أيام وأوقات ستمضي ..كما مرت الأيام السعيدة ستمر الأيام القاسية ..
الحمد لله رب العالمين ق1

-
كل مرة انا بسأل عن أحوالهم ودايما ألاقي عتاب وتطنيش منهم ..ولا مرة شفت رسالة منهم:0:
مين المفروض يسأل عن التاني ؟ انا هلا بظروف ما يعلمها إلا الله ومع هيك بدخل وبسأل عليهن
لكن عادي.. كل واحد يعيش بجهة أحسن:0:
لا حول ولا قوة إلا بالله..

_
هالأسبوع كله عزايم ، وفوق هيك مهارتي بالطبخ تفوق كل الحدود xD
ما بعرف شو اطبخ وكيف وكيف وكيف ..عنجد خايفة ، الله يمرر هالأسبوع خاصة على خير ، لإنه في عزايم لعوايل ، كل مرة بتكون العزايم للرجال بس بهتم فيهم هم وهاد كتير سهل ، بس هالأسبوع للعوايل يعني لازم اطبخ وهيك وأرحب بالحريم وأجلس معهم >"<
بدي الخادم الأسود سباستيان مشان يساعدني هع1
حكيت لماما تجي عندي هالأسبوع بس ردها كان : الحياة تجارب ، لازم تتعلمي وتتدربي _._"
# مواجهة مع الموت هع1

_
بدي احكي عن مغامراتي الليلة في الفيلا الزوجية XDDD
دايم ابن عمي بيطلع في الليل وبضل لحالي ، لحالي يعني مافي حدا معي ولا إي حدا بشري ، والبيت كبير جدا والحمد لله ، وبهالأسبوع الجو عاصف جدا ..وتخيلوا الوضع (:
فأمس طلع عشان يعبي بترول ، ومحطة البترول بعيدة جدا عن بيتنا ، لما حكى لي بيروح يعبي بترول عرفت انه إما الموت أو الحياة هع1
ما بدي أظهر خوفي وهيك فتظاهرت إنه الوضع بيكون عادي ، لما طلع من البيت وسمعت صوت الباب " طراخ " ..عرفت إني هلا لحالي ، فأنا بشكل طبيعي وكردة فعل طبيعية ظليت لاصقة عيوني بالباب ودموعي كانت راح تسقط ودقات قلبي تتسارع > سلكوا XD
فورا مسكت عصا خشبية كبيرة جدا وتمسكت فيها ونطيت للزواية البعيدة بالصالة وظليت قاعدة فيها ، ما في نت عشان أتسلى وصوت الرياح يرررررععععببب جدا وصوت الكلاب اللي بالحارة يفتت قلبي ..ظليت وقت لحد ما رن التلفون وكان أخي التبن ، من أول ما كلمني عرف إني لحالي وبدأ يخوفني ويطلع أصوات والله أرعبني رعب ما كان بدي اسكر التلفون لإني راح أخاف أكتر وظليت اتلفت يمين ويسار فوق وتحت وأسمع اي صوت يطلع ..والرياح لما تكون قوية بتطلع صوت نفس صوت العواء والأبواب بتهتز مع الرياح ونص البيت مطفي وهيك ، والطابق العلوي اللي في البيت ما فتنا عليه لإنه العمال لسه بيشتغلوا بأشياء فيه ..كنت مرعوبة للوقت اللي حكى لي اخي فيه إنه ماما بدها تكلمني ..نبع الحنان فديتها وفديت صوتها ،قعدت تطمني وهيك وتضحكني وتسلي علي ): لما سمعت صوت الفيلا اللي برا ينفتح فعرفت انه ابن عمي رجع حكيت لماما فسكرت التلفون ..لما دخل جوا وشافني بحالة الرعب هذه سالني : ليش مختفية بالزاوية فرديت بسرعة : بعبي التلفون هون xD
فضحك لإنه عرف اني خايفة هع1
بس عنجد في مواقف كتيرة وبدي اكتب هون بالمدونة ..مواقف مرعبة جدا ، ومواقف محرجة ، ومواقف هبلة ، ومواقف مؤلمة ..لكن في وقت تاني لإني هلا بروح اسوي الغداء قبل ما يرجع من الدوام _._"
سي يو مينا هع1 ق1

_

الواحد بيعرف مقدار تربيته لنفسه ومقدار نفسه وقت ما يشتد بالحياة ..
مثلا إذا سافر برا ، أو إذا تزوج _._" ..يعني إذا كان أمام مسؤولية كبرى مو سهلة :0:
أنا هلا عرفت قدر نفسي وإنه خبرتي بالحياة ضئييييلة ججدا وما تعلمت إي شيء يذكر :")