر تكره ذا الدلع ولما قلت لها مافيه غيره قالت قولي يالبندري زي ماتقولين لنواف يانواف .. ولما قلت إسسمك طويل قالت أنتي تنادين جدتي مرت خالي وبقد الحروف ..,
كتومه بقوه وطموحها تكون زي ثامر ولد عمي .. هاديه ورزينه ودي أقتحم عالمها الخاص ولو مره لأعرف مشاعرها على وين متجهه ؟!

تحركت اخيرن لنايف .. وهمست : حبيبي !
فتح عيونه بـ أبتسامه : صآحي من يوم قمتي ..
همست : وليه ماقمت ؟!
نايف بـ إبتسامه : وحشتني حبيبي من لسآنك !
قام بهدوء وإتجه لنهال وشالها وشكل شعرها وهو يتمايل بدلع خلاه يبتسم مر على جاسم وأول ماناداه على طول صحى شبك نايف يده معه لانه يتمايل .. رحت للبندري وشلتها
سمعته : يكفيك أأ .. " وناظر طلال " يكفيك ...
كملت : طلال !
ناظر عيوني على طول وطيتها وانا مبتسمه رحت لنواف وعلى طول شبكت يده بيدي ويده الثانيه مع أخوه جسوم وصعدنا .. تعددت الأشكال والمُبتغى وآحد ..!
نزّلت البندري ونايف نزّل نهول وكل واحد إتجه لغرفته رحت غيّرت ملابسي ورفعت شعري وإتجهت للباب ..
سمعت نايف : ويين ؟!
إبتسمت له : نم .. يمكن أطول ..!

طلعت من جناحنا ورحت لغرفة جسسوم كالعاده الحاله حاله وهو منسدح على الكنبه بثوبه جهزت له بيجاما وقومته لبس وإنسدح على السرير تنفست متعبني لزوم ألحفه أنا ..
غطيته وبسته قفلت النور وطلعت لغرفة نهال .. كانت تدور بالغرفه وتفتح الدواليب والأدراج ..
قلت لها : نهال وش فيك ؟!
قالت وعيونها باقي فيها النوم : يمه كان فيه ورقه صغيره لونها أخضر فيها إسسمي وعمري مالقيتيها ؟!
إبتسمت .. تهذي !
رحت لمكتبها واخذت ورقه خضرآ وكتبت .. رحت لها : هذي ؟!
رفعتها : أيه ..
قلت : يلا أجل نامي ..
قالت : لا يمه بعد شوي تجي نجوى مرت خالي وسلمى ومحمد مدري يمه وش ألبس ..
إبتسمت وطلعت لها بيجاما : ألبسي هذي
وفعلن لبستها وسدحتها على السرير وغطيتها وأنا أسمعها تقول : الحين يمه يجي محمد يمه وربي أحبه حتى هو مره قالي كذا ..
أول مابست راسها على طول سكتت طلعت بعد ماقفلت النور أتجهت لغرفة نواف ..
كان مغير ومنسدح ومتغطي وقافل النور بست راسه ووطلعت .. مشكلة نواف كذا يسوي كل شي لنفسه مايتعب حد .. أحيانا أنسى أن عندي ولد إسمه نواف موب بالضبط بس مريحني ويسوي كل شي لنفسه ..!
رحت للبندري كانت منسدحه وتناظر السقف كعادتها إذا حد صحاها ماتنام إلا بالشده .. رحت لها وسدحت راسها على رجلي وأنا أمسسح على شعرها وهي ساكته ..
سمعتها فجأه : يمه بقولك شي .. بس لاتعصبين .. أحسك ماتهتمين لي يمه زي نهال ..
همست : ممم وليه لا ؟!
سمعت صوتها خلاص بتنوم : مدري ليه يمكن عشانها الكبيره .. بس أنا الصغيره يمه ..
سكتت فتره : وش بعد يالبندري ؟!
قالت : يمه هو ليه كذا قليل ادب ؟!
