عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات كاملة / روايات مكتملة مميزة

روايات كاملة / روايات مكتملة مميزة يمكنك قراءة جميع الروايات الكاملة والمميزة هنا

 
 
LinkBack أدوات الموضوع انواع عرض الموضوع
  #6  
قديم 04-23-2017, 02:29 PM
 
[ALIGN=CENTER][TABLETEXT="width:70%;background-image:url('http://up.arabseyes.com/uploads2013/01_05_1714936484337918.jpg');"][CELL="filter:;"][ALIGN=center]




بعد شهر شتا...
الخضار بلش يبيين بالبراري...
منظرو كتير حلو وبيريح النفسية
احب عقلبي لما تكون الطبيعة خضرا والسماء رمادي
ومتهيئ لتشطي بأي لحظة
هالمنظر بحسسني بنوع من الطمئنينة الداخلية


انا وراجعة من الثاثوية، بعد نهار ملان بالتعب والحكي المش مفهوم والطلاسم العجيبة الي بيحشوها براسنا بالثانوية، كنت راجعة اخيرا وعطريق الرجعة انحرفت عن طريق الزفت لروح عطرف الطريق وفوت عالبرية، قعدت تحت شجرة زيتون لاكتب مذكراتي،

بس لكون صريحة على قد ما كان المنظر حلو على قد ما كانت القعدة عالارض مزعجة، الارض كانت بعدها رتبة من الشتا الصبح وتلجت، تجاهلت الشغلة وطلعت دفتر ذكرياتي من الجزدان وبلشت اكتب شو صار معي اليوم بالتفصيل الممل،

قبل ما لحق اكتب كل شي عالبرد فجأة فرطت معدتي وصرت بدي فوت عالحمام، ضبيت دفتري عالسريع وقمت لروح وعالعجل دون ما انتبه دعست عبقعة وحل، وتغمس بوطي الجديد بعده اول لبسة، عصبت كتير من الي صار، تراجعت شوي وشلت محرمة من الجزدان وصرت نظفو، ما راحو منيح لان البوط كان فرو مش جلد،

انقهرت كتير بس ما قدرت اعمل شي، رجعت لبست البوط ومشيت ودون ما انتبه فاتت اجري التانية ببقعة جديدة، والاضرب انو هالمرة الوحل كان ماي اكتر من البقعة القديمة والوحل وصل لاجري جوا البوط فات من السحاب، عملت هالوج المقرفجي وقمت اطلعت باجري المغموصة بالوحل كنت عشوي رح ابكي، انا بحب كتير الشتوية بس هاي اول مرة بشوف منها وجها التاني، شكلها عالعشرة بلشت تبين حقيقتها،

فكرت انو لكنت طلعت من البرية يمكن تغطس اجري بعد شي عشر مرات جداد، كرمال هيك قررت كمل طريقي بلا ما نظف اجري، صرت امشي عرجة وكل ما ادعس بالبوط الملان وحل قول: "نيااااع"

لحد ما وصلت لاخر البرية لقيت واحد ساند عالشجرة لابس جاكيت جلد اسود وبنطلون جينز، تمشيطو اشبه بتمشيطو المصروعين، حاطتت سيجارة عطرف تمه ومجرد ما طلعت من البرية صار يصفقلي، طلعت فيه بانزعاج وارجعت انسحبت

شال السيجارة من تمه ونفخ الدخان ليقول: "حبيت بوطك... رح تكملي فيه طريقك هيك او رح تنظفيه متل الي قبله.."
طلعت فيه معصبة وقلتلو:

- كاين عم تراقبني من الاول، وبدل ما تجي تعرض المساعدة قعدت تتفرج من بعيد...

- انت عم تحلمي اذا بدك اياني فوت لهونيك بيوم شتت فيه، مفكرتيني مجنون متلك لاعمل عملتك وبالاخر يخلص بوطي متل بوطك...

