|
| |||||||
| حوارات ونقاشات الانمي قسم خاصة بنقاشات مسلسلات الانمي وحلقاتها واسرارها و تحليل جميع الشخصيات وابطال الانمي |
 |
| | LinkBack | أدوات الموضوع | انواع عرض الموضوع |
|
#191
02-13-2015, 06:39 AM
| ||
| | ||
| اقتباس:
* عاد المقاطع حندورلنا من الحلقه الـ 12 من السيزون الاول   بما انو دا السيزون الحالي مَ قال حتى كلمتين ببعضها غضب1 * صدقيني قبل لا اتفرج عَ الحلقه ونا متأكده انو ايشيدا حيعذب ولدنا لازمم اصلا   لانها شغلتو الوحيده لما الهرجه تتعلق بكانيكي ولانو يستمتع بتعذيبو وتعذبينا معو  بس الحين اكدتي عليا مخاوفي :ha3: * حمستيني اكتر لماضي سوزويا , من اول ونا فيني فضول ابا اعرف ايش ماضيه ؛(وليه صار سادي كدا عديم المشاعر لانو اكيد وراه سبب * كنت حتفرج عَ الحلقه بالانجلش بس انشغلت فَ بنخمد الحين واصحى وتفرج عليها بإزنو بس يارب الاقي الترجمه من الفريق الي اتابعو نزلت وقتها  استناكِ يَ ستي Baka- and кυяσкσ тєтѕυуa# like this.
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر -  |
|
#192
02-13-2015, 03:55 PM
| ||
| | ||
 وعدنا لكم متابعينا الكرام من جديد  تقييمي الشخصي للحلقه السادسة 5\10 مو كأن كانيكي صار شخصية ثانوية؟ *^*  يا قوم خلآص ايشيدا الا يضايق كانيكي ما يخلي الولد بحاله شيء سلبي بكانيكي إذا ما قدر يتحكم بالكاكوجا وبقوته الجديده وهذا بيأثر عليه مستقبلًا لما يلاقوا السي سي جي مقر الأويجيري *^* طبعًا كانيكي ظهر بلقطتين بس وكلهم قاعد يصارخ بها تبًا *^* - زي م توقعت توكين الأصلع ما زال حيًا *^* تبا له *^* وشفنا ذكريات سوزويا يعني المسكين تربى على يد الغيلان وكان يتعذب و استعمل كلعبه بيدهم يا إلهي فهمنا ليش الولد سادي وسفاح وم يحس *^* حزنت عليه يعني كيف كان يتعذب وهو انسان شفنا كيف كان كانيكي يعاني من تعذيب ياموري له بالرغم انه "غول" وشفنا سوزويا وهو "بشري" مع انهم كلهم تعذبو لكن فيه فرق ما نقول إلا تبا لبيغ مدام وياموري والمسكين كان يسمي الوحش أمي بصيح يا عالم قربو سوزويا مني اعطيه ضمة حنان  - طبعًا بعد ما حبيت اياتو ما طلع بالحلقه ذي وين الأويجيري ليش م طلعوا  لكن بالمقابل طلعو الآنتيكو وطلع هيدي وطلعت توكا ونيشيكي والبزره أي2  توكا مسكينه يآخي لحد يتكلم قدامها عن كانيكي عجبتني الحركه الي سوتها غطت آذآنها وكلو تبن الي قدامها ،،رامو مدري ماري الي بدال توكا كل شوي تكسر لنا كاسالله يعين نيشيكي عليها بس الحيوانه ضربت الوتر الحساس بهينامي لازم تسألينعن كانيكي؟اء1 - هيدي ظهوره خفيف لكن ما زال مهتمًا بكانيكي من نظراتهه وخوفه وفهمنا ليش اشتغل بمهنة التوصيل عشان يشوف أخبار كانيكي اول بأول اتوقع لو عرفوا السي سي جي مقر الأويجيري يمكن هيدي يساعد كانيكي - وش بعد ايه زي ما توقع نايف وتوكين اكيرا تكرهه البومه عشانها قتلت امها تستاهل س1 مافيني رحمه لأكيرا ابد ،،بصراحهه نص الحلقه عن اكيرا وآمون يعني تحولو من شخصيه ثانويهإلى شخصيه رئيسية اء1  وطبعًا القرقره الي صارت بين آمون