فتحت عيوني بقوه : منهو يمه اللي تقولين عنه كذا ..؟
همست بصوت نايم مررهـ : عمر ولد خالي فيصل .. يمه متخيله أنه يجي لي يقولي يحبني .. يمه أنا احبه بس ماأحب يكون معي كذا .. مره قالي أنا بدخل الطب وأبيك معي .. يمه عندت وقلت له لاتقلدني رغم أني ماكنت أبي أدخل طب .. بس عشان مايقولي أقلده .. يمه بروح معه عشان مايناظر يمين ولا شمال .. والله يمه أخاف عليه .. يمه بعدين لاصار عندي بنت بسميها ساره ..
خلاص بان لي أنها نامت بس تهلوس : يمه فيه شي بعد بقوله لك قالي نواف بس وربي ماتقولينه له ولا تزعلين .. قالي أنا أحب أمي بس أخاف أقولها وتفهم بس إني أحبها .. يقول يمه هو يحب أبوي بس لأنه رجلك رغم أنه مايصارخ عليه ودوم يهتم به .. يمه صدق حنا نحبك .. تخيلي فيه بنت معنا ماعندها أم ولا أبو و...
قاطعني سيلان الدموع .. حطيت أصبعي بـ فمها : أشش
سكتت .. مسحت على راسها وبستها وطلعت .. دخلت آخر شي على جناح مجود .. عالمه الخاص !
  #74  
قديم 10-19-2016, 02:38 PM
 


دخلت آخر شي على جناح مجود .. عالمه الخاص !
ماجاء ؟! ناظرت الساعه 3 إلا ربع جلست على السرير ماله داعي أقرى أي شي لأنه مايحب أي أنسسان يتدخل فيه وإحترام لرغبته .. ساعات أحسه يموت على تراب سلمى وساعات أحسه مايطيق إسمها .. مزآجي !
ظليت انتظر أذن صليت ورجعت ولا هو فيه الساعه صارت 5 الصبح ..
كنت بدق عليه بس فاجأني دخوله .. قفل الباب ووقف عند المرايا شلح ساعته وشال الطوق من شعره على طول تناثر ..
أبعده وزفر .. فجأه شفته يدخل يده بشعره ويحركه بحركه مستديره ..
ضحك بخفه لما وقف وشاف شكله ومسح وجهه بـ إبتسامه .. أشر لنفسسه بالمرايا : أششش ..
ورجع ضحك وإتجه للحمام مد يده لجيبه الخلفي ونظره لقدام للحمام وطلع جواله ورماه وراه وطاح على السرير ..
كتمت دمعتي وأنا أشوف أحب لونين عند أبوه لابسهن الأحمر والأبيض .. نفس الملامح والشكل والعيون والبشره والصوت والتصرف وكأن روحه أنتقلت لولده ..
قلت بصوت مكتوم : ماجد !
لف على طول وناظرني وهو فاتح عيونه ..
ناظرته من فوقه لتحته ومسحت دمعه قبل لاتنزل : أنت وش لابس ؟!
سكت يناظرني .. هزيت راسي بـ أبتسامه حزينه : قل لي .. فسّر تكفى .. وش اللي أنت مسويه ؟!
ناظرني ولما شاف حالتي فضّل الصمت ..
قلت : أنت أييش ؟! ليه كذا ؟! أنا وش سويت لك ؟! مدري يا مجود وشلون أوصف لك وش صار بي يوم شفتك كذا ..!
قاطعني : اهدي يمه خلاص ألحين اغير بس لاتعصبين ..
هه ! مصيبه يامجود منت فاهم أي شي ..
ناظرته : وبكل بساطه أغيّر ؟! ليه غير عن أخوانك رغم أني أهتميت بك أنت وفضلتك أنت .. لما الكل يقولي لا وأنت تقولي أيه أقول طيب .. ما أقولك كذا كذا منّ .. لأنك ولدي قطعه مني .. أول قطعه !
أختل توازني جاني ومسكني : أجلسسي يمه وخلاص معادني لابس كذا بس أرتاحي تكفين ..
ضحكت بحزن : بس تدري طالع حلو ؟!
ناظرني فاتح عيونه وكانه مستغرب من كلامي .. هزيت بـ أيه : بس لا تقلده كثير ..,
رفع حاجب وكانه فعلن تركي نفس ملامحه وحركة الإستفزازيه .. يتجسد به عشان يخنقني .. مسكته وأنا أتذكر نبرة تركي : ياروح الماما !
ناظرته مبرطم ببراءه مسكت دموعي لا أبكي وضحكت .. همست : تشبه له ؟؟
عقد حاجبينه : ميين ؟!