زأرته نظرة لئيمة ورحت بينما هو رجع السيجارة عتمه وما شال عينه الوقحة عني وظل يضحك علي عادي


مجرد ما وصلت عزروبة سندت على حيط البناية وشلحط البوط، طلعت بإجري، كانت حالتها حالة، طلعت محرمة جديدة من الجزدان لمسح فيها اجري من الوحل، تفرفتت المحرمة واجري بعدها مقرفة، اخذت الجزدان لفتش عن محرمة تانية وبصدمة قلت:
"لا... ما تقولي خلصو المحارم!..."

صرت فتش بين الغراض، شوي بطلعهن وشوي بنزلهم لحد ما يئست لقيت حدا مدلي محرمة، استغربت وطلعت لصاحب الاخلاق الحميدة منقذي في الشدائد للاقيه نفسه هيداك الوقح، بعصبية صرخت عليه:
" بقدر اعرف ليش لاحقني؟... "

كبلي المحرمة ورفع بإيدو دفتر ذكرياتي وقلي:
" كنزك الثمين...
وقع منك بالبرية..."

فنجرت عيوني لما شفته حامل دفتر ذكرياتي، اسرعت لعنده لاخدو من ايده، ورجعت سندت عالحيط، تضحك ضحكة شماتة وقلي:
- ما تفكري حالك بهالذكا... الغازك كلها محلولة...

رجعت لفنجر عيوني لما سمعت كلامه بعدان قلتله معصبة:
"قريت بدفتري!!!...
هول خصوصياتي...."

رفع حاجبو وقلي:
"ما انت ذكية والغازك ما بتنفهم...
وين المشكلة اذا القيت نظر..."

اخفضت نظري بحرج وشفت بوطه الموحل، شكله اضطر يفوت عالبرية ليجبلي الدفتر وخلص خالته حالة متلي، اطلعت فيه وقلتلو بتحدي:
"يمكن تكون فهمت نصهم غلط وانت مفكر حالك ذكي محلل الغاز...

طلع في نظرة مستخفة وقلي:

صاحبة صوت الببغاء واضح انها معلمتك وعلاقتك فيها مش منيحة، ومع العلم انك بتكرهي الكيمية اكيد هي معلمة الكيمية، اما احدب نوتردام اكيد استاذ الفلسفة او الفزياء لان كلامه طلاسم، اما الدكتاتور فمعروف سيطه بكل المنطقة، الكل بيعرف استاذ الرياضيات بهاللقب
من هون بقدر قول انك من ثانوية "السنديان"
اما الضفدع النتن واضح ان طالب بصفك مزعج مش تاركك بحالك بيلحقك مطرح ما بتروحي واستغربت انه ما لقيت حدا حولك بعد ما قريت الي كاتبتيه عنه لانك كاتبة ما بيتركك ولا لحظة وانا مش شايفة حدا غيري حدك

رجع السيجارة المزعجة عتمه ليأخذ نفس طويل رجع قال والدخان طالع من تمه متقطش مع كلامه:

واهم شي قمر الليل ابعدي عنه، مش مناسبك ابدا
اصلا ما عاملك قيمة مدري ليش توهمتي انه معجب فيكي

نفخ بوجي الدخان الي بقي برواياه وراح بلا سلام كأن ما كان عم يحكي معي من شوي ولا شايفني، صرت ابعد ريحة الدخان بايدي مزعوجة ورجعت طلعت عدفتر الذكريات منزعجة:
"كيف قدر يفهم كل الغازي...
معقول يكون عم يراقبني من زمان وبيعرف عني كل شي؟...
لا لا ما حدا بيعرف بألقاب الشخصيات الا دفتري...
معقول يكون عنجد متل ما قال كل شي مفضوح؟...
يعني لو وقع الدفتر بأيد خيي الصغير يمكن يفضحني...
لازم لاقي القاب جديدة اصعب من هيك...
على كل حال هيداك المزعج من سمحله يفتح دفتر ذكرياتي..."

