|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#91
07-29-2015, 07:56 PM
| ||
| | ||
| ]الــــــبـــ الثامن ـــــارت ريم بعصبية: رح قفل الباب لا يصير فيك شي اليوم. جاء ياسر وقال وهو يمسح يده بالمنشفة: حرام عليك ريمو خليه ياكل المسكين وبعدين يقفل الباب. حمد: اخوي احبك. ريم: دامك تدافع عنه رح قفل الباب انت. ياسر: انا ما قلت شي بس قلت يقفله بعد الاكل دامك تبينه الحين يقفله يروح يقفله وش وراه. حمد طالعله بنظرة وبعدين قال: تصدق انت الحب حرام فيك. ريم تضحك عليهم: خلاص اجلس كل بس لا تنسى تقفل الباب بعدين, فاهم. حمد : شفت هذي هي الاخوة انت وويهك. ياسر يبي ينرفز حمد: ريم شوفي حمد يقولي انت وويهك, هذا وانا اخوه العود. حمد: عود ولا شجرة ههههههههه. ريم: حمـــــــــــــــــــــد!!! حمد: نعم. ريم: عن السماجة وقلة الحياء والكلام اللي ما له داعي. حمد بانصياع تام: طيب. اجتمعت العائلة أخيرا عالسفرة وفجاة من غير سابق انذار انفتح باب الشقة ودخل عماد بكل برود بعدين........... صرخ عماد ودار وجهه عنهم: وش فيهم خواتك ذولي ما يتحشمون؟؟ البنات على طول انتفضوا ودخلوا على غرفهم داني: وش فيك انت اللي داخل علينا شذي كان البيت بيت ابوك انت وويهك مو عارف انت انو هالبيت فيه بنات يا.............. ريم بصراخ: خلاص خلاص صار خير. سكت الجميع وراحت ريم لعند عماد اللي نزل راسه يعني عارف نفسه هو الغلطان واعطت ضربة جامدة على رجله ونفس الشي لياسروحمد. ياسر: وانا ايش سويت ؟؟ ريم: عشانك دافعت عن هالبغل لما قلتله يقفل الباب وما رضيت انت بعد تقفله. حمد يدلع: عماد اخوي شوفهم ضربوني. عماد: حرام عليك انا الغلطان واستحق انضرب ويتكسر راسي بس ايش ذنب هالطفل البريء في الموضوع. ريم: تنطم يا عماد ولا تبي اكلك ضربة ثانية انت وهو. عماد: لا خلاص سكتنا. ريم: ااااااااه منك بس لساته عقلك زي ما هو من ثالث ابتدائي. عماد: مو لهدرجة... ياسر: شفيك رجعت من ثاني؟؟؟ عماد: ليش ثقلت عليكم؟؟؟ داني: ايه والله. ياسر: لالا ابدا بس فكرت يمكن نسيت جوالك ولا شي. عماد: ايه نسيت روحي. ريم: شقصدك.... حمد: قصده علي ريم: انطم انت عماد ابتسامة: ايه والله هو. ريم: بجد لايكون متضارب مع اهلك ولا شي عماد: لا بس أولا نسيت اودع حمد حبيبي,ثاني نسيت السبب الأساسي من جيتي لهني ياسر: السبب الأساسي... أصلا انت ما اخترت تجي هنا من حالك , انا جبتك هني عشانك كنت تعبان. عماد: خليني أكمل كلامي اما السبب الثالث هو اني شميت ريحة اكل فقلت في نفسي: اكيد هذا طباخ ريم, شذي تتغدون وما تقولون لي تعال تغدى ويانا تصدقون حقدت عليكم على فكرة. ريم: لو كنت عارفة انك حتجلس لو قلتلك شذي كنت قلتلك من زمان, يللا تعال تغدى ويانا. اجتمع الكل على الطاولة وداني واقف يطالعهم. ياسر: شفيك داني يللا تعال تغدى داني: الحين هذا اكل الفطور وشرب دلة قهوة واكل الحلى ورجع عشان ياكل الغداء وش نار ببطنه هذا ولا الحادث اثر عليه. عماد: شوفت شلون اخوك بخيل هذا يستخسر في حتى الاكل اللي اكله. ياسر: داني عيب مو شذي تتكلم مع اللي اكبر منك. داني: بس هذا اكل قد كيف, وللحين ما شبع بافهم هو وين عايش بكوخ ولا بقصر. ريم: دانـــــي!!! عماد: خلاص ياخي بطلنا اعوذ بالله صديت نفسي: ياسر: عماد كل ما عليك, وانت داني سكر حلجك وتعال اتغدى. جلس داني وهو مقهور ويطالع