السلام عليكم ورحمه الله وبركاته
شونك حبايبي انشالله بخير وصحه وعافيه
اليوم هم جبت شكم نكته خلي نضحك ونطلع
من هذا القهر اللي ضاربنا نبدا



نصيحه شتويه
اذا لم تستطيع النهوض من النوم صباحا للدوام بسبب البرد
تعوذ من الشيطان
وغطي نفسك زين
وكمل نومتك
وكن متاكد ان الدنيا مو واقفه عليك

عندما يسقط المطر
الفرنسيه تكول .. ياااااااي شون جو رومانسي
الاميريكيه..وااااااااااااااو شون جو رائع
العراقيه تكول ..وي نسيت الهدوم على الحبل

واحد عراقي كتب بال Googleماذا تريد المراة
رد عليه الGoogle:الله وكيلك احنا هم دنبحث وياك

شنو اكثر جمله تسمعها من امك؟!!!!!!!!
1-بس هذا اللي شاطر بيه -بس كاعد على الزفت الحاسبه
2-كوم اقرالك كلمتين ينفعوك احسن من هذا التلفزيون اللي راح يفسد العالم
3-ان شاءالله كل اللي تسويه بيه تشوفه من جهالك
4-ياريت لو تحفظ دروسك مثل ماتحفظ الاغاني
5-اني اعرف شلون اربيكم من جديد
6-حقك ﻻن اكو خدامه تشيل وراك
7-احد كال اني كاعده على بنك
8-بلله لو صديقك يريدك موجان طلعتله ركض بس من اصخرك تكول تعبان

اسماءالاشاره العراقيه:؟؟
( هاذاكا -هاذي- ذاكا-ذيجا-ذولي-ذوﻻكا-هناكا-هذوﻻ-ذوﻻ)
مدمرين اللغه العرابيه
احلى شئ لمن واحد يكول
جيب الهاذا من فوك الهذاك
الثاني سبحان الله يفهم يروح يجبه

قمه الاحراج تدرون شنو
لمن واحد ينطيك شئ وانت تكوله ﻻﻻ مااريد تسلم .....مشكور....
ويكولك ﻻ مو الك بس الزمها شويه ﻻن غراض بيدي هوايا
وياكاع انشكي وابلعيني




ارجو انكم استمتعتم بهذا وضحكتم
في امان الله