اخدت المحرمة وصرت مسح اجري وقلت:
"على الاقل فادني بشي...
منيح انو شخص غريب ومعاش شوفه بعد اليوم..."

خلصت تنضيف اجري، مسحت بوطي عالسريع وحطيت الدفتر بالجزدان، تأكدت هالمرة ما يوقع مني مرة تانية لان مش ناقصني فضايح زيادة واسرعت عالبيت لان بعدني ما فتت عالحمام



نهاية الفصل

- رايكم انتقاداتكم
- شو رايكم بالقاب البنتنسيت حطلها اسم؟
- مين بتتوقعو يكون الشاب هيدا وين برايكم بيلتقو من جديد؟


[/ALIGN]
[/CELL][/TABLETEXT][/ALIGN]
__________________
شكرا دودي عهدية العيد ميلاد الحلوة




هديتي لاني انشط روائية



التعديل الأخير تم بواسطة Snow. ; 05-05-2017 الساعة 09:22 PM
  #7  
قديم 04-25-2017, 11:16 PM
 


اخيراااااااً قررت فك الحجز
مع انو بكرا امتحان بس معي وقت س1

السلام عليكم و رحمة الله و بركاته
كيفك اونيتشان
ان شاء الله تمام

شسسسسمه
روايتك ابدااااع
بكل ما للكلمة من معنى و دون مجاملة
هي مرتي الاولى بقراءة رواية عامية
بس بصراحة فتحت نفسي

طبعاً هالرد عن الفصل الاول و بس
لاني لسا ما قرأت اللي بعده لهيك سامحيني

اول شي العنوان
بصراحة كتير حلو و معبر
انو شتاء الحياة هو ربيع حياة اريج
يعني لما الدنيا بتشتي و تمطر يكون عند اريج زهر
جد تشبيه جميل
وفقتي بأختيار العنوان " class="inlineimg" />

ننتقل لاسلوبك
كان من اجمل الاساليب للروي الذاتي
بحيث طلعتي مشاعر الشخصية بطريقة عفوية رهيييبة
جد حسيت حالي اندمجت جداااً مع كلامها
و خصوصاً لهجتها
الغريب اني سورية بس ما بحكي هيك
الا ان لهجتها جميلة جداً و كأنها عاطية على لبناني
بس بنكهة سورية

الاحداث كانت جميلة و ضحكت على ردات فعلها 😂
لما تلوت بوطها بالطين و لما فهم الشب كل كلامها بمذكراتها
حسيتها مصدومة او مصدقة حالها انو ألغازها مو مفهومة بينما هي كتير واضحة 😂

متحمسة لاعرف شو سبب هاللقاء المقدر
و كيف راح يجتمعوا سوا مرة تانية " class="inlineimg" />


في شوية اغلاط املائية
لازم تتروي و انتي عم تكتبي و تراجعي الفصل منيح


واصلي ابداعك
سيتم اللايك و التقييم و بدك تنتظري الاختام الجديدة حتى اختملك روايتك بما تستحق
لا تنسيني من الفصول القادمة
في امان الله و حفظه حب0

__________________

التعديل الأخير تم بواسطة .FIRE ; 05-20-2017 الساعة 09:47 PM
  #8  
قديم 04-29-2017, 02:23 AM
 