عماد بنظرات الله لا يوريكم. ياسر يطالع عماد وداني: عماد يللا كل وش مستني البيت بيتك يللا مد يدك. عماد يطالع مرة ثانية على داني اللي للحين ياكل وهويناظره بنفس الطريقة عماد وده يبكي ويقول بصوت واطي: شوف شلون يناظرني والله اني خايف اكل وبعدين يصير في شي ولا اموت الواضح اخوك عينه قوية واخاف يكون معه شيطان ولا شي. ياسر يبتسم: أقول كل لا يجيك كف الحين وش شايفنا سحرة ولا ايه, أقول كل ولايكثر. عماد: واش اللي لا يكثر. (مفهي الواد) ياسر: كلامك عماد: كيف لو صابتني عين بسببه يمكن يصير في حادث ثاني ياسر: فاول خير....... ريم: وش تهمسون بيه, ياسر انطم وخلي عماد ياكل. ياسر: بس انا...... ريم: انطم ياسر مسكين سكت وعماد يضحك عليه (نذل) حمد من شاف عماد يضحك ضحك معه. ريم: حمد ليش تضحك ؟؟؟؟ حمد سكت: والله مدري. وعماد لساته يضحك عليهم. ريم: وانت ما حتبطل ضحك وتاكل ولا تبي تتصفق. عماد علطول بدا ياكل من الخوف ,وياسر يضحك عليه بس مو بين لريم بس عماد شافه وانقهر منه. جلس الكل يتكلم ويضحك وويسولف لين ما انتهوا من الغداء وبعدها قام عماد عشان يرجع بيته وراح داني وياسر يستنوا عماد برا عند باب الشقة. عماد راح هو وريم لغرفتها وقفلوا الباب وراهم. ريم واضحة عليها امارات الخوف: وش فيك عماد والله خوفتني تقول الموضوع مهم ويخص ياسر ايش فيه ياسر؟؟؟ بما اني تاخرت عن تنزيل البارت تاخر فظيع والحمدلله ما في اسئلة [/center][/center][/center]
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي: لقاءنا التاسعة مساء عند النهر ^_^  |
|
#92
07-30-2015, 09:49 AM
| ||
| | ||
| بسم الله الرحمن الرحيم السلام عليكم ورحمة الله وبركاته. كيفك اخي??!!!!¿¿ ان شاء الله بخير وافضل صحةة بااااارت حلو حلو مررره الحماااس في قلبي اشتتتتتعل يعني لازم توقف في لحظةة حماااسيه احلى شى انك حطييت غموووض ما راح اتفاجئ اذا قاااال عمااد لريم ان ابوه سوى شي وكمممااان قلبي فز. يوم دخل عماااد عليهم معصب هنا تاكدة انا انه سار له شي ^ ^ ^ توقعاااتي للبااارت الجااي اقتباس:
اقتباس:
بس يلا معذووور واتمنى ما تنساني في الباارت الجاااااااي وفي امااان الله[/center][/center] NEJI HYUUGA and tik tak~roro like this.
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
|
#94
09-28-2015, 11:49 AM
| ||
| | ||
| الــــبــ التاسع ــارت جلس الكل يتكلم ويضحك وويسولف لين ما انتهوا من الغداء وبعدها قام عماد عشان يرجع بيته وراح داني وياسر يستنوا عماد برا عند باب الشقة. عماد راح هو وريم لغرفتها وقفلوا الباب وراهم. ريم واضحة عليها امارات الخوف: وش فيك عماد والله خوفتني تقول الموضوع مهم ويخص ياسر ايش فيه ياسر؟؟؟ عماد: لا ان شاء الله ما فيه الا الخير..... بس كنت بقولك تديري بالك عليه وتحاولي تخففي عنه. ريم: اخفف عنه ليه؟؟؟؟ عماد: مو مرت عليكم أيام يصحى ياسر من النوم وهو يصارخ... سكتت ريم واضح عليها انها مكتئبة: اي- ايه هو قلك؟؟ عماد: ياسر ما يخبي عن شي انا بمثابة اخوه, وحتى لو خبى عني بعرفه انا من عيونه. ريم بلهفة: اذن انت تعرف ليش يصير فيه شذي, خبرني يا عماد يللا اتحشى قول؟؟؟؟ عماد: رغم اني بعرف انو ياسر ماحيسامحني لو عرف, بس والله ما باقول الا لاني خايف عليه وماابغاها يشيل هالهم وحده. بقوا لفترة ساكتين وبعدها تكلم عماد وقال: ياسر بتجيه أحلام او بالاصح كوابيس في الليل. ريم: عن ايش هالكوابيس.... عماد نزل راسه: يحلم انو داني مات. ريم سكتت وبعده قالت: اجل الموضوع شذي عماد: انا قلتله ما يخاف انا حابقى بجنبكم انتو وداني وما حاتركم الا لما يشفى داني. ريم: مشكور والله !! من جد مافي مثلك يا عماد ما حد عمره اهتم بداني حتى ابوي ما سال عنه هو حي ولا ميت ولا ارسل شي عشان يساعده كل اللي سواه انه رماهم ذاك اليوم قدام باب العمارة وقل للبواب انهم إخواننا يوم رحت انا وعماد نشوفهم والله كانت حالته هو وحمد تحزن وجسمهم كله دم وباين انهم كانوا معذبين ما كان داني يخلي احد يلمس حمد وحمد كان دايم يجلس ورا داني ولا يطلع راسه .... ما أقول الا حسبي الله ونعم الوكيل الله يورينا فيه يوم ربي ينتقم منه.... ربي ينتقم منه. وجلست ريم على كرسي وهي تبكي بقوة وعماد تقطع قلبه وهو يشوفها بهالمنظر حضنه وهو يحاول يهديها. عماد: والله ما اقدر اشوفكم شذي وما اسوي شي عشانكم, ودي اروح ليه واطيح فيه ضرب واجرجره في المحاكم. ريم برعب: لا لاتساوي شذي يا عماد الله يخليك لا تساوي شذي, والله ما بيتركك في حالك لين ما يذبحك, ربنا ينتقم لنا منه اترك عنك المشاكل. عماد: بس اللي سواه فيكم موب قليل انت وياسر واخوانكم كلهم عذبهم مو المفروض تسكتوا عليه لمتى يا ريم؟؟؟ لمتى؟؟؟ لمت تبقوا ساكتين عن حقوقكم؟؟؟ مسحت ريم دموعها وهي تقول: لين ما يفرجها ربي. ما لقى عماد شي يقوله بهاللحظة غير: ونعم بالله. حاولت ريم تتناسى الموضوع وهي تحاول تبتسم: الواضح اني اخرتك عن كثير يللا ياسر وداني ينطرونك برا يللا لا تتاخر عنهم اكثر من شذي انتبه لروحك عماد ولا تهتم انا باخذ بالي من ياسر وداني. عماد: في امان الله اختي. ريم: في امان الله ياخوي. خرج عماد من الغرفة , قامت وحطت الطرحة على راسها وفتحت الشباك وجلست تنتظر متى تشوف اخوانها يدخلون السيارة ............وفجاة آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآه نطت ريم من مكانها من الفجعة وما لقت الا عماد ميت ضحك عليها. عماد وهو يضحك: يا ليتك شوفتي وجهك يموت ضحك ههههههااااااااااااااا والله انتي لازملك تصوير هههههههههااااااااااااااااا. ريم راحت عنده وجلست تضرب فيه وتلعن وتسبسب بعد ما كان بيطلعلها روحها وهو من شدة الضحك موحاسس بشي حتى رجوله موب قادرة تشيله, فكت ريم جزمتها بس هو بسرعة قام وخرج من الغرفة وقفل الباب قبل لا تجيه. كانت ريم بتلحقه بس حست انو في احد يراقبها لما دارت وجهها للشباك شافت اللي ساكن في العمارة اللي قدام شباكها يطالعها ومو لازم اذكر انو العمارتين كانوا لاصقين ببعض تقريبا على طول راحت ريم وقفلت الشباك وجلست على سريرها وحطت يدها على قلبها اللي بيدق بقوة. عند عماد راح لباب الشقة وهو لساته يضحك وهناك لقى حمد واقف عماد: هلا بالحلو, يللا انا رايح تامرني بشي, ودك اشتريلك شي المرة الثانية اللي اجي فيها؟؟؟ حمد: ما ابي الا دعواتك. عماد: ايش ... اذا كانت دعوة على ريم يا حبيبي فانا ما اقدر اسف. حمد ابتسم: والله ما ادعي عليها لو تقتلني. استغرب عماد من تصرفات حمد خصوصا انه في العادة يضحك مو بس يبتسم ,بهاللحظة عرف عماد انو حمد سمع الكلام اللي صار بينه وبين ريم. عماد: ايه هو هالشي... طلع حمد ظرف وعطاها لعماد. عماد: ايش هذا حمد: هذي 150 درهم, اعرف انها ما تجيب شي بس انا جمعتهم من السنة الماضية عشانك. عماد مصدوم: عشاني... حمد ابتسم وقال بفرحة: ايه عشان تشتري السيارة اللي كنت تبي تشتريها ذيك المرة. ضم عماد حمد وهو يبكي: والله ما في مثلك ياخوي اهلي ما عطوني درهم عشان ادبر حالي والله حرام فيهم كلمة اهل والله مافي مثلكم انتو اهلي وكل حاجة بالنسبة لي ابيع هالدنيا باللي فيها عشان اصير اخوكم. حمد: منت محتاج تبيع شي لانك اخونا, ولا ايش؟؟؟ عماد مسح دموعه: اشتريت انا سيارة من فترة يمكن مو السيارة اللي باحلم فيها بالدرجة الأولى ولا الدرجة الثانية ولا اللي بعدها بصراحة درجتها بعيدة مرررة ...... بس لو تعطي هالفلوس لياسر والله يفرح بيك؟ حمد:كان ودي اعطيه هي بس هو امس كان شايل هم السيارة اللي بتوديه وتجيبه من الشغل وقلت انا احسن شي اعطيك هي عشان تقدر تشتري سيارة وتوصل ياسر معك؟ عماد: من متى خربت السيارة؟؟؟؟ حمد: حوالي شهر ونص. عماد بتفاجئ: ومنو كان يوديه ويجيبه؟؟؟؟ حمد: يروح على ريوله من بدري الشغل عشان لايتاخر. عماد:يللا انا رايح تأمر بشي حمد: انتبه على داني ترا وايد خايف عليه,كمان لاتزعل منه هو دايم ما يحب الحركات الطفولية البريئة حقتنا بس قلبه طيب ويحب الكل وان زود بالكلام. عماد: ما عليك انا عارفه زين, جاء عماد بيروح بس وقف وقال: حمد ليش كنت تباني ادعيلك؟ عشان ادعيلك من قلب؟؟ حمد بضحك: كنت ابيك تدعيلي عشان اهزم شلة رشود الزفت. عماد: كبرت بعيني والله من زمان بقولهم انك ريال بس ما صدقوني, المرة الثانية بجيب معاي هدية لك, اما عن الدراهم روح عطهم لريم يمكن خواتك ينقصهم حاجة ولا شي, يووووه اتاخرت على ياسر وداني دحين انزل يمد اخوك لسانه شبرين, فامان الله يا حمود. حمد: في امان الله ياخوي. نزل عماد بسرعة من عالدرج لان شقة ياسر بالدور الرابع لانها بالأساس مستودع وعشان هو ما يقدر يدفع تكاليف الشقة العادية اخذ المستودع من صاحب العمارة. عماد وهو نازل يفكر معقول ياسر شاله رابع دور لما اغمي عليه, عماد يطالع الدرج اللي نزل منه وقال: لهدرجة انا خفيف. ضحك شوي على اللي قاله ووصل اخر دور خرج من البوابة وراح لعند ياسر وداني اللي واقفين ينتظرونه عند السيارة داني: ايش فيك جيت بدري ما سلمت على ريم عماد: الا سلمت عليها وعلى حمد داني بعصبية: ايه عارف أصلا باين انك سلمت على العمارة كلها قبل لا تجينا. عماد: ايش فيه اخوك موب مستقر عقليا ياسر ضحك بعدين قال: قصده اتاخرت وايد المهم داني يللا ادخل السيارة عشان لا نتاخر داني: ما تخلي السيد المحترم اللي واقف جمبك يفتح السيارة اول عماد: يللا فتحناها ياخوي اتشرف ادخل جاء داني بيدخل وعماد من ورا السيارة بيسوي حركات على أساس وده يخنقه داني: تراني شايفك وقف عماد عن حركاته لما شاف انو صورته معكوسة في مرايا السيارة ضحك ياسر: عشان كذا احب هالولد ذكي ونبيه في نفس الوقت لازم تخلي بالك منه عماد: لا خلي بالك انت منه وانا خلي بالي في نفسي دخلو السيارة وهم متوجهين في طريقهم للمستشفى ___________________________________________________________ هذي المرة البارت جدا عادي وتافه بس شسوي ما لقيت وقت كافي عشان اكتب عذرا بس مو حطيته بدري هذي المرة على كلا اذا كان عندكم اي اسئلة بشان البارت انا مستعد لاستقبالها << مدري مين اللي يسال مين ~WJDAN~ and نظرة بنت مجنونة* like this.
