نعساانة ومش قادرة أنام من الفلوزة :(

ممممممم
مرحبا
كيفكم أخباركم ؟
إللي فترة طوييلة جدا ما انتظمت بالدخول للمنتدى
كثير أسباب
أولها كان الجامعة وفصل التخرج وكذا
وبعدها بفترة قصيرة جداً جدتي تعبت وضلت فترة طويلة بالمشفى واحنا معها
بعدها بفترة توفت رحمة الله عليها
قعدنا فترة فعلياً بحالة صدمة , ولأول مرة بدخل رمضان علينا ونفسيتي لإستقباله تعبانة
ما كنت متخيلة نفطر أول يوم بدونها , وبالعيد كمان هي كانت صراحة تعطي للعيد فرحته تكون صاحية من
الفجر بس عشان تستنا نيجي عندها وتستقبلنا بابتسامة واسعة رحمة الله عليها عنجد إفتقدتها بالعيدين , حياتي تلخبطت بالكامل
طبعا تخرجت أنا قبل وفاتها وبعدين انشغلت بمرضها لحد ما توفت , كل شي كان متغير هي ما عادت موجودة بالبيت
ما عاد في أطلع مع صاحباتي على الجامعة أنا فعلياً حاليا واصلة لمرحلة إنه أنا ما في وراي أي شي
بهاي الفترة كنت ما أطلع من غرفتي ولا أفتح أي شي بس بنام وبصحى , وللآن لسة الوضع هو نفسه
مو نفسي أعمل شي , ولا أطلع من غرفتي !