هي يو عندك رواية ولا احلي وانا اخر من يعلم
صدقيني ههذي مرتي الاولي الي احب فيها رواية عامية بهيك بقولك تفوقتي علي نفسك يافتاة كنت بقول دايما انو الروايات العامية بتفسد اللغة ومو ممتعة بس بجدد سردك جعلها تكون اكثر من مجرد رواية عامية اسلوبك ادبي
حتي طريقة وصفك مزجتي بين. العامية والادب بجد حبيت حروفك وما حسيت بالملل ولا ثانية
في 2015 كنت انا لسه ما تعرفت عالمنتدي ذبس فخورة اني لحقتها واتمني تكمليها مشاني
عنوانك مشد والله وكتير جذاب حبيتوا من كل قلبي وهو الخلاني اتابع بشوق فاذا كان العنوان بهذي الروعة فكيف عن الرواية طلاسم وحروف معناه مو انا الوحيدة الي تكتب مذكراتها بالطلاسم والالغاز <<مذكراتي ذات حراثة مشددة من الخارج ناهيك عن ما بداخلها لهيك اخواني بفقدوا الامل في قراتها
القصة فيها كوميديا وكتير عجبتني البوط والوحل قصة كره لا تنتهي وهداك صاحب السجارة ودي اضربه واقول له انها مضرة بصحتك الحين انا مو عارفة لا اسمائمهم ولا اعمارهم انتي ما وصفتي سوي شخصيتهم النفسية
بانتظار التكمله هذي الرواية ستحيا من جديد

__________________





انسدحوا هون
https://sarahah.top/u/NUteen

  #9  
قديم 04-29-2017, 03:04 AM
 
اقتباس:
المشاركة الأصلية كتبت بواسطة اميرة نوتيلا مشاهدة المشاركة
هي يو عندك رواية ولا احلي وانا اخر من يعلم
صدقيني هذي مرتي الاولي الي احب فيها رواية عامية بهيك بقولك تفوقتي علي نفسك يافتاة كنت بقول دايما انو الروايات العامية بتفسد اللغة ومو ممتعة بس بجدد سردك جعلها تكون اكثر من مجرد رواية عامية اسلوبك ادبي
حتي طريقة وصفك مزجتي بين. العامية والادب بجد حبيت حروفك وما حسيت بالملل ولا ثانية
في 2015 كنت انا لسه ما تعرفت عالمنتدي ذبس فخورة اني لحقتها واتمني تكمليها مشاني
عنوانك مشد والله وكتير جذاب حبيتوا من كل قلبي وهو الخلاني اتابع بشوق فاذا كان العنوان بهذي الروعة فكيف عن الرواية طلاسم وحروف معناه مو انا الوحيدة الي تكتب مذكراتها بالطلاسم والالغاز <<مذكراتي ذات حراثة مشددة من الخارج ناهيك عن ما بداخلها لهيك اخواني بفقدوا الامل في قراتها
القصة فيها كوميديا وكتير عجبتني البوط والوحل قصة كره لا تنتهي وهداك صاحب السجارة ودي اضربه واقول له انها مضرة بصحتك الحين انا مو عارفة لا اسمائمهم ولا اعمارهم انتي ما وصفتي سوي شخصيتهم النفسية
بانتظار التكمله هذي الرواية ستحيا من جديد

اهلا بك ايتها الاميرة في روايتي المتواضعة
يسرني ان الرواية والاسلوب اعجبك ^^
والاهم انك قدرتي تفهمي عليها ياي0
كنت خايفة انو العالم ما تقدر تفهما بسبب اختلاف اللهجات
بس كلامك طمني
ان شاء الله رح كملها ^^
بالنسبة للوصف انا وصفت الشاب من الخارج
فقط ملابسه وتصريحة شعره اما البطلة فلسبب ما بعرف شو هو
ديما بأجل وصف البطلة للفصل الثالث تقريبا
يمكن صورتها ما بتتوضح بذهني الا بعدما تصير بعد الاحداث الله العالم
اما بالنسبة الى الاسماء يمكنك اختيارها لي لان عندي عقدة نفسية من هالشغلة
ملاحظة روايتي التانية الي عم تابعيها
في كتار ما الهم اسماء
فقط القاب
وهكذا حالي بكتير من الروايات
في ؤواية كل تلشخصيات ما الها اسماء
فقط القاب

اسرني ردك وشجعني للمضي
ان شاء الله قريبا ينزل الفصل القادم
ليس قبل 3 اسابيع
مشغولة كتير