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي: لقاءنا التاسعة مساء عند النهر ^_^ |
|
#95
09-28-2015, 05:17 PM
| ||
| | ||
| بسم الله الرحمن الرحيم السلام عليكم ورحمة الله وبركاته كيفك،؟،؟!؟ ان شاء الله بخير وافضل صحه وسلامه عيد مبارك من العايدين كل عام وانت بخير وبأفضل صحةة وسلامه تقبل الله منا ومنكم صالح الاعمال^^ البباااااارت جووووونااااان تسلم يدك اليوم خليته طويل احلى شي عمودي >>> يا الدلع الخبل هذا  يعني كيف اقول بس اني احبه هع5 😍😍موهعهعهعههه  >>لا يا شيخه طييوب يحب الكل فاجأني يوم قال لي ريم السالفه حقت يسوري >>يا شيخه انقلعي انتي و الدلع الاهبل حقك  اخخ بس منه وفطسني ضحك لما فجع ريم هععههه 😂وانا متوقعه ان احداث البارت الجاي راح تكون فيها اكشن راح يتضارب مع احد او يتخاصم مع اهله ويسو مشكله >> يا ولد على التوقعات يسوري اااه يا قلبي عليه مسكين يسوري هذا الكابوس مزعجه حزني ما توقعت يكون في شي مزعج يسوري مسكين بس متوقعه حلمه يسير حقيقه يعني عمودي ييكتشف سر خطير وهيك عنه او شي يخصه وهم كانو امخبينه عنه وما يقولون له ويبا ينتقم فيقتل داني مثل ما في الكابوس ريم ههههعهههههههههه فطستني ضحك هذي البنت خلعت الجزمه وجات تضربه هععهههههههههه😂😂 والرجال الي كان يطالع فيها اصله قليل ادب لاز دم ينضرب ضرب يخليه ينسى اسمه واحياته كلهاما يستحي ليش يطالعها بس شكلوا بيسير بينهم قصة حب >>> بالله احلفي هعتعهعهههه حمد اخخ شكله سسمع كلامهم الله يعينه بس حزني هو وداني ابوهم ما عنده دم او ضمير كذا يسوي في اولاده بقتله واقطع تقطيع بيدي صدق ما يستحي تفوووو عليه يحب هذا الولد الضحك فرفوش صغنووون فديته بس داني اخخخ منه بس بخنقه من كثر ما اني احببه بس يقهرني في برودته وتصرفاته الجافه ادري انوا مو ذنبه ذنب ابوه الزفت عارفه يوم راح يبتسم ابتسامه حلوة تصفي كل شي وضحكني يوم سوى عماد من وراه انه بيشنقه هعهههه وهو شافه هععههعع وناسه والله استمتعت بقرائة هذا البارت 😄😀😁 في كل يوم يزداد تألقكِ ومع كل بارت من بارتاتك تأخذنا بعيداَ هناك لنسير بين جمال الحروف ودقة المعاني وجودة الكلمات اشكرك كل الشكر حتى اضن ان هذه الكلمات لا تكفي لتعبر اعجابي بقلمك المبهر والشرف والفخر لي ان اكون متابعه لك شكرا لك ودوما وابدا تحياتي لك وكل التقدير اتمنى يعجبك ردي المتواضع 😊 الاسئله لك متى بتخلي البارت يسير فيه قتال يع هوع موجونع 🔫💣🔪 متى البارت الجاي !؟؟ وكمان حاول تكتب البارت الجاي من اول وخليه طووويل متل طول البحر مسموح لي اقتلك ولا لا ؟!!!^^🐸🍺 وهل سيموت احد شخصيات الرواية ؟!؟ وفي امان الله 
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اصعب 12 دقيقة فى حياة كل انسان | asmaanur | الحياة الأسرية | 11 | 07-23-2011 10:15 PM |
| أصعب 12 دقيقة فى حياة الانسان | احلام و البحر | مواضيع عامة | 88 | 09-18-2010 06:42 PM |
| أصعب 12 دقيقة في حياة الانسان | تامر عيد | مواضيع عامة | 2 | 09-28-2009 07:23 PM |
| قراءة هذه الرسالة تحتاج الى دقيقة واحدة ... اقراها فقد تنقذ حياة شخص واحد... | كيوزو | أرشيف المواضيع الغير مكتمله او المكرره او المنقوله و المخالفه | 26 | 02-14-2009 12:00 AM |
177Likes
العرض العادي