و اكيرا وقرقر قرقر قرقر يعنيخلاص عرفنا نهاية الأثنين بيحبون بعض ويتزوجون وعاشا بسعادة وهناء وانقلب الأنمي وانخبص لآ خلنا ايجابيين  - وشفنا بعد اللقطه الأخيره وكيف اختارو نخبة السي سي جي لإبادة الأويجيري والبومهه يا خوفي على ولدي كانيكي بس ويعني الحلقه ما فيها حاجهه ابد صراحه مالها داعي لو خلوها اوفا احسن لهم بس وجودكانيكي وسوزويا وهيدي والآنتيكو الي حلوها ولآ لو ما موجودين كان 0\10 التقييم س1
__________________  :a7eh:  |
|
#193
02-13-2015, 09:23 PM
| |||
| | |||
| _  * حلقه ماشي حالها تلخص الجزء الاول من هالسيزون كانت 6 حلقات حلوه للحين وعقبال باقي الـ 6 حلقات تكون اكثر جمالاً جديا , انا بحاجه اكتر من كدا لـ كانيكي , يآخي كأنو معد صار الشحصيه الرئيسيه  فَ هالموسم , لا سكرين تايم لا حوار حتى , لا شي من كانيكي اصلاً , اتسائل ليه ايشيدا سينسي و الـ √a , ككل جالسين يبعدونا عن كانيكي , ليه احنا بالكاد نشوفو ؟ودا الشي عن قصد ولا نوع من الاهمال بدون مَ يدركو قديش هالشي يضر اتصال المشاهدين - زيي - بالشخصيه الرئيسيه ؟ يعني خلاص كين كانيكي مش الشخصيه الرئيسيه من هالموسم يَ ايشيدا ؟ ولو كان مازال الشخصيه الرئيسيه فَ سؤالي هوا , كم عدد الكلمات الي قالها كانيكي هالموسم ؟ جدياً , اهمال واجحاف بحق البطل بشكل مش طبيعي ولا كأنو بطل اصلا غضب1 اعطوا كانيكي لو سطر واحد لو جملتين ورا بعض , اللعنه   * نشوف كانيكي لـ 10 ثواني بس هالـ 10 ثواني كافيه لإعطاء اي معجب بِ طوكيو غول وجع قلب شكرا ايشيدا سينسي ؛(  * شينوهارا بالمستشفى , وتكلم مع امون عن " صاحب رقعة العين " وخلاه يعرف انو كان يأكل الاراتا مش شينوهارا زاتو للاسف :hehehe: , وهنا اخيراً عرفنا ليه كانيكي صار مجنون وهائج وليه الكاكوجا صارت لاني فَ الحلقه الي فاتت استنتجت :‘( هالشي من رأسي بس برضو مَ كنت متأكده واستغربت ليه مَ عطونا نبذه عن هالطور :waat: فَ الحلقه الخامسه بس كويس انهم عملوها فَ هالحلقه , واهم حاجا قالها انو كانيكي مَ كان الا نصف كاكوجا وهالشي معناتو انو كانيكي المجنون كلياً لسا مَ شفناه حتى وكمان حذر امون انو كانيكي خطير , طبعاً كلنا نعرف هالشي ؛( بس برضو كلنا نعرف انو مسكين ويوجع القلب ويفتتو كمان  * هيدي هنا , اهلا هيدي , ارجوك ي رجل رح انقذ كانيكي ارجوك , بس لا تقرب منو هيدي يسأل عن " صاحب رقعة العين " للمره المليون واضح انو يعرف عنو ؛( وامون لساتو مازال يفكر بِ كانيكي وانو مختلف عن البقيه - شي جداً كويس امون سان - الحين انقلع ساعد ولدي قبل لا تجلس تفكر فيه وتتسائل عنو ونتا جالس كدا بس بلا طعمه :hehehe:  * جوزو فَ حديقة الحيوان , وهنا اخيرا صار عندنا الفلاش باك المنتظر لنشوف ونعرف ليه بحق الارض هوا سادي معدوم من المشاعر عَ الاطلاق , مع انو كان فِ حجب بس برضو كان شي مؤلم للمشاهده ؛( , عموماً بعد الحلقه رحت شفت المانجا - من هالجزئيه , فلاش باك جوزو - عشان افهم الهرجه مزبوط بدون حجب او حذف او حاجا وفعلاً فهمت , مَ علينا : سوزويا