دمت بود
في امان الله حب9
__________________
شكرا دودي عهدية العيد ميلاد الحلوة




هديتي لاني انشط روائية


  #10  
قديم 05-01-2017, 09:30 PM
 
[ALIGN=CENTER][TABLETEXT="width:70%;background-image:url('http://up.arabseyes.com/uploads2013/01_05_1714936484337918.jpg');"][CELL="filter:;"][ALIGN=center]



اخيرا بعد طول انتظار اجا وقت الفرج، طلعت صاحبة صوت الببغاء من الصف بعد ما رن الجرس، كانت ساعة ثقيلة كتير كنت عشوي رح اتقاتل انا ومعلمة الكيمياء، منيح الله الهمني الصبر ومشي الحال، فوتت كتاب الكيميا علشنطة وجبت كتاب الفيزيا، طلعت فيه بقهر، لازم حصتين مملين ورا بعض، كأن رح يكون الي خلق على احدب نوتردام، حطيت الكتاب ادامي وانا بتأفف من الغبي الي نظم برنامج الدراسة وحط مادتين علميتين ورا بعض، وفجاة فات الناظر عالصف، ابتسمت على امل انو يخبرنا انو استاذ الفيزيا يكون غايب والناظر ما خييب ظني، خبرنا انو الاستاذ رح يغيب ولمدة اسابيع كمان لانه تعبان شوي وبدو يتعالج، زملائي الوحقين ما نطرو ليروح الناظر ليبدو ابتهاجهم بسبب غياب الاستاذ من دون ما يراعو انو سبب غياب الاستاذ هو مرضو، اقل شي يتمنولو الشفاء غير العاجل يرجعو يفرحو ويهيصو، لكون صريحة انا كمان ما قدرت اخفي فرحي من الموضوع حتى لو ما هيصت متل البقية، بس الخبرية ما خلصت هون، رجع خبرنا انو جايبين استاذ بديل لكان رجع استاذنا، اطلع الناظر لبرا الصف لينادي استاذنا الجديد، شاب جكل حلو ومرتب، لابس عوينات شمس، ما فيكي تقولي الا فخم، لاحظت تعليقات البنات حولي وشكلهم رأيهم نفس رأئي، شلحه الناظر العوينات ليحطهم بجيبة جوكيتته ويقلو
"نحن بمدرسة مش بالشارع، حاول تكون شوي رسمي اكتر..."

راح الناظر وتطلع الاستاذ على الموجودين نظرة سريعة بينما قعد على طرف طاولته وانا حاسة كأن هالوج شفته قبل، عصرت مخي لاتذكر حتى شفته طلع سيجارة من جيبته وحطها بتمو وطلع القداحة ليولعها رجع نفخ الدخان، هون انا انصدمت الصدمة العجيبة، طلع الاستاذ البديل نفسه هيداك الوقح تبع البرية، حاولت خبي وجي منه قبل ما يشوفني بس للاسف لحق يشوفني قبل وتأكدت انه عرفني من صدمته للوهلة الاولى لما شافني وبسرعة غيير تعابير وجو ليظهر ابتسامة خبيثة، ابعد عيونه عني هو وعم يقول:
"شكلي رح اتسلى كتير بهالفترة..."

قربت رفيقتي الي حدي راسها مني لتهمسلي:
"اما استاذ!... جاية ليتسلى مش ليعلم...
شكلنا رح ننجح السنة بكل سهولة..."

ابتسمتلها وانا عم حاول اخفي توتري لانها مش عارفة انو الاستاذ عم يقصدني انا بالضبط...
وانا ما خبرتها عن الحدث الي صار بيني وبينه ولا كنت ناوية خبرها او حدا يعرف بهالشي"

وقف الاستاذ وهو عم يقول:
"خلينا نتعرف عالسريع لبلش شرح..."