حركت شفاتي " أبوك ! " بس أحبالي الصوتيه ماطاعت تقوله ..؛
عقد حاجبينه : أول مره تقولين !!
إبتسمت وبديت أرمش بسرعه لاتطيح دموعي .. أشرت عليه : لأنك بهذا الشكل نسخه أصليه منه ..
ناظر نفسه فتره بعجب : كذآ ؟!
هزيت إيه : مدري يامجود أنت تبيني أبكي ولا أيش ..
تجمعت الدموع بعيوني : أنا نسيته وش اللي خلاني أذكره ؟!
مسك كتوفي : أهدي يمه !
تنفست بسرعه : من يوم ولادتك وأنا أقوله ياتركي يشبهلك وكل واحد يمر يقول يشبه له .. يمكن ربي كتب انك ماتشبهلي ولا بشي حتى اطباعك عشان كل مره أنسى .. أشوفك .. هذا تركي كيف أنسسى ؟!
مشّيت أنفي بظهر كفي : حتى وأنت ترمش .. يرحم أمك فكني .. خلني أعييش ..
غمضت عيوني فتره ثم كملت : مرة انت سألتني كيف شكله .. تبي تشوف صورته .. بس ناظر بالمرايا .. عماتك نسى أو تناسوا .. 17 سنه مرت وجسمه تحت وروحه فوق ولا أي أحد قادر ينزل أو يطلع لأننا بالوسط ..!
مسحت عيوني لاتطيح دمعتي : تدري لو أمك سلمى شافتك كذا وش أول شعور بتحس فيه ؟! بتقولك ياتركي لاترجع تغيب .. وأنا أقولك ياتركي وين وعدك وانت تقول انك مسامحني ؟! " كملت بهمس " ياتركي ماجد كبر صار يشبه لك صار نفس حالك أم بدون أب .. ألحين حسيت بعمتي لما تدلعه وتطنش الباقي كانت إذا نام تنام وراه وقبل يصحى بساعه تكون صاحيه تستقبله .. تدري أنه متدلع وتشوف شكله لما ينسدح على رجلها تشوف شكله وهو بنت وتقوله تجنن ..
صكيت أسناني : لما تشوف غيرته على بنت خاله تجيلي .. ساره لاتسوين كذا توقف معه حتى بوجه عمي .. لما أشوف نغزاتهم ساره ماتطلع من العيله أقول فال الله ولا فالكم .. وياليتني ماوافقت .. ياليتني ماحبيتهـ ..!
مسحت دموعي : يقول سارتي ماتبكي مهما صار .. صورتك وأنت متشبث بثيابه وكأنك تقوله بابا لا تموت أحتاجك .. لاتفجع قلب الماما .. صورته وهو نازل معي من الطائره ويديني بيدينه .. بليلة عيد ملكتنا نحتفل بموته نرقص على لحن الدموع ياتركي ليه مبرطم حتى وأنت ميّت ؟!
مشيت أنفي بظهر كفي : أول مره أنا بكيت جد من قلب أنت ياماجد صرخت .. أنت ! يقول لاتبكي وبكيت .. وقتها ياويل مايسمع صوتك بس تبكي يجلس معك ..
ناظرت السقف أداري دمعتي : كانت آخر حروف نطق بها كانت لي أنا .. يقولي يآروحي لأني أحبك .. ودامني روح تركي فـ أني فوق معه ..,
نزلت عيوني كان مبتسم وماسك دمعته مسحتها له وهمست : طلبتك لاتبكي انت أقوى ..
الحين حسيت بشعور فيصل .. لمآ أقوله أوصفلي أمي أو أبوي ..
وبإحسساس عمتي وهي تدلع تركي ..
وبـ إحساس خالي وهو يقولي انتي أقوى ..
وإحسساس تركي وهو تطلع روحه ..!
مسح دموعه باترجاف .. همست : لا عاد تلبس كيذا تفجع قلب أمك عليك ..
وطى راسه : آسسف ..
قلت بغصه : ماتوطي راسك ماعندي عيال يوطون روسهم ..
رفعه وإبتسم وظل مكانه أما أنا طلعت من غرفته وتركته خلفي واقف ..