تم اختطافو وهوا صغير من قبل هالغوله الجزمه الي يسميها " ماما " للاسف وعذبتو كل انواع التعذيب وبكل بشاعه وشناعه بس عشانها كانت تبا جوزو يتحول لـ " فتاه " وخلتو جزار لها يقتل البشر لين فَ يوم من الايام جا شينوهارا والسي سي جي وانقذوه  طبعا السي سي جي انقذتو عشان مصلحتها ولانها تبا تستفيد من قدراتو ومهاراتو وقوتو  مش لوجه الله ابد , بس للآمانه شينوهارا شافو كَ " ضحيه " واخد الولد وخلا مسؤليتو عليه واهتم واعتنى فيه اكتر من البقيه ويعلموا الكثير من الحاجات وشفنا ؛( كيف جوزو اتحسنت طباعو شويا من بعد لقائو مع شينوهارا واللقطه لما البسه اقتربت منو ؛( ومَ عمل اي حاجا عشان يأذيها عَ عكس الطريقه الي كان يتعامل فيها مع النمل اول وكيف كان يسحقهم واحتمال كائنات حيه غيرها بس متأكده مع الوقت الولد حيصير احسن واحسن عجبتني الجزئيه الي جوزو اعتقد فيها انو شي عادي وطبيعي بالنسبه لو لو مات هوا ؛( و شينوهارا بس شينوهارا قال لـ جوزو انو حيكون حزين لو مات وصرلو حاجا , جوزو كان حيران لانو مَ عندو اي ادنى فكره عن معنى " الرعايه والاهتمام " اقتباس:
اقتباس:
اقتباس:
^ الزبده , طلع زي مَ قولت قبل كدا انو الولد صار عديم المشاعر بسبب التعذيب الي تعرضلو وإجبارو عَ القتل - دي كانت توقعات مَ جا ببالي كلها تصير صح - ؛(  * توكا تواجه مشكله فِ الدراسه بسبب كانيكي - توكا مو قادره تركز بسبب كانيكي - توكا مَ تقدر تعمل حاجا فِ حياتها بسبب كانيكي وفِ الوقت زاتو كانيكي جالس يعاني معها برضو بسبب انو فِ عضلات ضخمه تستمر تخرج غصب من ظهرو وتسببلو الام عقليه ونفسيه وبدنيه , ولدي جالس يهتز ويعاني محاولاً بصعوبه انو يخلي الكاكوجا تحت سيطرتو فَ الاخير حمد لله قدر انو يرجعها لجوا ؛( ونا تنفست الصعداء لكن مَ امداني اراتاح الا واشوف ولدي شكلو صار وكأنو حينفجر بالبكاء باللهي يَ كانيكي لا تحسسني اني عديمه القيمه ومقدر اساعدك , ابا اساعدك يَ ولدي بس كيف ماي بور كانيكي وكمان حقيقة انو وحدو هناك تخلي الهرجه اسوء , يعاني كفايه انو جالس يعاني مع الكاكوجا , كفايه انو سلك هالطريق الخاطئ غاصب نفسو , كفايه انو ترك احبابو وراه وصار مع منظمه فاسده , مَ عندو احد وبعيد عن اقرب واهم اتنين فِ حياتو توكا وهيدي فوق دا يَ ايشيدا سينسي تخليه يعيش بهالشكل والكآبه دي والحزن والوحده  * كانيكي كان فِ وضع مزري يَ جماعه , الولد يصارخ ونا اصارخ معو جد حرام عليك ايشيدا خاف الله فَ ولدي , اتوقع كان يشرب قهوه كتير لانو معد يبا يأكل بعد اليوم - خصوصا انو هالشي كان اخر شي قالو لامون - - كانيكي كان يشرب قهوتو بسكينه وسلام وفجأه ايدو تهتز وبعدها يفقد الشعور والسيطره ؛( واخيراً الكاكوجا حقتو تخرج من ظهرو بدون ارادتو , دا شي مؤلم للمشاهده عَ فكرا بالله متى اخر مره شفت ولدي يبتسم من قلب ؟ لحظاتو الاخيره فَ الانتيكو فَ السيزون الاول كانت اخر مرا شفناه يبتسم , ليا تقريباً 8 حلقات ومَ شفت كانيكي يبتسم طب ليه ؟ ليه القساوه دي معو ايشيدا سينسي ؟ مرتاح كدا ؟ ضميرك مرتاح ؟ حسبي الله بس مدري ايش عندو ضد بطلنا والله دا الولد يحتاج لـ احضان وكوب من القهوه ويحتاج انو يتم انقاذو لانو ضايع - ليت مي هق يو ماي بور بيبي -  * اغنية النهايه ورسومات ايشيدا سينسي كانت من ذهب بإختصار مع ذلك قتلتني مجرد رؤية كانيكي بنفسو القديمه وبعدها يتمزق ببساطه ايشيدا سينسي جالس يعذبنا ؛( كوروكو ليا تعقيب عليكِ بإزنو ‘$