توجه عند اول طبقة، اشر للتلميذ ليوقف وقالو:
"شو اسمك؟..."
خبره فسأل الي حده وهيك لحد ما وصل لعندي، وقفت بحرج وبسرعة لقيته تطلع عبوطي، لا اراديا خبيت اجريي ورا بعض مع ان البوط كان هالمرة نظيف فقلي:
"شكلك ما مرقتي عالبرية قبل ما تجي عالمدرسة..."

فنجرت عيوني من الصدمة، يعني انا كنت عم حاول اخفي هالشي على اعز صديقة عندي وهو عم يخبر الشي ادام الكل، تطلعت فيه بوقاحة وقلتلو:
"اظن سؤالك خارج نطاق الدرس؟..."

ابتسم بشماتة وقلي:
"صدقي او ما تصدقي...
كل شي بيقدر يصير ضمن نطاق الدرس
لما يتماشى مع مصلحتي...
حتى معلومات كنزك الثمين"

سكتت من الصدمة، هالصدفة الحقيرة ابدا ما كنت متوقعيتها، انو هالانسان الوقح الي قدر يغيظني بنص ساعة بقدر ما غاظتني البشرية كلها بسنة كاملة، يجي هو يعلمني، وشو بدو يعلمني؟... الفيزيك... اسوء مادي بالنسبة الي، والاضرب عم يهددني باسراري الخطيرة، فجأة فقت على صوته وهو عم يقلي:
"ما تضيعي الحصة كلها بصدمتك، عرفي عن حالك حتى اقدر اتعرف عالبقية وبلش شرح..."

هزيت راسي وانا عم نظم افكاري ورجعت قلتله:
"انت بتعرفني ما اظن في داعي عرف عن نفسي..."

- صح
انا بعرفك...
وبعرف غيرك...

دار نظرو على زملائي بالصف وقلي:
"هم خبروني هلاء عن اسمائهم
تحبي انا خبرهم عن القابهم؟...

زميت تمي وانا عم حاول اهدى حتى ما ارتكب فيه جريمة، فقلي:
"لما اطلب منك طلب بتنفذي بلا جدال...
هلاء خبريني عن اسمك"

بعدت عيوني عنه وانا عابسةلقول:
" اسمي اريج..."

اظهر ابتسامة مجاملة وقلي:
"تشرفنا اريج... صار فيكي تقعدي..."

قعدت متكتفة ومعصبة منه، وقفت رفيقتي عرفت عن نفسها وهيك مع البقية حتى خلصو الكل، اخذ نفس عميق من السيجاؤة ليستفيد منها قدر الامكان رجع قرب عالشباك وكبها لبرا ورجع وقف ادام عاللوح وقال:
" انا جواد استاذكم الجديد لكان تعافى استاذكم القديم
بتمنى نقدر نتفاهم وتستوعبو علي بسهولة
حاولو ارفعولي راسي ادام الاستاذ لما يرجع...
ما تخلو اول مرة الي بالتدريس تكةن فاشلة..."
فرط الصف ضحك بينما قلتلو انا:

" يعني ما عندك خبرة بالتعليم...
عم تجرب فينا..."

تطلع فيني نظرة كأنه بدو يقتلني رجع قلي:
"انا خريج فرنسا مش بحاجة لخبرة بالتعليم
الشهادة بحد ذاتها خبرة..."

- حسستني انو العلوم بفرنسة بتختلف عن العلوم ببلدنا

- احم... هيك كنتي تجادلي احدب نوتردام كمان

رفع حاجبو بتحدي بينما الصف فرط ضحك مش فاهمين بالضبط لشو عم يلمح، اما انا فاصفر لوني من خوفي يكمل على باقي الالقاب ويجرسني، سكتت لما فهمت اللطشة وفضلت مرء هالساعة عخير

تجاهلني واخذ طبشورة وصار يكتب عاللوح ويرسم اشكال غريبة ويشرح وانا ما فاهمة شي، عالملل بعدت نظري عنه ووجهتو لعند قمر الليل، هالطالب ذكي حلو ومثالي، بعد متله مش شايفة بحياتي، قطع احلامي الوردية بقمر الليل صوت الاستاذ لما نادى باسمي، وقفت بسرعة متوترة وقلي بعصبية:
"خبريني عن شو كنت عم اشرح؟..."