دموعي ماطاحت إلا عند نايف وتركي مستحيل أطيحها عند عيالي .. مسحت دموعي ومسحت معها بقايا الذكرى بكل ألم ..
الظاهر ياتركي ذكراك معي لين أموت ..!
طاحت دموعي تلقائيا سيل بس لأني تذكرت شكل تركي وهو يشيل مجود يومه كان قطعه .. وكيف كان يتكلم معه .. كيف لما جينا نبي نسافر لـ إيطاليا يقولي ما أبيهـ !
أعذرني يانايف المشاعر ماتتبدل بين لحظه وثانيه ..!
أعذرني لأني ماأقدر انسى تركي حبه جرى بشراييني وتخطى كل شي ممكن ينسيني .. قد شفت حد ينسى روحه ؟!
فيهـ شي معقول .. وفيهـ شي لا معقول .. بس حب تركي تخطى اللآ معقول !!
أعذرني يانايف وسامحني لو خنتك بتفكيري .. لعلمك بس حتى تركي خنته بتفكيري فيك .. لأنكم قلبي !
وهذي آخر حقيقه ومن بعدهآ صآإر كل شي من حولي وآضح !
بس حبيت أقولك ياتركي أن أستأذن منك بغير معادلاتك اللي قلتها لي يومني بعترف لك ..
أنا بدونك يعني نايف .. وأنا بدون نايف يعني انت ..
سآره – تركي = نآيف / سآره – نايف = تركي ..,
وناتج جمعك أنت معه يعني حياتي .. نآيف + تركي = سآرهـ ..
وتكرار أو الضرب انت ونايف يعني عيالي ..
نآيف × سآره = عيآلي .. تركي × سآره = مجود ..!
أما القسسمه فـ أعذرني ياتركي رغم أني مقسومه بينك وبينه إلا اني ما أقدر انقسم ..
بس هـ المره بـ أقسم بالله أنكم اختلطتوآ بدمي ..!
أعتذرت لك يآتركي وأنت تموت وماسامحتني إلا عشان الحب ..
ولأن كل شي لازم أساويك بنايف .. أقول اعذرني يانايف ..
أعذرني .. وغلاة أغلا الغالين ..
وغلا عيالي منك من جاسم لـ طلال .. وغلاي أعذرني ..!
عشان نصف قلبي اللي تمثل بحبك .. وعشان النصف الثآني حب خويك ..!
عشان الحب اللي جمعنا .. واللي ضحينا كثير لجله !
عشآن الحب اللي حلفتك فيه يانايف لما كنت بضلوعي وكذب علي فيصل ..!
عشآن الحب اللي حلّفت فيه تركي وما سامحني إلا لجله ..!
عشآن الحب اللي لما قلته لي وافقت عليك يآنايف !
عشآن الحب ..!
عشآن الحب ..!
عشآن الحب يآنايف .. أعذرني !

.: نهاية الجزء الأخير :.
~ The End my sttory
  #75  
قديم 10-19-2016, 03:11 PM
 
وـخلصـت ـآلـروإيـهـ ..
إنـ شــآء الله تـ عجبكم !
وـقولـوـآإ لـيـ رأيكـم .
إنـ شــآء الله قـرأتـوـهآإ بعــد 15 سنـهـ ..
أهـم شــي تقــولــوــآإ ليـ رأيكــم ..!
وإذآ عجبتكـمـ لـآ تنسـوـآإ تدعـوآ لـي _^
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
- ابـن القمــر || ﺭﻭﺍﻳﺔ ﻗﺼﻴﺮﺓ Zackary روايات و قصص الانمي 8 06-20-2016 08:14 PM
القمــر يحسدونة على جمالة وانتم وش يحسدونتك عليه ؟؟؟ اختاري من 1 _ 20 جروحي تنزف احزاني أرشيف المواضيع الغير مكتمله او المكرره او المنقوله و المخالفه 200 11-21-2014 12:11 PM
حقيــقة صــورة صــدام على القمــر !! العربية أرشيف المواضيع الغير مكتمله او المكرره او المنقوله و المخالفه 43 03-28-2007 06:04 AM
عام جديد ... ورحيل القمــر ؟؟؟ طبيب العراق أرشيف المواضيع الغير مكتمله او المكرره او المنقوله و المخالفه 2 02-20-2007 05:11 AM


الساعة الآن 07:01 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011