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر - |
|
#194
02-13-2015, 09:37 PM
| |||||||
| | |||||||
| اقتباس:
* صار شخصيه ثانويه وبقوه كمان , اليوم ونا اتفرج عَ الحلقه كنت بقول كدا فِ نفسي جد شي يقهر , بطل بكبرو صاير مهمش وشخصيات يُفترض انها تكون ثانويه صايره تظهر اكتر منو حاجا مستفزه واللهي  اقتباس:
* مرا مَ يخليه فَ حالو , مدري ايشبو ضد ولدنا يَ كوروكو مش طبيعي الي جالس يعملو فيه والله , من اكتر الابطال الي اشوفهم ؛( يتعذبو فَ مسلسلهم ودا غير انو اتورط فِ هالعالم القاسي جداً بدون لا يعمل اي حاجا جد ظلم , اه يَ كانيكي الله معك بس حتعاني اكتر صدقني حبيب البي اقتباس:
* للاسف واضح اننا مَ حنرتاح من الصلعه فَ المدى القريب :hehehe: سوزويا حزني بشكل مَ تتصوريه شويا وحبكي معو كنت , جد والله رحمتو يعني ابد ابد مَ ينلام عَ شخصيتو الساديه حالياً , الولد اتعذب واجبر عَ حاجات شنيعه لين مَ تحول لنفس الشي الي كان يتعمل فيه من تعذيب وقتل , سوزويا يآخي ماي بور بيبي انتا كمان فعلاً , فرق كبير بين غول يتعذب وبين انسان عادي يتعذب لكن كانيكي ؛( ساعتها كانت اول مرا يتعذب برضو ومَ كان غول كلي وكان يتألم هوا كمان لانو ياموري كان يستخدم معو حاجات خاصه لتعذيب الغيلان , زي الإبر والحريش والمفك فَ مَ اشوف انو فِ فرق بينهم بالعكس اشوف الاتنين متشابهين جداً ؛( من الناحيه دي بس الفرق انو كانيكي بعد تعذيبو مَ سلك نفس مسار سوزويا ايوا يوم يقولها ماما قلبي يتقطع وقولت حرام عليها دي تتسمى ماما بس معليه تعال عندي ونا حعوضك عنها الخرا يَ ولدي التالت اقتباس:
* جد الاوغيري يعملو جو جميل وفخم فَ اي حلقه يطلعو فيها , وفقدناهم فِ الحلقه دي ؛( وبدل لا يجيبولي الاوغيري ضيعو 12 دقيقه كامله فِ اكيرا وامون والـ 12 الباقيه :n3m: مقسمه عَ الباقي توكا جد تحزن والله , البنت مو قادره تكمل حياتها بدونو وهنا اوقات ازعل من ولدي انو سابها وكأنو مش حاس فيها واوقات اقول لا هوا كمان مَ كمل حياتو زيها ويفكر فيها بس انو سابها عشان مصلحتها وعشان يصير اقوى ويحميها , اتمنى الحلقه الجايا ايشيدا يجمع هالاتنين فِ بعض لانهم حيرتاحو بعدها والله , اتمنى يتقابلو ويتكلمو ويفضفضو لبعض ولو اني من معرفتي بشخصية توكا فَ حاسا انها مَ حتتقبل رجعتو ومَ حتتقبل كلامو وممكن تعاملو ؛( بقسوه وتندم بعدها مدري ليه دا السينياريو الوحيد الي شايفه انو حيصير بينهم , ياربي يخيب ظني اسمها روما يَ رامو انتي :hehehe: , دي الادميه مَ ارتحتلها عَ فكرا احس وراها حاجا -_-1خصوصاً يوم سألت عن كانيكي مرا مَ ارتحتلها  اقتباس:
* هيدي يَ ستي شي جمييييل , احبو احبو احبو ئد الدونيا افضل صديق الواحد ممكن يلاقيه وزي مَ قولت قبل كانيكي محظوظ فيه مَ استغربت انو سبب شغلو الحالي كان عشان كانيكي بالعكس توقعت هالشي ؛( لانو السي سي جي فعلاً هيا افضل وسيله عشان يعرف عن صحبو ومكانو وزي مَ قولتي لو السي سي جي اكتشفو محل الاوغيري اكيد هيدي حيسحب عليهم ويساعد صحبو بأي طريقه اقتباس:
بالزات هوا الي صار الشخصيه الرئيسيه للانمي , فَ كل حلقه ناطلنا ولقطاتو وهرجو وحواراتو كتير اكتر من البطل زاتو حتى - اوكي امون سان ترا انا حبيتك فَ لا تخلي مشاعري ناحيتك تتغير بسبب نشبتك يآخي - :hehehe: جد مرا مَ حبيت انو حلقه كامله نصها ضاع فِ هالاثنين وجد واضح زي مَ قولتي اخرتها يحبون بعض ويتزوجون ويخلفون ويعيشون بسكينه ووقار وجع يآخي :ha3: سينياريو متوقع وبايخ جداً مرا مَ حبيتو من ايشيدا سينسي خير1 واكيرا فعلا انسانه مَ تنبلع , كريهه وغثيثه ومستفزه فرحت انو ابوها ومامتها ماتو  لانو ابوها مَ يفرق عنها بحاجا واكيد مامتها برضو زيهم :hehehe: , يعني الزبده انهم عيله عباره عن غثا وحمد لله افتكينا من اتنين بقا الفرد التالت منهم ونرتاح :ha3: اقتباس:
* حاسا انو فِ حرب كبيره قادمه عَ فكرا , بين السي سي جي والاوغيري والانتيكو كمان يكونو طرف منها ضد السي سي جي برضو بس مستقلين انو مَ حيتعاونو مع الاوغيري ابد ؛( كدا ولا كدا لازم الحرب تصير , بس احس ممكن حتبدأ عَ نهاية الحلقه الجايه او الي بعدها  وفِ ناس حتموت انا متأكده ومهيأه نفسي من دحين والله بس ايشيدا ارأف بقلبي ارجوك اتفق معك انو وجود سوزويا وتوكا وهيدي ولقطتين من البطل الرئيسي هوا الي جمل الحلقه ؛( عموماً , اتمنى اشوف المزيد من السطور واللقطات لكانيكي فَ الحلقات الـ 6 الباقيه مَ ينفع كدا يآخي غضب1 انا لو يجيبولي حلقه كامله مكمله عن كانيكي مَ حتكفيني :ha3: كيف اجل لقطتين لو جمعناهم مع بعض مَ توصل لـ 10 ثواني حتى لا والمشكله مَ يهرج مخلينو كدا عَ الصامت مَ غير يخلوه يصارخ وجع فَ من الحلقه الجايا اتمنى ولازم كمان انهم يكثرو من ولدي لانو الانمي مش ولابد من غير بطلو  , وكمان توكا وهيدي حضورهم يجمل الحلقات اتمنى تواجدهم بكثره لانهم صارو مهمشين دا الموسم خصوصاً توكا بما انو هيدي مهمش من يومو
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر - |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| إبداع متفجر ! : هذا العالم خاطئ ! تقرير عن : [ Tokyo Ghoul ] * | ناتسو | NATSU | - تقـارير الأنيميّ | 14 | 10-31-2017 07:05 PM |
| Everything is okay in the end! .. *Tokyo Ghoul | ʂօlმ..ʂმომ | صور أنمي | 3 | 11-10-2014 06:17 PM |
| صور قائدة tokyo mew mew | ميساكي♪ | صور أنمي | 6 | 07-17-2013 07:08 AM |
| صور tokyo mew mew | miku | صور أنمي | 7 | 12-12-2012 07:52 PM |
| tokyo mew mew | @بنت الانمي | أرشيف المواضيع الغير مكتمله او المكرره او المنقوله و المخالفه | 12 | 05-28-2010 11:41 AM |
535Likes
العرض العادي