الصراحة طلبه كان اعجازي، انا والفزيك مش اصحاب ابدا، لا بفهم عليه ولا بيفهم علي، غير انو عقلي كان بالكامل مع قمر الليل فمن وين بدي اعرف عن شو كان عم يشرح، قرر اخيرا الاستاذ يكون لطيف ويساعدني فأعطاني 3 خيارات لاختار واحد منهم، تفكرت بالامر وجيت بدي اختار الاول الي اكتر شي فيه كلمات مألوفة بس وقفني الاستاذ بعد ما قرب مني وهمسلي:
"انتبهي عجوابك لان قمر الليل عم يراقبك
ولد زكي متله ما اظن تحبي تطلعي هبلة ادامو"

لا اراديا برمت لعند قمر الليل لشوفه بالفعل عم يطلع فيني، حط الاستاذ ايدو عكتفي وقلي:
"اذا... متل ما توقعت، هيدا هو قمرك عنجد "

تطلعت بالاستاذ مصدومة، طلع قلي هيك بس ليأكد واحد من شكوكه وحطني بهالموقف لمحرج ادام القمر،

اما القمر لما شافني عم اطلع فيه هيك مرعوبة، فاض نبع الحنان الي فيه بعد ما فهم من نظرتي المرعوبة له اني عم اطلب منه المساعدة ليخبرني بالجواب، رفع تلات اصابع ليخبرني انه الاحتمال التالت، استغربت انو هيداك الاحتمال كلماته جديدة علي وهو الاحتمل الابعد،

يبدو انو كنت شاردة لدرجة لحق الاستاذ بلش بدرس جديد وانا مش عارفة، منيح انو تطلعت بالقمر لينقذني، برمت عند الاستاذ وقلتلو الجواب فقلي بكل برود:
"غلط... حاولي تركزي معنا اكتر بالصف..."

رجع عاللوح بينما القمر السخيف فرط ضحك هو وصديقه شريكه بالطبقة وصارو ينكتو علي..
نسيت خبركم شغلة مهمة عن قمر الليل، هو صحيح ذكي وحلو ومثالي، بس بيحب كتير يعمل مقالب بالعالم حتى لو كانت حبيبته المسكينة، قربت لحدي صديقتي بعيون حالمة لتقلي:
"يسلملي ضحكتو ما اجملها، بحس روحي رح تطلع لما اسمعها..."

تطلعت فيها ببرود وقلتلها:
"ليكون بعلمك انو سبب الضحكة كانت صديقتك المقربة، فما المفروض تعجبك..."

تغاضت عن كلامي وظلت محتفظة بابتسامتها الهبلة وهي عم تطلع فيه
لكون صريحة، صح هاي الي حدي هي صديقتي الودودة، بس بنفس الوقت هي عدوتي اللدودة ومنافستي على قمر الليل، ومع هيك، بخاف باليوم الي بيعترفلي فيه القمر بمشاعرو كيف بدي خبرها، اكيد بتنجرح وبتزعل مني ويمكن توقف صداقتنا، بس لوقتها فرج، يمكن لوقتها تتعرف على حدا جديد وتحبه واجتاز الموقف المحرج بدون زعل...

رجعت نظري عاللوح لشوف الاستاذ عم يرسم راسسور معلق فيه اثقال حديد ومدري شو عم يحكي عنهم، بس بالتفكير بالامر، يمكن كرمال هيك سمو الفزيك بهالاسم، لان الراسورات فيه بيحملو اثقال وبيعملو فيزيك، اما بالنسبة النا فدماغنا هو الي بيعمل فيزيك لما بيتحمل ثقل هالمادة...

رن اخيرا الجرس، عالسريع الكل ضب كتبه بالشنطة ليطلعو من هالسجن بينما انا كنت قاعدة اتفرج على قمر الليل لاخر لحاظات الي معه بهاليوم، اتطلع فيي قبل ما يطلع من الصف ابتسملي وراح، حطيت ايدي عقلبي وغمضت عيوني لاخذ نفس عميق وارجع طلعهم، نكزتني رفيقتي وقالتلي:
" عفوا ما رح اقدر ارجع معك عالبيت اليوم، رايحة عالمكتبة بدي اعمل بحث سريع عن درس الادب..."

تطلعت فيها مستغربة، اخر فترة صايرة كتير عم تروح عالمكتبة، شكلها عم تحاول تسبقني بالعلامات حتى تصير قدرتها التنافسية اقوى عند القمر، لازم انا كمان صير روح عالمكتبة وما خليها تسبقني، راحت البنت بعد ما لوحتلي بيدها وانا كمان، وقفت لامشي بس وقفني صوت اقشعر بدي منو، اكيد الاستاذ السخيف، قلي:
"نظرة فابتسامة فسلام...
هيدا هو الاعجاب بنظرك!...
بغض النظر عن نوعية النظرة...
للصراحة النظرات الي حكيتي عنهم بمذكراتك مختلفة كليا عن النظرات الي شفتهم هلاء"

نطلعت فيه معصبة:
"وانت مين وكلك لتراقبني وتنصحني؟...
مهمتك هون استاذ مش اكتر فبتمنى ما تتعدى هالحدود"

رفع حواجبو باستخفاف وقلي:
"استفلي...
النصيخة بجمل..."

رحت معصبة وانا عم قول:
"ومين بيحتاج لجمل بهالعصر
بعدو عايش بالعصر الجاهلي..."

حطيت الشنطة عظهري وتوجهت عالباب لاطلع، فقلي:
"اذا حابة تمرقي عالبرية، اتأكدي انو عندك محارم بالشنطة، ما بدي انقطع بنص الطريق لان حدا بياخذهم مني..."

برمت لعنده معصبة رجعت قلتلو:
"ما خصك فيني..."

طلعت بسرعة من الصف قبل ما يرد علي وانا متأكدة انو هيديك الابتسامة السخيفة الشامتة مش عارفة تفارق تمو، المهم اني لحقت اهرب قبل ما شوفها لاني بتنكرز من شوفتها

دفتر مذكراتي العزيز، بعتذر منك بس رح اضطر ارجع اكتب فيك اشيا بشعة من جديد...
وشكلي بضل بكتب اشيا بشعة لعدة اسابيع...


[/ALIGN]
[/CELL][/TABLETEXT][/ALIGN]
__________________
شكرا دودي عهدية العيد ميلاد الحلوة




هديتي لاني انشط روائية



التعديل الأخير تم بواسطة Mariquita ; 05-02-2017 الساعة 01:58 PM
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ربيع ,صيف,خريف و شتاء, انمي من كل فصول السنة izayoi أرشيف المواضيع الغير مكتمله او المكرره او المنقوله و المخالفه 1 04-09-2015 12:37 AM
ربيع ,صيف,خريف و شتاء, انمي من كل فصول السنة .~(مشاركتي في مسابقة عشرة لعشرة^^)~ izayoi صور أنمي 11 04-23-2013 08:07 PM
انها الحياة......حياتي 3arous elbaher أرشيف المواضيع الغير مكتمله او المكرره او المنقوله و المخالفه 13 10-07-2009 11:58 PM
أنت حياتي واّه من هذه الحياة ..اهداء... toplain أرشيف المواضيع الغير مكتمله او المكرره او المنقوله و المخالفه 11 08-12-2009 03:18 AM
حياتي بين الحياة والموت amira_alg صحة و صيدلة 0 06-24-2009 10:59 PM


الساعة الآن 02:56 AM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011